დიდი არჩევანი, კარგი ფასები

Thursday, December 31, 2015

„ფიატმა“ შეიძლება სახელი „ტოპოლინო“ ბაზარზე დააბრუნოს

Fiat Topolino nameplate could be revived – Report
31 დეკემბერი
„ფიატმა“ თავისი მივიწყებული მოდელი 500 ბაზარზე 2007 წელს დააბრუნა. და მას შემდეგ ეს ავტომობილი საკმაო პოპულარობით სარგებლობს. ამას მოჰყვა „ფიატ ტიპოს“ და „ფიატ 124 სპაიდერის“ დაბრუნება და ბაზარმა ისინიც კარგად მიიღო. და როგორც ჩანს, ტურინელებს მადა ჭამაში მოუვიდათ - გავრცელებული ინფორმაციით, ისინ კიდევ ერთი ძველი სახელის, „ტოპოლინოს“ დაბრუნებას აპირებენ.

„ბუგატი შირონის“ მაქსიმუმი 467 კმ/სთ იქნება

Bugatti Chiron capable of hitting 467 km/h (290 mph) – Report
31 დეკემბერი
როგორც ჩეხური გამოცემა „მაგაზინ პროდრაივერ CZ“ იუწყება, „ბუგატის“ უახლეს ჰიპერ ავტომობილ „შირონის“ მაქსიმალური სიჩქარე 467 კმ/სთ-ს მიაღწევს. ეს ინფორმაცია გამოცემამ კომპანიის იმ პოტენციური მომხმარებლებისგან მოიპოვა, ვისაც ამ ავტომობილის პრივატულ წარდგენაზე დასწრების საშუალება მიეცა.

Wednesday, December 30, 2015

რიკარდო: „რედ ბული“ დაბრუნდება

Daniel Ricciardo Says Red Bull Will Bounce Back
30 დეკემბერი
დიდი ხანი არ გასულა მას შემდეგ რაც „რედ ბულმა“ ზედიზედ ოთხჯერ მოიპოვა კონსტრუქტორთა თასი და პილოტების მსოფლიო ჩემპიონის ტიტული. მაგრამ ორი სეზონია, „მერსედესის“ და „ფერარის“ ჩრდილში გადაინაცვლა და ლამის პელოტონის შუამდეც ჩამოქვეითდა.

სერხიო პერესი „ფორს ინდიას“ ოთხეულისთვის ბრძოლას მოელის

Sergio Perez Expects Force India To Fight For 'Fourth'
30 დეკემბერი
გასულ სეზონში „ფორს ინდიამ“ დაამტკიცა, მისი სახელი სიტყვა „ძალას“ ტყუილად არ მოიცავს. ინდურმა გუნდმა, სეზონის მეორე ნახევარში, არაერთხელ გვიჩვენა თავისი ძალა. და რაც მთავარია, სეზონის მსვლელობისას დაგვანახა, რომ სწრაფად განვითარების უნარი შესწევს. რა თქმა უნდა, ძნელი დასაჯერებელია, რომ „ფორს ინდია“ შეძლებს „მერსედესის“ და „ფერარის“ გასწრებას, მაგრამ თუ ასე გააგრძელებს, „რედ ბულს“ და „უილიამსს“ ნამდვილად გაუწევს კონკურენციას.

Monday, December 28, 2015

„მერსედესის“ ახალმა E-კლასმა ტესტებისას 12 მილიონი კილომეტრი გაიარა

 Mercedes-Benz Has Tested The Upcoming E-Class For 12 Million Kilometers
28 დეკემბერი
„მერსედეს-ბენცი“ დეტროიტის საერთაშორისო მოტორ შოუზე, შემდეგი თაობის E-კლასს წარადგენს. პრემიერამდე რამდენიმე დღით ადრე კი გერმანულმა კომპანიამ ვიდეო გაავრცელა, რომლითაც, ამ ავტომობილის ტესტების შესახებ მოგვითხრობს.

ლაუდა: „ფერარის“ განვითარების მეტი პოტენციალი აქვს

Mercedes warns Ferrari has greater potential to develop
28 დეკემბერი
„მერსედესის“ არააღმასრულებელი თავმჯდომარე ნიკი ლაუდა ამბობს, რომ მისი გუნდის მთავარ მეტოქე „ფერარის“, ახალი სეზონისთვის სარბოლო ავტომობილის უკეთ მომზადების და სრულყოფის მეტი პოტენციალი აქვს. სკუდერიამ გასული სეზონის მსვლელობისას დაამტკიცა, რომ სამქიმიანების დაწევა შეუძლია. ამის დასტურად, სებასტიან ფეტელმა სამი გამარჯვების მოპოვება შეძლო.

Sunday, December 27, 2015

„ფორდი“ კალიფორნიაში ავტონომიური ავტომობილების ტესტებს ისყებს

Ford Starting Autonomous Vehicle Testing In California
27 დეკემბერი
„ფორდმა“ კალიფორნიის ხელისუფლებისგან, საერთო სარგებლობის გზებზე, ავტონომიური ავტომობილების ტესტირების უფლება მიიღო და მის გამოყენებას მომავალი წლიდან შეუდგება. სატესტოდ კი სედან „ფიუჟნის“ (მონდეოს ამერიკული ანალოგი) შესაბამისად აღჭურვილ ავტომობილს გამოიყვანს.

„ტოპ გიარის“ ახალი წამყვანები

Top Gear presenters: Virtually unknown Chris Harris and Sabine Schmitz 'to be Chris Evans' sidekicks'
27 დეკემბერი
პოპულარული საავტომობილო გადაცემა „ტოპ გიარი“ მალე ეთერს ახალი წამყვანებით და შეცვლილი ფორმატით დაუბრუნდება. „ტელეგრაფის“ ინფორმაციით, გადაცემის მასპინძელ კრის ევანსს, რომელიც გადაცემის ახალ ფორმატზე უკვე მუშაობს, ასევე ცნობილი საავტომობილო წამყვანი - კრის ჰარისი და გერმანელი ქალი მრბოლი საბინე შმიტცი შეუერთდებიან.

Saturday, December 26, 2015

„ტესლა“ ორ წელიწადში ავტონომიურ ავტომობილს გვპირდება

Tesla Plans To Launch Fully Autonomous Car Within The Next Two Years
26 დეკემბერი
ელექტრომობილების მწარმოებელ „ტესლა მოტორის“ დამაარსებელი და მთავარი აღმასრულებელი ელონ მასკი ამბობს, რომ ავტონომიური მოდელები მალე დაიმკვიდრებენ თავს საავტომობილო ბაზარზე. გამოცემა „ფორჩუნთან“ საუბრისას, მასკმა განაცხადა, რომ მისი კომპანიის პირველი ავტონომიური ავტომობილი მზად 2017 წლის მიწურულს იქნება, თუმცა კიდევ მინიმუმ ერთი წელი დასჭირდება იმას, რომ ასეთი ავტომობილების ექსპლუატაცია კანონით იქნას დაშვებული. უფრო მეტიც, ის ამბობს, რომ ზოგიერთი იურიდული საკითხის მოგვარებას, ხუთი წელიც კი შეიძლება დასჭირდეს.

სერბული კომპანიის ამბიციური გეგმები

26 დეკემბერი
სერბეთში მუშაობა დაიწყო ახალმა საავტომობილო კომპანიამ, სახელად „აქოსმა“, რომელიც კომპაქტური და უგზოობის, ასევე სუპერ ავტომობილების წარმოებას გეგმავს. გერმანულ გამოცემა „აუტო მოტორ უნდ შპორტის“ ინფორმაციით, სერბული კომპანია თავის პირველ ავტომობილებს ჟენევის მოტორ შოუზე წარადგენს.

„სუბარუ“ ტოიკიოს ავტო სალონზე STI-ს სამ კონცეპტ ვერსიას წარადგენს

Subaru is bringing a trio of STI concepts to the Tokyo Auto Salon
26 დეკემბერი
ტოკიოს ავტო სალონისთვის, „სუბარუ“ და მისი დივიზიონი STI (სუბარუ ტექნიკა ინტერნეიშნლ), სამ კონცეპტუალურ ავტომობილს ამზადებს, რომელთაგან ერთი პოპულარულ კუპე BRZ-ზეა ბაზირებული. ამ სამეულიდან, იაპონურმა კომპანიამ ჯერჯერობით მხოლოდ ერთი გაგვაცნო - „STI პერფორმენს კონცეპტი“ (ფოტოზე), რომელიც პირველად აპრილში, ნიუ იორკის ავტო შოუზე ვიხილეთ. დანარჩენი ორი კი კომპანიის გარეთ ჯერ არავის უნახავს.

Friday, December 25, 2015

„ლამბორგინი ჩენტენარიო“ „ავენტადორის ბაზაზე დამზადდება

Lamborghini Centenario Might Be Based On The Aventador, Winkelmann Says
25 დეკემბერი
„ლამბორგინი“ ახალ სუპერ ავტომობილზე მუშაობს, რომელიც მისი დამაარსებლის, ფერუჩო ელიო არტურო ლამბორგინის დაბადების 100 წლის იუბილეს მიეძღვნება. და როგორც კომპანიის შეფმა სტეფან ვინკელმანმა მიანიშნა, ეს ავტომობილი არა „ურაკანის“, არამედ „ავენტადორის“ ბაზაზე აიგება. მისი თქმით, როცა ავტომობილის წარმოება ძალიან შეზღუდული რაოდენობით იგეგმება, მაშინ ინჟინრები საფუძვლად „ავენტადორს“ იღებენ.

ფ1-ში მონცას შესანარჩუნებლად კანონის შეცვლაა საჭირო

Law Change Could Save The Famous Italian F1 Grand Prix At Monza
25 დეკემბერი
დიდი შანსია იმისა, რომ მონცას ავტოდრომი კვლავაც შეძლებს ფორმულა 1-ის მასპინძლობის შენარჩუნებას. ავტოდრომს ფ1-ის მსოფლიო ჩემპიონატის ორგანიზატორებთან მიმდინარე კონტრაქტი, მომავალი სეზონის ბოლომდე აქვთ. და თუ მისი განახლება არ მოხერხდა, მაშინ ფ1 ლეგენდარულ ტრეკს დაკარგავს. ბერნი ეკლსტოუნი უკვე დიდი ხანია, კონტრაქტის განახლებას ცდილობს, მაგრამ მონცა ფინანსურ გარანტიებს ვერ იძლევა.

Thursday, December 24, 2015

პეკინში ავტომობილების გადაადგილება შეზღუდულია

Beijing Drivers Could Face Fines for Traveling on the Wrong Day
24 დეკემბერი
დიდი ხანია, რაც პეკინის მთავარი პრობლემა, დაბინძურებული ჰაერი და მის დამაბინძურებლებთან ბრძოლაა. მაგრამ შედეგი ფაქტობრივად ნულოვანია. ახლახანს ქალაქმა რამდენიმე დღე ჯერ ნარინჯისფერი, შემდეგ კი წითელი (უმაღლესი) განგაშის პირობებში გაატარა. სიტუაცია დროებით გამოსწორდა, თუმცა პრობლემა ძველებურად მწვავედ დგას.

ჰამილტონი ღარიბი ბავშვებისთვის სკოლების აშენებას აპირებს

Hamilton reveals he is dyslexic, wants to build schools for kids
24 დეკემბერი
მსოფლიოს სამგზის ჩემპიონმა, „მერსედესის“ პილოტმა ლუის ჰამილტონმა უჩვეულო ინტერვიუ მისცა ბავშვებს, რომელიც გერმანულ გაზეთ „შტუტგარტერ ცაიტუნგში“ გამოქვეყნდა. ინტერვიუს დროს მან განაცხადა, რომ ბავშვობაში კარგად სწავლაში ხელს დისლექსია უშლიდა.

„ფორდმა“ წელს რეკორდულად ბევრი პატენტი დაარეგისტრირა

Ford Has Registered a Record Number of Patents This Year
24 დეკემბერი
გასულ წელს „ფორდ მოტორმა“ დაახლოებით 5 900 გამოგონებაზე გააკეთა საპატენტო განაცხადი. ცისფერი ოვალი სიამაყით აცხადებს, რომ წინა წელთან შედარებით, მისი საპატენტო განაცხადების რაოდენობა დაახლოებით 36 პროცენტით გაიზარდა. განსაკუთრებით გაიზარდა იმ გამოგონებათა რაოდენობა, რომლებიც ელექტრული ავტომობილების ტექნოლოგიებს ეხება.

Wednesday, December 23, 2015

„მერსედეს-ბენცმა“ შეიძლება ელექტრული ქროსოვერი ELC გამოუშვას

All-Electric Mercedes-Benz ELC Crossover Could Arrive In 2018
23 დეკემბერი
ელექტრომობილების მწარმოებელ ამერიკულ კომპანია „ტესლას“ ჯერ თავისი პირველი ქროსოვერი „მოდელ X-ი“ ბაზარზე არ გამოუყვანია და მისი კონკურენტების შექმნაზე უკვე მუშაობენ პრემიუმ სეგმენტის გერმანული კომპანიები. მათ შორის პირველი ალბათ „აუდი“ იქნება, რომელიც მალე ელექტრულ უგზოობის მოდელ „Q6 e-ტრონის“ წარმოებას დაიწყებს. და როგორც ჩანს, ძალიან არც „მერსედეს-ბენცს“ დააგვიანდება.

„სუზუკი“ ინდოეთში ახალ ქარხანას ააშენებს

90% of Maruti shareholders approve of Suzuki building the Gujarat plant
23 დეკემბერი
„სუზუკი“ ინდოეთის შტატ გუჯარათში ახალ ქარხანას ააშენებს, სად წარმოებულ ავტომობილებსაც, მისგან პარტნიორი კომპანია „მარუტი“ შეიძენს და საკუთარ სადილერო ქსელში გაჰყიდის. ამ გადაწყვეტილების მიღებას, ინდურ-იაპონურ ალიანს „მარუტი სუზუკის“ აქციონიორთა უმრავლესობამ დაუჭირა მხარი.

„ჰაასის“ სარბოლო ავტომობილი მზად თებერვალში იქნება

Haas F1 Car Will Be Ready In February, Team Confident It's On Time
23 დეკემბერი
ფორმულა 1-ის ახალი გუნდის, ამერიკული „ჰაას F1-ის“ პირველი სარბოლო ავტომობილი მზად 21 თებერვალს, პირველი ტესტების დაწყებამდე ერთი დღით ადრე იქნება. ავტომობილი „ფერარის“ იმ აგრეგატით აღიჭურვება, რომლითაც მარანელოელთა გუნდმა ეს სეზონი დაასრულა. გარდა ამისა, ამერიკული საჯინიბო „ფერარისგანვე“ მიიღებს ტრანსმისიას და საკიდარის კომპონენტებს. რაც შეეხება შასის, „ჰაასისთვის“ ის სარბოლი ავტომობილების წარმოებაზე სპეციალიზებულმა იტალიურმა კომპანია „დალარამ“ შეიმუშავა.

„შევროლემ“ შეიძლება „კორვეტის“ ელექტრული ვერსია გამოუშვას

Corvette To Go The EV Way After GM Trademaks "E-Ray" Moniker?
23 დეკემბერი
შეერთებული შტატების საპატენტო ოფისმა, „შევროლეს“ ორ სავაჭრო ნიშანზე, „კორვეტ E-რეისა“ და „E-რეიზე“ დაუკმაყოფილა განაცხადი. ეს კიდევ ერთი დასტურია იმ ვარაუდზე, რომ „ჯენერალ მოტორსის“ ყველაზე მასობრივი ბრენდი, თავისი სუპერ ავტომობილის ელექტრული ვერსიის გამოშვებას აპირებს. ორივე სახელი „სტინგრეისთან“ არის დაკავშირებული, რომელიც მეშვიდე თაობის „კორვეტის“ მეტსახელია.

Tuesday, December 22, 2015

„მაკლარენმა“ „675LT სპაიდერი“ ორ კვირაში სრულად გაჰყიდა

McLaren 675LT Spider Sells Out In Just Two Weeks
22 დეკემბერი
„მაკლარენს“ სულ ორი კვირა ეყო იმისათვის, რომ თავის ღია სუპერ ავტომობილ „675LT სპაიდერის“ სრული ტირაჟი - 500-ვე ეგზემპლარი გაეყიდა. საინტერესოა, რომ ჯერ კიდევ „675LT კუპეს“ პრემიერისას, უოკინგელებმა მკაცრად უარყვეს მისი ღია ვერსიის გამოშვების შესაძლებლობა. მაგრამ მომხმარებელთა დაინტერესების გამო, გადაწყვეტილება მალევე შეცვალეს.

ედრიან ნიუი „ჰონდას“ დაწინაურებას მოელის

Newey sees Honda as a threat for 2016
22 დეკემბერი
„რედ ბულის“ ტექნიკური დირექტორი ედრიან ნიუი ვარაუდობს, რომ მომავალ სეზონში „ჰონდა“ და მასთან ერთად „მაკლარენიც“, გაცილებით უკეთეს ფორმაში იქნებიან და შესაძლოა, „რედ ბულიც“ უკან მოიტოვონ. ნიუი ამბობს, რომ მის გუნდს კვლავ რთული სეზონი ელის, რადგან ისევ „რენოს“ აგრეგატზეა დამოკიდებული, რომელიც მეტოქეებისას სიმძლავრით ჩამორჩება.

„ნისანმა“ LMP1 პროექტი შეაჩერა

Nissan withdraws LMP1 entry from 2016 WEC
22 დეკემბერი 
„ნისანმა“ გამძლეობაზე რბოლების მსოფლიო ჩემპიონატიდან საკუთარი განაცხადი გამოიტანა. იაპონური კომპანია აღნიშნული სერიის უმაღლეს, LMP1 კატეგორიას, სადაც 1999 წლის შემდეგ არ უასპარეზია, გასულ სეზონში დაუბრუნდა. მან ლე მანის 24-საათიან რბოლაში, ინოვაციურ სარბოლო პროტოტიპ „GT-R LM ნისმოთი“ იასპარეზა, რომელსაც ძრავი წინ აქვს განლაგებული.

Monday, December 21, 2015

„ჯანარელი დიზაინ-1“ – „კობრას“ იდეური შთამომავალი ემირატებიდან

21 დეკემბერი
„ჯანარელი“ - ჟღერს იტალიურად, მაგრამ არის არაბული დამწყები კომპანია ემირატებიდან, რომელიც მალე სუპერ ავტომობილ „დიზაინ-1’ის“ წარმოებას დაიწყებს. ღია ორადგილიანი ავტომობილი გარეგნულად ლეგენდარულ „AC კობრას“ ჰგავს და ის ბაზარზე მომავალ წელს გამოვა. კომპანია შეკვეთებზე იმუშავებს. ყოველი ავტომობილი ხელით აეწყობა და თითოს დამზადებას დაახლოებით სამი თვე დასჭირდება.

Sunday, December 20, 2015

„რენო“ მოდელ „მეგანის“ სედანისძარიან ვერსიასაც გამოუშვებს

Renault Megane Will Get a Sedan Version in 2016
20 დეკემბერი
„რენო“ მეოთხე თაობის ჰეჩბეკ „მეგანის“ სედანისძარიან ვერსიას, მომავალი წლის დასაწყისიდან გამოუშვებს. ამის შესახებ, ჰეჩბეკ „მეგანის“ მთავარმა ინჟინერმა ფაბრის გარსიამ, ავსტრალიურ გამოცემა „მოტორინგთან“ საუბრისას განაცხადა. მანვე დაადასტურა ადრე გავრცელებული ინფორმაცია იმის შესახებ, რომ არ იგეგმება „მეგანის“ სამკარიანი და ღია ვერსიების გამოშვება.

„ლამბორგინი ურაკანის“ გამა ახალი ვერსიებით შეივსება

Lamborghini Huracán range to expand with new models
20 დეკემბერი
„ლამბორგინის“ მთავარ აღმასრულებელ სტეფან ვინკელმანის თქმით, მოდელ „ურაკანის“ ვერსიების გამა მალე მინიმუმ ხუთამდე გაიზრდება. ახალი, უკანა ამძრავიანი LP580-2-ის გამოსვლის შემდეგ, „ურაკანის“ ვერსიების რიცხვი ოთხამდე გაიზარდა. ეს ოთხეულია: „LP610-4 კუპე“, „LP610-4 სპაიდერი“, „LP620-2 სუპერ ტროფეო“ და ზემოთ ნახსენები LP580-2.

„ოპელი“ ახალ GT-ს 2018 წელს გამოუშვებს

Opel Reportedly Developing All-New GT Sports Car For 2018
20 დეკემბერი
კონცეპტი ოპელ მონცა
„ოპელი“ ჟენევის მოტორ შოუზე პრემიერისთვის ახალ კონცეპტუალურ ავტომობილს ამზადებს, რომელსაც, კომპანიის შეფ კარლ-თომას ნოიმანას თქმით, ამ ეტაპზე ალბათ არავინ ელის. მას არ დაუზუსტებია, რა ტიპის ავტომობილზე აქვს ლაპარაკი. არაოფიცალური ინფორმაციით, ეს უნდა იყოს ახალი GT, რომელიც არა 2007-2009 წლების GT-ს შთამომავალია, არამედ ამავე სახელის მქონე ორადგილიანი ავტომობილისა, რომელსაც რიუსელსჰაიმელები 1968-1973 წლებში აწარმოებდნენ.

„ტორო როსო“ მუშაობის მეთოდებს ცვლის

Toro Rosso F1 team changing working methods after 2015 troubles
20 დეკემბერი
„ტორო როსოს“ შეფი ფრანც ტოსტი დარწმუნებულია, რომ მის გუნდს მუშაობის მეთოდების შეცვლა მოუწევს იმისათვის, რომ მისმა პილოტებმა პელოტონში წინ წაწევა შეძლონ. გასული სეზონის დასაწყისში, იტალიურმა გუნდმა კონსტრუქტორთა პირველობაზე მეხუთე ადგილის დაკავება დაისახა მიზნად, თუმცა მეშვიდეს დასჯერდა. მართალია, ამის მთავარი მიზეზი, „რენოს“ სუსტი და არასაიმედო აგრეგატი იყო, მაგრამ ტოსტი ამბობს, რომ „ტორო როსოსაც“ აქვს მუშაობა დასახვეწი.

„ფორდ რეინჯერი“ ევროპაში ყველაზე გაყიდვადი პიკაპია

Ford Ranger Is Europe's Best-Selling Pickup Truck
20 დეკემბერი
ევროპის კონტინენტზე, პიკაპების სეგმენტის ყველაზე გაყიდვადი ავტომობილი, „ფორდის“ მოდელი „რეინჯერია“. ამერიკულ კომპანიას აქ პირველ 11 თვეში უკვე 25 500 „რეინჯერი“ აქვს გაყიდული, რაც წინა წლის ანალოგიურ მაჩვენებელზე დაახლოებით 32 პროცენტით მეტია. ახლანდელი თაობის მოდელის ბაზარზე გამოსვლის შემდეგ (2011 წელს), ცისფერი ოვალის წილი ევროპის პიკაპების სეგმენტში, 11.7-დან 23.5 პროცენტამდე გაიზარდა.

„კადილაკი“ აქცენტს წყალბადზე აკეთებს

Cadillac's Chief Marketing Officer: "Hydrogen Is the Future, Current EVs Make No Sense"
20 დეკემბერი
„კადილაკის“ მარკეტინგის შეფი უვე ელინგჰაუსი თვლის, რომ მომავალი წყალბადზე მომუშავე ავტომობილებისაა, რადგან ელექტრომობილებისთვის საჭირო ენერგიის უდიდესი ნაწილის გამომუშავებას, მაინც ორგანული საწვავი სჭირდება. ეს კი ნიშნავს, რომ ახლანდელი ელექტრომობილები, ასე თუ ისე, მაინც შეიძლება გარემოს დამბინძურებლებად ჩაითვალოს.

Saturday, December 19, 2015

„მერსედესს“ საჩემპიონო გადასახადს გადაახდევინებენ

Mercedes has 'bitter-sweet' feeling over record $4.8 million entry fee
19 დეკემბერი
„მერსედესის“ ფ1-ის გუნდის შეფმა ტოტო ვოლფმა განაცხადა, რომ გაწბილებულია იმით, რომ მის გუნდს, მომავალ ჩემპიონატში მონაწილეობის მისაღებად, არც მეტი, არც ნაკლები, 4.8 მილიონი დოლარის გადახდა მოუწევს. სწორედ ეს თანხა შეადგინა 2014 წლის სეზონში მოპოვებული 701 ქულის ჯამურმა გადასახადმა.

„კიონიგსეგ ვან:1“ 6 მილიონ დოლარად იყიდება

 One-off Koenigsegg One:1 Development Car For Sale At Eye-Watering $6 Million
19 დეკემბერი
შვედურმა კომპანია „კიონიგსეგმა“ თავისი ჰიპერ ავტომობილი „ვან:1“ მხოლოდ ექვსი ცალი დაამზადა და აქედან გამომდინარე, მთელს მსოფლიოში ეს ერთ-ერთი ყველაზე იშვიათი ავტომობილია. მაგრამ როგორც ირკვევა, მისი მეშვიდე ეგზემპლარიც არსებობს. ეს ის მოდელია, რომელიც „კიონიგსეგმა“ პირველი დაამზადა და ტესტებიც ჩაუტარა. როგორც წესი, ასეთი ავტომობილები არ იყიდება ხოლმე.

„ფერარიმ“ თავისი საუკეთესო დილერი ფ1-ის ბოლიდით დაასაჩუქრა

Ferrari rewards dealer with an F1 car but bedlam ensues getting it into the showroom
19 დეკემბერი
„ფერარიმ“ თავის ყველაზე გამორჩეულ დილერს, ლონდონურ კომპანია „H.R. ოუენს“, რომელიც მის მიერვე, წლის საუკეთესო დილერად აღიარა, ჯილდოს სახით, ფორმულა 1-ის ბოლიდი, SF15-T გადასცა. რა თქმა უნდა, ჯილდო დილერის შოურუმში დააყენეს. მაგრამ სანამ მანქანას ვიწრო ქუჩაზე ტრეილერიდან გადმოტვირთავდნენ, კარგა გრძელი საავტომობილო საცობი წარმოიქმნა.

Friday, December 18, 2015

„ფორდი“ პიკაპ F-150-ის ჰიბრიდულ ვერსიას გამოუშვებს

Ford Confirms F-150 Hybrid Coming by 2020
18 დეკემბერი
„ფორდის“ მთავარმა აღმასრულებელმა მარკ ფილდსმა განაცხადა, რომ მისი კომპანია 2020 წლამდე პიკაპ F-150-ის ჰიბრიდული ვერსიის წარმოებას დაიწყებს. ავტომობილი იქნება უკანა ამძრავიანი და ის სპეციალურად მისთვის შემუშავებული ჰიბრიდული სისტემით აღიჭურვება. ფილდსისვე თქმით, ჯერჯერობით არ იგეგმება პლაგ-ინ ჰიბრიდული სისტემის გამოყენება.

„სუზუკი“ 2020 წლამდე 20 ახალ ავტომობილს გამოუშვებს

Suzuki to launch 20 cars by 2020
18 დეკემბერი
„სუზუკი“ შემდგომი ხუთი წლის განმავლობაში, ბაზარზე ოც ახალ და განახლებულ ავტომობილს გამოუშვებს. ამას ითვალისწინებს იაპონური კომპანიის მიერ ზაფხულში გამოქვეყნებული გეგმა, კოდური სახელწოდებით „სუზუკი ნექსტ 100“. ამ გეგმის შესაბამისად, „სუზუკი“ ევროპულ ბაზარზე ყოველწლიურად, მინიმუმ ერთ ახალ მოდელს გამოუშვებს. ოცეულიდან პირველი სიახლე, ჰეჩბეკი „ბალენო“ იქნება, რომლის პრემიერაც, ფრანკფურტის წლევანდელ მოტორ შოუზე (ფოტოზე) შედგა.

Thursday, December 17, 2015

ორი ტურბო ძრავი „პორშე 718 ბოქსტერ/კაიმანისთვის“

Porsche 718 Boxster & Cayman Confirmed To Offer Two Turbo'd Four-Pots
17 დეკემბერი
ახლახანს ცნობილი გახდა, რომ „პორშე“ განახლებულ „კაიმანს“ და „ბოქსტერს“ სახელში რიცხვ 718-ს დაამატებს. სხვათა შორის, გერმანულმა კომპანიამ, „718 ბოქსტერის“ სატესტო პროტოტიპის საგზაო ტესტებში მონაწილეობისთვის, ბრიტანულ გამოცემა „ავტოქარის“ ჟურნალისტი მიიწვია, რომელმაც ახალი ავტომობილების შესახებ, დამატებითი ინფორმაციაც შეიტყო.

„ასტონ მარტინმა“ ფ1-ის გადაწყვეტილება იანვრისთვის გადადო

Aston Martin delays F1 decision until January
17 დეკემბერი
„ასტონ მარტინმა“ ფორმულა 1-ში დაბრუნებასთან დაკავშირებული გადაწყვეტილების მიღება მცირე ხნით გადადო. ბრიტანულმა კომპანიამ ჯერ „რედ ბულთან“ გააბა მოლაპარაკება, სავარაუდოდ, „ტორო როსოს“ გამოსყიდვასთან დაკავშირებით, შემდეგ მეზობელ „უილიამსს“ მიმართა, საბოლოოდ კი არჩევანი „ფორს ინდიაზე“ შეაჩერა. დადებითი გადაწყვეტილების შემთხვევაში, „ასტონ მარტინი“ ინდური საჯინიბოს ტიტულოვანი პარტნიორი გახდება.

„რამუსა“ - იტალიური უგზოობის სუპერ ავტომობილი

Ramusa, a New "Hypersuv" by Camal Design Center, Revealed
17 დეკემბერი
დიზაინის იტალიურმა ცენტრმა, სახელად „კამალ“, რომელიც ტურინშია ბაზირებული და რომელიც 2008 წელს, „ფიატის“, „ბერტონეს“ და „ფერარის“ ყოფილმა თანამშრომელმა ალესანდრო კამორალიმ დააარსა, უგზოობის ჰიბრიდული სუპერ ავტომობილი, სახელად „რამუსა“ (ეს სიტყვა იტალიურის პიემონტურ დიალექტზე ხვლიკს ნიშნავს) შეიმუშავა. ეს ავტომობილი, „ბუგატი EB110-ის“ ბაზაზეა შემუშავებული და ძრავიც მისივე აქვს.

შემდეგი „რენო მეგან RS“ უფრო მცირე ძრავით აღიჭურვება

Renault’s next Megane RS to downsize
17 დეკემბერი
„რენოს“ სპორტულ დივიზიონ „რენოსპორტის“ კომერციულ დირექტორ რეჟის ფრიკოტის თქმით, ახალი თაობის „მეგან RS“ ახლანდელი ორლიტრიანი ძრავით აღარ აღიჭურვება. ამის მიზეზი ისაა, რომ აღნიშნულმა ძრავმა განვითარების პოტენციალი ამოწურა და მისი შემდგომი სრულყოფა, გამონაბოლქვში მავნე მინარევების შემცირებას აღარ გამოიწვევს.

Wednesday, December 16, 2015

ხის სუპერ ავტომობილი 600 ცხენის ძალით

Up Close With The Crazy 600hp Wooden Supercar From Essen
16 დეკემბერი
იყო დრო, როცა ხეს ავტომობილების კონსტრუქციაში ფართოდ იყენებდნენ. ბრიტანული კომპანია „მორგანი“ თავის რეტრო მოდელ „აეროს“ კონსტრუქციაში, ამჟამადაც ხის სუბ-სტრუქტურას იყენებს. მაგრამ ცალკეული გამონაკლისების გარდა, ალბათ არ არსებობს შემთხვევა, რომ ვინმეს ავტომობილის არამხოლოდ მზიდი ნაწილი, არამედ ძარაც ხისგან დაემზადებინოს.

„ფერარის“ შეფი მომავალ სეზონში „ფენომენურ რაიკონენს“ ელის

Ferrari boss expects 'phenomenal' Raikkonen in 2016
16 დეკემბერი
„ფერარის“ პრეზიდენტი სერჯო მარკიონე დარწმუნებულია, რომ კიმი რაიკონენი მომავალ წელს „ფენომენურ სეზონს“ ჩაატარებს. ის თვლის, რომ „ფერარის“ ფინელი პილოტი კარგ ფორმაში შევიდა. მართალი, მსოფლიოს 2007 წლის ჩემპიონი აშკარად დაჩრდილა მისმა თანაგუნდელმა სებასტიან ფეტელმა, თუმცა გუნდის ხელმძღვანელობამ რაიკონენს მაინც გაუგრძელა კონტრაქტი.

„ფორდ GT-ს“ სმარტფონების შუშის მსგავსი საქარე შუშა ექნება

Ford GT to use lightweight ‘Gorilla Glass’ windshield
16 დეკემბერი
კიდევ ერთი ტექნოლოგიური სიახლე, რომელსაც „ფორდი“ თავის სუპერ ავტომობილ GT-ზე გამოიყენებს, არის მასალა, რომლისგანაც მისი საქარე შუშაა დამზადებული. ესაა ეგრეთ წოდებული „გორილა გლას“ (გაზრდილი სიმტკიცის შუშა), რომელსაც ფართოდ იყენებენ მობილური ტელეფონების ეკრანებისთვის. როგორც ცისფერი ოვალი ამბობს, ეს პირველი შემთხვევაა, როცა ავტომობილზე ამ ტიპის შუშას იყენებენ.

„ასტონ მარტინი“ ჩინური კომპანიისთვის სუპერ ელექტრომობილს შექმნის

Aston Martin could build electric sports car for Chinese internet giant
16 დეკემბერი
„ასტონ მარტინმა“ და ჩინურმა ინტერნეტ გიგანტმა „ლეტვ-მა“  გააფორმეს, რომლის შესაბამისადაც, ბრიტანული კომპანია თავისი ახალი პარტნიორისთვის, სპორტულ ელექტრომობილს შეიმუშავებს. მათ ამ თემაზე მოლაპარაკება ჯერ კიდევ შანჰაის მოტორ შოუს დროს, აპრილში დაიწყეს და განზრახულობათა მემორანდუმი ახლაღა გააფორმეს. შეთანხმების მიხედვით, ორი კომპანია ერთობლივად არაერთ კვლევით პროგრამაზე იმუშავებს, რომელთა შორისაცაა ავტომობილებს შორის კავშირის სისტემები.

ავტომობილების განბაჟების ტარიფები იცვლება

16 დეკემბერი
მოქალაქეთა ჯანმრთელობის დაცვის მოტივით, საქართველოს მთავრობას, ძველი ავტომობილების განბაჟების გაძვირება აქვს გადაწყვეტილი. გაძვირება 6 წელზე ხნიერ ავტომობილებს შეეხება, 6 წლამდე ავტომობილების კი განბაჟება კი პირიქით, გაიაფდება. ავტომობილის საბაჟო ბეგარა, ორი ძირითადი პარამეტრით - გამოშვების თარიღით და ძრავის მოცულობით განისაზღვრება.

100 ქულა მართვის ლიცენზიის ჩამორთმევამდე

16 დეკემბერი
ცნობისათვის, მსგავსი სისტემა გასული სეზონიდან ფორმულა 1-შიც ამოქმედდა. ოღონდ, იქ ქულები ძრითადად ინციდნტების გამო იწერება. ამიერიდან, ქართველ მძღოლებს კალენდარული წლის განმავლობაში, 100 ქულის ნულამდე შემცირების შემთხვევაში, მართვის უფლება შეუჩერდებათ და მის მისაღებად, გამოცდის ხელახლა ჩაბარება მოუწევთ.

Tuesday, December 15, 2015

კონკურს ევროპის წლის ავტომობილის ფინალისტები

2016 European Car Of The Year Finalists Might Surprise You
15 დეკემბერი
კონკურს „ევროპის წლის ავტომობილის“ ჟიურიმ, კონკურსში მონაწილე 40 ახალი ავტომობილიდან, შვიდი ფინალისტი აირჩევა, რომელთა შორისაც საუკეთესოს გაზაფხულზე დაასახელებს. აღსანიშნავია, რომ ფინალისტთაგან ოთხი პრემიუმ ავტომობილია. მათ შორისაა: „აუდი A4“, „ბეემვე მე-7 სერია“, „იაგუარ XE“, „მაზდა MX-5“, „ოპელ/ვოქსოლ ასტრა“, „შკოდა სუპერბი“ და „ვოლვო XC90“.

ჯეი ლენო დართ ვეიდერის ავტომობილით ჯეი ლენოს გარაჟში

Jay Leno Drives Hot Wheels' Real Darth Vader Car On LA Streets
15 დეკემბერი
მალე მსოფლიოს კინოთეატრების ეკრანებზე, ვარსკვლავური ომების ახალი ფილმი გამოვა და ამ მოვლნსთან დაკავშირებით, ცნობილმა ტელეწამყვანმა, კომიკოსმა და ავტომობილების კოლექციონერმა ჯეი ლენომ, საკუთარ გადაცემა „ჯეი ლენოს გარაჟში“, დართ ვეიდერის ავტომობილი წარადგინა, რომელიც ახალ ფილმში მონაწილეობისთვის არ შექმნილა.

ახალი „ლენდ როვერ დიფენდერი“ 2018 წელს გამოვა

2019 Land Rover Defender Confirmed, Coming with Five Body Styles
15 დეკემბერი
„ლენდ როვერი“ მალე ლეგენდარული ძველი „დიფენდერის“ წარმოებას შეწყვეტს და მალევე, კერძოდ კი 2018 წელს, ბაზარზე ახალს გამოიტანს, რომელსაც მყიდველს ხუთი განსხვავებული ძარით შესთავაზებს. კომპანიის მარკეტოლოგთა გათვლებით, ახალი ავტომობილი წლიურად 100 000 ცალი გაიყიდება. შედარებისთვის, ახლანდელი თაობის „დიფენდერი“ წლიურად მხოლოდ 10 000 ცალი იყიდება.

დანიელ რიკარდო: „მერსედესი“ ძალიან წინაა

Daniel Ricciardo Thinks Mercedes Still 'Too Far' Ahead
15 დეკემბერი
„რედ ბულის“ პილოტი დანიელ რიკარდო შიშობს, რომ „მერსედესის“ დაწევა და მითუმეტეს დამარცხება, მომავალ სეზონშიც შეუძლებელი იქნება. უფრო მეტიც, ის ფიქრობს, რომ გერმანულმა გუნდმა გასულ სეზონში თავისი უპირატესობა კიდევ უფრო გაზარდა. მართალია, ბევრი თვლის, რომ „ფერარი“ შეძლებს სამქიმიანებთან პაექრობას, ავსტრალიელი საპირისპიროს ამტკიცებს და თვლის, რომ „მერსედსს“ კვლავაც უპირატესობა ხელთ ექნება.

„რენო კლიო RS 220 ტროფი“ ნურბურგრინგის რეკორდსმენი გახდა

Renault Clio RS 220 Trophy Becomes Fastest Small Hatch At The 'Ring With 8:23 Lap
15 დეკემბერი
გამოცემა „შპორტ აუტოს“ მიერ, ნურბურგრინგის ჩრდილოურ მარყუჟზე ჩატარებული ტესტების დროს, „რენოს“ ტემპერამენტიანმა მინი ჰეჩბეკმა „კლიო RS 220 ტროფიმ“ წრე 8 წუთსა და 32 წამში გაიარა, რაც B-სეგმენტის ავტომობილებს შორის საუკეთესო შედეგია. ტესტების დროს, ფრანგულმა ჰოტ ჰეჩბეკმა თავის უშუალო კონკურენტებს - „აუდი S1-ს“, „ოპელ კორსა OPC-ს“ და „მინი კუპერ JWC-ს“ აჯობა.