დიდი არჩევანი, კარგი ფასები

Monday, December 31, 2012

„პეჟო 301“ - წამალი ლომების გლობალური ზრდისთვის


Peugeot 301 to spearhead worldwide growth
31 დეკემბერი
„პეჟოს“ ძნელი დრო აქვს - ფრანგული კომპანია, რომლის კეთილდღეობაც მეტწილად ევროპულ ბაზარზეა დამოკიდებული, ფინანსურ კრიზისს განიცდის. ამ კრიზისის დაძლევის უებარ საშუალებად კი მისმა მარკეტოლოგებმა გაყიდვების გლობალიზაცია მიიჩნიეს და ამ მიზნის მისაღწევად, რეორგანიზაციას ატარებენ, რომლის ფარგლებშიც, მანქანების სახელების ახალი სისტემა შეიმუშავეს.

Sunday, December 30, 2012

„ფერარი“ გვპირდება, რომ მდევრის როლში აღარ იქნება


Ferrari promises it won't be underdog in 2013 Formula 1 title race
30 დეკემბერი
„ფერარიში“ დარწმუნებულები არიან, რომ მომავალ სეზონში მდევრის როლში ყოფნა აღარ მოუწევთ. გუნდს ახალი სტრატეგია აქვს არჩეული და იმედოვნებს, რომ ფერნანდო ალონსოს თავიდანვე კონკურენტუნარიანი მანქანით უზრუნველყოფს, რაც ესპანელს ტიტულის მოპოვებაში დაეხმარება.

„იაგუარი“ ჰიბრიდულ ტექნოლოგიებს დანერგავს


Jaguar C-X75 tech boost
30 დეკემბერი
ახლახანს „იაგუარმა“ გააჩერა პროექტი, რომელიც ჰიბრიდულ სუპერ ავტომობილ C-X75-ის გამოშვებას ითვალისწინებდა. სამაგიეროდ, როგორც გამოცემა „ავტო ექსპრესი“ იტყობინება, იმ ტექნოლოგიებს, რომლებიც ფორმულა ერთის გუნდ „უილიამსთან“ პარტნიორობით შეიმუშავა, ბრიტანული კომპანია თავის სხვა მოდელებზე დანერგავს.

„ტოიოტა“ მერმისს რეკორდულ გაყიდვებს გეგმავს

Toyota forecasts record 2013 sales on overseas auto demand
30 დეკემბერი
„ტოიოტა“ წელს გაყიდვებში მსოფლიო ლიდერობას დაიბრუნებს. თუმცა, ამას არ დასჯერდება და მომავალ წელს რეკორდულ გაყიდვებს გეგმავს. კერძოდ, გაყიდვების მოცულობა 2 პროცენტამდე უნდა გაიზარდოს, რაც იმას ნიშნავს, რომ მთელი მსოფლიოს მასშტაბით, 9.91 მილიონ ავტომობილს გაჰყიდის. ამ რიცხვში შევა „ტოიოტას“ ჯგუფში შემავალი იაპონური კომპანიების - სატვირთო ავტომობილების მწარმოებელ „ჰინო მოტორსის“ და პატარა ავტომობილების წარმოებაზე სპეციალიზებული „დაიჰაცუ მოტორსის“ მონაცემები.

Saturday, December 29, 2012

„ფორდ C-მაქს ჰაიბრიდს“ ჰიბრიდებში გაყიდვების საუკეთესო დებიუტი აქვს

Ford C-Max Has Best Sales Debut of Any Hybrid
29 დეკემბერი

„ფორდ C-მაქს ჰაიბრიდის“ გაყიდვები ორი თვის დაწყებულია და ის უკვე არნახული პოპულარობით სარგებლობს. თანამედროვე ჰიბრიდებს შორის, გაყიდვების პირველ ორ თვეში, ასეთი პოპულარობით, სხვა ვერცერთი ჰიბრიდი ვერ დაიკვეხნიდა. მარკეტოლოგთა შეფასებით, ამის მიზეზი, კარგი მართვადობა, ეკონომიურობა და დახვეწილი დიზაინია.

„ფერარი“ ახალ ბოლიდს კიოლნში სრულჰყოფს


Ferrari to develop 2013 car in Cologne
29 დეკემბერი
„ფერარი“ თავისი ახალი სარბოლი ავტომობილის აეროდინამიკას კიოლნში დაამუშავებს. ამისათვის კი „ტოიოტას“ ფორმულა ერთის ყოფილი გუნდის აეროდინამიკურ მილს გამოიყენებს. ამის მიზეზი კი ისაა, რომ მარანელოში არსებული მილი (ფოტოზე) არასწორადაა დაკალიბრებული და ამის გამო, მანქანის აეროდინამიკური სრულყოფა შეუძლებელია.

პატარა „რეინჯ როვერი“ ორისთვის

British Designer Envisions an Entry Level Range Rover Small Crossover for Two
29 დეკემბერი

„ლენდ როვერს“ დიდი გეგმები აქვს - სამოდელო გამის 16-მდე გაფართოებას აპირებს. ერთ-ერთი ახალი ავტომობილი, რომელიც ბრიტანულ კომპანიას ამ გეგმის შესრულებაში დაეხმარება, „ევოკზე“ მომცრო ქროსოვერია. თანაც, ახალგაზრდა თაობისთვის განკუთვნილი მანქანა უნდა იყოს.

„ჰიუნდაი ელანტრამ“ შტატებში გაყიდვების ახალი რეკორდი დაამყარა


Hyundai Elantra Sets New Sales Record in the States
29 დეკემბერი
ორი-სამი თვე, „ჰიუნდაის“ რეკორდულ გაყიდვებზე ინფორმაციები მიწყნარდა, მაგრამ წლის ბოლოს, კორეულმა კომპანიამ კიდევ ერთხელ, მორიგი რეკორდული მაჩვენებლით შეგვახსენა თავი - წლის დასრულებამდე ორი კვირით ადრე, შტატებში თავისი ერთ-ერთი ყველაზე პოპულარული მოდელი „ელანტრა“, 186 361 ცალი ჰქონდა გაყიდული.

დაკარის რბოლაში შეიძლება „სმარტმაც“ იასპარეზოს (ვიდეო)

Meet the Smart Fortwo that should be competing in the 2013 Dakar Rally
29 დეკემბერი
დაკარის რბოლაში, რომელიც 5 იანვარს აიღებს სტარტს, შესაძლოა მონაწილეობა „სმარტის“ ავტომობილმაც მიიღოს. სპეციალურად მომზადებული ავტომობილის (რომლის სახელიცაა სმარტ დაკარი) საჭეს, ესპანელი ხოსე ლუის ალვარესი უნდა მიუჯდეს.

ბრიტანეთში მძარცველები „ლენდ როვერ დეფენდერს“ ეტანებიან

The Top 10 Cars Most Likely to be Targeted by Thieves in Britain
29 დეკემბერი

სადაზღვევო კომპანია „სუიფტქოვერმა“ გამოაქვეყნა იმ ავტომობილების ტოპ ათეული, რომლებიც ბრიტანელ ავტოგამტაცებლებს შორის ყველაზე მეტი პოპულარობით სარგებლობს. ათეულს კი სათავეში ბრიტანელებისთვის საამაყო „ლენდ როვერ დეფენდერი“ მოექცა.

Friday, December 28, 2012

„სმარტის“ გამა სამამდე გაიზრდება

Next-gen Smart lineup growing to three models
28 დეკემბერი

„სმარტი“ წარმოებისთვის მესამე თაობის „ფორთუს“ და „ფორფორს“ ამზადებს და მათი წარმოების დაწყებიდან მალე, მათსავე ბაზაზე, ჯუჯა ქროსოვერიც გამოუშვას. გამოცემა „ავტოექსპრესის“ ინფორმაციით, ორადგილიანი „სმარტის“ გაყიდვები 2014 წელს დაიწყება, ერთი წლის შემდეგ კი, მყიდველს ოთხადგილიანსა და ქროსოვერსაც შესთავაზებენ.

„მერსედესის“ ახალმა ბოლიდმა ქრეშ ტესტი გაიარა

Two more 2013 cars pass FIA crash tests
28 დეკემბერი

FIA-მ გამოაცხადა, რომ ახალი სეზონის წინ, კიდევ ორი გუნდის მანქანებმა გაიარა ქრეშ ტესტები. უფრო კონკრეტულ ინფორმაციას იძლევა გერმანული გამოცემა „აუტო მოტორ უნდ შპორტი“, რომელიც იუწყება, რომ „მერსედეს W04-ის“ მონოკოკი სრულიად ვარგისია გამოყენებისთვის.

„ბეემვეს“ საჯობნად „აუდი“ 13 მილიარდ ევროს გაიღებს


Audi to Invest €13 Billion in Order to Overtake BMW
28 დეკემბერი
„აუდის“ მიზანი, პრემიუმ სეგმენტში „ბეემვეს“ უკან ჩამოტოვებაა. ინგოლშტადტელები ამ მიზნის მიღწევას წელსვე აპირებდნენ, მაგრამ არ გამოუვიდათ - ბავარიელები ისევ გამოკვეთილი ლიდერები არიან. თუმცა ბრძოლა ამით არ დასრულებულა.

„რენო ალპინი“ 2015 წელს გამოვა


Renault Alpine Coming in 2015 as Porsche Boxster Rival
28 დეკემბერი
სამივე ფრანგული კომპანია ძირითადად პატარა და საშუალო ზომის ავტომობილების წარმოებაზეა სპეციალიზებული. მაგრამ მალე „რენო“ ამ არასასურველ ტრადიციას დაარღვევს და სუფთა სპორტული ავტომობილების წარმოებას დაიწყებს. ამისთვის კი ბრენდ „ალპინს“ აღადგენს.

შრაიერი „კიას“ პირველი არაკორეელი პრეზიდენტი გახდა


Peter Schreyer Becomes Kia's First Non-Korean President
28 დეკემბერი
ადამიანი, რომელმაც „კიას“ გლობალურ მიღწევებში ერთ-ერთი უმნიშვნელოვანესი როლი შეასრულა, როგორც კომპანიის მთავარმა დიზაინერმა, პეტერ შრაიერი, კორეული კომპანიის პირველი არაკორეელი პრეზიდენტი გახდა. იმავდროულად, ის თავის ძველ პოსტსაც შეინარჩუნებს და „კიას“ ავტომობილების სტილის განვითარებაზეც იზრუნებს.

Tuesday, December 25, 2012

გასული წლის ყველაზე გამორჩეული 10 კონცეპტუალური ავტომობილი

Top 10 concept vehicles of 2012
25 დეკემბერი
კონცეპტულური ავტომობილები ყოველთვის საინტერესო. ისინი ავტომწარმოებლების მომავლის ხედვას, ახალ იდეებს, დიზაინის განვითარების მიმართულებებს, ახალ ტექნოლოგიებს და ბევრ სხვა საინტერესოს გვაცნობენ. ამასთან, ხსირად ასეთ ავტომობილებს ეგრეთ წოდებულ შოუ სტოპერებადაც იყენებენ - მათი მეშვეობით ხდება ავტოგამოფენების დროს დამთვალიერებელთა მიზიდვა. ისეც ხდება, რომ კონცეპტების სახით, დიზაინერთა და ინჟინერთა მიერ შესრულებულ „თავისუფალ თემებსაც“ ვნახულობთ...

„ლამბორგინის“ ტრაქტორი ჯეი ლენოს ფარეხში (ვიდეო)

Jay Leno's Garage gets agrarian with Lamborghini tractor
25 დეკემბერი
ამერიკელი ტელევარსკვლავი ჯეი ლენო ავტომობილებისადმი თავისი ტრფიალითაცაა გამორჩეული. მას მთელს მსოფლიოში, ანტიკვარული და იშვიათი ავტომობილების ერთ-ერთი ყველაზე დიდი კოლექცია აქვს და თავის ავტომობილებს, როგორც ჩვილ ბავშვებს, ისე უვლის. ზოგიერთი, ძალიანი იშვიათი ავტომობილის ასლებიც კი აქვს დამზადებული და მათზე ნავარდობს ხოლმე, ორიგინალი კი მხოლოდ ფარეხს ამშვენებს და მას საპატიო სტუმრეტს უჩვენებს.

„მაკლარენმა“ ნიუ იორკში P1-ის დახურული ჩვენება მოაწყო (ვიდეო)


McLaren shows production P1 at private NYC shindig
25 დეკემბერი
„მაკლარენმა“ თავისი უახლესი კონცეპტუალური სუპერ ავტომობილის, P1-ის განახლებული, ფაქტობრივად წარმოებისთვის მომზადებული ვერსია, ნიუ იორკელებს, დახურულ ჩვენებაზე წარუდგინა. ჩვენებაზე ითქვა, რომ წარდგენილი ავტომობილი, 97 პროცენტით ჰგავს საწარმოო მოდელს.

Monday, December 24, 2012

„აუდი“ ლე მანის პროტოტიპის ბაზაზე სუპერქარ R20-ს გამოუშვებს

Audi R20, Le Mans-based diesel supercar, said to come in 2016
24 დეკემბერი
ცოტა ხნის წინ, ინტერნეტში გავრცელდა ინფორმაცია იმის შესახებ, რომ „აუდი“ ახალი სუპერ ავტომობილის გამოშვებას აპირებს, რომელიც ლე მანის ტრიუმფატორი სპორტული პროტოტიპის ბაზაზე შეიქმნება. გერმანული კომპანიის კვლევისა და განვითარების შეფმა ვოლფგანგ დიურჰაიმერმა ბრიტანულ გამოცემა „ავტო ექსპრესთან“ საუბრისას განაცხადა, რომ ახალი სუპერ ავტომობილი დიზელ ჰიბრიდული სისტემით აღიჭურვება და კონკურენციას გაუწევს ისეთ მონსტრებს, როგორებიც მალე გახდებიან „მაკლარენ P1“, „ფერარი F70“ და „პორშე 918“.

„ფორდ ფოკუსი“ მსოფლიოს ბესტსელერია

The World's Most Popular Cars: A New Champ
24 დეკემბერი
„ფორდ ფოკუსი“ თავის სამშობლოში, ამერიკაში საუკეთესო გაყიდვებით ვერ გამოირჩევა, ბესტსელერების ათეულშიც კი ვერ შედის, მაგრამ მთელი მსოფლიოს მასშტაბით, ამ ავტომობილს, უფრო სწორედ, „ფოკუსის“ ოჯახს, ბადალი არ მოეპოვება. განსაკუთრებული პოპულარობით, ეს სპორტული ყაიდის ჰეჩბეკი აზიის (მეტადრე ჩინურ) მზარდ ბაზრებზე სარგებლობს. და ყველა ნიშანია იმისა, რომ მილიონიან ზღვარს გადალახავს. რაც მთავარია, მსოფლიო ლიდერობას „ტოიოტა კოროლას“ ჩამოართმევს.

Sunday, December 23, 2012

ტაილანდს ფორმულა ერთის რბოლის მასპინძლობა სურს

Thailand set to join 2015 calendar
23 დეკემბერი

ტაილანდს იმედი აქვს, რომ ფორმულა ერთის 2015 წლის კალენდარში, ტაილანდის დიდ პრიზსაც შეიტანენ. ინდოჩინეთის ამ ქვეყნის დედაქალაქ ბანგკოკს ფ1-ის რბოლის ჩატარება 2014 წელს სურდა, მაგრამ ფ1-ის მთავარმა აღმასრულებელმა ბერნი ეკლსტოუნმა „უოლ სტრიტ ჯორნელთან“ საუბრისას განაცხადა, რომ ბანგკოკის ქუჩებში ღამის რბოლა, ხელოვნური განათების ფონზე, შეიძლება 2015 წელს გაიმართოს.

„ფორდი“ „კა-ს“ შემცვლელს არ გამოუშვებს


Ford Ka Not Getting Repacement
23 დეკემბერი
„ფორდ კა“ შესანიშნავი საქალაქო ორკარიანი ავტომობილი იყო - პატარა, ორიგინალური ფორმის, კარგი სამართავი, იაფი და იაფად შესანახი. ყველაზე მეტი პოპულარობით, მისი სპორტული ვერსია - „სპორტკა“ სარგებლობდა, რომელსაც ზორბა ბორბლები და გაზრდილი სიგანე გამოარჩევდა.

„მაზდა“ ახალ 6-ს ჩინეთშიც გამოუშვებს


Mazda to Build New 6 in China from 2013
23 დეკემბერი
„მაზდამ“ გამოაცხადა, რომ ახალ 6-ს ჩინეთშიც გამოუშვებს. წარმოება ერთ წელიწადში დაიწყება, იაპონური კომპანიის და ჩინური FAW-ის ერთობლივ საწარმოში, რომელიც წინა ორი თაობის „მაზდა6-საც“ უშვებს. ამ ორიდან, პირველი თაობის ავტომობილი ცისქვეშეთში „მაზდა6-ის“ სახელით იყიდება, მეორეს კი „მაზდა6 რუი ი“ ჰქვია.

Saturday, December 22, 2012

ფეტელი დი მონტეძემოლოს შემდეგი ნომერი პირველია

Vettel next in line for 'number 1' Ferrari seat - Montezemolo
22 დეკემბერი

ლუკა დი მონტეძემოლო ამბობს, რომ თუ ფერნანდო ალონსო წასვლას გადაწყვეტს მის ადგილზე, პირველ ნომრად სებასტიან ფეტელს მიიწვევს. თუმცა, ამ ეტაპზე ეს საკითხი სულაც არაა აქტუალური, რადგან ალონსოს და ფეტელს შესაბამისად, „ფერარისა“ და „რედ ბულთან“ მრავალწლიანი კონტრაქტები აკავშირებთ.

გავიცნოთ ახალი „ენცო“, ფოტოები და პრემიერა მოგვიანებით

 Ferrari 'F150' confirmed with updated V12 6.3-liter, more details released
22 დეკემბერი 
რამდენიმე დღის წინ, „ფერარიმ“ იმ ავტომობილის ფოტო ტიზერები გაავრცელა, რომელმაც კომპანიის გამაში ლეგენდარული „ენცო“ უნდა შეცვალოს. თუ ამ ავტომობილს ადრე F70-ად მოვიხსენიებდით, მარანელოელებმა ტიზერებს F150 მიაწერეს. საბოლოოდ ალბათ F70 დარჩება (წინა მოდელების სახელები იყო: F40, F50 და F60), თუმცა მთავარი ეს სულაც არაა.

ბერნი თვლის, რომ ჰამილტონი „მერსედესის“ ფულმა მოხიბლა


Ecclestone says Hamilton chasing Mercedes cash
22 დეკემბერი

82 წლის ბერნი ეკლსტოუნს ერთი ტრადიცია აქვს - საშობაოდ მისალოც საშობაო ბარათებს აქვეყნებს, რომლებზეც ფ1-ის აქტუალურ თემებზე კარიკატურებია შესრულებული. რა თქმა უნდა, ამ ტრადიციას არც ამჯერად უღალატა.

Friday, December 21, 2012

„ფორდ ფიესტა“ პარკირების და საგზაო გადასახადებისგან გაათავისუფლეს


Six New Ford Fiesta Models Exempt from Parking and Road Tax
21 დეკემბერი
ახლანდელი „ფორდ ფიესტა“ ბაზარზე 2008 წლიდანაა, მაგრამ დაძვენელის ნიშანწყალიც არ ეტყობა. ჯერ ერთი იმიტომ, რომ დახვეწილი დიზაინით გამოირჩევა. მეორეც, ამერიკული კომპანია მუდმივად ცდილობს, „ფიესტას“ მყიდველს სიახლეები შესთავაზოს. ეს კი აუცილებელია, რადგან კონკურენტებს არ სძინავთ და ახალ „შევროლე ავეოსთან“, „რენო კლიოსთან“ და ძველ „დაუძინებელ მტერ“ „ფოლკსვაგენ პოლოსთან“ მეტოქეობისთვის სერიოზული არგუმენტებია აუცილებელი.

ამერიკიდან წამოსული „სუზუკი“ აშშ-ში 2 500 ავტომობილს შეიტანს


Suzuki to Import 2,500 Vehicles to Meet Increased US Demand
21 დეკემბერი
ამერიკული ბაზრისთვის 2 500 ავტომობილი ზღვაში წვეთია, მაგრამ აქ საინტერესო ის ფაქტია, რომ ახლახანს, იაპონურმა კომპანიამ აშშ-ში თავისი საქმიანობის შეწყვეტის გადაწყვეტილება მიიღო. ამის მიუხედავად, „სუზუკის“ გაყიდვები ნოემბერში დაახლოებით 22 პროცენტით გაიზარდა - სულ 2 224 ავტომობილი გაყიდა.

„ტოიოტა ქემრიმ“ ამერიკული ქრეშ ტესტები ჩააგდო (ვიდეო)

IIHS subjects midsizers to tough new impact test, finds fault with Toyota
21 დეკემბერი
„ტოიოტა ქემრი“ ამერიკულ ბაზარზე სედანებს შორის უპირობო ლიდერია. მაგრამ შესაძლოა, ახალ „ქემრის“ პრობლემები შეექმნას და ეს იმის ბრალი იქნება, რომ ამ ავტომობილმა, ისევე როგორც ჰიბრიდულმა მინივენმა „პრიუსმა“, IIHS-ს (საგზაო უსაფრთხოების დაზღვევის ინსტიტუტის) ქრეშ ტესტებზე უარყოფითი შეფასება დაიმსახურა.

„ლენდ როვერ DC100“ მალე „დეფენდერად“ მოგვევლინება

Production Version of Land Rover DC100 Etches Closer to Production
21 დეკემბერი
„ლენდ როვერმა“ რომ ფრანკფურტის შარშანდელ მოტორ შოუზე კონცეპტუალური DC100 წარადგინა, ყველამ ის ახალი „დეფენდერის“ პირველ მერცხლად მიიჩნია. და ეს დამოკიდწბულება არც მას შემდეგ შეცვლილა, რაც ბრიტანულმა კომპანიამ ეს მოსაზრება უარყო. უფრო მეტიც, „ლენდ როვერმა“ არაერთხელ განაცხადა, რომ კონვეიერზე დადგომამდე, DC100 აუცილებლად შეიცვლიდა სახეს.

„მაკლარენი“MP4-28-ს 31 იანვარს გვიჩვენებს

McLaren to launch MP4-28 on January 31
21 დეკემბერი

თავის ახალ სარბოლ ავტომობილს, სახელად MP4-28, „მაკლარენი31 იანვარს გვიჩვენებს. ეს ინფორმაცია ბრიტანულმა გუნდმა სპეციალური რელიზით გამოაქვეყნა, რომელშიც სხვა დეტალებზე ლაპარაკი არცაა. ნათქვამია მხოლოდ ის, რომ პრეზენტაცია ბრიტანეთის ტერიტორიაზე შედგება.

Thursday, December 20, 2012

„ჯენერალ მოტორსი“ მთავრობისგან 200 მილიონ აქციას გამოისყიდის

GM Plans to Buy Back 200 Million Shares from the U.S. Treasury for US$5.5 Billion
20 დეკემბერი

მას შემდეგ, რაც 2009 წელს კომპანიის გადარჩენა ითავა, აშშ-ის ხაზინა „ჯენერალ მოტორსის“ აქციების 32 პროცენტს ფლობს. გენერლებმა ზაფხულში აქციების გამოსყიდვის სურვილი გამოთქვეს, მაგრამ მთავრობისგან უარი მიიღეს - ხაზინა აქციებს მაშინ გაჰყიდის, როდესაც დარწმუნდება, რომ ამით მოგებას მიიღებსო...

„ჰირიკო“ წარმოებისთვის ემზადება


Hiriko Folding EV Set for Production in 2013
20 დეკემბერი
„ჰირიკო“ დასაკეცი ელექტრომობილია, რომელიც ბასკმა ინჟინრებმა შეიმუშავეს. ამ პროექტს პროტეჟირებას ევროკომისია უწევს, თუმცა იმდენად არარეალურად მოჩანს, რომ მისი განხორციელებისა მაინც ბევრს არ სჯეროდა. მაგრამ როგორც ჩანს, მალე ყველა დაიჯერებს, რომ „ჰირიკოს“ მომავალი აქვს. მის სერიულ ვერსიას ჟენევის მოტორ შოუზე გვიჩვენებენ, რის შემდეგაც წარმოებაც უნდა დაიწყოს.

„ფორდ ფიუჟნმა“ IIHS-ს უმაღლესი შეფასება პლიუსით მიიღო (ვიდეო)

2013 Ford Fusion Earns New IIHS Top Safety Pick Plus Rating
20 დეკემბერი
ავტომაგისტრალებზე უსაფრთხოების დაზღვევის ინსტიტუტმა (IIHS), უმაღლესი შეფასება პლიუსით შეაფასა უახლესი „ფორდ ფიუჟნი“. ეს უმაღლესი შესაძლებელი შეფასებაა, რომლებსაც IIHS ქრეშ ტესტების შემდეგ იძლევა. ახალი „ფორდ ფიუჟნი“ აღჭურვილია უსაფრთხოების პერსონალური სისტემით, უსაფრთხოების ღვედის უახლესი ტექნოლოგიით და რვა აირბალიშით, რომელთა შორისაც, გვერდითა ბალიშები სავარძლებშია ჩამონტაჟებული.

Wednesday, December 19, 2012

ალეზი მრბოლის კარიერას ამთავრებს


Jean Alesi Ends Motorsport Career
19 დეკემბერი
ფორმულა ერთის ყოფილმა პილოტმა, ფრანგმა ჟან ალეზიმ თავისი მრბოლის კარიერის დასრულება გადაწყვიტა. შეგახსენებთ, რომ ალეზის თავის კარიერაში, ფ1-ში მხოლოდ ერთი რბოლა აქვს მოგებული (კანადა, 1995 წელი), თუმცა პოპულარობით ჩემპიონებსაც კი ედრებოდა.

„ფორდ ფიესტა“ წლის საუკეთესო მეორადი ავტომობილია

Ford Fiesta – the Best Used Car of the Year of 2012
19 დეკემბერი
მეექვსე თაობის „ფიესტას“ წარმოება „ფორდმა“ 2008 წელს დაიწყო, კიოლნის ქარხანაში. ახალი სუბკომპაქტური ჰეჩბეკი მაშინვე ბესტსელერი გახდა, რაც დახვეწილმა დიზაინმა, ფართო სალონმა, კარგმა ტემპერამენტმა და საწვავის ეკონომიურმა ხარჯმა განაპირობა.

Tuesday, December 18, 2012

ალონსო ფ1-ის გუნდების რჩეულია

Formula 1 team bosses vote Fernando Alonso as best driver of 2012
18 დეკემბერი

ფორმულა ერთის გასულ სეზონს რამდენიმე გმირი ჰყავდა, მათ შორის კი გამორჩეულები სებასტიან ფეტელი და ფერნანდო ალონსო იყვნენ. ფეტელი ჩემპიონი გახდა, ალონსო კი, მიუხედავად იმისა, რომ მანქანა აშკარად არ აძლევდა ტიტულისთვის ბრძოლის საშუალებას, პრაქტიკულად მთელი სეზონის განმავლობაში, ლიდერთა შორის იყო. თანაც, რამდენიმე მოულოდნელი (მისთვისაც კი) გამარჯვებაც მოიპოვა.

ტყვიაგაუმტარი „ჰიუნდაი“ გაეროს გენერალური მდივნისთვის


Hyundai Hands Over Bulletproof 2013 Equus Limo to UN Secretary-General
18 დეკემბერი
ათი წლის წინ ამას ვინ წარმოიდგენდა... ვის მოუვიდოდა აზრად, რომ გაეროს გენერალური მდივანი, ნიუ იორკში კორეული კომპანიის მიერ დამზადებული ლიმუზინით ივლიდა. მაგრამ დღეს ეს გასაკვირი აღარაა - „ჰიუნდაი“ უკვე დამკვიდრდა ამერიკის და მთელი მსოფლიოს ბაზარზე. კორეული კომპანია მოწინავეთა ხუთეულში შედის და პრემიუმ კლასსაც უკვე გაუსინჯა კბილი.

ხუთვარსკვლავიანი ახალი „ტრანზიტ კასტომი“ და „ტურნეო კასტომი“


5 stars EuroNCAP for the new Ford Transit Custom-Safest van in Europe
18 დეკემბერი
„ფორდის“ ახალმა ვენმა „ტრანზიტ კასტომმა“, რომელიც ახლახანს წლის საუკეთესო ვენად დაასახელეს, ევროNCAP-ის ქრეშ ტესტების შემდეგ უმაღლესი, ხუთვარსკვლავიანი შეფასება დაიმსახურა. ხუთი ვარსკვლავი ასევე „ტურმეო კასტომმაც“ მიიღო. ამგვარად, „ტრანზიტ კასტომი“ არის პირველი ერთტონიანი ვენი, რომელმაც ევროNCAP-ის უმაღლესი შეფასება დაიმსახურა.

„ფორდი“ ახალ პიკაპ F-150-ს დეტროიტში წარადგენს


Ford aims at GM by showing new F-150 at Detroit show
18 დეკემბერი
ამერიკაში ავტომობილების ყველაზე პოპულარული კლასი პიკაპებია, ამ კლასის უპირობო ლიდერი კი „ფორდის“ სერია F-150. საწვავზე ფასების ზრდამ, ამ კლასის ავტომობილების გაყიდვები ცოტა ხნით შეაფერხა, მაგრამ როგორც კი კრიზისი დასრულდა, მყიდველმა პიკაპებს ისევ მიაქცია ყურადღება. ამ ტენდენციას პირველები „კრაისლერი“ და „ჯენერალ მოტორსი“ გამოეხმაურნენ, რომლებმაც „რემ 1500“, „შევროლე სილვერადო“ და „GMC სიერა“ გამოუშვეს. და აი, „ფორდის“ ჯერც დგება...

Monday, December 17, 2012

„ტოიოტა“ მსოფლიო ლიდერობას იბრუნებს

Toyota to Regain Sales Throne, VW and GM Fight for Second in the Best Year Ever for Car Sales
17 დეკემბერი

მართალია, გაყიდული ავტომობილების რაოდენობით, „ტოიოტა“ შარშან მესამე ადგილამდე ჩამოქვეითდა, მაგრამ საქმეს ისეთი პირი უჩანს, რომ წელს ლიდერის პოზიციას ისევ დაიბრუნებს. „ჯენერალ მოტორსი“ და „ფოლკსვაგენის“ ჯგუფი კი მეორე ადგილისთვის, წლის ბოლო დღემდე იბრძოლებენ, რადგან მათ გაყიდვებს შორის სხვაობა უმნიშვნელოა.

„ლოტუსმა“ გროჟანს კონტრაქტი გაუგრძელა


Romain Grosjean will stay at Lotus for 2013 F1 season
17 დეკემბერი
რომენ გროჟანი „ლოტუსში“ კიდევ ერთ სეზონს გაატარებს. ბანგკოკში, ჩემპიონთა რბოლაში გამარჯვების შემდეგ, როგორც მოსალოდნელი იყო, ბრიტანულმა გუნდმა მასთან კონტრაქტი გააგრძელა.

კონკურს „ევროპის წლის ავტომობილის“ ფინალისტები

European Car of the Year Short List with the 8 Finalists Revealed
17 დეკემბერი

ტრადიციული კონკურსი „ევროპის წლის ავტომობილის“ გადამწყვეტ ფაზაში შევიდა. ჟიურიმ უკვე აირჩია ის რვა ავტომობილი, რომელთა შორისაც, საუკეთესოს ჟენევის მოტორ შოუზე დაგვისახელებს.

„მაზდა“ კომპაქტურ ქროსოვერ CX-3-ს 2014 წელს გამოუშვებს

Mazda CX-3 Crossover Coming in 2014
17 დეკემბერი
ჯერ ერთი წელიც არაა გასული მას შემდეგ, რაც „მაზდამ“ ქროსოვერ CX-5-ის წარმოება დაიწყო და ამ ავტომობილმა უკვე მოიპოვა პოპულარობა. ქროსოვერი შესანიშნავი მართვადობით, კარგი ტექნიკური მახასიათებლებით და ეფექტური ძრავებით გამოირჩევა, რაც ტექნოლოგია „სკაიაქტივის“ დამსახურებაა.

გროჟანმა ჩემპიონთა რბოლა მოიგო


Grosjean wins Race of Champions
17 დეკემბერი
რომენ გროჟანი ჩემპიონთა ჩემპიონია
ბანგკოკში (ტაილანდი) გამართული ჩემპიონთა რბოლა, ფრანგი რომენ გროჟანის გამარჯვებით დასრულდა. გროჟანმა, ვისაც „ლოტუსთან“ კონტრაქტი ჯერ არ გაუგრძელებია, მეოთხედფინალში მსოფლიოს სამგზის ჩემპიონი სებასტიან ფეტელი, ნახევარფინალში კი შვიდგზის ჩემპიონი მიხაელ შუმახერი დაამარცხა. ფინალში ლე მანის 24-საათიანი რბოლის რვაგზის გამარჯვებულს, დანიელ ტომ კრისტენსენსაც მოუგო.

Sunday, December 16, 2012

„ბეემვე“ პირველი სერიის M-სედანზე მუშაობს

BMW Working on 300 HP Entry Level 1-Series M Sedan
16 დეკემბერი
ამჟამად, „ბეემვესთან“ დაკავშირებით, ყველაზე აქტუალური მე-4 სერიის კუპეა, რომლის ოფიციალური წარდგენა მალე დეტროიტის მოტორ შოუზე გაიმართება. თუმცა, ბავარიული კომპანია სხვა ახალ ავტომობილებზეც მუშაობს, რომლებმაც მას პრემიუმ სეგმენტის მწარმოებელთა შორის ლიდერობის განმტკიცებაში უნდა შეუწყოს ხელი.

ბერნის ფ1-ში 10 გუნდიც ეყოფა


Bernie Ecclestone wants Formula 1 field cut to 10 teams
16 დეკემბერი
ბერნი ეკლსტოუნი თვლის, რომ ფორმულა ერთისთვის გაცილებით უკეთესი იქნება, თუ მსოფლიო ჩემპიონატში მხოლოდ 10 გუნდი მიიღებს მონაწილეობას. მომავალი სეზონიდან პელოტონს „ისპანია რეისინგი“ გამოაკლდება, რომელმაც დათქმულ დროში განაცხადის გაკეთება ვერ მოასწრო.

1 დოლარად ნაყიდი გუნდის 6 ტიტული (ვიდეო)

How Red Bull Racing Brought Ford's F1 Failure for $1 and went on to Win 6 Titles
16 დეკემბერი
სებასტიან ფეტელს ნათქვამი აქვს: „როდესაც იგებ, გარშემო საგიჟეთია, მაგრამ თუ აგებ, არავის აინტერესებ და საკუთარ თავთან მარტო რჩები“. „რედ ბულ რეისინგი“ ფორმულა ერთის მსოფლიო ჩემპიონატებში 2005 წლიდან მონაწილეობს და ბოლო სამი სეზონია, პილოტების ტიტულსაც იგებს და კონსტრუქტორებისაც. და რა თქმა უნდა, ყველას ავსტრიული გუნდი აინტერესებს. წაგებული „მაკლარენი“ და „ფერარი“, „წითელი ხარების“ ჩრდილში არიან...

15 წელი მასშტაბური მოდელის შესაქმნელად (ვიდეო)


Exact 1/3-Scale Replica of a Ferrari 312
16 დეკემბერი
პიერ შერი „ფერარის“ ფანია. ტელეკომუნიკაციების ინჟინერს, ბავშვობიდან უყვარს რბოლები და სარბოლი „ფერარის“ ხმა. რა თქმა უნდა, იმაზეც ოცნებობდა, რომ ასეთი მანქანის საჭეს მისჯდომოდა. მაგრამ ასეთი ავტომობილის შეძენა, მის შესაძლებლობებს აღემატებოდა...

Saturday, December 15, 2012

„ფორდ C-მაქს ჰაიბრიდ“ პლაგ-ინ „ტოიოტა პრიუსს“ სჯობნის


Ford Says C-MAX Hybrids Outsells Toyota Prius Plug-in and V
15 დეკემბერი
მართალია, ჰიბრიდული ავტომობილების ბაზარზე „ფორდი“ შედარებით ახალი მოთამაშეა, მაგრამ პრაქტიკულად დებიუტისთანავე შეუტია ამ ბაზრის უპირობო ლიდერ „ტოიოტას“ და გარკვეულ სეგმენტებში აჯობა კიდეც.