დიდი არჩევანი, კარგი ფასები

Thursday, April 30, 2015

„სუზუკის“ ორი კონცეპტი შანჰაიში

Suzuki iM-4 Concept – Auto Shanghai
Suzuki iK-2 Concept – Auto Shanghai
28 აპრილი
ისევე როგორც ჟენევის მოტორ შოუზე, „სუზუკიმ“ შანჰაის ავტო შოუზეც ორი კონცეპტუალური ავტომობილი - უგზოობის პატარა iM-4 და კომპაქტური ჰეჩბეკი iK-2 წარადგინა. ორივე ავტომობილი იმითაცაა საინტერესო, რომ მათ იაპონური კომპანია მალე სერიულად გამოუშვებს. მათგან პირველი კი, ახალი თაობის „ჯიმნი“ გახდება.

„რედ ბული“ მაინც პროგრესირებს

Red Bull Making Progress Despite Renault Engine Issues
30 აპრილი
როდესაც ფ1-ის გუნდი პირველი ოთხი რბოლის შემდეგ, ლიდერს 136 ქულით ჩამორჩება, მისთვის მცირე წინსვლაც კი მნიშვნელოვანია. სწორედ ასეთ სიტუაციაში აღმოჩნდა „რედ ბული“, რომელსაც აშკარად ღალატობს „რენოს“ ძრავი, თუმცა აშკარაა, რომ მანქანაც არაა მოწოდების სიმაღლეზე. და აი, ავსტრიული გუნდის შეფმა კრისტიან ჰორნერმა პირველი ოპტიმისტური განცხადეება გააკეთა.

Tuesday, April 28, 2015

ახალი ძრავები „ლენდ როვერ დისქავერი სპორტისთვის“

Land Rover Discovery Sport Gets 150PS and 180PS Ingenium Diesels
28 აპრილი
„ლენდ როვერის“ უახლესი უგზოობის ავტომობილის, „დისქავერი სპორტის“ ძრავების გამა, სერია ინჯენიუმის ორი უახლესი დიზელის ძრავით შეივსო, რომლებიც დიზელის ახლანდელ აგრეგატს ჩაანაცვლებენ. ამ ძრავებით აღჭურვილი ავტომობილები პირველ რიგში (მაისიდან), ევროპასა და სამხრეთ კორეაში შევა. ეს ორი ძრავი ფაქტობრივად, ერთია, ფორსირების განსხვავებული ხარისხით. ესაა ოთხცილინდრიანი 2.0-ლიტრიანი აგრეგატი 150 (380 ნმ) და 180 (430 ნმ) ცხენის ძალით.

„ფერარიმ“ SF15-T რაიკონენის სტილის შესაბამისად შეიმუშავა

Ferrari Boss Had SF15-T Designed to Suit Kimi Raikkonen's Driving Style
28 აპრილი
გასული სეზონი კიმი რაიკონენისთვის კატასტროფული იყო - ფინელმა მრბოლმა ჩემპიონატი მე-12 ადგილზე დაასრულა და მხოლოდ 55 ქულას მოუყარა თავი. ამ სეზონში კი, სულ რაღაც, 4 რბოლის შემდეგ, უკვე 42 ქულა აქვს. რა თქმა უნდა, გასული სეზონი კიმის თანაგუნდელ ფერნანდო ალონსოსთვისაც წარუმატებელი გამოდგა, მაგრამ ესპანელმა ის მაინც შეძლო, რომ „უილიამსის“ პილოტებს შორის ჩადგა.

Monday, April 27, 2015

„ფორდ ფოკუს RS-ი“ ჩინეთსაც ეახლა

2016 Ford Focus RS Arriving in China via the Shanghai Auto Show
27 აპრილი
ადრე „ფოკუს RS-ი“ ძირითადად ევროპული ბაზრისთვის განკუთვნილი მხურვალე ჰეჩბეკი იყო, მაგრამ ძველ კონტინენტზე ისეთი ავტორიტეტი მოიხვეჭა, რომ მთელი მსოფლიოს მასშტაბით, მასზე სოლიდური მოთხოვნა გაჩნდა. პარალელურად, „ფორდმა“ თავისი სამოდელო გამის გლობალიზაცია დაიწყო და ბუნებრივია, ამ პროცესმა ისეთი ნიშური ავტომობილიც მოიცვა, როგორიცაა „ფოკუს RS-ი“. და ეს ავტომობილი პირველად შეაქვს აზიის ბაზარზე. ამ მიმართულებით, პირველი ნაბიჯი შანჰაის ავტო შოუზე გადაიდგა.

მიკ შუმახერმა ფ4-ში პირველი რბოლა მოიგო

Motor racing-Schumacher's son wins on his debut F4 weekend
27 აპრილი
ღიაბორბლიანი ავტომობილებით რბოლებში, თავისი კარიერა წარმატებით დაიწყო მიხაელ შუმახერის შვილმა, მიკ შუმახერმა. გერმანიის ფორმულა 4-ის სერიის პირველივე ეტაპის მესამე რბოლაში, მან გამარჯვება მოიპოვა. მიკ შუმახერი გამოცდილ ჰოლანდიურ გუნდ „ვან ამერსფოორტ რეისინგის“ წევრია, პირველი რბოლა კი მან გერმანულ ოშერსლებენის ტრეკზე მოიპოვა.

მიკმა თავისი პირველი გამარჯვება მაკრეის ხსოვნას მიუძღვნა

Rallying-Meeke dedicates first WRC win to mentor McRae
27 აპრილი
ბრიტანელი კრის მიკის გამარჯვებით დასრულდა რალის მსოფლიო ჩემპიონატის მეოთხე ეტაპი - რალი არგენტინა. „სიტროენის“ მრბოლმა, მსოფლიო ჩემპიონატზე მოპოვებული პირველი გამარჯვება თავისი დამრიგებლის, ლეგენდარული კოლინ მაკრეის ხსოვნას მიუძღვნა. „ეს კოლინისთვისაა“, - განაცხადა ჩრდოლოირლანდიელმა, ვინც 2002 წლის შემდეგ, WRC-ს რბოლის პირველი ბრიტანელი გამარჯვებულია.

გადარჩენილი მელაძე და კოდუას გამარჯვების ფორმულა

26 აპრილი
რუსთავის საერთაშორისო მოტორპარკმა, წრიულ რბოლებში საქართველოს ჩემპიონატის მეორე ეტაპს უმასპინძლა. რბოლები ოთხ კლასში ჩატარდა და ოთხივემ საინტერესო ბრძოლებში ჩაიარა. განსაკუთრებით გამორჩეული კი, როგორც ყოველთვის, ლეჯენდსის და ფორმულა ალფას რბოლები გამოდგა.

Saturday, April 25, 2015

„ლენდ როვერ დისქავერი სპორტი“ საქართველოში

25 აპრილი
საქართველოს საავტომობილო ბაზარზე, „ლენდ როვერის“ საჯინიბოს ამიერიდან კიდევ ერთი უმაღლესი ხარისხის ავტომობილი, „დისქავერი სპორტი“ შეემატა, ავტომობილი, რომელიც მთელი მსოფლიოს მასშტაბით, ბრიტანული კომპანიის ბესტ სელერობისთვისაა „განწირული“. თავისი დახვეწილი გარეგნობის გარდა, ახალი ავტომობილი, რომელიც „ლენდ როვერის“ გამაში, ოჯახ „დისქავერის“ პირველი წევრია და რომელმაც პოპულარული „ფრილენდრი“ შეცვალა, უახლესი ტექნოლოგებით და მძლავრი, ეკონომიური და ეკოლოგიური ძრავებით მოხიბლავს.

Friday, April 24, 2015

დათა ქაჯაია FIA-ს ETCC-ს სერიაში იასპარეზებს

24 აპრილი
ცნობილი ქართველი დათა ქაჯაია ამ სეზონიდან ევროპის ტურინგის კლასის ავტომობილების თასზე (ETCC) იასპარეზებს. ცნობისათვის, ეს არის ევროპის ტურინგის კლასის ჩემპიონატის განაყოფი, რომლის ერთი ნაწილიც, 2005 წელს მსოფლიო ჩემპიონატად (WTCC) გარდაიქმნა, მეორე კი - ევროპის ტურინგ ქარ-ის თასად.

„იაგუარ ლენდ როვერი“ ჩინურ კოპირებას შეეგუა, ჯერჯერობით...

Land Rover Won't Go After Maker Of Range Rover Evoque Copy
23 აპრილი
„იაგუარ ლენდ როვერმა“ აღიარა, რომ მის ძალებს აღემატება იმ ჩინურ კომპანიასთან სამართლებრივი დავა, რომელმაც ახლახანს, შანჰაის ავტო შოუზე, „რეინჯ როვერ ევოუკის“ იაფფასიანი ასლი წარადგინა. კერძოდ, შანჰაიში ბრიტანული კომპანიის მთავარმა აღმასრულებელმა რალფ შპეტმა განაცხადა, რომ კომპანია „ლენდუინდის“ მიერ ინტელექტუალური საკუთრების აშკარად დარღვევის მიუხედავად, ადგილობრივმა მართლმსაჯულებამ, ჩინურ კომპანიას „ევოუკის“ მისეული ასლის, X7-ის წარმოების უფლება მიანიჭა.

Thursday, April 23, 2015

„ფორდ GT-ს“ პრემიერა ცისქვეშეთში

2017 Ford GT’s V6 EcoBoost Makes Sense in Shanghai
23 აპრილი
ეს ავტომობილი ლეგენდას აგრძელებს და ამიტომ, მისი ყველა დიდ ბაზარზე გამოჩენა განსაკუთრებულ ყურადღებას იქცევს. ბაზარზე გამოსვლამდე ჯერ დიდი დროა, მაგრამ როგორც ცისფერი ოვალი აცხადებს, სიძვირის მიუხედავად, მისი შეძენის მსურველი მაინც ძალიან ბევრია. არადა, თითქმის იმდენივე ღირს, რამდენიც „ლამბორგინი ავენტადორი“.

ფეტელი ჯერ ტიტულზე არ ფიქრობს

Vettel focused on pressuring Mercedes, not fifth title
23 აპრილი
სებასტიან ფეტელი ამბობს, რომ ჯერჯერობით, ის ჩემპიონობისთვის ბრძოლაზე არ ფიქრობს და მთელ ყურადღებას, ახლო მომავლის მიზნებზე გადაიტანს, რაც „ფერარის“ კონკურენტუნარიანობის გაზრდასა და „მერსედესზე“ მუდმივ ზეწოლას გულისხმობს. პირველ ოთხ რბოლაში ფეტელს ერთი მოგება (მალაიზიაში) და ორი მესამე ადგილი (ავსტრალიასა და ჩინეთში) აქვს. ბაჰრეინში კი მეხუთე ადგილს დასჯერდა და ჯერჯერობით, თუ დღეს ამაზე ლაპარაკი შეიძლება, ტიტულისთვის ბრძოლის რეალური შანსი აქვს.

ეკლსტოუნი: არ იქნება ფული, არ იქნება იტალიის დიდი პრიზი

No Italian GP future without more money – Ecclestone
23 აპრილი
ფორმულა ერთის კომერციულ უფლებათა მფლობელი ბერნი ეკლსტოუნი ამბობს, რომ „მონცამ უნდა გადაიხადოს, თუ სურს, რომ იტალიის დიდი პრიზის მასპინძლობის უფლება შეინარჩუნოს“. იტალიური ტრეკის ხელმძღვანელობამ ახლახანს გეგმა შეიმუშავა, რომელიც კონტრაქტის 2020 წლამდე გაგრძელებაში უნდა დაეხმაროს.

Wednesday, April 22, 2015

ფ1-ის მექსიკური ტრასის ახალი ესკიზები

New images reveal how 2015 Mexican GP will look
22 აპრილი
სარბოლო ავტოდრომების ცნობილმა არქიტექტორმა ჰერმან ტილკემ, ქალაქ მეხიკოს ძმებ როდრიგესების სახელობის ავტოდრომის (აუტოდრომო ჰერმანოს როდრიგეს) ახალი დეტალები გამოაქვეყნა. როგორც ცნობილია, ამ სეზონიდან ფორმულა ერთი მექსიკას უბრუნდება და რბოლა სწორედ განახლებულ ავტოდრომზე ჩატარდება.

Tuesday, April 21, 2015

„სუზუკი ვიტარას“ დებიუტი შანჰაიში

Suzuki Vitara – Auto Shanghai Live
21 აპრილი
„სუზუკიმ“ შანჰაის ავტო შოუზე თავისი უგზოობის უახლესი ავტომობილი „ვიტარაც“ წარადგინა. ამ ავტომობილის წარმოება უნგრულმა ქარხანამ უკვე დაიწყო. მალე კი ის ჩინეთის ბაზარზეც შევა. ახალი „ვიტარას“ მსოფლიო პრემიერა პარიზის შარშანდელ მოტორ შოუზე გაიმართა, ამჯერად კი ის ცისქვეშეთშიც წარადგინეს. ახალი „ვიტარას“ დიზაინი,  კონცეპტუალური „iV-4-ის“ შთაგონებითაა შემუშავებული, რომელიც იაპონურმა კომპანიამ ფრანკფურტის 2013 წლის მოტორ შოუზე გაგვაცნო.

„სუზუკი ბუსტერჯეტის“ პრემიერა შანჰაიში

Suzuki reveals 1.4L Boosterjet DI turbo petrol engine
21 აპრილი
„სუზუკიმ“ შანჰაის ავტო შოუზე თავისი უახლესი აგრეგატი, სერია ბუსტერჯეტის 1.4-ლიტრიანი ტურბო ძრავი წარადგინა. ეს არის ბენზინის ოთხცილინდრიანი აგრეგატი, რომელიც საწვავის უშუალოდ წვის კამერაში შეფრქვევის სისტემითაა აღჭურვილი. პრემიერის მიუხედავად, იაპონურ კომპანიას შანჰაიში თავისი ახალი ძრავის მახასიათებლები არ გამოუქვეყნებია.

მე-6 მილიონე „ლენდ როვერი“

Land Rover's six millionth production car stars at Shanghai motor show
21 აპრილი
„ლენდ როვერმა“ შანჰაის ავტო შუზე, „რეინჯ როვერ LWB ვოგ SE“ (ფოტოზე) წარადგინა, რომელიც იმითაა გამორჩეული, რომ მისი რიგითი ნომერი 6 მილიონია. კომპანიის ისტორიაში მეექვსმილიონე ავტომობილი 2 აპრილს სოლიჰალის ქარხანამ გამოუშვა და ის შანჰაიში იმ მარტივი მიზეზით გამოფინეს, რომ ეს ამ ღირსშესანიშნავი მოვლენის შემდეგ, პირველი მსოფლიო დონის გამოფენაა.

Monday, April 20, 2015

„მაკლარენი“ ბარსელონაში პირველ ქულებს გეგმავს

McLaren eyeing first Formula 1 points of 2015 in Spanish Grand Prix
20 აპრილი
„მაკლარენი“ თავის ისტორიაში ერთ-ერთ ყველაზე წარუმატებელ სეზონს ატარებს, მაგრამ გუნდი მეთოდურად აგრძელებს მანქანის სრულყოფას, რაც ბაჰრეინშიც გამოჩნდა. ფერნანდო ალონსომ მეოთხე ეტაპზე მე-11 ადგილი დაიკავა, რაც უდაო პროგრესია. მაგრამ რა თქმა უნდა, უოკინგელები ამით დაკმაყოფილებას არ აპირებენ. უფრო მეტიც, ისინი მომდევნო ეტაპზე, რომელსაც ბარსელონას მონტმელოს ტრეკი უმასპინძლებს, პირველი ქულების აღებას გეგმავენ.

Sunday, April 19, 2015

მესამე ნაბიჯი მესამე ტიტულისკენ

Motor racing-Hamilton wins again under Bahrain floodlights
19 აპრილი
ლუის ჰამილტონმა მორიგი გამარჯვება მოიპოვა, ამჯერად ბაჰრეინში. მართალია, „ფერარისგან“ კიდევ ერთხელ წააწყდა სოლიდურ წინააღმდეგობას, მაგრამ ჯერჯერობით, მის დომინაციას რეალური საფრთხე არ ელის. კვარცხლბეკის უმაღლესი საფეხურის დაკავებაში, მხოლოდ ტექნიკის გაუმართაობა თუ შეუშლის ხელს. რბოლის შემდგომ პრესკონფერენციაზე, მსოფლიოს სამგზის ჩემპიონმა ჯეკი სტიუარტმა ჰკითხა კიდეც - ამ სეზონის ბოლოს მესამე ტიტულით ხომ არ გიხილავთო?

Saturday, April 18, 2015

„ფორდმა“ პირველი სერიული „ვინიალე მონდეო“ გაგვაცნო

Ford Unveils Production Vignale Mondeo, Prices it from £29,045 in the UK
18 აპრილი
„ფორდმა“ თავის ლუქს კლასის სედან „ვინიალე მონდეოს“ სერიული ვერსია გაგვაცნო, ავტომობილი, რომელიც ამერიკული კომპანიის პრემიუმ ხაზის პირველი მოდელია. მყიდველს მას სედანის და უნივერსალის სახით შესთავაზებენ. ამ ხაზის ავტომობილებისთვის დამახასიათებელია უნიკალური დიზაინი და მაღალი ხარისხის მასალებით, გაფორმება. ამასთან ამ ავტომობილებისთვის შემუშავებულია სპეციალური ფერი - „ვინიალე ნოჩოლა“, რომელიც ავტომობილს ექსკლუზიურობის დამატებით დოზას მატებს.

ბაჰრეინში ხვალ დიდი ბრძოლა იქნება!

Motor racing-Hamilton takes fourth pole in a row
18 აპრილი
ჯერ კიდევ ბაჰრეინის დიდი პრიზის პირველივე თავისუფალ პრაქტიკაზე, „ფერარიმ“ დაგვანახა, რომ სახირზე მალაიზიური მიღწევის გამეორება შეუძლია - პირველი ორი პოზიცია მისმა პილოტებმა დაიკავეს. კვალიფიკაციაზე კი მათი ბრძოლისუნარიანობა კიდევ ერთხელ გამოვლინდა - ორ „მერსედესს“ შორის მარანელოელთა წითელი ბოლიდი განლაგდა. და თუ პირველ პრაქტიკაზე უსწრაფესი კიმი რაიკონენი იყო, ამჯერად კვიცების ბანაკიდან უფრო სწრაფი სებასტიან ფეტელი გამოდგა, რომელიც სწორედ იმ ბოლო წამამადე, როცა ლუის ჰამილტონმა მისი დრო გააუმჯობესა, პოულზე იყო.

„ბახა 700“ – კიდევ უფრო მძლავრი „ფორდ F-150- რეპტორი“

Shelby Baja 700 takes Ford F-150 SVT Raptor to the next level
18 აპრილი
„ფორდ F-150 SVT რეპტორი“ თავის სეგმენტში ერთ-ერთი ყველაზე მძლავრი და სწრაფი ავტომობილია, „შელბი“ კი მასზე გაცილებით მძლავრ (575-ცხენისძალიან) „შელბი რეპტორს“ უშვებს, მაგრამ როგორც ჩანს, ადრენალინის მოყვარულთათვის, ესეც არ იყო საკმარისი. სწორედ ასეთებისთვის, ცისფერი ოვალის პარტნიორმა სატუნინგო კომპანიამ, კიდევ უფრო ძლიერი და ყოვლისშემძლე „მტაცებელი“ შეიმუშავა.

ფეტელს ჯარიმა ელის

Vettel at risk of being penalized after mishap in practice
16 აპრილი
ბაჰრეინის დიდი პრიზის მეორე თავისუფალი პრაქტიკის დროს, სებასტიან ფეტელსა და სერხიო პერესს შორის მცირე ინციდენტი მოხდა - „ფერარის“ პილოტი პიტლეინიდან ტრასაზე ბრუნდებოდა, როცა პირველ მოსახვევში შესვლისას, მექსიკელთან მცირე შეჯახება მოუვიდა. როცა პერესმა მოხვევა სცადა, ფეტელის მანქანა ცხვირით მისი „ფორს ინდიას“ უკანა მარჯვენა ბორბალს დაეჯახა. მაშინვე ფეტელმა თავის ბოქსს რადიოთი უთხრა, მუხრუჭებში პრობლემააო.

Thursday, April 16, 2015

„რეინჯ როვერის“ ოჯახს მეოთხე მოდელი შეავსებს

Range Rover Mulling Fourth Model in Between Evoque and Sport
16 აპრილი
„ლენდ როვერმა“ თავისი ყველაზე მდიდრული ოჯახის, „რეინჯ როვერის“ გამაში თავისუფალი ნიშა აღმოაჩინა და მას მალე ახალი ავტომობილით შეავსებს. ის კომპაქტურ „ევოუკსა“ და „რეინჯ როვერ სპორტს“ შორის ჩადგება. ბრიტანული კომპანიის დიზაინის დირექტორმა ჯერი მაკგოვერნმა, ავსტრალიურ გამოცემა „მოტორინგთან“ საუბრისას განაცხადა, რომ „რეინჯ როვერის“ ავტომობილებზე არსებული მოთხოვნა, ახალი ავტომობილის გამოშვებისთვის მყარი საფუძველია.

ბრანდლი: მაქს ფერსტაპენს სენას და შუმახერის თვისებები აქვს

Max Verstappen showing 'Senna and Schumacher hallmarks'
16 აპრილი
შესაძლოა, ჩვენ ფორმულა 1-ის ახალი სუპერ ვარსკვლავის ჩამოყალიბების მომსწრენი ვართ. და სებასტიან ფეტელის მსგავსად, ისიც „ტორო როსოდან“ მოდის. ის ჯერ მხოლოდ 17 წლისაა და ფ1-ში მის მოსვლას ბევრი კრიტიკულად შეხვდა. ალბათ, ასეც უნდა ყოფილიყო, მაგრამ მაქს ფერსტაპენმა ძალიან მალე დაარწმუნა ყველა, რომ მცირე ასაკი მის შემთხვევაში დაბრკოლება არ უნდა ყოფილიყო. მან ამის დემონსტრირება სეზონის პირველ სამ ეტაპზე უკვე შეძლო.

რაიკონენი: „ფერარის“ „მერსედესთან“ კონკურენცია შეუძლია

Raikkonen says Ferrari can sustain Mercedes pressure
16 აპრილი
კიმი რაიკონენი იმდენად ოპტიმისტურად განაწყო ფ1-ის მიმდინარე სეზონის განვლილმა სამმა ეტაპმა, რომ ის უკვე „ფერარის“ ხშირ გამარჯვებებს უწინასწარმეტყველებს. ფინელი დარწმუნებულია, რომ „სკუდერია“ „მერსედესს“ კონკურენციას რეგულარულად გაუწევს.

Tuesday, April 14, 2015

„სუზუკი ვიტარას“ ორიგინალური სარეკლამო რგოლი

The First 2015 Suzuki Vitara TV Commercial Is Pretty Funny
14 აპრილი
ქალაქი საზეიმოდაა მორთული, ხალხი ქუჩებშია გამოფენილი, მთავარ ქუჩაზე ლურჯი და ფორთოხლისფერი დროშები ფრიალებს, ირგვლივ მხიარულებაა. ყველა ვიღაცის მოლოდინშია. დაახლოებით ასეა ხოლმე, როცა ტურ დე ფრანსის პელოტონი ფინიშს უახლოვდება, ან პამპლონაში ხარების ქუჩაში გარბენი ეწყობა, ან ქალაქი თავის საყვარელ საფეხბურთო გუნდს დახვედრას უწყობს დიდი გამარჯვების აღსანიშნად.

Monday, April 13, 2015

„ფორდმა“ 11-საფეხურიანი ავტომატური ტრანსმისია დააპატენტა

11-Speed Automatic Transmission Patent Filed by Ford Motor Company With the USPTO
13 აპრილი
„ფორდის“ განკარგულებაში უკვე არის 10-საფეხურიანი ავტომატური ტრანსმისია, რომელსაც პიკაპ „F-150 რეპტორზე“ ფამოიყენებს (მომავალი წლიდან). ამ ავტომობილზე, კოლოფი სერია ეკობუსტის 3.5-ლიტრიან წყვილ ტურბოიან V6 ძრავთან წყვილში მუშაობს, რითაც საწვავის ეკონომიურად მოხმარებას უზრუნველყოფს. მაგრამ, „ფორდი“ უფრო მეტს ეშურება:

როსბერგი „თავისთვის ფიქრობს“...

Motor racing-Rosberg accuses Hamilton of selfish behaviour
13 აპრილი
ჩინეთის დიდი პრიზის რბოლის შემდგომ პრესკონფერენციაზე, ნიკო როსბერგმა ყველა გააოცა, როცა თავის თანაგუნდელ ლუის ჰამილტონს ბრალი დასდო მისთვის ხელის შეშლაში. მისი თქმით, ბრიტანელი შეგნებულად შედარებით დაბალი ტემპით ასპარეზობდა, რათა „ფერარის“ პილოტებისთვის, როსბერგის დაწევის საშუალება მიეცა.

Sunday, April 12, 2015

ახალი „ფორდ ფოკუს RS-ის“ ამერიკული პრემიერა

2016 Ford Focus RS Brings Euro Hot Hatch Awesomeness to the States
12 აპრილი
ჟენევის მოტორ შოუზე მსოფლიო პრემიერის შემდეგ, „ფორდმა“ უახლესი „ფოკუს RS“ ამერიკელებს პირველად ნიუ იორკის ავტო შოუზე წარუდგინა. უწინდელისგან განსხვავებით, „ფოკუს RS-ი“ გლობალური ავტომობილი გახდა და შესაბამისად, ყველა იმ ბაზარზე გაიყიდება, სადაც ამერიკული კომპანია მუშაობს, ანუ მთელს მსოფლიოში. მას კვლავაც გერმანიის ზაარლუისის ქარხანაში გამოუშვებენ და შეერთებულ შტატებსა და კანადაში პირველად, 2016 წელს შეიტანენ.

ჰამილტონს მეოთხე ჩინური ტრიუმფი

Motor racing-Hamilton cruises to Chinese Grand Prix victory
12 აპრილი
ჰამილტონი პირველი პილოტია, ვინც ჩინეთის დიდი პრიზი ზედიზედ მეორედ მოიგო, სულ კი ეს შანჰაიში მისი მეოთხე გამარჯვებაა. მართალია, ბრიტანელმა ვერც თავისი თანაგუნდელი ნიკო როსბერგი ჩამოიტოვა შორს და ვერც სებასტიან ფეტელი, მაგრამ სტარტიდან ფინიშამდე რბოლას აბსოლუტურად აკონტროლებდა და ფინიშის ხაზიც პირველმა გადაკვეთა.

Saturday, April 11, 2015

„რეინჯ როვერ სპორტ HST“ - შეზღუდული ტირაჟით

2016 Range Rover Sport HST Limited Edition
11 აპრილი
ახლანდელი „რეინჯ როვერ სპორტი“ ისედაც სწრაფი და მძლავრი ავტომობილია და უფრო სწრაფი ვერსია SVR აქვს, რომელსაც ნურბურგრინგის ჩრდილოური მარყუჟი, უგზოობის ავტომობილებისთვის სარეკორდო დროში (8:14) აქვს გავლილი. მაგრამ „იაგუარ ლენდ როვერისთვის“ ესეც არაა საკმარისი და ამის დასტურად, კომპანიამ კიდევ ერთი გამორჩეული ვერსია, HST შეიმუშავა.

კინაღამ არ ითვლება

Motor racing-Hamilton takes pole hat-trick in China
11 აპრილი
კინაღამ იმიტომ, რომ ჩინეთის დიდი პრიზის კვალიფიკაციის ბოლო წამებზე, ნიკო როსბერგმა ლამის შეძლო თავის თანაგუნდელ ლუის ჰამილტონსთვის მორიგი პოულის მოპოვებაში ხელის შეშლა. ბრიტანელმა სესიის ბოლო ნაწილის პირველივე ცდაზე შეძლო იმ დროის ჩვენება, რომელიც შემდგომში ვერავინ გააუმჯობესა. ამჯერად პოულის ბედი 0.042 წამმა გადაწყვიტა.

Friday, April 10, 2015

ჰამილტონი, რაიკონენი და სხვები

Motor racing-Hamilton edges Raikkonen in China practice
10 აპრილი
„ფერარი“ ჩინეთშიც ფორმაშია. ორივე პრაქტიკაზე, მისი ორივე პილოტი მოწინავე ოთხეულშია. ამჯერად, უფრო სწრაფი კიმი რაიკონენია, რომელიც უსწრაფეს ლუის ჰამილტონს 0.443 წამით ჩამორჩა. ისე კი, მხოლოდ ამ ორმა შეძლო შანჰაის ტრეკის წრის წუთსა და 38 წამზე ნაკლებში გავლა. რაც მთავარია, ნარბოლევს მოქმედმა ჩემპიონმა აღიარა, მალაიზიაში „ფერარის“ გაელვება შემთხვევითი არ იყო და ეს გუნდი ჩვენს რეალურ კონკურენტად გადაიქცაო.

Thursday, April 9, 2015

„მაკლარენი“ ალონსოს ბოლო გუნდია

Alonso will retire after McLaren stint
9 აპრილი
ფერნანდო ალონსო ამბობს, რომ „მაკლარენი“ მისი ბოლო გუნდი იქნება და იქიდან წამოსვლასთან ერთად, ფორმულა ერთში თავის კარიერასაც დაასრულებს. მსოფლიოს ორგზის ჩემპიონი ახლა 33 წლისაა. ფ1-ში მისი დებიუტი 2001 წელს შედგა. მაშინ მან „მინარდის“ (ახლანდელი ტორო როსო) ბოლიდით იასპარეზა. წლევანდელი სეზონი მისთვის ფ1-ში მეთხუთმეტეა. აქედან ერთი სეზონი (2002 წელს) მან „რენოს“ ტესტ პილოტის რანგში, რეზერვში გაატარა.

Wednesday, April 8, 2015

უგზოობის ლიმუზინი - „რეინჯ როვერ SVავტობაიოგრაფი“

2016 Range Rover SVAutobiography Brings Ultimate 4x4 Luxury to New York
8 აპრილი
ასეთ ავტომობილს რომ უგზოობისა უწოდო, ენა როგორ უნდა მოგიბრუნდეს, მაგრამ რეალურად ასეა, რადგან „რეინჯ როვერს“, მითუმეტეს ახლანდელი თაობისას, არაერთხელ დაუმტკიცებია, რომ მისთვის გაუვლელი გზა არ არსებობს. თუმცა, მისი მთავარი ღირსება ყოველთვის იყო მდიდრული სალონი, როგორითაც ძირითადად, წარმომადგენლობითი სედანები თუ დაიკვეხნიან.

„ფორდი“ ახალ „ტორასს“ პირველად შანჰაიში წარადგენს

All-New Ford Taurus to Be Unveiled at the Shanghai Auto Show
5 აპრილი
„ფორდმა“ გამოაცხადა, რომ შანჰაის ავტო შოუზე, აზიისა და წყნარი ოკეანის რეგიონის ბაზრისთვის შვიდ ახალ ავტომობილს გამოფენს. მათ შორის იქნება უახლესი სედანი „ტორასი“, რომელიც ამერიკულმა კომპანიამ, ჩინელი მომხმარებლების მოთხოვნების გათვალისწინებით შეიმუშავა. ამის მიზეზი კი ისაა, რომ ეს პოპულარული ავტომობილი პირველად შევა ცისქვეშეთის ბაზარზე.

Sunday, April 5, 2015

წრიული რბოლების სეზონი გაიხსნა

4 აპრილი
რუსთავის საერთაშორისო მოტორპარკზე სტარტი აიღო წრიულ რბოლებში საქართველოს ჩემპიონატმა, რომელიც ახალი სეზონიდან, ოთხ კლასში ტარდება. საერთო ჯამში, 60-მდე მონაწილემ მოიყარა თავი, რომლებმაც ოთხივე კლასში მაყურებელს საინტერესო სანახაობა შესთავაზა. განსაკუთრებით დაძაბული, ლეჯენდსის, ფორმულა ალფას და „ჰონდას“ მონო კლასის რბოლები გამოდგა, რომლებში გამარჯვებისთვისაც, სტარტიდან ფინიშამდე უშეღავათო ბრძოლა მიმდინარეობდა.

Saturday, April 4, 2015

„ფერარის“ შეფს უფრო ხელმისაწვდომი ფორმულა 1 სურს

Ferrari chief Arrivabene says Formula 1 must be more affordable
2 აპრილი
„ფერარის“ შეფი მაურიციო არივაბენე დარწმუნებულია, რომ ფორმულა ერთს მომავალში მხოლოდ გამოადგება, თუ ის უფრო ხელმისაწვდომი გახდება. ოღონდ თვლის, რომ სარბოლო ავტომობილების სტანდარტიზაციის ხარჯზე ეს არ უნდა მოხდეს, რადგან ეს მეტისმეტი იქნება.

Thursday, April 2, 2015

„ფერარი“ „უილიამსზე“ გაცილებით სწრაფია

Williams duo admit Ferrari a lot quicker
2 აპრილი
„უილიამსის“ მრბოლები, ვალტერი ბოტასი და ფელიპე მასა აღიარებენ, რომ მათს გუნდს ბევრი მუშაობა მართებს იმისათვის, რომ „ფერარის“ დაწევა შეძლოს. ბევრი მოელოდა, რომ ამ სეზონში „უილიამსი“ „ფერარისთან“ ერთად ეცდებოდა „მერსედესის“ დაწევას, მალაიზიაში „სკუდერიას“ სებასტიან ფეტელმა გაიმარჯვა, რომელმაც „უილიამსელები“ 70 წამზე მეტით ჩამოიტოვა. უფრო მეტიც, ისინი კიმი რაიკონენმაც დაამარცხა, რომელსაც რბოლის დასაწყისში ბორბალი გაისკდა და ამაზე ბევრი დრო დაეკარგა.

„ფორდ GT-ზე“ რიგი დადგა

Ford grappling with premature demands for $400k GT supercar
2 აპრილი
როცა „ფორდმა“ თავისი ახალი სუპერ ავტომობილი GT დეტროიტის მოტორ შოუზე პირველად წარადგინა, მისი ფასი არ გამოუქვეყნებია. ფასი არც ახლაა დაზუსტებული. მხოლოდ მინიშნებითაა ნათქვამი, რომ 400 000 დოლარის ფარგლებში ეღირება. ბევრმა ისიც კი თქვა, ამ ფასად „ლამბორგინის“ ყიდვა შეიძლება და GT-ში მაგ თანხას ვინ გაიმეტებსო. მაგრამ პირიქით კი ხდება!

Wednesday, April 1, 2015

„ტურინელი მხეცი“ გუდვუდში

28-Liter Fiat "Beast of Turin" Roars Back to Life at Goodwood
1 აპრილი
„ფიატი“ ცნობილია, როგორც მცირელიტრაჟიანი ავტომობილების მწარმოებელი. მაგრამ ყველამ როდი იცის, რომ იტალიურმა კომპანიამ 1911 წელს დაამზადა ავტომობილი, სახელად „ფიატ S76“, რომელმაც მალევე მოიპოვა თავისი დროის უსწრაფესი ავტომობილის წოდება. ეს წოდება კი მას ოთხცილინდრიანმა, 28.5-ლიტრიანმა (!), 300-ცხენისძალიანმა ძრავმა მოაპოვებინა.

„მაკლარენი“ ორივე დაზიანებულ აგრეგატს ჩინეთში გამოიყენებს

McLaren to re-use Sepang engines in China
1 აპრილი
„მაკლარენის“ შეფი რონ დენისი ამბობს, რომ მისი გუნდი იმ ძრავების ჩინეთში გამოყენებას აპირებს, რომელთა გამოც, ფერნანდო ალონსომ და ჯენსონ ბატონმა სეპანგის რბოლის დასრულება ვერ შეძლეს. ესპანელის მანქანაზე სისტემა ERS-ის გაგრილების კვანძი დაზიანდა, ბრიტანელის შემთხვევაში კი მწყობრიდან ტურბო კომპრესორი გამოვიდა.

მონცას ფ1-ის შესანარჩუნებელი გეგმა აქვს

Monza reveals plans to secure new F1 deal
1 აპრილი
მონცას ხელმძღვანელობას იმედი აქვს, რომ ფორმულა ერთთან ახალ ხელშეკრულებას გააფორმებს და მინიმუმ 2020 წლის ჩათვლით უმასპინძლებს იტალიის დიდ პრიზს. ავტოდრომს, რომელიც 1950 წლიდან მოყოლებული, ერთის გარდა (გამონაკლისი იყო 1980 წელს, როცა რბოლა იმოლას ტრეკზე ჩატარდა), ყოველ სეზონში ღებულობდა იტალიის ეტაპს, ფ1-თან კონტრაქტი მომავალ სეზონში დაუმთავრდება.