დიდი არჩევანი, კარგი ფასები

Sunday, September 1, 2013

ალონსოს სათქმელი აქვს...

lonso to announce “important news”
1 სექტემბერი
ფერნანდო ალონსომ ახლახანს თავის ტვიტერზე დაწერა, ამ დღეებში მნიშვნელოვან ამბავს გეტყვთო. ნეტავ, რა აქვს სათქმელი მსოფლიოს ორგზის ჩემპიონს, რომელიც უკვე მერამდენე წელია, „ფერარისგან“ ამაოდ ელის მანქანას, რომლითაც ჩემპიონობისთვის ბრძოლას შეძლებს? ამაზე მხოლოდ მარჩიელობა თუ შეიძლება, რადგან ესპანელი მრბოლისგან ყველაზე სენსაციური გადაწყვეტილებაც კი მოსალოდნელია.

„ბულეტა RF22“ - კალიფორნიული გამანადგურებელი

Bulleta RF22 is a Lotus Evora-Based Sports Car from California with 505 HP
1 სექტემბერი
„ბულეტა მოტორსი“ კალიფორნიის ქალაქ ირვინში ბაზირებული პატარა, მაგრამ მეტად ამბიციური კომპანიაა, რომელმაც სუპერ ავტომობილი, სახელად RF22 შეიმუშავა. „F22 რეპტორ“, მეხუთე თაობის საბრძოლო თვითმფრინავის სახელია, რომელსაც „ლოკჰიდ მარტინი“ და „ბოინგი“ აწარმოებენ და რომელშიც „სტელსის“ ტექნოლოგიაა გამოყენებული. ოღონდ, სახელის გარდა, ავტომობილს და თვითმფრინავს საერთო არაფერი აქვთ.

ფეტელი: „მერსედესს“ პილოტების საუკეთესო წყვილი ჰყავს

Vettel says Mercedes has best Formula One duo
1 სექტემბერი
მსოფლიოს სამგზის ჩემპიონი სებასტიან ფეტელი ამბობს, რომ თანამედროვე ფორმულა ერთში, მრბოლთა საუკეთესო წყვილი „მერსედესის“ გუნდს ჰყავს. გერმანულ გაზეთ „ბილდის“ კითხვაზე, ამ სეზონში რომელი საჯინიბოს პილოტების წყვილი მიაჩნია საუკეთესოდ, მან უყოყმანოდ უპასუხა: „ჰამილტონი და როსბერგი. ისინი სწრაფებიც არიან და ერთმანეთსაც საუკეთესოდ ეწყობიან“.

„ტოიოტამ“ ახალი „იარის ჰაიბრიდ R კონცეპტი“ ახლოს გაგვაცნო

Toyota Releases New Info on 420HP Yaris Hybrid R Concept
1 სექტემბერი
ერთხანს ინფორმაცია ამ კონცეპტუალურ ავტომობილზე იაპონურ კომპანიას გასაიდუმლოებული ჰქონდა, მაგრამ ფოტო ტიზერებს მალე მისი მოკლე დახასიათებაც მოაყოლა. როგორც მოსალოდნელი იყო, ავტომობილი სუბკომპაქტურ ჰეჩბეკ „იარისის“ ბაზაზეა დამზადებული და ჰიბრიდული აგრეგატითაა აღჭურვილი. ავტომობილის სახელია „იარის ჰაიბრიდ R კონცეპტი“ და მისი პრემიერა ფრანკფურტის მოტორ შოუზე გაიმართება.

„ფორდი“ ჩინეთში „ეჯის“ შეტანას აპირებს

Ford plans to sell Edge in China, report says
1 სექტემბერი
„ფორდი“ თანდათან აფართოებს იმ რეგიონების სიას, სადაც ქროსოვერ „ეჯს“ ჰყიდის. მორიგი დიდი ბაზარი, სადაც ამ ავტომობილის შეტანა იგეგმება, ჩინეთია. ოღონდ, ეს მას შემდეგ მოხდება (2015 წელს), რაც ცისფერი ოვალი მას განაახლებს. ამერიკულმა კომპანიამ „ეჯის“ შარშან მიიღო, მაგრამ რატომღაც, ჩინეთს ეს პოპულარული ავტომობილი დაუგვიანა. ეს კი მხოლოდ იმის გამო მოხდა, რომ ჩინეთისთვის „ეჯის“ სპეციალური ვერსიის წარმოება იგეგმება, რომელიც იქაური მყიდველის მოთხოვნილებათა შესაფერისი იქნება.

„ნისანი“ ელექტრომობილების გამას ხუთამდე გაზრდის

Nissan’s Lineup of EVs Set to Grow to Five, Inductive Charging Desired for Infiniti Model
1 სექტემბერი
თავისი თანაალიანსელი „რენოსგან“ განსხვავებით, „ნისანი“ ჯერჯერობით მხოლოდ ერთ ელექტრომობილს - „ლიფს“ აწარმოებს, რომელიც უკვე მოერგო ბაზარს და წელს საკმაოდ კარგადაც კი იყიდება. გაყიდვების სტაბილურ ზრდას ხელ იმ ფაქტმა შეუწყო, რომ ავტომობილი გაიაფდა და იმავდროულად, მისი მახასიათებლებიც გაუმჯობესდა. და რაც მთავარია, ამერიკასა და იაპონიაში, ელექტრომობილებისთვის აუცილებელი ინფრასტრუქტურა სწრაფი ტემპით ვითარდება.

კრის ბენგლის აზრით, საავტომობილო დიზაინს ინოვაციურობა აკლია

Chris Bangle Says Current Car Design is Stuck, Lacks Innovation
1 სექტემბერი
კრის ბენგლი თანამედროვე საავტომობილო დიზაინის ერთ-ერთი ყველაზე გამორჩეული ავტორიტეტია. სწორედ მისი მისი ხელმძღვანელობით განხორციელდა „ბეემვეს“ სტილის რადიკალური ტრანსფორმაცია. მაგრამ შემდეგ მან ბავარიული კომპანიაც დატოვა და მთლიანად, საავტომობილო ინდუსტრიაც. 2009 წელს საკუთარი სტუდია ჩამოაყალიბა, რომელიც ტურინში დაფუძნდა. ბუნებრივია, ამ კაცის მოსაზრებებს ავტოსამყარო ახლაც ანგარიშს უწევს...