დიდი არჩევანი, კარგი ფასები

Monday, June 30, 2014

„ლენდ როვერი“ „დისქავერი სპორტს“ ჰეილვუდის ქარხანაში გამოუშვებს

New Land Rover Discovery Sport to be Built at Halewood Plant in the UK
30 ივნისი
„ლენდ როვერი“ თავის სრულიად ახალ ავტომობილს, სახელად „დისქავერი სპორტი“, ლივერპულის მახლობლად, ჰელივუდის ქარხანაში გამოუშვებს, რომლის გადაიარაღებასაც 200 მილიონი გირვანქა სტერლინგი მოახმარა. ახალი ავტომობილის შეუფერხებლად წარმოებისთვის, ქარხანაში დამატებით 250 ახალ თანამშრომელს აიყვანენ, რის შემდეგაც, იქ დასაქმებულთა რაოდენობა 4 750-ს მიაღწევს, ეს კი სამჯერ მეტია, ამავე ქარხანაში 2010 წელს მომუშავეთა რაოდენობაზე.

ახალი „ფორდ მუსტანგის“ შავი ყუთი

2015 Ford Mustang will tell authorities how you crashed and if you were belted
30 ივნისი
ახალი „მუსტანგი“ არამარტო ახალი გარეგნობით და უკეთესი მახასიათებლებით გამოირჩევა, არამედ მის კონსტრუქციაში 15 ისეთი სიახლეა გამოყენებული, რომლებიც ცისფერმა ოვალმა დააპატენტა. არის ისეთი სიახლეებიც, რომლებიც „მუსტანგზე“ პირველად დაინერგება. ერთ-ერთი ასეთი სიახლეა სისტემა „911 ესისტი“, რომელიც ინციდენტის შემთხვევაში, ზედმიწევნით იწერს მოვლენათა თანმიმდევრობას. ეს არის სისტემა „სინკ-ის“ შემადგენლი ნაწილი, რომლითაც „ფორდმა“ უკვე თავისი 7 მილიონზე მეტი ავტომობილი აღჭურვა.

Sunday, June 29, 2014

ოჟიემ პოლონეთშიც მოიგო და ლიდერობა განიმტკიცა

Rallying-Ogier increases lead with Poland triumph
29 ივნისი
სებასტიან ოჟიემ ამ სეზონში მეხუთე რბოლა პოლონეთში მოიგო და კიდევ ერთი ნაბიჯი გადადგა ზედიზედ მეორე ტიტულისკენ. ის ახლა უკვე 51 ქულას უგებს უახლოეს მდევარს, ფინელ თანაგუნდელ იარი-მატი ლატვალას, რომელმაც პოლონური ეტაპი (ბოლო ხუთ წელიწადში პირველად გაიმართა) მეხუთე ადგილზე დაასრულა.

Saturday, June 28, 2014

„ფორდმა“ გუდვუდში განახლებული „ფოკუს ST“ გაგვაცნო

Revised Ford Focus ST revealed
28 ივნისი
გუდვუდის სიჩქარის ფესტივალზე „ფორდის“ განახლებული „ფოკუს ST-ს“ დებიუტი შედგა. იქვე შედგა მისი პირველი „ნათლობა“ - ავტომობილმა აღმართზე რბოლაში მიიღო მონაწილეობა. როგორც ცისფერი ოვალი აცხადებს, ახალი ავტომობილი უკეთაა დაბალანსებული, უკეთ რეაგირებს საჭის მოძრაობაზე და მართვით დიდ სიამოვნებას მოგანიჭებთ. ამასთან, ეს არის პირველი „ფოკუს ST“, რომელიც დიზელის ძრავითაც აღიჭურვება.

IAA საქართველოში ბიზნესს გთავაზობთ

28 ივნისი
„იშოვნეთ ფული ამერიკის შეერთებული შტატებიდან ავტომობილების იმპორტით“! - ამ დევიზით, ამერიკულმა კომპანია IAA-მ (ინშურენს ავტო ოქშენზ - დაზღვევის ავტომობილების აუქციონი) და მისმა ქართველმა პარტნიორმა „იაა მოტორსმა“, ერთობლივი პროექტის პრეზენტაცია ჩაატარეს, რომლის მიზანიც, საქართველოში ამერიკიდან იმპორტირებული მეორადი ავტომობილებით ვაჭრობის გაფართოება და გამარტივებაა.

Friday, June 27, 2014

ფორმულა ერთში ადგილიდან რესტარტები მკვიდრდება

Motor racing-F1 to use standing race restarts from grid in 2015
27 ივნისი
ფორმულა ერთი მორიგი სიახლეებისთვის ემზადება. მსოფლიო მოტორ სპორტის საბჭომ რეგლამენტის ცვლილებათა სია გამოაქვეყნა, რომელთაგან ერთ-ერთი გვამცნობს, რომ მომავალი სეზონიდან, რბოლებში უსაფრთხოების პერიოდების (ტრასაზე უსაფრთხოების მანქანის გამოსვლის) შემდეგ, ასპარეზობა ადგილიდან სტარტით განახლდება. ამ ცვლილების მიზანი, რბოლების სანახაობრივი მხარის გაუმჯობესებაა, თუმცა მას ბევრი პილოტი უკვე აკრიტიკებს.

„ასტონ მარტინ DP-100“ - ვირტუალური ავტომობილი რეალობაში

DP-100 Vision is Aston Martin’s Answer to the Mid-Engined Supercar, for Gran Turismo 6
27 ივნისი
„ასტონ მარტინი“ კიდევ ერთი საავტომბილო კომპანიაა, რომელმაც „სონი პლეისტეიშნის“ ვიდეოთამაშ „გრან ტურიზმო 6-თვის“ ვირტუალური ავტომობილის შექმნა გადაწყვიტა. ბაზრის გარეთ შეჯიბრის გარდა, ეს ერთგვარ მარკეტინგულ სვლადაც იქცა - თამაშში მონაწილე კომპანიებს მაღალი ცნობადობა გარანტირებული აქვთ. და თუ მოთამაშეებს შორისაც პოპულარულობას მოიპოვებენ... ამიტომ, ოთხბორბლიანი პერსონაჟების შემქმნელები საქმეს დიდი პასუხისმგებლობით ეკიდებიან და შესაბამისად, „გრან ტურიზმოც“ არაერთი საინტერესო ავტომობილით ივსება.

„მერსედესის“ სკულპტურა გუდვუდის სიჩქარის ფესტივალზე

Mercedes Builds Most Elaborate Goodwood Sculpture Ever to Celebrate Itself
27 ივნისი
გუდვუდის სიჩქარის ფესტივალს ერთი ტრადიცია აქვს - გუდვუდის სასახლის წინ, ყოველთვის დგამენ გიგანტურ სკულპტურას, რომელიც რომელიმე ავტოსპორტულ მოვლენას, ან ავტოსპორტში სახელმოხვეჭილ კომპანიას წარმოგვიდგენს. წელს ასეთი სკულპტურის აგების საპატიო მისია „მერსედეს-ბენცს“ ჩააბარეს, კომპანიას, რომლის „ვერცხლისფერი ისრებიც“, წარსულსა და აწმყოში ბრწყინავენ სარბოლო ტრასებზე.

Thursday, June 26, 2014

„ფოლსვაგენ ხოჭო“ რალიქროსისთვის

544HP VW Beetle GRC Rallycross Car is One Angry Bug
26 ივნისი
„ფოლკსვაგენმა“ და „ანდრეტი ავტოსპორტმა“ დაასრულეს რალიქროსისთვის სპეციალურად მომზადებული სარბოლო „ბიტლGRC-ის“ შემუშავების და სრულყოფის პროცესი და ის საზოგადოებას წარუდგინეს. ამ ავტომობილით, გერმანული კომპანიის პარტნიორი სახელოვანი ამერიკული ავტოსპორტული გუნდი, თავის ამერიკელ პილოტებთან, ტანერ ფაუსტთან და სკოტ სპიდთან ერთად, „რედ ბულ გლოუბლ რალიქროსის“ ჩემპიონატში იასპარეზებს.

„ფერარი“ ტურბოს და ჰიბრიდებს აითვისებს და CO2-ს შეამცირებს

Ferrari Adding Turbos, Hybrids to Cut CO2
26 ივნისი
ისევე როგორც ფორმულა ერთში, „ფერარის“ საგზაო ავტომობილების წარმოებაშიც ახალი გამოწვევა ელის - გამონაბოლქვის შემცირება. ოღონდ, ეს ისე უნდა გააკეთოს, რომ არ შელახოს თავისი, როგორც მსოფლიოში საუკეთესო მახასიათებლების ავტომობილების მწარმოებლის რეპუტაცია. როგორც გამოცემა „ავტომოტივ ნიუსი“ იუწყება, მარანელოელები 2021 წლამდე თავიანთი ავტომობილების გამონაბოლქვში ნახშირბადის დიოქსიდის (CO2) შემცველობის 20 პროცენტით შემცირებას გეგმავენ, რისთვისაც უფრო ინტენსიურად გამოიყენებენ ტურბო ძრავებს და ბენზინ-ელექტრულ ჰიბრიდულ დანადგარებს.

„ტოიოტამ“ ფიჭურელემენტიანი სედანი გაგვაცნო

Toyota Reveals New Fuel Cell Sedan, Starts from $68,690 in Japan
26 ივნისი
უკვე ოც წელზე მეტია, რაც „ტოიოტა“ წყალბადის ფიჭური ელემენტების ტექნოლოგიის ათვისებაზე მუშაობს. იაპონურმა კომპანიამ 2002 წელს, ამერიკასა და იაპონიაში, ასეთი ელემენტებით აღჭურვილი ავტომობილების მცირე რაოდენობით ლიზინგით გაცემაც კი დაიწყო. მაგრამ მასობრივი წარმოებისთვის მაშინ შესაბამისი არც ინფრასტრუქტურა არსებობდა და არც ტექნოლოგიები.

ახალი „ფორდ ეჯი“ - ამიერიდან გლობალური მოდელი

2015 Ford Edge Gets Better Looks and More Tech for its Journey Around the World
26 ივნისი
ამ ავტომობილს „ფორდი“ უკვე დიდი ხანია, ამზადებს. პირველად კონცეპტუალური „ეჯის“ სახით, ლოს ანჯელესის შარშანდელ მოტორ შოუზე გვიჩვენა. იქვე ითქვა, რომ ამიერიდან ეს საშუალო ზომის ქროსოვერი მთელი მსოფლიოს მასშტაბით, ასზე მეტ ქვეყანაში გაიყიდება. ახალი „ეჯი“, საშუალო ზომის გლობალურ პლატფორმაზეა ბაზირებული, რომელსაც ცისფერი ოვალი სედან „ფიუჟნ/მონდეოს“ ბაზისად იყენებს. ახალი ქროსოვერი კონცეპტუალური „ეჯის“ სტილშია შესრულებული, ინტერიერი კი - „ფორდის“ კორპორატიულ სტილში.

Wednesday, June 25, 2014

„რედ ბული“ საკუთარ ძრავს არ გააკეთებს

Red Bull rules out building own Formula 1 engine
25 ივნისი
„რედ ბულმა“ გამოაცხადა, რომ არ აპირებს საკუთარი ძრავის შემუშავებას, რომლითაც „რენოს“ ძრავის ჩანაცვლების საშუალება ექნება. ავსტრიულ ეტაპამდე, წითელი ხარების შეფი კრისტიან ჰორნერი ამბობდა, რომ ფრანგული კომპანიის მიერ მისი გუნდისთვის მიწოდებული ძრავების ხარისხი და მახასიათებლები ვერაფრით აკმაყოფილებს ტიტულზე პრეტენზიის მქონე გუნდის მოთხოვნებს.

„ფორდის“ 1.0-ლიტრიანი ეკობუსტი ისევ მსოფლიოს საუკეთესო ძრავია

Ford 1.0-liter EcoBoost Wins Overall Engine of the Year Award
25 ივნისი
„ფორდის“ 1.0-ლიტრიან, სერია ეკობუსტის სამცილინდრიან ტურბო აგრეგატს, ზედიზედ მესამედ მიენიჭა წლის საუკეთესო ძრავის ტიტული. ამგვარად, მის ყოველ ცილინდრზე უკვე თითო ასეთი აღიარება მოდის. და ის მითუფრო მნიშვნელოვანია, რომ კონკურსის ჟიურის წევრები, მთელს მსოფლიოში აღიარებული საავტომობილო თემაზე მომუშავე ჟურნალისტები არიან. როგორც კონკურსის თანათავმჯდომარე დინ სლავნიჩი ამბობს, „ეს მიღწევა 1.0-ლიტრიან ეკობუსტს არამარტო სამუდამოდ დაამკვიდრებს ავტოინდუსტრიის ისტორიაში, არამედ კიდევ ერთხელ დაამტკიცებს, რომ ეს არის ძრავების ინჟინერიის ერთ-ერთი საუკეთესო ნიმუში“.

„მაკლარენი“ გუდვუდში „650S სპაიდერს“ გვიჩვენებს

McLaren 650S Spider Inspired by MSO Concept to be Revealed at Goodwood
25 ივნისი
გუდვუდის სიჩქარის ფესტივალი განსაკუთრებით მნიშვნელოვანი „მაკლარენისთვისაა“, რომელიც იქ ორ ახალ ავტომობილს წარადგენს. უფრო სწორედ, თავისი ორი სერიული მოდელის სპეც ვერსიას. მათგან ერთი უოკინგელებმა პრემიერამდე გაგვაცნეს. ესაა უახლესი 650S-ის ვერსია „650S სპაიდერი“, რომელიც მხოლოდ 50 ცალი, კუპესა და როდსტერის ძარით დამზადდება.

„რეინჯ როვერ სპორტ SVR“ - პრემიერა გუდვუდში

New Range Rover Sport SVR 550PS Previewed Ahead of Goodwood Debut
25 ივნისი
გუდვუდის სიჩქარის ფესტივალზე, „რეინჯ როვერი“ თავის ისტორიაში ყველაზე სწრაფსა და დინამიურ ავტომობილს წარადგენს, სახელად „რეინჯ როვერ SVR“. პრეზენტაციისთანავე, ავტომობილი გუდვუდის აღმართზე რბოლაში მიიღებს მონაწილეობას. პრემიერის მიუხედავად, ავტომობილი ფესტივალზე კამიფლირებული წარსდგება, რისი მიზეზიც ისაა, რომ მისი სრულყოფის პროცესი ჯერაც არ დასრულებულა.

Tuesday, June 24, 2014

გუდვუდი განახლებული „ფორდ ფოკუს ST-ს“ მოლოდინში

Goodwood Festival of Speed reveal for new Ford Focus ST
24 ივნისი
გუდვუდის სიჩქარის ფესტივალზე, „ფორდი“ პირველად წარადგენს პოპულარულ ჰეჩბეკ „ფოკუს ST-ს“ განახლებულ ვერსიას, რომლის ფოტო ტიზერიც (ფოტოზე) ინტერნეტით გაავრცელა. ფესტივალზე ახალი ავტომობილი მონაწილეობას აღმართზე რბოლის ეგრეთ წოდებულ „პირველად ხილვის“ კატეგორიაში მიიღებს, საჭესთან კი პროფესიონალი მრბოლები დაჯდებიან.

ჰამილტონი ნელ პიტ სტოპებს არ შეუფერხებია

Lewis Hamilton accepts slow pitstops didn't prevent him beating Nico Rosberg in Austria
23 ივნისი
ავსტრიის დიდი პრიზის რბოლის ბოლოს, ლუის ჰამილტონი გამარჯვებულ თანაგუნდელ ნიკო როსბერგს თითქმის ორი წამით ჩამორჩა და გაჩნდა შთაბეჭდილება, რომ ორივე შედარებით ნელი პიტ სტოპი რომ არა, ბრიტანელი რბოლას მოიგებდა. მაგრამ ჰამილტონმა თავადვე უარყო ეს მოსაზრება. არადა, ორი პიტ სტოპის ჯამში, როსბერგთან შედარებით, მან სწორედ ის 1.9 წამი დაკარგა, რამდენიც ფინიშზე მოსაგებად არ ეყო.

Monday, June 23, 2014

ყველაზე მსუბუქი როდსტერი მსოფლიოში?

Elemental RP1 sports car revealed ahead of Goodwood debut
23 ივნისი
შესაძლოა, ასე არცაა, მაგრამ მთავარი ისაა, რომ ბრიტანულმა კომპანია „ელემენტალ ქარზმა“ ძალიან ეფექტური როდსტერი შეიმუშავა, რომელიც ერთდროულად, შეიძლება სატრეკო ავტომობილიც იყოს და საგზაოც. ავტომობილს „ელემენტალ RP1“ ჰქვია და სიმსუბუქის გარდა, წონისა და სიმძლავრის შესანიშნავი ფარდობითაც გამოირჩევა. ავტომობილი ისეა შემუშავებული, რომ ტრეკზე მისვლისას, მარტივი მანპულაციებით შეიძლება მისი სატრეკო ვერსიად გადაკეთება. ტრასაზე სიამოვნების მიღების შემდეგ კი ასევე მარტივად გადაკეთდება საგზაო ავტომობილად.

Ford-ი: 111 წლის იუბილე და რეკორდული გაყიდვები ჩინეთში

Ford Posts 39 Percent Sales Growth in China in the First Five Months of 2014
23 ივნისი
16 ივნისი ოფიციალურად ითვლება „ფორდის“ დაბადების დღედ. 1903 წლის სწორედ 16 ივნისს დაიწყო მუშაობა კომპანიამ, რომელმაც „ამერიკა ბორბლებზე“ დააყენა. და სიმბოლურია, რომ ამ დღეს, კომპანიამ მსოფლიოს უდიდეს, ჩინურ ბაზარზე, პირველ ხუთ თვეში, გაყიდვების არნახული, 39-პროცენტიანი ზრდის შესახებ გამოაცხადა.

ერთჯერადი „ფერარი F12 TRS“ მეგა ფასით

Ferrari F12 TRS: the one-off made for the 2014 Ferrari Cavalcade
23 ივნისი
რა აქვს ამ ავტომობილს (ფოტოზე) იმისა, რომ მასში თუნდაც მულტიმილიონიანი ქონების პატრონმა, ვინც გვარის გამხელასაც არ აპირებს, 4 მილიონ დოლარზე მეტი გადაიხადოს? ეს თანხა ხომ თითქმის ათჯერ მეტია იმ დონორი ავტომობილის ფასზე, რომლის საფუძველზეც აგებულია? თანაც, როგორც ირკვევა, „ფერარის“ სპეციალური პროექტების შტოს ხელიც არ უხლია ძრავისა და დონორის მექანიკური ნაწილისთვის...

Sunday, June 22, 2014

როგორ მუშაობს „აუდის“ ელექტრო-ტურბო ძრავი

Audi’s Electrically-Driven Turbo To Debut In Next-Gen Q7 TDI
22 ივნისი
კონცეპტუალური RS 5 TDI, რომელიც „აუდიმ“ ახლახანს გაგვაცნო და რომელიც TDI დიზელის ტექნოლოგიის სერიულ წარმოებაში დანერგვიდან 25 წლის იუბილეს მიეძღვნა, მორიგი ტექნოლოგიური სიახლითაა გამორჩეული, რომლის მსგავსსაც ამ სეზონიდან ფორმულა ერთის ძრავებში იყენებენ.

„რეინჯ როვერ სპორტი“ პაკეტ „სტელსით“

Range Rover Sport Puts On a Stealth Pack Costume for Goodwood
22 ივნისი
კიდევ ერთ ახალ პაკეტს, რომელმაც ისედაც ძალიან პოპულარული „რეინჯ როვერ სპორტის“ შეთავაზება უნდა გაამრავალფეროვნოს, „ლენდ როვერმა“ სახელად „სტელს პაკ“ უწოდა და საზოგადოებას პირველად მას გუდვუდის სიჩქარის ფესტივალზე წარუდგენს, რომელიც 26-29 ივნისს გაიმართება. ახალი პაკეტის წყალობით, უფრო დახვეწილ გარეგნობას მიანიჭებს და მყიდველს ავტომობილის პერსონალიზაციის უფრო შესაძლებლობასაც შეუქმნის.

„ბეემვე“ გამონაბოლქვის შესამცირებლად ისლანდიურ გეოთერმულ ენერგიას იყენებს

BMW Cuts Back on CO2 Emissions by Using Geothermal Power in Iceland
22 ივნისი
ქვებრენდ i-ს ამუშავებით, „ბეემვემ“ დაამტკიცა, რომ გარემოზე დაცვა მისთვის მნიშვნელოვანია. მაგრამ ბავარიული კომპანია ატმოსფეროს სისუფთავეზე მარტო ნულოვანი გამონაბოლქვის მქონე ავტომობილების წარმოებით როდი ზრუნავს. ის წარმოების პროცესსაც მაქსიმალურად „ამწვანებს“. პირველ რიგში, ეს წარმოებისას განახლებადი წყაროსგან მიღებული ენერგიის გამოყენებით გამოიხატება.

„ფორდ კა“ ბრაზილიიდან მთელი მსოფლიოსთვის

Ford Brazil Reveals New Ka Hatch and Ka+ Sedan
22 ივნისი
„ფორდ ბრაზილმა“ პატარა „კას“ მსოფლიო პრემიერა ფეხბურთში მსოფლიო თასის დღეებს დაამთხვია. თანაც, ერთდროულად მისი ორი ვერსია - ხუთკარიანი ჰეჩბეკი და „კა“ და პატარა სედანი „კა+“ წარმოადგინა. ორივე ავტომობილი ძლიერ ჰგავს იმ კონცეპტს, რომლებიც ცისფერი ოვალის ბრაზილიურმა შტომ შარშან გაგვაცნო. და კომპანიის სლოგან „ვან ფორდის“ შესაბამისად, ორივე გლობალური ბაზრისთვისაა განკუთვნილი.

როსბერგმა ავსტრიაში გაიმარჯვა და ლიდერობა განიმტკიცა

Motor racing-Rosberg wins in Austria to stretch F1 lead
22 ივნისი
„უილიამსმა“ და მისმა ბიჭებმა ცოტა ხნით გაიხარეს და ეყოფათ. მათთვის ვალტერი ბოტასის მესამე ადგილიც „საკმარისია“. სამქიმიანები კი ისევ იქ არიან, სადაც „უნდა იყვნენ“ - კვარცხლბეკის ორ უმაღლეს საფეხურზე. მასპინძელი „რედ ბული“ კი ყველას დაავიწყდა. აბა რა იქნებოდა - სებასტიან ფეტელს თავიდანვე უმუხთლა ტექნიკამ და მოგვიანებით იძულებული გახდა, მისი წვალება შეეწყვიტა. დანიელ რიკიარდოს კი, როგორც ჩანს, მონრეალიდან ეიფორია შორს გამოჰყვა - უხეიროდ დაიწყო და საბოლოოდ, ათეულში შესვლამაც გაახარა - ქულები არავის სწყენს.

Saturday, June 21, 2014

„მაკლარენი“ გუდვუდში სატრეკო ავტომობილს გაგვაცნობს

New Track-Focused McLaren To Debut At Goodwood Festival Of Speed
21 ივნისი
„მაკლარენმა“ გამოაცხადა, რომ გუდვუდის სიჩქარის ფესტივალზე, თავის კიდვ ერთ ახალ ავტომობილს გაგვაცნობს, რომლის ფოტო ტიზერიც (ფოტოზე) ინტერნეტით გაავრცელა. უოკინგელებმა ისიც გაგვანდეს, რომ მათი სიახლე სატრეკო ავტომობილია, რომელიც კომპანიის მოტორსპორტზე ორიენტირებულმა შტო „მაკლარენ GT-მ“ შეიმუშავა.

მასამ და „უილიამსმა“ ფორმულა ერთი გამოაცოცხლეს

Motor racing-Massa puts Williams on pole in Austria
21 ივნისი
მასას მართლა გაუმართლა. იმიტომ კი არა, რომ ავსტრიის დიდი პრიზის კვალიფიკაციის გადამწყვეტ მომენტში ლუის ჰამილტონი შეცდა და პოულისთვის ბრძოლა არ გამოუვიდა. იმიტომ, რომ „ფერარიმ“ გასული სეზონის ბოლოს მის ადგილზე კიმი რაიკონენი მიიწვია. გასული სეზონი „უილიამსისთვის“ ძალიან რთული და ალბათ მის ისტორიაში ყველაზე წარუმატებელი იყო. მაგრამ წელს ყველაფერი რადიკალურად შეიცვალა, იმდენად, რომ ავსტრიაში, სტარტის პირველ რიგში სწორედ მისი ორი პილოტი დადგება. მხოლოდ მათ შემდეგ იქნება ნიკო როსბერგი.

Friday, June 20, 2014

„მერსედესებმა“ პოზიციები გაცვალეს

UPDATE 1-Hamilton fastest in Austrian GP practice
20 ივნისი
მეორე პრაქტიკაზეც „მერსედესი“ ყველაზე სწრაფი იყო. ოღონდ, ამჯერად ცხრილს სათავეში ლუის ჰამილტონი მოექცა, რომელმაც ნიკო როსბერგს 0.377 წამით აჯობა. საინტერესოა, რომ ორივე პილოტი პირველად ასპარეზობს ავსტრიულ ტრეკზე, რომელზეც ამჯერად მასპინძელი კომპანია „რედ ბულია“.

ავსტრიის პირველ პრაქტიკას როსბერგი ლიდერობს

Motor racing-Rosberg tops first practice in Austrian GP
20 ივნისი
კანადური შეფერხების შემდეგ, „მერსედესმა“ კვლავ დაიბრუნა პელოტონის მოწინავეპოზიცია. ავსტრიული ეტაპის პირველ, წვიმიან პრაქტიკაზე ორივე პილოტს საუკეთესო დრო ჰქონდა, მათგან უკეთესი კი ნიკო როსბერგი იყო, რომელმაც მხოლოდ 0.140 წამით აჯობა თანაგუნდელ ლუის ჰამილტონს. სამქიმიანებთან ყველაზე ახლოს „ფერარის“ ფერნანდო ალონსოა.

Thursday, June 19, 2014

„ფორდ მუსტანგი“ მუხლების აირბალიშებითაც აღიჭურვება

Active Glovebox Knee Airbag Equips 2015 Ford Mustang
19 ივნისი
„ფორდმა“ კიდევ ერთი სიახლე გაამხილა, რომლითაც თავის ახალ „მუსტანგს“ აღჭურვავს და რომლის გამოყენების მხრივაც, ავტოინდუსტრიის პიონერი გახდება. ესაა ეგრეთ წოდებულ სახელთათმანო ყუთში განლაგებული აირბალიში, რომელმაც წინა მგზავრის ფეხები ტრავმებისგან უნდა დაიცვას. ეს სისტემა ახალი ავტომობილის სტანდარტულ ეკიპირებაში შევა.

„ლენდ როვერ დისქავერის“ მცირე განახლებები ჩაუტარდება

Land Rover Discovery Gets Subtle Updates for 2015 Model Year
19 ივნისი
მალე „ლენდ როვერი“ უახლეს „დისქავერის“ გამოუშვებს, რომელიც ცალკე ოჯახად ყალიბდება და ძველ ტრადიციებს ახალი მიდგომით გააგრძელებს. ამ ოჯახის პირველი წევრი, სახელად „დისქავერი სპორტი“, კონვეიერზე მომავალ წელს დადგება, მანამდე კი ბრიტანული კომპანია ახლანდელ „დისქავერის“ ამრავალფეროვნებს, რათა ბაზრიდან გაყვანის წინ, მისგან მაქსიმალური მოგება გამოწუროს. მითუმეტეს, ეს ავტომობილი ჯერაც სოლიდური პოპულარობით სარგებლობს.

„რენო სპორტ ტროფი“ რბოლებისთვის ემზადება

The Renault Sport Trophy: A New And Simply Spectacular Race Car
19 ივნისი
„რენოს“ სარბოლ პროექტებზე ორიენტირებულმა შტო „რენო სპორტ ტექნოლოჯიზმა“ წარმოებისთვის მოამზადა ახალი სარბოლი ავტომობილი, სახელად „რენო სპორტ ტროფი“, რომელსაც პირველად ზაფხულის ბოლოს, მოსკოვის საერთაშორისო მოტორ შოუზე წარადგენს. ავტომობილი ეფექტური დიზაინით და შესაშური ტექნიკური მახასიათებლებით გამოირჩევა და ამჟამად ტესტების სერიას გადის, რათა მომავალი სეზონიდან, „რენოს“ მსოფლიო სერიის რბოლებში მიიღოს მონაწილეობა.

Wednesday, June 18, 2014

„ბენტლი“ სარბოლი „კონტინენტალ GT3-ის“ საგზაო ვერსიას გამოუშვებს

New Bentley Continental GT3-R is a 580PS Road-Going Version of GT3 Racer
18 ივნისი
„ბენტლიმ“ თავის ისტორიაში ყველაზე ექსტრემალურ საგზაო ავტომობილს, „კონტინენტალ GT3-R-ს“ საბურველი ჩამოხსნა. ბრიტანული კომპანიის განცხადებით, ეს არის მის ისტორიაში ყველაზე დინამიური საგზაო ავტომობილი. ქრიუს ფაბრიკაში სულ 300 ცალი „კონტინენტალ GT3-R-ის“ წარმოება იგეგმება და „ბენტლი მოტორსპორტის“ მაღალკვალიფიცირებული პერსონალი ყოველ მათგანს ხელით დაამზადებს.

შუმახერი ხანგრძლივ რეაბილიტაციას იწყებს

Hospital admits Schumacher outcome uncertain
18 ივნისი
მიხაელ შუმახერმა სიცოცხლისთვის ბრძოლის პირველი, ყველაზე რთული ეტაპი მოიგო - ის კომაში აღარაა და სარეაბილიტაციო კურსისთვის, გრენობლის (საფრანგეთი) საუნივერსიტეტო ჰოსპიტალიდან, ლოზანას (შვეიცარია) ჰოსპიტალში გადაინაცვლა. როგორც გაზეთი „ტელეგრაფი“ წერს, მსოფლიოს შვიდგზის ჩემპიონი პერიოდულად გონს მოდის, თუმცა მალე იღლება და ისევ დასვენების ფაზაში გადადის.

„რენო“ ისევ ნურბურგრინგის რეკორდსმენია

Renault Reclaims Nürburgring Record with Mégane RS 275 Trophy-R
18 ივნისი
მხოლოდ ორი თვე გავიდა მას შემდეგ, რაც „სეატმა“ თავისი „ლეონ კუპრათი“, წინა ამძრავიანი სერიული ავტომობილებისთვის, ნურბურგრინგის ჩრდილოური მარყუჟის წრის რეკორდული დრო დააფიქსირა და რეკორდსმენის სახელი მას ისევ „რენომ“ ჩამოართვა. ფრანგული კომპანიის „მეგან RS 275 ტროფი-R-მა“ მწვანე ჯოჯოხეთის წრე 7 წუთსა და 54.3 წამში გაიარა და 4.1 წამი მოაკლო ესპანური კომპანიის რეკორდს.

Tuesday, June 17, 2014

გაიცანით - ზებგერითი რეკორდული ავტომობილი „ბლადჰაუნდი“

Cockpit revealed for Bloodhound supersonic car
17 ივნისი
ბრიტანულმა ჯგუფმა, სახელად „ბლადჰაუნდ“, ქალაქ ბრისტოლში სპეციალური ღონისძიება მოაწყო, რომელზეც ხმელეთის ახალი რეკორდის დასამყარებლად შექმნილი ზებგერითი რეკორდული ავტომობილის კოკპიტის პრეზენტაცია ჩაატარა. ავტომობილის ერთ-ერთი მთავარი ნაწილი - კოკპიტი პრესას ბრიტანელმა სამხედრო მფრინავმა და ხმელეთზე სიჩქარის რეკორდის ავტორმა ენდი გრინმა წარუდგინა, რომელმაც განაცხადა, რომ ამ რაკეტის მსგავსი აპარატით, სიჩქარის ახალი რეკორდის დამყარებას 2015 ან 2016 წელს ეცდება.

„ლენდ როვერი“ ყველაზე სწრაფ „რეინჯ როვერს“ გამოუშვებს

Land Rover построит самый быстрый Range Rover в истории
17 ივნისი
„ლენდ როვერმა“ თავის ყველაზე მდიდრულ ყველგანმავალ „რეინჯ როვერ სპორტის“ ტემპერამენტიანი ვერსიის პირველი ვიდეო ტიზერი გაავრცელა, ავტომობილისა, რომელიც ამ ბრენდის ისტორიაში, ყველაზე სწრაფი ავტომობილი უნდა გახდეს. ავტომობილს, რომლის სახელიცაა „რეინჯ როვერ სპორტ R-S“, „იაგუარ ლენდ როვერის“ ახალი, „სპეციალური ოპერაციების“ განყოფილება ქმნის.

„ფორდი“ ევროპისთვის „ფიესტას“ მხოლოდ კიოლნში გამოუშვებს

Next Generation Ford Fiesta to be Built Exclusively in Germany for European Markets
17 ივნისი
„ფორდმა“ გამოაცხადა, რომ მისი ამწყობი ქარხანა, რომელიც კიოლნში (გერმანია) მდებარეობს, ერთადერთი იქნება, რომელიც ევროპული ბაზრისთვის სუბკომპაქტურ „ფიესტას“ გამოუშვებს. ეს გადაწყვეტილება ამერიკულმა კომპანიამ მას შემდეგ მიიღო, რაც შეთანხმებას მიაღწია მუშათა საბჭოსთან, რომელიც გერმანიაში „ფორდის“ დაქირავებულთა უფლებებს წარმოადგენს. შეთანხმება ძალაში 2017 წელს შევა და ოთხი წელი იქნება მხარეებს შორის ურთიერთობის საფუძველი. ამ შეთანხმებით, ამერიკული კომპანია მინიმუმ 400 მილიონ დოლარს დაზოგავს და სამაგიეროდ, „ფორდ-ვერკეს“ კონტროლს ქვეშ არსებულ 24 000 სამუშაო ადგილს შეინარჩუნებს.

Monday, June 16, 2014

„ნისანის“ მომავლის ავტომობილი ვიდეო თამაშიდან

Nissan's Concept 2020 Vision Gran Turismo Offers Hints about Next GT-R
16 ივნისი
„ნისანმა“ თავის ვირტუალურ კონცეპტუალურ ავტომობილს, სახელად „კონცეპტ 2020 ვიჟნ გრან ტურიზმო“, საბურველი მოხსნა - მისი ფოტოები ინტერნეტით გაავრცელა. ეს სუპერ ავტომობილი, „სონი პლეისტეიშნის“ ვიდეოთამაშ „გრან ტურიზმოს“ გამოსვლიდან 15 წლის იუბილეს მიეძღვნა. სხვათა შორის, ამ თამაშში ერთ-ერთი ყველაზე პოპულარული მწარმოებელი სწორედ „ნისანია“, რომლის სხვადასხვა თაობის 148 ავტომობილიცაა წარმოდგენილი მასში.

„როლს-როისმა“ თავის მომავალ SUV-ს უდიდესი ბრილიანტის სახელი უწოდა

Rolls-Royce code-names new SUV after world's largest diamond, report says
16 ივნისი
„როლს-როისმა“ თავის პირველ უგზოობის ავტომობილს კოდურ სახელწოდებად „ქალინენი“ შეურჩია. ეს არის მსოფლიოში ყველაზე დიდი ალმასის სახელი, რომელსაც ასევე „აფრიკის უდიდეს ვარსკვლავსაც“ უწოდებენ. გერმანულ პრესაში გავრცელებული ინფორმაციით, ბრიტანული კომპანიის უგზოობის ავტომობილი ბაზარზე 2018 წელს გამოვა.

განახლებული „ფორდ ექსპლორერი“ უფრო სპორტული იერით

2015 Ford Explorer Gets Sporty Appearance Package
16 ივნისი
„ფორდმა“ თავისი შვიდადგილიანი ქროსოვერი „ექსპლორერი“ განაახლა, რომელსაც უფრო სპორტულად ორიენტირებული პაკეტი შემატა. გარდა ამისა, გაუმჯობესდა კომფორტი და ტექნოლოგიური აღჭურვილობა, ფერთა გამას კი სამი ახალი ფერი დაემატა. განახლებული „ექსპლორერის“ გაყიდვები ივნისის ბოლოს დაიწყება. ყველაზე მეტად, ცვლილება გარეგნულად ვერსია XLT-ს ეტყობა, რომელსაც უფრო სპორტული იერი და მახასიათებლები აქვს, რაც არ აკნინებს მის კომფორტულობასა და სვლის სირბილეს.

შუმახერი კომიდან გამოვიდა

Michael Schumacher no longer in a coma, leaves Grenoble hospital
16 ივნისი
მსოფლიოს შვიდგზის ჩემპიონი მიხაელ შუმახერი კომტოზურ მდგომარეობაში აღარ იმყოფება და მან უკვე დატოვა გრენობლის საუნივერსიტეტო ჰოსპიტალი, სადაც მკურნალობას გადიოდა. ლეგენდარულმა გერმანელმა კომაში თითქმის ექვსი თვე გაატარა და ამ დროის განმავლობაში, რამდენჯერმე მისი დაღუპვის შესახებაც კი გავრცელდა ინფორმაცია.

Sunday, June 15, 2014

„აუდიმ“ ლე მანი მეცამეტედ მოიგო

UPDATE 1-Motor racing-Audi win Le Mans for 13th time
15 ივნისი
„აუდის“ გამარჯვებით დასრულდა ლე მანის 82-ე 24-საათიანი რბოლა, რომლის ფინიშთანაც, პირველი ორი გერმანული კომპანიის ჰიბრიდული სპორტული პროტოტიპი მივიდა. მესამე ადგილი კი „ტოიოტას“ ეკიპაჟმა დაიკავა. ეს ლე მანზე „აუდის“ მე-13 გამარჯვებაა და ზედიზედ მეხუთე. სამწუხაროდ, წარუმატებელი გამოდგა ლე მანზე „პორშეს“ დაბრუნება - ცუფენჰაუზენელთა ორი ეკიპაჟიდან ფინშს მხოლოდ ერთმა მიაღწია და ისიც, ტექნიკური პრობლემების გამო, მხოლოდ 37-ე ადგილზე.

Saturday, June 14, 2014

„ნისან ZEOD RC-მ“ ელექტრო ძრავით 300 კმ/სთ განვითარა

Nissan ZEOD RC Hits 300 KM/H at Le Mans in Electric Mode
14 ივნისი
ჯერ ერთი, ეს უცნაური გარეგნობის მქონე ავტომობილი, ლე მანის რბოლის ისტორიაში არის პირველი, რომელმაც ერთი სრული წრე ელექტრო ძრავით გაიარა. მეორეც, ერთ მონკვეთში მისმა სიჩქარემ 300 კმ/სთ-ს მიაღწია. ეს საკვალიფიკაციო სესიაზე მოხდა, როცა ავტომობილს იაპონელი სატოში მოტოიამა მართავდა. მაქსიმალური სიჩქარე მულსანის სწორზე დაფიქსირდა.

Friday, June 13, 2014

„მაკლარენი“ P1-ის სატრეკო ვერსიას გამოუშვებს

McLaren Teases 1,000PS Track-Exclusive P1 GTR, will Cost $3.35 Million
13 ივნისი
„მაკლარენი“ წარმოებისთვის თავის ფლაგმან P1-ის სატრეკო ვერსიას ამზადებს, რომლის ძრავის მაქსიმალური სიმძლავრეც 1000 ცხენის ძალას მიაღწევს. ამ ავტომობილის სრული სახელი იქნება McLaren P1 GTR, ოღონდ ლე მანის 24-საათიანი რბოლის ლეგენდარული გამარჯვებულის, McLaren F1 GTR-ისგან განსხვავებით, ახალი ავტომობილი იქნება სატრეკო და არა სარბოლო. ბრიტანული კომპანია აცხადებს, რომ სატრეკო ავტომობილის შეზღუდული ტირაჟით წარმოებას მაშინვე დაიწყებს, როგორც კი ბოლო, 375-ე P1-ს გამოუშვებს. ამასთან, P1 GTR იქნება „მსოფლიოში საუკეთესო სამძღოლო ავტომობილი“.

„იაგუარ ლენდ როვერი“ ჩინეთში ძრავების ქარხანას აშენებს

Jaguar Land Rover plans China engine plant
13 ივნისი
„იაგუარ ლენდ როვერი“ ჩინეთში ძრავების ქარხნის აშენებას აპირებს, რომელიც ბრიტანეთის საზღვრებს გარეთ, მისი ამ ტიპის პირველი საწარმო გახდება. ახალი ქარხანა, კომპანიის ჩინური საავტომობილო ქარხნის სიახლოვეს, ჩანშუში აშენდება. ეს არის „იაგუარ ლენდ როვერის“ და მისი ჩინელი პარტნიორის, კომპანია „ჩერი ავტომობილის“ ერთობლივი საწარმო, რომელმაც მუშაობა ამ წლის ბოლოს უნდა დაიწყოს.

„ფორდ მუსტანგების“ დიდი ევროპული ყრილობა

More than 750 Pony Cars Attend Europe’s Biggest Ever Mustang Gathering
13 ივნისი
მიუხედავად იმისა, რომ უახლესი „მუსტანგი“ ევროპის ბაზარზე ოფიციალურად აქამდე არ იყიდებოდა, ის ძველ კონტინენტზე მაინც დიდი პოპულარობით სარგებლობს. და მაინც, ევროპაში ერთ ადგილზე თავმოყრილი 750 ცალი სხვადასხვა თაობის „მუსტანგის“ ნახვა გამორჩეული შემთხვევაა.

ლე მანის პრაქტიკაზე „აუდის“ ავარიის მიზეზი ვერ დაადგინეს

Le Mans 24 Hours: Cause of Loic Duval's crash still unknown
13 ივნისი
ლე მანის 24-საათიანი რბოლის თავისუფალი პრაქტიკის დროს, „აუდის“ პირველ ეკიპაჟს, რომლის საჭესთანაც, ლე მანის შარშანდელი გამარჯვებული, ფრანგი ლოიკ დუვალი იჯდა, მძიმე ავარია შეემთხვა. „პორშეს“ მოსახვევებში, პირველი კატეგორიის პროტოტიპმა „აუდი 18 e-ტრონმა“ მართვა დაკარგა, კედელს მიენარცხა, მასზე ავარდა, ნამსხვრევებისგან დამცავ ბადესაც დაეჯახა და გზის პირას, სრულიად გაპარტახებული დაეცა.

Thursday, June 12, 2014

ლე მანის პოული „ტოიოტას“ კაზუკი ნაკაძიმამ მოიგო

Le Mans: Kazuki Nakajima earns Toyota pole as Porsche grabs second
12 ივნისი
„ტოიოტას“ ნომერ 7 ეკიპაჟის იაპონელი მრბოლის, კაზუკი ნაკაძიმას გამარჯვებით დასრულდა ლე მანის 24-საათიანი რბოლის საკვალიფიკაციო სესია. ფორმულა ერთის ყოფილი პილოტი ერთადრთი გამოდგა, ვინც წრის გავლა სამ წუთსა და 22 წამზე ნაკლებში გაიარა და თითქმის ნახევარი წამით აჯობა „პორშეს“ ეკიპაჟს (N14), რომლის საჭესაც ფრანგი რომენ დუმასი მართავდა.