დიდი არჩევანი, კარგი ფასები

Tuesday, September 30, 2014

„ფორდის“ მიზანი - წლიურად 9.4 მილიონი ავტომობილი

Ford sets goal of 9.4M global sales by 2020, cuts profit outlook for '14
30 სექტემბერი
„ფორდ მოტორი“ 2020 წლამდე პერიოდში საკუთარი გაყიდვების 52 პროცენტით, 9.4 მილიონამდე გაზრდას აპირებს. ამ მიზნის მიღწევაში კი მას სწრაფად მზარდ აზიურ ბაზარზე გააქტიურება უნდა დაეხმაროს. გარდა ამისა, ცისფერი ოვალი ინვესტიციებს არ იშურებს იმისათვის, რომ სტაგნაციაში მყოფი თავისი პრემიუმ ბრენდი, „ლინკოლნი“ გამოაცოცხლოს და გერმანული პრემიუმ კომპანიების სრულფასოვან კონკურენტად აქციოს. და რა თქმა უნდა, ამ ამბიციური გეგმის შესრულება, პატარა და უგზოობის ავტომობილების გაყიდვების გაზრდის გარეშე ძალიან ძნელი იქნება.

Monday, September 29, 2014

მეხუთე „დისქავერი“ ტექნოლოგიურად ყველაზე დახვეწილი იქნება

Land Rover plans high-tech Discovery 5 for 2016 launch
29 სექტემბერი
„ლენდ როვერი“ ახალ, მეხუთე თაობის „დისქავერის“ წარმოებას წელიწადნახევარში დაიწყებს. თუმცა ახლავე ცნობილია, რომ ეს ამ მარკის ისტორიაში, ტექნოლოგიურად ყველაზე სრულყოფილი და მოწინავე ავტომობილი გახდება. უფრო მეტიც, ახალი ავტომობილი, რომელიც თავის დროზე, მყიდველს „რეინჯ როვერის“ ხელმისაწვდომ ვარიანტად შესთავაზეს, არამხოლოდ საუკეთესო ყველგანმავალი გახდება, არამედ ტექნოლოგიური კუთხით, ბევრ სიახლესაც შეიტანს ბაზარზე.

საიუბილეო ახალი „ფორდ მუსტანგი“ 170 000 დოლარად გაიყიდა

Ford Mustang 50 Years Limited Edition Auctioned Off For $170,000
29 სექტემბერი
ახალი, მეექვსე თაობის „მუსტანგის“ ერთ-ერთი ყველაზე სასურველი მოდიფიკაცია, ამ ავტომობილის 50 წლის იუბილესადმი მიძღვნილი შეზღუდული ვერსიაა, რომელიც მხოლოდ 1964 ცალი გაიყიდება. ამ იშვიათი ეგზემპლარებიდან ბოლო კი ახლახანს ლას ვეგასში, ბარეტ-ჯეკსონის აუქციონზე, 170 000 დოლარად გაიყიდა. ეს კი სამჯერ მეტია ამ ავტომობილის ფასზე. ავტომობილის გაყიდვით მიღებული თანხა, ედიტ და ბენსონ ფორდის გულის და სისხლძარღვთა ინსტიტუტის კვლევების დაფინანსებას მოხმარდება.

Sunday, September 28, 2014

„კოსუორტი“ ფ1-ში დაბრუნებას აპირებს

Cosworth eyes F1 return with affordable V6 – report
28 სექტემბერი
შესაძლოა ფორმულა ერთს მალე ძრავების მწარმოებელი ბრიტანული კომპანია „კოსუორტი“ დაუბრუნდეს, რომელიც არც მეტი, არც ნაკლები, ბერნი ეკლსტოუნის მხარდაჭერით სარგებლობს. მართალია, ძრავების ახალი რეგლამენტის და კლიენტების ნაკლებობის გამო, „კოსუორტმა“ ახლახანს დიდი პრიზების ცირკი დატოვა, მაგრამ კომპანიამ მალევე შეცვალა თავისი სტრატეგია.

„ფერარი 458 სპეჩალე აპერტა“ პარიზული პრემიერის წინ

New Ferrari 458 Speciale Aperta with 605PS Ready for Paris
28 სექტემბერი
როგორც „ფერარი“ ამბობს, ეს ავტომობილი, მის ისტორიაში ყველაზე მძლავრი სერიული სპაიდერის ტიპის მოდელია. ის მხოლოდ 499 ცალი დამზადდება, პირველად კი პარიზის მოტორ შოუზე გამოჩნდება. ეს არის კუპე „458 სპეჩალეს“ ღია ვერსია და მის მსგავსად, 4.5-ლიტრიანი ატმოსფერული V8 ძრავითაა აღჭურვილი, რომელიც 605 ცხენის ძალას და 540 ნიუტონმეტრს გამოიმუშავებს.

უაიტინგმა ფალს სტარტი განმარტა

Drivers allowed to gamble at race start – Whiting
28 სექტემბერი
ჩარლი უაიტინგი ამბობს, რომ პილოტებს არავინ დაუშლის სტარტის მწვანე ნიშნის ანთებამდე, დაჯარიმების რისკის ზღვარზე მოახდინონ რეაგირება ისე, რომ პრაქტიკულად შუქის ანთებისთანავე დაძრან მანქანა. ეს განმარტება მას მონცას რბოლის შემდეგ დასჭირდა, სადაც ლუის ჰამილტონმა პრაქტიკულად ხუთი სასტარტო შუქის ანთებისთანავე, სტარტის მიცემიდან 0.05 წამში დაძრა თავისი ბოლიდი.

სინგაპურის რბოლიდან როსბერგის გამოთიშვა უცხო სხეულმა გამოიწვია

Rosberg's Singapore failure caused by unspecified 'foreign substance'
28 სექტემბერი

„მერსედესმა“ გამოაცხადა, რომ სინგაპურის დიდი პრიზის რბოლიდან ნიკო როსბერგის გამოთიშვა, საჭის რგოლის შიდა ნაწილში, სადაც ელექტრონული სისტემებია მოთავსებული,  უცხო სხეულის მოხვედრამ გამოიწვია. ოღონდ, გერმანულ გუნდს არ დაუკონკრეტებია, რა სხეულზეა ლაპარაკი.

„იაგუარ ლენდ როვერი“ ქალაქელ მყიდველს საზრიანი ავტომობილებით მიიზიდავს

Jaguar Land Rover developing a smarter car to woo city dwellers
28 სექტემბერი
იმ დროს, როდესაც ევროპის ბაზარზე სულ უფრო იზრდება ქალაქში მცხოვრებ ისეთ მყიდველთა რიცხვი, რომლებსაც ავტომობილზე მეტად სმარტფონები აინტერესებთ, „იაგუარ ლენდ როვერს“ აქცენტი მყიდველისთვის სწორედ ეგრეთ წოდებული საზრიანი ავტომობილების შეთავაზებაზე გადააქვს, რომლებიც კავშირის უახლესი საშუალებებით და სმარტფონებთან თავსებადი მულტიმედიური სისტემებით აღიჭურვება.

Saturday, September 27, 2014

ეკობუსტით აღჭურვილ „მუსტანგს“ ხმის გამაძლიერებელი ექნება

Ford Mustang EcoBoost Has Fake Engine Noise Device Too
27 სექტემბერ
„ფორდ მუსტანგის“ მოყვარულებს, ამ ავტომობილში მისი მძლავრი ხმაც იზიდავს. ყოველ შემთხვევაში, ასე იყო ამ პოპულარული პონი ქარის პირველი ხუთი თაობის შემთხვევაში. მალე ბაზარზე მეექვსე თაობის, პირველი გლობალური „მუსტანგი“ გამოვა, რომელიც აღიჭურვება ოთხცილინდრიანი 2.3-ლიტრიანი ეკობუსტით, რომელიც ჩვეულებრივ, ბოხი ხმით არ გამოირჩევა, მაგრამ...

Friday, September 26, 2014

ფ1-ის ამბები

‘Impossible’ to compete in both F1 and LMP1 – Ferrari
26 სექტემბერი
***
„ფერარის“ თანმფლობელი პიერო ფერარი ამბობს, რომ ერთდროულად ფორმულა ერთისა და გამძლეობაზე რბოლების მსოფლიო ჩემპიონატებში მონაწილეობა პრაქტიკულად შეუძლებელია:

Thursday, September 25, 2014

ქართული ჯავშნოსნის წარმატება საუდის არაბეთში

25 სექტემბერი
საქართველოს სამხედრო სამეცნიერო-ტექნიკური ცენტრ „დელტას“ მიერ შემუშავებული სამედიცინო-საევაკუაციო ჯავშანმანქანა, საუდის არაბეთის თავდაცვის სამინისტროს მიერ გამოცხადებულ დახურულ ტენდერში წარმატებით მონაწილეობს. მართალია, სატენდრო კომისია საბოლოო შედეგებს ოქტომბრის მეორე ნახევარში გამოაცხადებს, თუმცა ახლავე შეიძლება იმის თქმა, რომ ქართულმა ჯავშნოსანმა წარმატებას მიაღწია და აი, რატომ:

„სუზუკი“ მარტივ ჰიბრიდულ სისტემებზე მუშაობს

Suzuki working on low-cost hybrid technology for Alto, Swift
25 სექტემბერი
ჯერ კიდევ გაზაფხულზე, „სუზუკიმ“ გამოაცხადა, რომ იწყებს მუშაობას მარტივსა და იაფ ჰიბრიდულ სისტემებზე, რომლებსაც თავისი სამოდელო გამის უკლებლივ ყველა ავტომობილზე გამოიყენებს. ახალი ინფორმაციით, რომელიც იაპონური კომპანიის ინდოელი პარტნიორის, ინდური ბაზრის ლიდერ „მარუტის“ ხელმძღვანელმა გაზეთ „ეკონომიკ ტაიმსს“ გაანდო, დაბალფასიანი ჰიბრიდული ტექნოლოგიების დანერგვა სამ-ოთხ წელიწადში დაიწყება.

Tuesday, September 23, 2014

„რენო ეოლაბი“ - მომავლის ავტომობილი პარიზის მოტორ შოუზე

Renault to show 282mpg Eolab concept car at Paris motor show
23 სექტემბერი
პარიზის მოტორ შოუს ერთ-ერთი ყველაზე გამორჩეული ექსპონატი, „რენოს“ კონცეპტუალური B-სეგმენტის მოდელი „ეოლაბი“ გახდება, რომელიც საწვავის ძალიან ეკონომიური მოხმარებით კი გამოირჩევა, მაგრამ როგორც ფრანგული კომპანია ამბობს, ბაზარზე მისი გამოჩენა, ამ ათწლეულში მოსალოდნელი არაა. ავტომობილს კართა ასიმეტრიული განლაგება (2+1 - ერთი მძღოლის მხარეს და ორი - მეორე მხარეს) აქვს და როგორც „რენო“ ამბობს, მასზე დაახლოებით 100 სიახლეა გამოყენებული.

„ინფინიტი Q80 ინსპირეიშნ“ – „პორშე პანამერას“ მომავალი მეტოქე

Infiniti Q80 Inspiration concept previews Porsche Panamera fighter
23 სექტემბერი
„ინფინიტიმ“ თავისი ახალი კონცეპტუალური ავტომობილის, „Q80 ინსპირეიშნის“ შესახებ ინტერნეტით პირველი ინფორმაცია და ესკიზები გაავრცელა და გვამცნო, რომ ამ ავტომობილს მალე ვიხილავთ ლუქსის კლასის ოთხკარიანი ფასტბეკების სეგმენტში. ცნობისათვის, ამ სეგმენტის ერთ-ერთი პირველი და ყველაზე გამორჩეული „ბინადარია“ „პორშე პანამერა“.

მალე ევროპაში: ახალი „ფორდ მონდეო“

Ford Details New Mondeo's Lineup, Gets 210PS 2.0-Liter Biturbo Diesel
23 სექტემბერი
ავტომობილი, რომელსაც „ფორდი“ მის მიერ ევროპის ბაზარზე შეტანილ ავტომობილებს შორის, ტექნოლოგიურად ყველაზე სრულყოფილად მოიხსენიებს, მალე ძველი კონტინენტის მყიდველთათვის ხელმისაწვდომი გახდება. ორი წლის დაგვიანებით, თუმცა მთელი თავისი სრულყოფილებით, სედანი „მონდეო“ მალე ევროპელთა წინაშე, პარიზის მოტორ შოუზე წარსდგება. შემდეგ კი შოურუმებშიც გამოჩნდება.

„როლს-როისის“ ყველაზე დიდი საბითუმო პარტია

Largest Fleet Of Rolls-Royce Phantoms Ever Ordered Headed To Louis XIII Hotel In Macau
23 სექტემბერი
„როლს-როისს“ ავტომობილების ყველაზე დიდი პარტია შეუკვეთა ჰონ კონგელმა ბიზნსმენმა სტივენ ჰუნმა, ვისაც სურს, რომ მის სასტუმრო „ლუი XIII-ს“, რომელიც ქალაქ მაკაოში შენდება, სტუმრებს ყველაზე მდიდრული ავტომობილები ემსახურებოდეს. მან ბრიტანულ კომპანიას 30 ცალი გრძელბაზიანი „ფანტომი“ შეუკვეთა, რომელთა შორისაც ყველაზე გამორჩეული ორი ეგზემპლარი უნდა იყოს. მას შემდეგ, რაც ამ ორ ეგზემპლარს სასტუმრო ჩაიბარებს, მათ ყველა დროის ყველაზე ძვირადღირებული „ფანტომების“ საპატიო წოდებითაც მონათლავენ.

Sunday, September 21, 2014

„რეინჯ როვერ ევოუკი“ ლაზერის პროექტორით

JLR to offer world-first laser HUD tech on Range Rover Evoque
21 სექტემბერი
„იაგუარ ლენდ როვერი“ მსოფლიოში პირველი კომპანიაა, რომელიც სერიულ ავტომობილზე ლაზერულ საპროექციო ეკრანს გამოიყენებს. პირველი ავტომობილი კი, რომლის მყიდველსაც ასეთ სისტემას ოპციის სახით შესთავაზებენ, არის „რეინჯ როვერ ევოუკის“ სპეცვერსია SW1 და ამ ავტომობილს ბრიტანული კომპანის საზოგადოებას პირველად პარიზის მოტორ შოუზე წარუდგენს.

ლუის ჰამილტონმა ლიდერობა დაიბრუნა

Motor race-Hamilton in control after Singapore win
21 სექტემბერი
შეიძლება ითქვას, რომ ლუის ჰამილტონმა მსოფლიო ჩემპიონატის ლიდერობა უბრძოლველად ჩაიგდო ხელში, რადგან მისი მთავარი მეტოქე და თანაგუნდელი, ნიკო როსბერგი სტარტამდე გამოეთიშა გამარჯვებისთვის ბრძოლას. და მაინც, ბრიტანელისთვის გამარჯვება იოლი ნამდვილად არ ყოფილა. მას ამისათვის ოფლის დაღვრა დასჭირდა როგორც პირდაპირი, ასევე გადატანითი მნიშვნელობით.

Saturday, September 20, 2014

0.007 წამის ფასი

Motor racing-Formula One Singapore Grand Prix qualifying
20 სექტემბერი
ლუის ჰამილტონი ისევ პირველია. ამჯერად სინგაპურის დიდი პრიზის კვალიფიკაციის პოულ პოზიციას დაეუფლა. მან მხოლოდ 0.007 წამით აჯობა თანაგუნდელსა და ჩემპიონატის ლიდერ ნიკო როსბერგს. შორს არც მესამე ადგილზე მყოფი დანიელ რიკარდოა, რომელიც ჰამილტონს 0.173 წამით ჩამორჩა. თავის მხრივ, ავსტრალიელმა მხოლოდ 0.048 წამით აჯობა თავის თანაგუნდელ სებასტიან ფეტელს.

Friday, September 19, 2014

„ფერარის“ წამიერი გაელვება

Motor racing-Hamilton edges Alonso in Singapore practice
19 სექტემბერი
საინტერესოა, სად ნახულობს ფერნანდო ალონსო იმის რესურსს, რომ თავისი პრაქტიკულად არაფრის მაქნისი მანქანით, პერიოდულად მოწინავეთა შორის გამოჩნდება ხოლმე. თუნდაც პრაქტიკებზე. კვიცების ქომაგს ხომ მოენატრა ცხრილის სათავეში წითელ კომბინეზონში გამოწყობილი პილოტის ხილვა. ერთიც ვნახოთ და ხვალ პოულისთვის მებრძოლი ფერნანდო ალონსოც ვიხილოთ...

Thursday, September 18, 2014

„ფორდმა“ კომპაქტვენი „C-მაქსი“ განაახლა

2015 Ford C-MAX Facelift Family Revealed
18 სექტემბერი
ახლახანს „ფორდმა“ მეორე თაობის მინივენი „S-მაქსი“ გაგვაცნო, რომლის მსოფლიო პრემიერასაც პარიზის მოტორ შოუზე ჩაატარებს. მასთან ერთად კი პარიზშივე პირველად გვიჩვენებს განახლებულ „C-მაქსს“ და მის შვიდადგილიან ვერსია „გრანდ C-მაქსს“. ორივე ავტომობილი, ერთნაირი კოსმეტიკური ცვლილებების გარდა, მექანიკური და ტექნოლოგიური სიახლეებითაცაა გამორჩეული.

„ლამბორგინი“ პარიზში ახალი ავტომობილით წარსდგება

Lamborghini Releases Teaser Sketch of Paris-Bound Mystery Car
18 სექტემბერი
„ლამბორგინიმ“ თავისი სრულიად ახალი ავტომობილის ფოტო ტიზერი გამოაქვეყნა, რომელსაც პირველად პარიზის მოტორ შოუზე წარადგენს. იტალიურ კომპანიას ამ ავტომობილზე სხვა ინფორმაცია არ გაუვრცელებია და ამ ეტაპზე, მასზე მხოლოდ ვარაუდებით შეიძლება ლაპარაკი. ტიზერს თან ახლავს მოკლე განმარტება: „როცა სრულყოფილებას მიაღწევ, მისი გაორმაგებაც შეგიძლია“.

Wednesday, September 17, 2014

„მინიმ“ შესაძლოა როდსტერი „სუპერლეგერა“ გამოუშვას

MINI Reportedly Only Months Away from Approving Superleggera Roadster
17 სექტემბერი
„მინიმ“ ამ გაზაფხულზე ვილა დ’ესტეს ელეგანტურობის კონკურსზე კონცეპტუალური როდსტერი „სუპერლეგერა ვიჟნ კონცეპტი“ წარადგინა, რომელმაც სპეციალისტების და დამთვალიერებელთა საყოველთაო მოწონება დაიმსახურა. მართალია, მაშინ ითქვა, რომ ეს მხოლოდ საჩვენებელი ავტომობილია, მაგრამ როგორც ჩანს, „ბეემვეს“ (მინი ბავარიული ჯგუფის ნაწილია) ეს საინტერესო პროექტი თაროზე დასამტვერად არ ემეტება.

Tuesday, September 16, 2014

„ნაო“ - რობოტი, რომელიც მძღოლად მოგემსახურებათ

Forget about Autonomous Cars, This Robot Can Be Your Chauffeur
16 სექტემბერი
„გუგლი“ და დიდი საავტომობილო კომპანიები დიდი მონდომებით მუშაობენ სრულიად ავტონომიური ავტომობილების შექმნაზე, რომელიც მძღოლის ჩაურევლად შეძლებს გადაადგილებას, საგზაო ნიშნების ამოცნობას და სხვა ავტომობილებთან ურთიერთობას. და ამაზე ასეულობით მილიონ დოლარსაც იმეტებენ. მაგრამ თურმე სხვა გზაც არსებობს - საჭირო არაასრული ავტონმიზაცია. მძღოლის შეცვლა თურმე რობოტსაც შეუძლია!

„ლამბორგინი ვენენო“ 7.4 მილიონ დოლარად

Lamborghini Veneno Roadster For Sale: Just $7.4 Million
16 სექტემბერი
4.5 მილიონი დოლარი ავტომობილში, თუნდაც ეს როდსტერი „ლამბორგინი ვენენო“ იყოს, რომელიც მხოლოდ 9 ცალი უნდა დამზადებულიყო, მეტისმეტად ძვირია, არა? მაგრამ როგორც ირკვევა, უფრო ძვირადაც შეიძლება მისი გაყიდვა, გაყიდვის ცდა მაინც...

„ფორდ S-მაქსი“ პარიზული პრემიერის წინ

New Ford S-Max revealed ahead of Paris debut
16 სექტემბერი
 პარიზის მოტორ შოუზე მსოფლიო პრემიერის წინ, „ფორდმა“ მეორე თაობის მინივენი „S-მაქსი“ გაგვაცნო. ცისფერი ოვალი აცხადებს, ახალი ავტომობილი უფრო სპორტული ხასიათით და იმავდროულად, უფრო პრემიუმ დონის კაბინით გამოირჩევა. ახალმა შვიდადგილიანმა MPV-მ (მრავალმხრივი დანიშნულების ავტომობილი) საუკეთესო მართვადობა მემკვიდრეობით პირველი თაობის მოდელისგან მიიღო. არადა, ის ახალ შასიზეა აგებული, აქვს ახალი ძრავები, ასევე ოპციის სახით, სრულ ამძრავიანი ტრანსმისია.

FIA-მ ფ1-ის ახალი კალენდარი გამოაქვეყნა

FIA announces 20-grand prix 2015 Formula 1 schedule
16 სექტემბერი
ახალი კალენდრის წინასწარი ვერსია ჯერ კიდევ იტალიის დიდი პრიზის დღეებში დაურიგდათ გუნდებს, ახლახანს კი პეკინში გამართულ შეხვედრაზე, მსოფლიო მოტორ სპორტის საბჭომ, მის რატიფიკაციას დაუჭირა მხარი. ახალი კალენდარი 20 ეტაპს მოიცავს და მასში ამ სეზონის რბოლების გარდა, მექსიკური ეტაპიც გამოჩნდა. სამაგიეროდ, კვლავ თამაშგარეთაა ინდური რბოლა, კორეულ ეტაპს კი როგორც ჩანს, ფ1-ში დაბრუნება აღარ უწერია.

Monday, September 15, 2014

„ფოლკსვაგენმა“ ტიტული ვადაზე ადრე გაინაღდა

Rallying-Ogier extends championship lead with Australia triumph
15 სექტემბერი
მსოფლიო ჩემპიონმა, ფრანგმა სებასტიან ოჟიემ ავსტრალიის რალი მოიგო და კიდევ ერთი ნაბიჯი გადადგა ტიტულის შენარჩუნებისკენ. მისმა გუნდმა „ფოლკსვაგენმა“ კი სეზონის დასრულებამდე სამი ეტაპით ადრე გაინაღდა კონსტრუქტორთა თასი, რომელიც ზედიზედ მეორედ დაიკასუთრა. გერმანულმა გუნდმა ავსტრალიის რალის კვარცხლბეკი სრულად დაიპყრო (მესამე ადგილი ნორვეგიელმა ანდრეას მიკელსენმა დაიკავა) და „სიტროენისთვის“ მიუწვდომელი გახდა.

Sunday, September 14, 2014

რუსთავში სარბოლი ავტომობილები ისევ აგუგუნდა

ჩაიარა ზაფხულის სიცხეებმა და რუსთავსაც რბოლები დაუბრუნდა. რუსთავის საერთაშორისო მოტორპარკმა წრიულ რბოლებში საქართველოს ჩემპიონატის მეხუთე ეტაპს უმასპინძლა. რბოლები სამ - ფორმულა ალფას, ლეგენდების და ტურინგ ლაითის კლასებში ჩატარდა და როგორც ყოველთვის, მაყურებელი ძალიან საინტერესო და დაძაბული პაექრობების მომსწრე გახდა.

საქართველოს ჩემპიონატი წრიულ რბოლებში, 2014, მე-5 ეტაპი, ლეჯენდსი



საქართველოს ჩემპიონატი წრიულ რბოლებში, 2014, მე-5 ეტაპი, ტურინგ ლაითი



საქართველოს ჩემპიონატი წრიულ რბოლებში, 2014, მე-5 ეტაპი, ფორმულა ალფა


Saturday, September 13, 2014

ახალი „მუსტანგის“ საწვავის ხარჯი

2015 Ford Mustang Fuel Economy Figures Released
13 სექტემბერი
ახალი, მეექვსე თაობის „მუსტანგის“ პირველი ჩვენება ჯერ კიდევ დეკემბერში გაიმართა, თუმცა ავტომობილი ბაზარზე ჯერაც არ გამოსულა, მთელი ამ დროის განმავლობაში კი „ფორდ“ მის შესახებ ინფორმაციას ულუფებად, პერიოდულად ავრცელებს, რითაც პოპულარული პინი ქარის აქტუალობას ინარჩუნებს. ამჯერად ავტომობილის საწვავის ხარჯის შესახებ ინფორმაციის ჯერი დადგა. თანაც, ეს ინფორმაცია აშშ-ის ენერგიის დეპარტამენტმა, გარემოს დაცვის სააგენტოს (EPA) მონაცემებზე დაყრდნობით გამოაქვეყნა.

„ლენდ როვერი“ „რეინჯ როვერ ევოუკს“ ჩინეთშიც გამოუშვებს

China to Produce Range Rover Evoque, Possibly LWB Jaguar XE
13 სექტემბერი
ჩინეთში მალე „იაგუარ ლენდ როვერის“ უახლესი ქარხანა დაიწყებს მუშაობას და მისი პირველი ავტომობილი, „რეინჯ როვერ ევოუკი“ გახდება. როგორც ბრიტანულმა კომპანიამ გამოცემა „ავტომოტივ ნიუსს“ განუცხადა, პირველ რიგში „ევოუკის“ გამოშვება იმ მარტივმა მიზეზმა განაპირობა, რომ ამ ავტომობილზე ცისქვეშეთში ყველაზე დიდი მოთხოვნაა.

Thursday, September 11, 2014

„კარლი“ – „ოპელის“ ოჯახს პირველი შვილი უბუნდება

New Small Car with Big Name: Opel Presents Karl
11 სექტემბერი
"ოპელის" ფოტო ტიზერი: კარლი (წითელი), ადამი (ყვითელი) და კორსა
„ოპელმა“ თავისი უახლესი ავტომობილის, საბიუჯეტო ჰეჩბეკის სახელი გაგვაცნ, რომლის მსოფლიო პრემიერაც პარიზის მოტორ შოუზე გაიმართება. პატარა ხუთკარიან ავტომობილს „კარლი“ ჰქვია, კომპანიის დამაარსებლის, ადამ ოპელის უფროსი შვილის სახელი. „კარლი მოკლე, ცოცხალი და მიმზიდველი სახელია, რომელიც ოპელის ბრენდის ფასეულობებს - გერმანულ წარმომავლობას, ემოციურობას და ხელმისაწვდომობას წარმოგიდგენთ“, - ამბობს „ოპელის“ მარკეტინგის უფროსი მოხელე ტინა მიულერი.

„სუზუკი სვიფტი“ უფრო ეფექტური დურაჯეტ ძრავით აღიჭურვება

Suzuki Swift to get more efficient Dualjet petrol engine in 2015
11 სექტემბერი
„სუზუკი“ უახლესი, სერია დუალჯეტის 1.2-ლიტრიანი ბენზინის ძრავს პირველად პოპულარულ ჰეჩბეკ „სვიფტზე“, მომავალი წლიდან გამოიყენებს. იაპონური კომპანიის განმარტებით, ესაა ძალიან ეფექტური ძრავი, რომელიც გამონაბოლქვში ნახშირორჟანგის მცირე შემცველობით გამოირჩევა.

დი მონტეძემოლო სოლიდურ კომპენსაციას მიიღებს

Now Montezemolo exit rocks crisis-struck Ferrari
11 სექტემბერი
„ფიატ კრაისლერი“ „ფერარის“ ყოფილ პრეზიდენტ ლუკა დი მონტეძემოლოს კომპენსაციის სახით 26.95 მილიონ ევროს გადაუხდის. ოღონდ, სანაცვლოდ მას იტალიურ-ამერიკული კომპანიის კონკურენტ კომპანიაში მუშაობა 2017 წლის მარტამდე ეკრძალება. აღნიშნული თანხიდან, „ფიატ კრაისლერი“ დი მონტეძემოლოს ანგარიშზე თითქმის ნახევარს - 13.25 მილიონ ევროს, 2015 წლის 31 იანვრამდე ჩაურიცხავს. დანარჩენ 13.71 მილიონს, რაც ხუთჯერ აღემატება 67 წლის დი მონტეძემოლოს ხელფასს, კი ოცი წლის განმავლობაში გადაუხდის.

Wednesday, September 10, 2014

„მერსედეს AMG GT“ – „პორშე 911-ის“ კიდევ ერთი მეტოქე

New Mercedes-AMG GT unveiled
10 სექტემბერი
ეს დღეც დადგა - შტუტგარტის გარეუბან აფალტერბახში, „მერსედეს AMG-მ“ საკუთარ ბაზასთან, ახალი სუპერ ავტომობილი, AMG GT წარმოგვიდგინა, რომლითაც პოპულარულ SLS AMG-ს ცვლის. „მერსედეს AMG-მ“ ეს ავტომობილი საკუთარი ალებით შექმნა და მას „პორშე 911-ის“ კონკურენტად გვთავაზობს. ახალმა ავტომობილმა წინამორბედის პროპორციები და დიზაინის ელემენტები შეინარჩუნა, თუმცა ძირეულად განსხვავებული აგებულება აქვს.

ლუკა დი მონტეძემოლომ „ფერარი“ დატოვა

Ferrari Boss Announces Resignation, Will Be Replaced by Marchionne
10 სექტემბერი
ლუკა დი მონტეძემოლო, ადამიანი, რომლის ხელმძღვანელობითაც, „ფერარიმ“ ფორმულა ერთში მოწინავე პოზიციები დაიბრუნა, ავტოინდუსტრიაში კი გაყიდვები სამჯერ გაზარდა და მოგება კი თითქმის ათჯერ, თავის პოსტს ტოვებს. ოფიციალურად ეს 13 ოქტომბერს მოხდება, როცა იტალიურ-ამერიკული საავტომობილო ჯგუფი „ფიატ კრაისლერ ავტომობილსი“ თავის აქციებს ნიუ იორკის საფონდო ბირჟაზე გაიტანს.

Tuesday, September 9, 2014

მეორე თაობის „ვოლვო XC90“

2015 Volvo XC90 Unveiled
9 სექტემბერი
„ვოლვომ“ უგზოობის მეორე თაობის XC90 გაგვაცნო, ავტომობილი, რომლითაც შვედური კომპანიის ისტორიაში ახალი ეტაპი იწყება. ახალი ავტომობილი პირველია, რომელიც სრულიად ახალ, მოდულურ პლატფორმაზე (SCA - სქელეიბლ პროდაქტ არტიტექჩა) აიგო. ამასთან, მასში ბევრი ტექნოლოგიური სიახლეა გამოყენებული, რომელთა წყალობითაც, XC90 კონკურენტულ გარემოში თავს კომფორტულად იგრძნობს. დაკიდევ, მისი გამოშვების მიუხედავად, ჩინეთში კვლავაც გაგრძელდება პირველი თაობის XC90-ის წარმოება, რომელიც იქ პოპულარობით სარგებლობს.

„იაგუარმა“ სედანი XE გაგვაცნო

Jaguar XE revealed ahead of 2015 launch
9 სექტემბერი
„იაგუარმა“ საბურველი ჩამოხსნა თავის უახლეს ავტომობილს, საშუალო ზომის სედან XE-ს, რომელსაც კომპანიის განვითარების ახალ ეტაპზე გადასვლის პირველი ნაბიჯია. ამ ავტომობილით, ბრიტანული კომპანია კონკურენციას „ბეემვეს“ მე-3 სერიას გაუწევს. „იაგუარ XE“ პირველად ბრიტანულ შოურუმებში, მომავალი წლის გაზაფხულიდან გამოჩნდება, სადაც მისი საბაზო ფასი 27 000 გირვანქა სტერლინგი იქნება.

„ძაგატომ“ მორიგი ერთჯერადი „ასტონ მარტინი“ შექმნა

Zagato reveals custom Aston Martin Virage Shooting Brake
9 სექტემბერი
სუპერ ავტომობილების მწარმოებელ ბრიტანულ კომპანია „ასტონ მარტინს“ და ძარების მწარმოებელ იტალიურ ატელიე „ძაგატოს“ დიდი ხნის ურთიერთობა აკავშირებთ. მათ პირველი ერთობლივი პროდუქტი - DB4 GT, ჯერ კიდევ 1960 წელს შექმნეს და მას შემდეგ, არაერთი შესანიშნავი ერთობლივი პროდუქტით გაახარეს თავიანთი თაყვანსმცემლები. ახლახანს კი მათ მორიგი შედევრი შექმნეს, რომელიც უცნობი ევროპელი კოლექციონერის შეკვეთით დაამზადეს.

შუმახერი ჰოსპიტლიდან გამოწერეს

Michael Schumacher has left hospital and will continue his rehabilitation at home
9 სექტემბერი
მიხაელ შუმახერმა ლოზანის სარეაბილიტაციო ჰოსპიტალი დატოვა და შინ გაემგზავრა, სადაც რეაბილიტაციის კურსს გააგრძელებს. ფორმულა ერთის შვიდგზის ჩემპიონმა, გასული წლის ბოლოს, საფრანგეთის ალპებში, მთიდან თხილამურებით დაშვებისას მომხდარი ინციდენტის შედეგად, თავის ტვინის მძიმე ტრავმები მიიღო და ნახევარი წელი კომაში გაატარა.

„ფორდ გრინ ზონი“ - უფრო მწვანე გარემოსთვის

Ford и Nokia научат гибриды отключать ДВС в «зеленых зонах»
9 სექტემბერი
„ფორდი“ და ტელეკომუნიკაციების გიგანტი „ნოკია“ ერთობლივად შეიმუშავებენ უახლეს სისტემას, რომელიც ჰიბრიდული მოდელებისთვის იქნება განკუთვნილი. მისი დახმარებით, მძღოლს იმის შესაძლებლობა ექნება, რომ წინასწარ აირჩიოს ადგილები, სადაც მისი ავტომობილის ჰიბრიდული სისტემის შიდაწვის ძრავი თავისით გაითიშება და ავტომობილი ელექტრო ძრავის დახმარებით ივლის.

მეოთხე თაობის „მაზდა MX-5“

This is the All-New 2016 Mazda MX-5
8 სექტემბერი
მეოთხედი საუკუნე გავიდა მას შემდეგ, რაც „მაზდამ“ პატარა როდსტერი MX-5 (იგივე მიატა) გამოუშვა და მყიდველს უკვე მისი მეოთხე თაობა შესთავაზა. ახალი ავტომობილი, წინამორბედებისგან მკვეთრად განსხვავებულია და უფრო აგრესიული შესახედაობა აქვს, თუმცა უფრო ელეგანტურადაც გამოიყურება. ამასთან, წინამორბედზე 100 კილოგრამით მსუბუქია და წინ სამივე თაობის მოდელზე დაბლა განლაგებული სიმძიმის ცენტრიც აქვს.

Monday, September 8, 2014

„უილიამსმა“ ბოტასი და მასა მომავალი სეზონისთვისაც დაიტოვა

UPDATE 1-Motor racing-Williams confirm Bottas and Massa for 2015
8 სექტემბერი
მონცაზე რბოლის წინ, „უილიამსმა“ გამოაცხადა, რომ მომავალ სეზონშიც მისი პილოტები ფელიპე მასა და ვალტერი ბოტასი იქნებიან. გუნდის ხელმძღვანელის როლის შემსრულებელმა კლერ უილიამსმა: „მათ სწორედ ის შეძლეს, რაც გვჭირდებოდა. ამიტომ, ეს იოლი გადაწყვეტილება იყო“.

Sunday, September 7, 2014

ჰამილტონმა იტალიის დიდი პრიზი მოიგო

Motor racing-Hamilton puts pressure on Rosberg with Italy win
7 სექტემბერი
არადა, საშინელი სტარტი აიღო - ნიკო როსბერგის დაწინაურებას ვინ ჩივის, კევინ მაგნუსენი და ფელიპე მასაც წინ „გაეპარა“. მალევე გაირკვა, რომ ჰამილტონის ჩავარდნის მიზეზი, მისი ძრავის მცირე პრობლემა აღმოჩნდა, რაც ბოქსებიდან მალე გაასწორეს. ჰამილტონმა მეათე წრისთვის მაგნუსენიც და მასაც უკან მოიტოვა, როსბერგს კი 29-ე წრეზე გაასწრო, როცა გერმანელმა პირველ მოსახვევში მეორედ დაუშვა შეცდომა და გზას ასცდა. აქედან მოყოლებული, ჰამილტონს ბადალი აღარ ჰყოლია.

Saturday, September 6, 2014

„მაკლარენმა“ შეიძლება ორივე პილოტი შეინარჩუნოს

McLaren could keep same drivers in 2015 – Dennis
6 სექტემბერი
„მაკლარენის“ შეფ რონ დენისის თქმით, არაა გამორიცხული, რომ მომავალი სეზონისთვის მისმა გუნდმა საპრიზო პილოტებად ჯენსონ ბატონი და კევინ მაგნუსენი დაიტოვოს. ამჟამად, ორივე პილოტი იმის მოლოდნშია, შეძლებს თუ არა დენისი სებასტიან ფეტელის, ან ფერნანდო ალონსოს გადაბირებას. თუმცა საქმეს ისეთი პირი უჩანს, რომ ორივე თავის გუნდბში გააგრძელებს გამოსვლას.

შემდეგი თაობის „დისქავერი“ „სათავგადასავლო სტილში“ შესრულდება

Next gen Land Rover Discovery to get “adventurous styling”
6 სექტემბერი
უახლესი „დისქავერი სპორტის“ წარდგენის შემდეგ, „ლენდ როვერის“ დიზაინის დირექტორმა ჯერი მაკგოვერნმა ჟურნალ „ავტოქართან“ საუბრისას, Discovery 4-ის შემცვლელზე ისაუბრა, რომელმაც „დისქავერის“ ოჯახში უმაღლესი საფეხური უნდა დაიკავოს. მან ხაზი გაუსვა, რომ ახალ „დისქავერის“ სტილს, „დისქავერი სპორტზე“ მეტად გამოკვეთილი „სათავგადასავლო“ ხასიათი და ფართო ინტერიერი ექნება. მისი გამოშვების სავარაუდო დროდ კი 2016 წელი დაასახელა.

ჰამილტონი მონცას პოულზე

Motor racing-Hamilton beats Rosberg to Italian GP pole
6 სექტემბერი
ლუის ჰამილტონისთვის ეს მაისის შემდეგ პირველი პოულ პოზიციაა. ბოლოს მან რბოლა მოწინავე პოზიციიდან ესპანეთის დიდ პრიზზე დაიწყო. „სკაი სპორტის“ რეპორტაჟისას, ფ1-ის ყოფილმა პილოტმა მარტინ ბრანდლმა აღტაცებულმა განაცხადა, ეს ლუისის ერთ-ერთი საუკეთესო წრეა (გულისხმობს საკვალიფიკაციო წრეებს) ამ სეზონში, თუ საუკეთესო არაო.