დიდი არჩევანი, კარგი ფასები

Thursday, February 28, 2013

ახალი „აუდი RS Q3“ ახალი ტურბო ძრავით

New Audi RS Q3 with 306HP 2.5-liter Turbocharged Inline-Five is Official
28 თებერვალი
ჟენევის მოტორ შოუსთვის, „აუდის“ ხუთი (!) სიახლე აქვს მომზადებული, მათ შორის, ერთ-ერთია Q3-ის ტემპერამენტიანი ვერსია, ინდექსით RS. ამ ავტომობილის კონცეპტუალური ვერსია ინგოლშტადტელებს პეკინის შარშანდელ ავტო შოუზე ჰქონდათ წარდგენილი.

სუტილი „ფორს ინდიაში“ დაბრუნდა

Sutil gets second chance with Force India
28 თებერვალი

ადრიან სუტილი ფორმულა ერთში დაბრუნდა. მას მეორე შანსი ისევ „ფორს ინდიამ“ მისცა, სადაც მისი თანაგუნდელი ისევ პოლ დ რესტა იქნება, რომელთან ერთადაც 2011 წელს ფ1-ში თავისი ბოლო სეზონი გაატარა. სუტილი ინდურ გუნდში თავის თანამემამულე ნიკო ჰულკენბერგს შეცვლის, რომელიც „ზაუბერში“ გადავიდა.
„ძალიან მიხარია, რომ ფორმულა ერთში დაბრუნების საშუალება მომეცა. 

„ჰიუნდაიმ“ საწვავის უჯრედებიანი ix35-ის წარმოებას იწყებს

Hyundai ix35 Fuel Cell Vehicle Enters Production
28 თებერვალი
„ჰიუნდაი“ ერთ-ერთი იმ იშვიათ ავტომწარმოებელთაგანია, რომლებიც საწვავის ფიჭური ელემენტების ტექნოლოგიების განვითარებაზე ზრუნავენ. და ამ მიმართულებით, საკმაოდაც დაწინაურდნენ. მათი ლიდერობის დასტურია ფიჭური ელემენტებით აღჭურვილი ix35, რომლის შესახებაც ინფორმაცია ახლახანს ინტერნეტით გავრცელდა.

„ლენდ როვერმა“ ჟენევისთვის ელექტრული „დიფენდერი“ მოამზადა

Land Rover Electrifies Classic Defender for the Geneva Motor Show
28 თებერვალი

„ლენდ როვერი“ 1948 წლიდან აწარმოებს ლეგენდარულ „დიფენდერს“, რომელსაც უგზოობაში ბევრი თანამედროვე ავტომობილი ვერ შეედრება. მაგრამ ამის მიუხედავად, ბევრი პარამეტრით, ის ძალიან მოძველდა, რის გამოც, ბრიტანული კომპანია შეცვლას უპირებს. ოღონდ, სანამ ბაზარზე ახალ „მცველს“ გამოიყვანს, მანამ ძველის ბაზაზე ელექტრომობილი შეიმუშავა, რომელსაც ჟენევის მოტორ შოუზე წარადგენს.

„ფოლკსვაგენის“ და „დაიმლერის“ შეფებს ანაზღაურება შეუმცირდებათ

VW, Daimler CEOs take pay cuts in 2013, GM's Akerson stays the course
27 თებერვალი
მარცხნიდან: ცეტშე, ვინტერკორნი და აკერსონი 
ევროპის ბაზარზე არსებული კრიზისი ისეთი მძლავრი კომპანიების საქმიანობასაც აზარალებს, როგორებიც „ფოლკსვაგენი“ და „დაიმლერია“. და მიუხედავად იმისა, რომ მსოფლიოს მასშტაბით, ამ კომპანიების საქმიანობა წარმატებულია, მათ ხელმძღვანელებს მაინც ანაზღაურება უმცირდებათ. სამაგიეროდ, „ჯენერალ მოტორსის“ მესაჭეს ხელფასი გაეზრდება.

Wednesday, February 27, 2013

KTM ჟენევაში შემინულ „X-ბოუს“ წარადგენს

KTM reveals slightly more accommodating X-Bow GT ahead of Geneva
27 თებერვალი
მოტოციკლების მწარმოებელ ავსტრიულ კომპანია KTM-ის როდსტერი „X-ბოუ“ საკმაოდ პოპულარულია იმ ავტომოყვარულებს შორის, რომლებიც ავტომობილში პირველ რიგში, მართვადობას და მანევრულობას აფასებენ.სხვა თუ არაფერი, ეს ავტომობილი ჩემპიონთა რბოლების უცვლელი ატრიბუტია. მოკლედ, ის ადრენალინის მოყვარულთათვისაა შექმნილი.

„ჰიუნდაი იუროპი“ ევროპულ ბაზარზე წილის შენარჩუნებას ვარაუდობს

Hyundai Europe expects to keep market share in 2013
27 თებერვალი
„ჰიუნდაის“ ევროპულ შტოს იმედი აქვს, რომ შეინარჩუნებს ევროპული ბაზრის იმ 3.5 პროცენტს, რომელიც გასულ წელს მოიპოვა. „ჰიუნდაი მოტორ იუროპის“ მთავარ აღმასრულებელ ალან რუშფორტის თქმით, 2013 წელი კონსოლიდაციის წელი იქნება, რასაც გაყიდვების ზრდის მორიგი ეტაპი უნდა მოჰყვეს.

„ლენდ როვერი“ ჟენევაში ახალ 9-საფეხურიან ტრანსმისიას გაგვაცნობს

Land Rover to Debut New 9-Speed ZF Automatic Transmission in Geneva
27 თებერვალი
ჟენევის მოტორ შოუზე, „ლენდ როვერი“ ახალ, 9-საფეხურიან ავტომატურ ტრანსმისიას წარადგენს. გადაცემათა კოლოფი კომპანია ZF-ის მიერაა შემუშავებული, რომელიც სწორედ ტრანსმისიების წარმოებაზეა სპეციალიზებული. რა თქმა უნდა, ამ სისტემის შემუშავებაში მონაწილეობა „ლენდ როვერის“ სპეციალისტებმაც მიიღეს.

„ჰონდა“ შესაძლოა ფ1-ის ძრავზე მუშაობს


Gilles Simon working on F1 engine for Honda
26 თებერვალი
როგორც ჩანს, ფორმულა ერთში „ჰონდას“ დაბრუნება გადაწყვეტილია. გავრცელებული ინფორმაციით, იაპონური კომპანია, რომელმაც დიდი პრიზების ცირკი 2008 წელს დატოვა (გლობალური ფინანსური კრიზისის გამო), უკვე მუშაობს ახალ, V6 ტურბო ძრავზე, რომელიც შესაძლოა, 2014 წლიდან „მაკლარენის“ მანქანებზე ვიხილოთ.

Tuesday, February 26, 2013

„უილიამსი“ საუკეთესო ფორმაშია - ამბობს მალდონადო

Williams in best shape yet, reckons Pastor Maldonado
26 თებერვალი

პასტორ მალდონადო ირწმუნება, რომ ის და „უილიამსი“ საუკეთესო ფორმაში არიან. ვენესუელელი მრბოლი საქებარ სიტყვებს არ იშურებს FW35-ის მისამართით. ის ამბობს, რომ მანქანა ძალიან სწრაფი და რაც არანაკლებ მნიშვნელოვანია, გამძლეა. ჟურნალმა „ავტოსპორტმა“მალდონადოს სთხოვა, შეადაროს ახალი მანქანა წინა სეზონებისას, რაზეც პილოტმა მიუგო:

„კრაისლერი“ სახელ „ჩეროკის“ დააბრუნებს


Chrysler revives Cherokee nameplate for Liberty replacement
26 თებერვალი

„კრაისლერის“ ჯგუფი პოპულარულ სახელ „ჩეროკის“ აღადგენს და მისით „ლიბერტის“ ჩაანაცვლებს, რომელმაც ვერაფრით მოიპოვა პოპულარობა. ამერიკულმა კომპანიამ ეს ინფორმაცია მას შემდეგ გაავრცელა, რაც ინტერნეტით ახალი „ჩეროკის“ ფოტოები, არაკორპორატიული არხებით გავრცელდა.

„დაცუნმა“ პირველი ტიზერი გაავრცელა

Datsun Brand to Sell Cars in South Africa as Well Starting from 2014, First Teaser Rendering
26 თებერვალი
იოკოჰამას ქარხანაში ჩატარებულ სპეციალურ პრესკონფერენციაზე, „ნისანმა“ გამოაცხადა, რომ ხელახლა დაბადებული „დაცუნი“ სამხრეთ აფრიკაშიც დაბრუნდება, სადაც პირველ ავტომობილებს მომავალი წლის ბოლოს შეიტანს. იაპონურმა კომპანიამ დაიწყო ახალი გეგმის, სახელად „ნისან პაუერ 88“, განხორციელება, რომელიც „დაცუნის“ აღდგენას ითვალისწინებს. ამ გეგმის მიხედვით, „ნისანმა“ 2016 წლამდე მსოფლიო ბაზრის 8 პროცენტი უნდა დაიკავოს და მოგების საოპერაციო მარჟა ყოველ ავტომობილზე საშუალოდ 8 პროცენტამდე უნდა გაზარდოს.

ალექს იმნაძის მორიგი საინტერესო კონცეპცია

26 თებერვალი
ქართველმა დიზაინერმა ალექს იმნაძემ, ვინც ამჟამად ტურინის ევროპული დიზაინის ინსტიტუტში (IED) სწავლობს, კიდევ ერთი კონცეპტუალური ავტომობილი შეიმუშავა. ამჯერად, საკურსო პროექტი. თუ ადრე მისი ინტერპრეტაციები „ფერარისა“ და „ლამბორგინის“ ეხებოდა, ახლა „ალფა რომეოს“ ჯერი დადგა. იმნაძის კონცეპტუალურ მოდელს „ალფა რომეო 6C“ ეწოდება.

„მაკლარენ P1“ - ახალი ინფორმაცია

McLaren Crunches the Numbers on P1: 350km/h or 218mph Limited Top Speed
26 თებერვალი
„მაკლარენი“ თავის ახალ სუპერ ავტომობილ P1-ს ნაბიჯ-ნაბიჯ გვაცნობს და შესაძლოა, ჟენევის მოტორ შოუზე გასამართ პრეზენტაციაზე, ახალი აღარაფერი ჰქონდეს სათქმელი. თუმცა, ავტო ფანებისთვის, ვინც თუნდაც ვერასდროს შეიძენს ტექნიკის ამ შედევრს, მაინც საინტერესოა, როგორი ტემპერამენტი ექნება ახალ „მაკს“ და რამდენად გაუწევს ის კონკურენციას „ფერარი ენცოს“ შემცვლელს.

Monday, February 25, 2013

პადი ლოუ „მაკლარენიდან“ „მერსედესში“ მოგვიანებით გადავა

Paddy Lowe to leave McLaren for Mercedes later this year
25 თებერვალი

„მაკლარენის“ აწ უკვე ყოფილი ტექნიკური დირექტორი პადი ლოუ გუნდში ამ სეზონშიც დარჩება და მხოლოდ ამის შემდეგ ექნება იმის უფლება, რომ „მერსედესში“ მუშაობას შეუდგეს. ამასთან, უოკინგელებმა ის საქმეებს უკვე ჩამოაშორეს და მის პოსტზე ტიმ გოსი აიყვანეს, ვინც ოც წელზე მეტია, „მაკლარენში“ სხვადასხვა ფუნქციებს ასრულებს. ეს მხოლოდ იმისთვის კეთდება, რომ ლოუს ხელი არ მიუწვდებოდეს „მაკლარენის“ იმ სიახლეებზე, რომლებსაც ეს გუნდი 2014 წლის მანქანისთვის შეიმუშავებს.

მასა: ახალი „ფერარი“ შარშანდელზე უკეთესია


New Ferrari 'much better' than 2012 – Massa
25 თებერვალი

ფელიპე მასა ირწმუნება, რომ შარშანდელ ბოლიდთან შედარებით, „ფერარის“ ახალი სარბოლი ავტომობილი გაცილებით უკეთესია. მიუხედავად იმისა, რომ გასულ სეზონში მანქანას კონკურენტუნარიანობა აკლდა, ფერნანდო ალონსომ მაინც თითქმის მთელი სეზონი ლიდერის რანგში გაატარა და ტიტული მხოლოდ ბოლო რბოლის ბოლო წრეებზე დათმო.

„რენომ“ ფ1-ის 2014 წლის სეზონის ტურბო V6 გაგვაცნო

Renault Reveals 2014 Formula 1 Power Unit V6
25 თებერვალი
ფორმულა ერთში ახალი რეგლამენტი მოქმედებას მერმისს იწყება, მაგრამ ძრავების მიმწოდებლები ამ ცვლილებისთვის უკვე ემზადებიან. თავისი ახალი, 1.6-ლიტრიანი V6 ტურბო ძრავი პირველმა „მერსედესმა“ გაგვაცნო. დღეს კი მას „რენო“ დაემატა, რომელმაც გერმანული კომპანიისგან განსხვავებით, თავისი ახალი აგრეგატის ფოტოსთან ერთად, მისი ზოგიერთი ტექნიკური მახასიათებელიც გამოაქვეყნა.

„ასტონ მარტინ რეპიდი“ „ბერტონეს“ ვერსიით

Bertone Makes a One-Off Shooting Brake Model Out of the Aston Martin Rapide
25 თებერვალი
კერძო შეკვეთებით ავტომობილებს „ასტონ მარტინიც“ ამზადებს. მისი ბრიტანელი შემკვეთი მალე მიიღებს ავტომობილს, რომელიც „ასტონმა“ ოთხკარიან კუპე „რეპიდის“ ბაზაზე, ეგრეთ წოდებულ შუტინგ ბრეიკ ძარით დაუმზადა. ავტომობილს „ჯეტ 2+2“ დაარქვეს, მისი დიზაინი კი იტალიურმა ატელიე „ბერტონემ“ შეიმუშავა. სწორედ „ბერტონე“ წარადგენს ამ ავტომობილს ჟენევის მოტორ შოუზე, რის შემდეგაც, მას შემკვეთს გაუგზავნიან.

„ალფა რომეო 4C“ 240 ცხენის ძალით

Alfa Romeo 4C Gets 236HP, First Image of the Interior Revealed
25 თებერვალი
ახლოვდბა ჟენევის მოტორ შოუ და სულ უფრო მეტი ინფორმაცია ქვეყნდება მისი ექსპონატების შესახებ. ზოგს თვითონ მწარმოებლები აქვეყნებენ, ზოგზე კი მოხერხებული რეპორტიორები ახერხებენ ფოტოების და ცნობების მოპოვებას. ზოგი კომპანია მხოლოდ ფოტო და ვიდეო ტიზერებს, ულუფებად აქვეყნებს, რითაც საზოგადოების ყურადღებას წინდაწინ იქცევს და თავისი სიახლისადმი ინტერესსაც აღვივებს.

„ფორდი“ უგზოობის ინოვაციურ „ეკოსპორტს“ ჟენევაში წარადგენს

Ford to Debut Innovative EcoSport in Geneva
25 თებერვალი
„ფორდს“ ბაზარზე გამოაქვს სრულიად ახალი ავტომობილი, რომელსაც სუბკომპაქტური უგზოობის ავტომობილების სეგმენტში, კარგ მომავალს უწინასწარმეტყველებენ. და საქმე მხოლოდ მის ეფექტურ გარეგნობაში არაა. ავტომობილი უახლესი ტექნოლოგიებითაა აღჭურვილი, რომლებმაც მისი ექსპლუატაცია უნდა გააიაფოს და გააადვილოს კიდეც.

Sunday, February 24, 2013

მეშვიდე თაობის „ფოლკსვაგენ გოლფის“ ელექტრონული ვერსია

Early Reveal for New All-Electric Volkswagen Golf-e Mk7
24 თებერვალი
„ფოლკსვაგენის“ ჯგუფში შემავალი კომპანიები, კარგად იყენებენ ტექნოლოგიების უნიფიკაციის იმ შესაძლებლობას, რასაც მათ ერთმანეთთან დამოკიდებულება აძლევს. ჩვენ უკვე გაუწყეთ იმის შესახებ, რომ ჟენევის მოტორ შოუზე, „აუდი“ ჰეჩბეკ A3-ის ბაზაზე შექმნილ პლაგ-ინ ჰიბრიდულ ავტომობილს წარადგენს. დაახლოებით იმავე ტიპის ავტომობილი ჟენევისთვის „ფოლკსვაგენმაც“ მოამზადა.

„ბეემვე X6 ტაიფუნ RS“ - მსოფლიოს უსწრაფესი უგზოობის ავტომობილი

The world's fastest SUV: G-Power BMW X6 Typhoon RS V10
24 თებერვალი

გერმანულმა სატუნინგო კომპანია „G-პოვერმა“, „ბეემვეს“ სპორტულ ქროსოვერ X6-ის ბაზაზე შექმნა მსოფლიოში უსწრაფესი უგზოობის ავტომობილი, სახელად „ტაიფუნ RS“, რომელიც სულ რაღაც, ხუთი ცალი დამზადდება. ავტომობილი V10 ძრავითაა აღჭურვილი, რომელიც სტანდარტული X6-ის გამაში არ შედის.

„უილიამსის“ გამოსაბოლქვი რეგლამენტს არ შეესაბამება

FIA tells Williams exhaust solution illegal
24 თებერვალი
საერთაშორისო საავტომობილო ფედერაციამ (FIA) გააფრთხილა „უილიამსი“, რომ მისი მანქანის გამოსაბოლქვი არ შეესაბამება ტექნიკურ რეგლამენტს. იგივე პრობლემა, უფრო ადრე „კატერჰემის“ ახალ ბოლიდსაც აღმოაჩნდა. ორივე საჯინიბოს მანქანას მსგავსი ტექნიკური გადაწყვეტა აქვს შემუშავებული, რაც გამოსაბოლქვის ორ სეგმენტად გაყოფაში გამოიხატება.

პლაგ-ინ ჰიბრიდული „აუდი A3 e-ტრონი“ ჟენევაში გაგვეცნობა

New Audi A3 e-tron Plug-in Hybrid with 201HP to Debut at Geneva Motor Show
24 თებერვალი
ცოტაც და ჟენევის მოტორ შოუზე, უამრავ საინტერესო, სერიულ და კონცეპტუალურ სიახლეს ვიხილავთ. მათ შორის, არაერთი ჰიბრიდული და ელექტრული ავტომობილი იქნება. ერთ-ერთი მათგანი კი „აუდის“ პლაგ-ინ ჰიბრიდული ელექტრომობილი „A3 e-ტრონია“, რომლის ფოტოები და მწირი ინფორმაციაც გერმანულმა კომპანიამ ინტერნეტით გაავრცელა.

„ფორდი“ 2.0-ლიტრიან „ეკობუსტ“ ძრავებს ოჰაიოში გამოუშვებს

Ford starting up 2.0L EcoBoost engine production in Ohio
24 თებერვალი
„ფორდ ამერიკას“ პრეზიდენტმა ჯოი ჰინრიხსმა (ფოტოზე) გამოაცხადა, რომ მისი კომპანია 2.0-ლიტრიან „ეკობუსტ“ ოთხცილინდრიან ძრავებს, 2014 წლის ბოლოდან კლივლენდის ძრავების ქარხანაში (ბრუკ პარკი, ოჰაიო) გამოუშვებს, რისთვისაც ამ ქარხნის მოდერნიზაცია და ამ საქმეზე 200 მილიონი დოლარის ინვესტირება იქნება საჭირო. ამის შემდეგ კი მასში დამატებით 450 ადმიანის დასაქმება იქნება შესაძლებელი.

Saturday, February 23, 2013

„ჰიუნდაი გრანდ სანტა ფე“ - პრემიერა ჟენევაში

2013 Hyundai Grand Santa Fe Heading to Geneva
23 თებერვალი
სწორედ ასე ეწოდება „სანტა ფეს“ შვიდადგილიან ვერსიას, რომელიც კორეულმა კომპანიამ პირველად ნიუ იორკის შარშანდელ ავტო შოუზე წარადგინა. მალე კი ამავე ავტომობილს ევროპელებს შესთავაზებს. „გრანდ სანტა ფეს“ ევროპული პრემიერა ჟენევის მოტორ შოუზე გაიმართება.

„მაკლარენის“ ელექტრონიკა გუნდებს პრობლემებს უქმნის

McLaren software causing problems for F1 teams
23 თებერვალი

ფორმულა ერთის გუნდებისთვის, მარტო „პირელის“ სწრაფად ცვეთადი საბურავები არ არის პრობლემა. ისინი ასევე ჩივიან, რომ ბევრ პრობლემას ქმნის კონტროლის ელექტრონული სისტემის მუშაობა, სისტემის, რომლითაც ყველა გუნდს „მაკლარენის“ შვილობილი კომპანია „მაკლარენ ელექტრონიკ სისტემზი“ ამარაგებს. ეს უფლება უოკინგელებმა FIA-სგან ოფიციალურად, ტენდერის შემდეგ მიიღეს და ახლახანს, კონტრაქტიც გააგრძელეს.

„ფოლკსვაგენის“ საოცრად ეკონომიური სერიული ავტომობილი

Volkswagen Unveils Production 0.9lt/100km or 261MPG XL1 Plug-in Hybrid
23 თებერვალი
„ფოლკსვაგენმა“ შარშან პირობა დადო, რომ სუპერ ეკონომიურ კონცეპტუალურ XL1-ს კონვეიერზე დააყენებდა. და პირობა შეასრულა! ამ ავტომობილის სერიულ ვერსიას მალე ჟენევის მოტორ შოუზე წარადგენს.

ახალი „ჯიპ ჩეროკი“

2014 Jeep Cherokee Officially Revealed
23 თებერვალი

„ჯიპს“ სიახლე აქვს - ახალი „ჩეროკი“. ამ სიახლის ოფიციალურ პრემიერას „კრაისლერი“ ნიუ იორკის საერთაშრისო ავტო შოუზე გეგმავს. და როგორც ჩანს, მის გახმაურებას ჯერ არ აპირებდა. მაგრამ ინტერნეტ გამოცემა „იალოპნიკზე“ ახლახანს „ჯიპის“ ქარხანაში გადაღებული ფოტოები გავრცელდა, რომელზეც ახალი „ჩეროკი“ შეუნიღბავად არის გადაღებული.

Friday, February 22, 2013

ის აქ არის

ახალი „რეინჯ როვერი“ საქართველოშიც შემოვიდა
22 თებერვალი
ახალი რეინჯ როვერის დებიუტი თბილისის ივენტ ჰოლში
ჯერ ერთი წელი არაა, რაც ეს ავტომობილი ბაზარზე გამოვიდა და სულ რამდენიმე თვე ეყო იმისათვის, რომ ათი მაღალი კატეგორიის ჯილდო მიეღო. ის უკვე შეიტანეს ყველა ძირითად ბაზარზე და აი, 22 თებერვალს საქართველოშიც ჩამოაღწია. ავტომობილი, რომელიც უგზოობის ლიმუზინადაა ცნობილი და რომელსაც სახელად „რეინჯ როვერი“ ჰქვია, მეოთხე თაობის მოდელით, ზარ-ზეიმით შემოვიდა ჩვენს ბაზარზე.

Thursday, February 21, 2013

„ფორდმა“ ნასქარ-ისთვის მომზადებული „ფიუჟნი“ გაგვაცნო (ვიდეო)

Ford Showcases New NASCAR Fusion Car
21 თებერვალი

იყო დრო, როდესაც ნასქარ-ის სერიის რბოლებში, სერიული ავტომობილებით მონაწილეობდნენ. მაგრამ დროთა განმავლობაში, ეს ავტომობილები სულ უფრო მეტად შორდებოდნენ იმ საბაზო ვერსიებს, რომელთა რეკლამისთვისაც მწარმოებლებს ისინი სარბოლ ტრეკზე და ოვალზე გამოჰყავთ.

პერესი: ახალი „მაკლარენი“ ბატონზეა მორგებული

New McLaren 'adapted' for Button's style – Perez
21 თებერვალი
მართალია, სერხიო პერესი ბარსელონას ტესტების მეორე დღეს უსწრაფესი იყო, მაგრამ მანქანიდან გადმოსულმა, ჟურნალისტებთან საუბრისას პირველ რიგში განაცხადა, ეს მანქანა ჯენსონ ბატონზეა მორგებულიო. თუმცა, არ დაუწუწუნია, უბრალოდ ის ფაქტი დააფიქსირა, რომ როდესაც „მაკლარენი“ ახალ მანქანაზე მუშაობას იწყებდა, ბატონის ფიზიკური პარამეტრები გაითვალისწინაო.

„ჰიუნდაი სონატა ჰაიბრიდს“ აპეტიტი და ფასი მოაკლდა

2013 Hyundai Sonata Gains Updated Hybrid System Yielding Better MPG, Costs $200 Less
21 თებერვალი
„ჰიუნდაიმ“ თავისი პოპულარული ჰიბრიდული ავტომობილი - „სონატა“ განაახლა. ავტომობილში ბევრი რამ შეიცვალა, მათ შორის ბენზინის ძრავიანი ჰიბრიდული დანადგარი, რომლის ეფექტურობაც 6 პროცენტით გაიზარდა. ასევე გაუმჯობესდა ელემენტების ბლოკის მახასიათებლები, რისი წყალობითაც, მარტო ელექტროძრავით ავტომობილის გადაადგილებისას, მისი სვლის სიშორე გაიზარდა.

ვალენტინო როსი „ოპელ ადამის“ სახე გახდა

Valentino Rossi is new brand ambassador for Opel ADAM
21 თებერვალი

წრიულ მოტორბოლებში მსოფლიოს ცხრაგზის ჩემპიონი ვალენტინო როსი, იტალიაში „ოპელის“ უახლესი კომპაქტური სპორტული ავტომობილის, „ადამის“ სახე გახდა. გერმანულმა კომპანიამ, თავისი ახალი პროდუქტის რეკლამისთვის, როსი მისი ცხოვრების აქტიური რიტმის გამო შეარჩია. როსი უდიდესი პოპულარობით სარგებლობს არამხოლოდ მოტოსპორტის ფანებს შორის, არამედ მთლიანად, ავტო-მოტო სამყაროში და ახალგაზრდებს შორის. იმ ახალგაზრდა თაობაში, რომელსაც „ოპელის“ მარკეტოლოგები „ადამის“ ძირითად მყიდველად მიიჩნევენ.

ჟენევაში „ფორდის“ სერიული „ტურნეო კურიერის“ პრემიერა ჩატარდება

Geneva Motor Show Debut for Ford's Production-Ready Tourneo Courier Minivan
21 თებერვალი

ჟენევის მოტორ შოუზე სიახლეები „ფორდსაც“ ექნება. თუ ცისფერი ოვალი ექსპო სენტერში სიურპრიზებს არ დაგვახვედრებს, მისი ექსპოზიციის მთავარი პერსონაჟი იქნება წარმოებისთვის მომზადებული მინივენი „ტურნეო კურიერი“. ეს ავტომობილი პირველად შაღშან ამსტერდამში ჩატარებულ სპერციალურ ფორუმ „გოუ ფართერზე“ გამოჩნდა, სადაც ამერიკულმა კომპანიამ, გლობალური განვითარების დაწვრილებითი გეგმა წარმოადგინა.

„სუზუკი“ ფიჭურ ელემენტებს გამოუშვებს

Suzuki to Start Fuel Cell Production
21 თებერვალი
ფიჭური ელემენტებით აღჭურვილი რამდენიმე კონცეპტუალური ავტომობილის შექმნის შემდეგ, „სუზუკი“ ასეთი ელემენტების წარმოებას იწყებს. იაპონურმა კომპანიამ, ბრიტანულ „ინტელიჯენტ ენერჯისთან“ ერთად, ერთობლივი საწარმო შექმნა, რომლის ქარხანაც ქალაქ იოკოჰამაში აშენდა და წარმოებისთვის მზადაა. რაც მთავარია, ქარხანაში გამოუშვებენ ჰაერით გაგრილებად ფიჭურ დანადგარებს, რომლებიც ავტომობილებისთვისაა განკუთვნილი და ხელმისაწვდომიცაა.

პერესი საბურავების ძლიერ ცვეთას უჩივის

Sergio Perez says tyre degradation is now 'extreme'
21 თებერვალი
როგორც ჩანს, ახალი სეზონის დასაწყისში, მთავარი ტემა ისევ საბურავების ამოუცნობი მახასიათებლები იქნება. ბარსელონაში მიმდნრე ტესტების დროს, პადოკში ყველაზე ხშირად იმაზე ლაპარაკობენ, „პირელის“ ახალი საბურავები ძალიან სწრაფად ცვდება. პირველმა ამაზე ხმამაღლა სერხიო პერესმა ილაპარაკა. მექსიკელი მრბოლი აღიარებს, რომ რეზინის სწრაფმა ცვეთამ გაოცებული დატოვა.

Wednesday, February 20, 2013

„რინსპიდ მიკრომაქსი“ - პირადი სარგებლობის მიკროავტობუსი

Rinspeed bringing microMAX swarm car to Geneva
20 თებერვალი
შვეიცარიულმა საინჟინრო-დიზაინერულმა ატელიე „რინსპიდმა“ რამდენიმე თვის წინ, საინტერესო კონცეპტუალური მიკროავტობუსი „მიკრომაქსი“ გვიჩვენა, რომელიც კერძო და საზოგადოებრივი ტრანსპორტის ევოლუციის მისებურ ხედვას გამოხატავს. ამ კონცეპტუალურ ავტომობილს „რინსპიდი“ ჟენევის მოტორ შოუზე წარადგენს.

„მაკლარენმა“ P1-ის აგრეგატი გაგვაცნო

McLaren Details P1's Powertrain, Features 903HP Plug-in Hybrid, Twin-Turbo'd V8 Setup
20 თებერვალი
„მაკლარენი“ ჟენევაში თავისი ახალი სუპერ ავტომობილის, P1-ის სერიული ვერსიით წარსდგება. ოფიციალურ პრემიერამდე კი ამ ავტომობილის აგრეგატის მონაცემები ინტერნეტით გაგვაცნო. ისევე როგორც მისი მთავარი კონკურენტები - „ფერარი F150“ და „პორშე 918 სპაიდერი“, უოკინგელების მხეციც არამხოლოდ თავისი სიმძლავრით და დინამიკური მახასიათებლებით გამოირჩევა, არამედ გამონაბოლქვში სუპერ ავტომობილებისთვის გასაოცრად დაბალი ნახშირორჟანგის შემცველობითაც.

ამერიკისთვის ახალი „რეინჯ როვერი“ დამჭირხნითაც აღიჭურვება

2014 Range Rover Available with Supercharged V6 and V8 Engines in US
20 თებერვალი

„ლენდ როვერმა“ თავის უახლეს „რეინჯ როვერის“ ამერიკელ მყიდველს არჩევანი გაუმრავალფეროვნა - ამიერიდან, ოკეანის გაღმური ბაზრისთვის, ეს უგზოობის ლიმუზინი მექანიკური და ტურბო დამჭირხნით აღჭურვილ ძრავებსაც მიიღებს. ასეთი ავტომობილის მიწოდება ზაფხულიდან დაიწყება.

„ტოიოტა“ ლე მანს განახლებული ჰიბრიდული პროტოტიპით შეუტევს

Toyota Updates its TS030 Hybrid Endurance Championship Racer
20 თებერვალი

„ტოიოტა მოტორსპორტი“ ლე მანის 24-საათიანი რბოლის მოსაგებად ემზადება. იაპონურმა გუნდმა გასული სეზონისთვის საკმაოდ დაგვიანებით გამოიყვანა ტრასაზე ჰიბრიდული აგრეგატით აღჭურვილი სარბოლი პროტოტიპი, თუმცა ამის მიუხედავად, გამძლეობაზე რბოლებში მსოფლიო ჩემპიონატის სამი ეტაპის მოგება მაინც შეძლო. ლე მანზე კი თავიდან ლიდერობდა, თუმცა შემდეგ ორივე მანქანა გამოეთიშა ასპარეზობას.

„მერსედესმა“ კუბიცა DTM-ზე არ წაიყვანა


No Mercedes DTM seat for Kubica
20 თებერვალი
მიუხედავად იმისა, რომ ერთი თვის წინ ჩატარებული ტესტების დროს, რობერტ კუბიცას კარგი შედეგები ჰქონდა, „მერსედესმა“ მაინც თავი შეიკავა DTM-ის სერიაში მისი აყვანისგან. არადა, სამქიმიანების ახალი დირექტორი ტოტო ვოლფი დიდი ენთუზიაზმით მოეკიდა პოლონელი მრბოლის ტესტებს, რომელსაც ორი წლის წინ განცდილი უმძიმესი ტრავმის შემდეგ, პირველად მიეცა ასეთი მძლავრი სარბოლი ავტომობილით ტრასაზე გამოსვლის საშუალება.

„ვილსენდმორის“ „ასტონ მარტინ ვენქვიში“

Wheels-And-More for New Aston Martin Vanquish Coupe
20 თებერვალი

„ასტონ მარტინ ვენქვიში“ შესანიშნავი გარეგნობით გამოირჩევა. მაგრამ სატუნინგო კომპანიებს ხშირად სრულყოფილებაც ბოლომდე ვერ აკმაყოფილებს. და ისინი ნახულობენ გზებს, რომ შედევრები კიდევ უფრო გაალამაზონ და ზოგჯერ ახლებურადაც დაგვანახონ. ასეთი ამბიციურია გერმანული კომპანია „ვილსენდმორ“, რომელმაც ახალი „ვენქვიშის“ მისებური ვერსია შეიმუშავა და ძალიან ლამაზადაც გამოაწყო.

Tuesday, February 19, 2013

ამ მანქანამ იცის, როდის უნდა დაიკეცოს...

The Casple-Podadera city car knows when to fold 'em
19 თებერვალი
თანამედროვე ევროპული ქალაქების პრობლემა, ეკოლოგიური მდგომარეობის გაუარესების გარდა, მანქანის გასაჩერებელი ადგილების ნაკლებობა და გზების გადატვირთვაცაა. ამიტომაა, რომ ძველ კონტინენტზე კომპაქტური და სუბკომპაქტური ავტომობილები პოპულარობით სარგებლობს. ზოგიერთ ქვეყანაში კი ჯუჯა „სმარტი“ და მისთანებიც ხშირად შეგხვდებათ.

„ბენტლი კონტინენტალ ფლაინგ სპურ“ ჟენევურ პრემიერამდე

New Bentley Continental Flying Spur Photos Leaked
19 თებერვალი

ამ ავტომობილის ინტერნეტით გაცნობას „ბენტლი“ დღეს აპირებს, თუმცა ფოტოები და მწირი ინფორმაცია რამდნიმე საათით მაინც გავრცელდა და თუ ფოტოების ხარისხით ვიმსჯელებთ, ეს ბრიტანული კომპანიის ხელშეწყობით მოხდა. როგორც ჩანს, სიახლისადმი ინტერესის გასაღვივებლად, „ბენტლიში“ ფოტო ტიზერების გამოქვეყნების ნაცვლად, ინფორმაციის გაჟონვის (ერთ-ერთი რუსული ვებგვერდის მეშვეობით) მოწყობა ამჯობინეს.

„ფორდი“ პიკაპ „რეინჯერის“ შემცვლელს გამოუშვებს


Ford Pondering Ranger Replacement
19 თებერვალი
ორი წლის წინ, „ფორდმა“ კომპაქტურ პიკაპ „რეინჯერის“ წარმოება გააჩერა, რისი მიზეზიც, ამ კლასის პიკაპებზე მოთხოვნის შემცირება გახდა. მაგრამ მარკეტინგულმა გამოკვლევამ და კონკურენტთა წარმატებულმა საქმიანობამ აჩვენა, რომ ბაზრის ეს სეგმენტი კვლავაც საინტერესოა. და როგორც გამოცემა „ქარ ენდ დრაივერი“ იუწყება, ცისფერი ოვალი „რეინჯერის“ ბაზარზე დაბრუნებას აპირებს.

„უილიამს FW35“ - ახალი მანქანა, მაღალი მიზნები

Williams last out with new car but aiming high
19 თებერვალი

ბოლო გუნდი, რომელმაც ახალი სეზონისთვის განკუთვნილი სარბოლი ავტომობილი გაგვაცნო, „უილიამსია“. ბრიტანულმა გუნდმა FW35-ის პრეზენტაცია ბარსელონას სარბოლ ტრეკზე, ტესტების მეორე სერიის დაწყებამდე, საქმიან ვითარებაში ჩაატარა. ეს სწორედ ის ტრასაა, რომელზეც გასულ სეზონში, ვენესუელელმა პასტორ მალდონადომ სახელოვან გუნდს ნანატრი გამარჯვება მოუპოვა.

Monday, February 18, 2013

„ნისანმა“ ევროპისთვის შექმნილი სუბკომპაქტური „ნოტი“ გაგვაცნო

Nissan Reveals New European Market Note Supermini
18 თებერვალი

„ნისანმა“ ინტერნეტით გაავრცელა თავის სუბკომპაქტურ მოდელ „ნოტის“ ფოტოების და ინფორმაცია, ავტომობილისა, რომელიც იაპონური ბაზრისთვის განკუთვნილი, ამავე სახელწოდების მქონე მეორე თაობის ავტომობილის ევროპული ანალოგია და რომლის პრემიერაც ჟენევის მოტორ შოუზე გაიმართება.

„შევროლე SS“ - ბატკნის ტყავში გამოწყობილი მგელი

2014 Chevrolet SS Officially Unveiled, Gets 415HP 6.2-liter LS3 V8
18 თებერვალი

დიდი ხანია, „შევროლე“ უკანაამძრავიან სპორტულ სედანებს არ აწარმოებდა, მაგრამ ამ ბრენდის გლობალიზაციამ, ასეთი ჰალო ქარის გამოშვების აუცილებლობა, დღის წესრიგში დააბრუნა. „ჯენერალ მოტორსს“ კი შესანიშნავი ბაზისი გააჩნია ასეთი ავტომობილისთვის - ავსტრალიური „ჰოლდენ კომოდორ SS V-ის“ სახით. სწორედ ამ ავტომობილის ამერიკული ვერსია, სახელად „შევროლე SS“, გენერლებმა ახლახანს, ნასქარ-ის რბოლა დეიტონა 500-ის წინ, საზოგადოებას პირველად უჩვენა.

ნიკო ჰულკენბერგი „ზაუბერისთვის“ უზარმაზარი აქტივია

Nico Hulkenberg will be a 'huge asset' reckons Sauber F1 team
18 თებერვალი
ხერესის ტესტების შემდეგ, „ზაუბერი“ ძალიან კმაყოფილი დარჩა თავისი ახალი პილოტით - გერმანელი ნიკო ჰულკენბერგით, რომელსაც შვეიცარიული საჯინიბოს მთავარმა ინჟინერმა მეტ მორისმა „უზარმაზარი აქტივი“ უწოდა. თავის მხრივ, ჰულკენბერგი, ვინც „ზაუბერში“ „ფორს ინდიადან“ გადმოვიდა, ახალი მანქანით კმაყოფილი დარჩა. განსაკუთრებით კი ის ფაქტი აღნიშნა, რომ მანქანა მაღალი სიჩქარით მოძრაობისას ადვილად სამართავია.