დიდი არჩევანი, კარგი ფასები

Sunday, November 30, 2014

„იაგუარ ლენდ როვერის“ ხმოვანი კონტროლის სისტემა

JLR speaks up for voice recognition
30 ნოემბერი
ლოს ანჯელესის მოტორ შუზე, „იაგუარ ლენდ როვერმა“ თავისი მორიგი ტექნოლოიგური სიახლე - სისტემა „ჯასტდრაივ“ წარადგინა. ბრიტანული კომპანიის განმარტებით, ეს სიახლე, სმარტფონის რამდნმე აპლიკაციას ერთ, მარტივ აპლიკაციაში უყრის თავს და მისი გააქტიურება ხმოვანი სიგნალითაა შესაძლებელი. ამ სისტემის შემუშავებაში, „იაგუარ ლენდ როვერს“ კალიფორნიული კომპანია „ქლუდქარი“ მონაწილეობდა. „ჯასტდრაივი“ კომპანია „ეპლის“ „აიფონთანაა“ თავსებადი. მოგვიანებით, ამავე სისტემის „ანდროიდთან“ თავსებადი ვერსიაც მომზადდება.

Friday, November 28, 2014

კარლოს საინს უმცროსი „ტორო როსოში“

Sainz confirmed in all-rookie Toro Rosso line-up
28 ნოემბერი
„ტორო როსოც“ დაკომპლექტდა. ჯერ კიდევ ორი დღის წინ შეიძლებოდა გვეთქვა, რომ იტალიური გუნდი მეორე პილოტად კარლოს საინს უმცროსს აირჩევდა, რადგან „რედ ბულის“ ფარმ გუნდმა ჟან-ერიკ ვერნს კარისკენ ოფიციალურად მიუთითა. დღეს კი ოფიციალურად გამოცხადდა, რომ ჰოლანდიელ თინეიჯერ მაქს ფერსტაპენთან ერთად, მომავალ სეზონში გუნდის ბოლიდით კიდევ ერთი თინეიჯერი - ესპანელი საინსი იასპარეზებს.

„ფორდ ექსპლორერის“ ახალი სახე და ეკობუსტი

2016 Ford Explorer Gets a New Face, 2.3L EcoBoost Engine and Platinum Grade
28 ნოემბერი
„ფორდმა“ თავის პოპულარულ უგზოობის მოდელ „ექსპლორერს“ განახლება ჩაუტარა. სტილის შეცვლის გარდა, რომელსაც რადიატორის ახალი ცხაური და ვიწრო ფარები განსაზღვრავს, მისი ძრავების გამაშიც გამოჩნდა სიახლე. ესაა 2.3-ლიტრიანი ოთხცილინდრიანი ეკობუსტი. გარდა ამისა, ამიერიდან ხელმისაწვდომი გახდება სერია „პლატინუმი“ და ახალი ტექნოლოგიები. განახლებული „ექსპლორერის“ გაყიდვები მომავალ ზაფხულში დაიწყება, როცა ცისფერი ოვალი ამ ავტომობილის წარმოების დაწყებიდან 25 წლის იუბილეს აღნიშნავს.

„პორშე“ „პანამერას“ გამას გააფართოებს

Porsche To Expand Panamera Range, No Electric Cars
28 ნოემბერი
ცნობილია, რომ „პორშე“ მეორე თაობის „პანამერაზე“ მუშაობს, რომელიც როგორც ჩანს, მყიდველის წინაშე მცირე ოჯახის სახით წარსდგება. უფრო სწორედ, ცუფენჰაუზენელები მის ბაზაზე რამდენიმე ვერსიის გამოშვებას გეგმავენ. მათ შორის იქნება ვერსია „შუტინგ ბრეიკ“ - ერთგვარი კუპე-უნივერსალი, რომლის კონცეპტუალური ვერსიაც 2012 წელს ვიხილეთ.

ფორმულა 1 და ლე მანი ერთად

Motor racing-Hulkenberg to race F1 and Le Mans next year
28 ნოემბერი
მომავალ სეზონში, მიკო ჰულკენბერგი ფორმულა ერთის გარდა, ლე მანის 24-საათიან რბოლაშიც მიიღებს მონაწილეობას. მან კონტრაქტი გააფორმა „პორშესთან“, რომელმაც ლე მანზე სამი ეკიპაჟით გამოსვლა გადაწყვიტა. და ამ მესამე ეკიპაჟის პირველ წევრად სწორედ „ფორს ინდიას“ გერმანელი პილოტი შეარჩია.

Thursday, November 27, 2014

„ფორდმა“ ვალენსიაში „მონდეო ჰაიბრიდის“ წარმოება დაიწყო

Ford Starts New Mondeo Hybrid Production in Europe
27 ნოემბერი
„ფორდმა“ თავის ვალენსიას ქარხანაში უახლეს სედან „მონდეოს“ ჰიბრიდული ვერსიის, „მონდეო ჰაიბრიდის“ წარმოება დაიწყო. ეს ავტომობილი საწვავის მცირე ხარჯით და გამონაბოლქვში ნახშირორჟანგის მცირე შემცველობით გამოირჩევა. და რაც მთავარია, დაახლოებით იმდენივე ღირს, რამდენიც დზელის ძრავით აღჭურვილი ვერსია.

„კადილაკი“ „ბენტლის“ და „როლსის“ კონკურენტს 2029 წლამდე გამოუშვებს

Cadillac Could have a $250,000 Bentley Rival by 2029
27 ნოემბერი
„ჯენერალ მოტორსის“ პრემიუმ ბრენდი „კადილაკი“ გამოცოცხლების პროცესშია. რა თქმა უნდა, მას სამიზნეში გერმანული პრემიუმ ბრენდები აქვს ამოღებული, უფრო შორეულ პერსპექტივაში კი „ბენტლისთან“ და „როლს-როისთან“ კონკურენციასაც კი გეგმავს. ოღონდ, ეს გეგმა იმ შემთხვევაში შესრულდება, თუ მისი მხარდამჭერი, „კადილაკის“ მთავარი აღმასრულებელი იოჰან დე ნისხენი თავის თანამდებობას იმ დრომდე შეინარჩუნებს, როცა მისი განხორციელება იგეგმება.

Wednesday, November 26, 2014

„მაკლარენმა“ შესაძლოა დამატებითი ტესტები ჩაატაროს

McLaren could fit in extra Honda run before 2015 F1 testing starts
26 ნოემბერი
არაა გამორიცხული, რომ ხერესის წინასასეზონო ტესტებამდე, „მაკლარენმა“ კიდვ ერთი ინდივიდუალური ტესტი ჩაატაროს, რა დროსაც „ჰონდას“ უახლესი ძრავის პარამეტრებს შეამოწმებს. საქმე ისაა, რომ აბუ დაბიში ჩატარებული პოსტსეზონური ტესტები, უოკინგელებმა ელექტრონიკის პრობლემების გამო ვერ ჩაატარეს. მათ მხოლოდ სამი სრულფასოვანი წრის გავლა მოახერხეს.

ფორმულა ერთმა ორმაგ ქულებზე უარი თქვა

Formula 1 drops double points and standing restarts for 2015
26 ნოემბერი
ფორმულა ერთის გუნდებმა მოილაპარაკეს, რომ მომავალი სეზონიდან ორმაგი ქულების წესი გაუქმდება. გარდა ამისა, მათ არ მიიღეს ახალი წესი, რომელიც ტრასიდან უსაფრთხოების მანქანის გასვლის შემდეგ, ადგილიდან რესტარტს ითვალისწინებდა. ეს წესი ახალი სეზონიდან უნდა ამოქმედებულიყო, თუ გუნდები მის შემოღებას დათანხმდებოდნენ.

„რეინჯ როვერი“ ელექტრულიც გამოვა

Electric Range Rover to challenge Tesla
26 ნოემბერი
„ლენდ როვერი“ სრულიად ელექტრული მოდელის გამოშვების მიზანშეწონილებას განიხილავს. მისი გამოშვების შემთხვევაში, ავტომობილი „რეინჯ როვერის“ ბრენდით გაიყიდება და ის კონკურენციას „ტესლას“ ელექტრულ ქროსოვერს გაუწევს. ამასთან, ეს იქნება არა ახლანდელი „რეინჯ როვერის“ ელექტრული ვერსია, არამედ ქროსოვერის ტიპის დაბალპროფილიანი ავტომობილი.

ჰამილტონი ნომრის შეცვლას არ აპირებს

Hamilton won’t have number one on his car in 2015
26 ნოემბერი
მსოფლიოს ორგზის ჩემპიონმა ლუის ჰამილტონმა განაცხადა, რომ მომავალ სეზონში საჩემპიონო პირველი ნომრით ასპარეზობას არ აპირებს და თავის მანქანას ისევ 44 ნომერს დააწერს. „მე ყოველთვის 44 ნომერი ვიქნები. ამ ნომერს შევინარჩუნებ, რადგან რბოლებში გამოსვლა ამ ნომრით დავიწყე“, - ამბობს ბრიტანელი პილოტი.

სარეკორდო „ბლადჰაუნდი“ „იაგუარის“ V8 ძრავს გამოიყენებს

Bloodhound to use Jaguar V8 engine in 1000mph bid
26 ნოემბერი
„იაგუარსა“ და გუნდ „ბლადჰაუნდს“ შორის გაფორმებული პარტნიორულ-სპონსორული ხელშეკრულება, სარეკორდო ავტომობილ „ბლადჰაუნდ SSC-ს“ „იაგუარის“ წარმოების მექანიკურდამჭირხნიანი V8 ძრავით აღჭურვასაც ითვალისწინებს. ოღონდ, ეს აგრეგატი მხოლოდ სარაკეტო საწვავის საწვავის ტუმბოს მოვალეობას შეასრულებს. სწორედ სარაკეტო ძრავის დახმარებით უნდა მიაღწიოს რაკეტის ტიპის მანქანამ დაგეგმილ სიჩქარეს - 1 000 მლ/სთ-ს (დაახლოებით 1 600 კმ/სთ-ს).

Monday, November 24, 2014

„ლენდ როვერის“ შეფი ჩინურ კომპანიას უჩივის

Land Rover CEO Pissed at LandWind Over Their X7 Evoque Clone
24 ნოემბერი
გუანჯოუს ავტო შოუზე, „ლენდ როვერის“ მთავარმა აღმასრულებელმა რალფ შპეტმა განაცხადა, რომ ჩინურ კომპანია „ლენდ უინდის“ უგზოობის ავტომობილი X7, მისი კომპანიის ინტელექტუალური საკუთრების ხელყოფაა. ამის გამო, ის ჩინეთის ხელისუფლებას თხოვნით მიმართავს, რათა ამ პრობლემის მოგვარებაში დაეხმაროს.

ლოები მონტე კარლოს რალიზე იასპარეზებს

LOEB RETURNS FOR RALLYE MONTE CARLO
24 ნოემბერი
მსოფლიოს ცხრაგზის ჩემპიონი რალიში, ფრანგი სებასტიან ლოები, მომავალი სეზონის პირველ ეტაპზე, მონტე კარლოს რალიზე იასპარეზებს. 40 წლის პილოტს ნავიგატორად ისევ ძველი პარტნიორი, დანიელ ელენა ეყოლება და ისინი „სიტროენის“ ავტომობილით იასპარეზებენ, რომელიც ამიერიდან, რალის მსოფლიო ჩემპიონატზე DS-ს სახელით წარსდგება.

„ფერარის“ შეფი მაურიციო არივაბენე გახდა

Maurizio Arrivabene named Ferrari Team Principal, replacing Marco Mattiacci
24 ნოემბერი
როგორც მოსალოდნელი იყო, „ფერარის“ ფორმულა ერთის საჯინიბოს შეფად მაურიციო არივაბენე დაინიშნა. მან ამ თანამდებობაზე მარკო მატიაჩი შეცვალა, რომელმაც თავის მხრივ, აპრილში სტეფანო დომენიკალი ჩაანაცვლა. ამგვარად, არივაბენე წელს იტალიური გუნდის მესამე ხელმძღვანელი გახდა.

მეფე ხუან კარლოსი: ალონსო „მაკლარენში“ მიდის

Former Spanish King says Alonso 'going to McLaren'
24 ნოემბერი
აბუ დაბის რბოლის შემდეგაც კი, ფერნანდო ალონსოს მომავალი გაურკვეველი დარჩა. მან გარკვეული მინიშნებები გააკეთა, რომელთა მიხედვითაც შეიძლება ითქვას, რომ მალე მას „მაკლარენ-ჰონდას“ ფორმაში ვიხილავთ, მაგრამ ჯერჯერობით ეს მხოლოდ მინიშნებებია. მაგალითად: „ეს არ იქნება სიურპრიზი“, ან „თქვენ ძალიან ახლოს ხართ“...

Sunday, November 23, 2014

ალონსო „მერსედესის“ კონკურენტ პროექტს ეძებს

Alonso seeks a ‘project that will challenge Mercedes’
23 ნოემბერი
ფერნანდო ალონსომ კიდევ ერთი მინიშნება გააკეთა იმისა, თუ რას აპირებს მომავალ სეზონში. მან განაცხადა, რომ იმ პროექტს შეუერთდება, რომელიც „მერსედესთან“ პაექრობას შეძლებს და რაც შეიძლება, სწრაფად. როგორც ცნობილია, მსოფლიოს ორგზის ჩემპიონის ადგილზე, „ფერარიმ“ მსოფლიოს ოტხგზის ჩემპიონი, სებასტიან ფეტელი მიიწვია. მას კი „მაკლარენში“ დაბრუნებას უწინასწარმეტყველებენ, რომელიც მომავალი სეზონიდან „ჰონდას“ ძრავებით იასპარეზებს.

ლუის ჰამილტონი ორგზის მსოფლიო ჩემპიონია

Motor racing-Hamilton takes second F1 title in style
23 ნოემბერი
ლუის ჰამილტონმა აბუ დაბის დიდი პრიზის რბოლის მოგებით, მსოფლიო ჩემპიონის მეორე ტიტული მოიპოვა! ბრიტანელმა სტარტზევე გაასწრო თავის ერთადერთ კონკურენტსა და თანაგუნდელ ნიკო როსბერგს, რომელსაც მოგვიანებით ტექნიკამ უმტყუნა. 29 წლის ჰამილტონი, ვინც პირველად ჩემპიონი 2008 წელს გახდა, 1971 წლის შემდეგ პირველი ბრიტანელია, ვინც მეორედ გახდა ფ1-ის ჩემპიონი. 1971-ში ეს ჯეკი სტიუარტმა გააკეთა, ვინც ორი წლის შემდეგ, მესამედაც გახდა ჩემპიონი.

Saturday, November 22, 2014

„ფერარი“ მატიაჩის შეცვლასაც აპირებს

Marlboro chief set to replace Ferrari boss Mattiacci
22 ნოემბერი
გერმანულ პრესაში გავრცელებული ინფორმაციით, მალე „ფერარი“ თავის ფორმულა ერთის გუნდის შეფ მარკო მატიაჩისაც გაუშვებს, მის ადგილზე კი „მარლბოროს“ ევროპული შტოს ბრენდ მენეჯერ მაურიციო არივაბენე დაინიშნება. როგორც ცნობილია, მატიაჩიმ აპრილში შეცვალა სტეფანო დომენიკალი.

„რედ ბულს“ კვალიფიკაციის შედეგები გაუუქმეს

Red Bull disqualified from qualifying after front wings deemed illegal
22 ნოემბერი
ამ სეზონის ბოლო რბოლას, „რედ ბულის“ პილოტები პიტლეინიდან დაიწყებენ. საქმე ისაა, რომ სტიუარდებმა ხარების ავტომობილის წინა ფრთების კონსტრუქციაში ტექნიკური რეგლამენტის დარღვევა აღმოაჩინეს. კერძოდ, ჩატარებულმა შემოწმებამ აჩვენა, რომ წინა ფრთებში დრეკადი ელემენტებია გამოყენებული. ამის გამო, ორივე პილოტის შედეგი გაუქმდა, თუმცა მათ რბოლაში მონაწილეობის უფლება ექნებათ. მოკლედ, მათ ბოლო რიგში დადგომა უწევდათ, მაგრამ იმის გამო, რომ მანქანაზე ნაწილებია შესაცვლელი, სებასტიან ფეტელი და დანიელ რიკარდო სტარტს პიტლეინიდან აიღებენ.

პოული ისევ როსბერგისაა

Motor racing-Rosberg beats Hamilton to Abu Dhabi pole
22 ნოემბერი
ორმაგი ქულების რა გითხრათ, მაგრამ კვალიფიკაციის მოგებისთვის რომ ორი ქულა იწერებოდეს და უსწრაფესი წრისთვის და რბოლაში მეტი წრის ლიდერობისთვის - თითო ქულა, ნიკო როსბერგსა და ლუის ჰამილტონს შორის სხვაობა 17 ქულაზე ნაკლები იქნებოდა და შესაბამისად, ჩემპიონის ვინაობა აბუ დაბის დიდი პრიზის რბოლაში გაირკვეოდა. ორმაგ ქულებს ალბათ მომავალი სეზონიდან ისევ გააუქმებენ, კვალიფიკაციაში გამარჯვება კი როდის დაფასდება, ამის თქმა ძნელია. არადა, კარგი იქნებოდა...

Friday, November 21, 2014

„სუზუკის“ უნგრული ქარხანა ისევ ორ ცვლაში ამუშავდება

Suzuki plant in Hungary will return to double shifts ahead of Vitara launch
21 ნოემბერი
დეკემბრიდან „სუზუკი“ თავის უნგრულ ქარხანას ისევ ორცვლიან სამუშაო რეჟიმზე გადაიყვანს. კომპანიის მთავარ აღმასრულებელ რიოიჩი ოურას თქმით, იაპონური კომპანია იქ უახლესი „ვიტარას“ წარმოებას დაიწყებს და სანამ მას ბაზარზე გამოიტანს, საკმარისი მარაგის შექმნას აპირებს.

ლე მანის ლეგენდამ კარიერა დაასრულა

Motor racing-Nine-time Le Mans winner Kristensen to retire
21 ნოემბერი
ლე მანის 24-საათიანი რბოლის ყველაზე წარმტებულმა პილოტმა, ამ რბოლის ცხრაგზის გამარჯვებულმა, დანიელმა ტომ კრისტენსენმა აღარ მოისურვა მეათე გამარჯვებისთვის ბრძლა და კარიერა დაასრულა. არადა, ამ სეზონის დასაწყისში განაცხადა, რომ ლე მანზე მეათე გამარჯვებაც სურდა და ეს მიზანი მოტივაციას უძიერებდა.

გადამწყვეტი რბოლის წინ ჰამილტონი უკეთ გახურდა

UPDATE 1-Motor racing-Advantage Hamilton in Abu Dhabi practice
21 ნოემბერი
დიდი პრიზების ქარავანმა აბუ დაბიმდე მიაღწია. ჩემოპიონის სახელს სწორედ ემირატებში, ბოლო რბოლაში გავიგებთ, სადაც საკამათო ორმაგი ქულების წესის წყალობით, ნიკო როსბერგს ტიტულის მოპოვების რეალური შანსი ექნება. ქულების დათვლას ახლა აზრი არ აქვს, მაგრამ ერთი რამ მაინც უნდა ითქვას, რომ როსბერგს თავისი ყოფილი გუნდის, „უილიამსის“ იმედი შეიძლება ჰქონდეს.

Thursday, November 20, 2014

ახალი „მუსტანგი“ მსოფლიოს უმაღლეს ცათამბჯენზე

All-New Ford Mustang Conquers Burj Khalifa, World's Tallest Building
20 ნოემბერი
ახალი „მუსტანგი“ მწვერვალების დაპყრობას აგრძელებს. უფრო სწორედ, ცათამბჯენების. მან უკვე „მოიარა“ ნიუ იორკის სიმბოლო - ემპაიერ სტეიტ ბილდინგი, შემდეგი ვიზიტი კი მსოფლიოს უმაღლეს ცათამბჯენზე, დუბაის ბურჟ ხალიფაზე შეასრულა. და ეს ვიზიტი, „ფორდის“ ახალი, ახლო აღმოსავლეთისა და აფრიკის დივიზიონის ინაუგურაციას დაემთხვა.

„ინფინიტის“ კონცეპტი მოტო-ტრიატლონისთვის

Infiniti Dreams Up SYNAPTIQ Concept for 2029
20 ნოემბერი
ლოს ანჯელესის წლვანდლ მოტორ შოუს გაუმართლა - „შევროლე ჩაპარალის“ გარდა, არანაკლებ შთამბეჭდავი და საოცარი კონცეპტუალური ნამუშევარი „ინფინიტიმაც“ წარადგინა. ოღონდ, არა კომპიუტერულ სიმულატორ „გრან ტურიზმო 6-სთვის“. იაპონური კომპანიის კონცეპცია, სახელად SYNAPTIQ, შოუს ტრადიციული კონკურსისთვისაა განკუთვნილი, რომელიც ამჯერად 2029 წლისთვის ადამიანებსა და ავტომობილებს შორის ურთიერთობის ხედვებს „აგროვებს“.

„შევროლე ჩაპარალ 2X VGT“ – უსაზღვრო ფანტაზიის ნაყოფი

Chevy's Chaparral 2X VGT is Real, In a Fictional Way…
20 ნოემბერი
ამ ავტომობილს რომ ნახავთ, კიდევ ერთხელ დარწმუნდებით, რომ ინჟინრების და დიზაინერების ფანტაზიას საზღვრები არ აქვს. თითქოს, „რედ ბულის“ გენიალური ტექნიკური დირექტორის, ედრიან ნიუის კონცეპტუალურ-ვირტუალური X1 ის ზღვარი იყო, რომელზე უკეთესსა და ეფექტურსაც ადამიანის გონება ძნელად თუ შესწვდებოდა. მაგრამ „შევროლეს“ ჯადოქრებმა დაამტკიცეს, რომ ასე არ არის და ამის დასტურად, ლოს ანჯელესის მოტორ შოუზე, ვიდეოთამაშ „გრან ტურიზმო 6-სთვის“ შექმნილი ავტომობილი-საოცრება, „ჩაპარალ 2X VGT“ წარადგინეს. თანაც, სრულმასშტაბიანი კონცეპტუალური მოდელის სახით...

Wednesday, November 19, 2014

ბიანკი უკეთაა

Bianchi family statement: Jules now breathing 'unaided'
19 ნოემბერი
ჟიულ ბიანკის მდგომარეობა ოდნავ გაუმჯობესდა, რაც საკმარისი აღმოჩნდა იმისათვის, რომ ხელოვნური ხელოვნური კომიდან გამოეყვანათ, სუნთქვის აპარატიდან მოეხსნათ და საფრანგეთში, ქალაქ ნიცას საუნივერსიტეტო ჰოსპიტალში გადაეყვანათ. იაპონიის დიდი პრიზის რბოლისას მომხდარი ავარიის შემდეგ, რომლის დროსაც თავის მძიმე ტრავმა მიიღო, ბიანკიმ კომაში შვიდი კვირა გაატარა.

Tuesday, November 18, 2014

გაიცანით - „შელბი GT350 მუსტანგი“

Ford unleashes extreme Shelby GT350 Mustang
18 ნოემბერი
25-წლიანი პაუზის შემდეგ, „ფორდმა“ ბაზარზე თავის პოპულარულ პონი ქარ „მუსტანგის“ ვერსია „შელბი GT350 მუსტანგი“ დააბრუნა. ეს ავტომობილი მეექვსე თაობის „მუსტანგის“ ტოპ ვერსიაა და ცისფერი ოვალის ისტორიაში, ყველაზე მძლავრი ატმოსფერული V8 ძრავითაა აღჭურვილი. ცისფერი ოვალის განმარტებით, ეს არის „ქუჩისთვის ლეგალური სატრეკო ავტომობილი“.

„ბენტლი“ და „ლამბორგინი“ შეიძლება უცხოეთშიც გამოუშვან

Bentley, Lamborghini consider foreign production
18 ნოემბერი
წარმოგიდგენიათ ისეთი „ბენტლი“, რომელიც ბრიტანეთში არაა დამზადებული? ან ისეთი „ლამბორგინი“, რომელიც იტალიის ფარგლებს გარეთ გამოუშვეს? რა თქმა უნდა, არა! მაგრამ მალე შეიძლება ორივე კომპანიამ, რომლებიც „ფოლკსვაგენის“ დიდ ოჯახში არიან მოქცეულნი, ეს ტრადიცია დაარღვიოს. სწორედ გერმანული ჯგუფის ხელმძღვანელობა განიხილავს ორივე კომპანიის წარმოების ექსპანსიის საკითხს.

ჰორნერი: „რენოს“ ძრავი „მერსედესთან“ 75 ცხენის ძალას აგებს

Horner says Renault 75hp down on Mercedes
18 ნოემბერი
იტალიურ გამოცემა „აუტოსპრინტთან“ საუბრისას, „რედ ბულის“ შეფმა კრისტიან ჰორნერმა განაცხადა, რომ განსხვავება „რენოს“ და „მერსედესის“ ძრავების სიმძლავრეებს შორის, 75 ცხენის ძალაა. და ძრავების სრულყოფის პროცესის „გაყინვის“ წესის გამო, არც „რენოს“ და არც მასავით ჩამორჩენილ “ფერარის“, დაწევის საშუალება არ აქვთ.

Monday, November 17, 2014

„იაგუარ ლენდ როვერი“ ძველ „დიფენდერს“ საკადრისად გააცილებს

Jaguar Land Rover plans more Special Operations vehicles
17 ნოემბერი
„იაგუარ ლენდ როვერი“ არამხოლოდ ახალი ავტომობილების შემუშავებით, ახალი ტექნოლოგიების შემუშავებით და სამოდელო გამის გაფართოებითაა დაკავებული, არამედ არსებული მოდელების ბაზაზე, სპეც ვერსიებსაც ინტენსიურად ამზადებს, რაც მას დამატებითი მყიდველის მოზიდვის საშუალებას აძლევს. სწორედ ამისათვის შეიქმნა შიდასაქარხნო სატუნინგო შტო „სპეშლ ოპერეიშნზ“, რომელმაც ახლახანს თავისი პირველი პროდუქტი - „რეინჯ როვერ სპორტ SVR-ი“ გაგვაცნო.

„ფერარის“ დამოუკიდებლობის ფასი 2.8 მილიარდი დოლარია

Ferrari to pay Fiat Chrysler $2.8B prior to spinoff
17 ნოემბერი
„ფიატ კრაისლერ ავტომობილსმა“ თავისი მარგალიტის - „ფერარის“ აქციონერება გადაწყვიტა. ოღონდ, სანამ მის აქციებს ბირჟაზე გამოიტანს, ჯერ საკუთარი ჯგუფისგან განაცალკევებს. ამისათვის კი მარანელოელებს იტალიურ-ამერიკული ჯგუფისთვის, გამოსასყიდის სახით, 2.8 მილიარდი დოლარის გადახდა მოუწევთ. და ეს სახელოვანი იტალიური კომპანიის დამოუკიდებლობის საფასური იქნება.

„ბეემვე“ წყალბადის ფიჭურელემენტიან i5-ის გამოშვებას აპირებს

BMW plans new hydrogen-fuelled i5
17 ნოემბერი
ქვე-ბრენდ i-ს მესამე ავტომობილისთვის „ბეემვე“ ტექნოლოგიას „ტოიოტასგან“ გაიზიარებს. ლაპარაკია წყალბადის ფიჭურ ელემენტებზე, რომლით აღჭურვილ ელექტრომობილ „მირაისაც“ იაპონური კომპანია მალე გამოუშვებს. სავარაუდოდ, ახალ ტექნოლოგიას ბავარიელები პირველად თავიანთ მესამე i-მოდელზე გამოიყენებენ, რომელიც ბაზარზე i5-ის სახელით გამოვა.

„პეჟო 2008 DKR“ საბრძოლო ფორმაში

Peugeot Reveals Final Livery of its 2008 DKR Dakar Racer
17 ნოემბერი
დაკარის რალი მარათონის დაწყებამდე თვენახევრით ადრე, „პეჟომ“ თავისი სარბოლო ბაგის ტიპის უკანა ამძრავიანი ავტომობილი, 2008 DKR-ი საბრძოლო, სპონსორ „რედ ბულის“ ფორმაში გამოწყობილი წარმოადგინა. ეს ავტომობილი აქამდე „უმად“, კარბონის კომპოზიტის მუქ ფერებში გადიოდა ტესტებს.

„ფოლკსვაგენი“ ლოს ანჯელესში ორი კონცეპტით წარსდგება

VW Bringing Golf R 400 And GTI Roadster Concepts To L.A.
17 ნოემბერი
ლოს ანჯელესის მოტორ შოუზე „ფოლკსვაგენი“ ორ კონცეპტუალურ ავტომობილს - „გოლფ R 400-ს“ და „GTI როდსტერ ვიჟნ გრან ტურიზმოს“ წარადგენს. პირველი მათგანის პრემიერა პეკინის მოტორ შოუზე შედგა, მეორე კი ვიდეოთამაშ „გრან ტურიზმოს“ 15 წლის იუბილისადმი მიძღვნილი კონცეპტუალური ნამუშევარია, რომლის რეალური ვერსიაც (ფოტოზე) ვოლფსბურგელებმა პირველად ვორთერზეეს ფესტივალზე, მაისში გვიჩვენეს.

Sunday, November 16, 2014

„ფორდის“ ევროპული გაყიდვები 8 პროცენტით გაიზარდა

Ford's European sales up 8% on UK, Italy gains
16 ნოემბერი
„ფორდმა“ გამოაცხადა, რომ ოქტომბერში ევროპული გაყიდვები 8 პროცენტით გაზარდა. ამერიკული კომპანიისთვის ეს ზედიზედ მეხუთე მზარდი თვეა, რაც მეტწილად ბრიტანეთსა და იტალიაში მოთხოვნის ზრდამ განაპირობა. თავის მხრივ კი სოლიდური მოთხოვნა, ბაზარზე ახალი ავტომობილების გამოსვლამ უზრუნველყო.

ეკლსტოუნი ორმაგი ქულების წესის გაუქმებას გვპირდება

Ecclestone set to drop double points for 2015
16 ნოემბერი
როგორც ჩანს, სეზონის ბოლო რბოლაზე ორმაგი ქულების წესს დიდი დრო აღარ დარჩა - თვით ბერნი ეკლსტოუნმა განაცხადა, რომ მომავალ სეზონში ფორმულა ერთის ეს ანომალია ისტორიას ჩაბარდება. არადა, ზუსტად ერთი წლის წინათ, სწორედ მისი აქტიურობის შედეგად შემოიღეს ეს წესი, რომლის დანიშნულებაც მარტივია - ჩემპიონატის ბოლო წრეებამდე ინტრიგის შენარჩუნება.

ჩემპიონმა ოჟიემ სეზონი გამარჯვებით დაასრულა

Sebastien Ogier finishes off the season with a win!
16 ნოემბერი
უელსის რალით დასრულდა რალის მსოფლიო ჩემპიონატი. ბოლო რბოლაში ფრანგმა აწ უკვე ორგზის ჩემპიონმა, სებასტიან ოჟიემ იზეიმა გამარჯვება. მან სტარტიდანვე მოიპოვა ლიდერობა და ბოლომდე წინ აღარავინ გაუშვია. ტყის გრუნტიან გზაზე მან 37.6 წამით აჯობა მიკა ჰირვონენს.

Friday, November 14, 2014

„ფორდმა“ ამერიკაში უკვე 7 მილიონი „ექსპლორერი“ გაჰყიდა

Ford Has Sold 7 Million Explorers in the U.S. since 1990
14 ნოემბერი
მალე ლოს ანჯელესის მოტორ შოუზე, განახლებული „ფორდ ექსპლორერი“ წარდგება. ბაზარზე მის გამოსვლამდე კი უგზოობის ამ ავტომობილმა მნიშვნელოვანი ზღვარი გადალახა - 1990 წლიდან მოყოლებული, ის შვიდმა მილიონმა ამერიკელმა შეიძინა. ბაზარზე გატარებული 25 წლისთვის, თანაც მხოლოდ ერთ ქვეყანაში, ეს ძალიან ბევრია.

სუპერ ავტომობილი ორლანდოდან „ლაფერარის“ სტილში

Florida Tuner Reveals LaFerrari-Inspired W70 Supercar
14 ნოემბერი
ქალაქ ორლანდოში (შტატი ფლორიდა) ბაზირებულმა კომპანია „ექსოტიკ რაიდსმა“ სუპერ ავტომობილის პროექტი შეიმუშავა, რომელსაც W70 უწოდა. მისი წარმოების დაწყებას მომავალი წლიდან გეგმავს. ამ ავტომობილის მთავარი თავისებურება ისაა, რომ ის გარეგნულად „ფერარის“ ჰიბრიდულ სუპერ ავტომობილ „ლაფერარის“ჰგავს. ოღნდ მასთან შედარებით, უფრო მომრგვალებული ფორმებით გამოირჩევა.

„სუზუკი სელერიო“ ევროპას ალბიონიდან ეწვევა

Suzuki Celerio City Car Coming to the UK in February 2015
14 ნოემბერი
ამ პატარა ავტომობილისთვის „სუზუკის“ ხმარებაში შემოაქვს განსაზღვრება A+, რაც იმას ნიშნავს, რომ „სელერიო“A კლასზე ოდნავ დიდი ავტომობილია. დიდი ინტერიერის სივრცით და არა გარე გაბარიტებით. რა თქმა უნდა, ავტომობილების დამკვიდრებული კლასიფიკაციის შეცვლას არავინ აპირებს, იაპონური კომპანია კი თავისი განსაზღვრებით გვეუბნება, რომ „სელერიოს“ სახით, კონკურენტებზე კომფორტულ ავტომობილს გვთავაზობს.

„მაკლარენ-ჰონდამ“ სილვერსტოუნზე პირველად გაინავარდა

Interim McLaren-Honda F1 car breaks cover at Silverstone
14 ნოემბერი
„მაკლარენმა“ პირველად გვიჩვენა სარბოლო ბოლიდ, რომელიც „ჰონდას“ წარმოების უახლესი ტურბო ჰიბრიდული აგრეგატითაა აღჭურვილი. დებიუტი სილვერსტოუნზე შედგა, სადაც უოკინგელებმა პრომო გადაღებები ჩაატარეს. ავტომობილი, სახელად MP4-29H, შუალედურია და მიმდინარე სეზნს ბოლიდზეა დაფუძნებული.

Thursday, November 13, 2014

„შევროლე ჩაპარალ 2X VGT კონცეპტ რეისინგი“

New Chevrolet Chaparral 2X VGT Concept Racing To LA Auto Show
13 ნოემბერი
სხვა დიდი კომპანიების მსგავსად, ვიდეოთამაშ „გრან ტურიზმოს“ შექმნიდან 15 წლის აღსანიშნავად, ვირტუალური სუპერ ავტომობილი „შევროლემაც“ შეიმუშავა. ამ ამ ავტომობილისთვის ლეგენდარული სახელი - „ჩაპარალი“ გაიხსენა. ამერიკული კომპანია ამ ავტომობილს პირველად ლოს ანჯელესის მოტორ შოუზე გვიჩვენებს, შემდეგ კი მის რეალურ ვერსიასაც დაამზადებს.

საიუბილეო „მუსტანგი“ ნასქარ-ის პეისქარი იქნება

50-Year Limited Edition 2015 Ford Mustang to pace at Homestead
13 ნოემბერი
ლეგენდარული პონი ქარის ნახევარსაუკუნოვანი იუბილის აღსანიშნავად, „ფორდმა“ საიუბილეო გამოშვების ახალი „მუსტანგი“ ნასქარ-ის სპრინტის თასის (ფორდ ეკობუსტ 400) და ეროვნული სერიის (ფორდ ეკობუსტ 300) რბოლების უსაფრთხოების ავტომობილად გაამწესა. ორივე რბოლა მაიამის ჰოუმსტედის ოვალზე ჩატარდება და მათი ტიტულოვანი სპონსორი ცისფერი ოვალია.

„მაკლარენი“ „ჰონდას“ ძრავს პირველად სილვერსტოუნზე გასინჯავს

McLaren will debut their Honda engine in interim car at Silverstone on Friday
13 ნოემბერი
„მაკლარენმა“ გამოაცხადა, რომ „ჰონდას“ ახალ ძრავს პირველად პარასკევს, სილვერსტოუნზე დაგეგმილ სარეკლამო გადაღების დღეს გასინჯავს. ამ სეზონის ბოლოს, უოკინგელები „მერსედესთან“ ოცწლიან თანამშრომლობას დაასრულებენ და „ჰონდას“ დაუბრუნდებიან, რომელთან ერთადაც, 1990-იანი წლების დასაწყისში დაუმარცხებელ ძალას წარმოადგენდნენ.

„ქოროსის“ მომავლის კონცეპტი Q

Qoros Reveals Futuristic Q Concept for LA Show Design Contes
13 ნოემბერი
უშნო? რა თქმა უნდა. გემოვნაბაზე არ დაობენ, მაგრამ ამ ავტომობილს მომხიბვლელობაში ვერ „დაადანაშაულებ“. მაგრამ ახლა წარმოიდგინეთ, რომ მასზე ამხედრებულმა გაიარეთ ქალაქში - ასეულობით წყვილი თვალი აუცილებლად გაგაყოლებთ მზერას. ანუ, ყურადღებას მიიპყრობთ და ბევრისთვის ხომ ეს გაცილებით მეტს ნიშნავს, ვიდრე თუნდაც ლიმუზინით განავარდება შეიძლება იყოს.

Wednesday, November 12, 2014

ევროპაში სტაბილურობის კონტროლის სისტემა სავალდებულო გახდა

Stability Control Now Mandatory for all Euro Vehicles Under 3.5 Tons
12 ნოემბერი
აშშ-ისა და კანადის შემდეგ, სტაბილურობის კონტროლის სისტემა (ESP) ევროპაშიც სავალდებულო გახდა. ლაპარაკია ავტომობილებზე, რომელთა წონაც არ აღემატება 3.5 ტონას. ახალი მოთხოვნა 1 ნოემბრიდან შევიდა ძალაში. ამერიკის და კანადის გარდა, ESP-თი ავტომობილის აღჭურვა ავსტრალიასა და ისრაელშიც სავალდებულოა.

„იაგუარი“ სრულ ამძრავიან F-ტაიპს ლოს ანჯელესში წარადგენს

Jaguar confirms new all-wheel-drive F-type for LA motor show
12 ნოემბერი
„იაგუარმა“ დაადასტურა, კუპე „F-ტაიპის“ სრულ ამძრავიან ვერსიას გამოუშვებს. ასეთი ტრანსმისიით აღჭურვილია ავტომობილი, რომლის კაპოტქვეშაც 3.0-ლიტრიანი V6 ძრავია განლაგებული. ამგვარად, „F-ტაიპის“ მოდიფიკაციების რიცხვი 14-ს მიაღწევს და ყველა მათგანს ბრიტანული კომპანია ლოს ანჯელესის მოტორ შოუზე გამოფენს.

Tuesday, November 11, 2014

სერიული „ფორდ ესკორტის“ დებიუტი გუანჯოუს შოუზე შედგება

2015 Ford Escort to Debut at Guangzhou Auto Show
11 ნოემბერი
ამ სახელით „ფორდი“ ავტომობილებს ათწლეულების განმავლობაში აწარმოებდა, 2002 წელს კი ის ევროპაში „ფოკუსმა“ შეცვალა, მოგვიანებით კი ამერიკაშიც შეიცვალა და ისტორიაში დარჩა. თუმცა არა სამუდამოდ - „ესკორტი“ ბრუნდება, ოღონდ ჯერჯერობით მხოლოდ ჩინური ბაზრისთვის. და მას ცისფერი ოვალის და მისი ჩინელი პარტნიორის, „ჩანგანის“ ერთობლივი საწარმო გამოუშვებს.