დიდი არჩევანი, კარგი ფასები

Monday, November 17, 2014

„პეჟო 2008 DKR“ საბრძოლო ფორმაში

Peugeot Reveals Final Livery of its 2008 DKR Dakar Racer
17 ნოემბერი
დაკარის რალი მარათონის დაწყებამდე თვენახევრით ადრე, „პეჟომ“ თავისი სარბოლო ბაგის ტიპის უკანა ამძრავიანი ავტომობილი, 2008 DKR-ი საბრძოლო, სპონსორ „რედ ბულის“ ფორმაში გამოწყობილი წარმოადგინა. ეს ავტომობილი აქამდე „უმად“, კარბონის კომპოზიტის მუქ ფერებში გადიოდა ტესტებს.
2008 DKR-ი ფრანგული კომპანიის ყველაზე პატარა და ყველაზე პოპულარული ქროსოვერის ბაზაზეა შექმნილი, რომელიც მის განკარგულებაში არსებული ყველაზე მძლავრი ძრავით აღჭურვა. ესაა 3.2-ლიტრიანი წყვილ ტურბოიანი დიზელი, რომელიც 350 ცხენის ძალას და 600 ნიუტონმეტრს გამოიმუშავებს. ძრავი ბაზაშია განლაგებული. მასთან 6-საფეხურიანი მექანიკური კოლოფია დაკავშირებული.
ამ ავტომობილით, „პეჟო“ დაკარს 25-წლიანი პაუზის შემდეგ უბრუნდება. კომპანია ამისათვის იმდენად სერიოზულად ემზადება, რომ ავტომობილი მაროკოში ტესტებზე ათასობით კილომეტრი გაიარა. როგორც „პეჟოს“ მრბოლი, სახელოვანი ფრანგი სტეფან პეტერანსელი ამბობს, ჩრდილოაფრიკულ უდაბნოში ტესტებისას, 2008 DKR-მა თავისი საუკეთესო თვისებები გამოავლინა. ამაში კი მას ის გარემოება დაეხმარა, რომ მისი საკიდარის სვლა 460 მილიმეტრს აღწევს და ავტომობილი უზარმაზარ, 37-დუიმიან ბორბლებზე დგას, რომელიც „მიშლენის“ წარმოების საბურავებითაა შემოსილი.
პეტერანსელის გარდა, დაკარზე „პეჟო 2008 DKR-ით“ კლასიკურ რალიში მსოფლიოს ორგზის ჩემპიონი, ესპანელი კარლოს საინსი და ანდორელი/ფრანგი სირილ დეპრე იასპარეზებენ.

No comments:

Post a Comment