„იაგუარის“ ალუმინის პლატფორმა „რეინჯ როვერის“ ახალი მოდელისთვის

Land Rover May Use Jaguar’s Alloy Platform for New Range Rover Model Larger than Evoque

7 ნოემბერი

ფრანკფურტის მოტორ შოუზე კონცეპტუალურ ქროსოვერ C-X17-თან ერთად, „იაგუარმა“ თავისი სრულიად ახალი, ალუმინის არქიტექტურა წარადგინა, რომელზეც მალე არაერთ ავტომობილს დაამყნობს, მათ შორის ახალ სედანს, რომლითაც ბრიტანული კომპანია „ბეემვეს“ მე-3 სერიასთან კონკურენციას გეგმავს. არადა, თავად C-X17-ის ბედი ჯერაც გაურკვეველია. სამაგიეროდ, მისი ალუმინის პლატფორმის გამოყენიბით „იაგუარის“ ნთესავი „ლენდ როვერია“ დაინტერესებული, რომელმაც ის შეიძლება „რეინჯ როვერის“ გამის ახალი ავტომობილი სწორედ მასზე ააგოს.

„ფორდის“ პლაგ-ინ ჰიბრიდები გაყიდვების რეკორდს ამყარებენ

Ford’s Plug-In Hybrids Deliver Best Sales Month Ever

7 ნოემბერი

„ფორდის“ ჰიბრიდული და პლაგ-ინ ჰიბრიდული ავტომობილები სულ უფრო პოპულარული ხდება. ახლახანს, „ენერჯი“ ვერსიებმა გაყიდვების ჯამური მოცულობით, პლაგ-ინ ჰიბრიდული „ტოიოტას“ სახელოვანი „პრიუსის“ პლაგ-ინ ვერსიაც უკან ჩამოიტოვეს. ოქტომბერში ცისფერი ოვალის გაყიდვები, სექტემბერთან შედარებით 45 პროცენტით არის გაზრდილი.

ახალი „ნისან ქაშკაი“ - უფრო კოხტა, ფართო და ეფექტური

All-New Nissan Qashqai Is Sleeker, Roomier and More Efficient

7 ნოემბერი

„ნისანმა“ მეორე თაობის ქროსოვერ „ქაშკაის“ ფოტოები და მახასიათებლები გამოაქვეყნა. ავტომობილის გარეგნობა ძირეულადაა შეცვლილი და ის ახალი „როგის“ და „X-ტრეილის“ სტილშია შესრულებული. ახალი ავტომობილი წინამორბედზე 49 მილმეტრით გრძელი, ოდნავ დაბალი და განიერია. ამასთან, მასში სავარძლები ოდნავ მაღლაა განლაგებული. მართალია, მთლიანობაში მომცრო „როგს“ მოგაგონებთ, მაგრამ ახალი „ქაშკაი“ უფრო სპორტულ სტილშია შესრულებული. ასევე გამოარჩევს უფრო დიდი უკანა ფარები, რომლებიც შეიძლება „ფორდ ფოკუსის“ ფარებსაც კი მიამსგავსოთ.

რაიკონენს მოკლებაზიანი „ლოტუსი“ ურჩევნია

Kimi Raikkonen set to stick with short wheelbase Lotus car

7 ნოემბერი

კიმი რაიკონენს გადაწყვეტილი აქვს, სეზონის დარჩენილ ორ რბოლაში მოკლებაზიანი „ლოტუსით“ იასპარეზოს. ეს გადაწყვეტილება მან პირველად აბუ დაბიში მიიღო, სადაც იღბალმა ზურგი აქცია. იყო მომენტი, როცა დაიმუქრა, ტრასაზე არ გამოვალ, თუ ხელფასს არ გადამიხდითო. მერე სტიუარდებმა მის მანქანაზე რეგლამენტთან შეუსაბამო დეტალი აღმოაჩინეს და სტარტზე პელოტონის კუდში გაამწესეს. ბოლოს კი, სტარტიდან პირველივე მოსახვევში ინციდენტი შეემთხვა და რბოლა აღარც გაუგრძელებია.