დიდი არჩევანი, კარგი ფასები

Sunday, May 31, 2015

რუსთავის ავტოდრომზე „ფია“-ს ოფიციალური ტრენინგი გაიმართა

30-31 მაისს, რუსთავის საერთაშორისო ავტოდრომზე გაიმართა საერთაშორისო საავტომობილო ფედერაციის ინსტიტუტის - ლიცენზირებული მწვრთნელების ტრენინგი. ორდღიანი ტრენინგის მიზანი იყო საქართველოს საავტომობილო სპორტის ფედერაციის მსაჯების გადამზადება და კვალიფიკაციის ამაღლება.

Saturday, May 30, 2015

„ფორდმა“ ვალენსიაში სამი ახალი მოდელის წარმოება დაიწყო

Ford Starts Building S-MAX, Galaxy and Mondeo Vignale In Valencia
30 მაისი
„ფორდმა“ თავის ვალენსიას ქარხანაში, სამი ახალი მოდელის - „S-მაქსის“, „გალაქსის“ და „მონდეო ვინიალეს“ წარმოება დაიწყო. ამგვარად, ამერიკული კომპანია ამ ქარხანაში, ერთადერთ ხაზზე, უკვე ექვს მოდელს აწარმოებს. ჩამოთვლილთა გარდა, იქ ასევე „მონდეოს“, „კუგას“ და „ტრანზიტ კონექტს“ უშვებენ.

არივაბენე რაიკონენს რჩევებს აძლევს - ხუმრობით

Ferrari's Maurizio Arrivabene jokes that he should give Kimi Raikkonen 'homework'
30 მაისი
„მან 100-ჯერ უნდა დაწეროს - კვალიფიკაციაზე უკეთესად უნდა გამოვიდე“, - ასეთ დარიგებას აძლევს „ფერარის“ შეფი მაურიციო არივაბენე თავის პილოტ კიმი რაიკონენს, რომლის მთავარ პრობლემადაც სწორედ კვალიფიკაციაში სასურველზე უარესი შედეგები იქცა, რაც უარყოფითად მოქმედებს მის რბოლაზე. ასე მოხდა მონაკოშიც, რის შემდეგაც არივაბენემ ასე იხუმრა. თუმცა, ეს ხუმრობა სიმართლეცაა და ფინელმა მრბოლმა ამის შესახებ თავადაც არაერთხელ განაცხადა.

Friday, May 29, 2015

„იაგუარ ლენდ როვერი“ გაყიდვებს, მოგების მარჟას და ინვესტიციებს ზრდის

Jaguar Land Rover reports rise in sales, margins and investment
29 მაისი
მართალია, „იაგუარ ლენდ როვერის“ გაყიდვების ზრდის ტემპი ოდნავ შენელდა, მაგრამ ბრიტანულმა კომპანიის მოგება და მოგების მარჟა კვლავ იზრდება. ეს კი მას უფრო მეტი ინვესტიციის საშუალებას აძლევს, რის შედეგადაც, იზრდბა მის სამოდლო გამაში შემავალი ავტომობილების რიცხვი. გარდა ამისა, კომპანია ახალი ამწყობი ქარხნების მშენებლობას აგრძელებს.

„რიპსოუ EV2“ – სუპერ ტანკი 600 ცხენით

Howe and Howe unveils Ripsaw EV-2 "luxury tank"
29 მაისი
ამერიკულმა კომპანია „ჰოუ ენდ ჰოუ ტექნოლოჯიზმა“, რომელიც ძმების, ჯეფ და მაიკ ჰოუს მიერაა დაარსებული, ახალი მუხლუხებიანი მანქანა, „რიპსოუ EV2“ შეიმუშავეს, როელსაც „მდიდრული სუპერ ტანკი“ უწოდეს. ავტომობილის სახელში აბრევიატურა EV არ ნიშნავს ელექტრომობილს და ის იშიფრება, როგორც ექსტრემალური მანქანა.

Thursday, May 28, 2015

„იაგუარ F-ტაიპ R AWD“ „ბლადჰაუნდ SSC-ის“ ფერებში

Jaguar Unveils F-Type R AWD Bloodhound SSC Rapid Response Vehicle
28 მაისი
„იაგუარი“ პროექტ „ბლადჰაუნდ SSC-ს“ პარტნიორია, რომლის მიზანიც ხმელეთზე სიჩქარის ახალი რეკორდის დამყარებაა. ბრიტანული კომპანია, ბრიტანულ გუნდს საკუთარი ავტომობილებით მოემსახურება და ამგვარად შეიტანს წვლილს დიდი მიზნის მიღწევაში. ამასთან დაკავშირებით, „იაგუარმა“ სპეციალური მოდელი, გრძელი სახელით, „იაგუარ F-ტაიპ R AWD ბლადჰაუნდ SSC რეპიდ რისპონს ვიიქლ (RRV)“ შეიმუშავა.

რიკარდო სტიუარდების გადაწყვეტილებას მიესალმება

Ricciardo “appreciates” stewards' decision
28 მაისი
დანიელ რიკარდო ამბობს, რომ მონაკოს რბოლის ბოლო ნაწილმა, რომელიც სუპერ სოფტ რეზინით გაიარა, დიდი სიამოვნება მიანიჭა. ამასთან, მან მადლობა გადაუხადა რბოლის სტიუარდებს, რომლებმაც კიმი რაიკონენთან გასწრებისას მომხდარი მცირე შეჯახების გამო, ის არ დააჯარიმეს.

„მაკლარენ-ჰონდა“ ავსტრიისთვის დიდ სიახლეებს ამზადებს

McLaren-Honda plans major upgrade for Austria
28 მაისი
„მაკლარენი“ ავსტრიის დიდი პრიზისთვის ახალ აეროდინამიკურ ელემენტებს ამზადებს და იმედოვნებს, რომ ფერნანდო ალონსოს და ჯენსონ ბატონს, ისინი ლიდერებთან ჩამორჩენის შემცირებაში დაეხმარება. უოკინგელები შუა სეზონისთვის B სპეციფიკაციის მანქანის მომზადებას აპირებდნენ. თუმცა ეს ვერ ხერხდება და გუნდსაც მოდიფიკაციით (თუნდაც მნიშვნელოვანის) დაკმაყოფილება უწევს.

„ფორდ ეჯმა“ NHTSA-სგან ხუთი ვარსკვლავი მიიღო

2015 Ford Edge Crash Test: NHTSA Awards it a 5-Star Overall Rating
28 მაისი
შეერთებული შტატების ახალი ავტომობილების შეფასების პროგრამამ (NCAP), „ფორდის“ ახალი საშუალო ზომის უგზოობის მოდელ „ეჯის“ ქრეშ ტესტები ჩაატარა, რომელთა შემდეგაც, ის ხუთი ვარსკვლავით შეაფასა. ტესტები 1 878-კილოგრამიანი ავტომობილის წინა და სრულ ამძრავიან ვერსიებს ჩაუტარდა.

Wednesday, May 27, 2015

„სმარტი“ უგზოობის მოდელის გამოშვებას აპირებს

Smart is Looking to Launch a Mini-SUV, Could Use Rear-Engine Platform
27 მაისი
„დაიმლერსა“ და „რენო-ნისანის“ შორის ტექნიკური პარტნიორობის შედგად, ორივე კომპანიამ შესაბამისად, ახალი „სმარტის“ და „ტვინგოს“ წარმოება დაიწყო. ორივე ავტომობილი ერთსა და იმავე პლატფორმაზეა ბაზირებული და დიდი ალბათობით, მასზევე გერმანული კონცერნი უგზოობის პატარა ავტომობილსაც შეიმუშავებს. ბრიტანულ გამოცემა „ავტოქარის“ ინფორმაციით, უგზოობის ავტომობილის წარმოების დაწყებით, პარტნიორები გაყიდვების მნიშვნელოვან ზრდას იმედოვნებენ.

„ბენტლი EXP 10 სპიდ 6“ ვილა დ’ესტეს საუკეთესო კონცეპტია

Bentley EXP 10 Speed 6 Wins Design Award At Villa D'Este
27 მაისი
ვილა დ’ესტეს ელეგანტურობის კონკურსის ჟიურიმ, გამოფენაზე წარდგენილ კონცეპტუალურ ავტომობილებსა და პროტოტიპებს შორის საუკეთესოდ, „ბენტლის“ კონცეპტუალური მოდელი „EXP 10 სპიდ 6“ დაასახელა. საპატიო ჯილდო, ბრიტანული კომპანიის მთავარ დიზაინერ ლუკ დონკერვოლკეს გადაეცა.

Tuesday, May 26, 2015

„სუზუკი“ მინი ქროსოვერ iM-4-ს 2018 წელს გამოუშვებს

Suzuki iM-4 Mini Crossover Will Reportedly Arrive in 2018
26 მაისი
„სუზუკიმ“ მწვანე შუქი აუნთო კონცეპტუალურ მინი ქროსოვერ iM-4-ს, რომლის წარმოებაც 2018 წელს დაიწყება. ამ ავტომობილის პრემიერა ჟენევის წლევანდელ მოტორ შოუზე გაიმართა. პატარა ავტომობილი წარმოებისთვის პრაქტიკულად მზადაა, თუმცა იაპონურ კომპანიას მისი შემდგომი სრულყოფა აქვს გადაწყვეტილი.

მექსიკის პრობლემები, რომლებზეც ყველა იოცნებებდა

Auto industry's $23 billion investment in Mexico may face snarls at ports
26 მაისი
მსოფლიოს ყველა დიდი კომპანია, რომლებიც ჩრდილოამერიკულ ბაზარზე მუშაობენ, ავტომობილების მექსიკაში წარმოებას ცდილობს. ამის მთავარი მიზეზები, მთავარ ბაზართან (აშშ) სიახლოვე და წარმოების სიიაფეა. რა თქმა უნდა, ქვეყანაში უკვე საკმარისად ძლიერ განვითარდა მაკომპლექტებლების წარმოების ინფრასტრუქტურა, რაც ავტოკომპანიების მექსიკით კიდევ უფრო მეტად დაინტერესებას იწვევს.

„იაგუარ ლენდ როვერი“ ახალ ქარხანას აღმოსავლეთ ევროპაში ააშენებს

Jaguar Land Rover Reportedly Considering A Plant In Eastern Europe
26 მაისი
„იაგუარ ლენდ როვერი“ ბრიტანეთის გარეთ ავტომობილების წარმოებას აფართოებს. ინდოეთში, ჩინეთსა და ბრაზილიაში წარმოების დაწყების შემდეგ, აქტუალური ჩრდილოეთ ამერიკაში ახალი ქარხნის ამუშავება გახდა. თუმცა როგორც გამოცემა „ფაინენშლ ტაიმსი“ იუწყება, ამერიკაზე ადრე, მორიგი ქარხანა აღმოსავლეთ ევროპაში ამოქმედდება. ამ ეტაპზე, ბრიტანული კომპანია არჩევს, ქარხანა პოლონეთში ააშენოს, სლოვაკეთში, ჩეხეთში, თუ უნგრეთში.

Monday, May 25, 2015

მონტოიამ 99-ე ინდი 500 მოიგო

Motor racing-Indy 500 brings Montoya's career full circle
25 მაისი
ხუან პაბლო მონტოიამ მეორედ მოიგო ინდ 500. მიუხედავად იმისა, რომ რბოლის დასაწყისში მისი მანქანა სარემონტო გახდა, მან მაინც შეძლო ბოლოს დაწინაურება და პირველმ გადაკვეთა ფინიშის ხაზი. 200 წრიდან, ის მხოლოდ 9 წრეზე ლიდრობდა პელოტონს, მაგრამ ესეც საკმარისი აღმოჩნდა იმისათვის, რომ პირველს გადაეკვთა ფინიშის ხაზი და ტრიუმფატორისთვის განკუთვნილი ერთი ლიტრი რძეც დაელია.

პორტუგალიის რალი ლატვალამ მოიგო

Rallying-Latvala wins in Portugal
25 მაისი
ფინელი იარი-მატი ლატვალას გამარჯვებით დასრულდა რალის მსოფლიო ჩემპიონატის მე-5 ეტაპი - პორტუგალიის რალი. ლატვალამ ამ სეზონში თავისი პირველი გამარჯვება, მსოფლიო ჩემპიონსა და თანაგუნდელ სებასტიან ოჟიესთან დაძაბულ პაექრობაში მოიპოვა. გამსაკუთრებით უშეღავათო ბრძოლა მათ შორის ბოლო სამ სპეცმონაკვეთზე გაიმართა და საბოლოოდ, ლატვალამ 8.2 წამით აჯობა თავის ტიტულოვან მეტოქეს.

Sunday, May 24, 2015

ვესტერნი მონაკოში

Motor racing-Rosberg takes surprise Monaco hat trick
24 მაისი
მონაკოში რბოლისას გასწრება თითქმის შეუძლებელია და ამიტომ, კვალიფიკაციაზე რასაც მოიპოვებ, რბოლის ბოლოსაც მისი შენარჩუნების დიდი შანსია. ამას სტატისტიკაც გვიდასტურებს - 2008 წლიდან მოყოლებული, ფორმულა ერთის ყველაზე პრესტიჟულ რბოლას, მხოლოდ პოულიდან იგებენ. 2008-ში ლუის ჰამილტონმა გაიმარჯვა და მან სტარტი მესამე პოზიციიდან აიღო. ამჯერად პოულზე თავად იდგა - პირველად თავის კარიერაში...

Saturday, May 23, 2015

„ფორდი“ კარბონის კომპოზიტს ინტენსიურად გამოიყენებს

Ford will add lots of carbon fiber to new vehicles
23 მაისი
იმ კომპანიების რიცხვს, რომლებიც თავიანთი ავტომობილების წონის შესამცირებლად, კარბონის კომპოზიტს ინტენსიურად იყენებენ, „ფორდიც“ უერთდება. ამერიკულმა კომპანიამ უკვე დაიწყო ალუმინის ფართოდ ათვისება და ის ინტენსიურად გამოიყენა პიკაპ F150-ის კონსტრუქციაში. შემდეგ ნაბიჯს კომპოზიტების მიმართულებით დგამს. ამის პირველი მაგალითი კი ახლახანს, კონცეპტუალურ სუპერ ავტომობილ GT-ს სახით წარმოგვიდგინა.

ალონსო: მეექვსე ადგილი შესაძლებელი იყო

Distraught Alonso says sixth was possible
23 მაისი
ფერნანდო ალონსო თვლის, რომ მონაკოს დიდი პრიზის კვალიფიკაციის მეორე ნაწილში მანქანა რომ არ გაჩერებულიყო, მეექვსე ან მეშვიდე ადგილისთვის ბრძოლა შესაძლებელი იქნებოდა. მსოფლიოს ორგზის ჩემპიონმა ამ სეზონში ყველაზე უკეთ ჯერჯერობით სწორედ მონტე კარლოს კვალიფიკაციის პირველ ნაწილში იასპარეზა, მაგრამ შემდეგ მანქანამ უმტყუნა.

ჰამილტონის პირველი პოული მონაკოში

Motor racing-Hamilton takes his first Monaco F1 pole
23 მაისი
ლუის ჰამილტონმა თავის კარიერაში პირველად მოიპოვა მონაკოს დიდი პრიზის კვალიფიკაცია. და ეს საკმაოდ იოლად მოახერხა თავის თანაგუნდელ ნიკო როსბერგთან პაექრობაში, რომელსაც ჯუჯა სახელმწიფოს ქუჩებში წინა ორი კვალიფიკაცია (და რბოლაც) აქვს მოგებული. თანაც, გამარჯვებაში თავად როსბერგმა შეუწყო ხელი, რომელმაც გადამწყვეტ მომენტში, სწრაფ წრეზე შეცდომა დაუშვა.

Friday, May 22, 2015

ფორმულა 1-ში საბურავების მიმწოდებელზე ტენდერი გაიხსნა

Motor racing-Formula One opens tyre tender for 2017-19
22 მაისი
მონაკოს დიდი პრიზის წინ, ფორმულა ერთმა საბურავების ერთადერთი მიმწოდებლის გამოსავლენად, ტენდერი გამოაცხადა. ახალი კონტრაქტი სამწლიანი იქნება და ის ძალაში 2017 წლის სეზონიდან უნდა შევიდეს. დაინტერესებულმა კომპანიებმა განაცხადების შეტანა 17 ივნისამდე უნდა მოასწრონ.

„ლენდ როვერ დიფენდერი“ რაგბის მსოფლიო თასისთვის

Bespoke Land Rover Defender revealed for Rugby World Cup
22 მაისი
„იაგუარ ლენდ როვერის“ სპეციალური ოპერაციების (SVO) დივიზიონმა, „ლენდ როვერ დიფენდერის“ სპეციალური ვერსია შეიმუშავა, რომლის დანიშნულებაც, რაგბის უებ ელისის თასის 100-დღიანი ტურის დროს, მისი ტრანსპორტირებაა. ტური ბრიტანეთს შემოუვლის და ის რაგბში მსოფლიო თასს ეძღვნება.

„რენო კვიდი“ - ავტომობილი, რომელიც შეცვლის A სეგმენტს

RENAULT KWID: REINVENTING А-SEGMENT
20 მაისი
„რენომ“ თავისი სრულიად ახალი, მინი ავტომობილი „კვიდი“ წარმოგვიდგინა. ეს სახელი მან იმ კონცეპტუალური ავტომობილისგან მიიღო, რომელიც ფრანგულმა კომპანიამ ნიუ დელის შარშანდელ მოტორ შოუზე გაგვაცნო. ახალი ავტომობილი მინი ჰეჩბეკია, რომელიც თავისი აგრესიული, ქროსოვერის სტილის გარეგნობით და უფრო მაღალი კლასის ავტომობილებისთვის დამახასიათებელი ეკიპირებით, ძირეულად შეცვლის А-სეგმენტს. ეს არის ხელმისაწვდომი, გამძლე და სიახლეებით გაჯერებული, გლობალური ბაზრისთვის განკუთვნილი ავტომობილი, რომლის მსოფლიო პრემიერაც წლის მეორე ნახევარში, ინდოეთში გაიმართება.

Thursday, May 21, 2015

ფერსტაპენის ფანტასტიური დებიუტი წვიმიან მონაკოში

Motor racing-Hamilton fastest, Verstappen shines in wet Monaco
20 მაისი
მონაკოში თავისუფალი პრაქტიკები ტრადიციისამებრ, ხუთშაბათს გაიმართა. როგორც მოსალოდნელი იყო, პილოტებს ისედაც რთულ ტრეკზე ასპარეზობა, ამინდმა კიდევ უფრო გაურთულა. ლუის ჰამილტონი ყველაზე სწრაფი იყო, მაგრამ ნამდვილი შოუ „ტორო როსოს“ მაქს ფერსტაპენმა მოაწყო, რომელმაც პირველ პრაქტიკაზე მეორე საუკეთესო დრო აჩვენა!

მონაკოს ტრეკი ოდნავ დამოკლდა

Monaco lap shortened by Tabac changes
21 მაისი
მონაკოს ტრეკი ისედაც ყველაზე მოკლე იყო ფ1-ის კალენდარში და ამერიდან, კიდევ რამდენიმე მეტრით დამოკლდა. მოდფიკაცია მოსახვევ „ტაბაკში“ ჩატარდა, რის შემდეგაც, მასში შესვლას პილოტები უწინდელზე ოდნავ ადრე დაიწყებენ. მარცხენა მოსახვევი, რომელსაც საცურაო აუზის სწორი მოჰყვება, ყურის ნაპირისკენ 2.5 მეტრით გასწიეს.

Wednesday, May 20, 2015

„ბეემვე“ ლე მანზე დაბრუნებას აპირებს

BMW’s Possible Entry Into LMP1
20 მაისი
„ბეემვეს“ მოტორსპორტის შტო, გამძლეობაზე რბოლების მსოფლიო ჩემპიონატის უმაღლეს, LMP1 კლასში დაბრუნების მიზანშეწონილებას განიხილავს. დადაბითი გადაწყვეტილების შემთხვევაში კი, ბავარიული კომპანიის სარბოლო პროტოტიპი ლე მანის 24-საათიან რბოლაში, უკვე მომავალ სეზონში შეძლებს გამოსვლას. გერმანულ გამოცემა „აუტო მოტორ უნდ შპორტის“ ინფორმაციით, ავტომობილს ჩათვლის გარეშე, „56-ე გარაჟის“ წესით დაუშვებენ. 2017 წელს კი სრულფასოვანი ეკიპაჟის სახით გამოვა.

„ფორდ GT-ს“ 700 ცხენი მოემსახურება

2017 Ford GT Will Reportedly Pack At Least 700HP
20 მაისი
როდესაც „ფორდმა“ დეტროიტის მოტორ შოუზე სრულიად ახალი სუპერ ავტომობილი GT წარადგინა, მაშინ გამოაცხადა, რომ ავტომობილის ძრავის სიმძლავრე 600 ცხენის ძალაა. მაგრამ როგორც ირკვევა, ეს მოკრძალებული განაცხადი იყო, რადგან ახლახანს, ამერიკულმა კომპანიამ ამ ავტომობილის 3.5-ლიტრიანი წყვილ ტურბოიანი V6-ის განსხვავებული მახასიათებლები გამოაქვეყნა.

ჰამილტონმა „მერსედესთან“ ახალი კოტრაქტი გააფორმა

Hamilton concludes new Mercedes F1 deal
19 მაისი
მსოფლიოს ჩემპიონებმა, ლუის ჰამილტონმა და „მერსედესმა“ ახალი კონტრაქტი გააფორმეს, რომლის ძალითაც, ისინი ერთად 2018 წლის სეზონის ბოლომდე იასპარეზებენ. მათ შორის მოლაპარაკება რამდენიმე თვე გრძელდებოდა და ამ დროის განმავლობაში არაერთხელ გავრცელდა ცნობა იმის შესახებ, რომ ბრიტანელი მრბოლი „ფერარიში“ აპირებდა გადასვლას. თუმცა, მონაკოს დიდი პრიზის წინ, მათ ახალი სამწლიანი (2016-2018) კონტრაქტი გააფორმეს.

Tuesday, May 19, 2015

„ფერარიმ“ ტესტების შემდეგ ყველა ტექნიკური სიახლე დაიტოვა

Ferrari commits to update package after Spanish GP investigation
19 მაისი
ბარსელონას ტესტების დასრულების შემდეგ, „ფერარიმ“ ყველა იმ ტექნიკური სიახლის შენარჩუნების გადაწყვეტილება მიიღო, რომლებიც ესპანეთის დიდი პრიზისთვის მოამზადა და რომლებზეც ეჭვობდა, რომ ბოლიდის გაუმჯობესება არ გამოუწვევია, რადგან „მერსედესთან“ ჩამორჩენა გაიზარდა. ბარსელონს ტესტები მარანელოელებმა სწორედ თავიანთი სიახლეების დაწვრილებით შესასწავლად გამოიყენეს. სხვათა შორის, რბოლისთვის კიმი რაიკონენმა ძველი სპეციფიკაციის SF-15 აირჩია, მაგრამ ამან სასურველი შედეგი არ მისცა.

Monday, May 18, 2015

„ლამბორგინი ავენტადორ SV-მ“ ნურბურგრინგი 7 წუთზე ნაკლებში გაიარა

Lamborghini Aventador LP 750-4 Superveloce Laps Nürburgring In 6:59.73
18 მაისი
იმ სერიული ავტომობილების ელიტურ სიას, რომლებსაც ნურბურგრინგის ჩრდილოური მარყუჟი 7 წუთზე ნაკლებში აქვთ აქვთ გავლილი, „ლამბორგინის“ სუპერ ავტომობილ „ავენტადორის“ ზესწრაფი ვერსია „სუპერ ველოჩეც“ შეუერთდა. იტალიურმა ავტომობილმა გერმანული ტრეკი 6 წუთსა და 59.73 წამში გაიარა. ცნობისათვის, სერიული ავტომობილების რეკორდი, „პორშეს“ ჰიბრიდულ სუპერ ავტომობილ „918 სპაიდერს“ ეკუთვნის, რომლის დრო, 6 წუთი და 57 წამია. „მწვანე ჯოჯოხეთის“ წრე 7 წუთზე ნაკლებში ასევე „მაკლარენ P1-საც“ აქვს გავლილი, თუმცა ეს არაოფიციალური შედეგია.

„სუზუკი სელერიო“ დუალჯეტ ძრავით აღიჭურვება

Suzuki Gives Celerio New Dualjet Engine & AGS Tech
18 მაისი
„სუზუკი“ თავის უახლეს, სერია დუალჯეტის 1.0-ლიტრიან სამცილინდრიან ძრავს პირველად A-სეგმენტის ჰეჩბეკ „სელერიოზე“ გამოიყენებს. ახალი ძრავის მთავარი თავისებურება ისაა, რომ ის წყვილი ფრქვევანითაა აღჭურვილი (სისტემა დუალჯეტი), რომლის დახმარებითაც, გაზრდილი მაბრუნი მომენტით და საწვავის ეკონომიური ხარჯით გამოირჩევა.

„აუდიმ“ ლე მანის ყველა ჩემპიონის აღლუმი მოაწყო

Audi Unites All Le Mans Winning Cars For The First Time
18 მაისი
ერთი თვე დარჩა ლე მანის 24-საათიანი რბოლის 83-ე სტარტამდე. მისი მთავარი ფავორიტი ისევ „აუდი“ იქნება, რომელსაც ამჯერად არნახული კონკურენცია ელის ნათესავი „პორშესა“ და ძველი „მტერი“ „ტოიოტასგან“. LMP1-ის დავაში ახალი მოთამაშე - „ნისანიც“ გამოჩნდა, რომელიც თავისი უცნაური პროტოტიპით ეცდება გრანდების დამარცხებას.

Saturday, May 16, 2015

„ფორდ მონდეო ვინიალე“ რომს ესტუმრა

New Ford Mondeo Vignale Photos From Media Drive Event In Rome
16 მაისი
ეს მედია გასეირნება იყო, რომელიც ცისფერმა ოვალმა თავის პირველ პრემიუმ ავტომობილს მარადიულ ქალაქში მოუწყო. „მონდეო ვინიალე“ ის ავტომობილია, რომლითაც ამერიკული კომპანია მისთვის უჩვეულო, პრემიუმ სეგმენტში იწყებს მოღვაწეობას. რაც მთავარია, მის მყიდველს უმაღლესი დონის მომსახურებას და ყველანაირ კომფორტს პირდება.

„ლენდ როვერ დიფენდერის“ გაყიდვები 23 პროცენტით გაიზარდა

LAND ROVER DEFENDER SALES UP 23%
16 მაისი
„ლენდ როვერი“ მალე შეწყვეტს ლეგენდარული „დფიენდერის“ ახლანდელი თაობის წარმოებას და როგორც ჩანს, ამ გარემოებამ, მყიდველებს დამატებითი მადა აღუძრა. ისინი დიდი მონდომებით ყიდულობენ ავტომობილს, რომელიც მალე ისტორიის კუთვნილება გახდება. აპრილში “დიფენდერის“ გაყიდვები 23 პროცენტით გაიზარდა. პარალელურად, 18 პროცენტით არის გაზრდილი „დისქავერის“ და „რეინჯ როვერის“ გაყიდვები.

„ფოლკსვაგენის“ ორი ახალი ძრავი

VW reveals plans for 270bhp turbo triple and new W12 engines
16 მაისი
ვენაში გამართულ ძრავების სიმპოზიუმზე, „ფოლკსვაგენმა“ თავისი ორი უახლესი ძრავი წარადგინა, რომლების გამოყენებასაც ძალიან მალე დაიწყებენ მის ჯგუფში შემავალი კომპანიები. ამათგან ერთია სამცილინდრიანი 1.0-ლიტრიანი TSI, რომელიც EA211 აგრეგატის ბაზაზე შეიქმნა, მეორე კი - 6.0-ლიტრიანი W12 TSI.

ფორმულა 1-ში გარდაქმნა მზადდება

Full details of the Strategy Group's Formula 1 revamp plan
16 მაისი
ფორმულა ერთის სტრატეგიულმა ჯგუფმა შეიმუშავა ხალი ტექნიკური რეგლამენტის გეგმა, რომლის მიზანიც, „უფრო სწრაფი მანქანები და საინტერესო რბოლებია“. რეფორმის ავტორებს სურთ, რომ რბოლების სანახაობრივი მხარე გაუმჯობესდეს, რასაც ტრიბუნების გავსება და სატელევიზიო რეპორტაჟების მაყურებელთა რიცხვის ზრდა მოჰყვება.

Thursday, May 14, 2015

„ფორდ ამატოია“ - ხანძართან მებრძოლი ოთხბორბლიანი რაინდი

First line of defense: AMATOYA fire reconnaissance vehicle concept
14 მაისი
ეს უცნაური ავტომობილი ავსტრალიელ სტუდენტ დიზაინერ ლაიამ ფერგიუსონის ნამუშევარია. რატომ აქვს „ფორდს“ ემბლემა? იმიტომ, რომ ცისფერი ოვალი საგანგებო სიტუაციებისთვის განკუთვნილი ავტომობილების ბაზრის 60 პროცენტს აკონტროლებს. და რა შუაშია საგანგებო სიტუაციები? რაც „ამატოიას“ მხრებზე აქვს, „გეტლინგის“ ტყვიამფრქვევი სულაც არაა. ეს ორი ლულა წყალმტყორცნია.

„აუდი“ ფორმულა ერთში მონაწილეობას აპირებს

Motor racing-Formula One an option for Audi, says CEO
14 მაისი
ესპანეთის დიდი პრიზის დღეებში გავრცელდა ინფორმაცია იმის შესახებ, რომ „რედ ბული“ და „აუდი“ მოლაპარაკებებს აწარმოებენ. რა თქმა უნდა, განხილვის საკითხი, ფ1-ის მსოფლიო ჩემპიონატში, გერმანული კომპანიის მონაწილეობის შესაძლებლობას ეხება. ავსტრიულ კომპანიას სურს, რომ „რენოს“ ნაცვლად, ძრავები „აუდიმ“ მიაწოდოს. პარალელურად, ფრანგლ კომპანიას „ტორო როსოს“ გადასცემს.

Wednesday, May 13, 2015

მატრიცული ფარები ახალი „ოპელ ასტრასთვის“

First in Class: Next generation Opel Astra with IntelliLux LED Matrix Light
13 მაისი
ახლახანს „ოპელმა“ გამოაცხადა, რომ უახლეს „ასტრას“ პირველად ფრანკფურტის მოტორ შოუზე გვიჩვენებს. მაშინვე ითქვა, რომ ახალ ჰეჩბეკთან ერთად, გერმანული კომპანია მყიდველს ბევრ ტექნოლოგიურ სიახლესაც შესთავაზებს, ოღონდ ისინი არ დაკონკრეტებულა. და აი, ინფორმაციის მორიგი ულუფით, რიუსელსჰაიმელები გვატყობინებენ, რომ ახალი თაობის „ასტრა“, თხევადკრისტალური მატრიცული „ინტელილუქს“ ფარებით აღიჭურვება.

„სუზუკიმ“ ინდოეთში 15-მილიონიანი ზღვარი გადალახა

Maruti Suzuki becomes first Indian car maker to roll out 15 million cars
13 მაისი
„სუზუკიმ“ და მისმა ინდოელმა პარტნიორმა „მარუტიმ“ ახლახანს გაყიდვების მნიშვნელოვანი ზღვარი გადალახეს - მე-15 მილიონე ავტომობილი გაჰყიდეს. განსაკუთრებული ნომერი წილად ხვდა სუბკომპაქტურ სედან „სვიფტ დიზაიერ VDi-ს“, რომელიც მანესარის ქარხანამ გამოუშვა. იაპონურ კომპანიას და მის ინდოელ პარტნიორს ამ მიღწევისთვის 31 წელი დასჭირდათ.

„ფერარი“ ბარსელონაში ჩავარდნის მიზეზს ეძებს

Motor racing-Ferrari looking for answers at Barcelona test
13 მაისი
ესპანეთის დიდი პრიზის რბოლამ აჩვენა, რომ „მერსედესსა“ და „ფერარის“ შორის ჰანდიკაპი გაიზარდა. იტალიურმა გუნდმა პირველი ევროპული ეტაპისთვის რამდენიმე სიახლე მოამზადა, რომელთა დახმარებითაც, ლიდერებთან ჩამორჩენის შემცირების იმედი ჰქონდა. მაგრამ სამქიმიანებმა რბოლა დუბლით მოიგეს, გამარჯვებულმა ნიკო როსბერგმა კი უახლოესი მდევარი, „ფერარის“ სებასტიან ფეტელი, 45 წამით ჩამოიტოვა.

Tuesday, May 12, 2015

„ბენტლი“ ახალ „კონტინენტალ GT-ს“ 2017 წელს გამოუშვებს

Bentley to Bring New Continental GT in 2017, Porsche Know-How Included
12 მაისი
საავტომობილო ბაზარი „ბენტლის“ ისტორიაში პირველი უგზოობის ავტომობილის, „ბენტაიგას“ მოლოდინშია. მაგრამ ბრიტანული კომპანია სხვა პროექტებზეც მუშაობს, რომელთაგან ყველაზე მნიშვნელოვანი, „კონტინენტალ GT-ს“ შემცვლელია. ამ ავტომობილის წარმოება 2017 წელს დაიწყება და მასზე „პორშეს“ ტექნოლოგიებს გამოიყენებენ. საქმე ისაა, რომ „ბენტლიც“ და „პორშეც“ „ფოლკსვაგენის“ ჯგუფის წევრები არიან და მათ შორის სიახლეების და მოწინავე ტექნოლოგიების გაზიარება, გასაკვირი არაა.

„ფორდ GT„ ევროპაში ძალიან ცოტა გაიყიდება

2017 Ford GT to Be Sold in Europe in Strictly Limited Numbers
12 მაისი
იყო დრო, როცა „ფორდმა“ სუპერ ავტომობილი GT რბოლებისთვის შეიმუშავა, უფრო კონკრეტულად კი, ლე მანის რბოლაში, „ფერარის“ დომინაციის დასასრულებლად. და მიზანსაც მიაღწია - ზედიზედ ოთხჯერ დალაშქრა ეს ლეგენდარული 24-საათიანი რბოლა. გავიდა ცოტა დრო და GT ისტორიას ჩაბარდა, მერე ერთხელ აღადგინეს, თუმცა მცირე ხნით.

Monday, May 11, 2015

დიუნების ბაგი „პორშე 911T-ს“ ძრავით და საგზაო სერტიფიკატით

Dune Buggy with Porsche 911T Engine Is Somehow Street Legal and For Sale
11 მაისი
რას არ ნახავთ „იბეიზე“. მაგალითად, უდაბნოში სარბოლოდ განკუთვნილ ბაგის ტიპის სარბოლო ავტომობილს, რომელსაც მამოძრავებელ ძალას, თვით „პორშეს“ წარმოების ოპოზიტური ექვსცილინდრიანი ძრავი ანიჭებს. მისი გამყიდველი ამ ავტომობილის შესახებ ძალიან მწირ ინფორმაციას ავრცელებს. არც იმას ამბობს, თუ ვინაა მისი შემქმნელი. რატომ აირჩია ძრავი, რომელიც „პორშე 911T-ს“ მთავარი ღირსებაა.

Sunday, May 10, 2015

„ფორდ მუსტანგი“ ევროპელებისთვის

EU-Spec Ford Mustang GT Sprints To 100 KM/H In 4.8 Sec, EcoBoost Turbo In 5.8 Sec
10 მაისი
„ფორდი“ ივლისში ევროპელი დილერებისთვის უახლესი „მუსტანგის“ მიწოდებას დაიწყებს. ამერიკული ავტოინდუსტრიის სიამაყე მალე ძველ კონტინენტზე შეაბიჯებს, სადაც მასზე შეკვეთა უკვე 2200-ზე მეტ ადამიანს აქვს მიცემული. მართალია, დევიზით „ერთი ფორდი“, ცისფერი ოვალი თავის ყველა მოდელს ადრეულ ფაზაშივე უსადაგებს ყველა ბაზარს, მაგრამ იმავდროულად, ავტომობილს დიდი ბაზრების შესაფერისი სპეციფიკაციებითაც უშვებს.

როსბერგმა ესპანეთის დიდი პრიზი მოიგო

Motor racing-Rosberg wins Spanish Grand Prix
10 მაისი
ნიკო როსბერგის დროც დადგა და სულაც არაა გასაკვირი, რომ მან ამ სეზონში თავისი პირველი გამარჯვება სწორედ ბარსელონას ტრეკზე მოიპოვა - ამ ტრეკზე წინა რვა რბოლა ყოველთვის განსხვავებული გამარჯვებული ჰყავდა. როსბერგი მეცხრე გახდა. რაც მთავარია, ამ გამარჯვებით მან ფსიქოლოგიური ბარიერიც გადალახა, რაც მომდევნო ეტაპებზე, ლუის ჰამილტონთან პაექრობაში გამოადგება.

Saturday, May 9, 2015

ალონსო ბარსელონაში „მაკლარენის“ პირველ ქულებს შესაძლებლად მიიჩნევს

Fernando Alonso says McLaren's first 2015 F1 points "very possible"
9 მაისი
ფერნანდო ალონსო ამბობს, რომ ესპანეთის დიდი პრიზის რბოლაში რეალური შანსია იმისა, რომ „მაკლარენმა“ პირველი ქულების აღება შეძლოს. ამ სეზნში პირველად, „მაკლარენის“ ორივე პილოტმა შეძლო კვალიფიკაციის პირველი ეტაპის გავლა. და მსოფლიოს ორგზის ჩემპიონი გრძნობს, რომ ათეულში შესვლა შეუძლია.

როსბერგმა ამ სეზონში პირველი კვალიფიკაცია მოიგო

Motor racing-Rosberg ends Hamilton's pole run
9 მაისი
ნიკო როსბერგმა მსოფლიოს ჩემპიონ ლუის ჰამილტონს, ზედიზედ მეხუთე პოულის მოპოვების საშუალება არ მისცა. ესპანეთის დიდი პრიზის კვალიფიკაციაში, თანაგუნდელს 0.267 წამით აჯობა და ამ სეზონში პირველ რბოლას დაიწყებს მოწინვე პოზიციიდან. ეს გერმანლი მრბოლის კარიერაში მე-16 პოულია.

Friday, May 8, 2015

„ლენდ როვერი“ სუპერ ლუქს ავტომობილს არ გამოუშვებს

Land Rover not planning Bentley and Rolls rival
8 მაისი
გამოცემა „ქარ ენდ დრაივერთან“ საუბრისას, „იაგუარ ლენდ როვერის“ ჩრდილოამერიკული შტოს პრეზიდენტმა ჯოი ებერჰარდტმა განაცხადა, რომ ბრიტანული კომპანიის ფლაგმან ავტომობილად კვლავაც „რეინჯ როვერი“ დარჩება და რომ „როლს-როისის“ და „ბენტლის“ უგზოობის მოდელების კონკურენტის წარმოება არ იგეგმება.

ჰამილტონი ვარჯიშზეც უსწრაფესია

Motor racing-Hamilton on top in Spanish GP practice
8 მაისი
ლუის ჰამილტონმა კიდევ ერთხელ დაამტკიცა, რომ ტრეკზე უსწრაფესია. თუნდაც თავისუფალი პრაქტიკების დროს. მართალია, ესპანეთის დიდი პრიზის პირველ პრაქტიკაზე მას თანაგუნდელმა ნიკო როსბერგმა აჯობა, მაგრამ მეორე სესიაზე ჩემპიონმა „თავისი ადგილი“ დაიკავა. როსბერგმა კი, პირველ სესიაზე, პიტლეინზე გადაადგილების წესი დაარღვია, რის გამოც სტიუარდებმა მას გაფრთხილება მისცეს.