დიდი არჩევანი, კარგი ფასები

Saturday, October 31, 2015

„ფორდის“ ისტორიაში ყველაზე წარმატებული კვარტალი

Ford posts highest-ever N.A. profit as global earnings double
31 ოქტომბერი
„ფორდმა“ გამოაცხადა, რომ მიმდინარე წლის მესამე კვარტალი, მისთვის არნახულად წარმატებული იყო ჩრდილოამერიკულ ბაზარზე. ამასთან, ცისფერმა ოვალმა გლობალურ ბაზარზე მოგება გააორმაგა. ამის მთავარი მიზეზი ისაა, რომ გაყიდვების ტემპი აკრიფა პოპულარულ პიკაპ F-150-ის უახლესმა თაობამ და სხვა მომგებიანმა მოდელებმა.

როსბერგის მექსიკური პოული

Motor racing-Rosberg takes Mexican Grand Prix pole position
31 ოქტომბერი
მექსიკის დიდი პრიზის საკვალიფიკაციო რბოლა ნიკო როსბერგის გამარჯვებით დასრულდა. გერმანელი პილოტისთვის ეს ზედიზედ მეოთხე პოულ პოზიციაა და ზედიზედ მეხუთე კვალიფიკაცია, რომლის მოგებასაც, მსოფლიოს აწ უკვე სამგზის ჩემპიონი, ლუის ჰამილტონი ვერ ახერხებს. თუმცა, ბრიტანელი პილოტი რბოლას კვლავ მეორე პოზიციიდან დაიწყებს და მართალია, მან მესამე ტიტული წინა ეტაპზე უკვე გაინაღდა, თუმცა როგორც ყოველთვის, კვლავაც გამარჯვებისთვის იბრძოლებს.

ფორმულა ერთი მექსიკას დაუბრუნდა

Motor racing-Rosberg fastest as F1 returns to Mexico
31 ოქტომბერი
ფორმულა ერთის ქარავანს წვიმა ამერიკიდან მექსიკაშიც გაჰყვა. თუმცა არა იმ ინტენსივობით, როგორიც ოსტინში იყო. მთავარია, რომ მექსიკის მიწას დიდი პრიზების ცირკი დაუბრუნდა. და ძმებ როდრიგესების სახელობის განახლებულ, შესანიშნავ ტრეკზე, პირველი ორი პრაქტიკის ჯამში, საუკეთესო დრო ნიკო როსბერგმა აჩვენა.

Friday, October 30, 2015

ლეგენდარული „ბუგატი ტაიპ 57C ატალანტე“ აუქციონზე გაიყიდება

1938 Bugatti Type 57C Atalante Up For Auction
30 ოქტომბერი
„ბუგატის“ ყველა ავტომობილი ლეგენდარულია, მაგრამ მათ შორისაც არის გამორჩეული მოდელები. ერთ-ერთი ასეთია „ტაიპ 57C ატალანტე“, რომელზეც მალე „RM სოთბისის“ აუქციონზე, დაინტერესებულ კოლექციონერთა ნამდვილი ნადირობა გაიმართება. ბევრი მათგანი მასში მილიონებს დაუფიქრებლად გადაიხდის, მაგრამ ერთადერთს გაუმართლებს, იმას, ვინც მასში სხვაზე მეტ „მწვანეს“ გაიმეტებს.

„მაკლარენმა“ ბატონს ამერიკაში იმედები გაუცრუა

McLaren "nowhere as fast" as expected – Button
30 ოქტომბერი
ჯენსონ ბატონი ამბობს, რომ ოსტინის რბოლაში „მაკლარენის“ მანქანისგან გაცილებით მეტს ელოდა. არადა, ბრიტანელმა პილოტმა რბოლა მეექვსე ადგილზე დაასრულა, რაც ამ სეზონში მისი საუკეთესო შედეგია. მასაც და ფერნანდო ალონსოსაც იმედი ჰქონდათ, რომ ტრასის კონფიგურაცია და ამინდი, მათ მაღალი ადგილების შანსს აძლევდა.

Thursday, October 29, 2015

„პეტის გარაჟის“ სამი „მუსტანგი“

Petty’s Garage Unleashes Three Mustang GT King Limited Edition Models
29 ოქტომბერი
რიჩარდ პეტი (ფოტოზე, თავის მუსტანგთან) ამერიკული ავტოსპორტის, კერძოდ კი ნასქარ-ის ლეგენდაა. მეტსახელად „მეფეც“ კი შეარქვეს. მისი ერთ-ერთი ბიზნესი ავტო ტუნინგია. და პეტის ავტორიტეტიდან გამომდინარე, მისი კომპანიის (პეტი’ს გარაჟ) პროდუქციას მომხმარებელი არ აკლია. „პეტის გარაჟის“ ახალი პროდუქტი, „მუსტანგ GT-ს“ ბაზაზეა შექმნილი და ის სამი განსხვავებული მოდიფიკაციის სახით, შეზღუდული ტირაჟით, მხოლოდ 300 ცალი დამზადდება.

„სუზუკიმ“ ტოკიოში თავისი ახალი ტურბო ძრავი წარადგინა

Suzuki Shows Turbo Engine in Tokyo, Should We Prepare for a New Era?
29 ოქტომბერი
ტოკიოს მოტორ შოუზე, „სუზუკიმ“ თავისი ახალი ტურბო ძრავი წარადგინა, თუმცა არ დაუზუსტებია, აპირებს თუ არა მის წარმოებას და თუ აპირებს, როდის დაიწყებს მის გამოყენებას თავის მოდელებზე. ამ ტიპის ძრავი (600 კუბ სმ) იაპონურმა კომპანიამ პირველად კონცეპტუალურ მოტოციკლ „რიკურშნზე“ გამოიყენა 2013 წელს.

„შკოდა“ 110 წლის გახდა

Skoda Celebrates Its 110th Birthday With The Voiturette A
29 ოქტომბერი
 „შკოდა“ მსოფლიოში ერთ-ერთი უძველესი ავტომწარმოებელია. დღეს მას 110 წელი შეუსრულდა. 1905 წლის 29 ოქტომბერს, სახელ „ლაურინ & კლემენტ ვოიტურეტ A-ს“ სახელით, კომპანიამ პირველი ავტომობილი დაამზადა. „ლაურინ & კლემენტი“ ჩეხური კომპანიის წინამორბედის სახელია და ის ვაცლავ ლაურინმა და ვაცლავ კლემენტმა დააარსეს. პირველი „უცხენო ეტლის“ შესაქმნელად მათ დიდხანს იმუშავეს.

“ბენტლი EXP 10 სპიდ 6 კონცეპტმა” გერმანიაში დიზაინის ჯილდო მოიგო

Bentley's EXP 10 Speed 6 Concept Wins At German Design Awards
29 ოქტომბერი
“ბენტლი EXP 10 სპიდ 6 კონცეპტს“ აბსოლუტურად არაფერში სჭირდება გერმანიაში დიზაინის კონკურსის მოგება, თუმცა მაინც მოიგო, რადგან სრულიად იმსახურებს ამას. ამის დასტურად, სხვა პრიზებიც აქვს მოგებული, მათ შორის, ვილა დ’ესტეს ელეგანტურობის კონკურსზე. მაგრამ ამის მიუხედავად, ბრიტანული კომპანია არ ჩქარობს ამ ავტომობილის წარმოების დაწყებას.

Wednesday, October 28, 2015

„მაზერატი ალფიერის“ დებიუტი 2018 წლამდე გადაიდო

Maserati Alfieri Coupe Delayed Until 2018
28 ოქტომბერი
„მაზერატიმ“ თავისი ელეგანტური კონცხეპტუალური „ალფიერის“ სერიული ვერსიის წარმოების დაწყება, 2018 წლამდე გადადო. ამის მიზეზი ისაა, რომ „ფიატ კრაისლერს“ ახალი ავტომობილების შემუშავებისათვის საჭირო ფინანსების ნაკლებობა აქვს და არც „მაზერატის“ ყველაზე პოპულარული მოდელი „კვატროპორტე“ იყიდება კარგად.

ჰამილტონისთვის სენასთან გატოლება საკმარისია

Hamilton: No one left to emulate after matching Senna
28 ოქტომბერი
მას შემდეგ, რაც მსოფლიო ჩემპიონის მესამე ტიტული მოიპოვა, ლუის ჰამილტონმა განაცხადა, რომ ერთადერთი, ვისი მიღწევების -სამი ტიტულის მოპოვების, გამეორებაც სურდა, აირტონ სენა იყო და ახლა აღარავინ არის ისეთი, ვისთან გატოლებასაც ისურვებდა. ბრიტანელმა მრბოლმა, მსოფლიო ჩემპიონობა მას შემდეგ გაინაღდა, რაც ოსტინში აშშ-ის დიდი პრიზი მოიპოვა. ეს მიმდინარე სეზონში მისი მე-10 მოგებილი რბოლაა.

Tuesday, October 27, 2015

„ლენდ როვერი“ „დისქავერი LR4-ის“ მყიდველს ორ ახალ ვერსიას შესთავაზებს

Land Rover Tries To Keep The Discovery/LR4 Relevant With Landmark And Graphite Editions
27 ოქტომბერი

„ლენდ როვერი“ მალე უახლეს „დისქავერის“ წარუდგენს ბაზარს. ეს მომავალ წელს მოხდება, თუმცა ფაქტია, რომ ძველი, მეოთხე თაობის მოდელი, რომელიც ზოგ ბაზარზე LR4-ის სახელითაა ცნობილი, ჯერაც ძალიან პოპულარულია. მისი დებიუტი შორეულ 2004 წელს შედგა და 2009 წელს კოსმეტიკურ ცვლილებებს დასჯერდა. მას შემდეგ, პრაქტიკულად უცვლელი სახით მიეწოდება მყიდველს, რომელსაც ბრიტანული კომპანია პერიოდულად სპეც ვერსიებს სთავაზობს ხოლმე.

„ფორდს“ სიახლეების დანერგვაში გეკონი დაეხმარება

Ford Is Looking Towards the Gecko for Future Technologies
27 ოქტომბერი
გლობალიზაციის გარდა, „ფორდს“ სხვა მიზნებიც აქვს. კერძოდ, მისი მიზანი, გარემოსადმი მიყენებული ზიანის შემცირებაა. ამას კი გამონაბოლქვის შემცირებით, მასალების მრავალჯერადი გამოყენებით და მათი მეორადი გადამუშავებით აპირებს. ეს ყველაფერი, ცისფერი ოვალის მდგრადობის სტრატეგიის მთავარი შემადგენელია. და რაოდენ გასაკვირიც უნდა იყოს, კომპანიის ინჟინრები და სხვა პროფილის მკვლევარები, პატარა ხვლიკისებრ გეკონს შეისწავლიან, რათა მისი ფეხების თითების ბალიშებზე არსებული წებოვანების საიდუმლო ამოხსნან და ავტომობილების წარმოებაში გამოიყენონ.

Monday, October 26, 2015

მიკელსენმა რალის მსოფლიო ჩემპიონატზე პირველად გაიმარჯვა

Rallying-Mikkelsen takes maiden win after Ogier smash
27 ოქტომბერი
ნორვეგიელმა ანდრეას მიკელსენმა, რალის მსოფლიო ჩემპიონატის (WRC) მიმდინარე სეზონის ბოლოსწინა ეტაპი - ესპანეთის რალი მოიგო, რაც WRC-ზე მისი პირველი გამარჯვებაა. ოღონდ, მას იმის წყალობით მიაღწია, რომ ბოლო სპეცმონაკვეთზე, სებასტიან ოჟიემ თავისი „ფოლკსვაგენი“ დაამტვრია. არადა ფრანგი, რომელმაც ვადამდე მოიპოვა თავისი მესამე ტიტული, რბოლას ლიდერობდა.

წრიული რბოლები გაზაფხულამდე დაგვემშვიდობა

26 ოქტომბერი
რუსთავის საერთაშორისო მოტორპარკმა, წრიულ რბოლებში საქართველოს ჩემპიონატის ბოლო, მე-7 ეტაპს უმასპინძლა. რბოლების ორგანიზატორთა სასახელოდ უნდა ითქვას, რომ სეზონის დახურვას, არნახულად ბევრი მაყურებელი დაესწრო (ამაზე მეტი მაყურებელი მხოლოდ ტრეკის გახსნას ჰყავდა). მთლიანად გაივსო ძირითადი ტრიბუნა და მეორე ტრიბუნიდანაც რბოლებს უამრავი მაყურებელი ადევნებდა თვალს. და რბოლების მონაწილეებმაც მათ შესანიშნავი სანახაობა მოუწყვეს.

ჰამილტონი მსოფლიოს სამგზის ჩემპიონია!

Motor racing-Hamilton takes third F1 title after U.S. thriller
26 ოქტომბერი
ამიერიდან, ლუის ჰამილტონი ფორმულა ერთის ჩემპიონთა იმ ელიტურ სიაში ჩაეწერა, რომლებსაც მსოფლიო ჩემპიონის ტიტული, მინიმუმ სამჯერ აქვთ მოპოვებული. მესამედ ჩემპიონი ის აშშ-ის 2015 წლის დიდი პრიზის მოგების შემდეგ გახდა. „ეს ჩემი ცხოვრების უდიდესი მომენტია“, - ფინიშის ხაზის გადაკვეთის შემდეგ, ჰამილტონმა თავცისიანებს რადიოთი გასძახა.

Saturday, October 24, 2015

კვალიფიკაცია რბოლის დილას გაიმართება

Motor racing-U.S. GP qualifying postponed to race day morning
24 ოქტომბერი
ოსტინში ისევ წვიმს, გადაუღებლად და ძლიერად. პილოტებმა, აშშ-ის დიდი პრიზის მესამე პრაქტიკაზე გამოსვლა სცადეს, მაგრამ აკვაპლანინგის მეტს ვერაფერს გამორჩნენ. ასეთ სიტუაციაში, მანქანის დამორჩილება და მითუმეტეს, რბოლა შეუძლებელი და ძალიან სახიფათოა. ამის მიუხედავად, მესამე პრაქტიკაზე დროები მაინც დაფიქსირდა. მოგვიანებით, რბოლის ორგანიზატორებმა კვალიფიკაცია რამდენჯერმე გადადეს. მაგრამ ამინდს გამოდარება არც უცდია.

საბრძოლო მოთელვა ბოლო რბოლების წინ

24 ოქტომბერი
რუსთავის საერთაშორისო მოტორპარკი, წრიულ რბოლებში საქართველოს 2015 წლის ჩემპიონატის ბოლო, მე-7 ეტაპს მასპინძლობს, რომელშიც ჩემპიონატის მუდმივ მონაწილეთა გარდა, ლეჯენდსის კლასში რუსი პილოტებიც მონაწილეობენ. დღეს მე-7 ეტაპის პირველი რბოლები ოთხ კლასში გაიმართა. ერთეტაპიანი პაუზის შემდეგ, ტრეკს დაუბრუნდა ტურინგ ლაითის კლასი, რომლის ბოლო რბოლაც, „მეებვე“ კომპაქტთან ერთად გაიმართება.

Friday, October 23, 2015

წვიმის გამო მეორე პრაქტიკა არ ჩატარდა

Motor racing-Rosberg fastest in wet U.S. practice
23 ოქტომბერი
როგორც სინოპტიკოსებმა იწინასწარმეტყველეს, აშშ-ის დიდი პრიზის პირველი დღე წვიმიანი გამოდგა. უფრო მეტიც, ჭექა-ქუხილის და მეხის გამო, მეორე თავისუფალი პრაქტიკა გაუქმდა. პირველზე კი, რომელიც სველ ტრასაზე ჩატარდა, საუკეთესი ნიკო როსბერგი იყო, რომელმაც წამზე მეტით აჯობა უახლოეს მდევრებს. ლუის ჰამილტონმა კი, რომელსაც მესამე ტიტულის ოსტინშივე მოპოვების რეალური შანსი აქვს, მხოლოდ ოთხი წრე გაიარა და მეხუთე დროს დასჯერდა.

ჰამილტონი შესაძლოა ტექსასშივე გახდეს ჩემპიონი

Hamilton's title chances boosted by Vettel penalty
23 ოქტომბერი
ლუის ჰამილტონს რეალური შანსი აქვს იმისა, რომ ამერიკაშივე გაინაღდოს მსოფლიო ჩემპიონის მესამე ტიტული. საქმე ისაა, რომ „ფერარიმ“ სებასტიან ფეტელის მანქანაზე, ძრავის გამოცვლა გადაწყვიტა. ეს მისთვის მეხუთე აგრეგატი იქნება, რაც ნიშნავს, რომ მსოფლიოს ოთხგზის ჩემპიონი, ჯარიმის სახით, სტარტზე ათ ადგილს დაკარგავს. სხვათა შრის, მარანელოელები აგრეგატს კიმი რაიკონენსაც შეუცვლიან.

Thursday, October 22, 2015

„რეინჯ როვერ HSE“ 22-დუიმიანი ბორბლებით

Range Rover HSE Ditches Stock 20" Wheels For Custom 22s
22 ოქტომბერი
„რეინჯ როვერის“ სპეც ვერსია HSE ისედაც საბაზო მოდელთან შედარებით, უფრო მდიდრული იერით გამოირჩევა. მის ფერთა გამაში კი ყველაზე მიმზიდველი ისაა, რომელიც „კაიკურა სტოუნის“ (კაიკურა ქალაქია ახალი ზელანდიის სამხრეთ კუნძულის ჩრდილო აღმოსავლეთში) ფერშია (ფოტოზე) შეღებილი. ამიერიდან კი ეს ვერსია და ფერი, რომელიც კლიენტთა შორის პოპულარობით სარგებლობს, მყიდველს მორიგი სიახლით, გრაფიტისფერი 22-დუიმიანი ბორბლებითაც მიიზიდავს.

„ფერარის“ დღე ნიუ იორკის საფონდო ბირჟაზე

Ferrari makes its debut on the stock exchange
22 ოქტომბერი
სუპერ ავტომობილების მწარმოებელ იტალიურ კომპანია „ფერარის“, როგორც დამოუკიდებელი კომპანიის აქციები, პირველად გავიდა ნიუ იორკის საფონდო ბირჟაზე (NYSE). ოღონდ, როგორც წინდაწინ იყო განსაზღვრული, მარანელოელებმა თავისუფალ ვჭრობაში, თავიანთი აქციების მხოლოდ 10 პროცერნტი გამოიტანეს. უოლ სტრირის სამუშაო დღე, „ფერარის“ თავმჯდომარე სერჯო მარკიონემ, NYSE-ს ზარით დარეკვით დაიწყო. მანვე კიდევ ერთხელ განაცხადა, რომ „ფერარის“ საბირჟო სიმბოლო, RACE იქნება.

Wednesday, October 21, 2015

„მაკლარენი“ „ჰონდას“ განახლებული ძრავით კმაყოფილია

New Honda engine a 'good' step for McLaren
21 ოქტომბერი
„ჰონდას“ ფორმულა 1-ის პროგრამის შეფი იასუჰისა არაი ამბობს, რომ „მაკლარენი“ კმაყოფილია ძრავის სრულყოფის პროცესით. იაპონურმა კომპანიამ თავის პარტნიორს სოჭის რბოლაში განახლებული აგრეგატი მიაწოდა, რომელმაც უოკინგელთა კმაყოფილება გამოიწვია. თუმცა აგრეგატის მთავარ პრობლემად კვლავაც რჩება აღდგენილი ენერგიის გამოყენება.

„ვოლვო“ WTCC-ს უბრუნდება

Volvo To Enter WTCC In 2016 With 400HP S60 Polestar TC1 Race Car
21 ოქტომბერი
„ვოლვო“ ტურიზმის კლასში ევროპის 1985 წლის ჩემპიონატში თავისი „240 ტურბოს“ გამარჯვებას აღნიშნავს და სწორედ ამ ტრიუმფის იუბილეს დაამთხვია ინფორმაცია იმის შესახებ, რომ ტურიზმის კლასში მსოფლიო ჩემპიონატს (FIA WTCC) უბრუნდება. შვედური კომპანია ამისათვის ორ „S60 პოლსტარს“ ამზადებს, მისი სარბოლო პროგრამა კი მრავალწლიანია და მასში მონაწილეობას, სარბოლო გუნდი „საიან რეისინგი“ მიიღებს.

„პორშემ“ მონტოიას ტესტები დაუნიშნა

Porsche confirms date for Montoya LMP1 test
21 ოქტომბერი
„პორშემ“ გამოაცხადა, რომ გამძლეობაზე რბოლების მსოფლიო ჩემპიონატის ბოლო ეტაპის შემდეგ, რომელიც ბაჰრეინში გაიმართება, იქვე მის სარბოლო პროტოტიპზე (919 ჰაიბრიდზე) ტესტებს გაივლის ხუან პაბლო მონტოია. ინდი 500-ის გამარჯვებულს და ფ1-ის ყოფილ პილოტს, მის კარიერაში პირველად მიეცემა LMP1 ტიპის მანქანის პილოტირების საშუალება. ეს 22 ნოემბერს მოხდება.

„ფორდი“ ახალ პროტოტიპებზე 3D ნაბეჭდ დეტალებს იყენებს

Ford Shows How It 3D Prints Prototype Parts For Its New Models
21 ოქტომბერი
სამგანზომილებიანი ბეჭდვის ტექნოლოგია თანდათან მკვიდრდება ავტო ინდუსტრიაში და ამ მიმართულებით, ერთ-ერთი მოწინავე კომპანია „ფორდია“. ამერიკული კომპანია 3D ბეჭდვას სულ უფრო ხშირად და ინტენსიურად იყენებს, როცა ახალი ავტომობილის შექმნაზე მუშაობს. სხვათა შორის, ასე იყო სუპერ ავტომობილ GT-ს შემუშავების დროსაც.

Tuesday, October 20, 2015

კევინ მაგნუსენი „მაკლარენს“ დატოვებს

Kevin Magnussen to leave McLaren at the end of 2015 F1 season
20 ოქტომბერი
ბრიტანულ გამოცემა „ავტოსპორტის“ ინფორმაციით, მიმდინარე სეზონის დასრულების შემდეგ, „მაკლარენი“ თავის სარეზერვო პილოტ კევინ მაგნუსენთან კონტრაქტს აღარ გააგრძელებს. მის ნაცვლად, GP2-ის ჩემპიონ სტოფელ ფანდოორნის მიწვევა იგეგმება. 23 წლის მაგნუსენის გაშვება მას შემდეგ გადაწყდა, რაც „მაკლარენმა“ ჯენსონ ბატონთან კონტრაქტი გააგრძელა და აშკარა გახდა, რომ დანიელ პილოტს მარქაფაში კიდევ ერთი სეზონის გატარება მოუწევდა. ეს კი მის გეგმებში არ შედიოდა.

უიშვიათესი „ფერარი“ იბეიზე 9.0 მილიონ დოლარად იყიდება

$9 Million One-Of-Three Ferrari Thomassima Customs For Sale On eBay
20 ოქტომბერი
ასეთი იშვიათი ეგზემპლარები ღია ბაზარზე იშვიათად ჩნდება ხოლმე. მათ მეტწილად აუქციონებზე ჰყიდიან და ავტოკოლექციონერები მათში არაერთ მილიონს იხდიან. ასეთ ავტომობილებს შორისაც, ერთ-ერთი გამორჩეული, „ფერარი ტომასიმაა“, რომელიც იტალიური კომპანიის კალიფორნიელი თაყვანსმცემლის შეკვეთით, 1967 წელს დამზადდა და რომელიც საზოგადოების წინაშე, პირველად პებლ ბიჩის 1968 წლის ელეგანტურობის კონკურსზე წარდგა.

ღია „რეინჯ როვერ ევოუკი“ შეზღუდული ტირაჟით დამზადდება

Range Rover Evoque Convertible To Be Built In Limited Numbers
19 ოქტომბერი
ლოს ანჯელესის ავტო შოუზე, რომელიც ნოემბერში გაიმართება, „ლენდ როვერი“ პირველად წარადგენს პოპულარულ „რეინჯ როვერ ევოუკის“ ღია ვერსიას, „ევოუკ კონვერტაიბლს“. პრემიერამდე ცოტა ხნით ადრე კი ცნობილი გახდა, რომ ეს ავტომობილი შეზღუდული რაოდენობით დამზადდება. ეს ინფორმაცია გამოცემა „ავტონიუს იუროპს“ ბრიტანული მარკის პრესმდივანმა მიაწოდა.

Monday, October 19, 2015

„რენო“ ოსტინის რბოლისთვის გაუმჯობესებულ ძრავს ამზადებს

Renault makes upgraded F1 engine available for United States GP
19 ოქტომბერი
ფორმულა 1-ის აშშ-ის დიდი პრიზისთვის, „რენო“ თავისი აგრეგატის გაუმჯობესებულ ვარიანტს ამზადებს და არაა გამორიცხული, რომ ეს აგრეგატები „რედ ბულმა“ ოსტინშივე გამოიყენოს. მაგრამ ავსტრიულ გუნდს ჯერ გადაწყვეტილი არ აქვს, გამოიყენოს თუ არა ეს ძრავი. ამის მიზეზი ისაა, რომ ხარებს ძრავების ლიმიტი ორივე ბოლიდზე ამოწურული აქვთ. „რენო“ და „რედ ბული“ ერთობლივად გადაწყვეტენ, გამოიყენონ თუ არა ახალი სპეციფიკაციის ძრავები ამერიკაში.

Sunday, October 18, 2015

სეზონის საუკეთესო რბოლა

18 ოქტომბერი
ამიტომ, წრიულ რბოლებში საქართველოს ჩემპიონატის მე-6 ეტაპის მეორე დღის რეპორტაჟსაც ამ კლასის რბოლით დავიწყებთ. მართალია, აქ სტარტზე ისევ ყველაზე ნაკლები ავტომობილი დადგა, მაგრამ ექვსიც საკმარისი გამოდგა იმისათვის, რომ ასფალტი აედუღებინათ. საერთოდ, ლეგენდების ყველა რბოლას თუ სეზონის საუკეთესოლ ვუწოდებთ, დიდ ცოდვას არ ჩავიდენთ, მაგრამ ეს მართლაც განსაკუთრებული იყო!

Saturday, October 17, 2015

ტურინგ ლაითმა მე-6 ეტაპი გამოტოვა

17 ოქტომბერი
... და ეს სულაც არ იყო გასაკვირი. ეს კლასი ყველაზე მეჩხერია და მართალია, დღეს შეიძლებოდა სასტარტო რიგის მინიმალურად შევსება, პილოტებმა მანქანების მოფრთხილება და ბოლო, მე-7 ეტაპისთვის შემონახვა ამჯობინეს. ჯერ ერთი, ეს იქნება სეზონის დახურვა და იმავდროულად, საერთაშორისო ეტაპი - „რუსთავი ინტერნეიშნლ ჩელენჯი“. მეორეც, სეზონის ბოლო ეტაპზე, ტურნიგ ლაითის და „ბეემვე“ კომპაქტ კლასს შეიძლება ერთად მოუწიოთ რბოლამ და იქ თავის გამოჩენა ყველას სურს.

Friday, October 16, 2015

ახალი „სუზუკი ვიტარა“ უნგრეთიდან იაპონიაში

All-New Suzuki Escudo Launched in Japan, It's Actually the Hungarian-Made Vitara
16 ოქტომბერი
„ესკუდო“ - ამ სახელით „სუზუკი“ იაპონიაში უგზოობის ავტომობილებს ჰყიდს, რომლებიც 2.4-ლიტრიანი ძრავებით არის აღჭურვილი და უხეში, კუთხოვანი ფორმებით გამოირჩევა. მიუხედავად იმისა, რომ საკმარისად მოძველდა, ეს ავტომობილი კვლავაც ბაზარზეა და „ესკუდო 2.4“ ჰქვია. მაგრამ მალე ასე აღარ იქნება. უფრო სწორედ, იაპონური კომპანია მყიდველს სახელ „ესკუდოთი“, სრულიად ახალ ავტომობილს შესთავაზებს, რომელიც ახალი იმიჯით და უახლესი, ეკონომიური აგრეგატებით იქნება გამორჩეული.

„დოუმ ქარზი“ LMP3 პროტოტიპებს გამოუშვებს

Dome selected as LMP3 constructor
16 ოქტომბერი
სარბოლო ავტომობილების იაპონური კომპანია „დოუმ ქარზი“, გამძლეობაზე რბოლებისა და ლე მანისთვის, LMP3 კლასის სარბოლო პროტოტიპებს გამოუშვებს. ამგვარად, ეს არის მეხუთე კომპანია, რომელსაც აზიისა და ევროპული ლე მანის ჩემპიონატებისთვის, ამ ტიპის ავტომობილების წარმოების უფლება მიეცა. ის კონკურენციას ბრიტანულ „ჯინეტას“, ფრანგულ „ონროკ ავტომოტივს“, ამერიკულ „რილი ტექნოლოჯიზს“ და გერმანულ „ადესს“ გაუწევს.

Thursday, October 15, 2015

„ფოლკსვაგენი“ ყოველწლიურ ინვესტიციებს მილიარდი ევროთი ამცირებს

VW Will Cut Spending By €1 Billion A Year, Next Phaeton Will Be All-Electric
15 ოქტომბერი
„ფოლკსვაგენმა“ თავისი ახალი სტრატეგიული გეგმა გამოაქვეყნა, რომელიც დიზელგეიტის გამო გამოწვეული უზარმაზარი მოსალოდნელი ხარჯების გათვალისწინებით არის შედგენილი. ამ გეგმის მიხედვით, ეგრეთ წოდებული დიზელის სტრატეგია იცვლება და აქცენტი ელექტრომობილებზე გადავა. ამავე გეგმის შესაბამისად, დაიწყება მოდულური ელექტრული პლატფორმის შემუშავება, რომლის ბაზაზეც, „ფოლკსვაგენი“ სრულიად ელექტრულ „ფაეტონს“ (ფოტოზე შიდაწვისძრავიანი ფაეტონი) გამოუშვებს.

Wednesday, October 14, 2015

„ფორდ ფოკუს RS“ ძრავის ჩაქრობის საწინააღმდეგო სისტემით აღიჭურვება

Sizzling-Hot Ford Focus RS To Feature Innovative 'Stall Recovery' System
14 ოქტომბერი
„ფორდმა“ გამოაცხადა, რომ თავის უახლეს „ფოკუს RS-ს“ ძრავის ჩაქრობის საწინააღმდეგო სისტემითაც აღჭურვავს. ეს სისტემა გადაბმულობას თიშავს, რისი წყალობითაც, აღარაა საჭირო ტრანსმისიის ნეიტრალზე გადაყვანა და ძრავის ჩაქრობის შემთხვევაში, მისი დაქოქვა. სისტემა ამას თავისით გააკეთებს.

ფ1-ის გუნდებმა სამი გამოსაბოლქვის გამოყენების უფლება მიიღეს

F1 teams given triple exhaust option
14 ოქტომბერი
საერთაშორისო საავტომობილო ფედერაციის (FIA) მსოფლიო მოტორსპორტის საბჭოს გადაწყვეტილებით, მომავალ სეზონში ფორმულა ერთის გუნდებს, სამი გამოსაბოლქვი მილის გამოყენების უფლება მიეცემათ. მთავარი მიზანი, ბოლიდების ხმის გაძლიერებაა, რისთვისაც აუცილებელი ხდება ჭარბი გამონაბოლქვი აირის ცალკე მილით გამოშვება. ძრავს ასეთი მინიმუმ ორი მილი უნდა ჰქონდეს, გუნდის და ძრავების მიმწოდებლის სურვილის შემთხვევაში კი, ჭარბი აირის გამომშვები ორი მილის გამოყენებაც ნაბადართულია.

21-ე საუკუნის „მერსედეს-ბენც გალვინგი“

A Stunning Mercedes-Benz Gullwing Study For The 21st Century
14 ოქტომბერი
სტუდენტი დიზაინერები ავტომწარმოებლებს უამრავ საინტერესო იდეას სთავაზობენ. მერე რა, რომ ხშირად ეს იდეები კორპორატიულ სტილს ნაკლებად შეესაბამება. მათში ხშირად შეიძლება იმ ახალი ელემენტების ნახვა, რომლებიც მომავალში სწორედ ახალი სტილის შესამუშავებლად გამოდგება. ამასთან, სტუდენტები ხშირად ძველ ლეგენდებს აცოცხლებენ და ამას ისე ოსტატურად აკეთებენ, რომ ავტოკომპანიების ყურადღებასაც იქცევენ.

Tuesday, October 13, 2015

ედრიან ნიუი: „რედ ბულს“ ფ1-დან დევნიან

Newey says Red Bull being "forced out of F1"
13 ოქტომბერი
„რედ ბულის“ ტექნიკური მრჩეველი და ფაქტობრივი ტექნიკური დირექტორი ედრიან ნიუი ამბობს, რომ ყველა ნიშნის მიხედვით, ავსტრიული კომპანია იძულებული გახდება, ფორმულა 1 დატოვოს. ამის მიზეზი ისაა, რომ „რედ ბულსაც“ და „ტორო როსოსაც“, ძრავების მომმარაგებლად „რენოღა“ შემორჩათ, რომელთანაც კონტრაქტი ვადამდე ახლახანს გაწყვიტეს.

სერიული „ლინკოლნ კონტინენტალის“ დებიუტი დეტროიტში შედგება

Production Lincoln Continental With FWD And AWD To Debut In Detroit
13 ოქტომბერი
დიდი ხანია, პრემიუმ კლასში „ლინკოლნი“ ძველებურად ვეღარ ბრწყინავს. უფრო მეტიც, საკუთარ აჩრდილს არის დამსგავსებული. რა თქმა უნდა, ლაპარაკიც არაა იმაზე, რომ „კადილაკს“ და მითუმეტეს, ევროპულ პრემიუმებს შეედაროს. მაგრამ „ფორდმა“ რესტრუქტურიზაციის დროს, ის დაიტოვა. და ეს იმისთვის გააკეთა, რომ ძველ დიდებას დაუბრუნოს. ამ გეგმის შესასრულებლად კი ცისფერმა ოვალმა ძველი და პოპულარული სახელის, „კონტინენტალის“ დაბრუნება გადაწყვიტა.

„ფერარი“ ოსტინის რბოლისთვის ძრავის სრულყოფას აპირებს

Ferrari could use remaining engine tokens for Austin
13 ოქტომბერი
„ფერარი“ ფ1-ის ძრავის სრულყოფისთვის საჭირო, მის ხელთ არსებული ეგრეთ წოდებული ტოკენების (პირობითი ქულების) სრულად გამოყენებას აშშ-ის დიდი პრიზის წინ აპირებს. მარანელოელებს ჯერაც აქვთ რამდენიმე ტოკენი დარჩენილი და მათი გამოყენება სასურველია, რათა მომავალი სეზონისთვის აგრეგატის მზადებისას, უკეთესი საწყისი პოზიცია ჰქონდეს.

„ფერარის“ აქციებზე ათმაგი მოთხოვნაა

Ferrari Valued At US$9.8 Billion In IPO, Demand Exceeds Stock Almost Tenfold
13 ოქტომბერი
„ფიატ კრაისლერის“ მთავარი აღმასრულებელი სერჯო მარკიონე ამბობს, რომ „ფერარი“ უბრალო საავტომობილო კომპანია  კი არა, ფუფუნების საგნების მწარმოებელია და შესაბამისად დაფასებას საჭიროებს. ასეც არის - მის აქციებზე შეთავაზებაზე ათჯერ მეტი მოთხოვნა არის დაფიქსირებული.

Monday, October 12, 2015

„რეინჯ როვერ ევოუკს“ ბრაზილიაშიც გამოუშვებენ

 Range Rover Evoque To Be Built In Brazil As Well
12 ოქტომბერი
„ლენდ როვერმა“ გამოაცხადა, რომ ბრაზილიის ქალაქ იტატიაიასთან მდებარე უახლესი ქარხანა, „დისქავერი სპორტის“ გარდა, „რეინჯ როვერ ევოუკსაც“ გამოუშვებს. პირველი ბრაზილიური „ევოუკი“ კონვეიერს მომავალი წლის დასაწყისში დატოვებს. პარალელურად, ბრიტანული კომპანია ამ ქარხნის მუდმივ განახლებაზეც იზრუნებს და მშენებლობის ჩათვლით, მას 2020 წლამდე 750 მილიონი ბრაზილიური რეალის (დაახლოებით 370 მილიონი ამერიკული დოლარი) ინვესტიციას მოახმარს.

Sunday, October 11, 2015

დათა ქაჯაია ETCC-ს ჩემპიონია!

11 ოქტომბერი
იტალიის ენა პერგუზას ტრეკზე დასრულდა ევროპის ტურინგის ავტომობილების თასის სეზონი და როგორც მოსალოდნელი იყო, დათა ქაჯაიამ TC2T კლასში ჩემპიონის ტიტული მოიპოვა. ორივე რბოლა მან აბსოლუტურ ჩათვლაში მეორე ადგილზე დაასრულა, ამათგან თავის კლასში პიველი მოიგო, მეორეზე კი თავისი გუნდის შეფთან, ფრანც ენგსტლერთან დათმო. რაც მთავარია, თავისი უშუალო მეტოქეები ახლოსაც არ გაიკარა და ტრიუმფით დაასრულა თავისი პირველი ევროპული ტურინგ-სეზონი.

„მერსედესმა“ მსოფლიო ჩემპიონის ტიტული დაიცვა

Mercedes win second successive F1 constructors' title
11 ოქტომბერი
„მერსედესმა“ ზედიზედ მეორედ მოიპოვა ფორმულა ერთის კონსტრუქტორთა თასი, ლუის ჰამილტონმა კი დიდი ნაბიჯი გადადგა მსოფლიო ჩემპიონის მესამე ტიტულისკენ. ეს სოჭის რბოლის შემდეგ მოხდა, რომელიც სწორედ ჰამილტონმა მოიგო. ეს ამ სეზონში მისი მეცხრე, კარიერაში კი 42-ე გამარჯვებაა. ამგვარად, მისმა უპირატესობამ უახლოეს მდევართან 66 ქულას მიაღწია და ეს მაშინ, როცა დარჩენილ ოთხ ეტაპზე, მაქსიმუმ 100 ქულის აღებაა შესაძლებელი.

Saturday, October 10, 2015

700-ცხენიანი „მუსტანგი“ საახალწლო კატალოგისთვის

Neiman Marcus' 2015 Christmas Book Mustang Has +700HP…But No AWD
10 ოქტომბერი
„ნიმან მარკუსის“ ჯგუფის საშობაო კატალოგის შეკვეთით, „ფორდ პერფორმენსი“ შეზღუდული რაოდენობით დაამზადებს ღია „მუსტანგის“ სპეც ვერსიას, რომელიც შეძლებულ მყიდველს ბევრი საინტერესო სიახლით მიიზიდავს. სულ 100 ცალი ასეთი „მუსტანგი“ დამზადდება, რომელთაგან თითოეული 95 000 დოლარი ეღირება. ამასთან, ყოველ გაყიდულ ავტომობილზე, 1000 დოლარი, „ნიმან მარკუსის“ ხელოვნების საქველმოქმედო ფონდში (ჰარტ ოფ ნიმან მარკუს ფაუნდეიშნ) გადაირიცხება.

ეკლსტოუნმა „რედ ბულს“ ძრავების კონტრაქტი გაუჩარხა

Motor racing-Ecclestone says Red Bull engine supply is 'sorted'
10 ოქტომბერი
ბერნი ეკლსტოუნი ირწმუნება, რომ „რედ ბულის“ ფორმულა ერთიდან წასვლის საშიშროება არ არსებობს, რადგან დარწმუნებულია, რომ გუნდმა ძრავებთან დაკავშირებული პრობლემები მოაგვარა. ოღონდ, ის დეტალებზე საუბრისგან თავის შეკავებას ამჯობინებს.

როსბერგმა ჰამილტონის 50-ე პოული ისევ გადადო

Motor racing-Rosberg again denies Hamilton his 50th pole
10 ოქტომბერი
მაგრამ მთავარი ისაა, რომ „მერსედესის“ ორივე პილოტი, სასტარტო რიგში წინა ორ პოზიციაზე დადგება. სამქიმიანებს სოჭშივე შეუძლიათ კონსტრუქტორთა თასის ზედიზედ მეორედ მოპოვება. ამისათვის საკმარისია, რომ „ფერარიზე“ სამი ქულით მეტი აიღონ. ეს კი ძნელი არ უნდა იყოს. ნიკო როსბერგმა კი ამ სეზონში სულ მესამე პოული მოიპოვა.

Friday, October 9, 2015

პრაქტიკები წვიმაში და დიზელით დასვრილ გზაზე

Motor racing-Rain and diesel spillage hit Russian practice
9 ოქტომბერი
ასეთი რამ მხოლოდ რუსეთში თუ მოხდებოდა - ფორმულა ერთის ტრეკზე, ზედ რბოლის წინ, გზის საფარი დიზელის საწვავით დაასველეს. ეს პირველი თავისუფალი პრაქტიკის დაწყებამდე მოხდა. მეორე პრაქტიკა კი ძლიერი წვიმის გამო თითქმის ჩაიშალა - დროის დაფიქსირება მხოლოდ რვა პილოტმა მოახერხა. ამ აბდა-უბდას, ცხრილის სათავეში განსხვავებული სახელების გამოჩენაც მოჰყვა. პირველზე ყველაზე სწრაფი ნიკო ჰულკენბერგი იყო, მეორეზე კი ყველას ფელიპე მასამ აჯობა.

Thursday, October 8, 2015

„ლამბორგინი“ პლაგ-ინ ჰიბრიდულ და ტურბო აგრეგატებსაც გამოიყენებს

Lamborghini Confirms Plug-In Hybrid, Turbocharged Engines For Urus SUV
8 ოქტომბერი
ტურბო და ჰიბრიდული ტრენდების მიუხედავად, „ლამბორგინი“ ჯიუტად აცხადბდა, რომ კვლავაც მხოლოდ ატმოსფერული ძრავების გამოყენებას გააგრძელებდა. მაგრამ ყველას ესმოდა, რომ ასე დიდხანს გაგრძელება შეუძლებელი იყო, რადგან იტალიური კომპანია ამ სიჯიუტით მხოლოდ წაგებული დარჩებოდა. და აი, ცნობილი გახდა, რომ სანტ’აგატა ბოლონეზელებიც „გატყდნენ“ - უგზოობის უახლეს ავტომობილს, რომელსაც ამ ეტაპზე „ურუსად“ მოიხსენიებენ, კომპანია ტურბო ძრავით აღჭურვავს, მოგვიანებით კი, მისთვისვე პლაგ-ინ ჰიბრიდულ აგრეგატსაც შეიმუშავებს.