დიდი არჩევანი, კარგი ფასები

Monday, March 30, 2015

ყველაზე მდიდრული „რეინჯ როვერი“

2016 Range Rover SVAutobiography Is the Most Luxurious Range Rover Ever Made
30 მარტი
„იაგუარ ლენდ როვერის“ დივიზიონმა „სპეშლ ვიიქლ ოპერეიშნზმა“ (SVO), „რეინჯ როვერის“ კიდევ ერთი მდიდრული ვერსია, „SVავტობაიოგრაფი“ (SVAutobiography) შეიმუშავა. ის ვერსია „ავტობაიოგრაფი ბლექს“ შეცვლის. ახალი ვერსიის მსოფლიო პრემიერა მალე ნიუ იორკის ავტო შოუზე გაიმართება, მანამდე კი ბრიტანულმა კომპანიამ მისი ფოტოები და მოკლე აღწერილობა გამოაქვეყნა.

„ფორდის“ სიჩქარის საზრიანი შემზღუდველი

Ford's New Intelligent Speed Limiter Tech Will Either Help or Annoy You
30 მარტი
„ფორდმა“ ახალი, ნახევრად ავტომატური მოწყობილობა შეიმუშავა, რომელიც მძღოლს ბევრი არასასურველი სიტუაციისგან დაიხსნის. მოწყობილობას „სიჩქარის საზრიანი შემზღუდველი“ ეწოდება. ის სპეციალური კამერის დახმარებით, სიჩქარის შეზღუდვის საგზაო ნიშნებს კითხულობს და ავტომატურად ანელებს ავტომობილს, რითაც მის მფლობელს საჯარიმო ჩეკების მიღებისგან დაიცავს.

ალონსო „მაკლარენის“ სისწრაფემ „სასიამოვნოდ გააკვირვა“

Fernando Alonso: McLaren F1 car's Malaysian GP pace 'nice surprise'
30 მარტი
„მაკლარენისთვის“ და მისი პილოტებისთვის ახალი სეზონი ძალიან რთულად დაიწყო. ხუმრობა ხომ არაა - გუნდი, რომელიც ყოველთვის უმაღლესი მიზნებისთვის იბრძვის ხოლმე, ამჯერად აუტსაიდერთა შორისაა. და ეს მხოლოდ „ჰონდას“ „უმი“ ძრავის ბრალი არაა, უოკინგელებმა ბოლიდის სრულყოფა ვერ მოასწრეს.

Sunday, March 29, 2015

ფეტელის გამარჯვება „ფერარისთვის“ ახალი სტიმულია

Ferrari can "push on" after Vettel’s first victory
29 მარტი
„ფერარის“ მიერ ბოლო ორ წელიწადში მოპოვებული პირველი გამარჯვება, იტალიური გუნდისთვის ნამდვილი კატალიზატორი შეიძლება გახდეს, რაც მას „მერსედსთან“ ტოლსწორად პაექრობის საშუალებას მისცემს, როგორც ეს მალაიზიის დიდ პრიზზე მოხდა. მარანელოელთა ტექნიკური დირექტორი ჯეიმს ელისონი ამბობს, - აქედან მოყოლებული, უფრო მივაწვებითო.

„ფერარი“ დაბრუნდა!

Motor racing-Ferrari's Vettel storms to victory in Malaysia
29 მარტი
ამ სიტყვებით გახსნა დაჯილდოების შემდგომი სახელდახელო პრესკონფერენცია ედი ჯორდანმა და შესაძლოა, ამით ფ1-ის ისტორიაში ახალი ეპოქის დასაწყისი გვამცნო.
დღეს ფორმულა 1-ის მსოფლიო ჩემპიონატში „ფერარის“, სებასტიან ფეტელის და მაურიციო არივაბენეს დღეა! მსოფლიოს ოთხგზის ჩემპიონმა, მარანელოელებს გამარჯვების გემო გაახსენა, არივაბენეს კი იგივე გემო პირველად გაასინჯა. რაც მთავარია, „სკუდერიას“ ფანობას იმის იმედი ჩაუსახა, რომ წითლები ისევ დაიპყრობენ მწვერვალებს. და იქნებ, ამ გერმანელმაც მათ ისეთივე დიდება მოუტანოს, როგორითაც მიხაელ შუმახერი ანებივრებდა.

Saturday, March 28, 2015

ბატონი „მაკლარენის“ პროგრესით კმაყოფილია

Button hails “massive step forward” despite Q1 exit
28 მარტი
მიუხედავად იმისა, რომ მან და მისმა თანაგუნდელმა ფერნანდო ალონსომ, მალაიზიის დიდი პრიზის კვალიფიკაციის პირველი ბარიერის გავლაც ვერ შეძლეს, ჯენსონ ბატონი მაინც კმაყოფილი დარჩა „მაკლარენ MP4-30-ის“ პროგრესით. ბატონი და ალონსო სტარტზე ბოლოსწინა რიგს დაიკავებენ და მათ უკან მხოლოდ ორი „მენორი“ დადგება, რომლებმაც 107%-იანი ზღვარიც კი ვერ გადალახეს.

ახალი „ფოკუს RS-ის“ ამერიკული დებიუტი ნიუ იორკში გაიმართება

US-Spec 2016 Ford Focus RS to Debut in New York with More than 315HP
28 მარტი
„ფორდ“ თავის პოპულარულ ჰეჩბეკ „ფოკუსის“ ტემპერამენტიან ვერსია RS-ს ამერიკელებს პირველად ნიუ იორკის ავტო შოუზე უჩვენებს. ამ ავტომობილის მსოფლიო პრემიერა ახლახანს ჟენევის მოტორ შოუზე გაიმართა და ადრინდელისგან განსხვავებით, სტრატეგია „ერთი ფორდის“ შესაბამისად, ის გლობალურ ბაზარზე გაიყიდება. ახალ „ფოკუს RS-ს“ ისევ გერმანიაში გამოუშვებენ.

წვიმაში ფეტელმა „მერსედესის“ ჰეგემონია დაარღვია

Motor racing-Hamilton secures pole in wet Malaysian qualifying
28 მარტი
ისევე როგორც პირველ ორ პრაქტიკაზე, მალაიზიის დიდი პრიზის კვალიფიკაციის ბოლოსაც, ცხრილში ორი „მერსედესი“ ერთმანეთს „ფერარიმ“ დააშორა. ოღონდ, ამჯერად კიმი რაიკონენის ნაცვლად, მეორე პოზიცია სებასტიან ფეტელმა დაიკავა. თანაც, მსოფლიოს ოთხგზის ჩემპიონი, პოულის მფლობელ ლუის ჰამილტონს 0.074 წამით ჩამორჩა.

Friday, March 27, 2015

პრობლმების მიუხედავად, ჰამილტონი მაინც უსწრაფესია

Motor racing-Hamilton fastest despite engine issues
27 მარტი
მაინც იმიტომ, რომ პირველი თავისუფალი პრაქტიკა, ძრავის გაუმართაობის გამო გაუცდა. მაგრამ მექანიკოსებმა დროულად მოასწრეს პრობლემის (მართვის ელექტრონულმა პროგრამამ აურია) გამოსწორება და მოქმედ ჩემპიონს, თავისი შესაძლებლობების სრულად გამოვლენის საშუალება მისცეს. პელოტონში ის ერთადერთი პილოტია, ვინც სეპანგის ერთი წრის წუთსა და 40 წამზე ნაკლებში გავლა შეძლო.

Thursday, March 26, 2015

ექიმებმა ალონსო და ბოტასი მალაიზიის რბოლაზე დაუშვეს

Alonso, Bottas cleared to race in Malaysia
26 მარტი
საერთაშორისო საავტომობილო ფედერაციის (FIA) სამედიცინო კომისიამ და სეპანგის ტრეკის ექიმმა, ფერნანდო ალონსოს და ვალტერი ბოტასს, მალაიზიის დიდი პრიზის რბოლაში მონაწილეობის უფლება მისცეს. კუალა ლუმპურში გამგზავრებამდე, ალონსო კემბრიჯში, FIA-ს მიერ მიწვეულ ექიმებსაც გაესინჯა, რომლებმაც მისი ჯანმრთელად ყოფნა დაადასტურეს.

Wednesday, March 25, 2015

„რეინჯ როვერ სპორტ HST“ ნიუ იორკში დებიუტამდე

LR To Debut 380PS 2016 Range Rover Sport HST In New York
25 მარტი
„ლენდ როვერი“ უკვე დიდი ხანია, აწარმოებს თავისი პოპულარული „რეინჯ როვერ სპორტის“ ყველაზე მძლავრ ვერსია SVR-ს, რომლის ძრავიც 550 ცხენის ძალას ავითარებს. მაგრამ ეს ყველაფერი არაა და ბრიტანული კომპანია კიდევ ერთ ტემპერამენტიან ავტომობილს გვპირდება. პირობას კი ვერსია HST-ს სახით განახორციელებს.

Tuesday, March 24, 2015

„რენო“ აღიარებს, რომ მისი ძრავები წელს ვერ მოიგებენ

Renault admits a Formula 1 race-winning engine won't happen in 2015
24 მარტი
„რენო“ აცხადებს, რომ მის პარტნიორ გუნდებს, „რედ ბულსა“ და „ტორო როსოს“, მინიმუმ ერთი სეზონით მოცდა მოუწევთ, სანამ მისგან გამარჯვებისთვის საჭირო დონეზე მომზადებულ ძრავებს მიიღებენ. ფრანგული კომპანიის ეს განცხადება მოჰყვა „რედ ბულის“ და „ტორო როსოს“ კრახს ავსტრალიის დიდ პრიზზე, სადაც ორივე გუნდმა თითო ძრავი დაკარგა. ამის გამო, ავსტრიული გუნდის შეფმა კრისტიან ჰორნერმა, „რენოს“ კრიტიკის ქარცეცხლი დაატეხა.

ძალიან მდიდრული „რეინჯ როვერი“ სადებიუტოდ ემზადება

Luxurious Range Rover to be unveiled at the New York motor show
24 მარტი
რამდენიმე დღე და ნიუ იორკის მოტორ შოუზე, უგზოობის მოდელ „რეინჯ როვერის“ ახალი ვერსიის პრემიერა გაიმართება. ეს ინფორმაცია „იაგუარ ლენდ როვერმა“ სპეციალური ფოტო ტიზერის გამოქვეყნებით გაავრცელა. უგზოობის ავტომობილის გარდა, იმავე გამოფენაზე ასევე ვიხილავთ ამავე კომპანიის შემდეგი თაობის სედან „იაგუარXF-ს“, რომელიც საზოგადოების წინაშე პირველად წარსდგება.

Monday, March 23, 2015

საქართველოს 2015 წლის ჩემპიონატი წრიულ რბოლებში და ახალი გამოწვევები

23 მარტი

5 აპრილს სტარტს აიღებს საქართველოს 2015 წლის ჩემპიონატი წრიულ რბოლებში. ისევე როგორც წინა წლებში, ამჯერადაც რუსთავის და ისტანბულის ტრეკებზე, დაძაბული რბოლების მოწმენი გავხდებით - როგორც ყოველთვის, ფორმულა ალფასა და ლეჯენდსის კლასებში, ასევე „ჰონდას“ მონო კლასში, გამარჯვებისთვის უშეღავათო რბოლების მოწმენი ვართ ხოლმე. ახალი სეზონიდან კი მაყურებელს ტრიბუნაზე ახალი კლასი - „ბეემვე“ კომპაქტიც მოიზიდავს. ამის გარანტიას, საქართველოში ბავარიული კომპანიის პოპულარობა იძლევა.

„ფორდმა“ პიკაპი „რეინჯერი“ განაახლა

Facelifted Ford Ranger Officially Unveiled
23 მარტი
„ფორდმა“ ინტერნეტით თავისი განახლენული პიკაპი „რეინჯერი“ გაგვაცნო და მისი პირველი ფოტოები გამოაქვეყნა. განახლებულ ავტომობილს ახალი წინა ნაწილი და გადახალისებული ინტერიერი აქვს. ამასთან გაუმჯობესებული ძრავებით და უახლესი ტექნოლოგიებითაცაა აღჭურვილი. ახალი „რეინჯერი“, მსოფლიოს 180 ქვეყნის ბაზარზე იქნება ხელმისაწვდომი.

Sunday, March 22, 2015

„მერსედესი“ მზად იყო, გერმანული ეტაპის ხარჯების ნახევარი დაეფარა

Mercedes offered to cover half of German GP losses
22 მარტი
გერმანული კომპანია მზად იყო, გერმანიის დიდი პრიზის გამართვის შემთხვევაში, მისი ზარალის ნახევარი საკუთარ თავზე აეღო. მაგრამ ჰოკენჰაიმრინგის და ნურბურგრინგის ახალმა მფლობელებმა რბოლის ჩატარებისგან მაინც თავი შეიკავეს. უფრო სწორედ, მათ ფ1-ის პრომოუტერ ბერნი ეკლსტოუნთან შეთანხმებას ვერ მიაღწიეს.

ალონსოს კემბრიჯელი ექიმები გასინჯავენ

Alonso to see doctors at Cambridge University
22 მარტი
სანამ მალაიზიის დიდ პრიზზე მისი გამოსვლის საკითხი გადაწყდბოდეს, ფერნანდო ალონსო კემბრიჯში გაემგზავრა, სადაც ცნობილი უნივერსიტეტის სამედიცინო ცენტრში, შემოწმებას გაივლის. მას სამი ექიმი გასინჯავს, რომლებიც ამისათვის საერთაშრისო საავტომობილო ფედერაციამ (FIA) დაიქირავა. სწორედ მათ უნდა გადაწყვიტონ, შეიძლება თუ არა მსოფლიოს ორგზის ჩემპიონის რბოლაში გამოსვლა.

Saturday, March 21, 2015

5 მილიონი ავტომობილი ეკობუსტის ძრავით

Ford’s 5-Millionth EcoBoost-Equipped Vehicle Is a 1.0L Focus
21 მარტი
„ფორდმა“ გარემოსადმი მეგობრული ტექნოლოგიების დამკვდრების მიმართულებით, კიდევ ერთი მნიშვნელოვანი ზღვარი გადალახა - სერია ეკობუსტის ძრავით აღჭურვილი მე-5 მილიონე ავტომობილი გამოუშვა. ავტომობილი, რომელსაც რიცხვი 5 000 000 კაპოტზე აწერია, არის ჰეჩბეკი „ფოკუსი“, რომელიც ქალაქ უეინის (შტატი მიჩიგანი) ქარხანამ გამოუშვა. ის 1.0-ლიტრიანი სამცილინდრიანი ძრავითაა აღჭურვილი, რომელიც ეკობუსტის ოჯახის ყველაზე პატარა წევრია. ამ ძრავით აღჭურვილი „ფოკუსი“, ასი კილომეტრის გასავლელად მხოლოდ 5.6 ლიტრ საწვავს მოიხმარს.

„იაგუარ ლენდ როვერი“ ამერიკულ ქარხანას მოგვიანებით ააშენებს

Jaguar Land Rover's U.S. Plant Must Wait For More Sales
21 მარტი
„იაგუარ ლენდ როვერი“ შეერთებულ შტატებში ქარხნის მშენებლობას აპირებს, მაგრამ ეს უახლოეს წლებში არ მოხდება. ბრიტანული კომპანიის მთავარმა აღმასრულებელმა რალფ შპეტმა „ავტომოტივ ნიუსთან“ საუბრისას განაცხადა, რომ ქარხნის მშენებლობასთან დაკავშირებულ გადაწყვეტილებას მისი კომპანია სამ წელიწადში მიიღებს. „იაგუარ ლენდ როვერმა“ ახლახანს ახალი ქარხნები ჩინეთსა და ბრაზილიაში აამუშავა და ამჟამად მათს სრულად დატვირთვას ცდილობს.

Friday, March 20, 2015

გერმანიის დიდი პრიზი წელს არ გაიმართება

German Grand Prix officially cancelled from 2015 Formula 1 calendar
20 მარტი
საერთაშორისო საავტომობილო ფედერაციის (FIA) განცხადებით, მიმდინარე სეზონში გერმანიის დიდი პრიზი აღარ გაიმართება. 1960 წლის შემდეგ, ეს პირველი შემთხვევა იქნება, როცა გერმანიაში ფ1-ის რბოლა არ ჩატარდება. როგორც ცნობილია, გერმანიის დიდი პრიზი მორიგეობით, ნურბურგრინგზე და ჰოკენჰაიმრინგზე ტარდება ხოლმე. წელს ნურბურგრინგის ჯერი იყო, მაგრამ ტრეკის ახალმა მფლობელებთან მოლაპარაკება ჩაიშალა და მათ უარი თქვეს ფ1-ის რბოლის მიღებაზე.

Thursday, March 19, 2015

ბიანკის ქულებმა „მენორი“ გადაარჩინა

Booth says Bianchi points saved Manor
19 მარტი
„მენორის“ შეფი ჯონ ბუთი ამბობს, რომ მისი გუნდი ამჟამად ფორმულა ერთში ვერანაირად ვერ იქნებოდა, რომ არა ჟიულ ბიანკის მიერ მონაკოს დიდი პრიზის რბოლაში მოპოვებული ქულები. ფრანგმა მრბოლმა ბრიტანულ გუნდს, მის ისტორიაში საუკეთესო შედეგი - მეცხრე ადგილი და მასთან ერთად, ორი ქულა მოუპოვა.

ფელიპე ნასრი: „ზაუბერს“ მეტი შეუძლია

Nasr: More to come from Sauber
19 მარტი
ფელიპე ნასრი ავსტრალიის დიდი პრიზის ნამდვილი აღმოჩენა გახდა - მისგან და „ზაუბერისგან“ მეხუთე ადგილს არავინ ელოდა. რა თქმა უნდა, ეს ნწილობრივ „ფერარის“ მკვეთრად გაუმჯობესებული ძრავის დამსახურებაცაა. და ბრაზილიელი პილოტი ირწმუნება, რომ შვეიცარიული გუნდის მიერ შექმნილ ბოლიდს გაცილებით მეტი შეუძლია.

„სუზუკიმ“ „ალტო ტურბო RS-ის“ წარმოება დაიწყო

Suzuki Sports Up its Alto Kei Car with Turbo RS Version in Japan
19 მარტი
„სუზუკიმ“ თავის პოპულარულ კეიქარ „ალტოს“ ტემპერამენტიანი ვერსია, „ტურბო RS“ გამოუშვა. ეს ავტომობილიც სერიული „ალტოს“ სამცილინდრიანი 0.66-ლიტრიანი ძრავით აღიჭურვა, რომელსაც ამჯერად ტურბო დამჭირხნი ემსახურება. ძრავთან კი უახლესი, 5-საფეხურიანი ავტომატიზებული მექანიკური კოლოფი (AGS - ავტო გიარ შიფტ) მუშაობს, რომლის საფეხურებიც, საჭესთან განლაგებული ბერკეტებით იცვლება.

Wednesday, March 18, 2015

„ფორდმა“ პატარა ქროსოვერი „ეკოსპორტი“ განაახლა

2016 Ford EcoSport Loses Exterior Spare Wheel, Gets Equipment and Handling Updates
18 მარტი
„ფორდმა“ თავისი ყველაზე პატარა ქროსოვერი „ეკოსპორტი“ განაახლა, რის შემდეგაც, პირველად ჟენევის მოტორ შოუზე წარადგინა. ამიერიდან, ავტომობილის გამაში უფრო მძლავრი დიზელის ძრავიც შევა. ამასთან, სათადარიგო ბორბალმა ავტომობილის უკანა კარის სპეციალური სამაგრიდან, საბარგულში გადაინაცვლა.

Tuesday, March 17, 2015

„რენომ“ შეცდომა აღიარა

Renault says last-minute push to blame for F1 woes
17 მარტი
„რენო“ აცხადებს, რომ ავსტრალიის დიდ პრიზზე „რედ ბულის“ ჩავარდნა იმის ბრალია, რომ სეზონისთვის მზადების პროცესში, ძრავის სრულყოფის ძალიან აგრესიული მეთოდოლოგია გამოიყენეს. თუმცა იქვე ირწმუნება, რომ ამ პრობლემას მალე გამოასწორებს. ამ პრობლემების გამო, ფრანგულმა კომპანიამ თავისი ავსტრიელი პარტნიორისგან მკაცრი კრიტიკა დაიმსახურა.

ფ1 გერმანული ეტაპის გარეშე?

Hockenheim rules out hosting German GP
17 მარტი
დიდი ალბათობით, ფორმულა ერთის მიმდინარე სეზონი, გერმანული ეტაპის გარეშე დარჩება. ამის მიზეზი ისაა, რომ ჰოკენჰაიმრინგი რბოლის მასპინძლობაზე კონტრაქტის გაფორმებას არ აპირებს. არადა, ახლახანს ბერნი ეკლსტოუნმა განაცხადა, რომ ჰოკენჰაიმრინგი ერთადერთი გერმანული ტრეკია, რომელსაც გერმანიის დიდი პრიზის მასპინძლობა შეუძლია.

Monday, March 16, 2015

კონცეპტუალურ ახალ „დიფენდერს“ 2016 წელს ვნახავთ

New Land Rover Defender Edges Nearer to 2016 Debut as Concept Vehicle
16 მარტი
ეს ავტომობილი 1948 წელს დაიბადა და 1983 წლამდე პირველი, მეორე და მესამე სერიების სახით გამოდიოდა. შემდგი ორი წლის განმავლობაში, ამ ავტომობილს ინდექსად 90, 110 და 127 ეწერა. 1985 წელს კი პირველად გამოჩნდა სახელი „დიფენდერი“, რომელიც ახლანდელი სახით მალე მოიხსნება კონვეიერიდან. თუმცა, არც მისი შემცვლელი გვალოდინებს დიდხანს.

„რედ ბული“ ფორმულა ერთის დატოვებით იმუქრება

Red Bull could quit Formula 1 over current rules - Helmut Marko
16 მარტი
კომპანია „რედ ბულის“ მოტორსპორტის საქმეთა მრჩეველი ჰელმუტ მარკო ამბობს, რომ ახლანდელი ტექნიკური რეგლამენტი „ფორმულა ერთს მოკლავს“ და სანამ ეს მოხდება, ავსტრიული გუნდი მსოფლიო ჩემპიონატიდან წავა. მსოფლიოს ოთხგზის ჩემპიონ საჯინიბოს ძალიან წარუმატებელი გამოსვლა ჰქონდა ავსტრალიაში - მისმა ლიდერმა დანიელ რიკარდომ მხოლოდ მეექვსე ადგილის დაკავება შეძლო, მისი თანაგუნდელი დანილ კვიატი კი სტარტზეც კი ვერ დადგა.

არივაბენემ სამიზნეში „მერსედესი“ ამოიღო

Arrivabene says Ferrari must target Mercedes now
16 მარტი
ავსტრალიის დიდი პრიზის რბოლაში „ფერარის“ კარგი გამოსვლის შემდეგ, მარანელოელთა შეფმა მაურიციო არივაბენემ განაცხადა, რომ ამიერიდან, მისმა გუნდმა ყურადღება „მერსედესთან“ ჩამორჩენის შემცირებაზე უნდა გადაიტანოს. გასული წარუმატებელი სეზონის შემდეგ, მარანელოელების ახალწვეულმა სებასტიან ფეტელმა კვარცხლბეკის მესამე საფეხური დაიკავა და უიღბლობა რომ არა, კიმი რაიკონენს მეოთხე ადგილის რეალური შანსი ჰქონდა.

Sunday, March 15, 2015

„ფერარი“ და რაიკონენი ჯარიმას გადაურჩნენ

No penalty for Ferrari, Raikkonen
15 მარტი
კიმი რაიკონენს მალაიზიის დიდი პრიზისთვის ჯარიმა ემუქრებოდა, რისი მიზეზიც შესაძლოა ის ფაქტი გამხდარიყო, რომ მას მეორე პიტსტოპზე მექანიკოსებმა ცუდად დაუმაგრეს უკანა მარცხენა ბორბალი. მოგვიანებით, ამის გამო „ფერარის“ ფინლ მრბოლს გაჩერება მოუწია.

ჩემპიონური დასაწყისი და... I’ll be back

Motor racing-Hamilton wins Australian Grand Prix for Mercedes
15 მარტი
ცოტა არ იყოს, უცნაური დასაწყისი კი გამოვიდა. ოღონდ, უცნაურობა ლუის ჰამილტონის და „მერსედესის“ გამარჯვებას და აბსოლუტურ დომინაციას არ ეხება. უცნაური იყო ის, რომ რბოლას სტარტამდე სამი მონაწილე გამოეთიშა. მეორეც, ფინიშს მხოლოდ 11-მა მანქანამ მიაღწია. მესამე - დებიუტანტმა ფელიპე ნასრმა მეხუთე ადგილი დაიკავა, ჯენსონ ბატონი კი ბოლოზე გავიდა. დაბოლოს, დაჯილდოების ცერემონიის შემდეგ, სახელდახელო ინტერვიუ ფ1-ის რომელიმე „ყოფილმა“ კი არა, თვით „ტერმინატორმა“ არნოლდ შვარცენეგერმა აიღო და რა თქმა უნდა, ბოლო სიტყვაც თვითონ თქვა - I’ll be back!

Saturday, March 14, 2015

ახალი „მუსტანგის“ ყველაზე პოპულარული ფერები

Red, Black Most Popular Ford Mustang Colors
14 მარტი
მართალია, ახალი „მუსტანგი“ გლობალური ავტომობილი გახდა, მაგრამ მისთვის მთავარ ბაზრად ისევ შეერთებული შტატები რჩება და ბუნებრივია, კომპანიას ამ ბაზრის ყველა თავისებურება აინტერესებს. მითუმეტეს ისეთი, რომელიც ავტომობილების გაყიდვებზე გავლენას ახდენს. ერთ-ერთი ასეთი თავისებურება, ავტომობილის ფერია.

ფეტელი „მერსედესის“ უზარმაზარ უპირატესობას აღიარებს

Vettel admits gap to Mercedes is "huge"
14 მარტი
სებასტიან ფეტელმა განაცხადა, რომ კმაყოფილია „ფერარის“ მომზადების დონით, თუმცა აღიარებს, რომ მის გუნდს „მერსედესამდე“ კვლავაც უფსკრული აშორებს. მსოფლიოს ოთხგზის ჩემპიონმა, ავსტრალიის დიდი პრიზის კვალიფიკაციაზე მეოთხე დრო დააფიქსირა, რითაც კიდევ ერთხელ დაადასტურა, რომ „ფერარი“ კონსტრუქტორთა პირველობაზე, მეორე ადგილისთვის „უილიამსთან“ პაექრობისთვის მზადაა.

ბოტასი ჰოსპიტალში

Bottas taken to hospital for back checks
14 მარტი
ავსტრალიის დიდი პრიზის კვალიფიკაციის შემდეგ, „უილიამსის“ ვალტერი ბოტასი ჰოსპიტალში გადაიყვანეს. ფინელმა მრბოლმა ასპარეზობა მეექვსე ადგილზე დაასრულა, თუმცა მანქანიდან დაუხმარებლად გადმოსვლა ვერ შეძლო და პადკშიც კოჭლობით გაიარა. მოგვიანბით გაირკვა, რომ ბოტასს ზურგის ძლიერი ტკივილი ჰქონდა.

ჩემპიონმა პოულით დაიწყო

Motor racing-Hamilton takes pole for Mercedes in Australia
14 მარტი
„მერსედესის“ პილოტებს რომ კონკურენტი არც ამჯერად ეყოლებათ, ეს თავისუფალი პრაქტიკების დროსაც გამოჩნდა. მაგრამ თუ კვალიფიკაციაზე მათ 0.594 წამი - ნამდვილი უფსკრული დააშორებდა, ამას ალბათ ბევრი ვერ წარმოიდგენდა. მითუმეტეს, გასულ სეზონში ნიკო როსბერგი ლუის ჰამილტონს კვალიფიკაციაზე უფრო ხშირად სჯობნიდა, ვიდრე რბოლაში. მოკლედ, მსოფლიოს ჩემპიონმა თავის კარიერაში 39-ე პოული მოიპოვა.

Friday, March 13, 2015

მასა „ფერარის“ სიჩქარემ გააოცა

Massa says Ferrari's pace "incredible"
13 მარტი
პირველი ორი პრაქტიკის შემდეგ, „ფერარის“ სიჩქარით გაკვირვებული დარჩა ფელიპე მასა. ასთან, ბრაზილიელმა აღიარა, რომ „მერსედსი“ კვლავაც სხვებზე ერთი თავით წინაა. „აშკარაა, რომ „ფერარის“ ხანგრძლივ გამოსვლებზე ძალიან კარგი დროები აქვს. ამიტომ თვალი მათზე უნდა გვეჭიროს“.

რიკარდოს ძრავმა უმტყუნა

Motor racing-Engine problems force Ricciardo to miss practice
13 მარტი
ახალი სეზონი დანავსულად დაიწყო „რედ ბულისა“ და მისი ლიდერის, დანიელ რიკარდოსთვის - ავსტრალიელის მანქანაზე, პირველივე პრაქტიკისას საჭრო გახდა ძალური დანადგარის შეცვლა. რიკარდომ მხოლოდ ცხრა წრის გავლა მოასწრო და ძრავის გამო გაჩერდა. მეორე სესია კი იმის გამო გააცდინა, რომ მის მანქანაზე ძრავის გამოცვლა ვერ მოესწრო.

მელბურნში ფ1-ის ახალმა სეზონმა სტარტი აიღო

Motor racing-Mercedes dominant at Australia GP practice
13 მარტი
მელბურნში, ალბერტ პარკის ტრეკზე სტარტი აიღო ფორმულა ერთის 2015 წლის მსოფლიო ჩემპიონატმა. და პირველივე თავისუფალმა პრაქტიკებმა აჩვენა, რომ შეგვიძლია, ის გასული სეზონის ერთგვარ გაგრძელებად ჩავთვალოთ - ტრასაზე ისევ „მერსედესის“ პილოტები დომინირებენ, დანარჩენები სამქიმიანთა „ნასუფრალისთვის“ იბრძოლებენ. ყოველ შემთხვევაში, პირველ ორ პრაქტიკაზე, გერმანული გუნდის ორივე პილოტი სხვებზე თითქმის წამით წინაა.

Thursday, March 12, 2015

„ფორდ ფიესტა R2“ რალისთვის ერთლიტრიანი ეკობუსტით

Ford Fiesta R2 Rally Car Gets a 170PS 1.0L EcoBoost Engine
12 მარტი
„ფორდმა“ რალის რბოლებისთვის „ფიესტას“ ახალი ვერსია, „ფიესტა R2“ მოამზადა, რომელიც პირველად ჟენევის მოტორ შოუზე წარადგინა. ავტომობილი სერია ეკობუსტის 1.0-ლიტრიანი ძრავითაა აღჭურვილი. ეს კი პირველი სამცილინდრიანი ძრავის მქონე სარბოლი ავტომობილია, რომელმაც FIA-ს ჰომოლოგაცია მიიღო.

„სუზუკიმ“ უნგრეთში „ვიტარას“ წარმოება დაიწყო

First Suzuki Vitara Rolls Off the Assembly Line in Hungary
12 მარტი
„სუზუკიმ“ უნგრეთის ქალაქ ესტერგომში, ახალი „ვიტარას“ წარმოება დაიწყო. ქარხნის კონვეიერიდან პირველი ავტომობილი, უნგრეთის პრემიერ მინისტრმა, ვიკტორ ორბანმა გამოიყვანა, ვისთვისაც ეს ადრეც არაერთხელ გაუკეთებია. კერძოდ, ქარხნიდან პირველი „ვაგონერ R+“ 2000 წელს სწორედ მან გამოაგორა. მასვე ერგო პატივი, 2010 წელს პირველს ემართა ამავე ქარხანაში გამოშვებული, მესამე თაობის „სვიფტი“ და 2013 წელს გამოშვებული „SX-4 S-ქროსი“.

Wednesday, March 11, 2015

„რენომ“ მოდიფიცირებული აგრეგატი გაგვაცნო

Renault reveals power unit gains
11 მარტი
„რენომ“ თავისი ფორმულა ერთის ჰიბრიდული აგრეგატის ახალი მოდიფიკაციის ზოგიერთი თავისებურება გაგვაცნო. როგორც ფრანგული კომპანია აცხადებს, განახლებული აგრეგატი, მის წინამორბედთან შედარებით, 25 პროცენტით მეტ თბურ ენერგიას აღადგენს. ოღონდ, არ აკონკრეტებს, ეს რის ხარჯზე მოხერხდა. სამაგიეროდ, „რენო სპორტ ფ1-ის“ მმართველ დირექტორ სირილ აბიტბულის თქმით, აგრეგატი დაახლოებით 5 პროცენტით ნაკლებ საწვავსაც მოიხმარს. და ხარჯი, ავტომობილის პრაქტიკულად ნებისმიერი სიჩქარისას არ იცვლება.

ბერგერი: „მერსედესთან“ კონკურენცია მხოლოდ „ჰონდას“ შეუძლია

Only Honda can match Mercedes – Berger
11 მარტი
ფორმულა ერთის ყოფილი პილოტი, ავსტრიელი გერჰარდ ბერგერი ამბობს, რომ ძრავების სიმძლავრის მხრივ, მხოლოდ „ჰონდას“ შეუძლია „მერსედესთან“ გატოლება. თუმცა, იმასაც დასძენს, რომ „მაკლარენის“ ამჟამინდელი პრობლემები სწორედ იაპონური კომპანიის ძრავისგან მოდის.

Tuesday, March 10, 2015

კონცეპტი iK-2 – „სუზუკის“ კომპაქტური ჰეჩბეკის მომავალი სახე

Suzuki Tackles B-Segment With iK-2 Hatchback Concept
10 მარტი
ჟენევის მოტორ შუზე, „სუზუკიმ“ ახალი კონცეპტუალური სუბკომპაქტური ჰეჩბეკი iK-2 წარადგინა, დიზაინის ახალ, „თხევადი დინების“ თემაზეა შექმნილი. კონცეპტი უახლეს პლატფორმაზეა ბაზირებული და ელეგანტური ფორმებით გამოირჩევა. ამასთან, იაპონურმა კომპანიამ მასზე ტექნოლოგიური სიახლეებიც გამოიყენა, რომლებიც ავტომობილს, ძალიან კონკურენტულ, B-სეგმენტში დამკვიდრებაში უნდა დაეხმაროს.

„მერსედესი“: „ფერარი“ ძლიერად გამოიყურება

Mercedes: Ferrari looks strong heading to F1 season opener
10 მარტი
„მერსედესის“ ფორმულა ერთის გუნდში მიაჩნიათ, რომ „უილიამსის“ გარდა, ტესტებზე სისწრაფით „ფერარის“ მანქანებიც გამოირჩეოდა. მოქმედმა ჩემპიონებმა, ტესტების უმეტესი ნაწილის განმავლობაში, აქცენტი მანქანის გამძლეობაზე გამოცდებსა და სავსე ავზებით ვარჯიშებზე გააკეთეს, რის გამოც, ცხრილში მოწინავე პიზიციაზე ძირითადად სხვა გუნდების პილოტები ხვდებოდნენ.

Monday, March 9, 2015

ახალი „ფორდ ფოკუს RS-ის“ დებიუტი ჟენევაში

Ford Debuts New Focus RS in Geneva, Still Doesn’t Say How Much Power it Makes
9 მარტი
ჟენევის მოტორ შოუზე ახალი, მესამე თაობის „ფოკუს RS-ის“ წარდგენისას, „ფორდმა“ მის თვისებათა შორის ხაზგასმით დრიფტის ღილაკი და ლონჩ კონტროლი მოიხსენია. სამაგიეროდ, ზსტი სიმძლავრე კვლავ არ გაამხილა და თქვა, რომ სერია ეკობუსტის 2.3-ლიტრიანი ძრავი, რომლითაც ეს ავტომობილი არის აღჭურვილი, 315 ცხენის ძალაზე მეტს იძლევა. ეს ძალა კი, წინა RS-ისგან განსხვავებით, ყველა წამყვან ბორბალს მიეწოდება.

„რედ ბული“ მელბურნისთვის მზადაა

Ricciardo insists Red Bull is ready for Melbourne
9 მარტი
ფორმულა ერთის ახალი სეზონის წინ, ოპტიმისტურადაა განწყობილი „რედ ბულის“ ახალი ლიდერი, ავსტრალიელი დანიელ რიკარდო უარყოფს მოსაზრებას იმის შესახებ, რომ RB11-ს სისწრაფე აკლია. ის დარწმუნებულია, რომ ტესტებზე წარმოქმნილი რამდენიმე პრობლემის მიუხედავად, გუნდი მელბურნში კარგად მომზადებული ჩადის.

ოჟიემ მექსიკაშიც გაიმარჯვა

Rallying-Ogier completes hat-trick of wins in Mexico
9 მარტი
მსოფლიოს ორგზის ჩემპიონმა სებასტიან ოჟიემ ამ სეზონის მესამე რბოლაც მოიგო. ამჯერად ის ყველაზე სწრაფი მექსიკის რალიზე იყო, რომლის დაწყებამდეც ამბობდა, აქ გამარჯვება თითქმის შეუძლებელიაო. ამის მიზეზად იმ ფაქტს ასახელებდა, რომ სპეცმონაკვეთებზე პირველს უწევდა გასვლა, რაც გრუნტიან გზებზე უპირატესობას მეტოქეებს ანიჭებს.

Friday, March 6, 2015

განახლებული „რეინჯ როვერ ევოუკის“ პრემიერა ჟენევაში

Facelifted Range Rover Evoque revealed
6 მარტი
„ლენდ როვერის“ ყველაზე პოპულარულ მოდელ „რეინჯ როვერ ევოუკს“ განახლების დრო დაუდგა და ბრიტანულმა კომპანიამ ის ახალი მაკიაჟით ჟენევის მოტორ შოუზე გვიჩვენა. არამარტო მაკიაჟით, ახალი ძრავებითა და შუქდიოდური ფარებითაც. დაკიდევ, ოფიციალური ინფორმაციით იმის შესახებ, რომ მყიდველს მალე „ევოუკის“ ღია ვერსიის შეძენის საშუალებაც ექნება.

ალონსო მალაიზიისთვის ემზადება

Alonso working on fitness amid 'science fiction' stories
6 მარტი
ფერნანდო ალონსო დიდი მონდემებით ემზადება ახალი სეზონისთვის, რომელიც მისთვის მეორე ეტაპიდან, მალაიზიის დიდი პრიზით იწყება. ბრიტანულ ტაბლოიდ „დეილი მეილის“ მიერ გამოქვეყნებული ინფორმაცია იმის შესახებ, რომ თითქოს, მსოფლიოს ორგზის ჩემპიონის კარიერის მომავალიც კი კითხვის ნიშნის ქვეშ დგას, მხოლოდ სპეკულაციაა. გაზეთმა ამ ინფორმაციის წყაროდ, „მაკლარენის“ თანამშრომელი დაასახელა, თუმცა მისი ვინაობა არ გაამხილა.

Thursday, March 5, 2015

კონცეპტუალური „სუზუკი iM-4“ - პატარა და მუშა

Suzuki's iM-4 Concept is a Cute Yet Capable Offroader
5 მარტი
თუ თქვენ პატარა, სასიამოვნო გარეგნობის, ეკონომიური და ყველგანმავალის თვისებების მქონე ავტომობილის შეძენას აპირებთ, „სუზუკი“ მალე სწორედ ასეთს შემოგთავაზებთ. მისი სახელის გამოცნობა ძნელი არ უნდა იყოს, თუმცა იაპონურმა კომპანიამ, მის კონცეპტუალურ წინამორბედ iM-4-ის ჟენევის მოტორ შოუზე წარდგენისას, დაკონკრეტებისგან თავის შეკავება ამჯობინა - ამის დროც მალე მოვა.