დიდი არჩევანი, კარგი ფასები

Thursday, January 30, 2014

ჩემპიონებმა ტესტები პრობლემებით დაიწყეს

Red Bull were struggling again on Thursday when their car broke down on track
30 იანვარი
ხერესის ტესტები პრობლემებით დატვირთული გამოდგა ჩემპიონი „რედ ბულისა“ და მისი პარტნიორი „რენოსთვის“. ჯერ იყო და, ორი დღე ტრეკზე ტყუილად დაჰყო მსოფლიო ჩემპიონმა სებასტიან ფეტელმა (ორ დღეში მხოლოდ 11 წრის გავლა შეძლო), რომელმაც თავისი სავარჯიშო პერიოდის გასვლისთანავე, უკომენტაროდ დატოვა ტრეკი. და არც მის ახალ თანაგუნდელ დანიელ რიკიარდოს გაუმართლა, რომელიც პირველივე წრეზე გაჩერდა...

შუმახერი მარტივ მითითებებზე რეაგირებს

Schumacher 'blinked' as doctors move to end coma
30 იანვარი
მართალია, ექიმები ჯერ რაიმე პროგნოზისგან თავის შეკავებას ამჯობინებენ, თუმცა აღიარებენ, რომ მიხაელ შუმახერის მართვადი კომიდან გამოყვანის პროცესი დაიწყო. უფრო მეტიც, მსოფლიოს შვიდგზის ჩემპიონმა თვალებიც დაახამხამა და მარტივ მითითებებზე რეაგირებაც დაიწყო.

Wednesday, January 29, 2014

შუმახერს კომიდან თანდათან გამოიყვანენ

Michael Schumacher Might be Slowly Woken up From His Coma
29 იანვარი
ფრანგულმა გაზეთმა „ლ’ეკიპმა“ გამოაქვეყნა ინფორმაცია იმის შესახებ, რომ ექიმები მიხაელ შუმახერს კომიდან გამოყვანას უპირებენ. ეს იქნება ნელი და ხანგრძლივი პროცესი, რომლის განმავლობაშიც, მსოფლიოს შვიდგზის ჩემპიონის მდგომარეობას მუდმივად დააკვირდებიან.

Tuesday, January 28, 2014

„ფორდი“ ახალ გლობალურ მოდელს ნიუ დელიში წარადგენს

Ford Teases New Global Concept for Delhi Auto Expo
28 იანვარი
„ფორდმა“ თავისი ახალი ავტომობილის ფოტო ტიზერი გამოაქვეყნა, ავტომობილის, რომლის პრემიერასაც ნიუ დელის ავტო ექსპოზე გამართავს. ამერიკული კომპანიის რელიზში აღნიშნულია, რომ ავტომობილი, რომლის სახელიც ჯერჯერობით არ გახმაურებულა, გლობალურ პლატფორმაზეა ბაზირებული, თუმცა მისი აღჭურვილობა, ინდოეთის ბაზრის სპეციფიკის შესაბამისია.

„მერსედეს W05“ - ზომიერი ცხვირი და დიდი ამბიციები

Mercedes-Benz Officially Launches F1 W05 Car at Jerez
28 იანვარი
სამქიმიანები, უფრო სწორედ, ვერცხლისფერ ისრებს, როგორც მათ თავიანთ გუნდს ახალი ბოლიდის პრეზენტაციაზე ოდინდელი მეტსახელი დაუბრუნეს, ამბიციების ნაკლებობას არც ადრე უჩიოდნენ, მაგრამ ახალ სეზონზე ისინი განსაკუთრებულ იმედებს ამყარებენ - რეგლამენტის რადიკალური (და მრავალწერტილოვანი) ცვლილება, მათ (ისევე როგორც სხვა, არანაკლებ ამბიციურ გუნდებს) იმის შანსს აძლევს, რომ „რედ ბულის“ დაუსრულებელ ჰეგემონიას წერტილი დაუსვან. მოკლედ, ეს ძველი სიმღერაა...

Monday, January 27, 2014

„ტორო როსო STR9“ - ნისკარტიანი

Motor racing-Toro Rosso raise eyebrows and questions
27 იანვარი
ფორმულა ერთის ახალი ბოლიდების ცხვირები სახალისო თემად იქცა. ჭიანჭველაჭამია (უილიამსი), სქელშუბლა (ფერარი), ბრჭყალი (მაკლარენი) და ორკაპა (ლოტუსი) - ერთი შეხედვით, ეს ავტომობილები სწორედ მათს მეტსახელებს მოგაგონებთ. და აი, ხერესის ტესტების დაწყებამდე რამდენიმე საათით ადრე, „ტორო როსომ“ თავისი შედევრი გვიჩვენა, რომლის ცხვირიც ალბათ ყველაზე მეტად, მტაცებელი ფრინველის ნისკარტს მოგაგონებთ.

„ფორდი“ ახალ „მუსტანგზე“ შეკვეთების მიღებას მაისში დაიწყებს

2015 Ford Mustang preorders to start in May, production in August - report
27 იანვარი
ინტერნეტ გამოცემა „მუსტანგ 6G-ს“ (ის სპეციალურად, მე-6 თაობის „მუსტანგს“ ეძღვნება) მიერ გავრცელებული ინფორმაციით, ახალ „მუსტანგზე“ შეკვეთების მიღებას „ფორდი“ მაისში დაიწყებს. ავტომობილის წარმოება აგვისტოში დაიწყება, მის მიწოდებას კი მოგვიანებით შეუდგებიან.

ერთი თვე კომაში

No date set for end of Schumacher coma – report
27 იანვარი
თითქმის ერთი თვე გავიდა მას შემდეგ, რაც მიხაელ შუმახერმა, სამთო თხილამურებით სრიალისას მომხდარი ინციდენტის შედეგად, თავის ტვინის უმძიმესი ტრავმა მიიღო. ამ დროის განმავლობაში, ფ1-ის მსოფლიოს შვიდგზის ჩემპიონს, ქალაქ გრენობლის ჰოსპიტლის ექიმები მართვად კომაი ამყოფებენ.

Sunday, January 26, 2014

„ჰიუნდაის“ მოგება 15 პროცენტით გაიზარდა

Hyundai Q4 profits gain 15%, but results fall short
26 იანვარი
„ჰიუნდაიმ“ გამოაცხადა, რომ მეოთხე კვარტალში მისი მოგება 15 პროცენტით, 2.06 ტრილიონ ვონამდე (1.9 მილიარდ დოლარამდე) გაიზარდა. თუმცა ამის მიუხედავად, ეს შედეგი მაინც ვერ მისწვდა ანალიტიკოსთა პროგნოზს. ამასთან, კომპანიის დირექტორთა საბჭოს თავმჯდომარე ჩუნ მონ კოო ამბობს, რომ წელს გაყიდვების ზრდის ტემპის შენელებაა მოსალოდნელი, რასაც კონკურენციის ზრდა და ძლიერი ვონი განაპირობებს.

„ფორდი“ წელს 23 ახალ ავტომობილს გამოუშვებს

Ford to Launch 23 New Products in 2014
26 იანვარი
„ფორდმა“ გამოაცხადა, რომ ბოლო 50 წლის განმავლობაში, 2014 წელი ყველაზე დატვირთული იქნება. გეგმის შესაბამისად, ცისფერი ოვალი 23 ახალ ავტომობილს გამოუშვებს. გარდა ამისა, აზიაში ორი ახალი ქარხანა გაიხსნება, ერთიც - სამხრეთ ამერიკაში. სულ მის ქარხნებში დასაქმებულთა რიცხვი 11 000-ით გაიზრდება, მათ შორის, 5 000 ახალ თანამშრომელს აშშ-შ აიყვანენ.

„ზაუბერ C33“ - კიდევ ერთი ჭიანჭველაჭამია

Sauber launches its 2014 Formula 1 car, the C33
26 იანვარი
თავისი ახალი სარბოლი ავტომობილი, რომლითაც წლევანდელ სეზონში იასპარეზებს, „ზაუბერმაც“ წარმოადგინა. შვეიცარიულმა გუნდმა C33-ის მხოლოდ ორი ფოტო გამოაქვეყნა, რომლებზეც ავტომობილის ცხვირის ნაწილი კარგად არ ჩანს, მაგრამ მაინც შეინიშნება, რომ მანქანას წაგრძელებული ცხვირი აქვს, დაახლოებით ისეთი, როგორიც „მაკლარენის“ ახალ ბოლიდს.

Saturday, January 25, 2014

„ფერარი F14 T“ - სქელშუბლა

Ferrari unveils its 2014 Formula 1 design, the F14 T
25 იანვარი
ესეც მარანელოელთა ახალი კვიცი და მასთან ერთად, კიდევ ერთი „სხვანაირი“ ცხვირი. „ლოტუსისა“ და „მაკლარენის“ ახალი ბოლიდბისგან განსხვავებით, F14 T-ს ვერც ჭიანჭველაჭამიას შეადარებთ და ვერც ბრჭყალს. სამაგიეროდ, ეს ავტომობილი სქელშუბლას (თევზს) მოგაგონებთ, თავისი მკვეთრად დახრილი ცხვირის ნაწილით. როგორც ჩანს, „ფერარიმ“ შეგნებულად დათმო აეროდინამიკის სფეროში, რათა გაჭიმვაზე მომუშავე საკიდარი (ეგრეთ წოდბული პულროდ) შეენარჩუნებინა.

Friday, January 24, 2014

„ლენდ როვერმა“ სიცივის პოლუსი დაიპყრო

Land Rover drives Defender to the Pole of Cold
24 იანვარი
„ლენდ როვერი“ აგრძელებს ურთულეს პირობებში მოგზაურობათა და ასპარეზობათა ციკლს. მისი ჰიბრიდული ავტომობილების ქარავანმა წარმატებით განვლო აბრეშუმის გზა, „რეინჯ როვერ სპორტმა“ კი ჯერ პაიკს პიკი (აშშ) რეკორდული დროით დალაშქრა, შემდეგ კი საუდის არაბეთში მდებარე ქვიშის უდაბნო (მსოფლიოში უდიდესი ქვიშის უდაბნო) ალ-ჰალი (არაბულად ცარიელი მეოთხედი) ასევე რეკორდულ დროში გადაკვეთა. ამჯერად კი „ხმელეთზე მოხეტიალეთა“ ეკიპაჟმა, რომელიც ლეგენდარულ „დიფენდერზე“ (ავტომობილს მათ ექსპედიციის თილისმა შეარქვეს) იყო ამხედრებული, ჩვენი პლანეტის სიცივის პოლუსზეც იმოგზაურა.

„ჰიუნდაი“ ამერიკელებს ახალ ელექტრომობილს უმზადებს

Hyundai promises brand new EV for US within three years
24 იანვარი
ახლახანს ვაშინგტონში საავტომობილო შოუ ჩატარდა, რომელიც პოპულარობით არ გამოირჩევა, თუმცა „ჰიუნდაიმ“ სწორედ იქ გამოაცხადა, რომ სამ წელიწადში ამერიკის ბაზარზე სრულიად ახალ ელექტრომობილს შეიტანს. სხვა მხრივ, კორეულ კომპანიას შოუზე ქროსოვერ „ტუსანის“ ფიჭურ ელემენტიანი ვერსია ჰქონდა წარდგენილი, რომელმაც დიდი ინტერესი გამოიწვია.

„ლოტუს E22“ ორკაპა ცხვირით

Lotus releases first image of its 2014 Formula 1 car
24 იანვარი
„ლოტუსმა“ თავისი ახალი სარბოლი ავტომობილის, E22-ის პირველი ფოტოები გამოაქვეყნა. ბრიტანული გუნდი ხერესის ტესტებს ტოვებს, თუმცა მანქანა უკვე მზადაა და მხოლოდ მცირე სამუშაოებიღა დარჩა შესასრულებელი. რაც მთავარია, მას არ აქვს ისეთი ცხვირი, როგორებიც სხვა საჯინიბოების (მაკლარენის და უილიამსის) მანქანებზე ვნახეთ.

„ფერარის“ ფანებმა ბოლიდის სახელად F14 T აირჩიეს

Motor racing-Ferrari fans settle on F14 T for new F1 car
24 იანვარი
„ფერარი“ თავის ახალ ბოლიდს ხვალ წარმოგვიდგენს, მისი სახელი კი პრეზენტაციამდე რამდენიმე საათით ადრე გაგვაცნო. როგორც ცნობილია, ახალი სარბოლი მანქანისთვის სახელის შესარჩევად, მარანლოელებმა სპეციალური კონკურესი ჩაატარეს, რომლის დროსაც, სკუდრიას ფანებს, საკუთარი არჩევანის დაფიქსირება შეეძლოთ. ამისათვის, სახელის რამდნიმე ვარიანტი სპეციალურ ვებ გვერდზე განათავსდა, ფანებს კი არჩევანი ამ საიტზევე უნდა გაეკეთებინათ.

„მაკლარენმა“ MP4-29 წარმოადგინა

McLaren reveals its 2014 Formula 1 car
24 იანვარი
თუ „უილიამსის“ ახალი ბოლიდის ცხვირი ჭიანჭველაჭამიას ცხვირს მოგაგონებთ, „მაკლარენის“ ახალ მანქანას თავისუფლად შეიძლება ცხვირდეზიანი (თუნდაც ცხვირბრჭყალიანი) ვუწოდოთ. ყოველ შემთხვევაში, უოკინგელთა მიერ გამოქვეყნებულ ფოტოებზე, მათი უახლესი MP4-29 სწორედ ისეთ შთაბეჭდილებას ტოვებს, თითქოს ცხვირზე რომელიმე მტაცებელი ფრინველის, ან ცხოველის დეზი, ან ბრჭყალი მიუბამთო.

Thursday, January 23, 2014

„ფორდი“ ამერიკაში ყველაზე პოპულარული საავტომობილო ბრენდია

Ford Is America’s Best-Perceived Auto Brand in 2013
23 იანვარი
გასული წლის მონაცემებით, „ფორდმა“ ამერიკის ბაზარზე დაახლოებით 2.5 მილიონი ავტომობილი გაჰყიდა და ზედიზედ მეოთხედ შეინარჩუნა ამერიკის ყველაზე პოპულარული საავტომობილო ბრენდის სტატუსი. გარდა ამისა, ცისფერმა ოვალმა, ამერიკაში მეორე ყველაზე აღქმადი ბრენდის სტატუსიც მიიღო და ამ მხრივ, მას მხოლოდ ონლაინ ვაჭრობის ვებგვერდმა „ამაზონმა“ აჯობა.

„ლენდ როვერმა“ სახელი „ლენდი“ დაარეგისტრირა

Land Rover Bags Landy Name, May Use It For Compact Crossover
23 იანვარი
„ლენდ როვერის“ ბიზნესი არნახულ წარმატებებს აღწევს, კომპანია გაყიდვების და მოგების რეკორდებს ერთმანეთის მიყოლებით ხსნის. ამას უპირველესად, ბაზარზე ახალი და სრულიად ახალი მოდელების გამოშვების ხარჯზე აღწევს. თუმცა მიღწეულს არ სჯერდება და ექსპანსიას აგრძელებს. ამის მაგალითად შეგვიძლია მოვიყვანოთ ის ფაქტი, რომ ახლახანს ბრიტანულმა კომპანიამ, მისთვის სრულიად ახალ სახელ „ლენდის“ კომერციული უფლების მოპოვებაზე შეიტანა განაცხადი.

„მაკლარენს“ ჯერ ტიტულოვანი სპონსორი არ ჰყავს

Motor racing-McLaren will not have new title sponsor for car launch
23 იანვარი
„მაკლარენის“ ფორმულა ერთის საჯინიბოს ჯერაც არ ჰყავს ტიტულოვანი სპონსორი, რომელიც სატელეკომუნიკაციო გიგანტ „ვოდაფოუნს“ ჩაანაცვლებს. უოკინგელებს მოლაპარაკება რამდენიმე პოტენციურ პარტნიორთან აქვთ, თუმცა ჯერ ვერ ამბობენ, ეს მოლაპარაკებები შედეგიანი იქნება, თუ - არა.

„უილიამს FW36“ - ფ1-ის „ჭიანჭველაჭამია“

First image of Williams FW36 reveals ‘anteater’ nose
23 იანვარი
სწორედ ამ მეტსახელით მონათლეს მიმომხილველებმა „უილიამსის“ ახალი სარბოლი ავტომობილი FW36, რომლითაც ბრიტანული გუნდი 2014 წლის სეზნში იასპარეზებს. ამის მიზეზი კი მანქანის დამახასიათებელი ცხვირია, რომელიც სწორედ ამ უცნაური ცხოველის ცხვირს მოგაგონებთ. „უილიამსი“ ფ1-ის მეორე გუნდია, რომელმაც თავისი ახალი მანქანის გარეგნობა გვიჩვენა. ოღონდ, „ფორს ინდიასგან“ განსხვავებით, თავისი ქმნილების ცხვირი არ დაუმალავს.

Wednesday, January 22, 2014

„რენოს“ ფ1-ის ახალი ტურბო ძრავი

Renault Details New Formula One Engine
22 იანვარი
„რენო სპორტმა“ თავისი ახალი ტურბო აგრეგატის შესახებ ინფორმაცია გაავრცელა. ამ ძრავით, ჩემპიონი „რედ ბულის“ გარდა, კიდევ სამი გუნდი - „ლოტუსი“, „ტორო როსო“ და „კატერჰემი“ იასპარეზებს. ახალი რეგლამენტის შესაბამისად, ახალი სეზონიდან გუნდბი 1.6-ლიტრიან V6 ტურბო ძრავებს და მათს სტრუქტურაში აგრეგატირებულ სისტემებს გამოიყენებენ.

„ფორს ინდია“ პირველია

Force India reveal first picture of VJM07
22 იანვარი
„ფორს ინდია“ ფორმულა ერთის პირველი გუნდია, რომელმაც ახალი სეზონისთვის მომზადებული მანქანის VJM07 (VJM - ვი ჯეი მალია, გუნდის შეფის სახელი და გვარი) ფოტო გაავრცელა. მანქანა პროფილში დგას და მისი ცხვირი კარგად არ ჩანს, თუმცა ფაქტია, რომ ახალი ტექნიკური რეგლამენტის შესაბამისად, ის ძლიერ დაბლაა დაწეული.

Tuesday, January 21, 2014

სრულიად ახალი „ჰიუნდაი ჯენეზისის“ პრემიერა დეტროიტში

All-New 2015 Hyundai Genesis Lands in Detroit
21 იანვარი
კორეაში დებიუტის შემდეგ, უახლესი „ჰიუნდაი ჯენეზისი“, რომლითაც კორეული კომპანია პრემიუმ სეგმენტში მეორე ნაბიჯს გადადგამს, დეტროიტის მოტორ შოუზეც წარსდგა. ეს უკანა ამძრავიანი ავტომობილი არის „ჰიუნდაის“ პირველი მოდელი, რომელიც ახალ კორპორატიულ სტილ „თხიერ სკულპტურა 2.0-შია“ შესრულებული.

„მაკლარენის“ ახალმა ბოლიდმა ქრეშ ტესტები გაიარა

2014 McLaren passes all crash tests
21 იანვარი
„მაკლარენის“ ახალი ბოლიდი MP4-29 ხერესის ტესტებისთვის მზადაა. სარბოლმა ავტომობილმა ყველა სავალდებულო ქრეშ ტესტი წარმატებით გაიარა და ტესტებში მონაწილეობის უფლება ოფიციალურად მიიღო. არადა, სულ ცოტა ხნის წინ გავრცელდა ინფორმაცია, რომ თითქოს, ტესტების ნაწილი წარუმატებელი იყო.

მიხაელი არ დანებდება

Schumacher 'will not give up' – family
21 იანვარი
მიხაელ შუმახერის ოჯახმა განცხადება გამოაქვეყნა, რომელშიც არაფერია ნათქვამი მსოფლიოს შვიდგზის ჩემპიონის ჯანმრთელობის მდგომარეობაზე. თუმცა, ოჯახი გვპირდება, რომ ლეგენდარული მრბოლი სიცოცხლისთვის ბრძოლას ისეთივე შემართებით გააგრძელებს, როგორითაც ტრასაზე გამოირჩეოდა.

„კატერჰემმა“ კობაიაში და ერიქსონი აიყვანა

Caterham signs Kobayashi, Ericsson for 2014 Formula 1 season
21 იანვარი
„კატერჰემმა“ ახალი სეზონისთვის ორივე პილოტი გამოცვალა და კონტრაქტები იაპონელ კამუი კობაიაშისთან და შვედ მარკუს ერიქსონთან გააფორმა. ამგვარად, 27 წლის კობაიაში ერთწლიანი პაუზის შემდეგ უბრუნდება დიდი პრიზების სამყაროს, ერიქსონი კი ფ1-ის პირველი შვედი პილოტი ხდება მას შემდეგ, რაც მისმა თანამემამულე სტეფან იოჰანსონმა თავისი კარიერა დაასრულა (1991 წელს).

ალექს ძანარდი ავტოსპორტს დაუბრუნდა

Alex Zanardi returns to motorsport with ROAL BMW Blancpain GT seat
21 იანვარი
ფორმულა ერთის და ინდქარ-ის (CART-ის, ჩემპ ქარ-ის) ყოფილი პილოტი, პარალიმპიური თამაშების ჩემპიონი, იტალიელი ალესანდრო ძანარდი მოტორსპორტს დაუბრუნდა. ოთხწლიანი პაუზის შემდეგ, რაც გამოწვეული იყო იმით, რომ ლონდონის პარალიმპიური თამაშებისთვის ემზადებოდა, ძანარდი მომავალ სეზონში GT3 კლასში, „ბლანპენის“ სპრინტის სერიაში, „ბეემვეს“ საქარხნო პილოტის სტატუსით, „ბეემვე Z4 GT3 -ით“ იასპარეზებს.

Monday, January 20, 2014

„სუზუკი“ უახლეს უნივერსალურ ტრანსმისიას ინდოეთში გაგვაცნობს

Suzuki unveils newly-developed transmission Auto Gear Shift in India
20 იანვარი
„სუზუკი მოტორ კორპორეიშნმა“ შეიმუშავა სრულიად ახალი ტრანსმისია, სახელად „ავტო გიარ შიფტ“, რომელსაც როგორც მექანიკურ, ასევე ავტომატურ რეჟიმში მუშაობა შეუძლია. ამ სიახლეს იაპონური კომპანია მალე ოფიციალურად წარადგენს ნიუ დელის მოტორ შოუზე, რომელიც თებერვლის დასაწყისში გაიმართება.

„იაგუარ ლენდ როვერის“ გაყიდვები რეკორდულად გაიზარდა

Jaguar Land Rover sales rise to record, helped by China demand
20 იანვარი
„იაგუარ ლენდ როვერმა“ გამოაცხადა, რომ შარშან გლობალურ ბაზარზე გაყიდვები რეკორდულად გაეზარდა, რასაც განსაკუთრებით ხელი ჩინეთსა და წყნარი ოკეანის რეგიონში გაყიდვების ზრდამ შეუწყო. ბრიტანულმა კომპანიამ ჯამში 425,006 ავტომობილი გაჰყიდა, რაც წინა წელთან შედარებით, 19 პროცენტით მეტია. აქედან მხოლოდ 76 668 ავტომობილი მოდის ბრენდ „იაგუარზე“, თუმცა ეს რიცხვი 42-პროცენტიან ზრდას გამოხატავს. „ლენდ როვერის“ გაყიდვები კი 15 პროცენტით, 348 338 ერთეულამდე გაიზარდა.

Sunday, January 19, 2014

ახალი „მუსტანგის“ პირველი ეგზემპლარი აუქციონზე გაიყიდა

First Production 2015 Ford Mustang Raises $300,000 for Charity
19 იანვარი
ქალაქ სკოტსდეილში (შტატი არიზონა) გამართულ ბარეტ-ჯეკსონის აუქციონზე, 300 000 დოლარად გაიყიდა ახალი „ფორდ მუსტანგის“ პირველი სერიული ეგზემპლარი. გაყიდული ავტომობილია „მუსტანგის“ ვერსია GT, რომელიც 5.0-ლიტრიანი V8 ძრავითაა აღჭურვილი, რომელიც 420 ცხენის ძალას და 537 ნიუტონმეტრ მაბრუნ მომენტს გამოიმუშავებს.

Saturday, January 18, 2014

„ინფინიტი Q50 ო რუჟი“ მინიმუმ 500 ცხენის ძალით!

Infiniti Details New Q50 Eau Rouge Concept, Says if Produced, Will Have Over 500HP!
18 იანვარი
რადგან სახელში ორი სიტყვა - „ო რუჟი“ (წითელი წყალი) არის დამატებული, ასეც უნდა იყოს! ეს სახელი ხომ მსოფლიოს ერთ-ერთი საუკეთესო ტრეკის - სპა ფრანკორშანის (ბელგია) ლეგენდარულ მოსახვევს ჰქვია. ჰოდა, „ინფინიტის“ შეფი იოჰან დე ნისხენიც გვპირდება, რომ თუ მისი კომპანია ამ ავტომობილს გამოუშვებს, მის ძრავს აუცილებლად 500 ცხენის ძალაზე მეტი სიმძლავრე ექნება!

ნანი რომამ დაკარის რალი მოიგო

Dakar: Nani Roma wins for X-raid Mini as Stephane Peterhansel slows
18 იანვარი
ნანი რომადა მისი შტურმანი მიშელ პერენი გამარჯვებას ზეიმობენ
ესპანელი ნანი რომას გამარჯვებით დასრულდა დაკარის რალი მარათონი, რომელსაც ისევ სამხრეთ ამერიკამ უმასპინძლა. მსუბუქი ავტომობილების კლასში, მან ხუთი წუთით აჯობა ფრანგ თანაგუნდელ სტეფან პეტერანსელს, მესამე ადგილზე კი კატარელი ნასერ ალ-ატია გავიდა. სამივეს ეკიპაჟი „მინის“ ავტომობილით ასპარეზობდა.

ოჟიემ სეზონი მონტე კარლოში გამარჯვებით დაიწყო

Monte Carlo WRC: Sebastien Ogier clinches victory for Volkswagen
18 იანვარი
მონტე კარლოს რალიზე სებასტიან ოჟიეს გამარჯვებით დაიწყო რალის მსოფლიო ჩემპიონატის წლევანდელი სეზონი. მძიმე კლიმატურ პირობებში ჩატარებული რბოლის დასაწყისში, მსოფლიოს მოქმედი ჩემპიონი მეცხრე ადგილზე იყო და ლიდერს წუთით და 20 წამით ჩამორჩებოდა, თუმცა რბოლის მეორე დღის ნახევრის შემდეგ, ის უკვე გამარჯვებისთვის მოპაექრეთა შორის იყო.

„ნისანი“ კონცეპტუალურ „სპორტ სედანს“ გამოუშვებს

Nissan Boss Says "We Will Build" Sport Sedan Concept
18 იანვარი
დეტროიტის მოტორ შოუზე, ერთ-ერთი ყველაზე გამორჩეული დებიუტანტი, „ნისანის“ კონცეპტუალური „სპორტ სედანი“ გახდა. იაპონურმა კომპანიამ თავიდანვე გამოაცხადა, რომ ამ ავტომობილის წარმოებას იმ შემთხვევაში აუნთებდა მწვანე შუქს, თუ მას დეტროიტის მოტორ შოუ კარგად მიიღებდა. რა თქმა უნდა, ჯერ საბოლოო გადაწყვეტილება მიღებული არ არის, მაგრამ ის წინაპირობა, რაც „მწვანე შუქს“ სჭირდებოდა, უკვე არსებობს.

Friday, January 17, 2014

„ფორდი“ ალუმინის ფართოდ დანერგვას იწყებს

Ford to Expand Aluminum Use to Other Vehicles
17 იანვარი
„იაგუარ ლენდ როვერის“ მსგავსად, თავის მოდელებზე ალუმინის ფართოდ გამოყენებას იწყებს „ფორდც“, რომელმაც პირველად ალუმინის ძარა თავისი ყველაზე გაყიდვადი ავტომობილის, პიკაპ F-150-სთვის დაამზადა. ამ ავტომობილის მსოფლიო პრემიერა ახლახანს, დეტროიტის მოტორ შოუზე შედგა, მისი გაყიდვები კი წლის ბოლოს დაიწყება.

„პირელიმ“ ფ1-თან კონტრაქტი გააგრძელა

Motor racing-Pirelli renews F1 supply contract
17 იანვარი
საბურავების მწარმოებელმა იტალიურმა კომპანია „პირელიმ“ ფორმულა ერთთან კონტრაქტი სამი წლით გააგრძელა. ამგვარად, საბურავების არასაიმედობასთან დაკავშირებული პრობლემების მიუხედავად, საერთაშორისო საავტომობილო ფედერაციამ (FIA) არჩევანი ისევ „პირელიზე“ შეაჩერა, რაც მოსალოდნელი იყო კიდეც. ამასთან ითქვა, რომ ეს იქნება გარდამავალი პერიოდი, რის შემდეგაც, საბურავების მიმწოდებლის შესარჩევად, ახალი ტენდერი გამოცხადდება.

რონ დენისი ისევ „მაკლარენის“ გუნდის შეფი გახდა

Motor racing-Dennis retakes control of McLaren F1 team
17 იანვარი
„მაკლარენმა“ გამოაცხადა, რომ მისი ჯგუფის მთავარი აღმასრულებლის პოსტს ისევ რონ დენისი დაუბრუნდა, ვინც მსოფლიოს არაერთგზის ჩემპიონ გუნდს 1982-2009 წლებში ხელმძღვანელობდა. ამ პოსტზე ის მარტინ უიტმარშს ჩაანაცვლებს, რომლის მომავალიც გაურკვეველია. ამგვარად, ჯგუფის მთავარი აღმასრულებლის გარდა, 66 წლის დენისი ასევე ჯგუფის დირექტორთა თავმჯდომარის და „მაკლარენ ავტომოტივის“ ხელმძღვანელის როლსაც შეუთავსებს.

Thursday, January 16, 2014

ჩემპიონების მანქანას ხერესში ვნახავთ

Red Bull to launch 2014 car, the RB10, in pitlane on first morning of Jerez test
16 იანვარი
ფორმულა ერთის კონსტრუქტორთა თასის ოთხგზის მფლობელი, ავსტრიული „რედ ბულ რეისინგი“ ახალ სეზონის ხერესის ტესტებით დაიწყებს. წითელი ხარები თავიანთ ახალ სარბოლო ავტომობილს, RB10-ს ტესტების პირველ დილას, პადოკში წარადგენენ.

რატომ აირჩია ფეტელმა N5

Vettel's number 5 not Schumacher tribute
16 იანვარი
სებასტიან ფეტელმა განმარტა, თუ რატომ აირჩია ფ1-ის კარიერაში თავის ნმრად 5 და არა რომელიმე სხვა რიცხვი. როგორც ცნობილია, ახალ სეზონში მსოფლიოს ოთხგზის ჩემპიონი პირველი ნომრით იასპარეზებს, მაგრამ თუ ტიტულის შენარჩუნება ვერ შეძლო, მაშინ „თავის ნომერს“ დაუბრუნდება.

„ფორდ მუსტანგი“ დეტროიტის შოუს რჩეულია

2015 Ford Mustang Wins Detroit’s Best Production Car Award
16 იანვარი
ჟიურიმ, რომელშიც 30 წამყვანი საავტომობილო დიზაინერი შედის, დეტროიტის მოტორ შოუს საუკეთესო სერიულ ავტომობილად „ფორდის“ ახალი „მუსტანგი“ დაასახელა. მიუხედავად იმისა, რომ მასქლ ქარების ენთუზიასტებმა ამ ავტომობილის გარეგნობა არაერთგვაროვნად მიიღეს, „სტანგმა“ მაინც უკან მოიტოვა ისეთი ძლიერი მეტოქეები, როგორებიცაა „შევროლე კორვეტ Z06“, „ლექსუს RC-F“ და „ბეემვეს“ უახლესი M4.

საბურავი, რომელსაც დაძველება აუმჯობესებს

Michelin Debuts New Tires that Improve with Age in Detroit
16 იანვარი
ვიცით, რომ ღვინოს დაძველება უხდება, მაგრამ თუ ეს წესი ოდესმე საბურავებზეც გავრცელდებოდა, ამას ძნელად თუ ვინმე წარმოიდგენდა. დეტროიტის მოტორ შოუზე კი, ფრანგულმა კომანია „მიშლენმა“ სწორედ ისეთი საბურავი წარადგინა, რომელიც ცვეთასთან ერთად, მახასიათებლებს იუმჯობესებს. ასეთი საბურავის წარმოების ტექნოლოგიას „ევერგრიპ“ (მუდამ მოდებაში) უწოდეს და მწარმოებელი გარანტიას იძლევა, რომ ის 60 000 მილს (დაახლოებით 96 000 კილომეტრს) გაგატარებთ.

Wednesday, January 15, 2014

პირველი კონცეპტუალური „მუსტანგი“ დეტროიტში

Ford Mustang 1 Concept Brings its Tiny V4 Engine to Detroit
15 იანვარი
ახლახანს „ფორდმა“ თავის პოპულარულ პონი ქარ „მუსტანგის“ მეექვსე თაობა გაგვაცნო. პრემიერა ამ ავტომობილის წარმოების დაწყებიდან 50 წლის იუბილეს დაემთხვა და ამ მოვლენის აღსანიშნავად, ცისფერი ოვალი არაერთ საზეიმო ღონისძიებას გეგმავს. რა თქმა უნდა, მათი მთავარი პერსონაჟი „მუსტანგი“ იქნება.

Tuesday, January 14, 2014

„ტოიოტას“ კონცეპტი FT-1 - უკან მომავალში, თუ წინ წარსულში?

Toyota FT-1 Concept previews a future we want to live in
14 იანვარი
ეს ყველაფერი ასე უნდა გავიგოთ - „ტოიოტა“ ძველი დიდების საფუძველზე, მორიგ ტრიუმფულ სვლას გეგმავს, რომლის დასაწყისიც, ახალი „სუპრას“ გამოშვება შეიძლება გახდეს. ყოველ შემთხვევაში, ბაზარი ამ ავტომობილს მოუთმენლად ელის და კონცეპტუალური FT-1 შესაძლოა „სუპრას“ პირველი მახარობელიც კი იყოს. აბრევიატურაც ხომ ასე იშიფრება - „მომავლის ტოიოტა-1“, ანუ მას ალბათ მეორეც მოჰყვება. მაგრამ მთავარი ისაა, რომ ამ კონცეპტის სახით, იაპონური კომპანიის მომავალს ვხედავთ.

ახალი „ფორდ F-150“ - უფრო მსუბუქი და ეფექტური

Ford's Lighter and More Efficient All-New 2015 F-150 Officially Revealed
14 იანვარი
თავისუფლად შეიძლება ითქვას, რომ ეს ავტომობილი, „ფორდის“ ისტორიაში ახალი ეპოქის დასაწყისია. მასზე არაერთი ტექნოლოგიური სიახლე დაინერგება, რომელთა წყალობითაც, პიკაპმა F-150-მა უნდა განიმტკიცოს არამხოლოდ პიკაპების სეგმენტის, არამედ მთლიანად, ამერიკული ბაზრის უპირობო ლიდრის პოზიცია, რომელსაც უკვე 30 წელიწადზე მეტია, არავის უთმობს.

სულ სხვა ფ1-ის მოლოდინში

F1 drivers will need all-new race approach for 2014
14 იანვარი
ახალი სეზონიდან, რეგლამენტის რადიკალური ცვლილება, მხოლოდ მანქანების გარეგნულ მხარეზე არ აისახება. რბოლებისადმი სრულიად განსხვავებული მიდგომა დასჭირდებათ პილოტებსაც, რადგან მათს განკარგულებაში მხოლოდ 100 კილოგრამი საწვავი იქნება. ეს კი ნიშნავს, რომ რბოლების დროს, საწვავის ეკონომიურ გამოყენებაზე ზრუნვაც მოუწევთ.

Monday, January 13, 2014

„შევროლეს“ წლის საუკეთესო ავტომობილები

GM Scoops 2014 North American Car and Truck of the Year Awards with Corvette & Silverado
13 იანვარი
„შევროლე კორვეტ სტინგრეი“ და „შევროლე სილვერადო“, ჩრდილოეთ ამერიკის წლის საუკეთესო ავტომობილებად დაასახელეს. ტრადიციული კონკურსის შედეგები, დეტროიტის მოტორ შოუს პრესის დღეების გახსნისთანავე გამოაცხადეს. ეს პირველი შემთხვევაა, როცა „შევროლე“ წლის საუკეთესო ავტომობილის წოდებას იგებს როგორც მსუბუქი ავტომობილების, ასევე პიკაპების და უგზოობის ავტომობილების კატეგორიებში. ადრე მსგავსი დუბლი მხოლოდ „ფორდს“ და „ჰონდას“ აქვთ შესრულებული.

„მაკლარენმა“ შარშანდელი ჩავარდნის მიზეზი ვერ დაადგინა

McLaren's 2013 flaws not fully understood – Paffett
13 იანვარი
„მაკლარენმა“ გასული სეზონი ჩააგდო და ის ისე დაასრულა, რომ ჩავარდნის მიზეზების დადგენაც ვერ მოხერხდა, - ამბობს ფორმულა ერთის ბრიტანული გუნდის ტესტ მრბოლი, ბრიტანელი გერი პაფეტი, ვინც ახლახანს უახლესი სარბოლი ავტომობილის (MP4-29) სიმულატორზე გამოცდა დაასრულა.

Sunday, January 12, 2014

„ზენოს E10-ის“ დებიუტი ბირმინგემში

Zenos E10 revealed at Autosport International
10 იანვარი
ახალმა ბრიტანულმა კომპანიამ, სახელად „ზენოსმა“, რომელიც „კატერჰემის“ ყოფილმა შეფმა ანსარ ალიმ დააარსა, პირობა შეასრულა და ჟურნალ „ავტოსპორტის“ საერთაშორისო შოუზე, რომელიც ტრადიციულად ბირმინგემში ჩატარდა, თავისი პირველი ავტომობილი, სპიდსტერის ტიპის E10 წარადგინა.

Saturday, January 11, 2014

„V-სპეციფიკეიშნ“ – „როლს-როის გოსტის“ ექსკლუზიური ვარიანტი

Rolls-Royce Officially Reveals Built to Order Ghost V-Specification
11 იანვარი
„როლს-როისმა“ თავის პოტენციურ მყიდველს შეატყობინა, რომ მოდლ „გოსტის“ სპეციალურ ვერსია „V-სპეციფიკეიშნს“ გამოუშვებს. ოღონდ, ეს ავტომობილი მხოლოდ ნახევარი წლით იქნება ხელმისაწვდომი. რა თქმა უნდა, ეს ავტომობილი სტანდარტულ „გოსტზე“ ძვირი ეღირება, რის სანაცვლოდაც, მყიდველი მომატებული ცხენის ძალების გარდა, ექსკლუზიურად შესრულებულ, სუპერ-ლუქს კლასის (როლს-როისის ტერმინია) ავტომობილსაც მიიღებს.