„ბენტლი“ მომცრო კუპეს გამოშვებას აპირებს

Bentley Reportedly Considering Entry-Level Coupe

31 ივლისი

ახალი ტიპის ძრავების გარდა, საწვავის ხარჯის და მასთან ერთად, გამონაბოლქვში მავნე მინარევების შესამცირებლად, ავტომწარმოებლები თავიანთი ავტომობილების გაბარიტების და წონის შემცირებას ცდილობენ. სხვანაირად ევრო6 სტანდარტის დაკმაყოფილება გაუჭრდებათ. ამიტომაა, რომ „ბენტლიც“ კი, რომელსაც ადრე არასდროს აინტერესებდა საწვავის ხარჯი და მცირე გაბარიტები, ახლა ამ საკითხებს ყურადღებას უთმობს.

„მარუსიას“ სიახლე „ფერარის“ დაეხმარება

Tech Talk: Marussia innovation boosts Ferrari

31 ივლისი

შესაძლოა, მომდევნო რბოლიდან, „ფერარის“ ძრავის სიმძლავრეს 20 ცხენის ძალა დაემატოს. ამას კი მარანელოელები თავიანთი კლიენტი გუნდის, „მარუსიას“ დახმარებით შეძლებენ. საქმე ისაა, რომ სწორედ „მარუსიას“ ბოლიდზე გამოიცადა ის სიახლე, რამაც შესაძლოა ძრავის სიმძლავრე გაზარდოს. და ეს ისე კეთდება, რომ არ დაირღვევა ძრავების რეგლამენტის გაყინვის წესი. ანუ, აგრეგატში კონსტრუქციული ცვლილების გარეშე.

„ფორდი“ ამერიკელ მომხმარებელთა უმაღლესი ლოიალურობით გამოირჩევა

Ford, Mercedes, Toyota tops in brand loyalty in 1st quarter, IHS says

30 ივლისი

საავტომობილო ბაზრის ანალიტიკაზე ორიენტირებულმა გამოცემა „IHS ავტომოტივმა“ შეადგინა ავტოკომპანიებისადმი ამერიკელ მომხმარებელთა მოიალურობის პირველი კვარტლის რეიტინგი, რომლის სათავეშიც „ფორდმა“ დაიკავა ადგილი. გაყიდვების მონაცემების ანალზმა აჩვენა, რომ ამერიკულ კომპანიას „მერსედეს-ბენცი“ და „ტოიოტა“ მოჰყვებიან.

„ლენდ როვერ დისქავერი სპორტი“ სერიული და მოხატული

Land Rover Shows the Shape of 2015 Discovery Sport in Clearest Photos Yet

29 ივლისი

„ლენდ როვერმა“ ოფიცალურად გამოაქვეყნ თავისი უახლესი ავტომობილის, „დისქავერი სპორტის“ სატესტო პროტოტიპის ფოტოები, რომლებზეც ავტომობილი სერიული სახითაა, ოღონდ მისი ძარა, ამ მოდელისთვის დამახასიათებელ ტექნიკურ თავისებურებათა სურათებითაა მოხატული. თამმდ შეიძლება ითქვას, რომ „დისქავერი სპორტი“ ბრიტანული კომპანიის ერთ-ერთი ყველაზე გამორჩეული ავტომობილი იქნება, რადგან ის მზარდი პოპულარობის მქონე, უგზოობის კომპაქტური ავტომობილების კლასში გაიყიდება.

გლობალური ავტომწარმოებლები რუსულ ქარხნებს დახურავენ?

Global automakers to shutter Russian plants?

29 ივლისი

იმისათვის, რომ ავტოკომპანიამ, იმ ბაზარზე ავტომობილების წარმოება გადაწყვიტოს, სადაც მათს გაყიდვას აპირებს, ორი ძირითადი პირობაა საჭირო: ჯერ ერთი, ბაზარი საკმარისად დიდი უნდა იყოს, რომ იქ წარმოება ღირდეს. მეორეც, ამ ბაზარზე ავტომობილების იმპორტი იმდენად ძვირი უნდა ჯდებოდეს, რომ იქ წარმოებას აზრი ჰქონდეს.

„ასტონ მარტინმა“ სედან „ლაგონდას“ ფოტო ტიზერი გამოაქვეყნა

New Aston Martin Lagonda Sedan Teased, Made Exclusively for the Middle East

28 ივლისი

ახლოვდება დრო, როცა „ასტონ მარტინის“ მიერ აღდგენილ ბრენდ „ლაგონდას“ პირველ სპორტულ სედანს ვიხილავთ. ოღონდ, საფულის ძებნას ნუ დაიწყებთ, რადგან ამ ავტომობილის მუშტრად ბრიტანულ კომპანიას ახლო აღმოსავლეთის ქვეყნების ნავთობმაგნატები ეგულება. და რახან ასეა, ისედაც ზეძვირი ავტომობილების მწარმოებელი „ასტონი“ მას კიდევ უფრო მაღალ ფასს დაადებს.

ჰამილტონი სამ სეზონში 90 მილიონს მოითხოვს

Hamilton angling for new EUR 90m contract

28 ივლისი

ნიკო როსბერგმა „მერსედსთან“ კონტრაქტი სამი წლით გააგრძელა. ახლა ჰამილტონის ჯერია, მაგრამ ის ისედაც მაღალი ხელფასის გაზრდას მოითხოვს - სამ სეზონში 90 მილიონი ევროს მიღება სურს. ეს ინფორმაცია უნგრული რბოლის შემდეგ, გერმანულმა გამოცემა „ბილდ ცაიტუნგმა“ გაავრცელა. ბრიტანელს სამქიმიანებთან კონტრაქტით კიდევ ერთი სეზონი რჩება და ახლა სწორედ ის დროა, მომავალზე იფიქროს.

რიკარდო შუა რბოლაში გაჩერებას გადაურჩა

Hungarian GP: Daniel Ricciardo feared retirement mid-race

28 ივლისი

უნგრეთის დიდი პრიზის გამარჯვებული დანიელ რიკარდო ამბობს, რომ შუა რბოლაში ძრავის პრობლემები შეექმნა, რის გამოც გაჩერებასაც კი აპირებდა. ავსტრალიელი ამბობს, რომ მოულოდნელად ძრავს სიმძლავრე დააკლდა, რის შემდეგაც მან საჭის რგოლზე არსებული გადამრთველებით შეძლო სიტუაციის გამოსწორება. რბოლის მიწურულს კი ლუის ჰამილტონის და ფერნანდო ალონსოს გასწრებით, ამ სეზონში და კარიერაშიც, მეორე გამარჯვება მოიპოვა.

ახალი „მუსტანგი“ საბრძოლო F-35-ის სახელზე

Ford Pays Tribute to Grounded F-35 Fighter Jet with One-Off 2015 Mustang

28 ივლისი

„ფორდს“ ახალი „მუსტანგის“ წარმოება ჯერ არ დაუწყია, თუმცა უკვე შეიმუშავა მისი სპეციალური ვერსია, რომელიც საავიაციო თემას ეძღვნება. ავტომობილი მრავალმხრივი დანიშნულების საბრძოლო თვითმფრინავ „F-35 ლაითნინგ II-ისადმი პატივისცემის გამოხატულებაა. ეს მეორე მსგავსი პროექტია, რომელიც „ფორდმა“ ამ ორ წელიწადში განახორციელა. შარშან ახლანდელი „მუსტანგის“ ბაზაზე, აშშ-ის საჰაერო ძალების გუნდ „თანდერბერდის“ სპეც ვერსია დამზადდა.

რიკარდომ უნგრეთში გაილაღა

Motor racing-Australian Ricciardo wins dramatic Hungarian Grand Prix

27 ივლისი

სამქიმიანთა გამარჯვებების სერია მეორედ დაირღვა და მეორედაც ეს დანიელ რიკარდომ „იკადრა“, ვისი წყალობითაც, „რედ ბული“ ისევე უგებს „დანარჩენებს“, როგორც თავად ჩამორჩება სხვა ლიგაში მოასპარეზე „მერსედესს“. რაც ასევე მნიშვნელოვანია, ავსტრალიელმა ისევ აჯობა თავის ტიტულოვან თანაგუნდელ სებასტიან ფეტელს, რომელიც ამ სეზონში ვერაფრით ახერხებს თავისი ახალი თანაგუნდელის ჩრდილიდან თავის დაღწევას. „რედ ბულს“ კი შეუძლია, მშვიდად იყოს - თუ მსოფლიოს ოთხგზის ჩემპიონი გაექცევა, მასზე არანაკლებ სწრაფი „ადამიანი სიცილი“ ჰყავს, რომელმაც უკვე გასინჯა ჩემპიონების დამარცხების და საკუთარი გამარჯვების გემო...

„მაკლარენმა“ სატრეკო P1 GTR-ის ესკიზი გვიჩვენა

New 986bhp McLaren P1 GTR track special previewed

27 ივლისი

„მაკლარენმა“ ინტერნეტით თავის ფლაგმან P1-ის ბაზაზე შემუშავებული სატრეკო P1 GTR-ის ესკიზი გაავრცელა. ავტომობილის პრემიერა მალე პებლ ბიჩის ელეგანტურობის კონკურსზე გაიმართება. ამ ავტომობილის ფასი 1.98 მილიონი გირვანქა სტერლინგია და მისი შეძენის საშუალება კომპანიის მხოლოდ იმ კლიენტებს მიეცემათ, რომლებსაც P1 აქვთ შეძენილი.

სერია ინჯენიუმის ძრავები - „იაგუარ ლენდ როვერის“ ახალი კოზირი

ALL-NEW INGENIUM ENGINE WILL SLASH RUNNING COSTS

27 ივლისი

„იაგუარ ლენდ როვერი“ ძრავების უახლეს ოჯახს ამზადებს, რომლების კონსტრუქციაშიც ყველა უახლეს ტექნოლოგიას გამოიყენებს, რისი წყალობითაც, ეს ძრავები სიმსუბუქით, ეკონომიურობით, კომპაქტურობით, სუფთა გამონაბოლქვით და რა თქმა უნდა, სიმძლავრით იქნება გამორჩეული. გარდა ამისა, მათი ექსპლუატაციაც გაცილებით იაფი დაჯდება.

„მერსედესმა“ AMG-ს ახალი 4.0-ლიტრიანი V8 გაგვაცნო

Mercedes-AMG’s New 4.0-Liter V8 Biturbo Produces 510PS and 650 Nm

26 ივლისი

სუპერ ავტომობილების ბაზარი მოუთმენლად ელის „მერსედეს-ბენცის“ უახლეს სპორტულ ავტომობილ AMG GT-ს, რომელიც AMG-ს უახლესი ძრავით აღიჭურვება. მორიგი ინფორმაცია, რომელიც გერმანულმა ამ ავტომობილის შესახებ გაავრცელა, სწორედ ძრავს ეხება. ესაა 4.0-ლიტრიანი წყვილ ტურბოიანი V8, რომელიც 510 ცხენის ძალას და 650 ნიუტონმეტრს ავითარებს.

როსბერგი პოულზე, ჰამილტონი ბოლოში

Motor racing-Rosberg on pole, Hamilton on fire and last

26 ივლისი

ნიკო როსბერგი ისევ პოულზეა, ლუის ჰამილტონი კი - ისევ კუდში. მას იღბალი ისევ არ სწყალობს, მაგრამ რა როსბერგის ბრალია, თუ ასეა. მან მორიგი „ხინჯიანი“ გამარჯვება მოიპოვა, რითაც უფრო დიდი გამარჯვებისკენ გადადგა ნაბიჯი, რომელსაც ჩემპიონობისკენ მიჰყავს. და მნიშვნელობა არ აქვს, ეს გამარჯვება ხინჯიანი იქნება, თუ სუფთა. მან უკვე არაერთხელ დაამტკიცა, რომ სწრაფია, შეუძლია გასწრება, ადვილად უმკლავდება სტრესულ სიტუაციებს, იცავს პოზიციას და რაც მთავარია და რაც მისი მთავარი ღირსებაა, ის არის სტაბილური.

ჰამილტონი და ისევ ჰამილტონი

Motor racing-Hamilton fastest in hot Hungarian practice

25 ივლისი

უნგრეთის დიდი პრიზი ლუის ჰამილტონის დომინაციით დაიწყო. პირველ და მეორე პრაქტიკებზე მას ბადალი არ ჰყავდა. ორივეზე მან უშუალო მეტოქეს, თავის თანაგუნდელ ნიკო როსბერგს აჯობა. მეორე სესია განსაკუთრებით გაუსაძლის სიცხეში ჩატარდა - გზის საფარის ტემპერატურამ 55 გრადუსსაც კი მიაღწია. შეგახსენებთ, რომ ჰამილტონს წინა 10 რბოლიდან 5 აქვს მოგებული, როსბერგს კი - 4, თუმცა ლიდერი მაინც გერმანელია, რომელიც წინა ორი უნგრული რბოლის გამარჯვებულ ჰამილტონს 14 ქულას უგებს.

„ფორდ იუროპმა“ ბოლო სამ წელიწადში პირველი მოგება მიიღო

Ford Europe Posts First Profitable Quarter in 3 Years

25 ივლისი

„ფორდისთვის“ ბოლო წლებში ყველაზე პრობლემური ბაზარი ევროპაა, სადაც მისი ბიზნესი ზარალიანია. თავად კომპანიაც და ანალიტიკოსებიც, „ფორდ ოფ იუროპის“ მომგებიან რელსებზე გადასვლას ჯერ არ ელოდნენ, მაგრამ როგორც ჩანს, რადიკალურ რესტრუქტურიზაციას ნაყოფი უკვე მოაქვს. ყოველ შემთხვევაში, ამის უტყუარი ნიშანი ის ფაქტია, რომ ცისფერმა ოვალმა მეორე კვარტალში ევროპაში მოგება დააფიქსირა.

ბაქო ფ1-ის ევროპის დიდ პრიზს 2016 წელს უმასპინძლებს

Azerbaijan confirms deal to host Formula 1 race from 2016

25 ივლისი

აზერბაიჯანის სპორტისა და ახალგაზრდობის მინისტრმა აზად რაჰიმოვმა და ბერნი ეკლსტოუნმა ხელი მოაწერეს შეთანხმებას, რომლის შესაბამისადაც, ბაქო ფ1-ის ევროპის დიდ პრიზს 2016 წელს უმასპინძლებს. პირვანდელი გეგმით, ბაქოს რბოლა უკვე მომავალ სეზონში უნდა გამართულიყო, მაგრამ ის ერთი წლით გადასწიეს.

შესანიშნავი ხუთეული მარანელოდან

Collector Drives Ferrari 288 GTO, F40, F50 and Enzo to Take Delivery of LaFerrari

24 ივლისი

ეს ისტორია ბევრს ალბათ ზღაპრად მოეჩვენება. ყოველ შემთხვევაში, ალბათ თავი ზღაპარში, ან მოძრავ მუზეუმში ეგონათ მათ, ვინც ლონდონიდან მარანელოსკენ და შემდგომ უკანა გზაზე მიმავალი „კვიცების“ კორტეჟი იხილა. თავად განსაჯეთ, ამ კორტეჟში ყველა ის სუპერ ავტომობილი იყო გაერთიანებული, რომლებითაც „ფერარი“ საფუძვლიანად ამაყობს - 288 GTO, F40, F50 და „ენცო“, უკანა გზაზე კი მათ „ლაფერარიც“ დაემატა.

მექსიკა ფორმულა ერთის კალენდარს დაუბრუნდა

Mexico to return to Formula 1 calendar in 2015

24 ივლისი

მომავალ სეზონში, ფორმულა ერთის კალენდარში მექსიკის დიდი პრიზი ბრუნდება, რომლეიც უკვე 23 წელია, არ გამართულა. უნდა ითქვას, რომ ეს რბოლა ამ სეზონის კალენდარშიც უნდა ყოფილიყო, მაგრამ მექსიკო სიტის ტრასის რეკონსტრუქცია დროულად ვერ დასრულდა და ამიტომ, დაბრუნება ერთი წლით გადაიდო.

„ბეემვე“ აშშ-ის უდიდესი ავტო ექსპორტიორია

BMW is the US auto industry's leading exporter

24 ივლისი

ალბათ ფიქრობთ, რომ ჩრდილოეთ ამერიკიდან უცხოეთის ბაზრებზე ყველაზე მეტი ავტომობილი დეტროიტის დიდი სამეულიდან ერთ-ერთს გააქვს? ან იქნებ, რომელიმე იაპონურ კომპანიას? თურმე არა! როგორც ირკვევა, „ბეემვეს“ სპარტანბურგის (შტატი სამხრეთ კაროლინა) ქარხანა, შეერთებული შტატების ტერიტორიიდან ყველაზე მეტი ავტომობილის ექსპორტიორია. როგორც სააგენტო ბლუმბერგი იტყობინება, სპარტანბურგის ქარხნიდან (რომელიც 20 წლისაა) ექსპორტზე უფრო მეტი ავტომობილი გადის, ვიდრე მიჩიგანის შტატის ქარხნებიდან.

ლე მანისთვის პროტოტიპების უმცროსი კლასი LMP3 იქმნება

ACO announces new LMP3 class for Le Mans prototype racing

24 ივლისი

იმისათვის, რომ ახალგაზრდა მრბოლმა ფორმულა ერთს მიაღწიოს, გამოცდილება რამდენიმე ძალიან პოპულარულ სერიაში - ფორმულა სამში, ფორმულა „რენოს“ ორ კლასსა და GP2-ში შეიძლება მიიღოს. დაბალი კლასები აქვს ისეთ სერიებს, როგორებიცაა რალის მსოფლიო ჩემპიონატი, ინდიქარი, ნასქარი და დაკარის მარათონიც კი.

„ფორდ ფიესტა“ ბრიტანეთის ყველა დროის ბესტ სელერია

Ford Fiesta Is the Best Selling Car of All Time in Britain

23 ივლისი

„ფორდს“ ბრიტანული საავტომობილო ბაზრის უდიდესი წილი ეკუთვნის. მისი ორი მოდელი - „ფიესტა“ და „ფოკუსი“, ალბიონზე უკვე მრავალი წელია, გაყიდვებში ლიდერობისთვის ეპაექრებიან ერთმანეთს. განსაკუთრებული პოპულარობით მათ შორის „ფიესტა“ გამოირჩევა, რომელიც „ფოკუსზე“ ძველიცაა და მხოლოდ დროზე იყო დამოკიდებული, თუ როდის მოიპოვებდა ეს სუბკომპაქტური ავტომობილი ბრიტანეთის ყველა დროის ყველაზე გაყიდვადი ავტომობილის სტატუსს.

„ლენდ როვერები“ დრონებით აღიჭურვება

The Land Rover that can see round corners: Engineers working to create drones that can be launched from 4x4

23 ივლისი

თუ ცუდ ამინდში გიწევთ ავტომობილის მართვა, ან თქვენს წინ მკვეთრი მოსახვევია, სიფრთხილე უნდა გამოიჩინოთ, რადგან არ იცით, წინ რა შეიძლება დაგხვდეთ. მაგრამ მალე თქვენს ხელთ შეიძლება აღმოჩნდეს საშუალება, რომელიც ათეულობით მეტრის იქით გაგახედებთ. ეს საშუალება ერთგვარი მსტოვრული აპარატია, რომელიც ჰაერში დაფრინავს და რეალურ დროში გადმოსცემს თქვენთვის საინტერესო არეალის ვიდეო გამოსახულებას, რომლის ხილვასაც ცენტრალურ კონსოლზე მოთავსებულ სენსორულ ეკრანზე, ან საქარე შუშაზე შეძლებთ.

„სუზუკი“ ჩინეთში სედან „ალივიოს“ გაყიდვას იწყებს

Suzuki Alivio (Maruti Ciaz) to go on sale in China next month

23 ივლისი

ჩინურ მედიაში გავრცელებული ინფორმაციით, იქაურ ბაზარზე მალე დაიწყება „სუზუკი ალივიოს“ გაყიდვები. ოღონდ, მანამდე იაპონური კომპანია მას ჩენდუს მოტორ შოუზე წარადგენს, რომელიც 29 აგვისტოს დაიწყება. ამ ავტომობილის კონცეპტუალური ვერსია „სუზუკიმ“ ჩინელებს პირველად პეკინის წლევანდელ მოტორ შოუზე წარუდგინა, ჩენდუში კი მის სერიულ ვერსიას გამოფენს.

ჰამილტონი მკურნალობას გეგმავს

Hamilton heads for therapy after Hockenheim

22 ივლისი

გერმანიის დიდი პრიზის საკვალიფიკაციო რბოლის პირველ სექციაში მომხდარი ავარიის დროს, ლუის ჰამილტონს სერიოზული ტრავმა არ მიუღია და მან რბოლაშიც მიიღო მონაწილეობა, თუმცა ჰოკენჰაიმიდან წამოსვლისას განაცხადა, რომ ფიზიოთერაპიის ერთკვირიანი კურსი ესაჭიროება, რადგან ავარიის დროს მისმა სხეულმა 30G გადატვირთვა მიიღო, რამაც ხერხემალსა და კისერში ძლიერი ტკივილები გამოიწვია.

„ფორდი“ ახლო აღმოსავლეთსა და აფრიკაშიც აქტიურდება

Ford to Launch 25 New and Refreshed Vehicles in Middle East and Africa by 2016

21 ივლისი

„ფორდი“ ისეთ ბაზრებზეც იწყებს ექსპანსიას, სადაც აქამდე ადრე დიდი აქტიურობით არ გამოირჩეოდა და ეს მის გლობალურ დევიზს - „Go Further” (წინსვლა) შეესაბამება. ექსპანსიის ფარგლებში, ამერიკული კომპანია აღნიშნულ რეგიონებში 25 ახალ და განახლებულ ავტომობილს შეიტანს. ახალ ავტომობილებს შორის, პატარა, საშუალო და დიდი ზომის ავტომობილები იქნება. ცისფერი ოვალი მთავარ „იარაღად“ აქაც „ფოკუსს“ და „ფიუჟნს“ გამოიყენებს. და რა თქმა უნდა, აზიელებს და აფრიკელებს ახალი „მუსტანგის“ შეძენის საშუალებაც მიეცემათ.

შუმახერი შესაძლოა მალე სახლში დაბრუნდეს

Schu might return home this summer – report

21 ივლისი

შვეიცარიულ გაზეთი „ზონტაგსბლიკი“ იტყობინება, რომ მიხაელ შუმახერი შესაძლოა მალე სახლში დაბრუნდეს და სარეაბილიტაციო კურსი იქ გააგრძელოს. როგორც ცნობილია, მსოფლიოს შვიდგზის ჩემპიონმა თითქმის ექვსი თვე გაატარა კომაში, საიდან გამოსვლის შემდეგაც ის გრენობლის (საფრანგეთი) ჰოსპიტალის ინტენსიური თერაპიის სექციიდან, ლოზანას (შვეიცარია) სარეაბილიტაციო კლინიკაში გადაიყვანეს.

გერმანელმა გერმანიაში გერმანულით...

Motor racing-Rosberg wins in Germany for Mercedes

20 ივლისი

ნიკო როსბერგმა - გერმანელმა მრბოლმა რომ გერმანული ბოლიდით გერმანიის დიდი პრიზი მოიგო, ეს ფ1-ში გამორჩეული მოვლენაა, რადგან მსგავსი რამ 1939 წლის გერმანულ დიდ პრიზზე რუდლფ კარაჩოლას გამარჯვების შემდეგ არ მომხდარა. მაშინაც ფინიშის ხაზი პირველმა სამქიმიანი ემბლემით დამშვენებულმა ბოლიდმა გადაკვეთა. ამასთან, როსბერგმა პირველად მოიგო საშინაო რბოლა და თანაგუნდელ ლუის ჰამილტონთან უპირატესობა 14 ქულამდე გაზარდა.

„მერსედეს S65 AMG“ - ახალი კუპე შეიხებისთვის

Mercedes Reveals All-New S65 AMG V12 Coupe - Sheiks Rejoice

20 ივლისი

„მერსედესის“ ავტომობილები, რომელთა სახელშიც 65 AMG ურევია, ძირითადად ახლო აღმოსავლეთის ბაზრისთვისაა განკუთვნილი, სადაც მდიდრულ ავტომობილებს მეტი მუშტარი ჰყავს. მათ პრაქტიკულად ისეთივე მახასიათებლები აქვთ, როგორიც 63 AMG ვერსიებს (ოდნავ უარესიც კი), ოღონდ უფრო მდიდრულად არიან გაწყობილები.

„სმარტმა“ ახალი „ფორთუ“ და „ფორფორ“ გაგვაცნო

Smart's All-New 2015 ForTwo and ForFour Officially Revealed

19 ივლისი

„სმარტი ორისთვის“ და „სმარტი ოთხისთვის“, რომლებიც „რენოსთან“ პარტნიორობითაა შექმნილი, „დაიმლერმა“ ოფიციალურად წარმოგვიდგინა. ამათგან „ფორთუ“ მესამე თაობისაა, „ფორფორი“ კი - მეორე თაობის. ოთხადგილიანი „სმარტი“ ის ავტომობილია, რომლის დახმარებითაც, ეს მარკა გლობალური ავტომობილი უნდა გახდეს.

„დისქავერი სპორტი“ თავიდან „ფრილენდერის“ დიზელით გამოვა

Land Rover Discovery Sport to launch with Freelander diesel

19 ივლისი

„ლენდ როვერის“ უახლესი ავტომობილი, „დისქავერი სპორტი“ ბაზარზე 2015 წელს გამოვა და თავიდან მისი ძრავების გამაში მხოლოდ ერთი აგრეგატი შევა. ეს იქნება „ფრილენდერის“ 2.2-ლიტრიანი დიზელის ძრავი. თუმცა შემდგომში გამას სერია „ინჯენიუმის“ ძალიან ეფექტური ძრავები შეავსებს, რომელთა შემუშავებაც „იაგუარ ლენდ როვერს“ პრაქტიკულად დასრულებული აქვს.

როსბერგი ჰოკენჰაიმის პოულზეა

Motor racing-Rosberg on pole as Hamilton crashes out

19 ივლისი

ნიკო როსბერგი ისევ პოულზეა, ამ სეზონში მეხუთედ, ბოლო ხუთ რბოლაში მეოთხედ, კარიერაში კი მეცხრედ. თუმცა, ნაკლებად ნასიამოვნებია, რადგან ეს პოული ფაქტობრივად ბრძოლის გარეშე მოიპოვა. ტრასაზე მისი ერთადერთი მეტოქე ლუის ჰამილტონია, მაგრამ ბრიტანელმა კვალიფიკაციის პირველი სექტორის დასრულებაც კი ვერ მოახერხა. გაიარა, მაგრამ ვერ დაასრულა, ამის მიზეზი კი გამტყდარი სამუხრუჭე დისკო გახდა.

გაიცანით ახალი „ფორდ მუსტანგის“ ძრავები

2015 Ford Mustang Specifications: 300hp V6, 310hp EcoBoost, 435hp GT

18 ივლისი

„ფორდმა“ ახალი, მეექვსე თაობის „მუსტანგის“ პირველი ჩვენება ჯერ კიდევ დეკემბერში ჩაატარა და მას შემდეგ, თანდათან გვიმხელს ამ ავტომობილის თვისებებსა და მახასიათებლებს. ამჯერად კი ძრავების ჯერი დადგა, რომელთა შესახებაც ისედაც გარკვეული ინფორმაცია არსებობდა, თუმცა ამჯერად ყველაფერი დაზუსტებული და საბოლოოა.

ორივე პრაქტიკაზე უსწრაფესი ჰამილტონია

UPDATE 1-Motor racing-Hamilton on top in German GP practice

18 ივლისი

წინ ისევ ორი „მერსედესია“, ოღონდ ამჯერად საუკეთესო დრო ლუის ჰამილტონს აქვს, რომელმაც ნიკო როსბერგს სულ რაღაც, 0.024 წამით აჯობა. ამჯერად მდვრებს შორის პირველი დანიელ რიკარდოა, სულ კი ლიდერიდან ერთწამიან დისტანციაზე რვა პილოტია. ერთი მხრივ, ეს იმედს იძლევა, რომ საკიდარ FRIC-ის გარეშე, მანქანების შესაძლებლობები შედარებით გათანაბრდა, თუმცა ეს ხომ ჯერ პრაქტიკებია და რეალობა კვალიფიკაციაში გამოიკვეთება.

როსბერგმა გერმანიის ეტაპი საუკეთესო დროით დაიწყო

Motor racing-Rosberg leads Mercedes one-two in practice

18 ივლისი

ახლახანს ნიკო როსბერგმა „მერსედესთან“ კონტრაქტი რამდენიმე წლით გააგრძელა. დაუდასტურებელი ინფორმაციით, მომდევნო სამ სეზონში 55 მილიონ ევროს მიიღებს. მან ახლახანს დაბადების დღე აღნიშნა, შემდეგ გერმანიის საფეხბურთო ნაკრებმა მსოფიო თასზე ტრიუმფით გაახარა, რასაც 29 პილოტის დაოჯახება მოჰყვა. და ახლა მისი ჯერია - გერმანიის დიდ პრიზზე გამარჯვება სწყურია და ამ წყურვილის დაოკება პარასკევის პირველივე მოთელვაზე, საუკეთესო დროის ჩვენებით დაიწყო.

„ფოლკსვაგენი“ „ბიტლ დიუნს“ 2016 წელს გამოუშვებს

Production VW Beetle Dune Coming in 2016; Unfortunately FWD Only

17 ივლისი

ბრიტანულ გამოცემა „ქარ მეგზინის“ ინფორმაციით, რომელიც „ბიტლის“ მარკეტინგის შეფ მათიას ზაუნერისგან მიიღო, „ფოლკსვაგენის“ მმართველმა საბჭომ, კონცეპტუალურ მოდელ „ბიტლ დიუნის“ წარმოების გადაწყვეტილება მიიღო. ახალი ავტომობილის წარმოების დაწყება 2016 წელს არის დაგეგმილი. „ბიტლ დიუნი“ როგორც ჰეჩბეკის, ასევე კაბრიოლეტის ძარებით დამზადდება. ყოველი მათგანის კლირენსი 50 მილიმეტრით გაიზრდება, კვალი კი 26 მილიმეტრით გაგანიერდება.

„ფორდი“ ევროპაში აქცენტს SUV-ებზე აკეთებს

Ford Might Assemble EcoSport in Romania for European Market

17 ივლისი

უგზოობის ახალ მოდელ „ეჯის“ (ფოტოზე) პრეზენტაციაზე, რომლის გაყიდვებიც ევროპაში 2015 წელს დაიწყება, „ფორდმა“ გამოაცხადა, რომ ძველი კონტინენტის ბაზარზე, უგზოობის ავტომობილების პოპულარობა სტაბილურად იზრდება, რის გამოც, ის მეტწილად სწორედ ამ ტიპის ავტომობილების ხარჯზე აპირებს იქ გაყიდვების გაზრდას.

კორინა შუმახერი: ყველაზე რთული გზა გავლილია

Schumacher's wife says 'most difficult time' now over

17 ივლისი

მსოფლიოს შვიდგზის ჩემპიონ მიხაელ შუმახერის მეუღლე კორინა ამბობს, რომ მიხაელის მკურნალობის პროცესში ყველაზე მძიმე პერიოდი უკან დარჩა. მან ეს ინფორმაცია გერმანიის დიდი პრიზის პროგრამით შეატყობინა მათ, ვინც რბოლას დაესწრება. წერილში კორინა ამბობს, რომ ოჯახი აღფრთოვანებულია „ფერარის“ და „მერსედესის“ ფანების მხარდაჭერით მთელი იმ დროის განმავლობაში, რაც მიხაელს უმძიმესი ინციდენტის შემდეგ, სიცოცხლისთვის ბრძოლა უწევს.

„რეინჯ როვერი“ და „რეინჯ როვერ სპორტი“ განახლდა

Big Range Rover and Range Rover Sport Updated for 2015MY

16 ივლისი

„ლენდ როვერმა“ თავისი ორი პოპულარული ლუქს კლასის უგზოობის ავტომობილი - „რეინჯ როვერი“ და „რეინჯ როვერ სპორტი“ განაახლა. ამიერიდან, მყიდველებს ინდივიდუალიზაციის მეტი საშუალება ექნებათ, რაც სალონის ფერთა გამის და მასალების არჩევანის გაფართოებაში გამოიხატება. ახალია ბორბლები (19, 21 და 22-დუიმიანი), SDV8 დიზელის ძრავი კი 40 ნიუტონმეტრით მეტ მაბრუნ მომენტს გამოიმუშავებს.

„მაზდა“ ახალ MX-5-ს სექტემბერში გაგვაცნობს

September reveal for all-new Mazda MX-5

16 ივლისი

„მაზდამ“ გამოაცხადა, რომ სრულიად ახალ, მეოთხე თაობის როდსტერ MX-5-ს სექტემბერში გაგვაცნობს. პირველი ჩვენება ერთდროულად მსოფლიოს სამ ქალაქში ჩატარდება. ერთი უკვე ცნობილია - ბარსელონა (ესპანეთი). დანარჩენი ორი წარდგენა კი იაპონიასა და და აშშ-ში გაიმართება. მოგვიანებით, ახალი ორადგილიანი პატარა როდსტერი ფართო საზოგადოების წინაშე, პარიზის მოტორ შოუზე წარსდგება.

„ბენტლი“ ინდივიდუალური ძარების წარმოებას აპირებს

Bentley Ponders Creation of In-House Coachbuilding Service

16 ივლისი

საავტომობილო მრეწველობის გარიჟრაჟზე გავრცელებული იყო ბიზნესის სახეობა - ქოუჩბილდინგი, რომლის არსიც, ეგრეთ წოდებულ შიშველ შასიზე სხვადასხვა ფორმის ძარების აწყობა იყო. პრინციპში, ამ ბიზნესს სათავე ჯერ კიდევ მანამ (მე-17 საუკუნეში) დაედო, სანამ ადამიანი ავტომობილს გამოუშვებდა - ავტომობილამდე ქოუჩბილდერები კარეტებზე მუშაობდნენ და ბევრი მათგანი ნამდვილ შედევრებსაც კი ქმნიდა.

ედრიან ნიუი „ინფინტისთვის“ სუპერ ავტომობილს შექმნის

Adrian Newey Rumored to Design an Infiniti Supercar

15 ივლისი

ფორმულა ერთის ზედიზედ ოთხი საჩემპიონო ბოლიდის გარდა, „რედ ბულის“ ტექნიკურმა დირექტორმა ედრიან ნიუიმ ორი ვირტუალური პროექტითაც დაგვამახსოვრა თავი. ოღონდ ორივე - „რედ ბულ X2014“ და „რედ ბულ X1“ ვიდეოთამაშ „გრან ტურიზმოსთვის“ არის განკუთვნილი და რეალობაში მხოლოდ მათი მაკეტები არსებობს.

ფეტელი ტიტულზე ხელის ჩაქნევას სისულელედ მიიჩნევს

Sebastian Vettel says ruling out F1 title shot would be 'stupid'

14 ივლისი

მიუხედავად იმისა, რომ არც შესაფერისი მანქანა აქვს და მუდმივად თანაგუნდელი დანიელ რიკარდოს ჩრდილშიც იმყოფება, მსოფლიოს ოთხგზის ჩემპიონი სებასტიან ფეტელი მაინც ამბობს, რომ სანამ ტიტულის შენარჩუნების მათემტიკურ შანსსაც დაკარგავს, ამ სეზონის ტიტულზე ხელის ახლავე ჩაიქნევა სისულელე იქნება.

„უილიამსმა“ ახალი ტექნიკური ცენტრი გახსნა

Williams opens new £8 million technical centre

13 ივლისი

ფორმულა ერთის ერთ-ერთმა ყველაზე ტიტულოვანმა გუნდმა „უილიამსმა“ ახალი ტექნიკური ცენტრი გახსნა, რომელსაც ფ1-ის ტექნოლოგიების სერიულ წარმოებაში დანერგვისთვის გამოიყენებს. ცენტრის მშენებლობა 8 მილიონ გირვანქა სტერლინგი დაჯდა, მის გახსნაში კი მონაწილეობა ბრიტანეთის პრემიერ მინისტრმა დევიდ კამერონმა მიიღო.

„იაგუარ ლენდ როვერის“ რეკორდული ნახევარი წელი

Jaguar Land Rover reveals best ever half-year sales as new models roll out of the showroom

13 ივლისი

„იაგუარ ლენდ როვერმა“ გამოაცხადა, რომ წლის პირველ ნახევარში რეკორდულად ბევრი, 240 372 ავტომობილი გაჰყიდა, რაც წინა წლის ექვს თვეში გაყიდული ავტომობილების რაოდენობაზე 14 პროცენტით მეტია. უფრო მეტიც, ეს 2010 წელს გაყიდული ავტომობილების რიცხვზე მეტიცაა.

„ფორდმა“ ჩინეთში გაყიდვები 35 პროცენტით გაზარდა

Ford China Posts 35 Percent Sales Increase in the First Half of 2014

12 ივლისი

„ფორდმა“ მსოფლიოს უდიდეს, ჩინეთის ბაზარზე, პირველ ექვს თვეში 549 256  ახალი ავტომობილი გაჰყიდა, რაც შარშანდელ ანალოგიურ პერიოდთან შედარებით, 35 პროცენტით მეტია. მარტო ივნისში გაყიდვებმა 87 783 ავტომობილი შეადგინა, რაც წინა წლის მაჩვენებელზე 17 პროცენტით მეტია.

ეკლსტოუნი - ფეტელი უსწრაფესია და „ფერარიში“ უნდა გადავიდეს

Vettel is faster than everyone else, he needs to go to Ferrari – Ecclestone

12 ივლისი

„ფერარიში“ გადასვლა საუკეთესო ვარიანტი იქნება სებასტიან ფეტელისთვის, თუ მას ყველაფრის თავიდან დაწყება სურს. ზედიზედ ოთხი საჩემპიონო ტიტულის შემდეგ, ფეტელს და მის „რედ ბულს“ პრობლემები შეექმნათ. ორივე საკუთარ აჩრდილსღა ჰგავს. ფეტელისთვის პრობლემას ის გარემოებაც აღრმავებს, რომ მას ახალი თანაგუნდელი, დანიელ რიკარდოც სჯობნის.

„ბუგატი“ „ვეირონის“ ჰიბრიდულ შემცვლელს გამოუშვებს

Bugatti mulls hybrid follow-up to Veyron supercar –sources

12 ივლისი

ახლოვდება დრო, როცა „ბუგატი“ თავისი ერთადერთი სუპერ ავტომობილის, „ვეირონის“ წარმოებას შეწყვეტს. ფრანგულ კომპანიას სულ რამდენიმე ეგზემპლარიღა დარჩა გამოსაშვები იმ დაგეგმილი 450-დან, რომლებსაც ამ ავტომობილის პრემიერისას შეგვპირდა. და რა თქმა უნდა, ახლოვდება დრო, როცა მის შემცვლელს გაგვაცნობს.

ახალი „მაზდა2“ პლაგ-ინ სისტემითაც აღიჭურვება

New Mazda2 To Get Plug-in Version with Wankel Range Extender

11 ივლისი

„მაზდა“ მალე თავის სუბკომპაქტურ ჰეჩბეკ „მაზდა2-ს“ გაგვაცნობს. მისი წინამორბედი ჟენევაში უკვე გვიჩვენა კონცეპტ „ჰაზუმის“ სახით. ავტომობილი ბენზინის და დიზელის ძრავების ფართო გამას მიიღებს. ახლახანს კი ავსტრალიურ მედიაში გავრცელდა ინფორმაცია იმის შესახებ, რომ „მაზდა2“ პლაგ-ინ სისტემითაც აღიჭურვება. თანაც, გენერატორთან როტორული ძრავი იმუშავებს.

„მერსედესი“ და „რედ ბული“ FRIC საკიდარზე უარს ამბობენ

Formula 1 teams doubt FRIC suspension ban can be delayed

11 ივლისი

ფორმულა ერთის მოწინავე გუნდები მზად არიან, უარი თქვან საკიდარის ეგრეთ წოდბულ FRIC სისტემებზე, რომლებიც ახლახანს საერთაშორისო საავტომობილო ფედeრაციამ (FIA) არალეგალურად აღიარა. „მერსედეს AMG“ და „რედ ბული“ ამას გერმანიის დიდ პრიზამდე გააკეთებენ, რადგან არის იმის დიდი შანსი, რომ ამის არგაკეთების შემთხვევაში, კონკურენტი გუნდები მათ უჩივლებენ და ამ შემთხვევაში, დამრღვევეის სანქციები არ ასცდებათ.