დიდი არჩევანი, კარგი ფასები

Tuesday, January 27, 2015

„სუზუკი“ მოდელ „ვიტარას“ ვერსია „უებ ბლექ ედიშნს“ გამოუშვებს

2015 Suzuki Vitara Web Black Edition Arriving in Europe in March
27 იანვარი
მალე „სუზუკი“ ევროპაში ახალი, მეოთხე თაობის „ვიტარას“ გაყიდვას დაიწყებს, მისი „მახარობელი“ კი ავტომობილის საწყისი ვერსია „უებ ბლექ ედიშნ“ გახდება, რომელზეც შეკვეთების მიღებას, კომპანია თავის ვებ-გვერდზე  31 იანვარს დაიწყებს (რაზეც მის მეტსახელში სიტყვა უებ მიგვანიშნებს). ევროპის ბაზარზე კი ის ხელმისაწვდომი მარტიდან იქნება. შეგახსენებთ, რომ ახალი „ვიტარას“ მსოფლიო პრემიერა პარიზის შარშანდელ მოტორ შოუზე გაიმართა.

„ტოიოტა სუპრას“ შემცვლელი „კორვეტზე“ ძვირი ეღირება

Toyota Supra Successor To Cost More Than Corvette
27 იანვარი
„ტოიოტა“ თავისი ახალი სპორტული მოდელის პლატფორმაზე მუშაობს, რაშიც მას პარტნიორობას „ბეემვე“ უწევს. ამ ავტომობილს ამჟამად „სუპრას“ შემცვლელად მოიხსენიებენ, რადგან შესაძლოა, ბაზარზე ის სხვა სახელით წარსდგეს. იაპონურმა კომპანიამ მისი კონცეპტუალური ვერსია FT-1-ის სახით გვიჩვენა. თავის მხრივ, პლატფორმას ბავარიული კომპანიაც გამოიყენებს, რომელიც მასზე შემდეგი თაობის Z4-ს გამოუშვებს.

ფორმულა 1-ში შეიძლება 1000-ცხენისძალიანი ძრავები დაბრუნდეს

Formula 1 to Return to 1000bhp+ Turbocharged Engines in 2017?
27 იანვარი
არაა გამორიცხული, რომ 2017 წლის სეზონიდან, ფორმულა 1-ში ძრავების ახალი რეგლამენტი ამოქმედდეს. და ამას რამდენიმე საფუძველი ექნება. ჯერ ერთი, მაყურებლებს არ მოსწონთ დაბალხმიანი ბოლიდები. მეორეც, სულ უფრო ხშირად ლაპარაკობენ იმაზე, რომ მალე GP2-ის მანქანები ფ1-ისაზე სწრაფი გახდბა. და მესამე: ფ1-ის მანქანები ძალიან ადვილად სამართავი გაზდა და ამიტომ, ავტოსპორტის უმაღლეს ლიგაში, სულ უფრო ხშირად იწვევენ ძალიან ახალგაზრდა პილოტებს და ეგრეთ წოდებულ პაი პილოტებს.

ხერესში „მერსედესის“ ახალ ძრავებს მხოლოდ ორი გუნდი გამოიყენებს

Only Mercedes, Williams to test 2015 engine at Jerez
27 იანვარი
რამდენიმე დღეც და ფორმულა ერთის ახალი სეზონი დაიწყება - ხერესში გუნდები პირველ ტესტებს გამართავენ. ბუნებრივია, ყველას აინტერესებს მათი ახალი მანქანების და ძრავების შესაძლებლობები. ტესტების შემდეგ ხომ უკვე შეიძლება ზერელე წარმოდგენის შექმნა იმაზე, თუ ვისგან უნდა ველოდოთ ლიდერობას და რომელი გუნდი გაუცრუებს თავის ფანებს იმედებს.