28 დეკემბერი
„მერსედეს-ბენცი“ დეტროიტის საერთაშორისო მოტორ
შოუზე, შემდეგი თაობის E-კლასს წარადგენს. პრემიერამდე რამდენიმე დღით ადრე კი
გერმანულმა კომპანიამ ვიდეო გაავრცელა, რომლითაც, ამ ავტომობილის ტესტების შესახებ
მოგვითხრობს.
შტუტგარტული კომპანია გვიყვება, რომ ტესტების პროცესი
ორი წელი გრძელდებოდა. ამ დროის განმავლობაში, სულ 1 200 პროტოტიპი
გამოიცადა, რომლებმაც ჯამში 12 მილიონ კილომეტრზე მეტი გაიარეს. ტესტები მსოფლიოს
სხვადასხვა მხარეში, ძალიან რთულ მეტეოროლოგიურ პირობებში - გაუსაძლის სიცხესა და
ყინვაში ტარდებოდა.
ტესტების დროს, ინჟინრებმა პროტოტიპებით 10 000-ზე
მეტი ავტონომიური დამუხრუჭების პროცედურა და 5 000-ზე მეტი ზოლის ავტონომიურად შეცვლის
მანევრი შეასრულებინეს. როგორც გერმანული კომპანია ირწმუნება, ამ ავტომობილს აქვს
იმის პოტენციალი, რომ სრულიად შეცვალოს შეხედულება პრემიუმ სედანზე, მდიდრულობისა
და ტექნოლოგიურობის თვალსაზრისით.
ერთ-ერთი ყველაზე გამორჩეული სიახლე იქნება ორი 12.3-დუიმიანი
ეკრანი, რომელთაგან ერთი მაჩვენებლების დაფას შეცვლის, მეორე კი ინფოტაინმენტ
სისტემას მოემსახურება. თუმცა, მყიდველს იმის შესაძლებლობაც ექნება, რომ სალონში
ანალოგური მაჩვენებლების დაფის და 8.4-დუიმიანი ცენტრალური ეკრანის დაყენება
მოითხოვოს.
რაც შეეხება ძრავებს, გამაში შევა ერთრიგა
ექვსცილინდრიანი და უახლესი, დიზელის ოთხცილინდრიანი ძრავები, ასევე ჰიბრიდული
აგრეგატი.
ვიდეო
No comments:
Post a Comment