„მაკლარენი“ ამ სეზონში კვარცხლბეკს კვლავ უმიზნებს

McLaren still eyeing a podium finish in 2015

16 ივლისი

„მაკლარენის“ შეფი ერიკ ბუიე არ გამორიცხავს ამ სეზონშივე, მისი გუნდის რომელიმე პილოტის კვარცხლბეკზე ასვლას. ოღონდ, ეს იმ შემთხვევაში იქნება შესაძლებელი, თუ გუნდი მანქანის და ძრავის პოტენციალს მაქსიმალურად აითვისებს. არადა, „ჰონდას“ ძრავით მოასპარეზე გუნდმა, რომელიც ყოველთვის უმაღლესი მიზნებისთვის იბრძვის ხოლმე, ამ სეზონში ჯერ მხოლოდ 5 ქულის აღება მოახერხა.

„ლენდ როვერი“ უფრო სწრაფ და უნარიან მოდელებსაც გამოუშვებს

Land Rover developing faster, tougher SVR and SVX 4x4s

15 ივლისი

ლაპარაკია ბრიტანული კომპანიის სამოდელო გამის იმ ვერსიებზე, რომლებსაც მისი „სპეციალური ავტომობილების ოპერაციების“ შტო (SVO) შეიმუშავებს. ამჟამად ასეთ ავტომობილებზე გამალებული მუშაობა მიმდინარეობს, თუმცა „ლენდ როვერი“ არ აზუსტებს, თუ რომელ მოდელებს დაამშვენებს აბრევიატურა SVX, რომელსაც ამ ავტომობილების ყველაზე სწრაფი და ყველგანმავალის გამოკვეთილი თვისებების მქონე ავტომობილები „დაიმსახურებენ“.

„მინი“ კონცეპტუალურ როდსტერ „სუპერლეგერას“ გამოუშვებს

Mini Confirms Superleggera Roadster, Could Rival Miata By 2019

15 ივლისი

„მინიმ“ კონცეპტუალურ როდსტერ „სუპერლეგერას“ სერიულ წარმოებას მწვანე შუქი აუნთო. კომპანიის შეფმა პეტერ შვარცენბაუერმა, ამის შესახებ გამოცემა „ავტოქარს“ განუცხადა. ბრიტანულმა კომპანიამ ეს ავტომობილი შარშან შეიმუშავა და მას შემდეგ არ წყდება ვარაუდი, კონვეიერზე მისი შესაძლო დაყენების თაობაზე. თუმცა ოფიციალური დასტური აქამდე არავის გამოუთქვამს.

„ფორდ მუსტანგი“ კოსმოსურ პროგრამა „აპოლოს“ სახელზე

Apollo Program-Themed Mustang Built For 2015 EAA AirVenture

15 ივლისი

„ფორდს“ ერთი ტრადიცია აქვს - ყოველწლიურად მონაწილეობს ავიამოყვარულთა ფესტივალ „EAA ეარ ვენჩურზე“, რომელსაც შტატ ვისკონსინის ქალაქი ოშკოში მასპინძლობს. ამერიკული კომპანია ფესტივალისთვის ყოველთვის ამზადებს „მუსტანგის“ სპეციალურ ვერსიებს, ამერიკის ავიაკოსმოსური ინდუსტრიის გამორჩეულ მოვლენებს ეძღვნება. ვერსია ყოველთვის ერთჯერადია და ის აუქციონზე იყიდება, რომლიდან შემოსული თანხაც, მომავალი პილოტების (პროგრამა იანგ იგლზ) მომზადებას ხმარდება.

ჩინურმა კომპანიამ ნაჭუჭისებრი დასაკეცი გარაჟი გამოიგონა

Chinese Company Invents Cocoon Garage That Wraps Around the Car

14 ივლისი

მჟავიანი წვიმები, სეტყვა, ხეების ნარჩენები და ჩიტების გამონაყოფი, ძლიერ აზიანებს ავტომობილების ძარებს და მათ კოროზიისადმი მიდრეკილს ხდის. ჩვენში ეს პრობლემა მეტნაკლებად მოგვარებულია კერძო გარაჟებით, რომლებიც ამახნჯებს ქალაქების იერსახეს. თანამედროვე მრავალსართულიან საცხოვრებელ სახლებს დახურული სადგომები აქვს. მაგრამ ავტომობილების დიდ უმეტესობას მაინც ღია ცის ქვეშ დგომა უწევს.

„ლამბორგინი ავენტადორ LP 750-4 სუპერველოჩე“ დუბაიში იყიდება

Lamborghini Aventador LP 750-4 Superveloce for Sale in Dubai

14 ივლისი

ეს ავტომობილი იმდენად იშვიათია, რომ ღირს მის ყოველ ეგზემპლარზე ყურადღების გამახვილება. მითუმეტეს, როცა იცი, რომ ჟენევის მოტორ შოუზე პრემიერიდან ძალიან მოკლე დროში, იტალიურმა კომპანიამ, მის 500-ვე ეგზემპლარზე მიიღო შეკვეთები. არადა, ის 327 190 ევრო და პლუს გადასახადები ღირს.

ბილ ფორდი სტივენ სპილბერგისგან ჯილდოს მიიღებს

Bill Ford To Receive Humanitarian Award From Steven Spielberg

14 ივლისი

სახელოვანი კინორეჟისორი და პროდიუსერი სტივენ სპილბერგი, კაცობრიობის ელჩის საპატიო ჯილდოს გადასცემს „ფორდ მოტორის“ აღმასრულებელ თავმჯდომარე ბილ ფორდს (ფოტოზე). ეს ჯილდო სამხრეთ კალიფორნიის უნივერსიტეტის შოას ფონდის მიერაა დაარსებული, რომლის ერთ-ერთი თანადამაარსებელიც თავად სპილბერგია. ორგანიზაციის გალა ცერემონია 10 სექტემბერს გაიმართება და ფორდსაც იქ დააჯილდოებენ.

„ბეემვე X6 M“ ნურბურგრინგის ჩრდილოურ მარყუჟზე - 8:20

2016 BMW X6 M Reportedly Posted an 8:20 Minute Lap Around the Nurburgring

14 ივლისი

მართალია, ნურბურგრინგის ჩრდილოური მარყუჟის ცალკეულ მონაკვეთებზე სიჩქარეები შეიზღუდა, მაგრამ ამ ლეგენდარულ ტრეკზე, მაინც არამხოლოდ სიჩქარის ცალკეული მოყვარულები იკმაყოფილებენ ადრენალინზე მოთხოვნილებას, არამედ დიდი კომპანიებც ცდილობენ საკუთარი შესაძლებლობების დემონსტრირებას. ეს ხან ოფიციალურად ხდება, ხან კი არაოფიციალურად. მაგრამ ინფორმაცია ვრცელდება და მყიდველის მოზიდვასაც უწყობს ხელს...

დიეტა ავტონომიური „აუდი RS7’სთვის“

Audi Put the RS7 Autonomous Prototype On a Diet, It Lost 400 Kg

14 ივლისი

„აუდი“ ინტენსიურად მუშაობს უპილოტო ავტომობილის ტექნოლოგიებზე. მათ გამოსაცდელად, შესაბამისი სისტემებით, RS7 აღჭურვა, რომელსაც სხვადასხვა პირობებში უტარდება ტესტები. ახლახანს კი გერმანულმა კომპანიამ მას განახლება ჩაუტარა, რის შედეგადაც პროტოტიპმა წონაში დაახლოებით 400 კილოგრამი დაიკლო. შეიცვალა ავტომობილის გაფორმებაც.

2017 წლიდან რალის მსოფლიო ჩემპიონატს ახალი რეგლამენტი ექნება

2017 WRC Racers Will Be Bigger, Stronger But Evolutionary Rather Than Revolutionary

13 ივლისი

მექსიკაში გამართულ, საერთაშორისო საავტომობილო ფედერაციის მსოფლიო მოტორსპორტის საბჭოზე, რალის მსოფლიო ჩემპიონატის (WRC) შეცვლილი ტექნიკური რეგლამენტი დაამტკიცეს, რომელიც 2017 წლიდან ამოქმედდება. ის მწარმოებლებს, აეროდინამიკურად უფრო დახვეწილი სარბოლო ავტომობილების შექმნის საშუალებას მისცემს და შესაბამისად, ისინი უფრო განსხვავებული იქნება სერიული ავტომობილებისგან.

აზერბაიჯანი ფორმულა 1-ის კალენდარში

Azerbaijan Added To 2016 Formula One Provisional Calendar

13 ივლისი

მეხიკო სიტიში ჩატარებულ მსოფლიო მოტორსპორტის საბჭოზე, საერთაშორისო საავტომობილო ფედერაციამ (FIA), ფორმულა 1-ის მსოფლიო ჩემპიონატის მომავალი სეზონის კალენდრის წინასწარი ვარიანტი ვარიანტი გამოაქვეყნა. ის იმითაა გამორჩეული, რომ 21 ეტაპს აერთიანებს და მასში პირველადაა შესული ბაქოს რბოლა. გარდა ამისა, კალენდარს გერმანიის დიდი პრიზი დაუბრუნდა, რომელიც ფინანსური და საორგანზაციო პრობლემების გამო, ამ სეზონში არ გაიმართა.

კოსმოსური ტექნოლოგია „ფორდ მუსტანგ GT350R’ის“ ბორბლებისთვის

Ford Uses Space Tech To Build Mustang GT350R’s Carbon Wheels

13 ივლისი

„ფორდმა“ ახალი „შელბი მუსტანგ GT350R’ის“ შესახებ ინფორმაციის მორიგი ულუფა გამოაქვეყნა. ამჯერად ამერიკული კომპანია გვამცნობს, რომ ეს იქნება მსოფლიოში პირველი სერიული ავტომობილი, რომელიც კარბონის ბოჭკოს კომპოზიტისგან დამზადებულ ბორბლებზე დადგება. ამ მასალისგან დამზადებულ ბორბლებს თავის თავის სუპერ ავტომობილებზე „კიონგსეგი“ იყენებს. ასევე რამდენიმე სატუნინგო ატელიე სთავაზობს თავის კლიენტებს. მაგრამ მასობრივ წარმოებაში ჯერ ასეთი რამ არავის გამოუყენებია.

ედრიან ნიუი „რედ ბულის“ საგზაო ავტომობილზე მუშაობს

Adrian Newey working on Red Bull road car with Aston Martin

12 ივლისი

ამ საქმეში, ავსტრიულ კომპანიას და ფორმულა 1-ის ლეგენდარულ ინჟინერს, პარტნიორობას „ასტონ მარტინი“ გაუწევს. მათი ერთობლივი პროექტით, სატრეკო სუპერ ავტომობილი შეიქმნება, რომელმაც კონკურენცია „მაკლარენ P1 GTR-ს“ და „ფერარი FXX K-ს“ უნდა გაუწიოს. ახალი სუპერ ავტომობილის პრემიერის სავარაუდო დრო, 2018 წელია.

„პაგანი ჰუაირა SE“ ტესტებს გადის

Pagani Huayra SE Spied Wearing QR Code Camouflage

12 ივლისი

„პაგანი ჰუაირა“ ერთ-ერთი ყველაზე მძლავრი და ელეგანტური სუპერ ავტომობილია მთელს მსოფლიოში. მაგრამ იტალიურმა კომპანიამ მისი წარმოება მალევე დაასრულა, რადგან წინასწარ განსაზღვრული შეკვეთების კვოტა სწრაფად ამოწურა. „პაგანი“ ახლა ამ ავტომობილის ღია ვერსიას ამზადებს, თუმცა სანამ მას წარმოებისთვის მოამზადებს, ბაზარზე „ჰუაირას“ კიდევ უფრო მძლავრი, SE მოდიფიკაცია გამოვა.

სებასტიან ლოები შეიძლება WRC-ში დაბრუნდეს

Citroen boss Matton wants Sebastien Loeb back in WRC in 2016

12 ივლისი

არაა გამორიცხული, რომ მომავალი სეზონიდან სებასტიან ლოები რალის მსოფლიო ჩემპიონატს დაუბრუნდეს და მეათე ტიტულისთვის იბრძოლოს. WRC-ში შესაძლო დაბრუნების თაობაზე, მსოფლიოს ცხრაგზის ჩემპიონთან დალაპარაკებას „სიტროენის“ გუნდის შეფი ივ მატონი აპირებს.