„ფორდმა“ რალიქროსისთვის სარბოლი „ფიესტა ST“ შექმნა

Ford reveals Fiesta ST race car, points at road ahead for bigger things in Global RallyCross

7 თებერვალი

„ფიესტა ST-ს“ გაყიდვებს „ფორდი“ ზაფხულში დაიწყებს, მაგრამ ამ ავტომობილს საქმეში მანამდე ვიხილავთ - ამერიკულმა კომპანიამ ჩიკაგოს ავტო შოუს გახსნამდე გამოაცხადა, რომ ეს ავტომობილი რალიქროსის რბოლებში მიიღებს მონაწილეობას. სარბოლი ვერსია (ფოტოზე) შვედურმა სატუნინგო კომპანია „ოლსბერგს MSE-მ“ მოამზადა. ამ „ფიესტა ST-თი“ რბოლებში მონაწილეობას ამერიკელი კენ ბლოკი და მისი გუნდი „ჰუნიგენ რეისინგი“ მიიღებენ.

„ჰიუნდაი“ i30-ის ტემპერამენტიან კონცეპტს ჟენევაში წარადგენს

Hyundai is preparing a performance halo model in the shape of a hot i30 hatchback

7 თებერვალი

„ჰიუნდაი“ თავის პოპულარულ ჰეჩბეკ i30-ის ტემპერამენტიან ვერსიას წარმოებისთვის ამზადებს. მის კონცეპტუალურ ვერსიას კორეული კომპანია ალბათ ჟენევის მოტორ შოუზე წარადგენს, მის წარმოებას კი 2015 წელს დაიწყებს. ამის შესახებ ინფორმაცია ბრიტანულმა ჟურნალმა „ავტოქარმა“ გაავრცელა.

„აუდი“ პატარა ქროსოვერ Q2-ს გამოუშვებს

Audi Q2 Rendering Released, Debut Expected in 2015

7 თებერვალი

„აუდის“ საკუთარი ქროსოვერების გამის გაფართოება აქვს გადაწყვეტილი. ამ ტიპის პირველი ახალი ავტომობილი, გამაში Q3-ზე ერთი საფეხურით დაბლა დაიკავებს ადგილს. გერმანული კომპანია ასეთი ავტომობილის გამოშვებას 2009 წლიდან აპირებს. მაშინ ავტომობილს სახელად Q1 შეურჩიეს. მაგრამ მას შემდეგ, მანქანას სახელი Q2-ით შეუცვალეს, მის წინამორბედად კი პარიზის შარშანდელ მოტორ შოუზე, კონცეპტუალური „ქროსლეინ კუპე“ (ფოტოზე) წარადგინეს.

„ფორდ ფოკუს ელექტრიკმა“ NHTSAს ხუთი ვარსკვლავი მიიღო

Ford Focus Electric Gets Five-Star Safety Rating From NHTSA

7 თებერვალი

„ფორდის“ კიდევ ერთმა ავტომობილმა მიიღო უსაფრთხოების ხუთი ვარსკვლავი. აშშ-ის საგზაო მოძრაობის უსაფრთხოების ეროვნულმა ადმინისტრაციამ უმაღლესი შეფასება დაუწერა ელექტრულ „ფოკუსს“. ამ ავტომობილის ასეთი წარმატება გასაკვირი სულაც არ იქნება, თუ გავითვალისწინებთ, რომ ის სტანდარტულ, ასევე ხუთვარსკვლავიან „ფოკუსზეა“ ბაზირებული.

„სუზუკი“ ჟენევაში C-სეგმენტის სერიულ ქროსოვერს წარადგენს

New Suzuki C-Segment Crossover Teased in Production Form

6 თებერვალი

„სუზუკიმ“ გამოაქვეყნა სერიული კომპაქტური ქროსოვერის ფოტო ტიზერი, ავტომობილისა, რომელიც პარიზის მოტორ შოუზე კონცეპტუალური „C-ქროსის“ სახელით გაგვაცნო. ამ ავტომობილის მსოფლიო პრემიერას იაპონური კომპანია ჟენევის მოტორ შოუზე ჩაატარებს, რომელიც 5-17 მარტს ჩატარდება.

„ლამბორგინი“ ჟენევისთვის სუპერ ავტომობილს ამზადებს

Lamborghini Preparing a Geneva-Bound Supercar that will “Shock and Reward”

6 თებერვალი

წელს „ლამბორგინის“ დაარსებიდან 50 წელი უსრულდება. ამასთან დაკავშირებით, იტალიურ კომპანიას შემუშავებული აქვს სუპერ ავტომობილი, რომლის წარმოებასაც აპირებს. კომპანიის შეფ შტეფან ვინკელმანის თქმით, „ლამბორგინი“ ამ ავტომობილს ჟენევის მოტორ შოუზე წარადგენს, ოღონდ, მას არ დაუზუსტებია, რა ტიპის მანქანაზეა ლაპარაკი.

პერესი პირველი ტესტებით კმაყოფილია

 Perez settles into a different seat at McLaren

6 თებერვალი

მართალია, პირველ ტესტებზე სერხიო პერესმა ახალ „მაკლარენში“ თავი კომფორტულად ვერ იგრძნო, მაგრამ საბოლოოდ მაინც კმაყოფილი დარჩა, რადგან ვარჯიშის შემდეგ აღიარა, რომ ბევრი სირთულის მიუხედავად, ახალ პირობებს სწრაფად ეგუება.

„ბეემვეს“ M-დივიზიონი 600-ცხენისძალიან სუპერქარ M8-ს გამოუშვებს

BMW’s M Division Pitches a 600HP M8 Supercar Based on the i8 Plug-In Hybrid’s Platform

6 თებერვალი

M1

პრემიუმ კლასის ავტომობილების სეგმენტში, სამი გერმანული კომპანია დომინირებს. მაგრამ ამათგან რატომღაც „ბეემვე“ ის ერთადერთი კომპანიაა, რომელიც სუპერ ავტომობილს არ აწარმოებს. არადა, მისი იმიჯი და პრესტიჟი ამას მოითხოვს. სხვა თუ არაფერი, კონკურენტი „მერსედეს-ბენცი“ და „აუდი“ ამ ტიპის ავტომობილების (შესაბამისად, SLS AMG და R8) წარმოებაში უკვე საკმაოდ დახელოვნებულები არიან. რა თქმა უნდა, ამაში მათ სარბოლ ტრასებზე აქტიურობაც უწყობს ხელს.

ახალი „მუსტანგი“ ახალი პლატფორმით 2015 წელს გამოვა

2015 Ford Mustang, Different Enough to Get New Platform Designation

6 თებერვალი

დადასტურებულად ცნობილია, რომ ახალი „მუსტანგის“ წარმოებას „ფორდი“ 2015 წელს დაიწყებს, ისიც უკვე არაერთხელ ითქვა, რომ ახალი, მეექვსე თაობის „მუსტანგი“, არცერთი წინამორბედის მსგავსი არ იქნება. ახალი ამბავი კი ისაა, რომ ამ ავტომობილს პლატფორმაც სრულიად ახალი ექნება.

ჰამილტონმა ახალი „მერსედესი“ პირველივე ტესტზე დაამტვრია

Hamilton crashes in first test for Mercedes

6 თებერვალი

თავის ახალ გუნდში პირველი სატესტო გამოსვლა, ლუის ჰამილტონმა ავარიით დაასრულა. თუმცა, ეს მისი შეცოდმის ბრალი არ იყო  ბრიტანელ პილოტს მანქანა უკანა მუხრუჭების დაზიანების გამო არ დაემორჩილა. უკონტროლო „ვერცხლისფერი ისარი“ ტრასის მიღმა გავარდა და კედელთან ჩამწკრივებულ საბურავების რიგს, უკვე საკმაოდ შენელებული, დაეჯახა.

„ოპელი“ ჟენევაში „ადამის“ უგზოობის კონცეპტუალურ ვერსიას წარადგენს

ADAM ROCKS in Geneva – a new crossover open air concept

6 თებერვალი

„ოპელი“ თავის უახლეს მინი ავტომობილ „ადამის“ მყიდველს ინდვიდუალიზაციის უმაღლეს დონეს სთავაზობს. მაგალითად, ექსტერიერის გაფორმების 61 000 ვარიანტს და ინტერიერის გაფორმების თითქმის 82 000 ვარიანტს. მოკლედ, პატარა „ადამი“ ინდვიდუალიზაციის კუთხით ნამდვილი მსოფლიო ჩემპიონია. მაგრამ როგორც ჩანს, გერმანულ კომპანიას ეს არ აკმაყოფილებს და მყიდველს უფრო მეტ მრავალფეროვნებას უმზადებს.

„რენო სცენიკ XMOD“ მინივენი ქროსოვერის სტილში

Renault's New Crossover-Inspired Scenic XMOD

5 თებერვალი

„რენომ“ კომპაქტურ მინივენ „სცენიკის“ ბაზაზე ქროსოვერი შექმნა, სახელად „სცენიკ XMOD“, რომლის პრემიერაც ჟენევის მოტორ შოუზე იგეგმება, თუმცა მის შესახებ მცირე ინფორმაცია ინტერნეტით უკვე გაავრცელა. ახალი ავტომობილი, ზოგ ბაზარზე „სცენიკის“ მინი ოჯახს შეავსებს, ზოგან კი, მაგალითად ბრიტანეთში, მინივენს ჩაანაცვლებს.

„ფიატი“ დაბალფასიან ბრენდს შექმნის

Fiat mulls low-cost brand, Marchionne says

5 თებერვალი

„ფიატს“ გადაწყვეტილი აქვს იაფფასიანი ავტომობილების მწარმოებელი ბრენდის შექმნა, ან აღდგენა, რომლითაც კონკურენციას „რენოს“ „დაჩიას“ და „ნისანის“ „დაცუნს“ გაუწევს. ამის შესახებ, თავად „ფიატის“ და „კრაისლერის“ მთავარმა აღმასრულებელმა სერჯო მარკიონემ განაცხადა. თუ ამ პროექტს მწვანე შუქი აენთება, ახალი კომპანია ავტომობილებს ევროპის გარეთ გამოუშვებს, რათა შემცირდეს საწარმოო ხარჯები.

„მუსტანგი“ საიუბილეო გარბენს მოაწყობს

MAA 50th Anniversary Drive Announced!

5 თებერვალი

„ფორდი“ თავის პოპულარულ „მუსტანგის“ 50 წლის იუბილეს, ამერიკის გარშემო გარბენით (მუსტანგს ექროს ამერიკა) აღნიშნავს. როგორც ამერიკული კომპანია გვპირდება, ეს იქნება ყველაზე მასშტაბური საავტომობილო ზეიმი, რომელიც კი ამერიკაში უდესმე უნახავთ. გარბენი სტარტს ლოს ანჯელესში აიღებს და შარლოტში დასრულდება. გარბენში მონაწილეობის უფლება, ამერიკის ყველა შტატის ენთუზიასტებს აქვთ.

ფინანსურად მოძლიერებული „მარუსია“

Marussia insists it is in best ever financial shape for F1 2013

5 თებერვალი

პელოტონის მაჩანჩალამ, ფ1-ის მსოფლიო ჩემპიონატში რუსეთის ლიცენზიით მოასპარეზე და ბრიტანეთში ბაზირებულმა „მარუსიამ“, თავისი ახალი სარბოლი ავტომობილი - MR02 გვიჩვენა. გუნდს ჯერჯერობით მხოლოდ ერთი პილოტი ჰყავს - ბრიტანელი მაქს ჩილტონი. მეორე პილოტი თითქოს გერმანელი ტიმო გლოკი უნდა ყოფილიყო, მაგრამ მოულოდნელად, ის გაუშვეს, რის მიზეზადაც ის გარემოება დაასახელეს, რომ გუნდს სპონსორიანი პილოტები სჭირდება. ვინ დაიკავებს მეორე მონოპოსტს, „მარუსიას“ შეფი ჯონ ბუტი გვპირდება, რომ მასაც კვირის ბოლომდე გაგვაცნობს. სავარაუდდ, მეორე მონოპოსტს ბრაზილიელი ლუის რაცია დაიკავებს.