„სუზუკის“ ოთხი კონცეპტუალური ავტომობილი ტოკიოსთვის

Suzuki Goes Big at Tokyo Show with New Crosshiker, Hustler, and X-LANDER Concepts

1 ნოემბერი

ტოკიოს მოტორ შოუზე პრაქტიკულად ყველა იაპონური კომპანია კონცეპტუალურ ავტომობილებს გამოფენს. მათ შორის იქნება „სუზუკიც“, რომელმაც გამოფენისთვის ოთხი კონცეპტუალური ავტომობილი და რამდენიმე მოტოციკლი მოამზადა. საავტომობილო სტენდზე დამთვალიერებელი იხილავს: „ქროსშიკერს“, „ჰასტლერს“, „ჰასტლერ კუპეს“ და „X-ლენდერს“. გარდა ამისა, იაპონელები პირველად იხილავენ კონცეპტუალურ „iV-4 Concept კონცეპტს“, რომელიც იაპონურმა კომპანიამ ახლახანს, ფრანკფურტის მოტორ შოუზე წარადგინა.

„ფორდი“ ახალ „მუსტანგს“ ეკობუსტ „ვუდუ“ ძრავითაც აღჭურვავს

Ford Working on “Voodoo” EcoBoost Twin-Turbo V8 for 2015 Mustang

1 ნოემბერი

„ფორდი“ მალე უახლეს, მეექვსე თაობის „მუსტანგს“ გაგვაცნობს, რომელიც მთელი მსოფლიოს მასშტაბით გაიყიდება. ამ ავტომობილის შესახებ, წინდაწინ უამრავი ინფორმაცია ვრცელდება, რომელთაგან ერთ-ერთს „ქარ ენდ დრაივერი“ ავრცელებს. ამერიკული გამოცემა გვამცნობს, რომ ცისფერი ოვალი ახალი „მუსტანგის“ ბაზაზე, ვერსია „მახ 1-საც“ გამოუშვებს, რომელიც ეკობუსტ ძრავის ვერსია „ვუდუთი“ აღიჭურვება.

„ლენდ როვერი“ „ბოულერის“ „დიფენდრი ჩელენჯს“ უსპონსორებს

2014 Land Rover Defender Challenge announced

1 ნოემბერი

„ლენდ როვერმა“ გამოაცხადა, რომ კომპანია „ბოულერის“ მიერ ორგანიზებული „დიფენდერ ჩელენჯის“ მომავალი წლის ტურნირის სპონსორი იქნება. ტურნირში, რომლის რბოლებიც დაკარის ტიპის გზებზე ჩატარდება, სპეციალურად მომზადებული 15 “დიფენდერ 90“ მიიღებს მონაწილეობას.

„ფერარი“ „მერსედესს“ პიტ სტოპის რეკორდს ეცილება

Mercedes and Ferrari both claim pitstop record

1 ნოემბერი

იაპონიის დიდი პრიზის დროს რომ „მერსედესმა“ პიტ სტოპის რეკორდი დაამყარა, ეს უკვე მოგიყევით. მაგრამ ირკვევა, რომ იმავე რბოლაში, ბორბლების ასევე რეკორდულ დროში შეცვალა „ფერარის“ პერსონალმაც. ოღონდ, მარანელოელებმა თავიანთი მიღწევა თავადვე დააფიქსირეს, სამქიმიანების დრო კი ტელეკომპანია „სკაიმ“ აღნუსხა.

„ბეემვე“ i-ბრენდის ტექნოლოგიებს სხვა მოდელებზეც გამოიყენებს

Technology from i Cars Will Be Used on Other BMW Models Too - Report

31 ოქტომბერი

„ბეემვემ“ ქვე-ბრენდ i-ს განვითარებაზე უზარმაზარი ინვესტიციები გაიღო. მართალია, ჯერჯერობით ამ ბრენდის ორი უახლესი ავტომობილი - i3 და i8 მცირე რაოდენობით იყიდება, მაგრამ ბავარიელებს წინასწარ ჰქონდათ გათვალისწინებული. ისინი იმ უახლეს ტექნოლოგიებს, რომლებიც i-ბრენდისთვის შეიმუშავეს, თავიანთ სხვა, მსხვილსერიულ მოდელებზეც დანერგავენ. ამ ტექნოლოგიებიდან ყველაზე მნიშვნელოვანია CFRP (კარბონის ბოჭკოთი გაძლიერებული პლასტიკი, იგივე კომპოზიტი).

„რედ ბულში“ ნიუის ეპოქა დასასრულს მიუახლოვდა?

Red Bull's Newey era set to end

31 ოქტომბერი

ძნელი სათქმელია, რას მიაღწევდა სებასტიან ფეტელი, „რედ ბულის“ მანქანების შექმნას ედრიან ნიუი რომ არ უძღვებოდეს. თუმცა, ალბათ მალე ამასაც გავიგებთ, რადგან არაა გამორიცხული, ლეგენდარულმა ინჟინერმა ავსტრიული გუნდი დატოვოს და სარეგატო იახტების შექმნაზე გადაერთოს, რაც მისი დიდი ხნის ოცნებაა. ფეტელის ინდოეთში ტრიუმფის შემდეგ, ერთ-ერთი ინტერვიუსას, ნიუიმ თავისი ძველი გატაცება ახსენა. „იქნებ, შემდეგი ამერიკის თასი იყოს? ვინ იცის“, - განაცხადა 54 წლის ბრიტანელმა.

„სუბარუ“ ტოკიოში კონცეპტუალურ „ლევორგს“ წარადგენს

Subaru Teases Tokyo Show-Bound Levorg Wagon Concept

30 ოქტომბერი

ტოკიოს მოტორ შოუზე, „სუბარუ“ სრულიად ახალი კონცეპტუალური ავტომობილით წარსდგება, რომელსაც „ლევორგი“ ეწოდება. იაპონური კომპანიის განცხადებით, ეს არის სერიული ავტომობილის წინამორბედი, რომელიც ბაზარზე მომავალ წელს გამოვა. რაც შეეხება სახელს, ის სამი სიტყვის - ლეგასის, რევოლუშნის და ტურინგის (ლეგენდა, რევოლუცია და მოგზაურობა) ნაჯვარია და შესაძლოა, ის იმაზე მიგვანიშნებს, რომ ამ ავტომობილის სახით, შემდეგი თაობის „ლეგასის“ უნვერსალის ძარიან ვერსიას ვნახავთ.

„სუზუკი“ ახალ, მოზრდილ „სვიფტს“ 2017 წელს გამოუშვებს

Larger Suzuki Swift Coming in 2017

30 ოქტომბერი

„სუზუკი სვიფტს“ მხოლოდ 13 წლის ისტორია აქვს და სულ შვიდი წელია, რაც ინდოეთში იყიდება, თუმცა მსოფლიოს მეორე ყველაზე ხალხმრავალი ქვეყნის ბაზარზე ყველაზე პოპულარული, B-სეგმენტის გამორჩეული მოთამაშეა. და გასაკვირი სულაც არაა, რომ იაპონური კომპანია მეოთხე თაობის „სვიფტს“ პირველად სწორედ ინდოეთში წარადგენს. ეს 2017 წელს მოხდება.

„რეინჯ როვერ სპორტი“ მორიგი რეკორდისთვის ემზადება

Range Rover Sport to Cross Arabian Desert’s "Empty Quarter" as Fast as Possible

30 ოქტომბერი

„ლენდ როვერი“ თავის სიამაყეს, „რეინჯ როვერ სპორტს“ ახალი რეკორდისთვის ამზადებს - უგზოობის სპორტულმა ლიმუზინმა რეკორდულად მოკლე დროში უნდა გადაკვეთოს არაბეთის უდაბნო სახელად რუბ ალ-ჰალი, რაც არაბულად „ცარიელ მეოთხედს“ ნიშნავს. ეს ჩვენს პლანეტაზე ერთ-ერთი ყველაზე მძიმე კლიმატური პირობებით გამორჩეული ადგილია, სადაც დიუნების სიმაღლე 259 მეტრსაც კი აღწევს, ტემპერატურა კი იშვიათად ჩამოდის 50 გრადუსზე დაბლა.

„დაიჰაცუს“ პატარა როდსტერი „კოპენი“ პრემიერის წინ

Daihatsu Kopen Roadster Concepts One Step Before Production

30 ოქტომბერი

ორი წლის წინ, ტოკიოს მოტორ შოუზე, „დაიჰაცუმ“ პირველად გვიჩვენა თავისი კონცეპტუალური ხედვა იმისა, თუ როგორი შეიძლებოდა ყოფილიყო პატარა როდსტერ „კოპენის“ შემცვლელი. იაპონურმა კომპანიამ კონცეპტუალური ავტომობილი D-X-ის სახელით გაგვაცნო და მაშინვე განაცხადა, რომ ეს „კოპენის“ წინამორბედია.

ფია-მ „რედ ბულის“ ძირი შეამოწმა

FIA checks Red Bull for bending floor

29 ოქტომბერი

მიმდინარე სეზონის მეორე ნახევარში „რედ ბულის“ დომინაციის მიზეზებს სპეციალისტები წვრილმანებში ეძებენ და ხანდახან თითქოს პოულობენ კიდეც მათ, მაგრამ ავსტრიული გუნდი ყოველთვის ახერხებს თავის გამართლებას. გერმანული ჟურნალი „აუტო მოტორ უნდ შპორტი“ ამ თემაზე საინტერესო ინფორმაციას ავრცელებს:

„ბირო“ - პატარა ელექტრომობილი მოსახსნელი აკუმულატორით

Biro electric car's battery can be removed for charging indoors

29 ოქტომბერი

გარდა იმისა, რომ თანამედროვე ელექტრომობილებს სვლის შედარებით მცირე სიშორე აქვთ და შედარებით ძვირადაც ფასობენ, მათ დამკვიდრებას ის ფაქტორიც აფერხებს, რომ ჯერჯერობით ძალიან ცოტაა ისეთი ადგილი, სადაც ელექტრომობილების ენერგიით დამუხტვის სადგურების ქსელი მუშაობს. ამ პრობლემის მოგვარება, ებრაულ-ამერიკულმა კონსორციუმმა „ბეტერ პლეისმა“ სცადა, თუმცა საქმეს ბოლომდე ვერ მოაბა თავი და მუშაობა შეწყვიტა.

„ასტონ მარტინი“ „მერსედეს AMG-ს“ პლატფორმების გამოყენებას განიხილავს

Aston Martin considering Mercedes-AMG platforms

29 ოქტომბერი

„ასტონ მარტინი“ მალე ბრენდ „ლაგონდას“ აღადგენს. ამ სახელის მქონე პირველი კონცეპტუალური ავტომობილი ჟენევის მოტორ შოუზე გვიჩვენა კიდეც. ალბათ გახსოვთ, რომ ეს იყო ქროსოვერი, რომლის ბაზისადაც „მერსედეს-ბენცის“ უგზოობის GL-ის პლატფორმა გამოიყენეს. თანაც, ბრიტანულ და გერმანულ კომპანიებს, პარტნიორობა აქვთ გადაწყვეტილი. უფრო მეტიც, როგორც ჟურნალი „ავტოქარი“ იტყობინება, მათი პარტნიორობა ცალკეული ერთობლივი პროექტებით არ შემოიფარგლება.

როს ბრაუნი „მერსედესს“ ტოვებს

Ross Brawn to leave Mercedes at the end of the current F1 season

29 ოქტომბერი

ფორმულა ერთში კვამლი უცეცხლოდ რომ არ არსებობს, კიდევ ერთხელ დასტურდება - ბიბისის მიერ გავრცელებული ინფორმაციით, ამ სეზონის ბოლოს, „მერსედესს“ მისი შეფი როს ბრაუნი დატოვებს. ეს ვარაუდი ჯერ კიდევ მაშინ გამოითქვა, როცა სამქიმიანებში „მაკლარენიდან“ პადი ლოუ გადავიდა, „უილიამსიდან“ ტოტო ვოლფი მივიდა და ერთ-ერთი ხელმძღვანელის როლი ნიკი ლაუდას ჩაბარდა. ეს კაცი ამჟამად გუნდის ტექნიკურ შტაბს უძღვება და ამ საქმეში, ნაწილობრივ სწორედ ბრაუნის მოვალეობას ასრულებს.

„მაჰინდრამ“ ალექს იმნაძის „ფუტკარი“ მოიწონა

Mahindra Turns to IED for Some Conceptual Inspiration

29 ოქტომბერი

ინდური საავტომობილო კომპანია „მაჰინდრა ენდ მაჰინდრა“ და ტურინის დიზაინის ევროპული ინსტიტუტი (IED) ერთად მუშაობენ პროექტზე, რომლის მიზანსაც ისეთი კონცეპტუალური ქროსოვერების სერიის შემუშავება წარმოადგენს, რომლებშიც უგზოობის ავტომობილების და მინივენების თვისებები უნდა იყოს შერწყმული. ტრანსპორტის დიზაინის ფაკულტეტის სტუდენტებმა თავიანთი ნამუშევრები სპეციალურ კომიტეტს წარუდგინეს, რომელმაც შემდგომი განვითარებისთვის სამი კონცეპცია შეარჩია.