„ნისანმა“ სარბოლი ელექტრომობილი გაგვაცნო (ვიდეო)

Nissan ZEOD RC Makes Public Debut

17 ოქტომბერი

სულ რვა თვე დასჭირდათ „ნისმოს“ სპეციალისტებს იმისათვის, რომ ჰიბრიდული სარბოლი ავტომობილი, „ნისან ZEOD RC“ მოემზადებინათ. ამ ავტომობილის პირველი პროტოტიპი იაპონურმა კომპანიამ ლე მანის წლევანდელი რბოლის წინ წარუდგინა მედიას, დღეს კი ქალაქ იოკოჰამაში (იაპონია), „ნისმოს“ შტაბ-ბინაში, ის სრულ საბრძოლო მზადყოფნაში გვიჩვენა.

ახალი „შელბი კობრას“ ესკიზები

New Shelby Cobra Design Study Looks Like a Viper Killer

17 ოქტომბერი

ხუთ ათეულ წელიწადზე მეტია, ავტომობილი სახელად „AC კობრა“, ანუ როგორც ხშირად უწოდებენ, „შელბი კობრა“ ამერიკასა და მთელს მსოფლიოში, სპორტული სუპერ ავტომობილების მოყვარულების ოცნებებს აღძრავს. მსუბუქი, ძალიან ძლიერი და ორიგინალური გარეგნობის „კობრა“ ჭეშმარიტი მძღოლებისთვისაა და არა სუსტი გულის ადამიანებისთვის, ვისაც მკვეთრი მანევრების და სწრაფი აჩქარების შიში აქვთ. მოკლედ, „კობრა“ ამერიკული ავტოინდუსტრიის ერთ-ერთი კერპია.

„მერსედესი“ „მაკლარენს“ კვლავ პრიორიტეტულ მომსახურებას გაუწევს

Mercedes says his common McLaren can expect engine parity in 2014

17 ოქტომბერი

„მერსედესი“ შეპირდა „მაკლარენს“, რომ მომავალ სეზონშიც, ძრავების მიწოდებისას, კვლავ პირველი კლასის მომსახურებას გაუწევს. როგორც ცნობილია, ბრიტანული საჯინიბო 2015 წლის სეზონიდან „ჰონდას“ ძრავების გამოყენებას იწყებს და არსებობს იმის საშიშროება, რომ იაპონური კომპანია, თავისი ძრავის შემუშავების პროცესში, თავისი მომავალი პარტნიორისგან, კონკურენტი კომპანიის სიახლეებზე საჭირო ინფორმაციას მიიღებს.

„ფორდი“ ელემენტების ლაბორატორიას აფინანსებს

Ford, DOE help fund new $8M EV battery lab at University of Michigan

16 ოქტომბერი

საავტომობილო ინდუსტრიაში ელექტრული ტრენდი ძლიერდება და მალე ის კომპანიები მიიღებენ უპირატესობას, რომლებიც უკეთესი მახასიათებლების მქონე ელემენტებით აღჭურვავენ თავიანთ ავტომობილებს. ამის გამო, ელექტრული ამბიციის მქონე ყველა ავტომწარმოებელი, შესაბამისი გამოცდილების მქონე პარტნიორს ეძებს და არც ინვესტიციებს იშურებს ახალი ტექნოლოგიების შესამუშავებლად.

„იაგუარი“ ახალ ეპოქას იწყებს

Jaguar plans four new models by 2018

16 ოქტომბერი

„იაგუარს“ დიდ გერმანულ სამეულთან - „აუდისთან“, „მერსედს-ბენცთან“ და „ბეემვესთან“ კონკურენცია აქვს გადაწყვეტილი. ოღონდ, სანამ მათი სრულფასოვანი მეტოქე გახდება, ბაზარზე ოთხი ახალი ავტომობილის გამოშვებას გეგმავს. „იაგუარ ლენდ როვერის“ სტრატეგიის განყოფილების შეფმა ედრიან ჰოლმარკმა ჟურნალ“ ავტოქართან“ საუბრისას განაცხადა, რომ ამ ოთხეულიდან პირველი კომპაქტური სედანი იქნება, რომელიც 2015 წელს გამოვა.

„რენომ“ ფორმულა ერთის ახალი რეკორდი დაამყარა

Renault Sets New Formula One Record

16 ოქტომბერი

„რენო სპორტის“ მიერ შემუშავებული ძრავებით ოთხი გუნდის მანქანებია აღჭურვილი, რომელთაგან „რედ ბული“ მალე ზედიზედ მეოთხე ტიტულს მოიპოვებს. თუმცა სანამ ეს მოხდება, ფრანგულმა კომპანიამ ფ1-ის ახალი რეკორდი დაამყარა. იაპონიის დიდი პრიზის კვალიფიკაციაში მარკ ვებერის გამარჯვებამ, „რენო სპორტს“ 209-ე პოული მოაპოვებინა.

„რეინჯ როვერ ევოუკ XL“ 2016 წელს გამოვა

Range Rover Evoque XL for 2016 launch

16 ოქტომბერი

„ლანდ როვერი“ თავისი პოპულარული „რეინჯ როვერ ევოუკის“ უფრო მოზრდილ (გრძელბაზიან), XL-ვერსიას გამოუშვებს, რომელიც კომპანიის გამაში, სტანდარტულ „ევოუკსა“ და „რეინჯ როვერ სპორტს“ შორის არსებულ ნიშას შეავსებს. ჟურანლ „ავტოქარის“ რეპორტიორმა კომპანია „ბერნშტაინ რისერჩის“ მასალები იხილა, სადაც გრძელბაზიანი „ევოუკი“ L560-ად არის მოხსენიებული.

„ასტონ მარტინი“ ელექტრო ძალაზე უარს ამბობს

Aston Martin to resist electric power

16 ოქტომბერი

„ასტონ მარტინის“ შეფი ულრიხ ბეცი აცხადებს, რომ მისი კომპანია ჯერჯერობით უარს ამბობს ჰიბრიდული სუპერ ავტომობილების წარმოებაზე და კვლავაც V12 ძრავების გამოყენებას გააგრძელებს. ის თვლის, რომ ჰიბრიდულ სისტემებში გამოყენებული ელემენტები ძალიან ამძიმებს ავტომობილს, რაც სუპერქარებისთვის მიუღებელია.

„ფორდი“ წარმოების მესამედით გაზრდას აპირებს

Ford targets one-third increase in capacity within five years

16 ოქტომბერი

„ფორდ მოტორმა“ შეიმუშავა გეგმა, რომელიც გლობალური მასშტაბით, წლიური წარმოების მესამედით გაზრდას ითვალისწინებს. ამ მიზნის მისაღწევად, განვითარებად ბაზრებზე ახალი ქარხნები ამოქმედდება. ამასთან, იგეგმება წარმოების მეთოდების გადახალისება. ამ გეგმის შესრულების შემთხვევაში, სიდიდით მეორე ამერიკული კომპანია 2017 წელს 8 მილიონი ავტომობილის გამოშვებას შეძლებს. შედარებისთვის, ამჟამად ცისფერი ოვალი დაახლოებით 6 მილიონ ავტომობილს აწარმოებს.

„მაზერატიმ“ გაყიდვები თითქმის გააოთხმაგა

Maserati Already Has 22,500 New Car Orders This Year, Compared to 6,300 in 2012

16 ოქტომბერი

„მაზერატის“ მიზნად აქვს დასახული წლიური გაყიდვების 50 000-მდე გაზრდა. ამ მიზნის მიღწევა 2015 წლითვის იგეგმება და როგორც ჩანს, იტალიურ კომპანიას ეს არ გაუჭირდება, რადგან პირველ სამ კვარტალში უკვე 22 500 ავტომობილზე აქვს შეკვეთა მიღებული. შედარებისთვის, შარშან მთელი წლის განმავლობაში მხოლოდ 6 300 ავტომობილი გაჰყიდა.

ალონსო: ტიტულის შანსი ივლისში დავკარგე

Fernando Alonso says F1 championship was lost in July

15 ოქტომბერი

ფერნანდო ალონსო დარწმუნებულია, რომ ტიტულის მოპოვების შანსი ივლისში დაკარგა და არა ახლა, როცა სებასტიან ფეტელი ერთმანეთის მიყოლებით იგებს რბოლებს. ესპანელს ახლაც აქვს ჩემპიონობის მათემატიკური შანსი, თუმცა ეს მხოლოდ იმ შემთხვევაში იქნება შესაძლებელი, თუ დარჩენილ ოთხ რბოლაში ფეტელი ათი ქულის აღებას ვერ შეძლებს, თავად კი ოთხივეს მოიგებს. ეს კი პრაქტიკულად შეუძლებელია.

„დრეისონ რეისინგის“ ოთხი რეკორდი ელექტრო მობილებისთვის

Drayson Racing Sets Four Land Speed Records for EVs

15 ოქტომბერი

ოთხი თვე არ გასულა მას შემდეგ, რაც „დრეისონ რეისინგმა“, ელექტრო მობილებისთვის ხმელეთზე სიჩქარის მსოფლიო რეკორდი დაამყარა. და ბრიტანულმა სარბოლო საჯინიბომ თავისივე შედეგი გააუმჯობესა. უფრო მეტიც, ჯამში ოთხი ახალი რეკორდი დაამყარა. სარეკორდო გარბენები ინგლისში, ელვინგტონის აეროდრომზე ჩატარდა.

„ჰიუნდაი“ სპორტულ ქვე ბრენდს ქმნის

Hyundai To Launch Performance Sub-Brand

15 ოქტომბერი

„ჰიუნდაის“ სპორტული ავტომობილების მწარმოებელი ქვე ბრენდის შექმნა აქვს გადაწყვეტილი, რისთვისაც რალის მსოფლიო ჩემპიონატზე თავის დაბრუნებას გამოიყენებს. ახალ ქვე ბრენდის მთავარი სამოქმედო არეალი ევროპა იქნება, თუმცა მომავალში კორეული კომპანია მას ამერიკასა და სხვა ბაზრებზეც გაიტანს, რისი ერთ-ერთი ნიშანაც შესაძლოა ლას ვეგასის ავტო შოუ SEMA-ზე მისი აქტიურობა იყოს.

ჰამილტონი ამ სეზონში გამარჯვებას გამორიცხავს

Lewis Hamilton: Mercedes F1 team won't beat Red Bull again in 2013

15 ოქტომბერი

ლუის ჰამილტონი დარწმუნებულია, რომ ამ სეზონის დარჩენილ რბოლებში, „მერსედესის“ გუნდი „რედ ბულის“ დამარცხებას შეძლებს. ბრიტანელი მრბოლი, ვინც იაპონიის დიდი პრიზი პირველივე წრეზე დაასრულა მას შემდეგ, რაც სებასტიან ფეტელმა უკანა მარჯვენა ბორბალი დაუზიანა (რასაც მანქანის ამავე ნაწილის დაზიანება მოჰყვა) თვლის, რომ „რედ ბული“ ამ ეტაპზე მისი გუნდისთვის მიუწვდომელია.

„ბეემვემ“ შეიძლება i3-ის წარმოება გაზარდოს

BMW Could Increase i3 Production Over Strong Demand

15 ოქტომბერი

„ბეემვემ“ ელექტრომობილ i3-ის წარმოება ახლახანს დაიწყო და მასზე ისეთი სოლიდური მოთხოვნა აქვს, რომ უკვე წარმოების მოცულობის გაზრდის მიზანშეწონილებას განიხილავს. წინასწარი მონაცემებით, ამ სუბკომპაქტურ ელექტრულ ჰეჩბეკზე მიღებული შეკვეთები წარმოების მოცულობაზე მეტია. „ავტომოტივ ნიუსის“ ინფორმაციით, ბავარიულ კომპანიას i3-ზე უკვე 8 000-ზე მეტი შეკვეთა აქვს მიღებული.