„ბუგატი შირონის“ მაქსიმუმი 467 კმ/სთ იქნება

Bugatti Chiron capable of hitting 467 km/h (290 mph) – Report

31 დეკემბერი

როგორც ჩეხური გამოცემა „მაგაზინ პროდრაივერ CZ“ იუწყება, „ბუგატის“ უახლეს ჰიპერ ავტომობილ „შირონის“ მაქსიმალური სიჩქარე 467 კმ/სთ-ს მიაღწევს. ეს ინფორმაცია გამოცემამ კომპანიის იმ პოტენციური მომხმარებლებისგან მოიპოვა, ვისაც ამ ავტომობილის პრივატულ წარდგენაზე დასწრების საშუალება მიეცა.

„ლამბორგინი ჩენტენარიო“ „ავენტადორის ბაზაზე დამზადდება

Lamborghini Centenario Might Be Based On The Aventador, Winkelmann Says

25 დეკემბერი

„ლამბორგინი“ ახალ სუპერ ავტომობილზე მუშაობს, რომელიც მისი დამაარსებლის, ფერუჩო ელიო არტურო ლამბორგინის დაბადების 100 წლის იუბილეს მიეძღვნება. და როგორც კომპანიის შეფმა სტეფან ვინკელმანმა მიანიშნა, ეს ავტომობილი არა „ურაკანის“, არამედ „ავენტადორის“ ბაზაზე აიგება. მისი თქმით, როცა ავტომობილის წარმოება ძალიან შეზღუდული რაოდენობით იგეგმება, მაშინ ინჟინრები საფუძვლად „ავენტადორს“ იღებენ.

„შევროლემ“ შეიძლება „კორვეტის“ ელექტრული ვერსია გამოუშვას

Corvette To Go The EV Way After GM Trademaks "E-Ray" Moniker?

23 დეკემბერი

შეერთებული შტატების საპატენტო ოფისმა, „შევროლეს“ ორ სავაჭრო ნიშანზე, „კორვეტ E-რეისა“ და „E-რეიზე“ დაუკმაყოფილა განაცხადი. ეს კიდევ ერთი დასტურია იმ ვარაუდზე, რომ „ჯენერალ მოტორსის“ ყველაზე მასობრივი ბრენდი, თავისი სუპერ ავტომობილის ელექტრული ვერსიის გამოშვებას აპირებს. ორივე სახელი „სტინგრეისთან“ არის დაკავშირებული, რომელიც მეშვიდე თაობის „კორვეტის“ მეტსახელია.

„მაკლარენმა“ „675LT სპაიდერი“ ორ კვირაში სრულად გაჰყიდა

McLaren 675LT Spider Sells Out In Just Two Weeks

22 დეკემბერი

„მაკლარენს“ სულ ორი კვირა ეყო იმისათვის, რომ თავის ღია სუპერ ავტომობილ „675LT სპაიდერის“ სრული ტირაჟი - 500-ვე ეგზემპლარი გაეყიდა. საინტერესოა, რომ ჯერ კიდევ „675LT კუპეს“ პრემიერისას, უოკინგელებმა მკაცრად უარყვეს მისი ღია ვერსიის გამოშვების შესაძლებლობა. მაგრამ მომხმარებელთა დაინტერესების გამო, გადაწყვეტილება მალევე შეცვალეს.

„ჯანარელი დიზაინ-1“ – „კობრას“ იდეური შთამომავალი ემირატებიდან

21 დეკემბერი

„ჯანარელი“ - ჟღერს იტალიურად, მაგრამ არის არაბული დამწყები კომპანია ემირატებიდან, რომელიც მალე სუპერ ავტომობილ „დიზაინ-1’ის“ წარმოებას დაიწყებს. ღია ორადგილიანი ავტომობილი გარეგნულად ლეგენდარულ „AC კობრას“ ჰგავს და ის ბაზარზე მომავალ წელს გამოვა. კომპანია შეკვეთებზე იმუშავებს. ყოველი ავტომობილი ხელით აეწყობა და თითოს დამზადებას დაახლოებით სამი თვე დასჭირდება.

„ლამბორგინი ურაკანის“ გამა ახალი ვერსიებით შეივსება

Lamborghini Huracán range to expand with new models

20 დეკემბერი

„ლამბორგინის“ მთავარ აღმასრულებელ სტეფან ვინკელმანის თქმით, მოდელ „ურაკანის“ ვერსიების გამა მალე მინიმუმ ხუთამდე გაიზრდება. ახალი, უკანა ამძრავიანი LP580-2-ის გამოსვლის შემდეგ, „ურაკანის“ ვერსიების რიცხვი ოთხამდე გაიზარდა. ეს ოთხეულია: „LP610-4 კუპე“, „LP610-4 სპაიდერი“, „LP620-2 სუპერ ტროფეო“ და ზემოთ ნახსენები LP580-2.

„კიონიგსეგ ვან:1“ 6 მილიონ დოლარად იყიდება

 One-off Koenigsegg One:1 Development Car For Sale At Eye-Watering $6 Million

19 დეკემბერი

შვედურმა კომპანია „კიონიგსეგმა“ თავისი ჰიპერ ავტომობილი „ვან:1“ მხოლოდ ექვსი ცალი დაამზადა და აქედან გამომდინარე, მთელს მსოფლიოში ეს ერთ-ერთი ყველაზე იშვიათი ავტომობილია. მაგრამ როგორც ირკვევა, მისი მეშვიდე ეგზემპლარიც არსებობს. ეს ის მოდელია, რომელიც „კიონიგსეგმა“ პირველი დაამზადა და ტესტებიც ჩაუტარა. როგორც წესი, ასეთი ავტომობილები არ იყიდება ხოლმე.

„ფერარიმ“ თავისი საუკეთესო დილერი ფ1-ის ბოლიდით დაასაჩუქრა

Ferrari rewards dealer with an F1 car but bedlam ensues getting it into the showroom

19 დეკემბერი

„ფერარიმ“ თავის ყველაზე გამორჩეულ დილერს, ლონდონურ კომპანია „H.R. ოუენს“, რომელიც მის მიერვე, წლის საუკეთესო დილერად აღიარა, ჯილდოს სახით, ფორმულა 1-ის ბოლიდი, SF15-T გადასცა. რა თქმა უნდა, ჯილდო დილერის შოურუმში დააყენეს. მაგრამ სანამ მანქანას ვიწრო ქუჩაზე ტრეილერიდან გადმოტვირთავდნენ, კარგა გრძელი საავტომობილო საცობი წარმოიქმნა.

ორი ტურბო ძრავი „პორშე 718 ბოქსტერ/კაიმანისთვის“

Porsche 718 Boxster & Cayman Confirmed To Offer Two Turbo'd Four-Pots

17 დეკემბერი

ახლახანს ცნობილი გახდა, რომ „პორშე“ განახლებულ „კაიმანს“ და „ბოქსტერს“ სახელში რიცხვ 718-ს დაამატებს. სხვათა შორის, გერმანულმა კომპანიამ, „718 ბოქსტერის“ სატესტო პროტოტიპის საგზაო ტესტებში მონაწილეობისთვის, ბრიტანულ გამოცემა „ავტოქარის“ ჟურნალისტი მიიწვია, რომელმაც ახალი ავტომობილების შესახებ, დამატებითი ინფორმაციაც შეიტყო.

„რამუსა“ - იტალიური უგზოობის სუპერ ავტომობილი

Ramusa, a New "Hypersuv" by Camal Design Center, Revealed

17 დეკემბერი

დიზაინის იტალიურმა ცენტრმა, სახელად „კამალ“, რომელიც ტურინშია ბაზირებული და რომელიც 2008 წელს, „ფიატის“, „ბერტონეს“ და „ფერარის“ ყოფილმა თანამშრომელმა ალესანდრო კამორალიმ დააარსა, უგზოობის ჰიბრიდული სუპერ ავტომობილი, სახელად „რამუსა“ (ეს სიტყვა იტალიურის პიემონტურ დიალექტზე ხვლიკს ნიშნავს) შეიმუშავა. ეს ავტომობილი, „ბუგატი EB110-ის“ ბაზაზეა შემუშავებული და ძრავიც მისივე აქვს.

ხის სუპერ ავტომობილი 600 ცხენის ძალით

Up Close With The Crazy 600hp Wooden Supercar From Essen

16 დეკემბერი

იყო დრო, როცა ხეს ავტომობილების კონსტრუქციაში ფართოდ იყენებდნენ. ბრიტანული კომპანია „მორგანი“ თავის რეტრო მოდელ „აეროს“ კონსტრუქციაში, ამჟამადაც ხის სუბ-სტრუქტურას იყენებს. მაგრამ ცალკეული გამონაკლისების გარდა, ალბათ არ არსებობს შემთხვევა, რომ ვინმეს ავტომობილის არამხოლოდ მზიდი ნაწილი, არამედ ძარაც ხისგან დაემზადებინოს.

„ჯინეტა G57-ის“ დებიუტი ლონდონის „ავტოსპორტ ინტერნეიშნლზე“ გაიმართება

Ginetta G57 Will Make Public Debut At London's Autosport International

14 დეკემბერი

პატარა ბრიტანული საავტომობილო კომპანია „ჯინეტა“, ბრიტანულ ჟურნალ „ავტოსპორტის“ მიერ ორგანიზებულ ტრადიციულ საერთაშორისო გამოფენაზე, რომელსაც ლონდონი უმასპინძლებს, თავის ახალ სარბოლო ავტომობილს წარადგენს. ეს კომპანია მსუბუქი სარბოლო ავტომობილების წარმოებითაა ცნობილი, ამჯერად კი LMP3 კლასის სარბოლო პროტოტიპის წარმოებას იწყებს.

მარანელოს მერმა ქალაქში „ფერარის“ ავტომობილების გაქირავება შეზღუდა

Maranello Mayor Puts An End To Local Rent-A-Ferrari Businesses

14 დეკემბერი

„ფერარის“ ქალაქი მარანელო უჩვეულოდ დადუმდა. იქაურმა მერმა იტალიური კომპანიის სუპერ ავტომობილების გაქირავება დღის მეორე ნახევარში აკრძალა. ტურისტებს შეეზღუდათ იმის საშუალება, რომ ქალაქის ქუჩებში კვიცების მართვით სიამოვნება მიიღონ. ტესტ-დრაივზე მომუშავე პატარა ფირმებმა კი შემოსავლის დდ ნაწილი დაკარგეს. მსგავსი ფირმები „ფერარის“ ავტომობილებს მსოფლიოს ბევრ ქალაქში - ლონდნში, პარიზსა თუ ლას ვეგასში, აქირავებენ. მაგრამ სულ სხვაა, როცა ამას მარანელოში, ამ კომპანიის დაბადების ადგილზე აკეთებ.

„მაკლარენმა“ P1-ის ბოლო ეგზემპლარი დაამზადა

McLaren P1 Production Is Over, This Is The Final Example

10 დეკემბერი

„მაკლარენის“ ფაბრიკამ ჰიბრიდულ ჰიპერ ავტომობილ P1-ის ბოლო, 375-ე ეგზემპლარი გამოუშვა. ბოლო ავტომობილი იმავე, მარგალიტისებრ ფორთოხლისფერში შეიღება, როგორი ფერითაც ლეგენდარულ „მაკლარენ F1-ის“ ბოლო, 64-ე ეგზემპლარი (შასის ნომერი #075) დამზადდა. ბოლო P1-ის ზოგიერთი დეტალი, მათ შორის სპლიტერი, დიფუზორი და გვერდითა აეროდინამიკური ელემენტები, კარბონის კომპოზიტის ფაქტურაშივეა დატოვებული. ბორბლები კი ვერცხლისფერია.

„ლაფერარი“, 918 და P1 ერთ შოურუმში

UK Dealership Has LaFerrari, McLaren P1 and Porsche 918 Spyder For Sale

9 დეკემბერი

„ფერარი ლაფერარი“, „მაკლარენ P1“ და „პორშე 918 სპაიდერი“ ის ჰიპერ ავტომობილებია, რომლებიც ნებისმიერ ავტომოყვარულს ოცნებას დააწყებინებს, მაგრამ ჯერ ერთი, ფასის გამო, თავიდანვე ბევრს დაეკარგებოდა მადა, თანაც მარანელოელებმა ის თავიანთ ყველაზე გამორჩეულ კლიენტებს მიჰყიდეს, რათა გადამყიდველებისგან მაქსიმალურად დაეცვათ.

„დეველ სიქსთინის“ ძრავმა სტენდზე 4 515 ცხენის ძალა განავითარა

Devel Sixteen, Dubai’s Ridiculous Hypercar, Climbs to over 4,500 HP on Engine Dyno

9 დეკემბერი

ორი წელი გავიდა მას შემდეგ, რაც დუბაის მოტორ შოუზე, ახლო აღმოსავლეთში ბაზირებულმ უცნობმა კომპანიამ, თავისი ჰიპერ ავტომობილი „დეველ სიქსთინი“ წარადგინა. ეს მანქანა თავისი ექსტრემალური ფორმების გარდა იმითაც იყო გამორჩეული, რომ მისმა მწარმოებელმა არაამქვეყნიური მონაცემები გამოაქვეყნა. კერძოდ, გამოფენაზე ითქვა, რომ ავტომობილს ადგილიდან 100 კმ/სთ სიჩქარის აკრეფა 1.8 წამში შეუძლია, მისი მაქსიმალური სიჩქარე კი 560 კმ/სთ-ს აღწევს!

არაბული ქვიშის უდაბნოს მრბოლი 100 000 დოლარად

Arabian Sand Racer From Zarooq Priced At $100,000

7 დეკემბერი

ემირატულმა კომპანია „ზარუქმა“ თავისი უგზოობის ექსტრემალური ავტომობილის, „სენდ რეისერის“ შესახებ ინფორმაცია და ფოტოები გამოაქვეყნა. სპეციალურად ამ მიზნით ჩატარებულ პრეს კონფერენციაზე ითქვა, რომ ყველგანმავალის შესაშური თვისებების გარდა, „ქვიშის მრბოლი“ მაღალი კლასის სედანისთვის დამახასიათებელი კომფორტულობითაც გამოირჩევა. და მაინც, მისი ადგილი ქალაქში არაა, ის გაუვალ გზებზე, განსაკუთრებით კი ქვიშიან უდაბნოში ექსტრემალური მართვით სიამოვნების მისაღებადაა შექმნილი.

„ბუგატი“ „შირონს“ ჟენევის შოუზე წარადგენს

Bugatti Confirms Chiron Name, Debuts At 2016 Geneva Motor Show

6 დეკემბერი

„ბუგატიმ“ დაადასტურა, რომ ჰიპერ ავტომობილ „ვეირონის“ შემცვლელის სახელად „შირონი“ შეარჩია და მისი პრემიერა ჟენევის მოტორ შოუზე გაიმართება. ავტომობილს სახელი სახელოვანი მონაკოელი მრბოლის, ლუი შირონის საპატივცემულოდ ეწოდა, ვისაც 1920-1930-იან წლებში, პრაქტიკულად ყველა დიდი რბოლა აქვს მოგებული.

„ლამბორგინი ჩენტენარიო“ კომპანიის დამაარსებლის ასწლოვანი იუბილესთვის

Lamborghini Centenario Special Confirmed For Geneva

5 დეკემბერი

„ლამბორგინი“ მომავალ წელს, თავისი დამაარსებლის, ფერუჩო ელიო არტურო ლამბორგინის დაბადებიდან 100 წლის იუბილეს აღნიშნავს. ეს ჟენვის მოტორ შოუზე, მარტში მოხდება და ამ მოვლნას სანტ’აგატა ბოლონეზელები სრულიად ახალ სუპერ ავტომობილს მიუძღვნიან. ეს ინფორმაცია თავად „ლამბორგინის“ შეფმა სტეფან ვინკელმანმა დაადასტურა. გამოცემა „ავტოექსპრესთან“ საუბრისას მან ისიც თქვა, რომ რჩეულ მომხმარებლებს უკვე უჩვენეს ამ ავტომობილის ესკიზები.

ერთი კოლექციონერის რვა „ფერარი“ აუქციონზე გაიყიდება

Eight Iconic Ferraris Being Auctioned From Single Owner

4 დეკემბერი

სკოტსდეილის აუქციონზე, რომელსაც „გუდინგ ენდ კომპანი“ ატარებს და რომელიც იანვრის ბოლოს გაიმართება, ცნობილ კოლექციონერ ტონ შუშანის რვა „ფერარი“ გაიყიდება. ეს კაცი ლოს ანჯელესელი, უძრავი ქონების ინვესტორია და შეერთებულ შტეტბში ერთ-ერთი საუკეთესო საავტომობილო კოლექციის პატრონია. მის მიერ აუქციონისთვის გამეტებული რვავე „ფერარის“ ჯამური ფასი 11 მილიონ დოლარზე მეტია.