სინგაპურში სარბოლო მოთელვა დაიწყო

Motor racing-Vettel dominates Singapore practice

20 სექტემბერი

ფორმულა ერთის ქარავანმა ევროპა დატოვა და მსოფლიოს გარშემო ვოიაჟს სინგაპურიდან იწყებს, სადაც ღამის რბოლით ასიამოვნებს ავტოსპორტის მოყვარულთ. თუმცა, ბევრმა უკვე ინტერესი დაკარგა და ამაში დამნაშავენი სებასტიან ფეტელი და „რედ ბული“ (ედრიან ნიუის თამადობით) არიან, რომლებმაც სეზონის დასრულებამდე შვიდი ეტაპით ადრე, მეტოქეებს ჩემპიონობის იმედი პრაქტიკულად გადაუწურეს.

პირველი ნაბიჯი საერთაშორისო არენაზე

20 სექტემბერი

კიდევ ერთ ქართველ ახალგაზრდა მრბოლს, ირაკლი ჩხეიძეს გაუჩნდა შანსი იმისა, რომ დიდ ავტოსპორტში გაიკვალოს გზა. 22-25 სექტემბერს, აბუ დაბის იას მარინა ცირკვიტზე, ზუსტად იმ ტრეკზე, სადაც თვენახევრის შემდეგ, ფორმულა ერთის რბოლა ჩატარდება, ის მონაწილეობას მიიღებს ახლო აღმოსავლეთისა და ხმელთაშუა ზღვის რეგიონის 15 ქვეყნის ახალგაზრდა მრბოლების ტესტებში, რომელთა შედეგადაც, სპეციალური კომისია, ახალგაზრდა მრბოლთა სრულყოფის აკადემიის კურსანტებს შეარჩევს.

პროექტ „ზენოს E10-ის“ დეტალები

We Get a More Detailed Look at Upcoming Zenos E10 Sports Car

19 სექტემბერი

ახლახანს, „კატერჰემის“ ყოფილმა შეფმა ანსარ ალიმ გამოაცხადა, რომ საკუთარ კომპანიას, სახელად „ზენოს“ აყალიბებს, რომელიც მსუბუქ და ძალიან ტემპერამენტიან ავტომობილებს გამოუშვებს. ინტერნეტით ამ ავტომობილების ესკიზებიც კი გავრცელდა. პირველი ავტომობილი, სახელად E10, სპიდსტერის ტიპის სპორტული ავტომობილი იქნბა, ბაზაში განლაგებული ძრავით. საერთოდ, ყველა შემდგომ მოდელს (E1 ტარგა და E12 კუპე) ძრავი ბაზაში ექნება და ისინიც იმავე პლატფორმაზე აიგება, რაზეც E10.

„ბეემვემ“ ლაიპციგში ელექტრომობილ i3-ის წარმოება დაიწყო

BMW Kickstarts its EV Adventure with Series Production of the i3 EV in Leipzig

19 სექტემბერი

„ბეემვემ“ თავის ლაიპციგის ქარხანაში, სუბკომპაქტურ ელექტრომობილ i3-ის წარმოება დაიწყო. ეს არის ბავარიული კომპანიის ისტორიაში, მის უახლეს ქვებრენდ i-ს პირველი ელექტრომობილი, რომლის წარმოებისთვის მომზადებაც, რიგ სირთულეებთან იყო დაკავშირებული. საქმე ისაა, რომ i3-ის წარმოებისას ისეთ მასალებს იყენებენ, რომლებიც ადრე მასობრივი წარმოებისთვის შეუძლებლად ითვლებოდა.

რაიკონენმა „ლოტუსი“ ფულის გამო დატოვა

Kimi Raikkonen: money prompted Lotus exit and Ferrari F1 switch

19 სექტემბერი

ჭორი მართალი აღმოჩნდა - „ლოტუსიდან“ კიმი რაიკონენის წამოსვლის მთავარი მიზეზი ფული ყოფილა. ფინელმა მრბოლმა „ლოტუსს“ შემდგომი სეზონისთვის ფინანსური გარანტიები მოსთხოვა. ეს კი იმ მარტივი მიზეზის გამო გააკეთა, რომ მიმდინარე სეზონში ბრიტანულ გუნდს მის მიმართ დავალიანება დაუგროვდა. ამის თაობაზე, კიმიმ მედიას სინგაპურში პირადად მოახსენა.

„ფერარი“ მთლიანად ტურბო ძრავებზე გადავა

Report Claims All Next-Gen Ferraris will get Turbo Engines

19 სექტემბერი

ავტო ინდუსტრიაში ბოლო ხანს რადიკალური ცვლილებები ხდება. მასობრივი ელექტრიფიკაციის პარალელურად, არნახულად დაიხვეწა შიდაწვის ძრავები, რომელთაგან ზოგი ისეთივე (ხშირად მეტადაც) ეკონომიურია, როგორიც ჰიბრიდული სისტემები. მცირდება ცილინდრების რიცხვი და ლიტრაჟი. სამაგიეროდ, წვის პროცესის ოპტიმალურად მართვისთვის, სულ უფრო ხშირად იყენებენ ტურბო კომპრესორებს და საწვავის უშუალოდ წვის კამერაში შეფრქვევის სისტემებს.

„ფორდ ტრანზიტ კონექტი“ 2014 წლის საუკეთესო ვენია

Ford Transit Connect Scoops International Van of the Year 2014 Trophy

19 სექტემბერი

„ფორდ ტრანზიტ კონექტი“ წლის საუკეთესო ვენი ზედიზედ მეორედ გახდა. კონკურსის ჟიურის 24 წევრმა ჯამში ამ ავტომობილს 130 ქულა (163 შესაძლებლიდან) დაუწერეს. კონკურსის ფინალში, ამერიკულმა ვენმა ისეთ ძლიერ კონკურენტებს აჯობა, როგორებიც „მერსედეს-ბენც სპრინტერი“ და „რენო კანგუა“. შეგახსენებთ, რომ სარშანდლი კონკურსი „ტრანზიტის“ უფრო დიდმა ვარიანტმა, „ტრანზიტ კასტომმა“ მოიგო.

„ფორდი“ ევროპისთვის 25 ახალ ავტომობილს გამოუშვებს

Ford to Roll Out 25 New Models in Europe within Five Years

19 სექტემბერი

თავისი ევროპული შტოს მდგომარეობის გასაუმჯობესებლად, „ფორდი“ ცდილობს, გამოიყენოს იგივე მეთოდი, რომლითაც 2008-2009 წლების ამერიკის კრიზისს თავი დააღწია. ამერიკული კომპანია ევროპის ბაზრისთვის, მომდევნო ხუთი წლის განმავლობაში 25 ახალ ავტომობილს გამოუშვებს. ეს ინფორმაცია, გამოცემა „ავტონიუსს“ თავად „ფორდ ოფ იუროპის“ პრეზიდენტმა სტივენ ოდელმა მიაწოდა. მისი თქმით, ამ ავტომობილებიდან ზოგი სრულიად ახალი იქნება, ზოგი კი არსებული მოდელების ახალი თაობის ავტომობილები. და ლაპარაკი არაა განახლებულ ავტომობილებზე.

ფელიპე მასას კონტაქტი „მაკლარენთანაც“ აქვს

Massa 'in contact with McLaren'

18 სექტემბერი

„ფერარიდან“ განდევნილი ფელიპე მასა კონკურენტუნარიან გუნდში მოწყობას ცდილობს და ერთ-ერთი გუნდი, რომელთანაც უკვე ჰქონდა შეხვედრა, „მაკლარენია“. ყველაზე ინტენსიური მოლაპარაკება კი „ლოტუსთან“ აქვს. ამასთან, ბრაზილიურ „გლობოსთან“ საუბრისას, მასამ განაცხადა, რომ დარჩენილ რბოლებში, თანაგუნდელ ფერნანდო ალონსოსთვის აღარ გაირჯება და იმაზე იზრუნებს, რომ კარგ გუნდებს მოაწონოს თავი.

„რეინჯ როვერ ჰაიბრიდი“ და „სპორტ ჰაიბრიდი“

Frankfurt 2013: Range Rover Hybrid and Sport Hybrid

18 სექტემბერი

ფრანკფურტის წლევანდელი მოტორ შოუ „ლენდ როვერისთვის“ იმითაა გამორჩეული, რომ იქ თავის ისტორიაში პირველი ჰიბრიდული ავტომობილები - „რეინჯ როვერ ჰაიბრიდი“ და „რეინჯ როვერ სპორტ ჰაიბრიდი“ წარადგინა, რომლებიც არამხოლოდ მაღალი სიმძლავრით და მომენტით, არამედ საწვავის ეკონომიური მოხმარებით და გამონაბოლქვში ნახშირორჟანგის შემცირებული დოზით გამოირჩევა.

„ფორდ S-მაქსი“ - საშუალო ზომის კონცეპტუალური მინივენი

Ford Shows Us the Immediate Future with New S-Max Concept

18 სექტემბერი

„ფორდს“ ფრანკფურტში ორი სიახლე აქვს გამოფენილი - სედანი „მონდეო ვინიალე“ და საშუალო ზომის „S-მაქსი“. პირველი ახალი წინა-პრემიუმ დონის ავტომობილების ქვე-ბრენდ „ვინიალეს“ პირველი მერცხალია, მეორე კი, როგორც მისი სახელიც მიგვითითებს, ცისფერი ოვალის ახალი თაობის მინივენის წინამორბედია.

„დაჩია“ ალბათ ელექტრომობილსაც გამოუშვებს

Electric Dacia is possibility, says boss

18 სექტემბერი

ელექტრომობილების პოპულარობის ზრდის კვალობაზე, არაა გამორიცხული, რომ მალე რუმინულმა კომპანია „დაჩიამ“, რომელიც „რენოს“ მფლობელობაშია, ელექტრომობილების წარმოება დაიწყოს. „დაჩია“ საბიუჯეტო ავტომობილების წარმოებაზეა სპეციალიზებული, ელექტრომობილები კი ჯერჯერობით ძვირად ფასობს. მაგრამ ფრანგულმა კომპანიამ უკვე დაიწყო შედარებით იაფი ელექტრომობილის, „ზოის“ წარმოება. ეს კი იმას ნიშნავს, რომ „დაჩიას“ ასეთი ავტომობილების წარმოებაც შეუძლია.

„ფორდმა“ უკვე 2 მილიონი „ეკობუსტ“ ძრავი გამოუშვა

Ford Builds Two Millionth EcoBoost Engine Worldwide

18 სექტემბერი

„ფორდმა“ სერია „ეკობუსტის“ უკვე ორი მილიონი ძრავი გამოუშვა. ამ ტურბო აგრეგატების წარმოება ამერიკულმა კომპანიამ 2009 წელს დაიწყო და მას შემდეგ, შესაშური ეკონომიურობისა და სიმძლავრის წყალობით, ისინი მზარდი პოპულარობით სარგებლობენ. მეორმილიონე აგრეგატია ლუისვილის (შტატი კენტუკი) ქარხანაში გამოშვებული  2.0-ლიტრიანი ძრავი, რომლითაც კომპაქტური ქროსოვერი „ისკეიპი“ აღიჭურვება.

„ბეემვე i8“ - სპორტული ავტომობილების მომავალი სახე

New BMW i8 Plug-In Hybrid is the Sports Car of the Future

17 სექტემბერი

„პორშეს“ სუპერ ავტომობილის მსგავსად, „ბეემვემაც“ სპორტულ პლაგ-ინ ჰიბრიდულ i8-ს შესახებ უამრავი ინფორმაცია გაავრცელა, ავტომობილმაც კონცეპტუალური ვერსიიდან სერიულამდე არაერთი ტრანსფორმაცია განიცადა, ერთხელ ჰოლივუდის ფილმშიც გადაიღეს ტომ კრუზთან ერთად და აი, ფრანკფურტში იმ სახით გამოჩნდა, როგორსაც მყიდველს შესთავაზებენ. ეს მეორე ავტომობილია, რომელსაც „ბეემვე“ უკვე უშვებს i-ქვებრენდით. პირველი სუბკომპაქტური ელექტრომობილი i3-ია.

„პორშე“ ნურბურგრინგზე უფრო სწრაფიც იქნება

Porsche 918 Spyder could lap the 'Ring even quicker

17 სექტემბერი

ფრანკფურტის მოტორ შოუს წინ, „პორშეს“ გუნდმა ნურბურგრინგზე დიდ წარმატებას მიაღწია - „918 სპაიდერით“ წრე შვიდ წუთზე ნაკლებში (6:57) გაიარა. ასეც რომ არ მომხდარიყო, ფრანკფურტში მისი სტენდი მაინც საყოველთაო ყურადღების ცენტრში იქნებოდა, რადგან იქ ცუფენჰაუზენელების ახალი, თანაც ჰიბრიდული სუპერ ავტომობილი, სწორედ „918 სპაიდერი“ იდგა, რომელმაც აშკარად დაჩრდილა ლეგენდარულ მოდელ 911-ის 50 წლის იუბილესადმი მიძღვნილი, ამავე მოდელის სპეციალური და ტურბო ვერსიები, ასევე სედან „პანამერას“ ახალი, ჰიბრიდული და დიზელის ვერსიები.