„ფორდის“ საუკეთესო ამერიკული აგვისტო 2004 წლის შემდეგ

Ford Announces Best August Sales Since 2004

3 სექტემბერი

„ფორდ მოტორმა“ გამოაცხადა, რომ აგვისტოში ამერიკის ბაზარზე 222 174 ავტომობილი გაჰყიდა, რაც შარშანდელი აგვისტოს გაყიდვებთან შედარებით, 0.4 პროცენტით მეტია. უფრო მეტიც, ეს კომპანიისთვის ბოლო 8 წელიწადში აგვისტოს საუკეთესო მაჩვენებელია ამერიკის ბაზარზე. გარდა ამისა, იანვარ-აგვისტოს პერიოდში, პრემიუმ ბრენდ „ლინკოლნის“ გაყიდვებიც კი 13.4 პროცენტით გაიზარდა (წინა წლის ანალოგიურ პერიოდთან შედარებით).

„ლენდ როვერ დისქავერი სპორტი“

New Land Rover Discovery Sport Detailed

3 სექტემბერი

„ლენდ როვერმა“ ინტერნეტით თავისი უგზოობის უახლესი ავტომობილის, „უახლესის“ პირველი ინტერნეტ ჩვენება მოაწყო - გაავრცელა მისი ფოტოები და ოფიციალური ინფორმაცია. ახალი ავტომობილი, ჯერ კიდევ პოპულარულ „ფრილენდერს“ (ამერიკაში LR2) შეცვლის და დასაბამს დაუდებს სრულიად ახალ ქვე-ბრენდ „დისქავერის“, რომელშიც სამი, ან შესაძლოა, ოთხი ავტომობილი გაერთიანდება. „დისქავერი სპორტის“ გაყიდვები მომავალი წლის დასაწყისშ აიღებს სტარტს და კონკურენციას „აუდი Q5-ს“, „ბეემვე X3-ს“ და „მერსედეს-ბენცGLK-ს“ გაუწევს.

„იაგუარ ლენდ როვერი“ გამონაბოლქვში ნახშირორჟანგის შემცირებას ცდილობს

JLR intensifies efforts to meet tough EU CO2 target

2 სექტემბერი

„იაგუარ ლენდ როვერი“ ყველა ღონეს იხმარს, რათა თავისი ავტომობილების გამონაბოლქვში ნახშირორჟანგის საშუალო შემცველობა თანდათან შეამციროს, რითაც ევროკავშირის მიერ მოწონებულ, 2021 წლიდან ასამოქმედებელი რეგლამენტის შესრულებას შეძლებს. როგორც „იაგუარ ლენდ როვერის“ წარმოების განვითარების შეფი ვოლფგანგ ციბარტი ამბობს, ამ მიზნის მისაღწევად, ბრიტანული კომპანია პლაგ-ინ ჰიბრიდულ ავტომობილებსაც გამოუშვებს.

„ზენოს ქარზი“ უფრო მძლავრ E10 S-ს გამოუშვებს

Zenos Cars reveals more powerful E10 S for 2015

2 სექტემბერი

„ზენოს ქარზი“ ახალი ბრიტანული კომპანიაა. ის „კატერჰემის“ ყოფილმა მთავარმა აღმასრულებლებმა, ანსარ ალიმ და მარკ ედვარდსმა შარშან ჩამოაყალიბეს. და სწრაფადვე გამოუშვეს პირველი სპორტული მოდელი - E10. და აი, მყიდველს უკვე კომპანიის პირმშოს პირველ მოდიფიკაციასაც სთავაზობენ. ესაა E10 S, რომელიც უფრო მძლავრი და ეფექტური ძრავით აღიჭურვა.

ალონსო „ფერარიში“ დარჩენას აპირებს

Alonso insists he will stay at Ferrari

2 სექტემბერი

ფერნანდო ალონსო ამბობს, რომ მიმდინარე სეზონის დასრულების შემდეგ, „ფერარის“ დატოვებას არ აპირებს. მართალია, იტალიური გუნდი, რომელშიც ალონსო 2010 წლიდანაა, მორიგ უფერულ სეზონს ატარებს - კონსტრუქტორთა თასის ლიდერ „მერსედესს“ 250 ქულით ჩამორჩება, მაგრამ მსოფლიოს ორგზის ჩემპიონი მაინც მისი ერთგული რჩება.

ბატონის მომავალი ფ1-ში გაურკვეველია

Button's F1 future uncertain as McLaren waits on Alonso, Vettel

1 სექტემბერი

ჯენსონ ბატონს ნათქვამი აქვს, რომ თავის კარიერას „მაკლარენში“ დაასრულებს. და როგორც ჩანს, ამის დრო მოახლოვდა. „ჰონდას“, რომელიც ბრიტანულ გუნდს მომავალი სეზონიდან ძრავებით მოამარაგებს, სებასტიან ფეტელის და ფერნანდო ალონსოს მოწვევა სურს. რაც პერსპექტივაში იმას ნიშნავს, რომ მათ ჯენსონ ბატონის და კევინ მაგნუსენის ადგილი უნდა დაიკავონ.

„რენო RS 01“ ახალი მონო სერიის გლადიატორი

Renault's New RS 01 Racer with 500+HP Engine from Nissan GT-R

1 სექტემბერი

„რენომ“ ახალი სარბოლო ავტომობილი, RS 01 შექმნა, რომლითაც „რენოს“ მსოფლიო სერიაში, „რენო სპორტ ტროფის“ ჩემპიონატში მომავალი სეზონიდან იასპარეზებს. ახალი კლასი მოიაზრება, როგორც მოსამზადებელი ეტაპი GT კლასისა და გამძლეობაზე რბოლებში გადასასვლელად. „რენო სპორტ ტექნოლოჯიზის“ მთავარ აღმასრულებელ პატრის რატის თქმით, ეს ავტომობილი არის კონცეპტ „დიზირის“ სიკოხტავისა და სარბოლო ფორმულა „რენო“ 3.5-ის ნაზავი.

ალონსოს 25 ქულის პირობა

Ferrari exit could open for Alonso on Monday - report

1 სექტემბერი

დღეს შესაძლოა გადამწყვეტი მომენტი დადგა ფერნანდო ალონსოსა და „ფერარის“ ურთიერთობაში. მართალია, მარანელოელთა შეფი მარკო მატიაჩი ამბობს, რომ მის გუნდს მომავალი სეზონისთვის იგივე პილოტები - კიმი რაიკონენი და ალონსო ეყოლება, თუმცა არაა გამორიცხული, რომ სიტუაცია რადიკალურად შეიცვალოს.

„მაკლარენი“ ფეტელის და ალონსოს გადაბირებას ცდილობს

McLaren F1 team in final push to hire Vettel or Alonso

31 აგვისტო

„მაკლარენი“ ისეთი ტოპ პილოტის მოზიდვას ცდილობს, რომელიც მის ლიდერობას რამდენიმე სეზონის განმავლობში შეძლებს. ჟურნალ „ავტოსპორტის“ მიერ გავრცელებული ინფორმაციით, უოკინგელებს ასეთებად სებასტიან ფეტელი და ფერნანდო ალონსო ჰყავთ ამორჩეული. მათგან ამას პირველ რიგში, ძრავების ახალი მიმწოდებელი „ჰონდა“ მოითხოვს, რომელიც მომავალი სეზონიდან უბრუნდება ფორმულა ერთს.

„სუზუკი“ მალე სედან „ჩიააზს“ სერიულად გამოუშვებს

Suzuki Ciaz Concept (India-bound Maruti Ciaz)

31 აგვისტო

„ჩიააზი“ (Ciaz) ჰქვია კონცეპტუალურ სედანს, რომელსაც „სუზუკი“ წლის დასაწყისიდან, გამოფენიდან გამოფენაზე ატარებს. ეს ძირითადად აზიის ქვეყნებში ხდება. ყველაფერი კი ნიუ დელის ავტო ექსპოთი დაიწყო, რადგან პირველ რიგში, ის ინდური ბაზრისთვისაა განკუთვნილი. მოგვიანებით კი ჩინეთს ეწვია, სადაც სერიული „ალივიოს“ სახელით წარსდგა. „ჩიააზმა“ ბაზარზე სედან SX4-ის ადგილი უნდა დაიკავოს, რომლის წარმოებაც მიგვიანებით შეწყდება.

„იაგუარ ლენდ როვერის“ „სასიამოვნო პრობლემა“

Jaguar Land Rover says key models in short supply, some have six-month wait lists

30 აგვისტო

„იაგუარის“ და „ლენდ როვერის“ თანამედროვე სამოდელო გამები, საუკეთესოა მათს ისტორიაში. შესაძლოა, ვინმე შემოგვედავოს და თქვას, რომ კლასიკური ავტომობილები გაცილებით უფრო შარმიანი იყო, მაგრამ ფაქტი ისაა, რომ ორივე კომპანია, რომლებიც ერთ ჯგუფში არიან გაერთიანებულნი, გაყიდვების რეკორდებს ხსნის. უფრო მეტიც, მათს ავტომობილებზე რიგები დგას!

რალის პირველი მსოფლიო ჩემპიონი - ბიორნ ვალდეგაარდი გარდაიცვალა

Bjorn Waldegaard obituary

30 აგვისტო

70 წლისა, კიბოთი გარდაიცვალა რალიში მსოფლიოს პირველი ჩემპიონი, შვედი ბიორნ ვალდეგაარდი. კენიაში მას ლომს უწოდებდნენ - საფარის უმძიმესი რალის ოთხგზის გამარჯვებულს სხვა სახელი არც ეკადრებოდა. რალის მრბოლის კარიერა 19 წლიდამ დაიწყო და სამ წელიწადში, შვედეთის რალი კვარცხლბეკზე დაასრულა. ორი წლის შემდეგ კი შვედეთის ჩემპიონი გახდა.

„ფორდმა“ ფოლადისტანიანი F-150-ის წარმოება შეწყვიტა

Ford Ends Production of Steel-Bodied F-150

29 აგვისტო

„ფორდის“ დირბორნის (დეტროიტის გარეუბანი, შტატი მიჩიგანი) პიკაპების ქარხანამ, ახლანდელი თაობის, ფოლადისტანიან პიკაპ F-150-ის წარმოება შეწყვიტა. ცისფერი ოვალი ახალი F-150-ის წარმოებისთვის ემზადება, რომლის სტრუქტურაც, პირველად ამ მოდელის ისტორიაში, მეტწილად ალუმინისგანაა დამზადებული. ამის წყალობით, ის „ფორდის“ ისტორიაში ყველაზე ეკონომიური პიკაპია. თუმცა, ბევრი იმასაც ფიქრობს, რომ ალუმინის გამო, ავტომობილი ბაზარზე ლიდერის პოზიცას დათმობს.

ფეტელი მონცაზე ახალი შასით გამოვა

Sebastian Vettel to get new F1 chassis for Italian GP

29 აგვისტო

სებასტიან ფეტელი იტალიის დიდ პრიზზე ახალი შასით იასპარეზებს. „რედ ბული“ ცდილობს, მიაგნოს მიზეზს, რომლის გამოც, მსოფლიოს ოთხგზის ჩემპიონს ბელგიურ ეტაპზე სიჩქარე აკლდა. და ეს იმ დროს, როცა კვალიფიკაცია შესანიშნავად ჩაატარა. გუნდის შეფი კრისტიან ჰორნერი ამბობს, სპაზე ფეტელი იმდენად არადამაჯერებლად გამოიყურებოდა, რომ ეს მანქანის დაზიანების შედეგი უნდა ყოფილიყო.

როსბერგმა ჰამილტონს მოუბოდიშა

Nico Rosberg admits 'error of judgement' in Lewis Hamilton clash

29 აგვისტო

„მერსედესის“ პილოტებს შორის დაძაბულობა მოიხსნა, ცოტა ხნით მაინც - სპა ფრანკორშანზე მომხდარი ინციდენტის გამო, ნიკო როსბერგმა ლუის ჰამილტონს საჯაროდ მოუბოდიშა. სამქიმიანებმა თავიანთ პილოტებს შორის არსებულ დაძაბულ ურთიერთობას სპეციალური შეხვედრა მიუძღვნეს, რომელშიც როსბერგის და ჰამილტონის გარდა, გუნდის დირექტორები, ტოტო ვოლფი და პადი ლოუ მონაწილეობდნენ. რა თქმა უნდა, განხილვის საგანი, სპაზე მომხდარი ავარია იყო, რომლის გამოც, გერმანულმა გუნდმა დუბლის შესრულება ვერ შეძლო.