„ფორდ რეისინგმა“ ახალი ტექნიკური მხარდაჭერის ცენტრი გახსნა

Ford Racing Inaugurates New Technical Support Center

24 მაისი

ავტოსპორტში მონაწილეობის ინტენსიურობის გასაზრდელად, „ფორდმა“ სრულიად კონკორდში (შტატი ჩრდილოეთ კაროლინა) ახალი ტექნიკური მხარდაჭერის ცენტრი გახსნა, რომლის დანიშნულებაც, სარბოლო გუნდებთან თანამშრომლობა, მათი სარბოლი ავტომობილების სრულყოფის პროცესში მხარდაჭერაა. ცენტრი NASCAR-ში, აშშ-ის სპორტული ავტომობილების ჩემპიონატში, NHRA-სა და IMSA-ს სერიებში, ასევე რალისა და გლობალური რალიქროსის სერიებში მონაწილე იმ გუნდებს გაუწევს პარტნიორობას, რომლებიც ცისფერი ოვალის სარბოლი ტექნიკით სარგებლობენ.

„ფერარი“ კანადაში განახლებული ძრავით იასპარეზებს

Ferrari poised to introduce F1 engine boost at Canadian Grand Prix

24 მაისი

კანადურ დიდ პრიზზე „ფერარი“ ძრავის მოდიფიცირებული ვერსიით იასპარეზებს. იტალიურმა კომპანიამ გადაწყვიტა, რომ რადგანაც ძრავი საკმაოდ საიმედოა, ახლა უკვე შესაძლებელია მისი პოტენცალის სრულად ათვისება. მართალია, ძრავების გაუმჯობესება, ეგრეთ წოდებული „გაყინვის“ წესის თანახმად, არ შეიძლება, მაგრამ არსებობს იმის საშუალება, რომ ეს სხვა გზით მოხერხდეს და ამის შესახებ, „ფერარის“ ტექნიკური დირექტორი ჯეიმს ელისონი გვიამბობს:

როსბერგმა საშინაო კვალიფიკაცია მოიგო

Motor racing-Rosberg takes Monaco pole for Mercedes

24 მაისი

ნიკო როსბერგმა, როგორც იქნა, შეძლო კვალიფიკაციაში თავის თანაგუნდელ ლუის ჰამილტონის დამარცხება, მაგრამ სესიის მიწურულს მომხდარი ინციდენტის გამო, სტიუარდებს ეჭვი გაუჩნდათ, გერმანელმა მრბოლმა შეგნებულად ხომ არ გაითამაშა მოსახვევ მირაბოში შეცდომის დაშვება, რის გამოც, ის იძულებული შეიქნა, უსაფრთხოების „ჯიბეში“ შეეხვია, ამას კი ტრასაზე ყვითელი შუქის ანთება და შესაბამისად, მანქანების შენელება მოჰყვა.

„რეინჯ როვერ სპორტი“ პლაგ-ინ ჰიბრიდით აღიჭურვება

Range Rover Sport Getting Performance Petrol PHEV Version

22 მაისი

„ლენდ როვერმა“ უკვე დაიწყო ჰიბრიდული სისტემების გამოყენება. მაგალითად, მყიდველს უკვე შეუძლია „რეინჯ როვერის“ და „რეინჯ როვერ სპორტის“ ჰიბრიდული აგრეგატით აღჭურვილი ვერსიების შეძენა. ახლახანს კი ჰიბრიდზაციის პროცესი გრძელბაზიან „რეინჯ როვერსაც“ შეეხო. ყველა შემთხვევაში, ჰიბრიდულ სისტემაში, დიზელის V6 ძრავებია გაერთიანებული. ოღონდ, ამ სისტემების ელექტრო ენერგიით დამუხტვა არ ხდება. ამასთან, ავტომობილი ელექტრო ძრავით მხოლოდ 48 კმ/სთ სიჩქარით გადაადგილდება და ამ დროს სვლის სიშორეც ძალიან შეზღუდულია - მხოლოდ 1.6 კილომეტრი.

ედრიან ნიუი „რედ ბულის“ ერთგული რჩება

Motor racing-Newey says he is staying at Red Bull

22 მაისი

„რედ ბულის“ ტექნიკურმა დირექტორმა ედრიან ნიუიმ, ვინც საჩემპიონო ბოლიდების მთავარი შემოქმედია, წერტილი დაუსვა ბოლო ხანს გახშირებულ ვარაუდებს იმის შესახებ, რომ ის ავსტრიული გუნდის დატოვებას და „ფერარიში“ გადასვლას აპირებს: „ახლო მომავალში „რედ ბულიდან“ არსად გადასვლას არ ვაპირებ“, - მოკლედ განაცხადა ნიუიმ, ვინც ფ1-ის ისტორიაში ერთ-ერთ საუკეთესო ინჟინრად დამსახურებულადაა მიჩნეული.

„სუზუკიმ“ ფიჭური ელემენტი შეიმუშავა

Intelligent Energy and Suzuki “Rivaling” Toyota With New Fuel Cell Unit

22 მაისი

ფიჭური ელემენტებით აღჭურვილი ავტომობილების მწარმოებელთა მოკლე სიას მალე „სუზუკიც“ შეუერთდება. იაპონურმა კომპანიამ, თავის პარტნიორ „ინტელიჯენტ ენერჯისთან“ ერთად, უკვე დაასრულა მუშაობა კომპაქტურ ფიჭურ დანადგარზე, რომელიც იოკოჰამაში, საავტომობილო ინჟინრების საზოგადოების იაპონიის კონგრესზე წარადგინა.

ალონსომ სამქიმიანების ჰეგემონია შეწყვიტა

2014 Monaco GP Practice Two: Fernando Alonso fastest after long waiting game

22 მაისი

მერე რა, რომ ამაში ხელი წვიმიანმა ამინდმა შეუწყო და თანაც, ორი პრაქტიკის ჯამში, უფრო სწრაფი მაინც ლუის ჰამილტონი აღმოჩნდა, რომელიც მეორე პრაქტიკაზე ესპანელს თითქმის ნხევარი წამით ჩამორჩა. მეორე პრაქტიკაზე მრბოლებს სველ ასფალტზე ასპარეზობამ მოუწია და ამიტომ, მთელი სესიის განმავლობაში, ზედმეტი რისკის თავიდან ასარიდებლად, ისინი მეტწილად სიფრთხილეს იჩენდნენ.

ჰამილტონი მონაკოშიც ყველაზე სწრაფია

Motor racing-Hamilton on top in first Monaco practice

22 მაისი

ლუის ჰამილტონი მონაკოშიც უსწრაფესია, თუმცა მისგან არც ისე შორსაა თანაგუნდელი ნიკო როსბერგი, რომელმაც პირველ თავისუფალ პრაქტიკაზე, ჩემპიონატის ლიდერზე მხოლოდ 0.032 წამით უარესი დრო აჩვენა. მათგან ახლოსაა დანიელ რიკარდო, რომელიც ლიდერს დაახლოებით 0.3 წამით ჩამორჩა. ასეთი სხვაობა კი იმის იმედს იძლევა, რომ მონაკოში მაინც ვინმე შეძლებს სამქიმიანებთან ტოლსწორ პაექრობას.

მარკიონემ „ჯიპს“ გაყიდვების გაორმაგება დაუგეგმა

Marchionne Wants to More Than Double Jeep’s Global Sales by 2018

21 მაისი

„ფიატ კრაისლერ ავტომობილზის“ მთავარ აღმასრულებელ სერჯო მარკიონეს მიერ ახლახანს გამოქვეყნებულ განვითარების გეგმაში, განსაკუთრებული ყურადღება „ჯიპს“ ეთმობა. გეგმის მიხედვით, უგზოობის ავტომობილების წარმოებაზე სპეციალიზებული ამერიკული ბრენდის გაყიდვები, დაახლოებით უნდა გაორმაგდეს. უფრო კონკრეტულად, 2018 წელს „ჯიპმა“ 1.9 მილიონი ავტომობილი უნდა გაჰყიდოს.

„სეატის“ საიუბილეო კონცეპტუალური როდსტერი „იბიცა კუპსტერი“

Seat Chops the Roof Off the Ibiza for Wörthersee

21 მაისი

„ფოლკსვაგენის“ ჯგუფის ფესტივალზე, რომელიც ავსტრიის ვორთერზეე ტრეფენში 28-31 მასს გაიმართება, გერმანულ ჯგუფში შემავალი ყველა კომპანია კონცეპტუალურ ავტომობილს წარადგენს. მათ შორის იქნება ესპანური კომპანია „სეატიც“, რომელმაც „ოჯახური“ გამოფენისთვის კონცეპტუალური როდსტერი - „იბიცა კუპსტერი“ მოამზადა, რომლითაც მოდელ „იბიცას“ წარმოების დაწყებიდან 30 წლის იუბილეს აღნიშნავს.

„მერსედესი“ ფ1-ის ტექნოლოგიებს საგზაო მოდელებზე დანერგავს

Mercedes to use Formula 1 engine tech centre to develop road cars

21 მაისი

„მერსედეს-ბენცის“ განვითარების დივიზიონის შეფმა თომას ვებერმა დაადასტურა, რომ მისი კომპანია თავისი საგზაო ავტომობილებისთვის, ფორმულა 1-ის ძრავების განვითარების საკუთარ ცენტრს გამოიყენებს. „მერსედეს AMG ჰაი პერფორმენს პაუერტრაინსის“ ცენტრი ბრიქსუორტში (ბრიტანეთი) მდებარეობს. სწორედ იქაა შემუშავებული უახლესი ჰიბრიდული აგრეგატი, რომლის წყალობითაც, სამქიმიანებს ფ1-ის გუნდს ამ სეზონში ბადალი არ ჰყავს.

„პულსარი“ - „ნისანის“ ახალი ევროპული ბესტ სელერი?

Nissan Reveals New Pulsar Compact Hatch to Fight Focus, Megane and Golf

21 მაისი

„ნისანი“ ევროპის ბაზარზე ძველ სახელ „პულსარს“ აბრუნებს, რათა ყველაზე პოპულარულ, C-სეგმენტში აღიდგინოს პოზიციები და ამ სეგმენტის ისეთ აღიარებულ ლიდერებს წაართვას ბაზრის წილი, როგორებიცაა მსოფლიო ბესტ სელერი „ფორდ ფოკუსი“, „რენო მეგანი“, „ოპელ ასტრა“ და რა თქმა უნდა, „ფოლკსვაგენ გოლფი“. ახალი „პულსარი“ უკვე მივიწყებული „ალმერას“ პირდაპირი შთამომავალია, რომლის წარმოებაც 2006 წელს შეწყდა. საინტერესოა ისიც, რომ ამ სახელით ავტომობილები კვლავაც იყიდება ავსტრალიაში და ზოგ სხვა ქვეყანაშიც.

„ლენდ როვერმა“ შესაძლოა პატარა „დისქავერიც“ გამოუშვას

Land Rover Discovery ‘family’ could include a Jeep Renegade-sized micro SUV

21 მაისი

არაა გამორიცხული, რომ „ლენდ როვერის“ მოდელ „დისქავერის“ ოჯახში, სამზე მეტი ავტომობილი გაერთიანდეს. ამაზე თვით ბრიტანული კომპანიის დიზაინ სტუდიის დირექტორი რიჩარდ ვული ლაპარაკობს. მისი თქმით, არაა გამორიცხული, რომ სახელ „დისქავერის“ ქოლგის ქვეშ სამზე მეტი ავტომობილი შევიდეს.

ახალი „მუსტანგი“ 24 425 დოლარი ღირს

Ford Prices New 2015 Mustang V6 from $24,425 Further Details Launch

20 მაისი

„ფორდმა“ 3.7-ლიტრიანი V6 ძრავით აღჭურვილ უახლეს „მუსტანგზე“ შეკვეთების მიღება დაიწყო. ავტომობილის საბაზო ფასი 24 425 დოლარია. შემდგომში ბაზარზე გამოვა 2.3-ლიტრიანი ეკობუსტით და V8 (GT - ტოპ ვერსია) ძრავით აღჭურვილი ვერსიები, რომლებიც ძრავების გარდა, ეკიპირებით და გაფორმების დონითაც განსხვავებული იქნება. შესაბამისად, ისინი საბაზო ვერსიაზე ძვირიც (არც ისე) ეღირება.

„კვიდი“ – „რენოს“ კიდევ ერთი ახალი მინი ქროსოვერი

The KWID Concept Could Become Renault’s Next Crossover in 2016

20 მაისი

„რენომ“ კონცეპტუალური ქროსოვერი, სახელად „კვიდ“, ნიუ დელის წლევანდელ ავტო ექსპოზე წარადგინა. ეს ავტომობილი იმდენად ფუტურისტულად გამოიყურება, რომ ვერავინ იფიქრებდა, თუ ფრანგული კომპანია კონვეიერზე მის დაყენაბას გადაწყვეტდა. მაგრამ როგორც ირკვევა, „რენო“ სწორედ ამას აპირებს. ყოველ შემთხვევაში, ამას ბრიტანული გამოცემა „ავტო ექსპრესი“ ირწმუნება. მისივე ინფორმაციით, ახალი ავტომობილი ბაზარზე 2016 წელს გამოვა.