„მაკლარენი“ P1-ის სატრეკო ვერსიას გამოუშვებს

McLaren Teases 1,000PS Track-Exclusive P1 GTR, will Cost $3.35 Million

13 ივნისი

„მაკლარენი“ წარმოებისთვის თავის ფლაგმან P1-ის სატრეკო ვერსიას ამზადებს, რომლის ძრავის მაქსიმალური სიმძლავრეც 1000 ცხენის ძალას მიაღწევს. ამ ავტომობილის სრული სახელი იქნება McLaren P1 GTR, ოღონდ ლე მანის 24-საათიანი რბოლის ლეგენდარული გამარჯვებულის, McLaren F1 GTR-ისგან განსხვავებით, ახალი ავტომობილი იქნება სატრეკო და არა სარბოლო. ბრიტანული კომპანია აცხადებს, რომ სატრეკო ავტომობილის შეზღუდული ტირაჟით წარმოებას მაშინვე დაიწყებს, როგორც კი ბოლო, 375-ე P1-ს გამოუშვებს. ამასთან, P1 GTR იქნება „მსოფლიოში საუკეთესო სამძღოლო ავტომობილი“.

„იაგუარ ლენდ როვერი“ ჩინეთში ძრავების ქარხანას აშენებს

Jaguar Land Rover plans China engine plant

13 ივნისი

„იაგუარ ლენდ როვერი“ ჩინეთში ძრავების ქარხნის აშენებას აპირებს, რომელიც ბრიტანეთის საზღვრებს გარეთ, მისი ამ ტიპის პირველი საწარმო გახდება. ახალი ქარხანა, კომპანიის ჩინური საავტომობილო ქარხნის სიახლოვეს, ჩანშუში აშენდება. ეს არის „იაგუარ ლენდ როვერის“ და მისი ჩინელი პარტნიორის, კომპანია „ჩერი ავტომობილის“ ერთობლივი საწარმო, რომელმაც მუშაობა ამ წლის ბოლოს უნდა დაიწყოს.

„ფორდ მუსტანგების“ დიდი ევროპული ყრილობა

More than 750 Pony Cars Attend Europe’s Biggest Ever Mustang Gathering

13 ივნისი

მიუხედავად იმისა, რომ უახლესი „მუსტანგი“ ევროპის ბაზარზე ოფიციალურად აქამდე არ იყიდებოდა, ის ძველ კონტინენტზე მაინც დიდი პოპულარობით სარგებლობს. და მაინც, ევროპაში ერთ ადგილზე თავმოყრილი 750 ცალი სხვადასხვა თაობის „მუსტანგის“ ნახვა გამორჩეული შემთხვევაა.

ლე მანის პრაქტიკაზე „აუდის“ ავარიის მიზეზი ვერ დაადგინეს

Le Mans 24 Hours: Cause of Loic Duval's crash still unknown

13 ივნისი

ლე მანის 24-საათიანი რბოლის თავისუფალი პრაქტიკის დროს, „აუდის“ პირველ ეკიპაჟს, რომლის საჭესთანაც, ლე მანის შარშანდელი გამარჯვებული, ფრანგი ლოიკ დუვალი იჯდა, მძიმე ავარია შეემთხვა. „პორშეს“ მოსახვევებში, პირველი კატეგორიის პროტოტიპმა „აუდი 18 e-ტრონმა“ მართვა დაკარგა, კედელს მიენარცხა, მასზე ავარდა, ნამსხვრევებისგან დამცავ ბადესაც დაეჯახა და გზის პირას, სრულიად გაპარტახებული დაეცა.

ლე მანის პოული „ტოიოტას“ კაზუკი ნაკაძიმამ მოიგო

Le Mans: Kazuki Nakajima earns Toyota pole as Porsche grabs second

12 ივნისი

„ტოიოტას“ ნომერ 7 ეკიპაჟის იაპონელი მრბოლის, კაზუკი ნაკაძიმას გამარჯვებით დასრულდა ლე მანის 24-საათიანი რბოლის საკვალიფიკაციო სესია. ფორმულა ერთის ყოფილი პილოტი ერთადრთი გამოდგა, ვინც წრის გავლა სამ წუთსა და 22 წამზე ნაკლებში გაიარა და თითქმის ნახევარი წამით აჯობა „პორშეს“ ეკიპაჟს (N14), რომლის საჭესაც ფრანგი რომენ დუმასი მართავდა.

„ლენდ როვერი“ ინდური ვეფხვების გადარჩენაზე ზრუნავს

Land Rover Supports Indian Tiger Conservation with SUV Donation

12 ივნისი

ვეფხვი კატისებრთა ოჯახის ყველაზე დიდი და ძლიერი წევრია. მაგრამ თავისი ლამაზი ბეწვის „წყალობით“, გადაშენების საშიშროების წინაშე აღმოჩნდა. ჯერ იყო და ფერმერები ანადგურებდნენ, რათა საკუთარი პირუტყვი განადგურებისგან დაეცვათ, შემდეგ კი სპორტულმა და კომერციულმა ნადირობამ, კრიტიკულ მინიმუმამდე შეამცირა ინდური ვეფხვების რაოდენობა. ბოლო საუკუნის განმავლობაში, მათი რიცხვი, ასეულობით ათასიდან, სულ რაღაც, 3 500-მდე შემცირდა...

„რენო“ „ალპინს“ „კატერჰემის“ გარეშე აღადგენს

Renault Buys Caterham's Stake in Joint Venture, Will Launch Alpine Sports Car Alone in 2016

11 ივნისი

როგორც მოსალოდნელი იყო, „რენომ“ და „კატერჰემმა“ პროექტ „ალპინზე“ თანამშრომლობა ოფიციალურად გაწყვიტეს. ამგვარად, ფრანგული კომპანია თავისი აწ უკვე ყოფილი პარტნიორისგან, მათ მიერ შექმნილ ერთობლივ საწარმო „სოსიეტ დეს აუტომობილს ალპინ კატერჰემის“ აქციების იმ 50 პროცენტს გამოისყიდის, რომლებიც „კატერჰემის“ ხელში იყო. შესაბამისად, ერთობლივი საწარმოს სახელიც შეიცვლება და იქიდან „კატერჰემი“ ამოვარდება.

ნიუი შესაძლოა ამერიკის თასის პროექტში ჩაერთოს

Newey 'keen' to join $130m America's Cup bid

11 ივნისი

სახელოვანი ბრიტანელი აფროსანი სერ ბენ ეინსლი აღიარებს, რომ შესაძლოა ფ1-ის საუკეთესო ინჟინერი ედრიან ნუი, მის ახალ პროექტში ჩაერთოს, რომელიც საკუთარი იახტით ამერიკის თასზე ასპარეზობას ისახავს მიზნად. ნიუიმ ახლახანს ახალი კონტრაქტი გააფორმა „რედ ბულთან“, რომლისთვისაც 2015 წლის სეზონისთვისაც მოამზადებს ბოლიდს, შემდეგ კი სხვადასხვა პროექტებში ჩაერთვება და პარალელურად, ფ1-ის შემდგომი მანქანების პროექტირებისას, გუნდს კონსულტაციებს გაუწევს.

ბრიატორე „ფერარის“ ბრიტანეთში გადასვლას ურჩევს

Mercedes' Cowell also said no to Ferrari – report

11 ივნისი

ფლავიო ბრიატორეს თქმით, „ფერარის“ ძალიან ძვირად უჯდება ის ფაქტი, რომ ბრიტანეთში არაა ბაზირებული. ის დარწმუნებულია, რომ თუ სახელოვანი იტალიური გუნდი მარანელოდან ალბიონზე გადაბარგდება, ბევრი პრობლემის მოგვარებას შეძლებს. მაგალითად, წამყვანი ბრიტანელი ინჟინრების გადაბირება არ გაუჭირდება.

„ფორდ ოფ იუროპს“ დიზაინის ახალი შეფი ჰყავს

Ford names Mustang styling chief new Europe design boss

10 ივნისი

„ფორდის“ ევროპული შტოს დიზაინის ჯგუფს 1 ივლისიდან ახალი ხელმძღვანელი ეყოლება. ესაა 45 წლის ჯოელ პიასკოვსკი, ვინც სახელი ახალი „მუსტანგის“ და ახალი F-150-ის შემუშავებით გაითქვა. თავის ახალ პოსტზე ის 64 წლის მარტინ სმიტს შეცვლის, ვისაც ეს თანამდებობა 10 წლის განმავლობაში ეკავა და ვისი ხელმძღვანელობითაც კომპანიის გლობალური კორპორატიული სტილი „კინეტიკური დიზაინი“ შემუშავდა.

ნიუიმ „რედ ბულთან“ ახალი კონტრაქტი გააფორმა

Motor racing-Red Bull and Newey agree new deal

10 ივნისი

ფორმულა ერთის ყველაზე გამორჩეულმა ინჟინერმა ედრიან ნიუიმ „რედ ბულთან“ ახალი კონტრაქტი გააფორმა, რომლის შესაბამისადაც, მალე მისი სამოქმედო არეალი მხოლოდ ფ1 აღარ იქნება. ავსტრიული გუნდის ბოლო წლების დომინაციის შემოქმედი მომავალი სეზონისთვისაც მოამზადებს ბოლიდს, რის შემდეგაც, „რედ ბულ ტექნოლოჯის“ პროექტებზე იმუშავებს და პარალელურად, საჭიროების შემთხვევაში, ფ1-ის საჯინიბოს შემდგომი სეზონებისთვის ახალი მანქანების მომზადებისას რჩევებით დაეხმრება.

„ფიესტას“ წონის „ფიუჟნი“

Ford's Lightweight Fusion Prototype Weighs as Much as a Fiesta

9 ივნისი

„ფორდმა“ მაღალი სიმტკიცის ფოლადისა და ალუმინის გამოყენებით, სედან „ფიუჟნის“ ექსპერიმენტული ვერსია დაამზადა, რომელიც სერიულ „ფიუჟნზე“ 317.5 კილოგრამით მსუბუქია. ასეთი შედეგის მისაღწევად, ცისფერმა ოვალმა ის მასალები და ტექნოლოგიები გამოიყენა, რომლებსაც ახალ პიკაპ F-150-ის წარმოებისას იყენებს.

ოჟიემ იტალიის რალი მოიგო და ლიდერობა განიმტკიცა

Rallying-Ogier wins in Italy to stretch overall lead

9 ივნისი

მსოფლიო ჩემპიონ სებასტიან ოჟიეს გამარჯვებით დასრულდა რალის მსოფლიო ჩემპიონატის მეექვსე ეტაპი - იტალიის რალი, რომელიც კუნძულ სარდინიაზე გაიმართა. ეს ამ სეზონში ფრანგი მრბოლის მეოთხე გამარჯვებაა, რისი წყალობითაც, ის ჩემპინატს დამაჯერებლად ლიდერობს.

რიკარდომ მონრეალში პირველი გამარჯვება იზეიმა

Motor racing-Ricciardo takes his first F1 win in Canada

8 ივნისი

„მერსედესის“ გამარჯვებათა სერია შეწყდა. სამქიმიანებს ერთბაშად ორივე მანქანაზე შეექმნათ პრობლემები და ამით შესანიშნავად ისარგებლა „რედ ბულის“ ავსტრალიელმა ახალწვეულმა დანიელ რიკარდომ, რომელმაც თავის ფ1-ის კარიერაში პირველი გამარჯვება იზეიმა. ლუის ჰამილტონმა ფინიშს ამ სეზონში მეორედ ვერ მიაღწია, ნიკო როსბერგი კი მეორე ადგილს დასჯერდა, თუმცა ესეც საკმარისი აღმოჩნდა იმისათვის, რომ თანაგუნდელთან უპირატესობა გაეზარდა.

„აუდი“ ნაცისტების დანაშაულებებში ღრმად იყო ჩართული

New Investigation Shows Audi's Deep Nazi Involvements

1 ივნისი

გერმანული პროდუქცია, მათ შორის ავტომობილები, თანამედროვე მსოფლიოში საუკეთესო ხარისხით გამოირჩევა. ასე იყო გასული საუკუნის 30-40-იან წლებში, როცა მსოფლიო ფაშისტურმა გერმანიამ და კომუნისტურმა სსრკ-მ (სახე და სახელშეცვლილმა რუსეთმა) შეაზანზარეს. და ამ დროს, იმ კომპანიების უმეტესობა, რომლებითაც თანამედროვე მსოფლიოა აღფრთოვანებული, ნაცისტების სასარგებლოდ მუშაობდა.