ბრაზილიაში ჯერჯერობით როსბერგი დომინერებს

Motor racing-Rosberg fastest on first day of practice

13 ნოემბერი

მიუხედავად იმისა, რომ „მერსედესმა“ ფ1-ის მიმდინარე სეზონში ორივე ტიტული ვადამდე მოიპოვა, მისი პილოტები მაინც არავის არაფერს უთმობენ. პირველ თავისუფალ პრაქტიკაზე თუ ლუის ჰამილტონი იყო უსწრაფესი, მეორეზე ნიკო როსბერგმა იმარჯვა. თანაც, ჰამილტონმა რომ თანაგუნდელს თითქმის ნახევარი წამით აჯობა, მეორე პრაქტიკაზე როსბერგმა სრულფასოვანი ხურდა დაუბრუნა. და ორივე შემთხვევაში მესამე უსწრაფესი სებასტიან ფეტელი იყო.

მხოლოდ მეოთხე და მეხუთე დროებს შესწვდა დანიელ რიკარდო, რომელიც „რენოს“ მოდიფიცირებული აგრეგატით ასპარეზობს. მან ორივეჯერ აჯობა თანაგუნდელ დანილ კვიატს. რაც მთავარია, ავსტრალიელს ახალი აგრეგატი ჯერჯარობით უპრობლემოდ ემსახურება, რასაც ვერ ვიტყვით ფერნანდო ალონსოს „მაკლარენის“ „ჰონდას“ ძრავზე. ესპანელს კვლავ მის გამო მოუწია გაჩერებამ, რასაც სესიის მცირე ხნით შეჩერება მოჰყვა.

საინტერესოა, რომ ჰამილტონს ბრაზილიაში არასდროს გაუმარჯვია. თუმცა თავისი პირველი ტიტული სწორედ ინტერლაგუშზე, რბოლის ბოლო წამებზე მოიპოვა. ამიტომ, მსოფლიოს სამგზის ჩემპიონი ძალიან მონდომებულია და თანაც სურს, რომ სან პაულუში გამარჯვებით მიაგოს პატივი თავის ბავშვობის კერპს, ლეგენდარულ აირტონ სენას.

საინტერესოა, რომ „მერსედესმა“ ბრაზილიაში სიახლე გამოიყენა, რომლის დანერგვასაც, გავრცელებული ინფორმაციით, მომავალ სეზონში აპირებს. მანქანას ცხვირზე ჰაერსადინარი აქვს, რომელიც ძირიდან შეგროვილ ნაკადს, პილოტის თავისკენ მიმართავს და ამით, ბოლიდის ამ ნაწილის უკეთეს გარსშემოდენილობას ემსახურება. სად მდებარეობს ჰაერის „ამკრები“, ეს უცნობია.

ბრაზილიის დიდი პრიზი

პირველი პრაქტიკა

1. ლუის ჰამილტონი (ბრიტანეთი, მერსედესი)           1:13.543

2. ნიკო როსბერგი (გერმანია, მერსედესი)                     1:14.062

3. სებასტიან ფეტელი (გერმანია, ფერარი)                    1:14.168

4. დანიელ რიკარდო (ავსტრალია, რედ ბული)            1:14.449

5. კიმი რაიკონენი (ფინეთი, ფერარი)                             1:14.549

6. დანილ კვიატი (რუსეთი, რედ ბული)                        1:14.696

7. ვალტერი ბოტასი (ფინეთი, უილიამსი)                    1:14.886

8. მაქს ფერსტაპენი (ჰოლანდია, ტორო როსო)             1:14.960

9. ნიკო ჰულკენბერგი (გერმანია, ფორს ინდია)            1:15.174

10. პასტორ მალდონადო (ვენესუელა, ლოტუსი)        1:15.192
11. კარლოს საინსი (ესპანეთი, ტორო როსო)                1:15.314

12. ჯოლიონ პალმერი (ბრიტანეთი, ლოტუსი)            1:15.352

13. ჯენსონ ბატონი (ბრიტანეთი, მაკლარენი)               1:15.379
14. ფელიპე ნასრი (ბრაზილია, ზაუბერი)                      1:15.381

15. სერხიო პერესი (მექსიკა, ფორს ინდია)                    1:15.408
16. ფერნანდო ალონსო (ესპანეთი, მაკლარენი)            1:15.413

17. ფელიპე მასა (ბრაზილია, უილიამსი)                       1:15.469

18. მარკუს ერიქსონი (შვედეთი, ზაუბერი)                   1:15.798

19. ალექსანდერ როსი (აშშ, მენორი)                               1:17.860

20. უილ სტივენსი (ბრიტანეთი, მენორი)                      1:18.090

მეორე პრაქტიკა

1. ნიკო როსბერგი (გერმანია, მერსედესი)                     1:12.385

2. ლუის ჰამილტონი (ბრიტანეთი, მერსედესი)           1:12.843

3. სებასტიან ფეტელი (გერმანია, ფერარი)                    1:13.345

4. კიმი რაიკონენი (ფინეთი, ფერარი)                             1:13.500

5. დანიელ რიკარდო (ავსტრალია, რედ ბული)            1:13.585

6. ვალტერი ბოტასი (ფინეთი, უილიამსი)                     1:13.603

7. რომენ გროჟანი (საფრანგეთი, ლოტუსი)                    1:13.634

8. ნიკო ჰულკენბერგი (გერმანია, ფორს ინდია)            1:13.710

9. დანილ კვიატი (რუსეთი, რედ ბული)                        1:13.848

10. ფელიპე მასა (ბრაზილია, უილიამსი)                       1:13.870

11. სერხიო პერესი (მექსიკა, ფორს ინდია)                    1:14.056

12. პასტორ მალდონადო (ვენესუელა, ლოტუსი)        1:14.124

13. ფელიპე ნასრი (ბრაზილია, ზაუბერი)                      1:14.134

14. მაქს ფერსტაპენი (ჰოლანდია, ტორო როსო)           1:14.226

15. კარლოს საინსი (ესპანეთი, ტორო როსო)                 1:14.326

16. ჯენსონ ბატონი (ბრიტანეთი, მაკლარენი)               1:14.644

17. მარკუს ერიქსონი (შვედეთი, ზაუბერი)                   1:14.772

18. ფერნანდო ალონსო (ესპანეთი, მაკლარენი)            1:15.129

19. უილ სტივენსი (ბრიტანეთი, მენორი)                      1:16.501

20. ალექსანდერ როსი (აშშ, მენორი)         1:16.787