„ფერარის“ წამიერი გაელვება

Motor racing-Hamilton edges Alonso in Singapore practice

19 სექტემბერი

საინტერესოა, სად ნახულობს ფერნანდო ალონსო იმის რესურსს, რომ თავისი პრაქტიკულად არაფრის მაქნისი მანქანით, პერიოდულად მოწინავეთა შორის გამოჩნდება ხოლმე. თუნდაც პრაქტიკებზე. კვიცების ქომაგს ხომ მოენატრა ცხრილის სათავეში წითელ კომბინეზონში გამოწყობილი პილოტის ხილვა. ერთიც ვნახოთ და ხვალ პოულისთვის მებრძოლი ფერნანდო ალონსოც ვიხილოთ...

ეს ოცნება პირველ პრაქტიკაზე ახდა, რომელიც სწორედ ალონსომ „მოიგო“, მეორეზე კი მართალია, მან ლიდერის პოზიცია ლუის ჰამილტონს „დაუთმო“, მაგრამ ბევრით არ ჩამორჩენია. თანაც, ამჯერად კიმი რაიკონენიც ახლოს იყო.ანუ, კაცმა შეიძლება იფიქროს, რომ კრიზისის დაძლევის (ნაწილობრივ მაინც) ტენდენცია იწყება. იმედია, ასეც იქნება...

მაგრამ სანამ ძრავების რეგლამენტი „გაყინულია“, „მერსედესთან“ და მის პილოტებთან რეალურ კონკურენციაზე ლაპარაკიც არაა. ჰამილტონმა ორი პრაქტიკის ჯამში საუკეთესო დრო დააფიქსირა და მართალია, თანაგუნდელმა ნიკო როსბერგმა მხარ ვერ აუბა, მაგრამ ეს უფრო შემთხვევითობის ბრალია, რაშიც გერმანელს ხელი პასტორ მალდონადოს ავარიამ შეუწყო. ნარბოლევს ჩემპიონატის ლიდერი თავისი მანქანით უკმაყოფილო იყო, თუმცა იმედი გამოთქვა, რომ კვალიფიკაციისთვის სიტუაცია შეიცვლება.

საბოლოოდ, ჰამილტონმა ალონსოს 0.133 წამით აჯობა. ორი პრაქტიკის ჯამში კი მესამე საუკეთესო დრო დანიელ რიკარდოს ჰქონდა, მეოთხე კი რაიკონენი იყო. კვლავ არ გაუმართლა სებასტიან ფეტელს, ვინც სინგაპურში წინა სამ რბოლაში დომინირებდა. მას პირველი პრაქტიკის მიწურულს ძრავი გაუფუჭდა და მეორე სესიის ბოლოსღა შეძლო ტრეკზე გამოსვლა.

სინგაპურის დიდი პრიზი

პირველი თავისუფალი პრაქტიკა

1. ფერნანდო ალონსო (ესპანეთი, ფერარი)                    1:49.056

2. ლუის ჰამილტონი (ბრიტანეთი, მერსედესი)           1:49.178

3. ნიკო როსბერგი (გერმანია, მერსედესი)                     1:49.205

4. სებასტიან ფეტელი (გერმანია, რედ ბული)              1:49.874

5. დანიელ რიკარდო (ავსტრალია, რედ ბული)            1:50.122

6. ჟან-ერიკ ვერნი (საფრანგეთი, ტორო როსო)              1:50.539

7. კიმი რაიკონენი (ფინეთი, ფერარი)                             1:50.783

8. ჯენსონ ბატონი (ბრიტანეთი, მაკლარენი)                 1:50.922

9. დანილ კვიატი (რუსეთი, ტორო როსო)                      1:50.990

10. სერხიო პერესი (მექსიკა, ფორს ინდია)                    1:51.131

11. კევინ მაგნუსენი (დანია, მაკლარენი)                       1:51.217

12. ნიკო ჰულკენბერგი (გერმანია, ფორს ინდია)          1:51.604

13. ფელიპე მასა (ბრაზილია, უილიამსი)                       1:51.953

14. პასტორ მალდონადო (ვენესუელა, ლოტუსი)        1:52.125

15. ვალტერი ბოტასი (ფინეთი, უილიამსი)                   1:52.146

16. ესტებან გუტიერესი (მექსიკა, ზაუბერი)                 1:52.171

17. ადრიან სუტილი (გერმანია, ზაუბერი)                    1:52.237

18. რომენ გროჟანი (საფრანგეთი, ლოტუსი)                  1:52.906

19. ჟიულ ბიანკი (საფრანგეთი, მარუსია)                       1:54.113

20. მარკუს ერიქსონი (შვედეთი, კატერჰემი)                1:54.475

21. კამუი კობაიაში (იაპონია, კატერჰემი)                      1:54.607

22. მაქს ჩილტონი (ბრიტანეთი, მარუსია)                     1:55.170

მეორე თავისუფალი პრაქტიკა

1. ლუის ჰამილტონი (ბრიტანეთი, მერსედესი)           1:47.490

2. ფერნანდო ალონსო (ესპანეთი, ფერარი)                    1:47.623

3. დანიელ რიკარდო (ავსტრალია, რედ ბული)            1:47.790

4. კიმი რაიკონენი (ფინეთი, ფერარი)                             1:48.031

5. სებასტიან ფეტელი (გერმანია, რედ ბული)              1:48.041

6. კევინ მაგნუსენი (დანია, მაკლარენი)                         1:48.358

7. ჯენსონ ბატონი (ბრიტანეთი, მაკლარენი)                 1:48.435

8. სერხიო პერესი (მექსიკა, ფორს ინდია)                      1:48.653

9. ნიკო ჰულკენბერგი (გერმანია, ფორს ინდია)            1:48.751

10. დანილ კვიატი (რუსეთი, ტორო როსო)                    1:48.770

11. ჟან-ერიკ ვერნი (საფრანგეთი, ტორო როსო)            1:48.800

12. რომენ გროჟანი (საფრანგეთი, ლოტუსი)                  1:49.062

13. ნიკო როსბერგი (გერმანია, მერსედესი)                   1:49.075

14. პასტორ მალდონადო (ვენესუელა, ლოტუსი)        1:49.139

15. ადრიან სუტილი (გერმანია, ზაუბერი)                    1:49.170

16. ესტებან გუტიერესი (მექსიკა, ზაუბერი)                 1:49.290

17. ფელიპე მასა (ბრაზილია, უილიამსი)                       1:49.361

18. ვალტერი ბოტასი (ფინეთი, უილიამსი)                   1:49.971

19. ჟიულ ბიანკი (საფრანგეთი, მარუსია)                       1:50.612

20. მაქს ჩილტონი (ბრიტანეთი, მარუსია)                     1:51.558

21. კამუი კობაიაში (იაპონია, კატერჰემი)                      1:52.075

22. მარკუს ერიქსონი (შვედეთი, კატერჰემი)                1:52.936