როსბერგმა გერმანიის ეტაპი საუკეთესო დროით დაიწყო

Motor racing-Rosberg leads Mercedes one-two in practice

18 ივლისი

ახლახანს ნიკო როსბერგმა „მერსედესთან“ კონტრაქტი რამდენიმე წლით გააგრძელა. დაუდასტურებელი ინფორმაციით, მომდევნო სამ სეზონში 55 მილიონ ევროს მიიღებს. მან ახლახანს დაბადების დღე აღნიშნა, შემდეგ გერმანიის საფეხბურთო ნაკრებმა მსოფიო თასზე ტრიუმფით გაახარა, რასაც 29 პილოტის დაოჯახება მოჰყვა. და ახლა მისი ჯერია - გერმანიის დიდ პრიზზე გამარჯვება სწყურია და ამ წყურვილის დაოკება პარასკევის პირველივე მოთელვაზე, საუკეთესო დროის ჩვენებით დაიწყო.

სხვათა შორის, ჰოკენჰაიმზე გამარჯვება მისთვსაც და „მერსედესისთვისაც“ გამორჩეული იქნება, რადგან გერმანელ მრბოლს, გერმანული მანქანით გერმანიის დიდი პრზი ბოლოს შორეულ 1939 წელს აქვს მოგებული (რუდოლფ კარაჩოლა, მერსედეს-ბენც W154). როსბერგს გერმანიაში ჯერ არ გაუმარჯვია. არადა, „მერსედესის“ მანქანით ექვს გამარჯვება აქვს მოპოვებული, რვა რბოლა პოულ პოზიციიდან დაიწყო და კვარცხლბეკზე 17-ჯერ ავიდა.

პირველ პრაქტიკაზე როსბერგმა სულ რაღაც 0.065 წამით აჯობა ლუის ჰამილტონს. შეგახსენებთ, რომ გუნდებმა გერმანიაში საკიდარის სისტემა FRIC-ის გარეშე ასპარეზბა გადაწყვიტეს, რათა მათი პილოტების შედეგები კითხვის ნიშნის ქვეშ არ დადგეს. თუმცა, ამის მიუხედავად, პელოტონში განლაგება არ შეცვლილა. სამქიმიანების უკან ყველაზე სწრაფი ჯერჯერობით ფერნანდო ალონსოა, ვინც როსბერგს 0.292 წამით ჩამორჩა.

კვლავ იასპარეზა სუზი ვოლფმა, რომელმაც ამჯერად 22 წრის გავლა შეძლო და მე-15 დრო დააფიქსირა. ამასთან, გაცილებით გამოცდილ თანაგუნდელ ფელიპე მასას მხოლოდ 0.227 წამით ჩამორჩა. სხვათა შორის, ვოლფის გამოსვლა არც ამჯერად ყოფილა უპრობლემო - ტრასაზე გამოსვლამდე მის მანქანაზე ერთ-ერთი სენსორი გაჭირვეულდა...

გერმანიიიის დიდი პრიზი

პირველი თავისუფალი პრაქტიკა

1. ნიკო როსბერგი (გერმანია, მერსედესი)                     1:19.131

2. ლუის ჰამილტონი (ბრიტანეთი, მერსედესი)           1:19.196
3. ფერნანდო ალონსო (ესპანეთი, ფერარი)                    1:19.423

4. დანიელ რიკარდო (ავსტრალია, რედ ბული)            1:19.697

5. ჯენსონ ბატონი (ბრიტანეთი, მაკლარენი)                 1:19.833

6. სებასტიან ფეტელი (გერმანია, რედ ბული)              1:20.097

7. კევინ მაგნუსენი (დანია, მაკლარენი)                         1:20.105

8. კიმი რაიკონენი (ფინეთი, ფერარი)                             1:20.210

9. დანილ კვიატი (რუსეთი, ტორო როსო)                      1:20.337

10. ადრიან სუტილი (გერმანია, ზაუბერი)                    1:20.505

11. ფელიპე მასა (ბრაზილია, უილიამსი)                       1:20.542

12. ჟან-ერიკ ვერნი (საფრანგეთი, ტორო როსო)            1:20.586

13. ნიკო ჰულკენბერგი (გერმანია, ფორს ინდია)          1:20.592

14. სერხიო პერესი (მექსიკა, ფორს ინდია)                    1:20.598

15. სუზი ვოლფი (ბრიტანთი, უილიამსი)                     1:20.769

16. გიედო ვან დერ გარდე (ჰოლანდია, ზაუბერი)       1:20.782

17. რომენ გროჟანი (საფრანგეთი, ლოტუსი)                  1:21.603

18. პასტორ მალდონადო (ვენესუელა, ლოტუსი)        1:21.854

19. კამუი კობაიაში (იაპონია, კატერჰემი)                      1:22.572

20. ჟიულ ბიანკი (საფრანგეთი, მარუსია)                       1:22.982

21. მარკუს ერიქსონი (შვედეთი, კატერჰემი)                1:23.256

22. მაქს ჩილტონი (ბრიტანეთი, მარუსია)      1:23.299