„იამაჰა“ კუპე „სპორტს რაიდის“ წარმოებას 2017 წელს დაიწყებს

Yamaha Sports Ride Coupe Will Allegedly Use A 1.5-Liter Turbo, Debut In 2017

30 ნოემბერი

ტოკიოს მოტორ შოუზე, „მაზდას“ როტორული ძრავით აღჭურვილ კონცეპტ „RX- ვიჟნთან“ ერთად, ყველაზე გამორჩეული ექსპონატი, „იამაჰას“ კონცეპტუალური კუპე „სპორტს რაიდი“ იყო, რომელიც ფორმულა 1-ის ლეგენდარულ ინჟინერ გორდონ მარის კომპანიის მიერაა შემუშავებული. უნდა ითქვას, რომ „იამაჰა“ საავტომობილო მრეწველობაში ჩართული არაა, თუმცა ცალკეულ პროექტებში მონაწილეობს ხოლმე და ასევე ერთხელ ფორმულა 1-ის ძრავების მიმწოდებელიც კი იყო.

პირველი „ბენტლი ბენტაიგა“ დედოფალ ელიზაბეთს ნადრობისას მოემსახურება

First Benltey Bentayga Rolls Off The Production Line

30 ნოემბერი

„ბენტლიმ“ თავის ქრიუს ქარხანაში უგზოობის პირველი ავტომობილის, „ბენტაიგას“ წარმოება დაიწყო. პირველმა „ბენტაიგამ“ უკვე დატოვა ქარხნის ამწყობი პლატფორმა. ეს არის ანთრაციტის ფერში შეღებილი ავტომობილი, რომელიც მთლიანად ხელით არის აწყობილი. ამ პროცესს კი სულ 130 საათი დასჭირდა. ამ დროის განმავლობაში, ავტომობილმა გაიარა ძარის და შასის პლატფორმები, სამღებრო სექცია და ამწყობი პლატფორმა. მთელ ამ ამწყობი ხაზის შეძენა-დამონტაჟებას 840 მილიონი გირვანქა სტერლინგის ინვესტიცია მოხმარდა.

ფ1-ის წლევანდელი სეზონი როსბერგის გამარჯვებით დასრულდა

Motor racing-Rosberg ends F1 season on a hat-trick high

29 ნოემბერი

მაშ ასე, დასრულდა ფორმულა 1-ის 2015 წლის ჩემპიონატი. აბუ დაბის დიდი პრიზი ბევრს აღარაფერს წყვეტდა, მაგრამ ის ისეთივე დაძაბული და საინტერესო გამოდგა, როგორიც სეზონის გამხსნელი, მელბურნის რბოლა იყო. რა თქმა უნდა, გამარჯვებისთვის „მერსედესის“ პილოტებმა იბრძოლეს და ამჯერადაც ნიკო როსბერგმა პირველმა გადაკვეთა ფინიშის ხაზი. ჩემპიონი ლუის ჰამილტონი კი კვლავ მეორე ადგილს დასჯერდა. თუმცა, ნარბოლევს მარცხი ისევ გუნდის არასწორ ტაქტიკას დააბრალა.

ახალი „აუდი R18 e-ტრონი“ მომავალი სეზონისთვის მზადაა

Audi unveils 2016 WEC challenger

29 ნოემბერი

„აუდიმ“ მიუნხენში თავისი ახალი სარბოლო პროტოტიპის, „R18 e-ტრონის“ ოფიციალური წარდგენა ჩაატარა. „ოთხი რგოლი“ მომავალ სეზონში ამ ავტომობილით ლე მანის გვირგვინის „პორშესთვის“ ჩამორთმევას ეცდება. გერმანულმა კომპანიამ გამოაცხადა, რომ განახლებული ავტომობილი კვლავ დიზელ-ჰიბრიდული აგრეგატითაა აღჭურვილი, თუმცა გასული სეზონისგან განსხვავებით, აღდგენილი ენერგიის 6 მეგაჯოულიან ქვე-კლასში (გასულ სეზონში 4 მეგაჯოულიანში იყო) იასპარეზებს.

ალონსო სეზონის გამოტოვებას განიხილავდა

Motor racing-Alonso could take a sabbatical in 2016, says Dennis

29 ნოემბერი

ფერნანდო ალონსო აღიარებს, რომ „მაკლარენის“ შეფ რონ დენისთან ერთად, მომავალი სეზონის გამოტოვების ვარიანტს განიხილავდა. ოღონდ, ეს რამდენიმე თვის წინ იყო და ამჟამად გადაწყვეტილი აქვს, რომ მომავალ სეზონში იასპარეზებს. ეს ამბავი აბუ დაბიში დენისმა გაახმაურა. მან თქვა, რომ იყო მომენტი, როცა ალონსოს მომავალ სეზონში ასპარეზობის გარანტია არ არსებობდა.

როსბერგის ზედიზედ მეექვსე პოული

Motor racing-Six of the best for pole sitter Rosberg

28 ნოემბერი

წლევანდელი სეზონის ბოლო ეტაპის, აბუ დაბის დიდი პრიზის კვალიფიკაცია ნიკო როსბერგის გამარჯვებით დასრულდა. „მერსედესის“ გერმანელმა პილოტმა ზედიზედ მეექვსე პოული მოიპოვა და თავის თანაგუნდელ ლუის ჰამილტონს, 50-ს მოპოვების საშუალება ისევ არ მისცა. როსბერგმა პოული კვალიფიკაციის ბოლო წამებზე, ბოლო ცდით მოიპოვა. არადა, რამდენიმე წამით ადრე, ის ჰამილტონმა ჩამოაქვეითა.

„მერსედესმა“ ფ1-ის ტიტული სპეცგამოშვების A 45 AMG-ით აღნიშნა

Mercedes Celebrates Winning F1 Title With Special Edition A 45 AMG

27 ნოემბერი

ფორმულა 1-ში ზედიზედ მეორე ორმაგი გამარჯვების შემდეგ, ამ მიღწევის აღნიშვნა, „მერსედესმა“ სპეცალური ავტომობილის გამოშვებით გადაწყვიტა და მას „A45 მერსედეს AMG პეტრონას 2015 ვორლდ ჩემპიონ ედიშნ“ უწოდა. გერმანულმა კომპანიამ ამ ავტომობილს მეტსახელიც მოუფიქრა - „ვერცხლისფერი ისარი ყოველდღიურობისთვის“.

„პაგანი ძონდა ლა ნონა“ მილიონი კილომეტრი გარბენით

Pagani Zonda "La Nonna" With 1 Million Km Restored

27 ნოემბერი

მილიონი კილომეტრი რომ სერიულმა ავტომობილმა გაიაროს, დიდი მიღწევა იქნება. სუპერ ავტომობილისთვის კი ეს ისეთი მიღწევაა, რომლის წარმოდგენაც კი შეუძლებელია. მხოლოდ იმიტომ, რომ მისი ძრავი, ტრანსმისია და სხვა ძირითადი ნაწილები, ხანგრძლივ ექსპლუატაციისთვის არაა განკუთვნილი. ამ „პაგანი ძონდას“ კი, რომელიც ფოტოზეა გამოსახული, მილიონ კილომეტრზე მეტი აქვს გავლილი. თუმცა, ეს არ არის სერიული ავტომობილი, ეს „პროტოტიპ 2-ია“.

„ბუგატი“ მოდელ „შირონის“ ტარგა ვერსიასაც გამოუშვებს

Report Says Bugatti Chiron Targa Is Coming In 2018

27 ნოემბერი

„ბუგატი“ თავისი უახლესი ჰიპერ ავტომობილის პრემიერას მომავალ წელს, ჟენევის მოტორ შოუზე ჩაატარებს, ორი წლის შემდეგ კი მის ღია ვერსიასაც გამოუშვებს. ეს იქნება ტარგას ტიპის ძარის მქონე ავტომობილი, რომლის მოსახსნელი მყარი სახურავიც კარბონის კომპოზიტისგან დამზადდება. ავტომობილს სახურავის ადგილზე ექნება ერთგვარი T-ს ფორმის სიხისტის სეგმენტი, რომელიც საქარე შუშის ჩარჩოს, სახურავის უკანა სექციასთან დააკავშირებს და ამით, მოსახსნელი სექციის და მთლიანად, მზიდი სტრუქტურის სიხისტეს უზრუნველყოფს.

როსბერგი ძველი ძრავითაც პირველია

Motor racing-Rosberg fastest as Mercedes dominate in Abu Dhabi

27 ნოემბერი

რაც მესამედ, ვადამდე მოიპოვა მსოფლიო ჩემპიონის ტიტული, ლუის ჰამილტონი ყოველი ეტაპის წინ ამბობს, ჩემპიონი კი გავხდი, მაგრამ აქ მოსაგებად ვარ ჩამოსულიო, მაგრამ სულ ტყუილად. მოტივაცია აშკარად აკლია და ასე ნიკო როსბერგს ვერაფერს უხერხებს. ასეა აბუ დაბიშიც, სადაც პირველ პრაქტიკაზე ჩემპიონმა კი იმარჯვა, მაგრამ მეორე პრაქტიკაზე უკვე მისი თანაგუნდელი იყო უსწრაფესი.

„მერსედეს-AMG“ კუპე GT-ს ახალ ვერსიას ამზადებს

Hotter Mercedes-AMG GT R Planned For 2016

26 ნოემბერი

გერმანული კომპანია ჰიპერ ავტომობილის გამოშვებისგან თავს იკავებს, მაგრამ მყიდველს GT-ს ბაზაზე შექმნილი ვერსიებით გაანებივრებს. გამოცემა „მოტორ ტრენდი“ გვატყობინებს, რომ „მერსედეს-AMG“ მალე თავისი პოპულარული კუპეს ვერსია R-ს გამოუშვებს, რომელსაც ისედაც სრულყოფილი GT S-ზე უკეთესი მახასიათებლები ექნება. ძნელი სათქმელია, სამქიმიანების მიერ ამ აბრევიატურის გამოყენებაზე პრეტენზიას გამოთქვამს თუ არა „ნისანი“, რომელიც პოპულარულ სუპერ ავტომობილ GT-R-ს აწარმოებს.

ფეტელი ფერსტაპენს აქებს

Vettel Expects Max Verstappen To Challenge Him Eventually

26 ნოემბერი

ფორმულა 1-ის ოთხგზის მსოფლიო ჩემპიონი სებასტიან ფეტელი „ტორო როსოს“ ახალბედა მაქს ფერსტაპენს „სიურპრიზს“ უწოდებს და დარწმუნებულია, რომ თინეიჯერი ჰოლანდიელი მალე ჩემპიონობისთვის მებრძოლთა შორის გამოჩნდება და მისი დამარცხება ყველასთვის ძალიან ძნელი იქნება. ფეტელი განმარტავს, რომ ფერსტაპენი სიურპრიზია, რადგან არის „ძალიან აგრესიული, ხანდახან კი მეტისმეტად აგრესიულიც. მან ძალიან კარგი სეზონი ჩაატარა და ორჯერ მეოთხე ადგილზეც კი გავიდა“.

ფ1-ის კომისიამ ალტერნატიულ ძრავზე უარი თქვა... ჯერჯერობით

F1 commission rejects alternative engine as manufacturers promise solutions

26 ნოემბერი

საერთაშორისო საავტომობილო ფედერაციამ (FIA) გამოაცხადა, რომ ალტერნატიული ძრავის პროექტს, რომლის ამოქმედებაც 2017 წლიდან უნდა შესულიყო ძალაში, ფორმულა 1-ის კომისიამ მხარი არ დაუჭირა. სამაგიეროდ, ძრავების მწარმოებლებმა პირობა დადეს, რომ ძრავების რეგლამენტთან დაკავშირებით იმსჯელებენ და იმ საკვანძო საკითხებს გადაწყვეტენ, რომლის გამოც, ბერნი ეკლსტოუნს და FIA-ს ალტერნატიული ძრავის მწარმოებლის მოწვევა სურდათ.

„ფორდ F-150“ წლის მწვანე ავტომობილია

Ford F-150 wins Green Truck Of The Year

26 ნოემბერი

გამოცემა „გრინ ქარ ჯორნალმა“ წლის მწვანე პიკაპის წოდება, „ფორდის“ პოპულარულ პიკაპ F-150-ს მიანიჭა. ეს ავტომობილი, საწვავის უჩვეულოდ მცირე ხარჯით გამოირჩევა, ას კილომეტრზე 10.9 ლიტრს მოიხმარს. რა თქმა უნდა, ამ მაჩვენებლით, ჰეჩბეკებს და სედანებს ვერ შეედრება, თუმცა ეს მაინც არ აისახება მის პოპულარობაზე - ათწლეულების განმავლობაში, ეს ავტომობილი ამერიკაში ყველაზე გაყიდვადია.

„მერსედეს-AMG“ ჰიპერქარის გამოშვებას არ აპირებს

Mercedes-AMG Boss Says "No" To Hypercar Plans

26 ნოემბერი

„მერსედეს-AMG-ს“ თავმჯდომარე ტობიას მოერსმა, ლოს ანჯელესის მოტორ შოუზე განაცხადა, რომ მისი კომპანია არ აპირებს ჰიპერ ავტომობილის გამოშვებას. ამგვარად, მან წერტილი დაუსვა გავრცელებულ ხმებს იმის შესახებ, რომ შტუტგარტელები „ფერარი ლაფერარის“, „მაკლარენ P1-ის“ და „პორშე 918 სპაიდერის“ კონკურენტის წარმოებას აპირებს.

„ფერარიმ“ 799-ვე F12tdf სრულად გაჰყიდა

Ferrari F12tdf sold out already

25 ნოემბერი

„ფერარი F12tdf“, რომელსაც ბევრი ხუმრობით ტურბო დიზელიან „ფერარის“ უწოდებს, მთლიანად გაყიდულია. მარანლოელებს მხოლოდ 799 ცალი F12tdf-ის წარმოება ჰქონდათ დაგეგმილი. თითოეულის საბაზო ფასი 310 184 ევროა, რასაც მყიდველის ქვეყანაში არსებული გადასახადები ემატება. მაგალითად, ჰოლანდიაში ფასი 465 974 ევროსაც კი აღწევს. და ესეც არაა ჭერი, რადგან მყიდველი ყოველთვის ითხოვს დამატებით ეკიპირებას, რაც ავტომობილს კიდევ უფრო აძვირებს. მაგრამ სიძვირე მყიდველს ვერ აკავებს...

„სიტროენი“ რევოლუციურ საკიდარს ამზადებს

Citroen to launch revolutionary suspension system in 2017

25 ნოემბერი

„სიტროენი“ სრულიად ახალ, „რევოლუციურ“ დაკიდების სისტემაზე მუშაობს, რომლითაც ადაპტირებად ჰიდროპნევმატურ „ჰიდრაქტივ III+“ შეცვლის. ბრიტანულ გამოცემა „ავტოქართან“ საუბრისას, „სიტროენის“მთავარმა აღმასრულებელმა ლინდა ჯეკსონმა განაცხადა, რომ ახალი საკიდარით აღჭურვილი ავტომობილები ბაზარზე 2017 წელს გამოვა.

„აუდი RS7“ ბურჟ ხალიფას ლიფტის წინააღმდეგ

Audi RS7 Vs The Burj Khalifa In Elevation Challenge

25 ნოემბერი

რა თქმა უნდა, ავტომობილის და ლიფტის დაპირისპირება შეუძლებელია - მათ განასხვავებულია გზა და ტრაექტორია აქვთ. მაგრამ „აუდიმ“ ორიგინალურ ხერხს მიმართა - შეჯიბრის ერთ-ერთ მონაწილეს, მსოფლიოს უმაღლეს ცათამბჯენ ბურჟ ხალიფას (დუბაი, 828 მეტრი) უმაღლეს პლატფორმამდე ლიფტებით უნდა მიეღწია. „აუდი RS7“ კი პარალელურ რეჟიმში, იმავე ამპლიტუდის მქონე გზას გაივლიდა დუბაის შემოგარენში.

„კლდე“ თავის „ლაფერარიში“ ვერ ჩაეტია

Ballers Star Dwayne Johnson Can't Fit Inside LaFerrari

25 ნოემბერი

ჰოლივუდის ვარსკვლავმა დუეინ ჯონსონმა, თავისი გიგანტური და მკვრივი აგებულების გამო, „კლდედ“ წოდებულმა, „ფერარი ლაფერარი“ შეიძინა და როცა თავისი ავტომობილი ჩააბარეს, აღმოაჩინა, რომ მასში ვერ ეტევა... თავისი უიღბლობის შესახებ პოსტი სოციალურ ქსელში გაავრცელა - მამიკო ამაში ვერ ეტევაო და თან ფოტოც დაურთო, რომელზეც თავის თეთრ „ლაფერარისთან“ დგას.

აფხაზავა და „არტლაინ ტიმ ჯორჯია“ „ლამბორგინის“ სუპერ ტროფეოს ჩემპიონები არიან

25 ნოემბერი

ამერიკის ქალაქ სებრინგში (შტატი ფლორიდა) დასრულდა „ლამბორგინის“ „ბლანპენ სუპერ ტროფეოს“ ევროპული სერიის სეზონი, სადაც ქართულმა გუნდმა „არტლაინ ტიმ ჯორჯიამ“ და მისმა მფლობელმა შოთა აფხაზავამ ორმაგი გამარჯვება მოიპოვეს. ჯერ ერთი, აფხაზავა მოყვარულთა კატეგორიაში გახდა სერიის ჩემპიონი. მეორეც, მისი გუნდის ეკიპაჟმა, რომელიც პროფესიონალ-მოყვარულთა კატეგორიაში გამოდის და რომელშიც ლატვიელი ჰარალდ შლეგელმილხი და რუსი მიხაილ სტეპანოვი ასპარეზობდნენ, მეორე რბოლა აბსოლუტურ ჩათვლაში მოიგო.

მონტოია ლე მანზე გამოსვლას არ აპირებს

Montoya plays down Le Mans rumours after Porsche WEC test

24 ნოემბერი

ხუან პაბლო მონტოია ამბობს, რომ არ აპირებს ლე მანის 24-საათიან რბოლაში მონაწილეობას, მიუხედავად იმისა, რომ ახლახანს, ბაჰრეინის ტრეკზე, „პორშეს“ სარბოლო პროტოტიპ „919 ჰაიბრიდით“ წარმატებული ტესტები ჰქონდა. როგორც კოლუმბიელი პილოტი ამბობს, ტესტებში მონაწილეობა, ფორმულა 1-ის ორი ყოფილი ინჟინრის მიწვევით მიიღო.

„მეკაქრომი“ ფ1-ის ძრავების ტენდერში ჩაერთო

Mecachrome applies for Formula 1 engine tender

24 ნოემბერი

როგორც მოსალოდნელი იყო, ფორმულა ერთის ძრავების ტენდერში მონაწილეობაზე განაცხადი ფრანგულმა კომპანია „მეკაქრომმაც“ შეიტანა. ინტერნეტ გამოცემა „მოტორსპორტ.კომ-მა“ კი გამოაქვეყნა ფოტო, რომელზეც ჩანს, თუ როგორი შეიძლება იყოს ამ კომპანიის მომავალი ძრავი. ამგვარად, ეს მესამე კომპანიაა, რომელმაც ფ1-ის ალტერნატიული ძრავის წარმოების სურვილი გამოთქვა. დანარჩენი ორი - „ილმორი“ და AER-ი ბრიტანეთიდანაა.

„რეზვანი ბისტ X-ს“ 700 ცხენი მოემსახურება

700 HP for the Rezvani Beast X, Because It Really Needed More Power

24 ნოემბერი

„ბისტ“, მხეცი - ასე დაარქვა ამერიკულმა (კალიფორნიულმა) კომპანია „რეზვანიმ“ თავის ღია სუპერ ავტომობილს, რომელიც „არიელ ატომის“ ბაზაზე დაამზადა და 500-ცხენისძალიანი ძრავით აღჭურვა. ამ არსენალით, „მხეცს“ ტრეკზე ისეთი ბრენდების სუპერ ავტომობილებთან ტოლსწორად პაექრობა შეუძლია, როგორებიცაა „ფერარი“, „ლამბორგინი“ და „მაკლარენი“. მაგრამ კომპანიას და მისი კლიენტების ნაწილს ესეც არ აკმაყოფილებდა.

განახლებული „ფორდ ისკეიპის“ პრემიერა ლოს ანჯელესში

Refreshed 2017 Ford Escape Is Just What The Customer Ordered

24 ნოემბერი

„ფორდ ისკეიპი“ უგზოობის პოპულარული ავტომობილია. თუმცა უსაფრთხოების და კავშირის თანამედროვე სისტემებით ნაკლებად იყო ეკიპირებული. და სწორედ ამ ფაქტორის გამოსწორებაზე გაამახვილა ყურადღება ცისფერმა ოვალმა, რომელმაც განახლებული და გარეგნულად უფრო დახვეწილი „ისკეიპი“ ლოს ანჯელესის მოტორ შოუზე გამოფინა.

ფერსტაპენი ჰამილტონს ამართლებს

Toro Rosso's Verstappen gets Hamilton's Formula 1 passing angst

23 ნოემბერი

ბრაზილიის რბოლაში მაქს ფერსტაპენის მიერ შესრულებულმა მანევრებმა ყველა აღაფრთოვანა. ის იმ ადგილებშიც კი ასწრებდა მეტოქეებს, სადაც ეს ერთი შეხედვით შეუძლებლად ჩანდა. იმავდროულად, ლუის ჰამილტონმა განაცხადა, რომ ნიკო როსბერგის გასწრება შეუძლებელი იყო. უფრო მეტიც, მან აღიარა, რომ თანაგუნდელთან მიახლოებასაც კი ვერ ახერხებდა. არადა, მისივე თქმით, მოსაგებად საჭირო სიჩქარე ჰქონდა.

„ბენტლიმ“ შეიძლება 500-ცხენიანი ელექტრო სპორტქარიც გამოუშვას

Bentley may develop 500-hp, all-electric sports car

23 ნოემბერი

ლოს ანჯელესის მოტორ შოუზე მოდელ „ბენტაიგას“ წარდგენისას, „ბენტლის“ მთავარმა აღმასრულებელმა ვოლფგანგ დურჰაიმერმა თავისი კომპანიის სამომავლო გეგმებზე ისაუბრა და კონცეპტუალური „EXP 10 სპიდ 6-ის“ ელექტრული ვერსიის წარმოება არ გამორიცხა. ბრიტანულმა კომპანიამ ეს ავტომობილი პირველად ჟენევის წლევანდელ მოტორ შოუზე წარადგინა და მასზე საუკეთესო გამოხმაურებები მიიღო. ამ გამოხმაურებებს დურჰაიმერმა ასეთი საერთო ფორმულირება მოუძებნა: „მორჩით ლაპარაკს და გამოუშვით ეს ავტომობილი“.

„ევოუკ კონვერტაიბლის“ პრემიერა შესაფერის ადგილზე

Range Rover Evoque Convertible Debuts At The Right Place

23 ნოემბერი

შტატი კალიფორნია და მისი უდიდესი ქალაქი ლოს ანჯელესი არის ამ ავტომობილისთვის ყველაზე შესაფერისი ადგილი, რადგან აქ არის მსოფლიოში ყველაზე ცნობილი პლიაჟები, აქ არის ჰოლივუდი და აქვე ახლოსაა აზარტული თამაშების მსოფლიო ცენტრი. აქ ყველაზე მეტ ფულს ხარჯავენ გართობაზე, აქ ყველაზე მეტ ფულს ხარჯავენ ფუფუნებასა და გამორჩეულ ავტომობილებზე. და სწორედ ასეთი ავტომობილია „ლენდ როვერის“ უახლესი უგზოობის ავტომობილი, თანაც ღია - „ევოუკ კონვერტაიბლი“.

„მაკლარენი“ აბუ დაბიში ბევრ სიახლეს გამოსცდის

McLaren to test more 2016 parts in Abu Dhabi

23 ნოემბერი

ფორმულა 1-ის მსოფლიო ჩემპიონატის მიმდინარე სეზონი დასასრულს მიუახლოვდა. დარჩა ერთადრთი ეტაპი, რომელსაც აბუ დაბი ამ უქმეებზე უმასპინძლებს. მნიშვნელოვანი ადგილები უკვე დანაწილებულია და გასაკეთებელი ბევრი აღარაფერი დარჩა. ამიტომ, გუნდების უმეტესობა უკვე ატარებს ექსპერიმენტებს, რომლებიც მომავალი სეზონისთვის მზადების პროგრამითაა გათვალისწინებული.

„ფორს ინდია“ მომავალ სეზონში „უილიამსს“ უმიზნებს

Force India targets beating Williams in 2016

22 ნოემბერი

„ფორს ინდიას“ შეფის მოადგილე ბობ ფერნლი დარწმუნებულია, რომ მისი გუნდი მომავალ სეზონში თვით :“უილიამსთან“ ტოლსწორ პაექრობას შეძლებს. ამ სეზონს ინდური საჯინიბო, კონსტრუქტორთა თასზე მეხუთე ადგილზე დაასრულებს, რაც მის შვიდწლიან ისტორიაში საუკეთესო შედეგია. აქამდე „ფორს ინდიასთვის“ საუკეთესო შედეგი მეექვსე ადგილი იყო, რომელიც სამჯერ აქვს დაკავებული. თუმცა, სანამ სახელს გამოიცვლიდა და „ჯორდანი“ ერქვა, გუნდმა უფრო მეტიც შესძლო - 1999 წელს მესამე ადგილი დაიკავა, ერთი სეზონით ადრე კი მეოთხე იყო.

„ვოლვო კონცეპტ 26“ - ასეთია ავტონომიური მომავალი

Volvo Presents Luxurious 'Concept 26', Previews Autonomous Future

22 ნოემბერი

ავტონომიურ ტექნოლოგიებზე მუშაობის პარალელურად, საავტომობილო კომპანიები, ავტონომიური ავტომობილების ინტერიერის ოპტიმალურად მოწყობის კონცეპციებსაც ამუშავებენ. ასეთმა ინტერიერმა, მგზავრები მაქსიმალური კომფორტით და ექსპლუატაციის მოსახერხებლობითაც უნდა უზრუნველყოს.

„სიტროენი“ ერთწლიან შვებულებას იღებს

Citroën to miss 2016 WRC season to build new car for 2017 campaign

22 ნოემბერი

„სიტროენი“ რალის მსოფლიო ჩემპიონატის მომავალ სეზონს გამოტოვებს, რათა უკეთ მოემზადოს შემდგომი სეზონისთვის, რომელზეც სრულიად ახალ მანქანას გამოიყვანს. ამასთან, მომავალი სეზონის ბოლოს, ფრანგული კომპანია ტურინგის კლასში მსოფლიო ჩემპიონატსაც (WTCC) დატოვებს, რათა რალის დაუკავშიროს თავისი მოტორსპორტული მომავალი. ამის გამო, რალიში მსოფლიოს ცხრაგზის ჩემპიონი სებასტიან ლოები, ვინც ამჟამად ძრითადად WTCC-ში ასპარეზობს, ნათესავი „პეჟოს“ ბანაკში გადაინაცვლებს, რომელიც რალი-მარათონ დაკარის პროგრამაზე აკეთებს აქცენტს.

მონტოია „პორშეს“ LMP1 პროტოტიპით აღფრთოვანებულია

Montoya: Porsche LMP1 is so good “it’s shocking”

22 ნოემბერი

ინდი 500-ის ორგზის გამარჯვებულმა, ფორმულა 1-ის ყოფილმა პილოტმა, კოლუმბიელმა ხუან პაბლო მონტოიამ, ბაჰრეინში პირველად „გაუსინჯა გემო“ „პორშეს“ სარბოლო პროტოტიპ „919 ჰაიბრიდს“ და მისით აღფრთოვანებული დარჩა. ტესტებზე მის განკარგულებაში ის მანქანა (N17) იყო, რომლითაც წინა დღით, მარკ ვებერმა, ბრენდონ ჰარტლიმ და ტიმო ბერნჰარდმა, გამძლეობაზე რბოლების მსოფლიო ჩემპიონის ტიტული მოიპოვეს.

არივაბენე: „ფერარი“ მომავალ სეზონში „მერსედესზე“ წინ იქნება

Maurizio Arrivabene expects Ferrari to be in front of Mercedes next year

21 ნოემბერი

„ფერარის“ შეფ მაურიციო არივაბენეს სჯერა, რომ მომავალ სეზონში მისი პილოტები „მერსედესის“ წინ იქნებიან. ის ამბობს, რომ „ფერარის“ ახალი მანქანის ყველა ნაწილი დაიხვეწება და გაუმჯობესდება. „თუ ჩემი მოლოდინი გაინტერესებთ, ჩვენ უბრალოდ დაწევას კი არა, მათ გასწრებას ვაპირებთ. შემიძლია თქმა, რომ ახლა მათთან ძალიან ახლოს ვართ. მომავალ სეზონში კი მათ წინ უნდა ვიყოთ“, - ამბობს არივაბენე.

ფ1-ის ძრავის ტენდერში ორი კომპანიის განაცხადი შევიდა

Ilmor, AER apply for alternative F1 engine tender

21 ნოემბერი

სარბოლო ძრავების შექმნასა და წარმოებაზე სპეციალიზებულმა ორმა კომპანიამ -
„ედვანსედ ენჯაინ რისერჩმა“ (AER) და „ილმორ ენჯინირინგმა“, FIA-ს მიერ გამოცხადებულ, ფ1-ის ალტერნატიული ძრავის შექმნაზე გამოცხადებული ტენდერის კომისიაში განაცხადი შეიტანს. იმავდროულად, ტენდერში მონაწილეობაზე უარი უკვე განაცხადა კომპანია „კოსუორტმა“. FIA-ს სურს, რომ ფ1-ის გუნდებისთვის ალტერნატიული ძრავი 2017 წლიდან იყოს ხელმისაწვდომი.

„პორშეს“ ეკიპაჟი მსოფლიო ჩემპიონი გახდა

Bahrain WEC: Webber crowned world champion as Porsche prevails

21 ნოემბერი

მარცხნიდან: ჰარტლი, ვებერი და ბერნჰარდი

ფორმულა ერთის ყოფილი პილოტი, ავსტრალიელი მარკ ვებერი და „პორშეს“ ეკიპაჟის (N17) კიდევ ორი წევრი - გერმანელი ტიმო ბერნჰარდი და ახალზელანდიელი ბრენდონ ჰარტლი, გამძლეობაზე რბოლებში მსოფლიო ჩემპიონატის გამარჯვებულები გახდნენ. სეზონის ბოლო ეტაპი (ბაჰრეინის 6 საათი), რომელიც ბაჰრეინში დღეს გაიმართა, მათ მეხუთე ადგილი დაიკავეს, თუმცა ესეც საკმარისი აღმოჩნდა იმისათვის, რომ ჩემპიონები გამხდარიყვნენ.

„ზენოს E10 R“ „ფორდ ფოკუს RS-ის“ ძრავით

New Zenos E10 R Sports Car Runs On A Focus RS Engine

21 ნოემბერი

ბრიტანულმა კომპანია „ზენოსმა“ თავისი ახალი ავტომობილის, E10 R-ის ფოტოები და მის შესახებ ტექნიკური ინფორმაცია გამოაქვეყნა. ის გარეგნულად ფაქტობრივად არ განსხვავდება კომპანიის პირველ მოდელ E10-სგან. თუმცა, R-მოდიფიკაცია „ფორდ ფოკუს RS-ის“ ძრავითაა აღჭურვილი, რომელიც ასევე „მუსტანგის“ ძრავების გამაში შედის.

ახალი ინფორმაცია „ბუგატი შირონის“ შესახებ

Bugatti Chiron Reportedly Detailed At Dubai Preview Event

21 ნოემბერი

„ბუგატიმ“ დუბაის სასტუმრო „რეჯისში“ სპეციალური წვეულება მოაწყო, რომელზეც „ვეირონის“ შემცვლელი მოდელის შესახებ მცირე ინფორმაცია გავრცელდა. კერძოდ, კომპანიის წარმომადგენლებმა გამოცემა „აუტოგესპოტთან“ საუბრისას განაცხადეს, რომ ახალი ავტომობილი, რომელსაც ამ ეტაპზე სხვადასხვა წყარო „შირონად“ მოიხსენიებს, ახლანდლი 8.0-ლიტრიანი, ოთხ ტურბოკომპრესორიანი W16 ძრავის ევოლუციური ვერსიით აღიჭურვება. ძრავის სიმძლავრე 1500 ცხენის ძალას, მაქსიმალური მომენტი კი 1500 ნიუტონმეტრს მიაღწევს.

„მერსედესი“ მომავალი სეზონისთვის რადიკალურ კონცეპციას ამზადებს

Mercedes considers radical concepts for 2016 F1 challenger

20 ნოემბერი

„მერსედესმა“ გამოაცხადა, რომ მომავალი სეზონის მანქანაზე რამდენიმე სიახლის გამოყენებას აპირებს, რაც დიდი პრიზების არენაზე დომინაციის შენარჩუნებაში დაეხმარება. მას შემდეგ, რაც ამ სეზონში ორივე ტიტული გაინაღდა, გერმანულმა გუნდმა მთელი ყურადღება ახალი მანქანის მზადებაზე გადაიტანა.

„ლამბორგინი ურაკან LP 580-2“

Lamborghini Graces Huracan With New LP 580-2 RWD Edition

20 ნოემბერი

როგორც მოსალოდნელი იყო, „ლამბორგინიმ“ თავის სუპერქარ „ურაკანის“ ვერსია LP 580-2 შეიმუშავა და საზოგადოებას ლოს ანჯელესის მოტორ შოუზე წარუდგინა. ეს ავტომობილი სტანდარტული ვერსიისგან იმით განსხვავდება, რომ უკანა წამყვანი ბორბლები აქვს და ამის წყალობით, უფრო მსუბუქიცაა. გარდა ამისა, სანტ’აგატა ბოლონეზელებმა სხვაგვარად მომართეს საკიდარი, მისი ზამბარები და განივი მდგრადობის სტაბილზატორები. რაც მთავარია, ავტომობილის მედეგობა გრეხვითი დატვირთვებისადმი, წინამორბედ „გალარდო LP 550-2-სთან“ შედარებით, თითქმის 50 პროცენტით გაუმჯობესდა.

ბატონი დარწმუნებულია, რომ „ჰონდას“ 2016-ში სოლიდური პროგრესი ექნება

Button sure Honda can make big leap in 2016

20 ნოემბერი

ჯენსონ ბატონი დარწმუნებულია, რომ „ჰონდა“ შეძლებს იმ დონეზე განვითარებას, რომ „მაკლარენს“ კონკურენტუნარიანობის დაბრუნებაში დაეხმაროს. ბრიტანელმა მრბოლმა გუნდთან კონტრაქტი იაპონიის დიდი პრიზის შემდეგ გააგრძელა, არადა კარგა ხანს წასვლაზე ფიქრობდა, რადგან ეს სეზონი „მაკლარენ-ჰონდამ“ პირწმინდად ჩააგდო. ეს კი ძირითადად „ჰონდას“ სუსტი და არასაიმედო აგრეგატის „დამსახურებაა“.

ექსვსბორბლიანი „ტოიოტა ჰაილუქსი“ ბულგარეთიდან

Bulgarian Tuner Builds Toyota Hilux 6x6

20 ნოემბერი

როგორც ჩანს, „მერსედეს-AMG“ მიერ ექვსბორბლიანი G63 6x6-ს დამზადება გადამდბი აღმოჩნდა - ჯერ ბრიტანულმა ტუნინგ ატელი „კან დიზაინმა“ ექვსბორბლიანი „ლენდ როვერ დიფენდერი“ შექმნა, ახლახანს კი მსგავსი მონსტრის აწყობა უცნობმა ბულგარულმა ფირმამ სცადა, რომელმაც ბაზისად „ტოიოტა ჰაილუქსი“ გამოიყენა.

განახლებული „მერსედეს SL“ ლოს ანჯელესის მოტორ შოუზე

Updated SL Is Mercedes' Answer To The Luxury Grand-Touring Market

19 ნოემბერი

„მერსედეს-ბენცმა“ ლოს ანჯელესის მოტორ შოუზე, თავის როდსტერ SL-ის განხლებული ვერსია პირველად გვიჩვენა. დასავლეთ სანაპიროზე პრემიერის ჩატარებას მარკეტინგული გათვლა ჰქონდა - ამ ტიპის ავტომობილების გაყიდვები ყველა დანარჩენ რეგიონში შემცირებულია, კალიფორნია კი ის ადგილია, სადაც ღია მდიდრულ ავტომობილებს ყველაზე მეტად აფასებენ. და განახლებულ SL-ს იქაური მყიდველის მოსახიბლად ყველაფერი აქვს.

„აუდი TT RS“ სულ სხვა დონეზე

750 PS HPerformance Audi TT RS Is On A Whole Different Level

19 ნოემბერი

მართალია, მეორე თაობის „აუდი TT-ს“ წარმოება შარშან შეწყდა, მაგრამ გერმანულმა სატუნინგო კომპანია „Hპერფორმანსმა“, თავისი ახალი მონსტრის დასამზადბლად, სწორედ ის, უფრო სწორედ, მისი RS ვერსია შეარჩია. სტანდარტული შესრულებით, ამ ავტომობილის 2.5-ლიტრიანი ხუთცილინდრიანი ძრავი, 335 ცხენის ძალას და 450 ნიუტონმეტრს გამოიმუშავებს.

„ფიატ 124 სპაიდერი“ - „მაზდა მიატას“ იტალიელი ნათესავი

New Fiat 124 Spider Shines From The L.A. Auto Show Floor

19 ნოემბერი

ლოს ანჯელესის მოტორ შოუზე შედგა „ფიატის“ უახლესი ავტომობილის, ორადგილიან როდსტერ „124 სპაიდერის“ მსოფლიო პრემიერა. ეს ავტომობილი ბაზარზე მომავალ წელს გამოვა და ეს დაუკავშირდება მისი წინამორბედის წარმოების დაწყების 50 წლის იუბილეს. პატარა იტალიური როდსტერი, „მაზდას“ პოპულარულ როდსტერ MX-5-ის (მიატას) პლატფორმაზეა აგებული, თუმცა სტილით და ძრავებით მისგან განსხვავდება.

„რეინჯ როვერის“ უჩვეული საიუბილეო აქცია ჩინეთში

Range Rover Drives Over Origami Bridge to Celebrate 45th Anniversary in China

19 ნოემბერი

45 წელი შესრულდა, რაც „ლენდ როვერი“ უგზოობის მდიდრულ ავტომობილ „რეინჯ როვერს“ უშვებს და ეს თარიღი ბრიტანულმა კომპანიამ ახლახანს უჩვეულო აქციით, ჩინეთის ისტორიულ ქალაქ სუჯოუში აღნიშნა, რომელიც აღმოსავლეთის ვენეციის სახელით და უამრავი ხიდითაა ცნობილი. იქ „ლენდ როვერმა“ გუანჯოუს მოტორ შოუს დაწყებამდე „შეიარა“.

კონცეპტუალური „სუბარუ იმპრეზას“ პრემიერა ლოს ანჯელესში

2016 Subaru Impreza concept revealed at LA motor show

19 ნოემბერი

„სუბარუმ“ ლოს ანჯელესის მოტორ შოუზე, მომავალი თაობის სედან „იმპრეზას“ კონცეპტუალური ვერსია წარადგინა. სულ რამდენიმე კვირით ადრე, იაპონურმა კომპანიამ ეს ავტომობილი, ხუთკარიანი ჰეჩბეკის ძარით ტოკიოს მოტორ შოუზე გვიჩვენა. ამ ავტომობილის წარმოებას „სუბარუ“ მომავალ წელს შტატ ინდიანას ქარხანაში დაიწყებს.

„მოტორ ტრენდის“ რჩეული ახალი „შევროლე კამარო“ გახდა

Motor Trend’s “Car Of The Year” Winner Might Surprise You

18 ნოემბერი

პოპულარულ ამერიკულ გამოცემა „მოტორ ტრენდის“ კონკურსმა „წლის ავტომობილი“, გამარჯვებულები სამ კატეგორიაში დაასახელა. აბსოლუტურ კატეგორიაში, სახელად წლის ავტომობილი, საუკეთესოდ „შევროლეს“ უახლესი მასქლ ქარი „კამარო“ გამოცხადდა. წლის საუკეთესო უგზბის ავტომობილი, „ვოლვო XC90“ გახდა, წლის საუკეთესო პიკაპის წოდება კი „შევროლეს“ კიდევ ერთ მოდელს, „კოლორადოს“ ხვდა წილად.

„ფორდი“ ავტონომიურ ავტომობილებს Mსიტიში გამოსცდის

Ford to test autonomous vehicles at Mcity

18 ნოემბერი

„ფორდ მოტორ კომპანი“ თავისი ავტონომიური ექსპერიმენტული ავტომობილების ტესტირებას ეგრეთ წოდებულ Mსიტიში გააგრძელებს, რომელიც მიჩიგანის უნივერსიტეტის მიერ შექმნილი, ქალაქის ერთგვარი სიმულატორია და სპეციალურად, სწორედ ავტონომიური ტექნოლოგიების ტესტირებისთვისაა განკუთვნილი.

„ფერარი“ მომავალ სეზონში „მერსედესს“ კონკურენციას გაუწევს

Ferrari thinks Brazil form suggests it can catch Mercedes in 2016

18 ნოემბერი

„ფერარის“ ტექნიკური დირექტორი ჯეიმს ელისონი ამბობს, რომ ბრაზილიაში სებასტიან ფეტელის კარგი გამოსვლა, იტალიურ გუნდს იმის იმედს აძლევს, რომ მომავალ სეზონში, გაცილებით მაღალი მიზნებისთვის ბრძოლას შეძლებს. ფეტელმა ფინიშზე მხოლოდ 14 წამი წააგო გამარჯვებულ ნიკო როსბერგთან. და მან ეს უსაფრთხოების მანქანის „დახმარების“ გარეშე შეძლო.

„ბენტლი“ მომცრო უგზოობის და სპორტულ მოდელებსაც გამოუშებს

Report Says Bentley Confirms Smaller SUV And Sports Car

18 ნოემბერი

რამდენიმე თვის წინ პირველად გაჟღერდა ინფორმაცია იმის შესახებ, რომ „ბენტლი“ ან „ბენტაიგაზე“ მომცრო უგზოობის მოდელის გამოშვებას გეგმავს, ან პატარა სპორტული ავტომობილისას. მაშინ ბრიტანულ კომპანიას არჩევანი ჰქონდა გასაკეთებელი. ახლახანს კი გამოქვეყნდა ინფორმაცია იმის შესახებ, რომ ორივე ავტომობილის წარმოება გადაწყვიტა. ამ ინფორმაციას ავტორიტეტული ბრიტანული გამოცემა „ავტოქარი“ ავრცელებს.