„ბეემვე X6 M“ ნურბურგრინგის ჩრდილოურ მარყუჟზე - 8:20

2016 BMW X6 M Reportedly Posted an 8:20 Minute Lap Around the Nurburgring

14 ივლისი

მართალია, ნურბურგრინგის ჩრდილოური მარყუჟის ცალკეულ მონაკვეთებზე სიჩქარეები შეიზღუდა, მაგრამ ამ ლეგენდარულ ტრეკზე, მაინც არამხოლოდ სიჩქარის ცალკეული მოყვარულები იკმაყოფილებენ ადრენალინზე მოთხოვნილებას, არამედ დიდი კომპანიებც ცდილობენ საკუთარი შესაძლებლობების დემონსტრირებას. ეს ხან ოფიციალურად ხდება, ხან კი არაოფიციალურად. მაგრამ ინფორმაცია ვრცელდება და მყიდველის მოზიდვასაც უწყობს ხელს...

ინტერნეტ გამოცემა „ბიმერ თუდეის“ ინფორმაციით, „ავტო ცაიტუნგმა“ 2016 წლის „ბეემვე X6 M-ის“ შესაძლებლობათა გამოსაცდელად, ის სწორედ ნურბურგრინგზე გაიყვანა. ტესტების დროს საუკეთესო შედეგად, 8 წუთი და 20 წამი დაფიქსირდა. მართალია, ამ შედეგით ვერავის გააკვირვებ, მაგრამ აქ ისიც გასათვალისწინებელია, რომ ეს ავტომობილი 2.3 ტონას იწონის. ჩრდილოური მარყუჟის წრე „პორშე კაიენის“ ვერსია GTS-ს 8:19-ში აქვს გავლილი. ოღონდ, 2012 წელს. ახალ „კაიენ ტურბო S-ს“ ალბათ გაცილებით სწრაფადაც შეუძლია.

X6 M-ის 2.3 ტონას 4.4-ლიტრიანი V8 ათრევს, რომელიც 575 ცხენის ძალას და 750 ნიუტონმეტრს გამოიმუშავებს. სწორდ ამ ძრავის და მისი მახასიათებლების დამსახურებაა ის, რომ უზარმაზარი სპორტული ქროსოვერი E46 M3-ზე (8:22) სწრაფად გადის ნურბურგრინგის წრეს. სხვათა შორის, „ბეემვე M135i-ს“ იგივე წრე 8:18-ში აქვს გავლილი, ძველი X6 M-ის დრო კი 8 წუთი და 24 წამია.