ფეტელის სიურპრიზი

Motor racing-Vettel quickest in Austrian GP practice

19 ივნისი

მიუხედავად იმისა, რომ ავსტრიის დიდი პრიზის პირველ თავისუფალ პრაქტიკაზე სულ რამდენიმე წრის გავლა შეძლო და ბოლო დრო აჩვენა, მეორეზე კი ტრანსმისია დაუზიანდა, სებასტიან ფეტელმა მაინც შეძლო ორივე სესიის ჯამში საუკეთესო დროის დაფიქსირება. ორი სესიაზე ბოლო და პირველი ადგილები მართლაც საოცარი კონტრასტია, თუმცა ასეთია ფ1 სიურპრიზები ყოველთვის მოსალოდნელია.

პირველ სესიაზე მსოფლიოს ოთხგზის ჩემპიონმა მხოლოდ ოთხი წრის გავლა მოასწრო და გადაცემათა კოლოფი გაუჭირვეულდა. ტრასაზე მეტად აღარც გამოსულა. მეორე პრაქტიკაზე კი 28 წრის გავლა მოასწრო, მათ შორის ერთი საუკეთესო იყო და მერე ისევ კოლოფმა უმტყუნა. როგორც გაირკვა, მეორე შემთხვევაში, ერთ-ერთ სენსორს პრობლემა დაუფიქსირებია, თუმცა კონკრეტულად რა პრობლემა იყო, ჯერჯერობით უცნობია.

ორივე სესიაზე მესამე უსწრაფესი კიმი რაიკონენი იყო, რამაც „ფერარის“ შეფი მაურიციო არივაბენე ძალიან გაახარა. თუმცა ინციდენტი მასაც შეემთხვა - როცა „ფერარის“ შეფმა პიტლეინზე გადარბენა დააპირა, მის გვერდით, ბოქსიდან სწორედ მაშინ გამოვიდა ფელიპე მასა. ბრაზილიელმა დროულად მოასწრო დამუხრუჭება და არივაბენეც სწრაფადვე უკან გადახტა.

და სად იყვნენ ამ დროს „მერსედესის“ პილოტები? პირველ სესიაზე საუკეთესო დრო ნიკო როსბერგს ჰქონდა, მეორე სესიაზე კი ის მეორე დროს დასჯერდა. ლუის ჰამილტონი კი შესაბამისად, მეორე და მეხუთე დროებს დასჯერდა. მსოფლიოს ჩემპიონი განსაკუთრებით უკმაყოფილო პირველ სესიაზე დარჩა, რომელზეც თანაგუნდელთან 0.308 წამი წააგო.

ავსტრიის დიდი პრიზი

პირველი თავისუფალი პრაქტიკა

1. ნიკო როსბერგი (გერმანია, მერსედესი)                     1:10.401

2. ლუის ჰამილტონი (ბრიტანეთი, მერსედესი)           1:10.709

3. კიმი რაიკონენი (ფინეთი, ფერარი)                             1:11.028

4. ვალტერი ბოტასი (ფინეთი, უილიამსი)                     1:11.452

5. ფელიპე ნასრი (ბრაზილია, ზაუბერი)                        1:11.633

6. დანილ კვიატი (რუსეთი, რედ ბული)                        1:11.642

7. დანიელ რიკარდო (ავსტრალია, რედ ბული)            1:11.724

8. მაქს ფერსტაპენი (ჰოლანდია, ტორო როსო)             1:11.825

9. ფელიპე მასა (ბრაზილია, უილიამსი)                         1:11.890

10. სერხიო პერესი (მექსიკა, ფორს ინდია)                    1:11.905

11. კარლოს საინს უმცროსი (ესპანეთი, ტორო როსო) 1:11.948

12. პასტორ მალდონადო (ვენესუელა, ლოტუსი)        1:12.004

13. ნიკო ჰულკენბერგი (გერმანია, ფორს ინდია)         1:12.031

14. ჯოლიონ პალმერი (ბრიტანწთი, ლოტუსი)            1:12.050

15. მარკუს ერიქსონი (შვედეთი, ზაუბერი)                   1:12.159

16. ჯენსონ ბატონი (ბრიტანეთი, მაკლარენი)               1:12.920

17. ფერნანდო ალონსო (ესპანეთი, მაკლარენი)            1:13.272

18. უილ სტივენსი (ბრიტანეთი, მენორი)                      1:13.937

19. რობერტო მერი (ესპანეთი, მენორი)                          1:15.459

20. სებასტიან ფეტელი (გერმანია, ფერარი)                  1:15.684

მეორე თავისუფალი პრაქტიკა

1. სებასტიან ფეტელი (გერმანია, ფერარი)                    1:09.600

2. ნიკო როსბერგი (გერმანია, მერსედესი)                     1:09.611

3. კიმი რაიკონენი (ფინეთი, ფერარი)                             1:09.860

4. პასტორ მალდონადო (ვენესუელა, ლოტუსი)          1:09.914

5. ლუის ჰამილტონი (ბრიტანეთი, მერსედესი)           1:10.137

6. ნიკო ჰულკენბერგი (გერმანია, ფორს ინდია)            1:10.160

7. რომენ გროჟანი (საფრანგეთი, ლოტუსი)                    1:10.267

8. მაქს ფერსტაპენი (ჰოლანდია, ტორო როსო)             1:10.356

9. ფელიპე ნასრი (ბრაზილია, ზაუბერი)                        1:10.495

10. სერხიო პერესი (მექსიკა, ფორს ინდია)                    1:10.585

11. კარლოს საინს უმცროსი (ესპანეთი, ტორო როსო) 1:10.631

12. დანილ კვიატი (რუსეთი, რედ ბული)                      1:10.686

13. მარკუს ერიქსონი (შვედეთი, ზაუბერი)                   1:10.744

14. ვალტერი ბოტასი (ფინეთი, უილიამსი)                   1:10.746

15. ფელიპე მასა (ბრაზილია, უილიამსი)                       1:11.011

16. ფერნანდო ალონსო (ესპანეთი, მაკლარენი)             1:11.517

17. დანიელ რიკარდო (ავსტრალია, რედ ბული)          1:11.676

18. ჯენსონ ბატონი (ბრიტანეთი, მაკლარენი)               1:11.919

19. უილ სტივენსი (ბრიტანეთი, მენორი)                      1:12.522

20. რობერტო მერი (ესპანეთი, მენორი)         1:13.094