ფ1-ის გუნდების შეფებმა საუკეთესოდ ჰამილტონი დაასახელეს

F1 team bosses vote Lewis Hamilton as best driver of 2014

14 დეკემბერი

ფორმულა ერთის ორგზის ჩემპიონი ლუის ჰამილტონი, გასულ სეზონის საუკეთესო პილოტად, ფ1-ის გუნდების ხელმძღვანელებმაც დაასახელს. ტრადიციულად, ბრიტანულმა გამოცემა „ავტოსპორტმა“ სეზონის დასრულების შემდეგ, გუნდების შეფებს 10 საუკეთესო პილოტის დასახელება სთხოვა. კონკურსის წესების მიხედვით, ყოველი ადგილი, ფ1-ის ქულების (25-18-15-12-10-8-6-4-2-1) შესაბამისად ფასდება.

მორიგი გამოკითხვის შედეგებით, ჰამილტონმა სოლიდური უპირატესობით გაიმარჯვა. მეორე ადგილი კი, მისი მთავარი მეტოქის და თანაგუნდელის, ნიკო როსბერგის ნაცვლად, ფერნანდო ალონსოს ერგო. გერმანელმა კი მხოლოდ მეხუთე ადგილი დაიკავა. ალონსოს გასულ სეზნში აშკარად არ გაუმართლა - „ფერარის“ ბოლიდი სამეულში მოხვედრის შანსსაც კი არ აძლევდა. მაგრამ მსოფლიოს ორგზის ჩემპიონი, რომელიც მომავალი სეზონიდან „მაკლარენს“ უბრუნდება, ყოველთვის მოწოდების სიმაღლეზე იყო და მაქსიმალურ შესაძლებელ ქულებს აგროვებდა.

მესამე ადგილზე, ისევე როგორც ჩემპიონატში, „რედ ბულის“ დანიელ რიკარდო გავიდა. ავსტრალიელი პილოტი ერთადერთი პილოტია, ვინც „მერსედესის“ პილოტებს მოუგო და თანაც, ეს სამჯერ მოახერხა. მერვე ადგილი ერგო ჟიულ ბიანკის, რომელიც იაპონიაში მომხდარი ავარიის შემდგ, ახლაც კომაში იმყოფება. ფრანგმა მრბოლმა ჯენსონ ბატონი ჩამოიტოვა და ცოტათი ჩამორჩა მსოფლიოს ოთხგზის ჩემპიონ სებასტიან ფეტელს.

„ავტოსპორტის“ კონკურსის ტოპ ათეული

1. ლუის ჰამილტონი (ბრიტანეთი, მერსედესი)           194 ქულა

2. ფერნანდო ალონსო (ესპანეთი, ფერარი)                    155

3. დანიელ რიკარდო (ავსტრალია, რედ ბული)            135

4. ვალტერი ბოტასი (ფინეთი, უილიამსი)                     119

5. ნიკო როსბერგი (გერმანია, მერსედესი)                     115

6. ფელიპე მასა (ბრაზილია, უილიამსი)                         55

7. სებასტიან ფეტელი (გერმანია, რედ ბული)              53

8. ჟიულ ბიანკი (საფრანგეთი, მარუსია)                         44

9. ჯენსონ ბატონი (ბრიტანეთი, მაკლარენი)                 40

10. დანილ კვიატი (რუსეთი, ტორო როსო)                    28

გუნდების შეფები

კრისტიან ჰორნერი (რედ ბული)

ტოტო ვოლფი (მერსედესი)

ფედერიკო გასტალდი (ლოტუსი)

მარკო მატიაჩი (ფერარი)

ერიკ ბუიე (მაკლარენი)

ვიჯეი მალია (ფორს ინდია)

მონიშა კალტენბორნი (ზაუბერი)

ფრანც ტოსტი (ტორო როსო)

კლერ უილიამსი (უილიამსი)

გრემ ლოუდონი (მრუსია)

* „კატერჰემმა“ კონკურსში მონაწილეობა ვერ მიიღო, რადგან ხელმძღვანელი რამდენჯერმე შეეცვალა