ჰამილტონის დომინაცია სუზუკაზეც გრძელდება

Motor racing-Hamilton leads Mercedes one-two in Japanese practice

3 ოქტომბერი

მართალია, იაპონიის დიდი პრიზის პირველი ორი თავისუფალი პრაქტიკის ჯამში ყველაზე სწრაფი ლუის ჰამილტონია, მაგრამ შესაძლოა, ეს დღე იმითაც დაგვამახსოვრდეს, რომ ფ1-ში მაქს ფერსტაპენის დებიუტი შედგა. ჰოლანდიელ თინეიჯერს სამი დღის წინ შეუსრულდა 17 წელი და ასაკს რომ თავი დავანებოთ, ჯერ კიდევ ერთი წლის წინ, ის კარტინგის მრბოლი იყო. ახლა კი ფ3-ში ასპარეზობს და გამოუცდელობის მიუხედავად, „რედ ბულმა“ თავის ფარმ გუნდ „ტორო როსოში“ ასპარეზობის უფლება მიანიჭა.

თქმა არ უნდა, მაქსი ძალიან ნიჭიერი პილოტია - სხვა შემთხვევაში, „რედ ბულის“ ავტოსპორტის საქმეების მრჩეველი ჰელმუტ მარკო მას ასეთ ნდობას არ გამოუცხადებდა. მართალია, მას არჩევანი ყოველთვის არ უმართლებს, მაგრამ ორჯერ, სებასტიან ფეტელის და დანიელ რიკარდოს შემთხვევაში, უკვე გაუმართლა. ჰოდა, ახლა ფერსტაპენის ჯერია და თუ ისიც ფეტელის დონეს გაქაჩავს, მაშინ ამ დღეს ხშირად გაიხსენებენ ხოლმე. თავისი დებიუტი კი მან მე-12 ადგილით აღნიშნა.

სხვა მხრივ, სუზუკაზე განსაკუთრებული არაფერი მომხდარა - სამქიმიანები ისევ დომინირებენ, სხვები კი იმ წამის მეათედებს ითვლია, რამდენითაც ჰამილტონს და ნიკო როსბერგს ჩამორჩებიან. ასეთი მეათედი კი კვლავაც მეტისმეტად ბევრია იმისათვის, რომ სწრაფი მოსახვევებით და მაღალი საშუალო სიჩქარით გამორჩეულ სუზუკაზე, „მერსედესებს“ ვინმემ რეალური მეტოქეობა გაუწიოს.

კიდევ ერთი მიზეზი, რომლის გამოც ეს რბოლა დასამახსოვრებელი შეიძლება გახდეს ისაა, რომ „მერსედესს“ კონსტრუქტორთა თასის ვადამდე მოპოვების რეალური შანსი აქვს. გერმანული საჯინიბო უახლოეს მდევარ „რედ ბულს“ 174 ქულას უგებს დარჩენილ 5 რბოლაში კი მაქსიმუმ 215 ქულის მოპოვებაა შესაძლებელი. ანუ, „რედ ბულმა“ ყველა რბოლა უნდა მოიგოს და „მერსედესმა“ 41 ქულის აღებაც ვერ შეძლოს. ეს კი წარმოუდგენელია. ამიტომ, „რედ ბულის“ შანსი მხოლოდ მათემატიკურია და შესაძლოა, ბოლო ოთხი სეზონის ტრიუმფატორებმა სუზუკაზე ეს მიზერული შანსიც დაკარგონ.

მეორე პრაქტიკა ორჯერ შეწყდა. ის ახალი დაწყებული იყო, როცა კამუი კობაიაშიმ თავისი „კატერჰემი“ დაამტვრია. შემდეგ კი ავარია რიკარდოს შეემთხვა. ავსტრალიელმა აღიარა, რომ ავარია მისი შეცდომის შედეგი იყო. ოღონდ ისიც თქვა, ალბათ საბურავები ზედმეტად გამიგრილდა და ეს ვერ გავითვალისწინე, როცა მოსახვევიდან გამოვდიოდიო. ავარიის მომენტში რიკარდოს საუკეთესო დრო ჰქონდა. მან სესიაზე მხოლოდ სამი წრის გავლა მოასწრო, თუმცა ამის მიუხედავად, საბოლოოდ მე-10 ადგილი დაიკავა.

აღსანიშნავია, რომ რბოლისთვის სინოპტიკოსები წვიმას ელიან - იაპონიას ტაიფუნი უახლოვდება, რაც პილოტებს რბოლისას საქმეს გაურთულებს.

იაპონიის დიდი პრიზი

პირველი თავისუფალი პრაქტიკა

1. ნიკო როსბერგი (გერმანია, მერსედესი)                     1:35.461

2. ლუის ჰამილტონი (ბრიტანეთი, მერსედესი)           1:35.612

3. ფერნანდო ალონსო (ესპანეთი, ფერარი)                    1:36.037

4. ვალტერი ბოტასი (ფინეთი, უილიამსი)                     1:36.576

5. კიმი რაიკონენი (ფინეთი, ფერარი)                             1:37.187

6. კევინ მაგნუსენი (დანია, მაკლარენი)                         1:37.327

7. დანიელ რიკარდო (ავსტრალია, რედ ბული)            1:37.466

8. ჯენსონ ბატონი (ბრიტანეთი, მაკლარენი)                 1:37.649

9. სებასტიან ფეტელი (გერმანია, რედ ბული)              1:37.686

10. დანილ კვიატი (რუსეთი, ტორო როსო)                    1:37.714

11. ფელიპე მასა (ბრაზილია, უილიამსი)                       1:38.012

12. მაქს ფერსტაპენი (ჰოლანდია, ტორო როსო)           1:38.157

13. სერხიო პერესი (მექსიკა, ფორს ინდია)                    1:38.324

14. ნიკო ჰულკენბერგი (გერმანია, ფორს ინდია)          1:38.582

15. რომენ გროჟანი (საფრანგეთი, ლოტუსი)                  1:38.851

16. ადრიან სუტილი (გერმანია, ზაუბერი)                    1:39.046

17. პასტორ მალდონადო (ვენესუელა, ლოტუსი)        1:39.097

18. ესტებან გუტიერესი (მექსიკა, ზაუბერი)                 1:39.318

19. მარკუს ერიქსონი (შვედეთი, კატერჰემი)                1:40.031

20. რობერტო მერი (ესპანეთი, კატერჰემი)                    1:41.472

21. ჟიულ ბიანკი (საფრანგეთი, მარუსია)                       1:41.580

22. მაქს ჩილტონი (ბრიტანეთი, მარუსია)                     1:41.757

მეორე თავისუფალი პრაქტიკა

1. ლუის ჰამილტონი (ბრიტანეთი, მერსედესი)           1:35.078

2. ნიკო როსბერგი (გერმანია, მერსედესი)                     1:35.318

3. ვალტერი ბოტასი (ფინეთი, უილიამსი)                     1:36.279

4. ჯენსონ ბატონი (ბრიტანეთი, მაკლარენი)                 1:36.409

5. სებასტიან ფეტელი (გერმანია, რედ ბული)              1:36.436

6. კიმი რაიკონენი (ფინეთი, ფერარი)                             1:36.529

7. ფერნანდო ალონსო (ესპანეთი, ფერარი)                    1:36.637

8. კევინ მაგნუსენი (დანია, მაკლარენი)                         1:36.714

9. დანილ კვიატი (რუსეთი, ტორო როსო)                      1:36.943

10. დანიელ რიკარდო (ავსტრალია, რედ ბული)          1:37.186

11. ჟან-ერიკ ვერნი (საფრანგეთი, ტორო როსო)            1:37.219

12. ნიკო ჰულკენბერგი (გერმანია, ფორს ინდია)          1:37.504

13. რომენ გროჟანი (საფრანგეთი, ლოტუსი)                  1:37.563

14. ფელიპე მასა (ბრაზილია, უილიამსი)                       1:37.700

15. სერხიო პერესი (მექსიკა, ფორს ინდია)                    1:37.786

16. პასტორ მალდონადო (ვენესუელა, ლოტუსი)        1:37.798

17. ადრიან სუტილი (გერმანია, ზაუბერი)                    1:38.010

18. ესტებან გუტიერესი (მექსიკა, ზაუბერი)                 1:38.365

19. მარკუს ერიქსონი (შვედეთი, კატერჰემი)                1:39.069

20. ჟიულ ბიანკი (საფრანგეთი, მარუსია)                       1:39.306

21. მაქს ჩილტონი (ბრიტანეთი, მარუსია)                     1:39.333

22. კამუი კობაიაში (იაპონია, კატერჰემი)                      1:42.760