ფორმულა ერთი ქართულ მიწას ეწვია

Motor racing-Hamilton quickest in Russian practice

10 ოქტომბერი

გინდათ ისე თქვით, გინდათ ასე - სოჭი ძველ ქართული მიწაა და ამ მიწაზე მალე ფორმულა ერთის პირველი რბოლა ჩატარდება. როგორც ყოველთვის, პარასკევს თავისუფალი პრაქტიკები იყო და როგორც (ამ სეზონში) ყოველთვის, ყველაზე სწრაფები „მერსედესის“ პილოტები იყვნენ.

პირველ სესიაზე უფრო სწრაფი ნიკო როსბერგი იყო, მეორზე კი ყველას ლუის ჰამილტონმა აჯობა, რომელიც ახალი ტრასითაც და თავისი მანქანის მუშაობითაც კმაყოფილი დარჩა. მეორე სესია, დასრულებამდე რვა წუთით ადრე შეწყდა, რისი მიზეზიც დანიელ რიკარდოს მანქანის აგრეგატის დაზიანება გახდა.

შეგახსენებთ, რომ ჩემპიონატის დასრულებამდე ოთხი რბოლით ადრე, „მერსედესის“ გუნდს ტიტულის ვადამდე მოპოვების რეალური შანსი აქვს. მის პილოტებს 15-დან 12 რბოლა აქვთ მოგებული. აქედან რვაჯერ რბოლა დუბლით დაასრულეს. ყველაზე მეტი, რვა გამარჯვება ჰამილტონის ანგარიშზეა, ვინც ჩემპიონატის ლიდერია და თანაგუნდელ როსბერგს 10 ქულას უგებს. 4 გამარჯვება როსბერგს აქვს მოპოვებული, სამი კი - რიკარდოს.

დანარჩენებს შორის უსწრაფესები „მაკლარენის“ პილოტები იყვნენ. პირველ სესიაზე ჯენსონ ბატონს კარგა ხანს საუკეთესო დრო ჰქონდა. მეორე მხრივ, ის ორჯერ დაჯარიმდა (ჯამში 1 100 ევროთი) პიტლეინზე სიჩქარის გადაჭარბებისთვის. მეორე სესიაზე ბრიტანელი მეექვსე დროს დასჯერდა. სამაგიეროდ, მეორე საუკეთესო იყო მისი თანაგუნდელი კევინ მაგნუსენი. ორივე სესიაზე ძალიან სტაბილური იყო ფერნანდო ალონსო, რომელმაც მეოთხე და მესამე დროები დააფიქსირა. პირველ სესიაზე შედგა ფ1-ში კიდევ ერთი რუსი მრბოლის, 19 წლის სერგეი სიროტკინის დებიუტი, რომელსაც ამის საშუალება „ზაუბერმა“ მისცა.

ყველა მანქანზე დაკრული იყო სტიკერები, რომლებზეც სუზუკას რბოლისას მძიმედ დაშავებული ჟიულ ბიანკის მხარდასაჭერი ფრაზები ეწერა. ამასთან დაკავშირებით, ბიანკის გუნდმა „მარუსიამ“ ტრასაზე მხოლოდ ერთი პილოტი გამოიყვანა და რბოლასაც ერთი პილოტით ჩაატარებს. მთელი სარბოლო უქმეების განმავლობაში, ბიანკის ბოლიდი გარაჟში იდგება.

სოჭის დიდი პრიზი

პირველი თავისუფალი პრაქტიკა

1. ნიკო როსბერგი (გერმანია, მერსედესი)                     1:42.311

2. ლუის ჰამილტონი (ბრიტანეთი, მერსედესი)           1:42.376

3. ჯენსონ ბატონი (ბრიტანეთი, მაკლარენი)                 1:42.507

4. ფერნანდო ალონსო (ესპანეთი, ფერარი)                    1:42.720

5. კევინ მაგნუსენი (დანია, მაკლარენი)                         1:43.026

6. სერხიო პერესი (მექსიკა, ფორს ინდია)                      1:43.129

7. დანილ კვიატი (რუსეთი, ტორო როსო)                      1:43.164

8. კიმი რაიკონენი (ფინეთი, ფერარი)                             1:43.212

9. ჟან-ერიკ ვერნი (საფრანგეთი, ტორო როსო)              1:43.327

10. ვალტერი ბოტასი (ფინეთი, უილიამსი)                   1:43.542

11. ფელიპე მასა (ბრაზილია, უილიამსი)                       1:43.741

12. დანიელ რიკარდო (ავსტრალია, რედ ბული)          1:43.821

13. ნიკო ჰულკენბერგი (გერმანია, ფორს ინდია)          1:43.976

14. სებასტიან ფეტელი (გერმანია, რედ ბული)             1:44.506

15. ადრიან სუტილი (გერმანია, ზაუბერი)                    1:44.625

16. პასტორ მალდონადო (ვენესუელა, ლოტუსი)        1:44.876

17. სერგეი სიროტკინი (რუსეთი, ზაუბერი)                  1:45.032

18. რომენ გროჟანი (საფრანგეთი, ლოტუსი)                  1:45.190

19. რობერტო მერი (ესპანეთი, კატერჰემი)                    1:46.782

20. მარკუს ერიქსონი (შვედეთი, კატერჰემი)                1:46.922

21. მაქს ჩილტონი (ბრიტანეთი, მარუსია)                     1:47.284

მეორე თავისუფალი პრაქტიკა

1. ლუის ჰამილტონი (ბრიტანეთი, მერსედესი)           1:39.630

2. კევინ მაგნუსენი (დანია, მაკლარენი)                         1:40.494

3. ფერნანდო ალონსო (ესპანეთი, ფერარი)                    1:40.504

4. ნიკო როსბერგი (გერმანია, მერსედესი)                     1:40.542

5. ვალტერი ბოტასი (ფინეთი, უილიამსი)                     1:40.573

6. ჯენსონ ბატონი (ბრიტანეთი, მაკლარენი)                 1:40.718

7. ფელიპე მასა (ბრაზილია, უილიამსი)                         1:40.731

8. დანილ კვიატი (რუსეთი, ტორო როსო)                      1:41.108

9. სებასტიან ფეტელი (გერმანია, რედ ბული)              1:41.396

10. ჟან-ერიკ ვერნი (საფრანგეთი, ტორო როსო)            1:41.531

11. კიმი რაიკონენი (ფინეთი, ფერარი)                           1:41.630

12. ნიკო ჰულკენბერგი (გერმანია, ფორს ინდია)          1:41.677

13. დანიელ რიკარდო (ავსტრალია, რედ ბული)          1:42.061

14. სერხიო პერესი (მექსიკა, ფორს ინდია)                    1:42.090

15. ადრიან სუტილი (გერმანია, ზაუბერი)                    1:42.233

16. რომენ გროჟანი (საფრანგეთი, ლოტუსი)                  1:42.892

17. პასტორ მალდონადო (ვენესუელა, ლოტუსი)        1:42.905

18. ესტებან გუტიერესი (მექსიკა, ზაუბერი)                 1:43.055

19. მარკუს ერიქსონი (შვედეთი, კატერჰემი)                1:44.135

20. მაქს ჩილტონი (ბრიტანეთი, მარუსია)                     1:44.530

21. კამუი კობაიაში (იაპონია, კატერჰემი)                      1:44.952