„მაკლარენი“ ფეტელის და ალონსოს გადაბირებას ცდილობს

McLaren F1 team in final push to hire Vettel or Alonso

31 აგვისტო

„მაკლარენი“ ისეთი ტოპ პილოტის მოზიდვას ცდილობს, რომელიც მის ლიდერობას რამდენიმე სეზონის განმავლობში შეძლებს. ჟურნალ „ავტოსპორტის“ მიერ გავრცელებული ინფორმაციით, უოკინგელებს ასეთებად სებასტიან ფეტელი და ფერნანდო ალონსო ჰყავთ ამორჩეული. მათგან ამას პირველ რიგში, ძრავების ახალი მიმწოდებელი „ჰონდა“ მოითხოვს, რომელიც მომავალი სეზონიდან უბრუნდება ფორმულა ერთს.

„სუზუკი“ მალე სედან „ჩიააზს“ სერიულად გამოუშვებს

Suzuki Ciaz Concept (India-bound Maruti Ciaz)

31 აგვისტო

„ჩიააზი“ (Ciaz) ჰქვია კონცეპტუალურ სედანს, რომელსაც „სუზუკი“ წლის დასაწყისიდან, გამოფენიდან გამოფენაზე ატარებს. ეს ძირითადად აზიის ქვეყნებში ხდება. ყველაფერი კი ნიუ დელის ავტო ექსპოთი დაიწყო, რადგან პირველ რიგში, ის ინდური ბაზრისთვისაა განკუთვნილი. მოგვიანებით კი ჩინეთს ეწვია, სადაც სერიული „ალივიოს“ სახელით წარსდგა. „ჩიააზმა“ ბაზარზე სედან SX4-ის ადგილი უნდა დაიკავოს, რომლის წარმოებაც მიგვიანებით შეწყდება.

„იაგუარ ლენდ როვერის“ „სასიამოვნო პრობლემა“

Jaguar Land Rover says key models in short supply, some have six-month wait lists

30 აგვისტო

„იაგუარის“ და „ლენდ როვერის“ თანამედროვე სამოდელო გამები, საუკეთესოა მათს ისტორიაში. შესაძლოა, ვინმე შემოგვედავოს და თქვას, რომ კლასიკური ავტომობილები გაცილებით უფრო შარმიანი იყო, მაგრამ ფაქტი ისაა, რომ ორივე კომპანია, რომლებიც ერთ ჯგუფში არიან გაერთიანებულნი, გაყიდვების რეკორდებს ხსნის. უფრო მეტიც, მათს ავტომობილებზე რიგები დგას!

რალის პირველი მსოფლიო ჩემპიონი - ბიორნ ვალდეგაარდი გარდაიცვალა

Bjorn Waldegaard obituary

30 აგვისტო

70 წლისა, კიბოთი გარდაიცვალა რალიში მსოფლიოს პირველი ჩემპიონი, შვედი ბიორნ ვალდეგაარდი. კენიაში მას ლომს უწოდებდნენ - საფარის უმძიმესი რალის ოთხგზის გამარჯვებულს სხვა სახელი არც ეკადრებოდა. რალის მრბოლის კარიერა 19 წლიდამ დაიწყო და სამ წელიწადში, შვედეთის რალი კვარცხლბეკზე დაასრულა. ორი წლის შემდეგ კი შვედეთის ჩემპიონი გახდა.

„ფორდმა“ ფოლადისტანიანი F-150-ის წარმოება შეწყვიტა

Ford Ends Production of Steel-Bodied F-150

29 აგვისტო

„ფორდის“ დირბორნის (დეტროიტის გარეუბანი, შტატი მიჩიგანი) პიკაპების ქარხანამ, ახლანდელი თაობის, ფოლადისტანიან პიკაპ F-150-ის წარმოება შეწყვიტა. ცისფერი ოვალი ახალი F-150-ის წარმოებისთვის ემზადება, რომლის სტრუქტურაც, პირველად ამ მოდელის ისტორიაში, მეტწილად ალუმინისგანაა დამზადებული. ამის წყალობით, ის „ფორდის“ ისტორიაში ყველაზე ეკონომიური პიკაპია. თუმცა, ბევრი იმასაც ფიქრობს, რომ ალუმინის გამო, ავტომობილი ბაზარზე ლიდერის პოზიცას დათმობს.

ფეტელი მონცაზე ახალი შასით გამოვა

Sebastian Vettel to get new F1 chassis for Italian GP

29 აგვისტო

სებასტიან ფეტელი იტალიის დიდ პრიზზე ახალი შასით იასპარეზებს. „რედ ბული“ ცდილობს, მიაგნოს მიზეზს, რომლის გამოც, მსოფლიოს ოთხგზის ჩემპიონს ბელგიურ ეტაპზე სიჩქარე აკლდა. და ეს იმ დროს, როცა კვალიფიკაცია შესანიშნავად ჩაატარა. გუნდის შეფი კრისტიან ჰორნერი ამბობს, სპაზე ფეტელი იმდენად არადამაჯერებლად გამოიყურებოდა, რომ ეს მანქანის დაზიანების შედეგი უნდა ყოფილიყო.

როსბერგმა ჰამილტონს მოუბოდიშა

Nico Rosberg admits 'error of judgement' in Lewis Hamilton clash

29 აგვისტო

„მერსედესის“ პილოტებს შორის დაძაბულობა მოიხსნა, ცოტა ხნით მაინც - სპა ფრანკორშანზე მომხდარი ინციდენტის გამო, ნიკო როსბერგმა ლუის ჰამილტონს საჯაროდ მოუბოდიშა. სამქიმიანებმა თავიანთ პილოტებს შორის არსებულ დაძაბულ ურთიერთობას სპეციალური შეხვედრა მიუძღვნეს, რომელშიც როსბერგის და ჰამილტონის გარდა, გუნდის დირექტორები, ტოტო ვოლფი და პადი ლოუ მონაწილეობდნენ. რა თქმა უნდა, განხილვის საგანი, სპაზე მომხდარი ავარია იყო, რომლის გამოც, გერმანულმა გუნდმა დუბლის შესრულება ვერ შეძლო.

„რენო“ ჯუჯა „ტვინგოს“ FT ვერსიას გამოუშვებს

Renault Confirms Early Development of Twingo GT with 0.9L Turbo

28 აგვისტო

რამდენიმე წლის წინათ, „რენომ“ პატარა „ტვინგოს“ სპორტული ვერსია RS-ის წარმოება შეწყვიტა, რისი მიზეზიც, ამ ტემპერამენტიანი ჯუჯას ცუდი გაყიდვები იყო. ამის გამო, იყო იმის ალბათობა, რომ ბაზარზე ახალი „ტვინგოს“ გამოჩენას, მისი ტემპერამენტიანი ვერსიის გამოსვლა არ მოჰყვებოდა. მითუმეტეს, მესამე თაობის „ტვინგოს“ პლატფორმა, მძლავრ ძრავებთან შეუთავსებელია. მაგრამ როგორც ირკვევა, ასე სულაც არაა.

„შევროლე კორვეტ სტინგრეი C7“ წინამორბედ C6-ზე პოპულარულია

Chevrolet Corvette Stingray C7 Outsells C6 By a Huge Margin

28 აგვისტო

„ჯენერალ მოტორსმა“ გამოაცხადა, რომ „შევროლე კორვეტ სტინგრეი C7-ის“ გაყიდვების პირველმა წელმა მოლოდინს გადააჭარბა. ეს ავტომობილი ერთ წელიწადში დაახლოებით იმდენივე გაიყიდა, რაც მისი წინამორბედი C6 ბოლო სამი წლის განმავლობაში. გასული წლის განმავლობაში, სულ 37 288 ცალი C7 გაიყიდა. ამ საუკუნეში ამაზე მეტი „კორვეტი“ 2005 და 2007 წლებში გაიყიდა (შესაბამისად, 37 372 და 40 561 ცალი).

„ფორდის“ ფლეტ როკის ქარხანამ ახალი „მუსტანგის“ წარმოება დაიწყო

 2015 Ford Mustang Production Starts at the Flat Rock Assembly Plant

28 აგვისტო

„ფორდმა“ თავის ფლეტ როკის (შტატი მიჩიგანი) ქარხანაში, მეექვსე თაობის „მუსტანგის“ წარმოება დაიწყო. ავტომობილი შოურუმებში წლის ბოლოს გამოჩნდება. თუმცა იმის გამო, რომ ამჯერად ეს პონი ქარი გლობალური ბაზრისთვისაა განკუთვნილი, ცისფერი ოვალი საჭირო მარაგის შექმნას ეშურება, რათა მიწოდებაში წყვეტა არ შეიქმნას.

ახალი „სუზუკი ვიტარა“ პარიზული დებიუტის წინ

Suzuki Shows All-New Vitara Crossover SUV ahead of Paris Debut

27 აგვისტო

„სუზუკიმ“ თავისი უახლესი ქროსოვერის, „ვიტარას“ პირველი ფოტო გამოაქვეყნა, ავტომობილისა, რომლის მსოფლიო პრემიერაც პარიზის მოტორ შოუზე გაიმართება. ეს არის კონცეპტ iV-4-ის სერიული ვარიანტი, რომელსაც იაპონური კომპანია უგზოობის პატარა ავტომობილად მოიხსენიებს. არადა, სიგრძე კომპაქტური ავტომობილისა აქვს - 4 200 მილიმეტრი. რაც მთავარია, „სუზუკის“ გამაში ის „ჯიმნისა“ და „გრანდ ვიტარას“ შორის არსებულ ნიშას შეავსებს და ბაზარზე ისეთ პოპულარულ ავტომობილს გაუწევს კონკურენციას, როგორიც „ნისან ჯუკია“.

„რეინჯ როვერი“ პრემიერლიგელების ფავორიტი ავტომობილია

Range Rover, the Most Popular Car with Premier League Football Players

26 აგვისტო

მსოფლიოს უძველესი საფეხბურთო ლიგის, პრემიერ ლიგის ფეხბურთელები სეზონის უმეტეს ნაწილს სტადიონზე ატარებენ და მგზავრობისას, გუნდების ავტობუსებით სარგებლობენ. მაგრამ სეზონებს შორის არდადეგებისას, „საკუთარი ცხოვრებით“ ცხოვრობენ. და ამ დროს, მაქსიმალურად სარგებლობენ იმ პრივილეგიებით, რასაც მათ პოპულარობა და მაღალი ანაზღაურება აძლევს.

„ფორდი“ მიჩიგანში მზის უდიდეს ელექტრო სადგურს ააშენებს

Ford & DTE Energy Join Forces to Build the Largest Solar Array in Michigan

26 აგვისტო

ამ საქმეში, ცისფერ ოვალს პარტნიორობას მიჩიგანური კომპანია „DTE ენერჯი“ გაუწევს. ეს იქნება ამ ორი კომპანიის მეორე ერთობლივი პროექტი, რომლის მიზანიც, გარემოსადმი მეგობრული საწარმოს შექმნაა. ამჯერად ისინი შტატში უდიდეს მზის სადგურს, „ფორდის“ მსოფლიო შტაბ-ბინის სიახლოვეს აამოქმედებენ.

ჰამილტონი: როსბერგმა აღიარა, რომ შეჯახებას გამიზნულად არ მოერიდა

Lewis Hamilton: Nico Rosberg said Belgian GP collision deliberate

26 აგვისტო

ფოტოზე კარგად ჩანს, რომ როსბერგს საჭე მარჯვნივ აქვს მიტრიალებული...

ლუის ჰამილტონის თქმით, ნიკო როსბერგმა გუნდის წინაშე აღიარა, რომ თავისი მანქანა მასთან შეჯახებას გამიზნულად არ მოარიდა, რადგან სურდა, მეტოქისთვის „ჭკუა ესწავლებინა“. მომხდარის ოფიციალური კომენტირებისას, როსბერგმა განაცხადა, გასწრების შანსი მომეცა და მისი გამოყენება ვცადეო. თუმცა ამით არამარტო მაყურებლის უკმაყოფილება გამოიწვია, არამედ „მერსედესის“ ხელმძღვანელობაც გაოგნებული დატოვა.

როსბერგი: ეს იყო სარბოლო ინციდენტი

Belgian GP: Nico Rosberg calls Lewis Hamilton clash racing incident

25 აგვისტო

ნიკო როსბერგი ამბობს, რომ ბელგიის დიდი პრიზის რბოლის დასაწყისში, მის თანაგუნდელ და ტიტულის მოცილე ლუის ჰამილტონთან შეჯახება, ჩვეულებრივი სარბოლო ინციდენტი იყო და მეტი არაფერი. ამასთან, თავის პოზიციას იმ ფაქტითაც ამყარებს, რომ რბოლის სტუარდებმა ეს ინციდენტი განიხილეს და მასში როსბერგის ბრალი ვერ დააფიქსირეს.

ნოივილმა გერმანიაში პირველი გამარჯვება მოიპოვა

Rallying-Neuville snatches German rally win after Latvala crash

24 აგვისტო

ბელგიელმა ტიერი ნოივილმა მოიგო რალის მსოფლიო ჩემპიონატის მეცხრე ეტაპი, გერმანიის რალი, რომელსაც ორი ფავორიტი - ჩემპიონატის ლიდერი სებასტიან ოჟიე და მისი თანაგუნდელი და მთავარი მეტოქე, იარი-მატი ლატვალა გამოეთიშნენ. ნოივილმა 40 წამით აჯობა თავის თანაგუნდელ დანიელ სორდოს და თავის კარიერაში პირველად მოიგო მსოფლიო ჩემპიონატის ეტაპი.

რიკარდოს მესამე გაელვება

Motor racing-Ricciardo wins Belgian Grand Prix

24 აგვისტო

დანიელ რიკარდო უკვე თანამედროვე ფორმულა ერთის ელიტის წევრია. იმ დროს, როცა დიდი პრიზების ცირკში „მერსედესი“ დომინანტი ძალაა, 12 რბოლაში სამი გამარჯვების მოპოვება, ავსტრალიელისთვის დიდი მიღწევაა. ის ერთადერთი პილოტია, ვინც სამქიმიანებთან გამარჯვებას ახერხებს და თანაც, აშკარად სჯობნის თავის ტიტულოვან თანაგუნდელს, მსოფლიოს ოთხგზის ჩემპიონ სებასტიან ფეტელს.

1954 წლის „ფერარი 375 MM სკალიეტი“ პებლ ბიჩის გამარჯვებულია

1954 Ferrari 375 MM Scaglietti Coupe Takes Best In Show At Pebble Beach Concours

23 აგვისტო

პებლ ბიჩის (მონტერეი, კალიფორნია) ელეგანტურობის კონკურსის გამარჯვებულად, 1954 წელს გამოშვებული „ფერარი 375 MM  სკალიეტი“ დასახელდა. რაოდენ გასაკვირიც უნდა იყოს, ეს პირველი შემთხვევაა, როცა ამ პრესტიჟულ კონკურსს მარანელოში გამოშვებული ავტომობილი იგებს. ეს ავტომობილი იმითაცაა გამორჩეული, რომ მხოლოდ ხუთი ცალი დამზადდა, მისი ძარა კი ატელიე „სკალიეტის“ მიერაა დამზადებული.

როსბერგმა ჰამილტონს სპას პოული არ დაუთმო

Motor racing-Rosberg beats Hamilton to pole in Belgium

23 აგვისტო

ფორმულა ერთის მიმდინარე სეზონის ლიდერმა ნიკო როსბერგმა, ბელგიის დიდი პრიზის კვალიფიკაცია საუკეთესო დროით დაასრულა. მან თითქმის ორი მეათედ წამით აჯობა თანაგუნდელ ლუის ჰამილტონს, რომელმაც ნარბოლევს დაიჩივლა, ნაწვიმარზე მესამე სექტორში მუხრუჭები მეტისმეტად გრილდებოდა, რამაც გადამწყვეტ მომენტში შეცდომა დამაშვებინაო.

„ტოიოტა FT-1 ვიჟნ გრან ტურიზმო“ვირტუალური სამყაროსთვის

Toyota reveals racing FT-1 Vision Gran Turismo concept

22 აგვისტო

ამ ავტომობილს უკვე მომავალ „სუპრად“ მოიხსენიებენ. ის უკვე ძალიან პოპულარულია. არა იმიტომ, რომ „სუპრას“ ფანებს, ძალიან მოეწონათ, არამედ იმიტომ, რომ მას მისი სახით, „ტოიოტამ“ ნამდვილი სენსაცია შექმნა. ეს მომავალი პატარა სუპერ ავტომობილია, რომელშიც დიდი ალბათობით, „ბეემვესგან“ გაზიარებულ ტექნოლოგიებსაც გამოიყენებენ. და ამიტომ, სულაც არაა გასაკვირი, რომ მალე „ტოიოტა FT-1“ ვიდეოთამაშ „გრან ტურიზმოს“ პერსონაჟიც გახდება.

„მაკლარენ P1 GTR“ - მხოლოდ რბოლებისთვის

McLaren Unleashes P1 GTR Concept at Pebble Beach

22 აგვისტო

„მაკლარენმა“ თავის ფლაგმან P1-ის სატრეკო ვერსია, რომლის შესახებაც, ორი თვის განმავლობაში, არაერთი ტიზერი გაავრცელა, პებლ ბიჩის ელეგანტურობის კონკურესზე გაგვაცნო. ავტომობილი, სახელად P1 GTR, მხოლოდ რბოლებისთვისაა და მის მყიდველს ყოკინგელები, სრული სატრეკო მომსახურებითაც უზრუნველყოფენ. სატრეკო ავტომობილი, საბაზო ვერსიასთან შედარებით, გაძლიერდა კიდეც, აეროდინამიკურადაც და სხვა მხრივაც დაიხვეწა.

„მუსტანგი“ 10-საფეხურიანი ავტომატური ტრანსმისიით

2015 Ford Mustang to Get 10-Speed Automatic Transmission

22 აგვისტო

ახლოვდება ახალი, მეექვსე თაობის „ფორდ მუსტანგის“ გაყიდვების დასაწყისი. ეს ავტომობილი ამერიკელი დილერების განკარგულებაში ნოემბრიდან იქნება. ყველა მათგანი, სამივე ძრავის შემთხვევაში, მათთან წყვილში 6-საფეხურიანი მექანიკური და 6-საფეხურიანი ავტომატური კოლოფები მუშაობს. მაგრამ მალე მყიდველს 10-საფეხურიან ავტომატურ ტრანსმისიასაც შესთავაზებენ.

ჯერ როსბერგი, შემდეგ ჰამილტონი

Motor racing-Hamilton gives Rosberg the Spa treatment

22 აგვისტო

„მერსედესის“ პილოტები არდადეგების შემდეგაც მიუწვდომლები არიან. პირველ პრაქტიკაზე ნიკო როსბერგმა, მეორეზე კი ლუის ჰამილტონმა, საუკეთესო დროები აჩვენეს. და თუ გერმანელის უპირატესობა მხოლოდ 0.1 წამი იყო, ბრიტანელმა თანაგუნდელს 0.6 წამი „მოუტანა“. თუმცა, ახლა დროის თვლა მეორეხარისხოვანია, რადგან კვალიფიკაციასა და რბოლაში მათი მეტოქეობა სუფთა ფურცლიდან განახლდება, სხვებს კი, თუ რამე გაუთვალისწინებელი არ მოხდა, მაინც მდევრის როლში ყოფნა მოუწევთ.

„დისქავერი სპორტის“ სალონი

Land Rover shows seven-seat Discovery Sport interior

21 აგვისტო

სულ რაღაც ორი კვირაა დარჩენილი უახლესი „ლენდ როვერ დისქავერი სპორტის“ მსოფლიო პრემიერამდე. ბრიტანული კომპანია ამ ეპოქალურ ავტომობილს, რომელმაც დასაბამი უნდა დაუდოს ახალ, „დისქავერის“ ოჯახს, პერიოდულად, ნაწილ-ნაწილ გვაცნობს. თავიდან ლაპარაკი იყო აგებულებაზე, მასში გამოყენებულ უახლეს ტექნოლოგიებზე, გარეგნობაზე და ახლა უკვე სალონზეც.

„ლამბორგინი ურაკან LP 620-2 სუპერ ტროფეო“

Lamborghini Huracán Super Trofeo makes official debut at the Quail

20 აგვისტო

პებლ ბიჩის (მონტერეი, კალიფორნია) ელეგანტურობის კონკურსზე, „ლამბორგინიმ“ თავის კუპე „ურაკანის“ სარბოლო ვერსია - „ურაკან LP 620-2 სუპერ ტროფეო“ შეიმუშავა. ავტომობილი GT3-ის სპეციფიკაციების შესაბამისად, სარბოლი ტექნიკის წარმოებაზე სპეციალიზებულ იტალიურ კომპანია „დალარასთან“ პარტნიორობითაა შექმნილი.

„ლამბორგინი“ უკანა ამძრავიან „ურაკანსაც“ გამოუშვებს

Lamborghini plans new rear-drive Huracan

20 აგვისტო

„ლამბორგინი“ თავის ახალ კუპე „ურაკანის“ რამდენიმე ვერსიის გამოშვებას აპირებს, რომელთა შორისაც პირველები ღია და უკანა ამძრავიანი ვერსიები იქნება. ეს ინფორმაცია, პებლ ბიჩის ელეგანტურობის კონკურსზე, თვით იტალიური კომპანიის შეფმა, შტეფან ვინკელმანმა გააჟღერა, რომელმაც გამოფენაზე საზოგადოებას სარბოლო „ურაკან LP 620-2 სუპერ ტროფეო“ წარუდგინა.

„ფორდ მუსტანგ RTR“ - სპორტულად მომართული „მუსტანგი“

2015 Ford Mustang RTR Teased Ahead of Fall Debut

20 აგვისტო

„ფორდის“ სარბოლი ავტომობილების მწარმოებელმა შტო „ფორდ რეისინგმა“ და დრიფტის ამერიკელმა მრბოლმა ვონ გეტინმა ერთობლივად შეიმუშავეს მეექვსე თაობის „მუსტანგის“ სპეციალურ ვერსია RTR, რომელსაც მყიდველს ცალკე აღებული პაკეტის სახით, კომპანიის დილერები შესთავაზებენ. მართალია, ახალი „მუსტანგი“ ბაზარზე ჯერ არ გამოსულა, თუმცა ამერიკულმა კომპანიამ, მისი დრიფტზე ორიენტირებული ვერსიის პირველი სკეჩი უკვე გაავრცელა.

ანდრე ლოტერერი ბელგიაში „კატერჰემით“ იასპარეზებს

Motor racing-Lotterer replaces Kobayashi for Belgian Grand Prix

20 აგვისტო

ლე მანის მარათონული რბოლის სამგზის გამარჯვებული, გერმანელი ანდრე ლოტერერი ბელგიის დიდ პრიზზე „კატერჰემის“ ბოლიდით იასპარეზებს. 32 წლის ლოტერერი ბრიტანულ აუტსაიდერ გუნდში იაპონელი კამუი კობაიაშის ადგილს დაიკავებს. „კატერჰემს“, რომელმაც მფლობელი ახლახანს შეიცვალა, სახელოვანი მრბოლის მიწვევა, სპონსორების მისაზიდად ესაჭიროება, რათა ბიუჯეტის დეფიციტი შეივსოს.

როგორი იქნება „ო რუჟი“ ახალი მანქანებით?

Eau Rouge may not be flat-out any more – Sutil

19 აგვისტო

ფორმულა ერთსა და ალბათ მთლიანად ავტოსპორტში, პილოტებს შორის ყველაზე პოპულარული მოსახვევი, სპა ფრანკორშანის „ო რუჟია“ (წითელი წყალი). მინრელურ წყაროსთან (წითელი ფერის, სახელიც მისგან მოდის) არსებულ ამ აღმართიან მოსახვევს პილოტები ყოველთვის მაქსიმალურად გახსნილი აქსელერატორით გადიან. მაგრამ როგორი იქნება ეს მოსახვევი ახალი მანქანებით, რომლებსაც მაქსიმალური სიჩქარე გაზრდილი აქვთ, მაგრამ აეროდინამიკა გაუარესებული?

„რეინჯ როვერ სპორტ SVR-ის“ დებიუტი პებლ ბიჩში

New 542bhp Range Rover Sport SVR revealed

18 აგვისტო

ის უკვე ოფიციალურად შეემატა „რეინჯ როვერის“ სახელოვან ოჯახს - „რეინჯ როვერ სპორტ SVR-ის“ პრემიერა პებლ ბიჩის ელეგანტურობის კონკურსზე შედგა. ის უკვე ოფიციალურად გახდა ბრიტანული კომპანიის ისტორიაში ყველაზე მძლავრი და სწრაფი ავტომობილი. და მისი შეძენა, „ლენდ როვერის“ დილერებთან უკვე ოქტომბრიდან იქნება შესაძლებელი.

მაქს ფერსტაპენი „ტორო როსოს“ პილოტი გახდა

Motor racing-Max Verstappen to become youngest ever F1 driver

18 აგვისტო

16 წლის ჰოლანდიელმა მრბოლმა, ფორმულა ერთის ყოფილ პილოტ იოს ფერსტაპენის შვილმა მაქსმა, კონტრაქტი გააფორმა „ტორო როსოსთან“, რომელშიც მომავალი სეზონიდან ფრანგ ჟან-ერიკ ვერნს შეცვლის. მომავალი სეზონის დასაწყისში, ის უკვე 17 წლის იქნება და ამგვარად, ფ1-ის ისტორიაში ყველაზე ახალგაზრდა პილოტი გახდება. საინტერესოა, რომ ჰოლანდიაში 17 წლის მძღოლებს, ავტომობილის ეულად მართვის უფლება არ აქვთ.

„მერსედესმა“ პლაგ-ინ ჰიბრიდულ S 500-ზე შეკვეთების მიღება დაიწყო

New Mercedes-Benz S 500 Plug-in Hybrid Finally Available for Order

17 აგვისტო

„მერსედესმა“ თავის ისტორიაში პირველი სერიული პლაგ-ინ ჰიბრიდული ავტომობილი ფრანკფურტის 2013 წლის მოტორ შოუზე გვიჩვენა. მალე კი ასეთ ავტომობილებს მის სადილერო შოურუმებშიც ვიხილავთ. ეს არის პლაგ-ინ ჰიბრიდული S 500, რომელიც ფრანკფურტში წარდგენილი კონცეპტუალური ვერსიისგან მცირედით განსხვავდება. ამ ავტომობილის საბაზო ფასი გერმანიაში 108 944.50 ევრო იქნება.

მასას სურს, რომ „უილიამსმა“ „ფერარი“ დაამარცხოს

Massa wants Williams to beat old team Ferrari

17 აგვისტო

„ფერარიმ“ ფელიპე მასა გაუშვა და ბრაზილიელს სხვაგან ადგილის ძებნა დასჭირდა, ვარიანტებს შორის ერთ-ერთი „უილიამსი“ იყო, მაგრამ მასამ იქ გადასვლა მხოლოდ მას შემდეგ ისურვა, რაც უკეთესი ვარიანტი არ გამოჩნდა. მაშინ უკეთეს ვარიანტად „ლოტუსი“ იყო მიჩნეული, მაგრამ იქ პასტორ მალდონადო სწორედ „უილიამსიდან“ გადავიდა და თავისი პირადი სპონსორის, ვენესუელურ ნავთობკომპანია PDVSA-ს ათეულობით მილიონიც თან გაიყოლა.

„ფორდის“ ევროპული გაყიდვების მეხუთედი 1.0 ლ ეკობუსტიან ავტომობილებზეა

Ford 1L EcoBoost Seeing 20 Percent Take Rate in Europe

15 აგვისტო

მართალია, „ფორდის“ მიერ, სერია ეკობუსტის სამცილინდრიანი 1.0-ლიტრიანი ძრავების წარმოების დასაწყისში, ამ კომპაქტურ აგრეგატებს ბევრი ალმაცერად უყურებდა, მაგრამ შესანიშნავმა მახასიათებლებმა მათ ძალიან სწრაფად მოუპოვა პოპულარობა. და ამის წყალობით, მიმდინარე წლის პირველ ნახევარში, ამერიკული კომპანიის მიერ ევროპაში გაყიდული ავტომობილების დაახლოებით 20 პროცენტი (თითქმის 120 000 ავტომობილი), სწორედ ამ ძრავებითაა აღჭურვილი.

„მაკლარენი“ პებლ ბიჩში სატრეკო „650S სპრინტით“ წარსდგება

McLaren to Debut Track-Exclusive 650S Sprint at Pebble Beach alongside P1 GTR

14 აგვისტო

„მაკლარენი“ პებლ ბიჩის ელეგანტურობის კონკურსზე თავის კუპე 650S-ის სატრეკო ვერსია „650S სპრინტს“ წარადგენს, რომელიც ახალი აქტიური აეროდინამიკური ელემენტების გარდა, სისტემა „ბრეიკ სტიერით“ აღიჭურვა, რომელიც მოსახვევში უკანა ბორბლებით დამუხრუჭებით, მოსახვევის უკეთ გავლის საშუალებას იძლევა. აღჭურვილობაში ასევე შევიდა „პროაქტივ შასი კონტროლი“, რომელიც დაკიდების აქტიური სისტემის ნაწილია.

„კაპარო T1 ევოლუშნ“ 700 ცხენის ძალით

Caparo developing new T1 track car with more than 700bhp

12 აგვისტო

ბრიტანული საინჟინრო კომპანია „კაპარო“ წარმოებისთვის თავის სუპერ ავტომობილ T1-ის ახალ ვერსიას, „T1 ევოლუშნს“ ამზადებს, რომლის მფლობელის განკარგულებაშიც, კომპანიის ინფორმაციით, 700 ცხენის ძალაზე მეტი იქნება. „კაპაროს“ ვებგვერდზე გავრცელებული ინფორმაციით, ახალი ავტომობილი, მისი წინამორბედის გენომს შეინარჩუნებს, თუმცა გარეგნულად განსხვავებული იქნება. ასევე შეიცვლება მისი შასი და დამხმარე სისტემები, როგორებიცაა ABS, ტრექშნ კონტროლი და სტაბილურობის კონტროლი.

„ფერარის“ პილოტებს ყველაზე მაღალი ხელფასები აქვთ

Who's earning what? Driver salaries revealed

14 აგვისტო

გამოცემა „ბიზნეს ბუკ GP-მ“ გამოაქვეყნა ფორმულა ერთის პილოტების წლვანდელი სეზონის ხელფასები, რომელმაც აჩვენა, რომ ყველაზე მაღალი ანაზღაურება „ფერარის“ პილოტებს აქვთ. კერძოდ, ფერნანდო ალონსო და კიმი რაიკონენი 22 მილიონ ევროს მიიღებენ. ანალოგიური ხელფასი აქვს მსოფლიოს ოთხგზის ჩემპიონ სებასტიან ფეტელსაც.

„ლენდ როვერმა“ ახალი „დიფენდერის“ დიზაინზე მუშაობა დაასრულა

New Land Rover Defender design signed off

12 აგვისტო

„ლენდ როვერმა“ როგორც იქნა, დაასრულა უგზოობის მოდელ „დიფენდერის“ შემცვლელის დიზაინზე მუშაობა. ახალი ავტომობილი, რომელიც ბაზარზე 2015 წელს უნდა გამოვიდეს, არ იქნება კონცეპტ DC100-ს მსგავსი, რომელიც სამი წლის წინათ გვიჩვენა და რომელმაც დიდი მითქმა-მოთქმა გამოიწვია.

„მაკლარენ MP4-29“ „ჰონდასთვის“ სატესტო ლაბორატორიაა

2014 McLaren 'a laboratory' for Honda car – Boullier

12 აგვისტო

„მაკლარენის“ შეფი ერიკ ბუიე ამბობს, რომ მისი გუნდის ბოლიდი MP4-29, „ჰონდასთვის“ ერთგვარი მგორავი ლაბორატორიაა, რომელსაც იაპონური კომპანია მომავალ სეზონში ფ1-ში წარმატებით დასაბრუნებლად გამოიყენებს. როგორც ცნობილია, მომავალი სეზონიდან „მაკლარენის“ ბოლიდები „მერსედესის“ ნაცვლად, „ჰონდას“ ძრავებით აღიჭურვება. ამასთან, იაპონური კომპანია ჯერჯერობით მხოლოდ უოკინგელებთან იმუშავებს.

„იაგუარმა“ პრემიერის წინ მსუბუქი „E-ტაიპი“ წარმოგვიდგინა

Jaguar reveals £1m Lightweight E-type ahead of Pebble Beach debut

12 აგვისტო

„იაგუარმა“ 1963 წელს გამოუშვა კუპე „სპეშლ GT E-ტაიპი“, რომელიც მხოლოდ 18 ცალი უნდა დაემზადებინა, თუმცა კვოტის შესრულებას 6 ავტომობილი დააკლო. და აი, ამ დანაკლისის ანაზღაურება ახლახანს გადაწყვიტა. და პებლ ბიჩის (მონტერეი, კალიფორნია) ელეგანტურობის კონკურსზე, სწორედ პირველ მათგანს, „ლაითვეით E-ტაიპს“ წარადგენს, რომელსაც ფასად 1.0 მილიონი გირვანქა სტერლინგი დაადო.

ალონსომ მასზე გავრცელებული ჭორები უარყო

Alonso denies rumours over F1 future

12 აგვისტო

ფერნანდო ალონსომ საზაფხულო არდადგების დროს, მასზე გავრცელებული ჭორები უარყო. ერთი მათგანი გვამცნობდა, რომ მსოფლიოს ორგზის ჩემპიონი „მაკლარენში“ დაბრუნებას აპირებს, სადაც მის გადაყვანას უოკინგელთა ახალი პარტნიორი „ჰონდა“ მოითხოვს. როგორც ცნობილია, იაპონური კომპანია მომავალი სეზონიდან დიდი პრიზების ცირკს დაუბრუნდება და მისი ხელმძღვანელობა არ მალავს, რომ დაბრუნებისთანავე გამარჯვებისთვის ბრძოლას აპირებს.

„ფორდ C-მაქს ჰაიბრიდის“ უსაფრთხოებამ უმაღლესი შეფასება დაიმსახურა

2014 Ford C-Max Hybrid Earns IIHS Top Safety Pick

11 აგვისტო

ამერიკის საგზაო უსაფრთხოების დაზღვევის ინსტიტუტის (IIHS) მიერ ჩატარებულ ქრეშ ტესტებზე, „ფორდ C-მაქს ჰაიბრიდმა“ უმაღლესი სარეიტინგო შეფასება დაიმსახურა. ტესტებისას განსაკუთრებით აღინიშნა ავტომობილის დაცულობა წინიდან შეჯახებისას. არადა, კომპაქტური ვენი არაა აღჭურვილი წინიდან შეჯახების პრევენციის სისტემით.

„რეინჯ როვერ სპორტ SVR“ - ოფიციალურად

New 542bhp Range Rover Sport SVR revealed

11 აგვისტო 

„ლენდ როვერმა“ ინტერნეტით თავისი უსწრაფესი და უმძლავრესი ავტომობილის, „რეინჯ როვერ სპორტ SVR-ის“ ფოტოები და მცირე ინფორმაცია ოფიციალურად გამოაქვეყნა. ეს არის „იაგუარ ლენდ როვერის“ უახლესი სატუნინგო შტოს, „სპეშლ ვიიქლ ოპერეიშნზის“ პირველი უგზოობის ავტომობილი, რომელმაც უკვე მოასწრო ნურბურგრინგის ჩრდილოურ მარყუჟზე, თავისი კლასის ავტომობილებისთვის რეკორდის (8 წთ და 14 წმ) დაფიქსირება.

„ბუგატის“ სერია ლეგენდის ბოლო წევრი ეტორე ბუგატის ეძღვნება

Final Bugatti Legend Model is Dedicated to Company Founder

8 აგვისტო

„ბუგატიმ“ სერია „ლეგენდების“ მეექვსე ავტომობილი, თავისი დამაარსებლის, ეტორე ბუგატის სახელით მონათლა. და ამ ავტომობილს პირველად კალიფორნიაში, მონტერეის პებლ ბიჩის საავტომობილო კვირეულზე წარადგენს. იქვე ფრანგული კომპანია ამ სერიის ექვსივე ავტომობილს გამოფენს და ყველა მათგანი, პებლ ბიჩის ელეგანტურობის კონკურსში მიიღებს მონაწილეობას.

„რეინჯ როვერ სპორტ SVR-ს“ პრემიერა პებლ ბიჩში გაიმართება

JLR to show hot new Range Rover Sport SVR at Pebble Beach

8 აგვისტო

უახლოეს ერთ თვეში „ლენდ როვერი“ ძალიან დაკავებული იქნება: სექტემბერში ლონდონში უახლეს „დისქავერი სპორტს“ წარმოგვიდგენს, უფრო ადრე კი, პებლ ბიჩის მოტორ შოუზე, „რეინჯ როვერ სპორტის“ სპეციალურ, ტემპერამენტიან ვერსია SVR-ს გაგვაცნობს, რომელიც „იაგუარ ლენდ როვერის“ უახლესმა შტომ, „სპეშლ ვიიქლ ოპერეიშნზმა“ შეიმუშავა.

„ჯინეტა-ჯუნომ“ LMP3 პროტოტიპის დიზაინი შეიმუშავა

Ginetta-Juno reveals LMP3 prototype design

8 აგვისტო

ჯერ ერთი თვეც არ გასულა მას შემდეგ, რაც ჩრდილოეთის ავტო კლუბმა (ACO) სრულიად ახალი, LMP3 პროტოიპის კლასის დაარსება გვამცნო. და აი, უკვე გამოჩნდა კომპანია, რომელმაც ახალი რეგლამენტის შესაბამისი ავტომობილის პროექტი შეიმუშავა. ესაა ბრიტანული „ჯინეტა“, რომელმაც ამ პროექტის განსახორციელებლად, სპეციალურად შეიძინა ასევე ბრიტანული „ჯუნო“, რომელიც სარბოლი ტექნიკის წარმოებაზეა სპეციალიზებული.

„ოპელი“ საბიუჯეტო ავტომობილებსაც გამოუშვებს

Opel/Vauxhall to woo budget clients with low-end cars, report says

7 აგვისტო

ამიერიდან, „ჯენერალ მოტორს იუროპს“ სახელად „ოპელ გრუპი“ დაერქვა, რაც იმის ნიშნად გაკეთდა, რომ გერმანული კომპანია, გენერლების ბიზნესის ერთადერთი წარმომადგენელი გახდა ევროპის ბაზარზე, რომელიც „შევროლემ“ დატოვა. იმავდროულად, „ოპელი“ საბიუჯეტო ავტომობილების წარმოებასაც დაიწყებს, რითაც ნაწილობრივ ბაზრიდან „შევროლეს“ (2015 წლის ბოლოს გავა) გასვლის კომპენსირებას ეცდება და ნაწილობრივ, იმ ნიშებში შეღწევასაც, რომლებშიც „დაჩია“ და „შკოდა“ მუშაობენ.

„ლენდ როვერ დისქავერი სპორტის“ პრემიერა 3 სექტემბერს დაინიშნა

Land Rover Discovery Sport to debut on September 3

7 აგვისტო

„ლენდ როვერმა“ გამოაცხადა, რომ უახლეს მოდელ „დისქავერი სპორტის“ მსოფლიო პრემიერა 3 სექტემბერს გაიმართება. ამასთან დაკავშირებით, ბრიტანულმა კომპანიამ ვიდეო ტიზერი გამოაქვეყნა, რომელზეც მისი მრავალმხრივი და უმძიმესი ტესტების ამსახველი მომენტები ჩანს. ცნობისათვის, „დისქავერი სპორტი“ პირველი ავტომობილია „დისქავერის“ უახლეს ოჯახში, რომელიც რამდენიმე ავტომობილს და მათს სპეც ვერსიებს გააერთიანებს. თავად „დისქავერი სპორტი“, კომპაქტური „ფრილენდერის“ შემცვლელია.

ახალი „მონდეო“ - პირველი ევროპული „ფორდი“ შუქდიოდებით

Not so New Ford Mondeo to Feature LED Lights in Europe, Priced from €27,150 in Germany

6 აგვისტო

ახალ „მონდეოს“ ევროპის ბაზარზე დაუგვიანდა. მას მყიდველიც ელის და თავად „ფორდიც“ - მყიდველს ხარისხიანი და სრულყოფილი ავტომობილი სურს, „ფორდს“ კი ავტომობილი, რომელიც ძველ კონტინენტზე მის გაყიდვებს გაზრდის და ამ ბაზარზე კრიზისის დაძლევაში დაეხმარება. და რა გასაკვირია, რომ ცისფერი ოვალი მყიდველს ახალ „მონდეოზე“ ისეთ სიახლეს შესთავაზებს, რომლითაც ევროპელი მყიდველი განებივრებული არ ჰყავს.

ალონსო და ჰამილტონი: რიკარდო საუკეთესოთა შორისა

Alonso, Hamilton say Ricciardo among F1's best

5 აგვისტო

ამ სეზონში მოპოვებული ორი გამარჯვებით, „რედ ბულის“ ახალი წევრი დანიელ რიკარდო ნამდვილ აღმოჩენად იქცა არამხოლოდ ფ1-ის მოყვარულთათვის, არამედ თავად ტოპ პილოტებისთვისაც. ხუმრობა ხომ არ არის - ავსტრალიელმა თვით მსოფლიოს ოთხგზის ჩემპიონი თანაგუნდელის, სებასტიან ფეტელის დაჩრდილვაც კი შეძლო.