„ფერარიმ“ პრაქტიკებზე გამოიღვიძა

Motor-racing-Hamilton leads second practice in China

18 აპრილი

მართალია, პირველ პრაქტიკაზე ფერნანდო ალონსოს მიერ ცხრილის მოწინავე პოზიციის ოკუპაცია, ლუის ჰამილტონის მანქანის გაუმართაობის წყალობა იყო, მაგრამ რბოლაში ხომ მეორე „მერსედესიც“ მონაწილეობდა, საჭესთან ნიკო როსბერგით? გამოდის, რომ ალონსოს საუკეთესო შედეგი შემთხვევითობა არ ყოფილა. მითუმეტეს, ესპენელმა მეორე პრაქტიკაზეც შესანიშნავად იასპარეზა და იმავე ჰამილტონს სულ რაღაც, 0.141 წამი წააგო. მოკლედ, იმედი იმის ჩაისახა, რომ ჩინეთშიც სამქიმიანები არ იბატონებენ.

მოკლედ, ჰამილტონს ორივე სესიაზე პრობლემები ჰქონდა, რომლებიც საკიდარის დაზიანებამ შეუქმნა. ამორტიზატორმ მუშაობა შეწყვიტა და ბრიტანელიც იძულებული გახდა, პირველი პრაქტიკისთვის ბოქსებიდან ედევნებინა თვალყური. რა თქმა უნდა, გუნდმა პრობლემის მოგვარება სცადა, მაგრამ მეორე პრაქტიკის პირველი ნაწილი მაინც გაცდა. თუმცა, საბოლოოდ გუნდმა თავისი საქმე გააკეთა და როგორც კი ტრასას დაუბრუნდა, ჰამილტონმა უმალ დაიკავა მოწინავე პოზიცია.

„ძალიან ძნელი დღე გვქონდა. პრობლემის გამო, დრო გაგვიცდა, თუმცა მეორე სესიაზე მეტი წრის გავლა შევძელით. მანქანის ბალანსით ბოლომდე კმაყოფილი არც ახლა ვარ. მოკლედ, მუშაობა მოგვიწევს“, - განაცხადა მსოფლიოს 2008 წლის ჩემპიონმა, ვისაც წინა ორი რბოლა აქვს მოგებული და შანსი აქვს, თავის კარიერაში პირველად მოიგოს ზედიზედ სამი რბოლა.

პრაქტიკების დროს, „ფერარის“ ბოქსში პირველად გამოჩნდა გუნდის ახალი შეფი მარკო მატიაჩი, რომელსაც ალონსომ შესანიშნავი დახვედრა მოუწყო. რა თქმა უნდა, დახვედრაში ესპანელის კარგი გამოსვლა იგულისხმება. სხვათა შორის, მეორე სესიის მეორე ნახევარში, მარანელოელების მთავარი ამოცანა, მანქანის სარბოლოდ მომართვა იყო, რის გამოც, ალონსოს სავსე ავზით უწევდა ტრასაზე ყოფნა. ბუნებრივია, მძიმე მანქანით „მერსედსებთან“ გაჯიბრებას ვერ შეძლებდა. თუმცა, გერმანულ გუნდსაც იგივე ამოცანა ჰქონდა დასახული. ყოველ შემთხვევაში, როსბერგის შემთხვევაში ასე იყო...

ალონსომ განაცხადა, რომ ჩინეთში გუნდმა რამდენიმე სიახლე ჩაიტანა, რომლებიც ბაჰრეინის ტესტების დროს გამოსცადეს. მისი თქმით, ყველაფერმა კარგად იმუშავა, რაც იმედის მომცემია. თუ სხვების შედეგებს არ გავითვალისწინებთ, მე ამ პრაქტიკებით კმაყოფილი ვარო. თუმცა, იგივეს ნმდვილად ვერ იტყოდა კიმი რაიკონენი, რომელმაც პირველ სესიაზე სწრაფი წრის გავლაც კი ვერ შეძლო.

ორივე სესიით კმაყოფილები დარჩნენ „რედ ბულში“, თუმცა მსოფლიოს ოთხგზის ჩემპიონმა სებასტიან ფეტელმა განაცხადა, ლიდერებამდე ბევრი გვიკლიაო. სხვათა შორის, მას ახალმა თანაგუნდელმა დანიელ რიკარდომ ოირვე სესაიზე აჯობა.

ჩინური პრაქტიკები ერთგვარ გამონთებად იქცა „ლოტუსისთვის“, რომლის რომენ გროჟანმაც მეორე, უფრო სწრაფ სესიაზე მეცხრე საუკეთესო დრო დააფიქსირა. მართალია, პასტორ მალდონადო ისევ მაჩანჩალებს შორის იყო, მაგრამ მთავარია, რომ გუნდმა „თვალები გაახილა“...

ჩინეთის დიდი პრიზი

პირველი თავისუფალი პრაქტიკა

1. ფერნანდო ალონსო (ესპანეთი, ფერარი)                 1:39.783

2. ნიკო როსბერგი (გერმანია, მერსედესი)                   1:40.181

3. დანიელ რიკარდო (ავსტრალია, რედ ბული)          1:40.772

4. ჯენსონ ბატონი (ბრიტანეთი, მაკლარენი)               1:40.970

5. ნიკო ჰულკენბერგი (გერმანია, ფორს ინდია)          1:41.175

6. კევინ მაგნუსენი (დანია, მაკლარენი)                       1:41.366

7. ჟან-ერიკ ვერნი (საფრანგეთი, ტორო როსო)           1:41.505

8. ლუის ჰამილტონი (ბრიტანეთი, მერსედესი)         1:41.560

9. სებასტიან ფეტელი (გერმანია, რედ ბული)            1:41.629

10. ფელიპე მასა (ბრაზილია, უილიამსი)                     1:41.699

11. დანილ კვიატი (რუსეთი, ტორო როსო)                  1:41.977

12. რომენ გროჟანი (საფრანგეთი, ლოტუსი)                1:42.090

13. ფელიპე ნასრი (ბრაზილია, უილიამსი)                 1:42.265

14. გიედო ვან დერ გარდე (ჰოლანდია, ზაუბერი)     1:42.615

15. სერხიო პერესი (მექსიკა, ფორს ინდია)                  1:42.733

16. პასტორ მალდონადო (ვენესუელა, ლოტუსი)      1:43.731

17. კამუი კობაიაში (იაპონია, კატერჰემი)                    1:44.038

18. ესტებან გუტიერესი (მექსიკა, ზაუბერი)               1:44.162

19. ჟიულ ბიანკი (საფრანგეთი, მარუსია)                     1:44.270

20. მაქს ჩილტონი (ბრიტანეთი, მარუსია)                   1:44.782

21. მარკუს ერიქსონი (შვედეთი, კატერჰემი)              1:44.835

22. კიმი რაიკონენი (ფინეთი, ფერარი)                         დროის გარეშე

მეორე თავისუფალი პრაქტიკა

1. ლუის ჰამილტონი (ბრიტანეთი, მერსედესი)         1:38.315

2. ფერნანდო ალონსო (ესპანეთი, ფერარი)                  1:38.456

3. ნიკო როსბერგი (გერმანია, მერსედესი)                   1:38.726

4. დანიელ რიკარდო (ავსტრალია, რედ ბული)          1:38.811

5. სებასტიან ფეტელი (გერმანია, რედ ბული)            1:39.015

6. ფელიპე მასა (ბრაზილია, უილიამსი)                       1:39.118

7. კიმი რაიკონენი (ფინეთი, ფერარი)                           1:39.283

8. ჯენსონ ბატონი (ბრიტანეთი, მაკლარენი)               1:39.491

9. რომენ გროჟანი (საფრანგეთი, ლოტუსი)                  1:39.537

10. დანილ კვიატი (რუსეთი, ტორო როსო)                  1:39.648

11. ნიკო ჰულკენბერგი (გერმანია, ფორს ინდია)        1:39.736

12. კევინ მაგნუსენი (დანია, მაკლარენი)                     1:39.744

13. ჟან-ერიკ ვერნი (საფრანგეთი, ტორო როსო)          1:39.759

14. ვალტერი ბოტასი (ფინეთი, უილიამსი)                 1:39.830

15. სერხიო პერესი (მექსიკა, ფორს ინდია)                  1:40.124

16. ესტებან გუტიერესი (მექსიკა, ზაუბერი)               1:40.359

17. ადრიან სუტილი (გერმანია, ზაუბერი)                  1:40.395

18. პასტორ მალდონადო (ვენესუელა, ლოტუსი)      1:40.455

19. ჟიულ ბიანკი (საფრანგეთი, მარუსია)                     1:42.327

20. მაქს ჩილტონი (ბრიტანეთი, მარუსია)                   1:43.473

21. კამუი კობაიაში (იაპონია, კატერჰემი)                    1:43.530

22. მარკუს ერიქსონი (შვედეთი, კატერჰემი)              1:43.679