„ფორდი“ ევროპელებს ჟენევაში ღია „მუსტანგს“ უჩვენებს

Ford polishes Mustang convertible to rival Europe's best

28 თებერვალი

ამიერიდან, „ფორდ მუსტანგი“ გლობალური ავტომობილია. უფრო სწორედ, იქნბა, როცა ბაზარზე გამოვა. და ამიტომ, კონკურენცია მოუწევს „აუდის“, „მერსედესის“ და „ბეემვეს“ ემბლემიან თანკლასელებთან. ამიტომ, მისი ღია ვერსიაც ისეთი უნდა იყოს, როგორც ამ პრემიუმ კომპანიების კაბრიოლეტებს შეესაბამება.

„ფოლკსვაგენ T-როკი“ - პატარა კონცეპტუალური ქროსოვერი

VW's New T-Roc Crossover Concept Sounds Big, but it Isn't

28 თებერვალი

ჟენევის მოტორ შოუზე, „ფოლკსვაგენი“ კონცეპტუალურ ქროსოვერ „T-როკს“ წარადგენს. ეს არის სუბკომპაქტური ავტომობილი, რომელმაც ვოლფსბურგელთა სამოდელო გამაში, მალე ქროსოვერების ყველაზე დაბალი საფეხური შეიძლება დაიკავოს. თუმცა, გერმანული კომპანიის მიერ გამოქვეყნებულ ფოტო ტიზერებს თან ახლავს განმარტება, რომელშიც ნათქვამია, რომ ამ ავტომობილით, თავისი უგზოობის ავტომობილების მომავალი სტილის ჩვენებას აპირებს.

„ფორდის“ თვითმავალი ავტომობილი ბარსელონას მობილურ კონგრესზე

Ford's Self-Driving Car Produces 3D Road Map

27 თებერვალი

ბარსელონში გამართულ მობილურობის მსოფლიო კონგრესზე, „ფორდმა“ ექსპერიმენტული ავტომატიზებული ავტომობილი წარადგინა, რომელსაც ამერიკული კომპანია, ავტომტიზებული მართვის უახლესი ტექნოლოგიების შესამუშავებელ და სატესტო პლატფორმად გამოიყენებს. ცისფერი ოვალის განცხადებით, ამ ავტომობილის საფუძველს, ავტომატიზებული მართვის სისტემების შემუშავების ათწლიანი გამოცდილება წარმოადგენს.

გორდონ მარი კიდევ ერთ სუპერ ავტომობილს შექმნის

Gordon Murray: I’ve Got One More Supercar Left In Me

26 თებერვალი

სახელოვანი სამხრეთაფრიკელი საავტომობილო ინჟინერი, ფორმულა ერთის არაერთი გამორჩეული პროექტის და ლეგენდარულ სუპერ ავტომობილ „მაკლარენ F1-ის“ ავტორი გორდონ მარი ამბობს, რომ მას კიდევ ერთი სუპერ ავტომობილის შემუშავების სურვილი აქვს, რომელიც კონკურენციას გაუწევს ისეთ გრანდებს, როგორებიცაა „ფერარის“ უახლესი „ლაფერარი“, „მაკლარენის“ P1 და „პორშეს“ „918 სპაიდერი“. მარი თვლის, რომ ამ ავტომობილებში ელექტრულ სისტემებს დიდი ადგილი უკავია, ისინი მანქანებს ამძიმებენ და „მძღოლისგან აშორებენ“.

„ფერარიმ“ შარშან ნაკლები გაჰყიდა, მეტი მოიგო

Ferrari Sells Fewer Cars in 2013, but Posts Record Profits

26 თებერვალი

2012 წელი საუკეთესო იყო „ფერარის“ ისტორიაში როგორც გაყიდვების მოცულობით, ასევე მიღებული მოგებითაც. მაგრამ ამის შემდეგ, იტალიურმა ლუკა დი მონტეძემოლომ (ფოტოზე) გადაწყვიტა, რომ წარმოების ზრდა, ბრენდის იმიჯისთვის სასურველი არ იქნებოდა. ამიტომ, მარანელოელებმა წარმოება შეამცირეს, რამაც მათ ექსკლუზიურობის მაღალი დონის შენარჩუნების და ამის შედეგად, მოგების მარჟის გაზრდის საშუალება მისცა.

„ჰიუნდაი პასოკორტო“ - შუაძრავიანი სპორტსმენი IED-სგან

Hyundai PassoCorto Mid-Engine Sports Car Concept by IED

25 თებერვალი

ტურინის დიზაინის ევროპული ინსტიტუტის (IED) სტუდენტებმა, „ჰიუნდაის“ შეკვეთით, „ჰიუნდაისვე“ ევროპული შტოს დიზაინ ცენტრის სპეციალისტთა ზედამხედველობით, კონცეპტუალური შუაძრავიანი, ორადგილიანი სპორტული ავტომობილი დაამზადეს, სახელად „პასოკორტო“, რომელსაც „ჰიუნდაი“ და IED-ი ჟენევის მოტორ შოუზე ერთობლივად გამოფენენ.

ახალი „ფორდ ფოკუსი“ პარკირების ინოვაციური სისტემით აღიჭურვება

25 თებერვალი

თავის განხლებულ ბესტ სელერ „ფოკუსის“ ჟენევური პრმიერის წინ, ბარსელონში გამართულ მსოფლიო მობილურ კონგრესზე, „ფორდმა“ ის ორი სიახლეც გაგვაცნო, რომლებითაც ეს ავტომობილი აღიჭურვება. ესენია პარკირების ინოვაციური სისტემა და განახლებული მულტიმედიური სისტემა SYNC 2. ამერიკული კომპანიის განცხადებით, ეს იქნება მოდელ „ფოკუსის“ ისტორიაში, ტექნოლოგიურად ყველაზე მოწინავე ავტომობილი.

„ლოტუსი“ „რენოს“ კლიენტებში საუკეთესოა

Lotus reckons it could be top Renault F1 team amid Red Bull plight

25 თებერვალი

არაა გამორიცხული, რომ ახალ სეზონში, „რენოს“ ძრავების მომხმარებელ გუნდებს შორის, ბოლო სეზონების ტრიუმფატორ „რედ ბულს“ „ლოტუსი“ დაჩრდილავს. ასე ფიქრობს „ლოტუსის“ ტექნიკური დირექტორი ნიკ ჩესტერი. ამის საბაბს კი მას გასულ ბაჰრეინის ტესტებზე დაფიქსირებული დროები აძლევს. არადა, მისი პილოტების დროები, ხუთ წამზე მეტით უარესი იყო ტრასაზე ყველაზე სწრაფი პილოტის, „მერსედესის“ ნიკო როსბერგის დროზე.

კობაიაში მანქანით უკმაყოფილოა

Kamui Kobayashi says GP2 car faster than his Caterham F1 machine

25 თებერვალი

კამუი კობაიაში დარწმუნებულა, რომ „კატერჰემის“ ფ1-ის ავტომობილზე სწრაფი GP2-ის ბოლიდია. ამ დასკვნამდე ის ბაჰრეინის ტესტების შემდეგ მივიდა. ბაჰრეინის ტესტებზე მისი საუკეთესო შედეგი 1 წუთი და 39.8 წამი იყო, რაც გასულ სეზონში, ბაჰრეინის GP2-ის რბოლის კვალიფიკაციის გამარჯვებულის დროზე დაახლოებით 0.4 წამით მეტია.

პეტერ შრაიერის პირველი „ჰიუნდაი“

New Intrado CUV Concept is the First Hyundai Designed Under the Leadership of Peter Schreyer

24 თებერვალი

ეს ავტომობილი უფრო მეტია, ვიდრე უბრალოდ, კონცეპტუალური მოდელი. „ინტრადოს“, რომელსაც „ჰიუნდაი“ ჟენევის მოტორ შოუზე წარადგენს, თავისუფლად შეიძლება ვუწოდოთ ეპოქალური. რა თქმა უნდა, „ჰიუნდაისთვის“ ეპოქალური. ჯერ ერთი, ეს პირველი ავტომობილია, რომლის შექმნასაც კომპანიის დიზაინის ახალმა შეფმა, სახელოვანმა პეტერ შრაიერმა უხემძღვანელა. მეორეც, ის კორეული კომპანიის სტილის, „თხიერი სკულპტურის“ ახალ მიმართულებას გვიჩვენებს. მესამეც, ყველაზე რევოლუციურია მისი შექმნისას გამოყენებული მასალები და ტექნოლოგიები.

„ფორდი“ უგზოობის „ეკოსპორტის“ გრანდიოზულ კამპანიას გეგმავს

Ford Launches “EcoSport Live!” Campaign, Loans 100 SUVs to Bloggers

24 თებერვალი

„ფორდი“ თავისი უახლესი ავტომობილის, უგზოობის სუბკომპაქტური „ეკოსპორტის“ სარეკლამოდ, გრანდიოზულ სარეკლამო კამპანიას გეგმავს, რომლის ფარგლებშიც, წამყვან ევროპელ ბლოგერებს სხვადასხვა ქვეყნიდან, 100 ცალ „ეკოსპორტს“ დაურიგებს, რათა მათ ისინი გატესტონ და საკუთარი შთაბეჭდლებები საკუთარ ბლოგებსა და სოციალურ მედიაში გამოაქვეყნონ.

ჩვენებურების ფათერაკებიანი რბოლა ამერიკაში

23 თებერვალი

ეს არის ისტორია ქართული ეკიპაჟისა, რომელმაც ოკეანის გაღმა, იქაურ რალის ლომებთან ერთად ასპარეზობა გადაწყვიტა. და თამამად შეიძლება ითქვას, რომ ფორტუნის მიერ მოწყობილი რთული გამოცდები წარმატებულად ჩააბარა. ეკიპაჟი მევლუდ მელაძემ და მისმა შტურმანმა ოვანეს კოგოსოვმა შეადგინეს. მათი ბედაური კი ყველასგან მივიწყებული, 1997 წელს გამოშვებული „ფორდ ესპაიერი“ (ესკორტის ამერიკული ვერსია) იყო, რომელიც ახლოსაც ვერ დაუდგებოდა კენ ბლოკის 2012 წლის „ფორდ ფიესტას“ და რალიში ხანგრძლივი ტრავმული ტრავმის შემდეგ დაბრუნებული ტრევის პასტრანას უახლეს „სუბარუ WRX STI-ს“.

„ფორდი“ განახლებულ „ფოკუსს“ ჟენევაში წარადგენს

2015 Ford Focus Facelift Gets a Fusion Snout – First Photos

22 თებერვალი

ჟენევის მოტორ შუზე, „ფორდი“ თავისი ყველაზე გაყიდვადი ავტომობილის, კომპაქტური „ფოკუსის“ განახლებულ ვერსიას წარადგენს. ეს ავტომობილი უკვე რამდენიმე წელია, მსოფლიო ბესტ სელერია და ბუნებრივია, მისი ახალი ვერსია განსაკუთრებულ ყურადღებას იქცევს. განახლება ძირითადად ავტომობილის დიზაინს შეეხო.

„რენომ“ სპორტქარ „ალპინის“ გამოშვება გადადო

Alpine Sports Car Reportedly Delayed Amid Tensions between Renault and Caterham

22 თებერვალი

„რენომ“ თავის სპორტულ მოდელ „ალპინის“ წარმოების დაწყების ვადა გადასწია, რის მიზეზადაც, მიმომხილველები პარტნიორ „კატერჰემთან“ ურთიერთობის დაძაბვას და კონცეპტუალური ავტომობილის გარეგნობის დაწუნებას ასახელებენ. ამ ავტომობილზე ეს ორი კომპანია ერთობლივად მუშაობს, ოღონდ ისინი მის საკუთარ ვერსიებს გამოუშვებენ.

ჰორნერი ფავორიტად „მერსედესს“ მიიჩნევს

Red Bull boss Christian Horner declares Mercedes the new favourites for 2014

22 თებერვალი

„რედ ბულის“ შეფი კრისტიან ჰორნერი აღიარებს, რომ ამ ეტაპზე, „მერსედესი“ ფავორიტია. ეს მას შემდეგ მოხდა, რაც ჩემპიონებმა კიდევ ერთი უხეირო სატესტო სერია ჩაატარეს, ამჯერად ბაჰრეინში. ბაჰრეინში, ტესტების მესამე დღეს, „რედ ბულმა“ ვარჯიში მექანიკური პრობლემების გამო შეწყვიტა. ავსტრიული გუნდს ახალწვეულმა დანიელ რიკიარდომ მხოლოდ 28 წრის გავლა მოასწრო. თუმცა, ამის მიუხედავად მაინც განაცხადა, რომ გუნდი სწორი მიმართულებით ვითარდება.

მომავლის თვითრეგულირებადი სავარძელი

Self-Adjusting Seats of the Future will Use Sensors and Cameras

21 თებერვალი

საავტომობილო მაკომპლექტებელი ნაწილების მწარმოებელი ფრანგლი კომპანია „ფორესია“, რომელსაც ამ სფეროში, მთელი მსოფლიოს მასშტაბით მეექვსე ადგილი უკავია, ჟენევის მოტორ შოუზე, თვითრეგულირებადი სავარძლის კონცეპციას წარადგენს, რომლის წარმოებასაც ახლო მომავალში გეგმავს. ასეთი სავარძლის შემუშავება კი იმ გარემოებამ გადააწყვეტინა, რომ ელექტრონულად რეგულირებადი ახლანდელი სავარძლების მომხმარებლები ხშირად ჩივიან, რომ ზედმეტად გართულებული ტექნიკის ექსპლუატაცია უჭირთ.

კონცეპტი „ინტრადო“ – „ჰიუნდაის“ დიზაინის და ტექნიკის მომავალი

Intrado SUV previews Hyundai's design and technical future

21 თებერვალი

ჟენევის მოტორ შოუზე, „ჰიუნდაის“ სტენდის მთავარი პერსონაჟი, უგზოობის კონცეპტუალური ავტომობილი იქნება, სახელად „ინტრადო“, რომელიც კომპანიის განვითარების (როგორც დიზაინის, ასევე ტექნოლოგიური თვალსაზრისით) მიმართულებას გვიჩვენებს.

ახალი „ფორდ მუსტანგი“ ჩიკაგოს ავტო შოუს რჩეულია

2015 Ford Mustang Named Best All-New Production Vehicle at Chicago Auto Show

20 თებერვალი

„ფორდის“ უახლესი „მუსტანგი“ ჩიკაგოს ავტო შოუს საუკეთესო სერიულ ავტომობილად დაასახელეს. გამოკითხვა შოუს ათი დღის განმავლობაში ტარდებოდა. სულ 8 500 მომხმარებელი გამოიკითხა, რომელთა 25 პროცენტმაც საუკეთესოდ უახლესი პონი ქარი აღიარა.

„ჰიუნდაი ჯენეზისმა“ „iF პროდაქტ დიზაინის“ ჯილდო მოიგო

Hyundai's 2015 Genesis Wins the iF Product Design Award 2014

19 თებერვალი

„ჰიუნდაის“ უახლესმა პრემიუმ სედანმა „ჯენეზისმა“ პირველი აღიარება დაიმსახურა - მიუნხენში ჩატარებულ სპეციალურ ცერემონიაზე, ამ ავტომობილს ევროპული პრესტიჟული „iF პროდაქტ დიზაინის“ ჯილდო გადაეცა. კორეულ ბაზარზე დებიუტის შემდეგ, ახალი „ჯენეზისის“ მსოფლიო პრემიერა ახლხანს, დეტროიტის მოტორ შოუზე შედგა. ამ ავტომობილით, „ჰიუნდაი“ პრემიუმ სეგმენტში მეორე მნიშვნელოვან ნაბიჯს (პირველი, საკმაოდ წარმატებული ნაბიჯი, პირველი თაობის ჯენეზისი იყო) დგამს.

„რეინჯ როვერ ევოუკის“ ორი ახალი ვერსია

Range Rover Adds Two Autobiography Models to Evoque Range

19 თებერვალი

სამი წელიც არ გასულა მას შემდეგ, რაც „ლენდ როვერმა“ „რეინჯ როვერ ევოუკის“ წარმოება დაიწყო და ამ დროში, 157 საერთაშორისო კონკურსი მოიგო და 270 000 ცალის გაყიდვა მოასწრო. ამ მაჩვენებლით, ეს ავტომობილი ბრიტანული კომპანიის ისტორიაში, ყველაზე სწრაფად გაყიდვადია. მაგრამ „ლენდ როვერი“ მიღწეულით დაკმაყოფილებას არ აპირებს და ამის ნიშნად, ჟენევის მოტორ შოუზე, ამ ავტომობილის ორ ვერსიას წარადგენს.

„მაკლარენ 650S“ - 12C-ზე სწრაფი, P1-ის იერით

New McLaren 650S is a Faster, Better Handling Version of 12C with P1 Face

18 თებერვალი

„მაკლარენმა“ ოფიციალურად გამოაქვეყნა თავისი ახალი სუპერ ავტომობილის, 650S-ის ფოტოები და ტექნიკური მახასიათებლები. მართალია, ახალ ავტომობილს, მასზე ერთი საფეხურით დაბლა მდგომი 12C-სგან მაკომპლექტებელი ნაწილების მხოლოდ 25 პროცენტი განასხვავებს და რეალურად, მისი სახეშეცვლილი ვარიანტია, მაგრამ უოკინგელები აცხადებენ, რომ ეს ორი განსხვავებული მოდელია. თანაც, 12C-ს წარმოება მანამ გაგრძელდება, სანამ მასზე მოთხოვნა შემცირდება.

„ფერარის“ ძრავის თავისებურება

Ferrari engine stops spark to save fuel - report

17 თებერვალი

იტალიურ პრესაში გავრცელებული ინფორმაციით, შესაძლოა „ფერარი“ თავის ახალ ბოლიდ F14-T-ზე ისეთ ტექნიკურ სიახლეს იყენებს, რომელიც ძალური დანადგარის კომპონენტების ეფექტური გაგრილების საშუალებას იძლევა. ეს კი მარანელოელებს შესამჩნევად მომცრო გაბარიტების სარადიატორე ჰაერის ამღებების გამოყენების საშუალებას აძლევს, რაც ავტომობილის აეროდინამიკას აუმჯობესებს.

„ლენდ როვერი“ „დისქავერის“ საიუბილეო ვერსიას გამოუშვებს

Land Rover Celebrates 25 Years of Discovery with XXV Special Edition Model

17 თებერვალი

„ლენდ როვერის“ ერთ-ერთ ყველაზე პოპულარულ მოდელს, სახელად „დისქავერი“, 25 წელი უსრულდება და ამასთან დაკავშირებით, ბრიტანული კომპანია მის საიუბილეო ვერსიას გამოუშვებს, სახელად „დისქავერი XXV“. „ლენდ როვერმა“ მოდელ „დისქავერის“ წარმოება 1989 წელს დაიწყო და მას შემდეგ, ის მილიონზე მეტი გაჰყიდა.

„ფორდ მუსტანგი“... ნუგბარად, ვალენტინის დღისთვის

Ford 3D-printing Mustang out of chocolate and candy for Valentine's Day

17 თებერვალი

„ფორდმა“ და მისმა პარტნიორმა „3D სისტემზმა“, წმინდა ვალენტინის დღისთვის, პოპულარულ პონი ქარ „მუსტანგის“ შეყვარებულ ფანებს, ერთობ უჩვეულო საჩუქარი მოუმზადეს - ამ ავტომობილის უახლესი ვერსიის მასშტაბური მოდელები ტკბილეულის სახით შესთავაზეს. თანაც, პატარა „მუსტანგები“ შოკოლადის და შაქარყინულისგან, 3D პრინტერზე „ამობეჭდეს“.

ედრიან ნიუიმ შეცდომა აღიარა

Adrian Newey admits Red Bull packaging a factor in troubled F1 test

17 თებერვალი

ედრიან ნიუიმ აღიარა, რომ „რედ ბულის“ ახალ ბოლიდ RB10-ზე მუშაობისას, გარკვეული (შეთანწყობასთან დაკავშირებული) შეცდომები დაუშვა, რაც საქმისადმი აგრესიული მიდგომის შედეგია. ხერესის ტესტებისას ოთხ დღეში „რედ ბულმა“ მხოლოდ 31 წრის გავლა შეძლო. ამის მიზეზი, „რენოს“ ძრავთან დაკავშირებული პრობლემის გარდა, ხანძარიც გახდა, რომელიც ძარის დტალის გამოსაბოლქვ მილთან ახლო განლაგებამ გამოიწვია.

„ფორდმა“ შარშან 8.6 მილიარდი დოლარის მოგება მიიღო

Ford Reports 2013 Pre-Tax Profit of $8.6 Billion, Highest in More than a Decade

16 თებერვალი

„ფორდმა“ გამოაცხადა, რომ შარშან მისმა მოგებამ (გადასახადების გადახდამდე) 8.6 მილიარდი დოლარი შეადგინა, რაც წინა წლის მოგებაზე 603 მილიონი დოლარით მეტია. ეს ცისფერი ოვალის უდიდესი მოგებაა ბოლო ათი წლის განმავლობაში. ეს კი შესაძლებელი გახადა შეერთებული შტატებისა და აზია წყნარი ოკეანის (განსაკუთრებით ჩინეთის) ბაზრებზე მოგების ზრდამ. იმავდროულად, სამხრეთ ამერიკაში ბიზნესი კვლავ მოგების გარეშე მუშაობს, ევროპაში კი კვლავაც წაგება მოაქვს, თუმცა წაგების მოცულობა განუხრელად და გეგმის შესაბამისად მცირდება.

„ჰიუნდაი“ კიდევ ერთ სიახლეს ამზადებს

Beijing Motor Show 2014: Hyundai ix25 compact SUV to be shown

16 თებერვალი

ინდურ ავტო ექსპოზე კომპაქტურ სედან „Xცენტის“ პრემიერის შემდეგ, „ჰიუნდაი“ კიდევ ერთ, ამჯერად უკვე სერიულ სიახლეს ამზადებს, რომელსაც პეკინის მოტორ შოუზე წარადგენს. ავტომობილს ix25 ჰქვია და ეს უგზოობის სუბკომპაქტური ავტომობილია. ამ ავტომობილის სატესტო პროტოტიპებს, დიდი ხანია, ინტენსიური ტესტები მსოფლიოს სხვადასხვა ქვეყანაში, მათ შორის შვედეთსა და ჩინეთში უტარდება.

„რენო-ნისანის“ გაყიდვები რეკორდულ დონემდე გაიზარდა

Renault-Nissan car sales rose 2% in 2013, boosted by China, U.S. growth

16 თებერვალი

 „რენო-ნისანის“ ალიანსის გაყიდვები შარშან 2 პროცენტით გაიზარდა და რეკორდულ ზღვარს - 8.27 მილიონ ავტომობილს მიაღწია. გაყიდვების საერთო მაჩვენებლის ზრდას, ხელი ჩინეთისა და შეერთებული შტატების ბაზრებზე რეკორდულმა შედეგებმა შეუწყო.

ქალი ფორმულა 1-ში? გამორიცხული არაა

Sauber helping De Silvestro towards 2015 race seat

15 თებერვალი

„ზაუბერმა“ ინდიქარ-ის შვეიცარიელი მრბოლი სიმონა დე სილვესტრო თავის პროტეჟე პილოტად გამოაცხადა. ეს ნიშნავს, რომ ქალი მრბოლი „ზაუბერის“ მოსამზადებელ პროგრამაში ჩაერთო, რისი მიზანიც, ფორმულა ერთისთვის აუცილებელი სუპერ ლიცენზიის მიღებაა. და თუ ყველაფერი კარგად იქნება, მას 2015 წელს ფორმულა ერთში ვიხილავთ.

ხერესში „ფერარიმ“ ნამდვილი ძალა დამალა?

Report - Ferrari sandbagging at Jerez?

15 თებერვალი

გერმანული ჟურნალი „აუტო მოტორ უნდ შპორტი“ ვარაუდობს, რომ ხერესის ტესტების დროს, „ფერარიმ“ საკუთარ ბოლიდ F14-T-ს ნამდვილი შესაძლებლობები შეგნებულად არ გამოავლინა. გამოცემის რეპორტიორ მიხაელ შმიდტს არ აქვს პასუხი კითხვაზე, თუ რისთვის შეიძლებოდა მარანელოელებს ეს დასჭირვებოდათ, თუმცა ასეთი ვარაუდის ხმამაღლა გამოთქმის უფლება საკუთარ თავს მას შემდეგ მისცა, რაც ხერესული ტესტების დროებს და სიჩქარის მონაცემებს გაეცნო.

„სუზუკი სელერიო“ ევროპული დებიუტისთვის მზადაა

Suzuki Celerio will replace Alto and Splash minicars

14 თებერვალი

„სუზუკი“ აცხადებს, რომ მისი სამოდელო გამის ორ პატარა ავტომობილს - „ალტოსა“ და „სპლეშს“, ერთი და უახლესი „სელერიოთი“ ჩაანაცვლებს, რომელიც პირველად კონცეპტუალური ვერსიის სახით, ტაილანდის მოტორ შოუზე წარადგინა, შემდეგ კი უკვე მისი სერიული ვერსია, ნიუ დელის ავტო ექსპოზე გვიჩვენა. და აი, ამავე ავტომობილის ევროპული პრემიერის დროც მოახლოვდა.

შუმიმ პნევმონია დაამარცხა

ოჯახს შუმის გამოჯანმრთელების სჯერა

Schu wins fight against pneumonia - report

14 თებერვალი

მალე 50 დღე შესრულდება მას შემდეგ, რაც მიხაელ შუმახერი მართვად კომაში იმყოფება. და ამ დროის განმავლობაში, მისმა ოჯახმა მეორე ოფიციალური განცხადება გამოაქვეყნა. მასში ნათქვამია, რომ „ოჯახს მტკიცედ სჯერა მიხაელის გამოჯანმრთელების“. ამასთან, განცხადება პასუხია ამ დღეებში, გერმანულ მედიაში გავრცელებული ინფორმაციისა, რომელთაგან ერთმა ფ1-ის დიდი ჩემპიონის სიკვდილიც კი გვამცნო...

„ფორდ ფოკუსმა“ NHTSA-ს ხუთი ვარსკვლავი დაიმსახურა

2014 Ford Focus Earns Five-Star NHTSA Rating

13 თებერვალი

„ფორდ ფოკუსი“ მთელი მსოფლიოს მასშტაბით, ყველაზე გაყიდვადი ავტომობილია და როგორც ჩანს, ამ საპატიო წოდების შენარჩუნების რეალური შანსი ექნბა, რადგან მისი საიმედობა და უსაფრთხოება, კიდევ ერთხელ დადასტურდა ქრეშ ტესტებზე, რომლებიც ამერიკის საგზაო უსაფრთხოების ეროვნულმა ადმინისტრაციამ (NHTSA) ჩაატარა.

განახლებული „ფერარი კალიფორნია“ ტურბო ძრავით

New Ferrari California T, as in 552HP Turbo, Officially Revealed

12 თებერვალი

იყო დრო, როცა „ფერარი“ ატმოსფერულ ძრავებზე იყო ჩაციკლული. იშვიათ გამონაკლისებს (მათ შორის, F40-საც) თუ არ ჩავთვლით, მისი ავტომობილები ძირითადად ატმოსფერული მრავალცილინდრიანი (V8, V10 და V12) ძრავების ღრიალით ნუსხავდა ავტომოყვარულებს და რა თქმა უნდა, მყიდველს. მაგრამ დროს თავისი მოაქვს (ან მიაქვს).

შუმახერს ფილტვების ანთება აქვს

Schumacher contracts pneumonia - reports

12 თებერვალი

არაა გამორიცხული, რომ მიხაელ შუმახერის მართული კომიდან გამოყვანის პროცესი დროებით შეჩერდა, რადგან როგორც ირკვევა, მას ფილტვების ანთება აქვს. გაზეთ „ბილდ-ცაიტუნგის“ ინფორმაციით, მსოფლიოს შვიდგზის ჩემპიონს ამჟამად ანტიბიოტიკებით მკურნლობენ.

„უილიამსი“ „მარტინის“ ფორმაში გამოეწყობა

Martini-branded Williams team shirt emerges

12 თებერვალი

პრესაში გავრცელებული ინფორმაციით, ახალ სეზონში „უილიამსის“ ერთ-ერთი მთავარი სპონსორი, ალკოჰოლური სასმელების მწარმოებელი იტალიური კომპანია „მარტინი“ იქნება. უფრო მეტიც, ბრიტანული საჯინიბოს ბოლიდებზე, დომინანტი სწორედ „მარტინის“ ლოგო და ფერები იქნება. შესაბამისად, ავტომობილი თეთრად შეიღებება და ის ლურჯი და წითელი ზოლებით გაფორმდება.

FIA ცხვირების რეგლამენტს შემდეგი სეზონისთვის შეცვლის

FIA set to tweak nose regulations for 2015

12 თებერვალი

საერთაშორისო საავტომობილო ფედერაცია (FIA), 2015 წლის სეზონისთვის, ფორმულა ერთის ბოლიდების ცხვირების ახალი რეგლამენტის შემუშავებას აპირებს. როგორც ცნობილია, რბოლების უსაფრთხოების გასაუმჯობე

კიდევ ერთი ახალი „მაკლარენი“ – 650S

New McLaren 650S to Debut in Geneva, Slots Between 12C and P1

12 თებერვალი

ფოტოზე მცირე დეტალია გამოსახული იმ ავტომობილისა, რომელსაც მალე „მაკლარენი“ გაგვაცნობს. ეს ჟენევის მოტორ შოუზე მოხდება. ეს იქნება უოკინგელთა მესამე ავტომობილი და მისი სახელია 650S. კომპანიის გამაში ის 12C-სა და P1-ს შორის არსებულ ნიშას შეავსებს.

„რენო“ და „ნისანი“ პლატფორმებს ერთობლივად შეიმუშავებენ

Renault and Nissan to Combine Manufacturing and R&D to Save $4 Billion a Year

10 თებერვალი

„ფიატმა“ და „კრაისლერმა“ ახლახანს დაიწყეს ერთიანი კომპანიის ფორმირება, „რენოს“ და „ნისანის“ კი ამის დიდი გამოცდილება აქვთ და მალე მათი ალიანსი კიდევ უფრო გააღრმავებს მათს პარტნიორულ ურთიერთობას. ფრანგულ და იაპონურ კომპანიებს გადაწყვეტილი აქვთ, ერთობლივად იმუშაონ ავტომობილების შექმნაზე, წარმოებასა და განვითარებაზე, რაც მათ წლიურად დაახლოებით 400 მილიარდი იენის (დაახლოებით 3.86 მილიარდი აშშ დოლარი) დაზოგვის საშუალებას მისცემს.

„ფორდმა“ ჩინეთში გაყიდვები 49 პროცენტით გაზარდა

Ford China Reaches New Sales Record with 49% Increase in 2013

10 თებერვალი

„ფორდმა“ გამოაცხადა, რომ გასულ წელს, ჩინეთში 935 813 ავტომობილი გაჰყიდა, რაც 49 პროცენტით მეტია წინა წლის მაჩვენებელზე (626 616 ერთეული). აქედან 678 951 ავტომობილის რეალიზება შეძლო ამერიკული კომპანიის და ჩინური „ჩანგანის“ ერთობლივმა კომპანია „ჩანგან ფორდ ავტომობილმა“, რაც წინა წლის გაყიდვებზე 62 პროცენტით მეტია.

ლატვალამ შვედეთის რალი მოიგო

Rallying-Latvala wins in Sweden, leads championship standings

10 თებერვალი

ფინელი იარი-მატი ლატვალას გამარჯვებით დასრულდა რალის მსოფლიო ჩემპიონატის მეორე ეტაპი - შვედეთის რალი. ამ გამარჯვებით, „ფოლკსვაგენ პოლოთი“ მოასპარეზე ლატვალამ ჩემპიონატის ლიდერობაც იგდო ხელთ, სადაც მხოლოდ 5 ქულას უგებს ნორვეგიელ თანაგუნდელ ანდრეას მიკელსენს, რომელმაც შვედეთის თოვლიან გზებზე მეორე ადგილი დაიკავა.

„ნისან ZEOD RC“ მინიატურული და მძლავრი ძრავით

Nissan ZEOD RC Gets a 400HP 1.5L Turbo Engine You Can Hold in Your Hands

9 თებერვალი

ამ ავტომობილს ისედაც უჩვეულო გარეგნობა აქვს, უჩვეულო ტექნოლოგიებით მზადდება და ახლა კიდევ ერთი უჩვეულო დაემატა. ესაა უახლესი სამცილინდრიანი ტურბო ძრავი DIG-T R, რომლითაც ჰიბრიდული სარბოლი ავტომობილი, სახელად ZEOD RC, ლე მანის წლევანდელ რბოლაში მიიღებს მონაწილეობას.

„ჰიუნდაი ველოსტერ RE:FLEX“ - პრემიერა ჩიკაგოში

Hyundai's Underwhelming Chicago Show Debut is the Veloster RE:FLEX Edition

8 თებერვალი

„ჰიუნდაი ველოსტერი“, კართა ასიმეტრიული განლაგებით, ისედაც უნიკალური ავტომობილია, რომელმაც კორეული კომპანიისკენ პოტენციურ მყიდველთა ყურადღება მიიქცია. მაგრამ „ჰალო ქარ“, როგორც ასეთ ავტომობილებს ხშირად მოიხსენიებენ ხოლმე, ყოველთვის და ყველას მაინც არ აკმაყოფილებს. არიან ისეთებიც, ვისაც „უფრო მეტი“ ექსკლუზიურობა სურს...

შემდეგი თაობის „ფორდ მონდეო“ 1.0-ლიტრიანი ეკობუსტითაც აღიჭურვება

Next-Gen Ford Mondeo Coming with 1.0-liter EcoBoost Engine

8 თებერვალი

ობიექტური მიზეზების გამო, ახალ, მეხუთე თაობის სედან „მონდეოს“, ევროპის ბაზარზე გამოსვლა დაუგვიანდა, მაგრამ სამაგიეროდ, „ფორდი“ მის მყიდველს სასიამოვნო სიურპრიზს უმზადებს - ეს ავტომობილი, რომელიც ამერიკაში „ფიუჟნის“ სახელით იყიდება, ამიერიდან სერია ეკობუსტის, სამცილინდრიანი 1.0-ლიტრიანი ძრავითაც (123 ცხ.ძ) აღიჭურვება. შეგახსენებთ, რომ ამ ძრავს ზედიზედ ორჯერ აქვს მოგებული წლის საუკეთესო ძრავის წოდება.

მექსიკა ამერიკაში ექსპორტით იაპონიას გაასწრებს

Mexico Set to Overtake Japan as No.2 Auto Exporter to U.S. in 2014

7 თებერვალი

1970-იანი წლებიდან, იაპონია ყოველთვის იყო ამერიკაში ავტომობილების ექსპორტიორთა მოწინავე ორეულში. მაგრამ საქმეს ისეთი პირი უჩანს, რომ წელს მის ადგილს მექსიკა დაიკავებს. არადა, სულ ახლახანს, კერძოდ კი 1990 წელს, მექსიკიდან ამერიკის ბაზარზე სულ რაღაც 250 000 ავტომობილი შევიდა.

სულ სხვანაირი „ლენდ როვერ დიფენდერი“

New Land Rover Defender to Sport Radically Different Look

7 თებერვალი

ამ ლეგენდარული ავტომობილის მთავარი ღირსება არასდროს ყოფილა ლამაზი გარეგნობა და ეს მას ნაკლებად სჭირდებოდა, რადგან ბევრი მასში სწორედ დაკუთხულ, გაურანდავ ფორმებს აფასებდა, როგორც ყველგანმავლისთვის აუცილებელ თვისებას. თანაც, უხეში და არქაული ფორმები აგრესიის შემცველიც არ იყო. მაგრამ ასეთი „დიფენდერის“ ეპოქა დასრულდა და ბრიტანული კომპანია ამ საავტომობილო იკონის რადიკალურად შეცვლას აპირებს.

„სუზუკი სელერიო“ ევროპული ბაზრისთვის

Suzuki to Serve Euro-Spec Celerio at the Geneva Motor Show

6 თებერვალი

ახლახანს, ტაილანდის საერთაშორისო მოტორ შოუზე, „სუზუკიმ“ კონცეპტუალური პატარა ავტომობილი გვიჩვენა, უცნაური სახელით „A:ვინდ“. ორი თვეც არ გასულა და იაპონურმა კომპანიამ ამ ავტომობილის უკვე სერიული ვარიანტი, ოღონდ განსხვავებული სახელით, ნიუ დელის ავტო ექსპოზე წარადგინა, მალე კი მის ევროპულ ვერსიას, ჟენევის მოტორ შოუსაც გააცნობს.

„როლს როის ფანტომ დროპჰედ კუპე“ მალკოლმ კემპბელის სახელზე

Rolls-Royce Teases Nautical-Inspired Phantom Drophead Coupé Waterspeed Collection

6 თებერვალი

„როლს როისმა“ ახალი საკოლექციო ავტომობილის ესკიზები გამოაქვეყნა, რომელსაც ლეგენდარულ ბრიტანელ მრბოლ სერ მალკოლმ კემპბელის მიერ 1937 წელს, წყალზე (ტბა მაჯორეზე, რომელიც იტალიასა და შვეიცარიას შორის მდებარეობს) სიჩქარის რეკორდის დამყარების აღსანიშნავად გამოუშვებს.

შუმახერის კომიდან გამოყვანა ხანგრძლივი პროცესი იქნება

Michael Schumacher: Coma challenges

6 თებერვალი

ერთი კვირა გავიდა მას შემდეგ, რაც გავრცელდა ინფორმაცია, რომ ექიმებმა მიხაელ შუმახერის მართვადი კომიდან გამოყვანის პროცესი დაიწყეს. ამ დროის განმავლობაში, ახალი აღარაფერი დაწერილა. არადა, ყველას აინტერესებს, როგორ არის მსოფლიოს შვიდგზის ჩემპიონი, როგორ მიმდინარეობს მისი გამოღვიძება. ამ თემას, ბიბისის ვებგვერდმა სტატია მიუძღვნა, რომლის შესავალშივე წერია, რომ პროცესი არანაკლებ დაძაბული და საშიში იქნება, ვიდრე აქამდე იყო.

„ფორდი“ ახალ „მუსტანგს“ ჟენევაშიც გამოფენს

2015 Ford Mustang Headed for Geneva Motor Show

5 თებერვალი

ახალი „ფორდ მუსტანგი“ კვლავაც ავტოსამყაროს ჰიტია და ასეთად წლის ბოლომდე დარჩება, რადგან გაყიდვების დაწყებამდე, ამერიკული კომპანია მას პრაქტიკულად ყველა დიდ ბაზარზე უპირებს წარდგენას - სხვა თუ არაფერი, „მუსტანგი“ გლობალური ავტომობილი ხდება.