გრძელბაზიანი „რეინჯ როვერის“ პრემიერა ლოს ანჯელესში

Land Rover Introduces New Range Rover LWB Variants Costing Up to $199,500 in LA

29 ნოემბერი

ეს არის ყველაზე ძვირი „რეინჯ როვერი“, რომელიც კი ოდესმე „ლენდ როვერს“ გამოუშვია. ამ ავტომობილით, ბრიტანული კომპანია თვით „ბენტლის“ უგზოობის მოდელსაც კი დაჩრდილავს. ის არ არის ჩვეულებრივი უგზოობის ავტომობილი, თუმცა „რეინჯ როვერის“ უბადლო პლატფორმა საშუალებას აძლევს. ის არც ჩვეულებრივი ლიმუზინია. გრძელბაზიან „რეინჯ როვერ LWB-ს“ ექსკლუზიური ვერსია „ავტობაიოგრაფი ბლექ“, ლუქსის კლასის სასტუმროს ნმერია ბორბლებზე. ან უფრო სწორედ, მაღალი კლასის ოფისი ბორბლებზე. ან, უკეთესი ეპითეტი თავადვე მოიფიქრეთ, ის ამას იმსახურებს!

ავსტრია ფორმულა ერთს მოუთმენლად ელის

Austrian Grand Prix sells out in three days

29 ნოემბერი

ავსტრიის დიდი პრიზი ფორმულა ერთის კალენდარს მომავალი სეზონიდან უბრუნდება. მაგრამ თუ მასზე დასწრება თავში გაივლეთ, უნდა დაგამწუხროთ - ყველა ბილეთი უკვე გაყიდულია! რბოლისთვის, რომელიც ივნისში უნდა გაიმართოს, ბილეთების გაყიდვა სამი დღის წინ დაიწყო და როგორც მისი ორგანიზატორები ამბობენ, უკვე ყველა ბილეთი გაიყიდა.

მალდონადო „ლოტუსში“ გადავიდა

Motor racing-Maldonado joins Grosjean at Lotus F1 team

29 ნოემბერი

„ლოტუსმა“ გამოაცხადა, რომ მომავალ სეზონში, რომენ გროჟანს თანაგუნდელად პასტორ მალდონადო ეყოლება. ვენესუელელი პილოტი, რომელსაც სოლიდური სპონსორული მხარდაჭერა აქვს, ბრიტანულ საჯინიბოში კიმი რაიკონენის ადგილს დაიკავებს, რომელიც მერმისიდან „ფერარის“ ბოლიდით იასპარეზებს.

ჰორნერი: ფეტელს გაცილებით მეტის მიღწევა შეუძლია

Sebastian Vettel's Formula 1 best still to come, reckons Red Bull

29 ნოემბერი

ფორმულა ერთს სებასტიან ფეტელი ჯერ საუკეთესო ფორმაში არ უნახავს - ამბობს „რედ ბულის“ შეფი კრისტიან ჰორნერი. ფეტელმა ახლახანს მსოფლიო ჩემპიონის ტიტული ზედიზედ მეოთხედ მოიპოვა და თანაც, გასული სეზონის მეორე ნახევარში შეუდარებელი იყო - ზედიზედ ცხრა რბოლაში გაიმარჯვა, სულ კი სეზონის 19 ეტაპიდან 13 მოიგო. და მაინც, ჰორნერი დარწმუნებულია, რომ ფეტელს პიკისთვის ჯერ არ მიუღწევია.

გენერლების შეფს „კადილაკ ელმირაჟი“ მოსწონს

GM Boss Says Elmiraj Is the Car Cadillac Needs, Hints at Production Model

29 ნოემბერი

პებლ ბიჩის (კალიფორნია) ელეგანტურობის წლევანდელ ფესტივალზე, „კადილაკმა“ თავისი მორიგი კონცეპტუალური შედევრი, სახელად „ელმირაჟი“ წარადგინა და დიდი მოწონებაც დაიმსახურა. მაგრამ „ჯენერალ მოტორსს“ მის წარმოებასთან დაკავშირებით, გადაწყვეტილება ჯერაც არ მიუღია. არადა, ამერიკული გიგანტის ვიცე პტრეზიდენტმა, ბობ ფერგიუსონმა, ვინც იმავდროულად, ბრენდ „კადილაკის“ შეფიცაა, განცხადა, ეს ავტომობილი საკმაოდ პრაქტიკულია იმისათვის, რომ კონვეიერზე დავაყენოთო. მაგრამ მას შემდეგ, „ელმირაჟი“ დავიწყებას მიეცა.

„ფორდ ტურნეო კონქტმა“ ევრო NCAP-ისგან ხუთი ვარსკვლავი მიიღო (ვიდეო)

2014 Ford Tourneo Connect Gets 5-Star Euro NCAP Rating

28 ნოემბერი

დამოუკიდებელმა ორგანიზაციამ, სახელად „ევროპის ახალი ავტომობილების შეფასების პროგრამა“, მორიგი ქრეშ ტესტები ჩაატარა, რომელთა შედეგადაც, „ფორდის“ უახლეს ვენ „ტურნეო კონექტს“ უმაღლესი, ხუთვარსკვლავიანი შეფასება დაუწერა. ეს მეორე „ტურნეოა“, რომელიც უსაფრთხოების რეიტინგში ხუთ ვარსკვლავს ღებულობს. ამ მხრივ პირველი „ტურნ კასტომია“.

„ევა“ - ელექტრო ტაქსი შესანიშნავი მონაცემებით

EVA electric taxi can travel 200 km on a 15-minute charge

28 ნოემბერი

ტაქსიზე მომუშავე ავტომობილები ყოველდღიურად ასობით კილომეტრს გადიან. და ბუნებრივია, ისინი დიდი რაოდენობით საწვავს მოიხმარენ. ამიტომ, ამ დანიშნულებით ელექტრომობილების გამოყენება მომგებიანი უნდა იყოს. მაგრამ არსებობს ერთი პრობლემა - თანამედროვე ელექტრომობილებს სვლის შედარებით მცირე სიშორე აქვთ. ენერგიის შესავსებად კი დიდი დროა საჭირო. მაგრამ როგორც ჩანს, მალე ეს ნაკლიც გამოსწორდება და ამის ნიშანი, ელექტრომობილ „ევას“ სახით, ახლახანს ტოკიოს მოტორ შოუზე გამოჩნდა.

„მერსედესმა“ როს ბრაუნის წასვლა დაადასტურა

Mercedes confirms: Brawn out

28 ნოემბერი

როგორც მოსალოდნელი იყო, „მერსედესმა“ დაადასტურა, რომ მისი გუნდის შეფი როს ბრაუნი თანამდებობას ტოვებს. ბრეკლიში (ბრიტანეთი) ბაზირებული გერმანული გუნდს ინფორმაციით, 58 წლის ბრაუნი ოფიციალურად სამქიმიანებს წლის ბოლო დღეს დაშორდება. მის ნაცვლად, გუნდს ტოტო ვოლფი და პადი ლოუ გაუძღვებიან. ორივე აღმასრულებელი დირექტორი გახდება, ოღონდ ვოლფი ბიზნესის საქმეებს ჩაიბარებს, ლოუს ხელში კი ტექნიკური მხარე დარჩება.

ფორმულა ერთში შეიძლება „პოულების თასი“ შემოიღონ

FIA proposes 'pole trophy' for Formula 1's top qualifier from 2014

28 ნოემბერი

საერთაშორისო საავტომობილო ფედერაცია (FIA) გეგმავს, რომ მომავალი სეზონიდან, ფორმულა ერთში „პოულ პოზიციების თასი“ შემოიღოს. ამ საკითხზე, მსოფლიო ჩემპიონატის მონაწილე გუნდებისგან წინასწარი თანხმობა უკვე მიღებულია. ამ საკითხზე FIA-ს სტრატეგიულმა ჯგუფმა დისკუსია ჩაატარა, რომელზეც პირველ რიგში, პოულისთვის საჩემპიონატო ქულის მინიჭების საკითხი განიხილეს.

„ჰიუნდაიმ“ სრულიად ახალი „ჯენეზისი“ გაგვაცნო

Hyundai's All-New Genesis Revealed in Korea, Will Be Available Worldwide

28 ნოემბერი

„ჰიუნდაიმ“ ოფიციალურად მოხსნა საბურველი თავის სრულიად ახალ, მეორე თაობის სედან „ჯენეზისს“, რომელიც კორეულ კომპანიას პრემიუმ სეგმენტში პოზიციების გამყარებაში უნდა დაეხმაროს. ახალი სააღმასრულებლო სედანის დიზაინი ძირეულადაა შეცვლილი. ამასთან, ის ახალი ტექნოლოგიებით აღიჭურვა და უფრო სპორტული ხასიათი შეიძინა.

უიტმარში მაგნუსენის აყვანის მიზეზს გვიმხელს

Rival team reneged on Magnussen deal – Whitmarsh

27 ნოემბერი

„მაკლარენის“ შეფი მარტინ უიტმარში იმ მიზეზებზე ლაპარაკობს, რომელთა გამოც, ის იძულებული გახდა, გუნდში დროზე ადრე მიეყვანა უოკინგელთა პროტეჟე, დანიელი კევინ მაგნუსენი, რომელიც მომავალ სეზონში სერხიო პერესს შეცვლის. მას სურდა, რომ ახალგაზრდა პილოტს, ვინც ამ სეზონში ფორმულა რენო 3.5-ის სერიის ტიტული მოიპოვა, სხვა გუნდში მიეღო გამოცდილება და შემდეგ, უკვე სრულყოფილი პილოტი გადასულიყო „მაკლარენში“.

მასა ფ1-ის პეი-პილოტებს პროსტიტუტებს ადარებს

Massa likens Formula One pay-drivers to 'prostitutes'

27 ნოემბერი

„ფერარიში“ გატარებული რვა სეზონის შემდეგ, ფელიპე მასა „უილიამსში“ გადადის. სან პაულუს რბოლის შემდეგ, ბრაზილიელმა მრბოლმა გაზეთ „გლობოსთან“ ინტერვიუსას განაცხადა, რომ პეი-პილოტები პროსტიტუტებს აგონებენ. ბევრი თვლიდა, რომ ბრიტანულ გუნდში ადგილის მოპოვებაში მასას ბრაზილიელი სპონსორები დაეხმარნენ, თუმცა ის ირწმუნება, რომ ასე არაა და „პროფესიონალ“ მრბოლად რჩება.

„ნისანმა“ ტოკიოს შოუ კონცეპტუალური „Idx ფრიფლოუთი“ გაახალისა

Nissan Livens Up Tokyo Salon with Small, Lightweight IDx Freeflow Concept Duo

27 ნოემბერი

ტოკიოს მოტორ შოუზე „ნისანმა“ იმ ავტო ენთუზიასტების ვნებები გააღვიძა, რომლებსაც ჯერაც ახსოვთ ერთ დროს ძალიან პოპულარული კუპე KGC10 და „დატსანის“ ორკარიანი კუპეები. ასეთ ენთუზიასტებზე ზემოქმედების იარაღად, იაპონურმა კომპანიამ კონცეპტუალური „Idx ფრიფლოუს“ ორი, სპორტული და სამოქალაქო ვერსია გამოიყენა.

„აუდის“ ახალი R8 ოდნავ შემსუბუქდება

New 2015 Audi R8 to Only Be Slightly Lighter: Report

27 ნოემბერი

„ლამბორგინიმ“ უკვე შეწყვიტა თავის ისტორიაში ყველაზე გაყიდვად ავტომობილ „გალარდოს“ წარმოება. ამ ავტომობილის ნათესავი „აუდი R8“ კი ჯერ ისევ წარმოებაშია. თუმცა, მალე ბაზარზე ორივეს შემცვლელები გამოვა. „ლამბოს“ ახალ ავტომობილს „კაბრერა“ ჰქვია, „აუდი“ კი სახელის შეცვლას არ აპირებს. ორივე ახალი ავტომობილი ერთ პლატფორმაზე აიგება და მათი წარმოება მომავალ წელს დაიწყება.

„ბეემვემ“ 2014 წელს გამოსაშვები ყველა i8 გაყიდა

BMW Has Already Sold All i8 Models Allocated for 2014

27 ნოემბერი

„ბეემვეს“ ელექტრომობილების ბიზნესი შესანიშნავად დაიწყო - ჯერ იყო და i3-ზე იმდენად სოლიდური მოთხოვნა დაფიქსირდა, რომ ბავარიელები მისი წარმოების მოცულობის გაზრდას აპირებენ. ახლა კი „ბეემვეს“ გლობალური გაყიდვების შეფი იან რობერტსონი ამბობს, რომ 2014 წელს გამოსაშვები ყველა i8-ზე შეკვეთები უკვე მიღებულია. ოღონდ, მას არ დაუზუსტებია, რამდენი i8-ს წარმოება იგეგმება მომავალ წელს. შეგახსენებთ, რომ ამ სპორტული ელექტრომობილის მიწოდება ზაფხულში დაიწყება. გერმანიაში მისი ფასი 126 000 ევროა, ამერიკაში კი 135 700 დოლარი ღირს.

პერესი ალბათ „ფორს ინდიაში“ გადავა

Martin Whitmarsh relieved Sergio Perez set for Force India F1 seat

26 ნოემბერი

„მაკლარენის“ შეფი მარტინ უიტმარში გახარებულია იმ ფაქტით, რომ სერხიო პერესის ფორმულა ერთში დარჩენის შანსი მნიშვნელოვნად გაიზარდა, რადგან ის ახლოსაა „ფორს ინდიასთან“ კონტრაქტის გაფორმებასთან. როგორც ცნობილია, „მაკლარენმა“ პერესის ადგილზე დანიელი კევინ მაგნუსენი მიიწვია, თუმცა უიტმარშმა პირობა დადო, რომ მექსიკელს ფ1-ში დარჩენაში დაეხმარებოდა.

კარლოს ტავარესი „პეჟოს“ უხელმძღვანელებს

Carlos Tavares, Ex-Renault COO, to Become Peugeot CEO

26 ნოემბერი

„პეჟოს“ მალე ახალი მთავარი აღმასრულებელი ეყოლება, რომლის სახელიცაა კარლოს ტავარესი (ფოტოზე). ეს კაცი ახლახანს „რენომ“ მთავარი საოპერაციო მოხელის პოსტიდან დაითხოვა, რაც ნომენკლატურულად, კომპანიის მეორე უმაღლესი თანამდებობაა. შეგახსენებთ, რომ დათხოვნის მიზეზი ტავარესის განცხადება გახდა, რომელშიც მან რომელიმე დიდი საავტომობილო კომპანიის ხელმძღვანელობის სურვილი გამოთქვა.

„იაგუარ ლენდ როვერმა“ ჰელივუდში მემილიონე ავტომობილი გამოუშვა

JLR Celebrates 1 Million Vehicle Built at Halewood Factory

26 ნოემბერი

„იაგუარ ლენდ როვერმა“ გამოაცხადა, რომ ჰელივუდში მდებარე მისმა ქარხანამ მემილიონე ავტომობილი გამოუშვა. ეს ამ ქარხნის ამუშავებიდან 12 წლის შემდეგ მოხდა. 2001 წელს ამ ქარხანაში „იაგუარმა“ სედან X-ტაიპის წარმოება დაიწყო. მემილიონე ავტომობილი კი „ლენდ როვერის“ „რეინჯ როვერ ევოუკია“, რომელიც უნიკალური ეგზემპლარის სახით გამოუშვეს და მას კიბოს კვლევის კავშირის სასარგებლოდ გაიტანენ აუქციონზე.

„ფორდი“ სტოპ-სტარტს ყველა მასობრივ ავტომობილზე დააყენებს

Ford to Introduce Stop-Start on All Major Volume Vehicles

26 ნოემბერი

„ფორდ მოტორ კომპანიმ“ გამოაცხადა, რომ თავის ყველა ავტომობილზე, რომლებსაც გლობალურ ბაზარზე, მასობრივად ჰყიდის, სტანდარტულ ეკიპირებაში სისტემა სტოპ-სტარტს შეიტანს. ამის წყალობით, ამ ავტომობილების მიერ საწვავის მოხმარების საშუალო მაჩვენებელი კიდევ უფრო შემცირდება. ამგვარად, ცისფერი ოვალი საწვავის ეკონომიის მხრივ, მსოფლიო ლიდერი გახდება.

სტუმრად დიდ ჩემპიონთან (ვიდეო)

ანუ „რედ ბულის“ მიერ ახდენილი სიზმარი

25 ნოემბერი

ჯერ კიდევ ერთი კვირის წინ, ვინმეს რომ ეთქვა, სებასტიან ლოებთან ვიყავი, მასთან ფოტოები გადავიღე, მერე ვისადილე და რამე-რუმეებზეც ვისაუბრეთო, ვეტყოდი, კარგი სიზმარი გინახავს-თქო. მართლაც სიზმარს ჰგავს მსოფლიოს ცხრაგზის ჩემპიონთან ასეთი სიახლოვე. მაგრამ თურმე ხანდახან სიზმრებიც შეიძლება ახდეს... მეტადრე მაშინ, თუ ამას „რედ ბული“ მოისურვებს

გაუჭირდებოდათ...

Motor racing-Vettel takes record ninth win in a row

24 ნოემბერი

ქართველი ფეოლა იტყოდა, გაგიჭირდებოდათო - სებასტიან ფეტელს და „რედ ბულს“ იგულისხმებდა. ფეოლა კი არა, ყველა ასე იტყოდა, ვინც ამ უძლეველი ტანდემის ზედზედ მეცხრე გამარჯვებას უცქირა. ამჯერად ტრიუმფი სან პაულუს ინტერლაგუშზე შედგა. ფეტელმა და წითელმა ხარებმა ისევ ზურგზე დადეს ყველა მეტოქე.

ბატონი „ინტელიგენტ“ პერესს აქებს

Button says teams should sign 'intelligent' Perez

21 ნოემბერი

ჯენსონ ბატონი თავის აწ უკვე ყოფილ თანაგუნდელ სერხიო პერესს აქებს და ამობობს, რომ გუნდბმა, ვისაც ვაკანსიები ჯერაც აქვთ, ხელიდან არ უნდა გაუშვან ასეთი ჩამოყალიბებული და სწრაფი პილოტი. მან აღიარა, რომ ძალიან გაუკვირდა, როცა „მაკლარენის“ გადაწყვეტილება (მექსიკელის გაშვებაზე) შეიტყო. შეგახსენებთ, რომ პერესმა უოკინგელებთან მხოლოდ ერთი სეზონი დაჰყო, მის ადგილს კი მომავალი სეზონიდან დანიელი კევინ მაგნუსენი დაიკავებს.

ტოკიოში „ნისან ბლეიდგლაიდერის“ პრემიერა შედგა

Wraps Come Off Nissan’s BladeGlider Concept in Tokyo, will be Produced

21 ნოემბერი

„ნისანის“ კონცეპტუალური კუპე „ბლეიდგლაიდერი“ ახალი სიტყვაა საავტომობილო ინდუსტრიაში. სარბოლო „დელტაუინგის“ მსგავსად, მას მოკლე წინა კვალი და ჩვეულებრივი უკანა კვალი აქვს. სარბოლ ტრეკზე ასეთმა აგებულებამ გაამართლა და იაპონურმა კომპანიამ გადაწყვიტა, ის საერთო სარგებლობის გზებზეც გამოეყვანა. სწორედ ასეა - ეს კონცეპტუალური პროექტი იმისთვის არ შექმნილა, რომ ტოკიოს მოტორ შოუზე ჩვენების შემდეგ კომპანიის სხვა კონცეპტების სადგომზე მიეჩქმალათ. „ნისანს“ მისი წარმოება აქვს გადაწყვეტილი. და ეს ინფორმაცია ტოკიოში გამოაქვეყნა.

„პორშე მაკანი“ - უგზოობის კომპაქტური სპორტული ავტომობილი

Porsche Debuts Macan, Calls It the Sports Car of Compact SUVs

21 ნოემბერი

„პორშე მაკანი“ წელს საავტომობილო სამყაროს ერთ-ერთი ყველაზე გამორჩეული დებიუტანტია. ჯერ ერთი, მას დიდხანს მოუთმენლად ველოდით, რადგან ყველამ კარგად იცის, რომ ეს „პორშეს“ ბიზნესის მორიგი „ამაჩქარებელია“, რომლის წყალობითაც, გერმანული კომპანია, თავისი ისტორიის თვისობრივად ახალ ეტაპს იწყებს - მასობრივი მწარმოებელი ხდება.

პერესი ინდიქარში გადასვლას არ გამორიცხავს

Sergio Perez open to 2014 IndyCar move after losing McLaren F1 seat

20 ნოემბერი

სერხიო პერესი მზადაა, მომავალი სეზონიდან ინდიქარ-ის სერიაში გადავიდეს. ეს კი იმ შემთხვევაში მოხდება, თუ „მაკლარენიდან“ წამოსვლის შემდეგ, კონკურენტუნარიან გუნდში ადგილს ვერ იშოვნის. როგორც ცნობილია, ოუკინგელებმა მექსიკელის ადგილზე თავიანთი დანიელი პროტეჟე, კევინ მაგნუსენი აიყვანეს, რომელმაც ახლახანს ფორმულა რენო 3.5-ის ტიტული მოიპოვა.

„მერსედესის“ კონცეპტუალური GLA 45 AMG ლოს ანჯელესში

Mercedes' Concept GLA 45 AMG Chooses LA Show for World Debut

20 ნოემბერი

ჩრდილოეთ ამერიკაში ჰეჩბეკის ტიპის ავტომობილები პოპულარობით ვერ სარგებლობს. სამაგიეროდ, იქ მოსწონთ ჰეჩბეკის მსგავსი ავტომობილები, რომლებიც მაღალზე დგას - ქროსოვერები. ამის გათვალისწინებით, „მერსედესმა“ დაამზადა კონცეპტუალური GLA ქროსოვერი, რომელსაც დადაბლებული კლირენსი აქვს და რომლის ძარაც, აეროდინამიკური ელემენტებითაა დახუნძლული. ამასთან, ის A45 AMG-ს 2.0-ლიტრიანი ტურბო ძრავითაა აღჭურვილი, რომელიც 355 ცხენის ძალას და 450 ნიუტონმეტრს ავითარებს.

„ჰონდა“ კონცეპტუალურ მინი როდსტერ S660-ს გამოუშვებს

Honda Feels the Beat with New Production-Intent S660 Roadster Concept

20 ნოემბერი

„ჰონდა“ ტოკიოს მოტორ შოუს ალბათ ყველაზე აქტიური მონაწილეა - იქ ყველაზე მეტი სიახლე სწორედ მას აქვს წარდგენილი. ამ სიახლეთაგან ერთ-ერთი კი პატარა როდსტერი S660-­ია, რომელიც მალე იაპონურ ბაზარზე გამოჩნდება. თუმცა, არაა გამორიცხული, რომ სხვა ქვეყნებშიც შეიტანონ.

„რედ ბული“ პიტსტოპების რეკორდსმენიც გახდა

Red Bull's 1.9-second pitstop F1's fastest ever recorded

20 ნოემბერი

ზედიზედ მეოთხე ტიტულები როგორც პილოტების, ისე გუნდების ჩათვლაში, ზედიზედ მოპოვებული რვა გამარჯვება, პოულები, უსწრაფესი წრეები, ვადამდე მოპოვებული ჩემპიონობა - ეს ყველაფერი ამ სეზონში „რედ ბულის“ და მისი გერმანელი ფავორიტის, სებასტიან ფეტელის მიღწევაა. ამერიკაში ამ ყველაფერს კიდევ ერთი - უსწრაფესი პიტსტოპი დაემატა, ოღონდ ის მარკ ვებერის და მისი მომსახურე პერსონალის დამსახურებაა.

ახალი „მუსტანგის“ პრემიერა მსოფლიოს ექვს ქალაქში გაიმართება

2015 Ford Mustang Debut to Take Place in Six Cities Around the World

20 ნოემბერი

„ფორდმა“ რომ ახალი „მუსტანგის“ მსოფლიო პრემიერა 5 დეკემბერს დაინიშნა, ეს უკვე გაცნობეთ. დრეს ცისფერმა ოვალმა ამ ავტომობილის პრემიერასთან დაკავშირებით კიდევ ერთი საინტერესო ამბავი გაგვანდო - პრემიერა ერთდროულად მსოფლიოს ექვს ქალაქში გაიმართება.

კენ ოკუიამას ახალი სპორტსმენი - „კოდ9“

Ken Okuyama Design's Kode9 is Japan's Answer to the Elise

20 ნოემბერი

კენ ოკუიამა საავტომობილო ინდუსტრიაში ცნობილი დიზაინერია. შესაძლოა, მისი სახელი ბევრს არაფერს გეუბნებათ, მაგრამ პროექტები, რომლებსაც „პინინფარინაში“ მუშაობისას კურირებდა, ფართო მასებისთვის ცნობილია. ესენია „ფერარი 599“, „მიცუბიში კოლტ CZC“, „მაზერატი ბერდქეიჯი“, „ფერარი P4/5“ და რა თქმა უნდა, „ფერარი ენცო“. 2006 წლიდან იაპონელი დიზაინერი საკუთარ კომპანიას უძღვება, რომელიც მის სახელს ატარებს.

ახალი „ფორდ ეჯი“ კონვეიერიდან რამდენიმე ნაბიჯშია

New Ford Edge Concept is a Couple of Steps Before Production

20 ნოემბერი

ლოს ანჯელესის მოტორ შოუზე, „ფორდი“ მეორე თაობის საშუალო ზომის უგზოობის „ეჯის“ კონცეპტუალურ ვერსიას წარადგენს, რომლის ფოტოები და მცირე ინფორმაციაც შოუს გახსნამდე რამდენიმე საათით ადრე გამოაქვეყნა. ეს ავტომობილი გარეგნულად ახლოსაა იმ ვერსიასთან, როგორიც ბაზარზე გამოვა. ყველაზე მთავარი კი ისაა, რომ „ეჯი“ ამიერიდან გლობალური მოდელი ხდება, რაც კომპანიის სტრატეგიის შედეგია.

„სუბარუს“ კონცეპტუალური „ქროს სპორტი“

Subaru Cross Sport Design Concept Looks Like a BRZ Outback Edition

20 ნოემბერი

ტოკიოს მოტორ შოუზე „სუბარუ“ კონცეპტუალურ სპორტულ ქროსოვერ „ქროს სპორტს“ წარადგენს. პრემიერამდე ცოტა ხნით ადრე კი ამ ავტომობილის ფოტოები ინტერნეტით გაავრცელა. იაპონურ კომპანიამ ამ კონცეპტის შესახებ მხოლოდ ის გაგვიმხილა, რომ მისი სიგრძე 4 300 მილიმეტრია.

„ჰონდა“ ელექტრომობილების ტრენდში ჯუჯა MC-β-ით ერთვება

Honda's New Micro-Sized MC-β Looks Like an Electric Golf Kart

19 ნოემბერი

 პატარა საქალაქო ელექტრომობილები თანდათან სულ უფრო პოპულარული ხდება. ეკონომიურობის და გარემოსადმი მეგობრულობის გარდა, ისინი დიდი ქალაქების გადატვირთულ ქუჩებში ყველანაირად მოსახერხებელია - ადვილია მათი პარკირება და საცობებშიც ადვილად გაიკვლევთ გზას. „რენო ტვიზი“ ამ კლასში ერთ-ერთი პიონერია. მალე ბაზარზე მისი ტყუპისცალი გამოჩნდება „ნისანისგან“, მათ კი კონკურენციას „ჰონდას“ ჯუჯა ელექტრომობილი გაუწევს, რომელსაც უცნაური სახელი აქვს - MC-β (ემსი-ბეტა).

ახალი „მუსტანგის“ პრემიერა 5 დეკემბერს დაინიშნა

Ford Makes 2015 Mustang Reveal Date Official: December 5, 2013

19 ნოემბერი

ახალი „მუსტანგის“ პრემიერის დღეც დაინიშნა - ავტომობილს, რომელზეც უკვე ორ წელზე მეტია, ლაპარაკი არ წყდება, „ფორდი“ პირველად ოფიციალურად 5 დეკემბერს წარგვიდგენს. ამ ინფორმაციასთან ერთად, ცისფერმა ოვალმა ვიდეო ტიზერიც გამოაქვეყნა, რომელიც ძალიან ზოგადია და მასში რა თქმა უნდა, ახალ ავტომობილს, ან მის ფრაგმენტებს ვერ ნახავთ. გერმრიელ ნაჭრებს ცალ-ცალკე კი არა, პრემიერის დროს სრულად, „ტორტის“ სახით მივიღებთ.

„ფორდ F-სერიის“ წლევანდელი გაყიდვები შარშანდელს გასცდა

Ford F-Series Sales in 2013 Surpass 2012 Figures

19 ნოემბერი

სედან „ფიუჟნის“ გარდა, ძალიან გაზრდილია „ფორდის“ კიდევ ერთი ავტომობილის, ამერიკის ბაზრის ბესტსელერის, F-სერიის პიკაპის გაყიდვები, რომელიც წლის პირველ ათ თვეში იმდენივეა გაყიდული, რაც შარშან მთელი წლის განმავლობაში გაიყიდა. ამასთან, ეს ავტომობილი უკვე 32-ე წლია, რაც ინარჩუნებს ამერიკის ყველაზე გაყიდვადი ავტომობილის წოდებას.

„ნისან GT-R ნისმო“ ნურბურგრინგზე შვიდ წუთს მიუახლოვდა

New 592HP Nissan GT-R Nismo is the Fastest One Ever, Watch it Lap 'Ring in 7:08

19 ნოემბერი

ტოკიოს მოტორ შოუზე, „ნისანი“ და მისი შვილობილი „ნისმო“, ამ უკანასკნელის მიერ მომზადებულ „ნისან GT-R ნისმოს“ წარადგენენ, რომელიც იაპონურმა კომპანიამ ოფიციალურ პრემიერამდე გაგვაცნო. ოღონდ, ამის მთავარი მიზეზი ის კი არ იყო, რომ მოუთმენელი მედიის ცნობისმოყვარეობა დაეკმაყოფილებინა, არამედ ის, რომ ჩვენთვის საკუთარი მიღწევა ემცნო - „ნისანის“ მთავარი აღმასრულებელი კარლოს გონი სიამაყით გვატყობინებს, რომ „ნისან GT-R ნისმომ“ ნურბურგრინგის ჩრდილოური მარყუჟი 7 წუთსა და 08.679 წამში გაიარა!

„საოცნებო დღეები სენა მოტორსისგან“

19 ნოემბერი

ასე ჰქვია იმ ორთვიან აქციას, რომელსაც „ჰონდას“ ავტომობილების ოფიციალური დისტრიბუტორი საქართველოში, კომპანია „სენა მოტორსი“ მყიდველს სთავაზობს. კერძოდ, აქცია ითვალისწინებს მყიდველის მიერ ძველი „ჰონდას“ (ნებისმიერი მოდლის) ჩაბარებას და მის ნაცვლად, ახლის შეძენას. კომერციის ეს ტიპი ტრეიდ-ინის სახელითაა ცნობილი და რა თქმა უნდა, ის ახალი ავტომობილის ფასისთვის, ძველი ავტომობილის ფასის დაკლებას ითვალისწინებს.

„ფორდ ფიუჟნის“ ამერიკული გაყიდვები ძალიან სწრაფად იზრდება

Ford Fusion US Sales Surge, Could Challenge Toyota Camry

18 ნოემბერი

საშუალო ზომის სედან „ფორდ ფიუჟნზე“ ამერიკის ორივე სანაპიროს დიდ ქალაქებში ნამდვილი ბუმია. ნიუ იორკში, სან ფრანცისკოში, მაიამისა და ლოს ანჯელესში მომუშავე დილერებს ამ ავტომობილის გაყიდვები მინიმუმ 62 პროცენტით გაეზარდათ. და რაც მთავარია, მყიდველთა შორის ბევრის წინა ავტომობილი „ტოიოტა“, ან „ჰონდა“ იყო.

„ჰიუნდაი“ ახალი ტიპის შიდაწვის ძრავზე მუშაობს

Hyundai Wants to Make a Twin-Charged 1.8-Liter Compression-Ignition Gasoline Engine

18 ნოემბერი

ახლახანს „ჰიუნდაიმ“ გამოაცხადა, რომ მისი ინჟინრები სრულიად ახალ, 1.8-ლიტრიან GDCI (ბენზინის უშუალო შეფრქვევით და შეკუმშვით) ძრავზე მუშაობენ, რომელიც ერთდროულად ორი ტიპის (ოტოს და დიზელის) ძრავის პრინციპით იმუშავებს, რომლის კუმშვის ხარისხიც 14.8:1-ზე იქნება და რომელსაც ტურბო და მექანიკური დამჭირხნები მოემსახურება. და რაც მთავარია, არ ექნება სანთლები.

„ლოტუსს“ ჰულკენბერგი მალდონადოს ურჩევნია

Lotus prefers Hulkenberg over Maldonado for 2014

18 ნოემბერი

ნიკო ჰულკენბერგის მომავალი ჯერ კიდევ გაურკვეველია. მას შემდეგაც კი, რაც „ლოტუსმა“ ახალი სპონსორი იშოვნა საინვესტიციო ჯგუფ „კვანტუმის“ სახით. ჯერ მათ შორის კონტრაქტი არ გაფორმებულა, თუმცა ეს საქმე დიდხანს აღარ გაჭიანურდება. და თუ ასე მოხდა, ენსტოუნელებს პასტორ მალდონადოს სპონსორი, ვენესუელას ნავთობკომპანია PDVSA და მისი სეზონური 40 მილიონი ევრო აღარ სჭირდება. უფრო სწორედ, უარს ასეთ ფულზე არავინ იტყვის, მაგრამ ერთ გუნდს ორი ტიტულოვანი სპონსორი ვერ ეყოლება...

კოვალაინენს წინა ფრთის პრობლემა ჰქონდა

Kovalainen blames front wing problem for struggles

18 ნოემბერი

მიუხედავად იმისა, რომ პრაქტიკებსა და კვალიფიკაციაზე შთამბეჭდავად გამოიყურებოდა - სტარტზე მერვე ადგილის დაკავების უფლება მიიღო, ჰეიკი კოვალაინენი რბოლისას „არ ჩანდა“ და საბოლოოდ მე-15 ადგილს დასჯერდა, რაც „ლოტუსისთვის“, რომლის რომენ გროჟანმაც მეორე ადგილი დაიკავა, აშკარად შეუფერებელი შედეგია. მაგრამ როგორც ირკვევა, ფინელ მრბოლს პრობლემები ჰქონია.

„ლოტუსის“ შეფი გროჟანს უკვე სუპერ ვარსკვლავად მოიხსენიებს

Lotus reckons Romain Grosjean now among top four Formula 1 drivers

18 ნოემბერი

რომენ გროჟანმა ბოლო ხუთი რბოლიდან მეოთხე დაასრულა კვარცხლბეკზე, რაც უდაოდ შესანიშნავი მაჩვენებელია. ის სამჯერ დადგა მესამე საფეხურზე, ამერიკაში კი მხოლოდ სებასტიან ფეტელთან დამარცხდა და მასაც მხოლოდ 6 წამით ჩამორჩა. ამ ფაქტის გამო, „ლოტუსის“ შეფი ერიკ ბუიე ამბობს, რომ გროჟანი თანამედროვე ფ1-ის პილოტების მოწინავე ოთხეულში შედის და დასძენს, რომ გუნდს მისი სახით, სუპერ ვარსკვლავი ჰყავს.

თამაშისთვის შექმნილი სუპერ ავტომობილის კონცეპცია

Mercedes AMG Vision Gran Turismo is ready for Gran Turismo 6

17 ნოემბერი

ასეთი რამ ავტო ინდუსტრიაში ალბათ პირველად ხდება, ყოველ შემთხვევაში, ასეთი რეზონანსი მსგავს ამბავს ადრე არასდროს გამოუწვევია - „მერსედს-ბენცმა“ სპეციალურად თამაშისთვის (სონის პლეისტეიშნ 3-თვის გრან ტურიზმო 6) სუპერ ავტომობილის კონცეპცია შეიმუშავა. სამწუხაროდ, სამქიმიანები ამ ავტომობილის წარმოებას არ აპირებენ, თუმცა სპეციალურად, სანივეილში (კალიფორნია) კვლევისა და განვითარების ახალი ცენტრის გახსნასთან დაკავშირებით, მის 1:1-ზე მასშტაბის მოდელი დაამზადეს.

ამერიკაში გამარჯვებით ფეტელმა ახალი რეკორდი დაამყარა

Motor racing-Vettel sets record with U.S. Grand Prix win

17 ნოემბერი

ოსტინის რბოლაზე სალაპარაკო მხოლოდ ისაა, რომ სებასტიან ფეტელმა ზედიზედ მერვე გამარჯვება მოიპოვა. და ისიც, რომ თუ ბრაზილიაშიც მოიგებს, ალბერტო ასკარის რეკორდს გაიმეორებს - ზედიზედ მოგებული ცხრა რბოლით. მაგრამ ასკარიმ ამას ორი სეზონის ჯამში მიაღწია.

„ტატა“ მოდულური პლატფორმით გლობალურ ექსპანსიას გეგმავს

Tata plans for global expansion with new modular platform

17 ნოემბერი

ინდური საავტომობილო კომპანია „ტატა მოტორსი“, თავისი ბიზნესის მთელს მსოფლიოში გაშლას აპირებს, რისთვისაც ბაზარზე მსუბუქი ავტომობილების მთელ ოჯახს გამოუშვებს. ეს ავტომობილები საერთო, მოდულურ პლატფორმაზე აიგება და ისინი მთელს მსოფლიოში გაიყიდება. კომპანიას შემუშავებული აქვს პროექტების პაკეტი, რომელთა განხორციელებაც ექვს წელიწადზეა გათვლილი.

„ფორდ ფიუჟნ ენერჯის“ სალონი „კოკა-კოლას“ ბოთლებისგან

This Ford Fusion Energi Features Interior Fabrics Made of...Coke Bottles

16 ნოემბერი

დაახლოებით სწორედ ასეა - „ფორდმა“ და „კოკა-კოლამ“ ერთობლივად შეიმუშავეს ჰიბრიდულ სედან „ფიუჟნ ენერჯის“ ექსპერიმენტული ვარიანტი, რომლის სალონის ზოგიერთი დეტალი, როგორებიცაა სავარძლების ბალიშები, სავარძლების ზურგები, საკისრეები, კარის პანლები და სხვა, უალკოჰოლო სასმელების მწარმოებელი გიგანტის მიერ შემუშავებულ ტექნოლოგია „პლანტბოტლით“ დამზადდა. ექსპერიმენტულ ავტომობილს, მისი შემქმნელები პირველად ლოს ანჯელესის ავტო შოუზე წარადგენენ.

მოწინავე რიგი ისევ „რედ ბულისაა“

Motor racing-Vettel grabs pole for U.S. Grand Prix

16 ნოემბერი

ერთადერთი, ვისაც სებასტიან ფეტელისთვის მორიგი პოულის მოპოვებაში ხელის შეშლა შეეძლო, მარკ ვებერია, რომელმაც წინა სამი ეტაპიდან, ეს ორზე (სუზუკასა და აბუ დაბიში) შეძლო, მაგრამ ამჯერად მისმა ტიტულოვანმა თანაგუნდელმა იმარჯვა და ამ სეზონში მერვედ დაეუფლა პოულს, რომელსაც მისი ზედიზედ მერვე გამარჯვებამდე მიყვანა შეუძლია.

ჰამილტონს შასი შეუცვალეს

Struggling Hamilton to race new chassis

16 ნოემბერი

სეზონის ბოლო ორ რბოლაში ლუის ჰამილტონი ახალი შასით იასპარეზებს. მისი რამდენიმე უხეირო გამოსვლის შემდეგ, „მერსედესმა“ მანქანის შასი შეამოწმა და აღმოჩნდა, რომ ის გაბზარულია. ამ ინფორმაციას გერმანული ჟურნალი „აუტო მოტორ უნდ შპორტი“ ავრცელებს.

რაიკონენმა ოპერაცია გაიკეთა

Raikkonen surgery 'went well'

15 ნოემბერი

კიმი რაიკონენმა ზალცბურგის ჰოსპიტალში წელზე ოპერაცია გაიკეთა. ამ ინფორმაციას ფინური ტელეკომპანია „MTV სპორტი“ ავრცელებს. ტრავმა, რომლის გამოც ფინელმა მრბოლმა ოპერაცია გაიკეთა, მას დიდი ხანია, აწუხებს. მის გამო, სინგაპურის ეტაპის გამოტოვებასაც კი ფიქრობდა, თუმცა მაშინ გამაყუჩებლების წყალობით გაიქრო ტკივილები.