ჯერ ალონსო, შემდეგ ფეტელი

Vettel and Alonso set the pace in Spain

10 მაისი

დიდი პრიზების ქარავანი ევროპას დაუბრუნდა. პირველი გაჩერება ბარსელონაა, რომლის მონტმელოზეც, ფ1-ის მსოფლიო ჩემპიონატის მეხუთე ეტაპი ჩატარდება. ტრადიციულად, ეტაპის პირველ დღეს თავისუფალი პრაქტიკები ჩატარდა, რომლებმაც გამოავლინა, რომ მოწინავეთა რიგები უცვლელი დარჩება. ყოველ შემთხვევაში, კონკურენტუნარიანობის მხრივ, არაფრის მთქმელ სესიებზე, საუკეთესონი ისევ „რედ ბულის“, „ფერარის“ და „ლოტუსის“ მრბოლები არიან. და თუ პირველი სესიის შემდეგ, სამეულში „ტორო როსოს“ ჟან-ერიკ ვერნი გამოჩნდა, ეს მეტწილად წვიმის დამსახურებაა.

სებასტიან ფეტელი, ფერნანდო ალონსო და მარკ ვებერი ის სამი პილოტია, რომლებმაც ერთი წრის წუთსა და 23 წამზე ნაკლებში გავლა შეძლეს. ყველაზე სწრაფი ფეტელი გამოდგა, ვისაც 0.017 წამით ჩამორჩა ალონსო, ვებერი კი ესპანელისგან 0.66 წამში „გაჩერდა“. მოკლედ, მოთელვამ საქმიან რეჟიმში ჩაიარა და ვინ რით ეწვია ბარსელონას, ეს კვალიფიკაციაზე გამოჩნდება.

კვალიფიკაციაზე იმიტომ, რომ რბოლამდე სწორედ ისაა. მეორეც, ესპანეთის წინა 22 დიდი პრიზიდან, 18 იმან მოიგო, ვინც სტარტზე პირველი იდგა. ამასთან, მხოლოდ ერთი შემთხვევა დაფიქსირდა (1996 წელს) ისეთი, რომ რბოლა პირველი რიგიდან არ მოუგიათ. ეს გამონაკლისი მიხაელ შუმახერმა შეასრულა, რომელმაც სტარტი მესამე ადგილიდან აიღო. მოკლედ, საინტერესო სტატისტიკაა, რომელიც ხანდახან მაინც ირღვევა...

თუმცა, ეს სტატისტიკა პილოტებს კვალიფიკაციაში გამარჯვებაზე მაინც განსაკუთრებულად დაგეშავს. ამ საქმეში კი „რედ ბულს“, „ლოტუსს“ და „ფერარის“ სერიოზულ კონკურენციას „ერთ წრეზე სწრაფები“ – „მერსედესის“ პილოტები გაუწევენ.

ბარსელონაში მნიშვნელოვნად გადახალისებული მანქანით ჩავიდა „მაკლარენი“, რომელსაც გასული სეზონის მიწურულს უსწრაფესი მანქანა ჰქონდა, მაგრამ ეს სეზონი უხეიროდ დაიწყო. გუნდმა სამკვირიანი პაუზა პროდუქტიულად გამოიყენა, მაგრამ რა შედეგი ექნება, ჯერ ძნელი სათქმელია, რადგან პირველ სესიაზე ჯენსონ ბატონი ტრასაზე საერთოდ არ გამოსულა. სერხიო პერესის მანქანა კი ჯერ ახალი ელემენტებით აღჭურვილი არაა.

გუნდმა ჩათვალა, რომ სველ ტრასაზე მანქანის დაზიანების ალბათობა მეტისმეტად დიდი იყო, ახალი ნაწილების სათადარიგოები კი ჯერ არ აქვთ. სწორედ ამიტომ გააჩერეს ბატონი, რომელიც მეორე სესიაზეც ფრთხილად იყო და საბოლოოდ, მე-12 შედეგს დასჯერდა.

ესპანეთის დიდი პრიზი

პირველი პრაქტიკა

1. ფერნანდო ალონსო (ესპანეთი, ფერარი)                    1:25.252

2. ფელიპე მასა (ბრაზილია, ფერარი)                              1:25.455

3. ჟან-ერიკ ვერნი (საფრანგეთ, ტორო როსო)                1:25.667

4. რომენ გროჟანი (საფრანგეთი, ლოტუსი)                   1:26.042

5. ადრიან სუტილი (გერმანია, ფორს ინდია)                1:26.212

6. ლუის ჰამილტონი (ბრიტანეთი, მერსედესი)           1:26.374

7. ვალტერი ბოტასი (ფინეთი, უილიამსი)                     1:26.456

8. კიმი რაიკონენი (ფინეთი, ლოტუსი)                           1:26.614

9. ნიკო როსბერგი (გერმანია, მერსედესი)                     1:26.621

10. პოლ დი რესტა (ბრიტანეთი, ფორს ინდია)            1:26.755

11. დანიელ რიკიარდო (ავსტრალია, ტორო როსო)     1:26.940

12. ნიკო ჰულკენბერგი (გერმანია, ზაუბერი)                1:27.061

13. სერხიო პერესი (მექსიკა, მაკლარენი)                       1:27.135

14. ესტებან გუტიერესი (მექსიკა, ზაუბერი)                 1:27.250

15. პასტორ მალდონადო (ვენესუელა, უილიამსი)      1:27.576

16. ჰეიკი კოვალაინენი (ფინეთი, კატერჰემი)               1:28.373

17. გიედო ვან დერ გარდე (ჰოლანდია, კატერჰემი)    1:28.600

18. ჟიულ ბიანკი (საფრანგეთი, მარუსია)                      1:28.887

19. სებასტიან ფეტელი (გერმანია, რედ ბული)            1:29.457

20. მარკ ვებერი (ავსტრალია, რედ ბული)                     1:29.473

21. როდოლფო გონსალესი (ვენესუელა, მარუსია)      1:30.314

22. ჯენსონ ბატონი (ბრიტანეთი, მაკლარენი)              დროის გარეშე

მეორე პრაქტიკა

1. სებასტიან ფეტელი (გერმანია, რედ ბული)              1:22.808

2. ფერნანდო ალონსო (ესპანეთი, ფერარი)                   1:22.825

3. მარკ ვებერი (ავსტრალია, რედ ბული)                       1:22.891

4. კიმი რაიკონენი (ფინეთი, ლოტუსი)                          1:23.030

5. ფელიპე მასა (ბრაზილია, ფერარი)                              1:23.110

6. ლუის ჰამილტონი (ბრიტანეთი, მერსედესი)           1:23.140

7. ნიკო როსბერგი (გერმანია, მერსედესი)                     1:23.398

8. ადრიან სუტილი (გერმანია, ფორს ინდია)                1:23.840

9. ჟან-ერიკ ვერნი (საფრანგეთ, ტორო როსო)                1:24.058

10. პოლ დი რესტა (ბრიტანეთი, ფორს ინდია)            1:24.104

11. დანიელ რიკიარდო (ავსტრალია, ტორო როსო)     1:24.175

12. ჯენსონ ბატონი (ბრიტანეთი, მაკლარენი)               1:24.306

13. სერხიო პერესი (მექსიკა, მაკლარენი)                       1:24.854

14. ვალტერი ბოტასი (ფინეთი, უილიამსი)                  1:24.888

15. ნიკო ჰულკენბერგი (გერმანია, ზაუბერი)                1:25.167

16. პასტორ მალდონადო (ვენესუელა, უილიამსი)      1:25.321

17. ესტებან გუტიერესი (მექსიკა, ზაუბერი)                 1:25.441

18. რომენ გროჟანი (საფრანგეთი, ლოტუსი)                 1:25.851

19. გიედო ვან დერ გარდე (ჰოლანდია, კატერჰემი)    1:25.963

20. ჟიულ ბიანკი (საფრანგეთი, მარუსია)                      1:26.078

21. შარლ პიკი (საფრანგეთი, კატერჰემი)                       1:26.930

22. მაქს ჩილტონი (ბრიტანეთი, მარუსია)                     1:26.970