ლოები „მაკლარენ MP4-12C GT3-ით“ იასპარეზებს

Sebastien Loeb to race a McLaren MP4-12C GT3 in 2013

7 დეკემბერი

სებასტიან ლოები მომავალ სეზონში არამხოლოდ რალის მსოფლიო ჩემპიონატის მხოლოდ ცალკეულ რბოლებში მონაწილეობას გეგმავს, არამედ დიდი ტურიზმის კლასშიც მოსინჯავს ძალას. GT სპრტინტის სერიაში, ის „მაკლარენ MP4-12C GT3-ით“ იასპარეზებს.

გარდა ამისა, რალიში მსოფლიოს ცხრაგზის ჩემპიონი საკუთარ გუნდს - „სებასტიან ლოებ რეისინგ ტიმს“ ჩამოაყალიბებს, რომელიც „სიტროენის“ ავტომობილით, ტურინგის კლასის მსოფლიო ჩემპიონატზე 2014 წელს იასპარეზებს. ოღონდ, ჯერ არ გადაუწყვეტია, ორიდან ერთ-ერთი მანქანის საჭეს თვითონაც მიუჯდება, თუ არა.

„ვაპირებ GT-ს მსოფლიო ჩემპიონატზე გამოსვლას. ამ სერიის ფორმატი ძალიან მომეწონა - ყოველ ეტაპზე, ორი ერთსაათიანი რბოლა ჩატარდება. გუნდში ორი მრბოლი გვეყოლება, რბოლების დროს კი საბურავების შეცვლაც დაშვებულია“, - ამბობს ლოები, ვინც სარბოლი „მაკლარენ MP4-12C GT3-ის“ გაცნობა ამ სეზონში, ავტოდრომ პოლ რიკარზე, ფრანგული GT ტურის რბოლისას შეძლო.